Incest Koi To Rok Lo

[Naik]

Very nice great going excellent update brother
Keep posting
Waiting for next update
Thank you

 

[Mahesh007]

Dada aap ne kaha us ldki ki bat mene bese hi kahdi the lekin mera man na ye he ki aap jesa lekhak kuch bhi bese hi nahi likhta har sabd ka mat lab hota he aap mujhe bese hi nahe tarka sakte he me manta hu ki me lekhak nahi hu na hi likhne ki samajh he lekin padh ne sayad he is liye mera kathan ye he ki aap jesa bahtrin lekhak kuch bhi faltu nahi likh sakta bese bhi is kahani ko xf ke samay se karb 100 bar padh chuka hu

 

[Naughtyrishabh]

Besabri se sir jii ,

Intjaar

 

[Innocent Aarya ~☆~]

Ko To Rok Lo {Update - 232}
____________________________

Lekin mai unki baat sunkar, bike se utar gaya. Mere bike se utarte hi vaani didi bike par baith gayi aur mujhe pichhe baithne ko kahne lagi. Ye dekh kar mehul ne fauran hi vaani didi ko tokte huye kaha.

Mehul bola “didi, aap iski khatara bike kyo chala rahi hai. Ise chalane me aapko jara bhi maja nahi aayega. Yadi aapko bike chalana hi hai to, aap meri pulsar chala lijiye. Aapko bahut maja aayega.”

Mehul ki ye baat sunkar, mai use ghoor kar dekhne laga. Wahi vaani didi ne uski is baat ka jabab dete huye kaha.

Vaani didi boli “nahi, aaj nahi. Abhi tumko bhi ghar jaane ke liye der ho rahi hai. Abhi tum ghar jao. Mai fir kabhi tumhari bike chala lugi.”

Vaani didi ki baat sunkar, mehul ne apni bike utha li aur mai vaani didi ke pichhe baith gaya. Fir mehul apne ghar ke liye nikal gaya aur mai vaani didi ke sath apne ghar aa gaya.

Hum ghar pahuche to, ghar me bilkul hi sannata tha. Na to ami nimi kahi najar aa rahi thi aur na hi chhoti maa kahi najar aa rahi thi. Keerti aur neha hall me baithi baten kar rahi thi.

Lekin mere liye ghar ka ye najara bilkul hi naya tha. Kyoki chhoti maa aur ami nimi roj hi mujhe mere school se aane ka intejar karti milti thi. Ghar aate hi sabse pahle mujhe ami nimi ka shor gul sunayi diya karta tha.

Wo bhale hi mere pahle school se wapas aa jati thi. Lekin khana wo mere sath hi khaya karti thi. Lekin aaj mujhe school se aane me kuch jyada hi der ho gayi thi aur wo dono aaj ghar me hi thi.

Fir bhi mujhe ummid thi ki, abhi tak un dono ne khana nahi khaya hoga. Apne ghar aate hi, unhe apne samne na pakar mujhe unki kami akharne lagi aur chhoti maa ko na dekh kar mujhe unke gusse ka dar bhi satane laga tha.

Vaani didi aate hi, muh hath dhone ki baat kah kar apne kamre me jaane lagi. Tabhi keerti ki najar bhi humare upar pad gayi. Usne meri halat dekhi to, ghabrate huye mujhse puchha.

Keerti boli “tumhari ye halat kaise huyi. Kya kisi ke sath jhagda hua hai.”

Keerti ki baat sunkar, vaani didi ne dhire se use chup karate huye kaha.

Vaani didi boli “tu abhi apna muh band rakh. Yadi mausi ne iski aisi halat dekh li to, abhi hungama suru ho jayega. Pahle ise apni halat sudhar lene de. Fir mai tujhe saari baat bata dugi.”

Abhi vaani didi itni hi baat bol payi thi ki, tabhi chhoti maa apne kamre se bahar nikal aayi. Un ne shayad andar se keerti ki aawaj sun li thi. Isliye wo is baat ko pata karne ke liye bahar aayi thi.

Lekin jab un ne bahar aakar meri ast vyast halat ko dekha aur mere kapdo par daag dhabbe lage dekhe to, unhe samajhte der nahi lagi ki, mera kisi ke sath jhagda hua hai. Un ne mere pas aakar gusse me puchha.

Chhoti maa boli “ye tune apni kya halat bana rakhi hai. Tu kiske sath jhagda karke aa raha hai.”

Chhoti maa ki is baat ke jabab me mujhse to apni safayi me kuch kahte nahi bana. Lekin vaani didi ne chhoti maa ki is baat ka jabab dete huye kaha.

Vaani didi boli “mausi, kuch ladko ne ise bahut buri tarah se peeta hai. Wo to acha hua ki, usi samay mai pritam ke sath waha se gujar rahi thi aur maine inka jhagda dekh liya. Maine un ladko ko aisa sabak sikhaya hai ki, ab wo iski taraf aankh uthane ki bhi galti nahi karege.”

Lekin chhoti maa ke upar vaani didi ki is baat ka kuch asar nahi pada aur un ne vaani didi se ulte sawal karte huye kaha.

Chhoti maa boli “lekin ise kisi se maar peet karne ki kya jarurat pad gayi. Kahi kisi ladki ka chakkar to nahi tha.”

Chhoti maa ki ye baat sunkar, mai hadbada gaya. Mujhe laga kahi wo meri girlfriend ki vajah se mera jhagda hone ki baat to nahi soch rahi hai. Lekin vaani didi ne is baat ko saaf kate huye kaha.

Vaani didi boli “mausi jaisa aap soch rahi hai. Waisa hi kuch hua hai.Yash vardhan ka beta aur uske dost nitika ki saheli shilpa ko chhed rahe the. Ye unhe aisa na karne ke liye samjhane laga to, un ne ise maa ki gaali de di.”

“Ab aap to janti hai ki, is se apni maa bahno ke khilaf kuch sahan nahi hota hai. Bas isi vajah se ye un se bhid gaya. Lekin wo 5 log the. Isliye is par bhari pad gaye aur sabne mil kar iski pitayi kar di.”

“Lekin ab unki ye pitayi, un par hi bhari padne wali hai. Maine un sabko hawalat ki hawa khane ke liye bhej diya hai. Ab yash vardhan bhi unhe aasani se bahar nahi nikal payega.”

Vaani didi ki puri baat sunkar, chhoti maa kuch pareshan si ho gayi aur un ne apni chinta jahir karte huye kaha.

Chhoti maa boli “vaani beta, tum logon ko yash vardhan ke bête se nahi ulajhna chahiye tha. Yash vardhan acha aadmi nahi hai aur wo mujhe bhi…”

Lekin achanak hi chhoti maa mujhe dekh kar, apni puri baat kahte kahte ruk gayi. Magar shayad vaani didi unki aage ki baat janti thi. Isliye un ne chhoti maa ko dilasa dete huye kaha.

Vaani didi boli “mausi, yadi yash vardhan acha aadmi nahi hai to, mujhse bhi bura koi dusra nahi hai. Mere samne yash vardhan ki aukat itni bhi nahi hai ki, wo meri aasten ka ek button bhi nahi tod sake.”

“Aap bilkul bhi fikar mat kijiye. Yash vardhan ke bête ki ye galti, yash vardhan ko bahut bhari padne wali hai. Yadi maine yash vardhan ko aapke samne naak ragadne par majbur na kar diya to, mera naam bhi vaani nahi hai.”

Vaani didi ki is baat ko sunne ke bad chhoti maa ke chehre par chinta ki rekhayen saaf dekhi ja sakti thi. Wo kuch pareshan si lag rahi thi aur kisi gahri soch me dubi huyi thi.

Lekin jaise hi unki najar mere hath par lagi kharoch par padi. Wo apni saari pareshaniyon ko jhatak kar mere hath ko dekhne lagi. Unhe aisa karte dekh kar, maine un se kaha.

Mai bola “mujhe kuch nahi hua chhoti maa. Bas hath me jara si kharoch aa gayi hai.”

Lekin chhoti maa ne mujhe chup karate huye kaha.

Chhoti maa boli “tu chup kar, keerti tu jakar jara mere kamre se dawa ka box lekar aa.”

Chhoti maa ki baat sunkar, keerti chhoti maa ke kamre me chali gayi aur chhoti maa mere hath dekhne lagi. Mere hath jamin par ghisatne ki vajah se thoda chhil gaye the. Jinse ab khoon aane laga tha.

Keerti dawa ka box lekar aayi to, chhoti maa ne mujhe wahi baitha diya aur mere jakhm saaf karke un me dawa lagane lagi. Unhe meri aisi halat dekh kar, un ladko par gussa aa raha tha aur un ne isi gusse me badbadate huye kaha.

Chhoti maa boli “kamino ne mere bete ki kya halat kar di hai. Wo mere samne aa jaye to, mai unka khoon hi pi jaugi.”

Chhoti maa ko un ladko par aise gussa karte dekh kar, vaani didi ne muskurate huye kaha.

Vaani didi boli “mausi, abhi to aap jhagda karne ki vajah se is par kitna jyada gussa kar rahi thi aur ab is par itna pyar luta rahi hai ki, un ladko ka hi khoon peene ko taiyar hai. Aapke is gusse aur pyar se to bhagwan hi bachaye.”

Vaani didi ki is baat par chhoti maa ne unhe jhidakte huye kaha.

Chhoti maa boli “tu chup kar vaani, tune dekha nahi ki, un jalimo ne ise kitni berahmi se maara hai. Un ne mere bete ki kya halat bana kar rakh di hai.”

Chhoti maa ki is baat par vaani didi ne thoda sanjida hote huye kaha.

Vaani didi boli “mausi, mujhse bhi iski ye halat nahi dekhi ja rahi thi. Isliye to mai khud hi bike chala kar ise ghar lekar aayi hu.”

Vaani didi ki is baat se mujhe samajh me aaya ki, wo mere sath bike chala kar kyo aayi hai. Warna mujhe to lag raha tha ki, aaj unka bike chalane ka man kar raha hoga. Isliye wo mere sath bike chalate huye aayi hai.

Abhi mai vaani didi ki is baat ke baare me soch raha tha ki, tabhi nimi sidiyon tak aayi aur fir mujhe dekh kar sidiyon se hi wapas chali gayi. Uski is harkat se mai samajh gaya ki, wo jasusi karne aayi hai.

Ab wo ye baat jakar ami ko batayegi. Asal me nimi ami ki jasus thi aur har khabar ami ko jakar deti thi. Aise hi ami nimi ki dhal thi aur nimi ko har pareshani se bachaya karti thi.

Nimi ke upar jaane ke thodi hi der bad, mujhe ami nimi dono sidiyon se niche utarti najar aayi. Lekin shayad dono ko meri is halat ka pata nahi tha. Isliye meri ye halat dekhte hi, ami bhagti huyi mere pas aayi aur mujhse puchha.

Ami boli “bhaiya, aapko kya hua. Aapki ye halat kisne ki hai.”

Ami ki is baat par vaani didi ne uska majak udate huye kaha.

Vaani didi boli “ye lo, ye aa gayi dadi amma. Ab koi inhe batao ki, inke bhaiya ko kya ho gaya hai.”

Vaani didi ki is baat ko sunkar, ami ka chehra utar gaya aur uska muh chhota sa ho gaya. Ami ka utra hua chehra dekh kar vaani didi ne apni baat ko sambhalte huye kaha.

Vaani didi boli “ammo, aise apna chehra mat utar. Tere bhaiya ko kuch bhi nahi hua hai. Kuch ladke shilpa ko pareshan kar rahe the. Isliye iska unse jhagda ho gaya tha. Ab ladai jhagda karne me aisi halat to hoti hi hai.”

Vaani didi ki baat sunkar, ami ne mujhse shikayat karte huye kaha.

Ami boli “bhaiya, shilpa didi ke liye aapko kisi se ladne ki kya jarurat thi. Uske liye mehul bhaiya to hai na.”

Ami to mere liye apni chinta jahir kar rahi thi. Lekin ami kuch kare aur nimi us se pichhe rah jaye, aisa hona namumkin sa tha. Ami ki ye baat sunte hi, nimi ne no ball me chhakka marte huye kaha.

Nimi boli “haan bhaiya, ami didi thik kah rahi hai. Shilpa didi ki shadi to mehul bhaiya ke sath hona hai. Fir wo hi shilpa didi ke jhagda kare na. Aapko unke liye jhagda karne ki kya jarurat hai.”

Nimi ki ye baat sunkar, sab hairani se nimi ko dekhne lage. Wahi chhoti maa ne nimi ko fatkar lagate huye kaha.

Chhoti maa boli “tu ye kya bakwas kar rahi hai. Kuch sochti samjhti bhi hai ya kuch bhi bakti chali jati hai.”

Chhoti maa ki baat sunkar, ami ne fauran nimi ki kahi baat ko sambhalte huye kaha.

Ami boli “mummy, nimi ka kahne ke matlab tha ki, shilpa didi mehul bhaiya ke ghar aati jati rahti hai. Yadi aunty ko shilpa didi pasand aa gayi to, unki shadi mehul bhaiya se ho sakti hai. Waise bhi un dono ki jodi bahut achi lagti hai.”

Ami ki baat sunkar, chhoti maa ne use bhi daant lagate huye kaha.

Chhoti maa boli “kiski jodi kiske sath achi lagti hai. Iska faisla karne ki abhi tumhari umar nahi huyi hai. Ye faisla hum logon ke hathon me rahne do. Ab dobara mujhe tum logon ke muh se aisi baat sunne ko na mile.”

Itni baat kahne ke bad, chhoti maa ne keerti se sabko khana khila dene ki baat kahi aur wapas apne kamre me chali gayi. Chhoti maa ke jaane ke bad vaani didi ne ami nimi se khana khane ke liye muh hath dhokar aane ko kaha.

Jiske bad ami nimi muh hath dhone apne kamre me chali gayi. Un dono ke jaane ke bad vaani didi ne mujhse kaha.

Vaani didi boli “ye ami to jarurat se jyada samajhdar hai. Usne kitni aasani se nimi ki galti par parda daal diya aur saari baat apne upar le li. Mujhe to uski ye hajir jababi dekh kar hairani ho rahi hai.”

Abhi is se pahle ki, mai vaani didi ki is baat ka jabab de pata ki, us se pahle hi keerti ne muskurate huye kaha.

Keerti boli “didi, aap ami ko chhoti bachchi samajhne ki galti bilkul mat kijiye. Wo iske pahle bhi kayi baar nimi ki harkato par parda daal chuki hai. Uska tej dimag dekh kar to mai bhi kabhi kabhi dang rah jati hu.”

“Ye hi nahi wo padhai aur khel kood me bhi bahut aage hai. Wo apni school ke har khel me hissa leti hai aur inam bhi jeetti hai. Uski dekha seekhi ab nimi bhi har khel me hissa lene lagi hai.”

Keerti ki is baat par vaani didi ne muskurate huye kaha.

Vaani didi boli “ye to bahut achi baat hai. School ke har khel me hissa lena hi chahiye. Pata nahi aage chal kar kab kis khel me bhavishya ban jaye. Waise dono ko sabse jyada kaun sa khel pasand hai.”

Keerti boli “waise to dono sabhi khel pasand hai. Lekin unhe sabse jyada swimming ka shauk hai. Lekin unke chhote hone ki vajah se mausi abhi unhe swimming sikhne nahi de rahi hai.”

Keerti ki ye baat sunkar, neha ne baat ke bich me bolte huye kaha.

Neha boli “aunty galat sochti hai. Swimming sikhne ke liye ami ki umar bilkul bhi chhoti nahi hai. Priya ne bhi isi umar se swimming sikhna suru kiya tha aur isliye wo itni si umar me swimming champion ban payi thi.”

Neha ki baat sunkar vaani didi ne kaha.

Vaani didi boli “neha thik kahti hai. Ami nimi ko swimming karne se nahi rokna chaiye. Kya pata kal ko ami nimi me se hi koi priya ki tarah swimming champion ban jaye. Mai mausi se is baare me jarur baat karugi.”

Itni baat bolne ke bad, vaani didi ne mujhse muh hath dhone ko kaha aur fir apne kamre me chali gayi. Unke jaane ke bad mai bhi muh hath dhone apne kamre me aa gaya.

Kamre me aakar mai fresh hone chala gaya. Mai fresh hokar jab bathroom se bahar nikla to, ami nimi mere kamre me hi baithi huyi thi. Unhe dekh kar mai muskurate huye taiyar hone laga.

Kuch der tak dono khamoshi se mujhe taiyar hote dekhti rahi. Fir ami ne is khamoshi ko todte huye kaha.

Ami boli “bhaiya, kya aapka mummy ke upar gussa khatam ho gaya.”

Ami ki is baat par maine muskurate huye kaha.

Mai bola “tujhse kisne kaha ki mai chhoti maa se gussa hu.”

Ami boli “wo subah mummy ne aapko maara tha na. Isliye mujhe laga ki, aap mummy se naraj hoge.”

Mai bola “nahi, mai chhoti maa se jara bhi naraj nahi hu. Wo meri maa hai aur unhe kisi bhi baat par mujhe marne ka pura haq hai.”

Meri baat sunkar ami ne thandi si saans lete huye kaha.

Ami boli “mai to dar hi gayi thi. Mujhe laga ki kahi aap mummy se naraj hokar kuch ulta sidha na kar lo.”

Ami ki is baat par maine hairani se use dekhte huye kaha.

Mai bola “tera mere kuch ulta sidha kar lene se kya matlab tha.”

Meri is baat par ami ne hanste huye kaha.

Ami boli “mujhe dar lag raha tha ki, kahi aap mummy se naraj hokar ghar chhod kar na chale jao.”

Mai bola “tu puri pagal hai. Maine chhoti maa ki kisi baat ka kab bura maana hai, jo ab bura manuga. Fir tere dimag me aisi baat aayi bhi kaise.”

Ami boli “lekin bhaiya, mummy ne iske pahle kabhi aapko is tarah se maara bhi to nahi tha. Isliye hum log bahut jyada dar gaye the.”

Ami ki is baat ko sunkar maine un dono ko samjhate huye kaha.

Mai bola “tum dono apne is dar ko hamesha ke liye apne dil se nikal do. Mai kabhi kisi bhi baat par naraj hokar chhoti maa aur tum dono ko chhod kar kahi nahi jauga. Mai chhoti maa aur tum dono ko bahut pyar karta hu.”

Ami boli “bhaiya, hum dono bhi aapse bahut pyar karte hai. Lekin hum dono se bhi jyada pyar aapko mummy karti hai. Wo humse jyada aapse pyar karti hai.”

Abhi mai ami ko is baare me kuch samjhane hi wala tha ki, tabhi nimi ne ami se do kadam aage badte huye kaha.

Ami boli “haan bhaiya, ami didi thik kahti hai. Mummy humse bhi jyada aapse pyar karti hai. Wo hamesha aapki pasand ki hi dishes banati hai. Meri pasand ke cutlets aur Manchurian kabhi nahi banati.”

Nimi ki baat sunkar, mujhe hansi aa gayi aur maine use pyar se daant lagate huye kaha.

Mai bola “nimmo tu bahut badi petu hai. Tujhe khane ke siwa kuch nahi sujhta hai. Are chhoti maa cutlets aur Manchurian isliye nahi banati hai. Kyoki ye ghar me itne ache nahi bante hai.”

“Chhoti maa tum dono ko mujhse bhi jyada pyar karti hai. Tum dono to is ghar ki jaan ho. Fir bhala hum tumhe pyar kyo nahi karege. Lekin tum dono bahut shararat karit ho. Isliye chhoti maa ko tum par gussa karne padta hai.”

Abhi mai ami nimi ko samjha raha tha ki, tabhi keerti khan eke liye bulane aa gayi. Fir mai aur ami nimi keerti ke sath khane ke liye niche aa gaye. Vaani didi pahle se hi niche chuki thi aur neha ke sath dining table par baithi huyi thi.

Lekin chhoti maa waha nahi thi. Ye dekh kar maine ami se chhoti maa ko bula kar lane ki baat boli to, usne chhoti maa ko bulane jaane se saaf mana karte huye kaha.

Ami boli “nahi bhaiya, aaj mummy bahut gusse me hai. Aaj mai unko bulane nahi jaugi.”

Ami ki baat sunkar, maine keerti se chhoti maa ko bula kar lane ko kaha to, usne bhi is baat se saaf mana karte huye kaha.

Keerti boli “na baba, ye mujhse nahi hoga. Mai ami nimi ke school na jaane aur inke nashta na karne ki baat ko lekar subah se do baar mausi ki daant kha chuki hu. Ab mujhe unki aur daant khane ka koi shauk nahi hai.”

“Yadi mausi ko khana khata hota to, wo mujhse sabko khana khila dene ki baat kyo kahti. Waise bhi mausi tumhari hi vajah se naraj hai. Tum hi jakar unhe mana kar le lao.”

Keerti ki is baat me vaani didi ne bhi uski baat ka samrthan kiya aur mujhse chhoti maa ko bula kar lane ki baat kahne lagi. Jiske bad mai chhoti maa ko bulane ke liye chala gaya.

Abhi mai chhoti maa ko bulane unke kamre ke andar jaane hi wala tha ki, unhe almari ke samne khade dekh kar mujhe laga ki, wo kapde badal rahi hai. Ye dekh kar maine bahar se aawaj lagate huye kaha.

Mai bola “chhoti maa, kya mai andar aa sakta hu.”

Meri baat sunkar, chhoti maa ne kaha.

Chhoti maa boli “haan, tu andar aa sakta hai. Tujhe mere kamre me aane ke liye ijajat lene ki jarurat kab se padne lagi hai.”

Mai bola “nahi chhoti maa, wo maine aapko almari ke samne khada dekha to, mujhe laga ki, aap kapde badal rahi hai.”

Chhoti maa boli “nahi, mai kapde nahi badal rahi thi. Mai bas almari me kapde sahi se rakh rahi thi.”

Ye kahte huye chhoti maa mere pas aa gayi aur un ne mere sar par hath ferte huye kaha.

Chhoti maa boli “maine tujhe subah maara tha. Kya tu mujhse naraj hai.”

Mai bola “nahi chhoti maa, mai bhala aapse kyo naraj rahne laga. Mai to ulta is baat se bahut khush hu. Mujhe aapka dher saara pyar mila hai. Bas mere jeevan me aapse maar khane ki kami rah gayi thi. Lekin aaj aapne meri us kami ko bhi pura kar diya hai.”

Meri baat sunkar, chhoti maa ne mujhe apne gale se lagate huye kaha.

Chhoti maa boli “tu ab bahut badi badi baten karne laga. Tu baith, mai tujhe ek pyari si chij dikhati hu.”

Ye kah kar chhoti maa apni almari se kuch nikalne chali gayi. Mai unke bed par aakar baith gaya aur unke wo chij dikhane ka intejar karne laga. Unki baton se mujhe samajh me aa gaya tha ki, ab wo mujhse bilkul najaj nahi hai.

Unka acha mood dekh kar mujhe bhi bahut khushi ho rahi thi. Waise to ye kamra papa aur chhoti maa dono ka tha. Lekin mere liye ye kamra sirf meri chhoti maa ka tha.

Mujhe apne kamre se jyada shukun ami nimi aur chhoti maa ke kamre me mila karta tha. Isliye kisi pareshani ya tanav ke samay par mai in dono me se hi kisi ek ke kamre ki sharan me chala jata tha.

Jaha ami nimi ke kamre me unki pyari pyari baten mere tanav ko kam kar deti thi. Wahi chhoti maa ke kamre me unka pyar aur dular mere tanav ko khatam kar diya karta tha.

Abhi mai is kamre se jude shukun ke baare me soch hi raha tha ki, tabhi chhoti maa mere pas aakar baith gayi. Un ne bade pyar se mere sar par hath fera aur fir mere hath me ek tasveer thama di.

Mai gaur se us tasveer ko dekhne laga. Mere sath sath chhoti maa khud bhi us tasveer ko dekh rahi thi. Us tasveer ko dekhte hi, mere chehre par khud-ba-khud muskurahat aa gayi.

______________________________

Superb update bro

Mehul ka pol khol ke rakh di ami-nimi ne yha to sadi hi fix 2no krbane lgi or family drama update tha.

 

[Dark Devil]

Waiting for the next update

 

[Innocent Aarya ~☆~]

Ko To Rok Lo {Update - 233}
____________________________

Ye kah kar chhoti maa apni almari se kuch nikalne chali gayi. Mai unke bed par aakar baith gaya aur unke wo chij dikhane ka intejar karne laga. Unki baton se mujhe samajh me aa gaya tha ki, ab wo mujhse bilkul najaj nahi hai.

Unka acha mood dekh kar mujhe bhi bahut khushi ho rahi thi. Waise to ye kamra papa aur chhoti maa dono ka tha. Lekin mere liye ye kamra sirf meri chhoti maa ka tha.

Mujhe apne kamre se jyada shukun ami nimi aur chhoti maa ke kamre me mila karta tha. Isliye kisi pareshani ya tanav ke samay par mai in dono me se hi kisi ek ke kamre ki sharan me chala jata tha.

Jaha ami nimi ke kamre me unki pyari pyari baten mere tanav ko kam kar deti thi. Wahi chhoti maa ke kamre me unka pyar aur dular mere tanav ko khatam kar diya karta tha.

Abhi mai is kamre se jude shukun ke baare me soch hi raha tha ki, tabhi chhoti maa mere pas aakar baith gayi. Un ne bade pyar se mere sar par hath fera aur fir mere hath me ek tasveer thama di.

Mai gaur se us tasveer ko dekhne laga. Mere sath sath chhoti maa khud bhi us tasveer ko dekh rahi thi. Us tasveer ko dekhte hi, mere chehre par khud-ba-khud muskurahat aa gayi.

Ye meri mummy ki photo thi. Waise to mujhe meri mummy ki koi photo dekhe barso ho gaye the aur unhe pahchan pana mere liye aasan nahi tha. Fir bhi mai is photo ko dekhte hi, mummy ko faurna pahchan gaya tha.

Kyoki mai bachpan me is photo ko bahut dekha karta tha au rise dekhte hi, mere bachpan ki yaad taja ho gayi thi. Maine mummy ki tasveer ko gaur se dekhte huye chhoti maa se kaha.

Mai bola “chhoti maa, mummy is tasveer me kitni pyari lag rahi hai na.”

Chhoti maa boli “haan, didi is tasveer me bahut pyari lag rahi hai aur wo hakikat me bhi itni hi pyari thi.”

Chhoti maa ki ye baat sunkar, meri muskurahat aur bhi gahri ho gayi. Mujhe apni mummy par bahut pyar aa raha tha. Maine pyar se unki tasveer ko chumte huye chhoti maa se puchha.

Mai bola “chhoti maa, ye tasveer aapko kaha mili. Maine is tasveer ko bahut miss kiya hai.”

Chhoti maa boli “ye tasveer mere pas hi thi. Maine hi ise tujhse chhupaya tha.”

Chhoti maa ki ye baat sunkar, mai hairani se unki taraf dekhne laga. Un ne meri is hairani ko door karte huye kaha.

Chhoti maa boli “tu bachpan me is tasveer ko dekh kar bahut dukhi ho jata tha aur apni mummy ko yaad karke udas raha karta tha. Mujhse tera apni mummy ko yaad karke rona nahi dekha jata tha.”

“Isliye tujhe teri mummy ki yaad dilane wali har chij ko maine teri chori se tujhse chhupa kar, apne pas sambhal kar rakh liya tha. Unhi sab chijon me se ek ye tasveer bhi hai.”

Chhoti maa ki ye baat bilkul sahi thi. Chhoti maa mujhe bahut pyar karne lagi thi. Lekin iske bad bhi mai akele me apni mummy ki tasveer dekh kar, unki kami ko mehsus karke roya karta tha.

Chhoti maa is baare me mujhe bahut samjhati thi. Unke samjhane par mai kuch samay ke liye unki baat samajh jata tha. Lekin akele me meri mummy ki tasveer me mujhe unki kami ka aehsas kara kar mujhse rula diya karti thi.

Fir achanak hi ek din mere kamre se meri mummy ki ye tasveer kahi gayab ho gayi. Us din mai is baat ke liye bahut roya tha. Us din chhoti maa mujhe apne seene se laga kar hi soyi thi.

Us samay mai chhoti maa ki baton se bahal gaya tha. Fir dhire dhire meri mummy ki yadon ki jagah chhoti maa ke pyar ne mere dil me ghar kar liya aur fir ami nimi ke aa jaane se mai apni mummy ko puri tarah se bhool gaya tha.

Lekin aaj itne saalon bad, ek baar fir se apni mummy ki tasveer ko apne samne pakar meri purani yaden taja ho gayi thi aur mujhe mummy ki kami bahut jyada akharne lagi thi.

Na chahte huye bhi, mummy ko yaad karke meri aankhon me aansu aa gaye aur meri aankhne aansuon se bhigne lagi. Chhoti maa ne meri aankhon me aansu dekhe to, mere aasnsuon ko ponchhte huye kaha.

Chhoti maa boli “bas isi vajah se maine is tasveer ko tujhse chhupa kar rakha tha. Jaane wale to hamesha ke liye door chale jate hai. Lekin humare rone ke liye apni yaden chhod jate hai.”

“Tu us samay bahut chhota tha aur mai tujhe rota hua nahi dekh sakti thi. Isliye mujhe ye sab karna pada tha. Lekin mai ye nahi janti thi ki, tu apni mummy ko is kadar bhool jayega ki, tujhe unka chehra hi yaad nahi rahega.”

“Yaha tak ki jab teri judwa bahan priya apni mummy ka chehra liye tere samne aayi. Tab bhi tujhe is baat ka aehsas nahi hua ki, uski shakal teri mummy se bahut kuch milti hai.”

“Maine ye sab sirf teri bhalai ke liye kiya tha. Lekin aaj na jaane kyo mujhe is baat ka afsos ho raha hai ki, mujhe ye sab nahi karna chahiye tha. Mujhe teri mummy ki tasveer ko tujhse door nahi karna chahiye tha.”

“Yadi maine teri mummy ki tasveer ko tujhse door nahi kiya hota to, priya ko apne samne dekh kar, tere man ek baar ye khayal jarur aaya hota ki, uski shakal teri mummy se bahut milti hai.”

Itna bol kar chhoti maa chup ho gayi. Lekin unhe is baat ke liye afsos karte dekh kar, maine chhoti maa se kaha.

Mai bola “chhoti maa, aapko kisi baat ke liye afsos karne ki jarurat nahi hai. Mummy jab ye duniya chhod kar gayi thi. Tab mai bahut chhota tha. Isliye mere dimag me unke chehre ki dhundhli si hi tasveer hai.”

“Isliye priya ko apne samne dekh kar bhi mujhe kabhi is baat ka aehsas nahi hua tha ki, uski shakal mummy se milti hai. Lekin iska matlab ye to nahi hai ki, mai mummy ko bhool gaya hu.”

“Mai us samay chhota jarur tha. Lekin aaj bhi mujhe mummy ki bahut si baten yaad hai. Bas unka chehra sahi se yaad nahi tha. Magar aaj is tasveer ko dekh kar ek baar fir mummy ka chehra mere dil me sama gaya hai.”

“Mai mummy ko aaj bhi bahut miss karta hu. Lekin ye baat bhi sach hai ki, jab mujhse koi meri maa ke baare me puchhta hai to, meri aankhon ke samne sirf aapka hi chehra aata hai.”

“Aap duniya ki sabse achi maa hai aur ye meri khushnashibi hai hai ki, aap meri maa hai. Aap kabhi koi galti kar hi nahi sakti hai. Isliye aapko kabhi kisi baat ke liye mujhe ya kisi aur ko safayi dene ki koi jarurat nahi hai.”

“Aapne mummy ki tasveer ya unki chijon ko mujhse chhupa kar kuch bhi galat nahi kiya tha. Aapne jo bhi kiya tha. Apne bete ki bhalai ke liye kiya tha aur ek maa ko apne bachchon ki bhalai ke liye kuch bhi karne ka pura haq hai.”

Meri ye baat sunkar, chhoti maa ke chehre par muskurahat aa gayi aur un ne mere sar par hath ferte huye kaha.

Chhoti maa boli “jab tu itna sab kuch samajhta hai to, fir subah ami nimi ki baat ko lekar mujhse itni bahas kyo kar raha tha.”

Mai bola “chhoti maa, mai aapki subah ki baton se samajh gaya tha ki, aap ami nimi par, ami ki priya ko lekar ki gayi harkaton ki vajah se gussa kar rahi hai. Lekin jab aapne kaha ki, inhe yadi mere ghar me rahna hai to, mere hisab se hi chalna hoga.”

“Tab mujhe papa ki aapko kahi gayi baat yaad aa gayi. Un ne bhi aapse aisi hi kuch baat kahi thi. Lekin tab mai chhota tha aur chah kar bhi papa ki is baat ka koi virodh nahi kar paya tha.”

“Magar aaj jab maine aapko bhi papa ki tarah ye hi baat kahte dekha to, mai apne aapko is baat ka virodh karne se nahi rok paya aur mai aapke sath badtamizi karne ki galti kar gaya.”

Meri ye baat sunkar, chhoti maa ne thoda gambhir hote huye kaha.

Chhoti maa boli “dekh, mai manti hu ki, maine tere papa ki tarah hi ami nimi se ye baat ki thi. Lekin hum dono ke in baton ko karne ke pichhe chhupi vajah me bahut jyada antar hai.”

“Tere papa ne mujhse apni sharton par apne ghar me rahne ki jo baat kahi thi. Wo un ne sirf apni galtiyon par parda dalne ke liye kahi thi. Lekin mai ami nimi se ye baat sirf tum sabki bhalai ke liye kah rahi thi.”

“Mujhe richa didi ne tum logon ke Mumbai pahuchne ke pahle hi, ami ki priya ko apni bahan manne se inkar karne wali harkat ke baare me bata diya tha. Lekin vaani ne us samay mujhe shant rahne ko bol diya tha.”

“Isliye tum logon ke Mumbai aane par maine ami se is baare me koi baat nahi ki thi. Magar usne Mumbai me hi mere upar priya ki tarafdari karne ka iljam laga diya tha. Tab bhi mai vaani ke kahne par chup rah gayi thi.”

“Lekin mai ami ki in harkaton ko khamoshi se to dekh nahi sakti thi. Kyoki aaj jaise hum logon ko is baat ka pata chala hai ki, priya is ghar ki beti hai. Waise hi aaj nahi to kal priya ko bhi is baat ka pata chalna hai ki, wo is ghar ki beti hai.”

“Tab shayad priya ka is ghar me aane ka bhi rasta khul jaye. Lekin tab ami ki ye harkaten priya ke liye pareshani ka sabab ban sakti hai aur mai apne bachchon ke bich kisi tarah ka bhed dekhna nahi chahti hu.”

“Bas isliye mai aaj subah ami nimi ke sath itni sakhti se pesh aayi thi. Taki ami ki harkaton par abhi se lagam lagayi ja sake. Lekin tu bich me aa gaya aur mera saara gussa tujh par utar gaya.”

Keerti mujhe ami ki chhoti maa ke sath ki gayi harkate ke baare me pahle hi bata chuki thi. Isliye maine chhoti maa ki is baat ko sunkar, thoda gambhir hote huye kaha.

Mai bola “chhoti maa, aapki ye baat sahi hai. Mai bhi ami ke man me priya ko lekar pal rahi is galatfahmi se pareshan hu. Lekin mujhe aapka ami ke sath is tarah sakhti se pesh aana sahi nahi lag raha hai.”

“Ami abhi bachchi hai aur aapki sakhti ka us par bura asar bhi pad sakta hai. Hume ami ko pyar se samjhana chahiye. Mujhe ummid hai ki, wo humare pyar se samjhane se jarur humari baat ko samajh jayegi.”

Meri is baat ko sunkar, chhoti maa ne muskurate huye kaha.

Chhoti maa boli “tujhe kya lagta hai ki, maine ya kisi aur ne ami ko pyar se samjhane ki koi koshish nahi ki aur maine achanak hi uske sath sakhti se pesh aane ka faisla le liya hai.”

“Jaisa tu soch raha hai, waisa kuch bhi nahi hai. Hum jab ami nimi ke sath Mumbai se yaha aaye the. Tab richa didi ne ami ko priya ke hosh me aane par uske sath pyar se pesh aane ke baare me samjhaya tha.”

“Lekin usne richa didi ke muh par hi saaf kah diya tha ki, keerti aur vaani ke alawa koi bhi uski didi nahi hai. Uski is baat par vaani ne use samjhana chaha to, usne vaani ko aisa jabab diya ki, vaani bhi uska muh dekhti rah gayi thi.”

Chhoti maa ki ye baat sunkar, mai hairan huye bina rah saka. Kyoki sirf keerti aur vaani didi ko hi apni didi manne wali baat to, ami mere samne bhi Mumbai jaane ke pahle bol chuki thi.

Lekin ami ke vaani didi ko palat kar jabab dene wali baat mujhe keerti ne nahi batayi thi aur mujhe ye baat hajam bhi nahi ho rahi thi. Isliye maine chaukte huye chhoti maa se puchha.

Mai bola “chhoti maa, ami ne vaani didi ko is baare me kya jabab diya tha.”

Chhoti maa boli “vaani ne jab tumhari pyari ammo ko richa didi se ye kahte suna ki, vaani aur keerti ke siwa koi uski didi nahi hai to, vaani ne use samjhate huye kaha ki, wo (vaani) aur keerti to punnu ki door ki bahan hai.”

“Lekin priya punnu ki judwa bahan hai. Isliye use priya ke sath mil kar rahna chahiye. Ye baat sunkar to ami ke tevar hi badal gaye aur wo ulta vaani ke upar hi bhadak gayi.”

“Usne vaani ke sath badtamizi karte huye kaha ki, didi aap priya ko jabardasti humari didi banane ki koshish mat kijiye. Priya bhaiya ki judwa bahan ho ya na ho. Lekin wo humari didi kabhi bhi nahi ban sakti.”

“Na hi hum log kabhi priya ko apne ghar me aane dege. Aapne priya ko dudne ke liye apni naukri to chhod hi di hai. Ab aap khud bhi Mumbai me hi jakar rahne lagiye.”

“Ami ki ye baat sunkar, mai use marne ko huyi. Lekin vaani ne ek baar fir se mujhe aisa karne se rok diya tha. Lekin mai ami ki is harkat ko chah kar bhi maaf nahi kar payi thi aur isi vajah se ami se naraj thi.”

Itna bol kar chhoti maa chup ho gayi. Lekin mujhe abhi bhi chhoti maa ki is baat par yakin nahi aa raha tha. Mai soch bhi nahi sakta tha ki, ami kabhi vaani didi ke sath itni jyada badtamizi se baat kar sakti hai.

Ami ne saaf saaf vaani didi ki beijjati karke rakh di thi. Yahi baat yadi maine ya mere bap ne vaani didi se kahi hoti to, hume iska anjam bhi turant dekhne ko mil gaya hota.

Mai ami nimi se bahut pyar karta tha aur kabhi un par gussa nahi karta tha. Lekin chhoti maa ki ye baat sunne ke bad, ab mujhe bhi ami ki is hakat par gussa aane laga tha.

Mujhe abhi bhi samajh me nahi aa raha tha ki, ami aisa kaise kar sakti hai aur vaani didi ami ki itni badi galti ko kaise andekha kar gayi. Mai abhi is baare me soch hi raha tha ki, tabhi chhoti maa ne mujhe tokte huye kaha.

Chhoti maa boli “kya hua.? Kya soch raha hai. Kya tujhe meri is baat par yakin nahi hai.”

Mai bola “nahi chhoti maa, aisi baat nahi hai. Mai to ye soch raha tha ki, ami vaani didi se itni badi baat kar bhi kaise sakti hai. Uske man me ye soch aayi bhi to, kaise aayi.”

Is se pahle ki chhoti maa mujhe meri is baat ka koi jabab de pati. Us se pahle hi vaani didi kamre me aa gayi. Un ne mujhe chhoti maa ke sath kisi baat me uljhe dekha to, mujhse kaha.

Vaani didi boli “hum sab bahar baithe tere mausi ko lekar aane ka intejar kar rahe hai aur tu yaha aaram se baith baten kar raha hai.”

Lekin maine vaani didi ki is baat ko ansuna karke, ulte unse hi sawal karte huye kaha.

Mai bola “didi, aapne ami ki itni badi galti ko andekha kaise kar diya. Yadi aap use kuch nahi kah sakti thi to, mujhe batana tha. Mai us ami ki bachchi ko aapke sath ki gayi is badtamizi ka ache se sabak sikhata.”

Meri ye baat sunkar, vaani didi chhoti maa ki taraf dekhne lagi. Chhoti maa ne unhe bataya ki, un ne mujhe ami ki harkat ke baare me bata diya. Jise sunne ke bad vaani didi ne muskura kar mere pas baithte huye kaha.

Vaani didi boli “acha chal, maan le ki maine tujhe ye baat bata di hoti to, tu ami ko kya sabak sikhata.”

Mai bola “mai us ami ki bachchi ko do lagata aur us se is baat ke liye aapse maafi mangne ko kahta.”

Meri is baat ko sunkar, vaani didi ne pyar se mere sar par chapat laga di. Lekin unki ye pyar ki chapat bhi mujhe jor se hi lagti thi. Aisa hi abhi bhi hua. Vaani didi ki chapat lagte hi, mai apne sar par hath ferne laga.

Ye dekh kar vaani didi mere sar ko sahlane lagi. Jab maine kaha ki, mujhe kuch nahi hua hai. Tab un ne muskurate huye kaha.

Vaani didi boli “tu ami ko do lagane ki baat kar raha hai. Tu mujhe kabhi ami nimi par gusse me chilla kar hi dikha de. Mai maan jaugi ki, tu unhe sabak sikha sakta hai.”

Vaani didi ki ye baat jara bhi galat nahi thi. Mai chah kar bhi kabhi un par gussa nahi kar sakta tha. Fir bhi maine ami ki us harkat par thoda narajgi jahir karte huye kaha.

Mai bola “aap kuch bhi kaho didi, lekin ami ki is harkat se mujhe bahut dukh pahucha hai. Wo priya ko pasand nahi karti hai to, na kare. Magar use aapse is tarah se badtamizi nahi karna chahiye tha. Ami ki is nadani ke liye mai aapse maafi manta hu.”

Vaani didi boli “mere bhai, tumhe ami ki galti ke liye maafi mangne ki jarurat nahi hai aur na hi ami ki harkat se dukhi hone ki jarurat hai. Tumhe bas is samay ami ke man ki stithi ko samajhne ki jarurat hai.”

“Ami ki us harkat par mujhe bhi us par bahut gussa aaya tha. Lekin mai uske dil ka dar samajh gayi thi. Isliye maine us par koi gussa nahi kiya tha aur mausi ko bhi us par gussa karne se rok diya tha.”

“Ami is samay sirf is baat se dari huyi hai ki, priya tumhari judwa bahan hai. Yadi priya is ghar me aa gayi to, fir wo hi tumhare sabse karib ho jayegi aur ami nimi tumse door ho jayegi.”

“Ami ko apne aur nimi ke hisse ka pyar priya ke aane se batta hua najar aa raha hai. Isliye wo priya ko jara bhi pasand nahi kar rahi hai aur man hi man priya se nafrat bhi karne lagi hai.”

Vaani didi ki ye baat sunkar, maine vaani didi se kaha.

Mai bola “didi, mai ami ko ye baat samjhane ki koshish karuga. Mere samjhane se wo jarur is baat ko samjhne ki koshish karegi.”

Vaani didi boli “nahi, ami ko samjhane se kuch nahi hoga. Mai tumhe uske man ka dar pahle hi bata chuki hu. Jo bhi use samjhata hai, wo use hi apna dushman samajhne lagti hai.”

“Usne mausi aur mujhse bhi isi vajah se badtamizi ki thi. Ami ke dil me priya ke liye jo nafrat hai, wo uske sath sakhti karne se ya use priya ke baare me samjhane se nahi mit sakti hai.”

“Ami ke dil se is nafrat ko mitane ke liye hume ami ke dil me priya ke liye pyar aur apnapan jagana hoga. Is kaam me thoda samay lag sakta hai. Isliye hume thoda sabar se kaam lena hoga.”

“Abhi ami ne tumhare sath mumbai jaane ki baat sirf tumhe priya se door rakhne ke liye kahi thi. Lekin maine use Mumbai jaane ki ijajat isliye di hai. Taki isi bahane use priya ke karib laya ja sake.”

Vaani didi ki ye baat sunkar, mai ami ke baare me sochne laga. Tabhi keerti hume khane ke liye bulane aa gayi. Usne humse khana khane chalne ki baat kahi aur wapas jaane lagi.

Lekin tabhi uski najar meri god me rakhi mummy ki tasveer par padi aur wo ruk kar use gaur se dekhne lagi. Kuch der tasveer ko gaur se dekhne ke bad, usne vaani didi se kaha.

Keerti boli “didi, ye badi mausi ki tasveer hai na.”

Vaani didi boli “haan, ye purnima mausi ki hi tasveer hai.”

Vaani didi ki ye baat sunkar keerti ne chahakte huye kaha.

Keerti boli “didi, ye to bilkul priya jaisi dikhti hai.”

Keerti ki is baat par vaani didi ne muskurate huye kaha.

Vaani didi boli “pagal, ye priya jaisi nahi dikhti hai. Balki priya inke jaisi dikhti hai.”

Iske bad keerti ki vaani didi se thodi bahut isi baare me baat huyi aur fir chhoti maa ne wo tasveer wapas apni almari me rakh di. Iske bad hum sab khana khane ke liye bahar aa gaye.

Hum sab ne ek sath khana khaya aur khane ke bad sab baten karne lage. Tabhi mujhe yaad aaya ki, aaj Monday hai. Is baat ke yaad aate hi, mai aaj ka akhbaar utha kar dekhne laga.

Keerti ne mujhe aaj ka akhbaar dekhte dekha to, wo mere pas aa gayi aur usne mujhe tokte huye kaha.

Keerti boli “aaj bhi Tripti ki rachna nahi chhapi hai. Mai pahle hi isme dekh chuki hu.”

Keerti ki ye baat sunkar, mai kuch udas sa ho gaya. Mujhe is baat se udas hote dekh kar, keerti ne kaha.

Keerti boli “isme itna jyada udas hone ki kya baat hai. Are wo abhi abhi bimari se uthi hai. Isliye ho sakta hai ki, abhi wo kuch likh na payi ho. Tum chaho to, nikki se is baare me baat kar sakte ho.”

Mujhe bhi keerti ki ye baat sahi lagi aur maine us se kaha.

Mai bola “tune ye acha yaad dilaya. Kal priya ki vajah se mai nikki se baat nahi kar paya tha. Nikki bhi is baat se naraj hogi. Mai abhi us se baat kar leta hu.”

Keerti se itna bolne ke bad maine nikki ko call laga diya. Mere call jaane ke thodi hi der bad nikki ne call utha liya. Usne call uthate hi, mujhse shikayat karte huye kaha.

Nikki boli “tumhari ye aadat achi nahi hai. Tum apne ghar pahuchte hi mujhe bilkul bhool jate ho. Kam se kam ek call karke ye to bata hi sakte the ki, tum ache se ghar pahuch gaye ho.”

Mai bola “aisi baat nahi hai. Mai tumhe call karna chahta tha. Lekin ghar aate hi, mai chanda mausi ko dekhne keerti ke ghar chala gaya tha. Fir waha se raat ko 11:30 baje ke bad hi ghar wapas aaya. Isliye mai tumhe call nahi kar paya.”

Nikki boli “jyada bahane banane ki jarurat nahi hai. Mujhe sab pata hai ki, kal tumne yaha kis kis baat ki hai. Tumne kal aman bhaiya ke ghar sab se baat ki hai. Mujhe shikha didi ne sab bata diya hai.”

“Ye hi nahi, tumne kal raat ko 12 baje ke bad priya ko bhi call laga kar, us se baat ki hai. Tumhe sabse baat karne ka samay mil gaya. Bas ek mujhse baat karne ke liye tumhare pas samay nahi hai.”

Mai bola “yaar, mai tumhe kaise samjhau. Mai bilkul sach kah raha hu. Mujhe sach me raat ko 12 baje ke pahle samay nahi mil paya tha. Shikha didi logon se to, meri sirf barkha didi ki vajah se baat ho gayi thi.”

“Warna kal meri waha par bhi kisi se baat nahi ho pati. Haan aaj yadi tumhe school na jana hota to, mai jarur tumhe raat ko 12 baje ke bad call karke tumse baat kar leta.”

“Lekin aaj tumhara school hone ki vajah se maine tumhe raat ko call laga kar pareshan karna thik nahi samjha tha. Magar kal meri tumse baat na ho pane me thodi si galti priya ki bhi hai.”

Meri ye baat sunkar, nikki ne thoda chaukte huye kaha.

Nikki boli “kyo priya ne aisa kya kiya. Jis vajah se tum mujhse baat nahi kar paye.”

Mai bola “priya mere dusre mobile par call laga rahi thi aur wo mobile mai ghar par hi bhool gaya tha. Usne mere is mobile par koi bhi call nahi lagaya. Yadi usne mere is mobile par call lagaya hota to, meri usi samay uske sath sath tumse bhi baat ho gayi hoti.”

Meri ye baat sunkar, nikki ne priya ke upar khurrate huye kaha.

Nikki boli “kamini, tumhare dusre mobile par call laga rahi thi aur mujhse kah rahi thi ki, tum uska call nahi utha rahe ho. Uski yahi baat sunkar, maine tumhe call nahi lagaya tha.”

“Yadi mujhe uski is harkat ke baare me jara bhi pata hota to, mai tumhe jarur call laga leti. Usne kal mujhe acha bevkuf banaya. Tum ruko mai abhi ghar jakar uski ache se khabar leti hu.”

Nikki ke abhi ghar me na hone ki baat sunkar, maine us se puchha.

Mai bola “kya abhi tum ghar me nahi ho.”

Nikki boli “nahi, abhi mai uncle, raj, riya aur nitika ke sath priya ke liye car lene aayi hu.”

Nikki ki ye baat sunkar maine chaukte huye kaha.

Mai bola “lekin uncle achanak priya ke liye car kyo le rahe hai.”

Nikki boli “wo kal hum sab jab tumhe chhod kar ghar wapas aaye to, priya thakan hone ki baat kah kar apne kamre me aaram karne chali gayi. Ye dekh kar raj ne uncle se kaha ki, wo to apni car lekar office chale jate hai.”

“Lekin priya ki achanak tabiyat kharab ho jaane aur ghar me koi dusri gaadi na hone ki vajah se priya ko jaldi hospital le jaane me bahut takleef hoti hai. Isliye hume ek car aur le leni chaiye.”

“Is par uncle ne raj se kaha ki, tum khud ke istemal ke liye car lena chahte ho aur priya ki aad le rahe ho. Uncle ki ye baat sunkar raj ne kaha ki, wo sirf priya ke liye car lena chahta hai.”

“Taki bimari ki is halat me priya ko kahi aane jaane me ya doctor ke yaha aane jaane me koi takleef na ho. Yadi priya nahi chahegi to, wo car ko hath bhi nahi lagayega. Aap chahe to priya ki car ke liye ek driver bhi rakh sakte hai.”

“Wo sirf jarurat ke samay par hi priya ki car ko hath lagayega. Raj ki is baat par hum sabne bhi uski haan me haan milayi. Jiske bad uncle ne hum sabki baat maan kar priya ke liye car lene ka faisla kar liya.”

“Ye baat abhi priya ko malum nahi hai. Uncle ne iske liye aaj hum sabko apne office bulaya tha. Abhi hum uncle ke sath usi Audi car showroom me aaye hai. Jaha se humne shikha didi ke liye car uthayi thi.”

Nikki ki ye baat sunkar maine khush hote huye kaha.

Mai bola “ye to bahut achi baat hai. Lekin tum log kis color ki car le rahe ho.”

Nikki boli “hum wo hi car aur wo hi color le rahe hai. Jo humne shikha didi ke liye liya tha.”

Mai bola “wo car to thik hai. Lekin priya ko us samay red color se jyada black color pasand aaya tha. Isliye mujhe lagta hai ki, priya ke liye black color ki hi car lena chahiye.”

Nikki boli “ek min, tum is baare me khud hi raj se baat kar lo. Mai raj ko phone deti hu.”

Ye kahte huye nikki raj ke pas chali gayi. Kuch der bad, phone par raj ki aawaj aayi to, mai use priya ko car ka black color pasand hone wali baat batane laga. Meri baat sunne ke bad raj ne kaha ki, wo mujhse thodi der bad baat karta hai.

Itna kah kar usne wapas nikki ko mobile de diya. Mai nikki se baat kar hi raha tha ki, tabhi riya uske pas aa gayi. Nikki ne riya se baat karne ki baat kah kar riya ko phone de diya.

Nikki ki tarah riya bhi kal us se baat na karne ki baat ko lekar mujhse jhagda karne lagi. Mai use bhi wahi safayi dene laga. Jo maine nikki ko di thi. Kuch der baat karne ke bad riya ne wapas nikki ko phone de diya.

Mai nikki se baat karne laga. Kuch der bad raj ne aakar bataya ki, usne car ka black color final kar diya hai. Iske bad meri nikki se baat chalti rahi. Kuch der bad nikki ne ghar pahuchne ke bad baat karne ki baat kah kar call rakh diya.

Nikki ke call rakhne ke bad, mai chhoti maa logon ko uncle ki priya ke liye car lene wali baat batane laga. Abhi mai chhoti maa ko ye baat bata hi raha tha ki, tabhi vaani didi ka mobile bajne laga.

Vaani didi ne mujhe chup rahne ka ishara karte huye kaha ki, priya ka call aa raha hai. Vaani didi ki ye baat sunkar, mere sath sath baki sab bhi chauke bina na rah sake.

Mujhe samajh me nahi aa raha tha ki, priya ne vaani didi ko call kyo lagaya hai. Usne abhi tak chhoti maa ya keerti ko koi call nahi kiya tha. Aise me uske sidhe vaani didi ko call karne wali baat mujhe kuch hajam nahi ho rahi thi.

______________________________

Awesome fabulous update bro.
Aaj punnu apni maa ki photo dekh ke boht bhabhuk ho gta or chhoti maa ne hi use sambhali tvi punnu apni maa ka chehra tk bhool gya tha. Kuki use chhoti maa se pyar or apnapan boht mila tha.
Punnu ke liy ami avi boht dri hui he use lgta he priya uske bhai ko chhin legi tvi vo sb se shi se bat nhi kr rhi he.
Idhar priya ke liy naya car khrida ja rha he vo bhi punnu ke pasnd kiy huy color ka.

 

[Innocent Aarya ~☆~]

Ko To Rok Lo {Update - 234}
____________________________

Nikki ki tarah riya bhi kal us se baat na karne ki baat ko lekar mujhse jhagda karne lagi. Mai use bhi wahi safayi dene laga. Jo maine nikki ko di thi. Kuch der baat karne ke bad riya ne wapas nikki ko phone de diya.

Mai nikki se baat karne laga. Kuch der bad raj ne aakar bataya ki, usne car ka black color final kar diya hai. Iske bad meri nikki se baat chalti rahi. Kuch der bad nikki ne ghar pahuchne ke bad baat karne ki baat kah kar call rakh diya.

Nikki ke call rakhne ke bad, mai chhoti maa logon ko uncle ki priya ke liye car lene wali baat batane laga. Abhi mai chhoti maa ko ye baat bata hi raha tha ki, tabhi vaani didi ka mobile bajne laga.

Vaani didi ne mujhe chup rahne ka ishara karte huye kaha ki, priya ka call aa raha hai. Vaani didi ki ye baat sunkar, mere sath sath baki sab bhi chauke bina na rah sake.

Mujhe samajh me nahi aa raha tha ki, priya ne vaani didi ko call kyo lagaya hai. Usne abhi tak chhoti maa ya keerti ko koi call nahi kiya tha. Aise me uske sidhe vaani didi ko call karne wali baat mujhe kuch hajam nahi ho rahi thi.

Waise bhi humare yaha ke logon me priya ki sabse jyada chhoti maa se patti thi. Yadi usne chhoti maa ko call lagaya hota to, mujhe kuch bhi ajib nahi lagta. Lekin uska vaani didi ko call lagana mujhe bahut ajib lag raha tha.

Mai abhi priya ki isi harkat me uljha hua tha ki, vaani didi ne priya ka call uthate huye kaha.

Vaani didi boli “haan priya bolo, tumhe aaj achanak meri yaad kaise aa gayi.”

Priya boli “……………” (didi, wo nikki ne shikha didi ko call lagaya tha. Unhi se pata chala ki, aap …………………..)

Vaani didi boli “haan priya, tumne bahut sahi suna hai. Lekin maine unhe ye baat kisi ko bhi batane se mana kiya tha.”

Priya boli “…………..” (didi, unne hume ye baat nahi batayi hai. Wo to humne nashte ke samay shikha didi ko call kiya tha. Isliye jab aman bhaiya nisha bhabhi ko ye baat bata rahe the to, humne bhi unki baat sun li thi.)

Vaani didi boli “chalo koi baat nahi hai. Lekin abhi tum ye baat kisi ko mat batana.”

Priya boli “……………” (didi, mai ye baat kisi ko nahi bataugi. Maine to aapko sirf isliye call lagaya hai. Kyoki humare …………………….…………………)

Vaani didi boli “ye to bahut achi baat hai. Lekin abhi baat karne ki jarurat nahi hai. Mai aaj raat ko Mumbai aa rahi hu. Mai kal kisi samay tumse mil kar is baare me baat karti hu.”

Priya boli “……………” (didi, ye to bahut achi baat hai. Mai raj bhaiya ko bol dugi. Wo aapko airport lene aa jayege.)

Vaani didi boli “nahi priya, iski jarurat nahi hai. Mai raat ko do baje waha pahuchugi. Isliye kisi ko pareshan hone ki jarurat nahi hai.”

Priya boli “……………” (didi, isme parehshani wali kya baat hai. Yadi aap mere shahar me aa rahi hai to, aapko humare ghar hi rukna padega.)

Vaani didi boli “priya samjha karo, mai apne kaam ke silsile me waha aa rahi hu aur mere aane jaane ka bhi koi samay nahi hai. Isliye is baar mujhe is baat ke liye maaf karo. Lekin agli baar jarur mai tumhare ghar me rukugi.”

Priya boli “…………….” (thik hai didi, mai kal aapke aane ka intejar karugi.)

Vaani didi boli “ok priya, mai kal waha pahuch kar tumse milti hu. Ab mai rakhti hu.”

Priya se itni baat karne ke bad, vaani didi ne call rakh diya. Hume priya ki baat sunayi nahi de rahi thi. Isliye hume samajh me nahi aaya ki usne vaani didi se kya baat ki hai.

Lekin vaani didi ki baton se itna jarur samajh me aa gaya tha ki, wo aaj raat ko Mumbai jaane wali hai. Unke achanak Mumbai jaane wali baat ne mere sath sath baki sabko bhi hairani me daal diya tha.

Wahi vaani didi ko priya se baat karte dekh kar ami pure samay unhe ghoor kar dekh rahi thi. Vaani didi ne bhi ami ki is harkat par gaur kar liya tha. Isliye un ne priya ka call rakhte hi, ami ko aankh dikhate huye kaha.

Vaani didi boli “tu mujhe is tarah se ghoor kar kyo dekh rahi hai. Kya mujhe kha jayegi.”

Vaani didi ki is baat ko sunkar, ami se unki baat ka koi bhi jabab dete nahi bana aur wo yaha waha dekhne lagi. Lekin nimi ko ami aur vaani didi ki chal rahi is baat chit ka matlab jara bhi samajh me nahi aaya.

Usne vaani didi ke sawal se ami ko pareshan hote dekha to, apni hi dhun me ami ki taraf se vaani didi ki baat ka jabab dete huye kaha.

Nimi boli “didi, aap ho hi itni jyada sundar ki humara dil karta hai, aapko dekhte hi rahe.”

Nimi ki baat sunkar, mere sath sath baki sabke chehre par muskurahat aa gayi. Lekin vaani didi ke Mumbai jaane wali baat ne chhoti maa ko chinta me daal diya tha. Un ne nimi ko daant lagayi aur fir vaani didi se kaha.

Chhoti maa boli “vaani, aaj jo kuch hua hai, uski vajah se mujhe kuch dar sa lag raha hai. Kya aisi halat me tera Mumbai jana jaruri hai.”

Vaani didi boli “mausi, mai aapke is dar ko samajh sakti hu. Lekin itni si baat ko lekar aapko itna darne ki jarurat nahi hai. Aap fikar mat kijiye. Mere yaha na rahne par bhi kahi kuch galat nahi hoga.”

“Mujhe apne parivar ki kab, kis se, kaise suraksha karna hai. Ye mujhe bahut achi tarah se aata hai. Isliye aap apne man ke har dar ko nikal dijiye aur befikar rahiye. Mere rahte kuch bhi bura nahi hoga.”

Vaani didi ki ye baat sunne ke bad, chhoti maa ne kuch nahi kaha. Lekin wo kuch soch me pad gayi thi. Unhe kisi soch me gum dekh kar, vaani didi ne unka dhyan is baat se hatane ke liye unse kaha.

Vaani didi boli “mausi, aapne punnu ke birthday ke liye jo gift mangaya tha. Wo ise de kyo nahi deti hai. Kya use agle saal ke liye bacha kar rakhi hai.”

Vaani didi ki ye baat sunkar, chhoti maa apni soch se bahar nikal aayi. Un ne muskurate huye meri taraf dekha aur fir apne kamre me chali gayi. Thodi der bad wo apne kamre se ek bag lekar wapas aayi.

Un ne muskurate huye wo bag mere hath me thama diya. Mai fauran hi wo bag khol kar dekhne laga. Bag kholte hi, mujhe usme ek laptop najar aaya. Laptop dekhte hi, maine khush hote huye chhoti maa se kaha.

Mai bola “thanks chhoti maa, lekin aap janamdin ke itne din bad mujhe gift kyo de rahi hai.”

Chhoti maa boli “maine tere janamdin me dene ke liye ek computer liya tha. Lekin tab tu Mumbai me tha. Isliye maine wo tere kamre me hi rakhwa diya tha. Magar tere wapas aane ke ek din pahle hi wo computer keerti se toot gaya tha.”

“Isliye tab mai tujhe kuch bhi nahi de payi thi. Mai tujhe dusra computer dene ke baare me soch hi rahi thi ki, tabhi vaani ne computer ki jagah tujhe ek laptop dene ki baat kah di.”

“Mujhe bhi vaani ki ye baat sahi lagi aur maine tere liye ye laptop manga liya. Lekin tujhe ye laptop dene ke pahle hi tere sath wo hadsa ho gaya aur mujhe tujhe ye laptop dene ka samay hi nahi mil paya.”

Chhoti maa ki ye baat sunkar, mai hairani se keerti ki taraf dekhne laga. Itne din me usne ek baar bhi mujhe is baare me kuch nahi bataya tha. Mujhe uski is baat par bahut gussa aa raha tha.

Mujhe apni taraf dekhte pakar keerti sar jhuka kar khadi ho gayi. Chhoti maa ne mujhe keerti ko gusse me ghurte dekha to, un ne mujhe samjhate huye kaha.

Chhoti maa boli “jaane de na, us computer ko tutna tha to, wo toot gaya. Itni si baat ke liye gussa hone ki jarurat nahi hai. Galti to sabse hoti rahti hai.”

Mai bola “chhoti maa, mujhe computer ke tutne ka is par jara bhi gussa nahi hai. Mujhe to is baat par gussa aa raha hai ki, ye itne din se mere sath hai aur isne ek baar bhi mujhse ye baat nahi batayi hai.”

Chhoti maa boli “beta, isme keerti ki koi galti nahi hai. Maine hi keerti aur ami nimi se mana kiya tha ki, jab tak mai tujhe janamdin ka gift nahi de deti hu, tab tak koi bhi is baare me tujhse baat nahi karega.”

Chhoti maa ki baat sunkar, ami ne bhi keerti ka bachaw karte huye kaha.

Ami boli “haan bhaiya, mummy ke mana karne ki vajah se hi hum logon ne abhi tak ye baat aapse nahi batayi thi.”

Ab ami boli thi to, nimi ke chup rahne ka sawal hi paida nahi hota tha. Lekin uski aadat har baat me apna fayda dekhne ki thi aur usne abhi bhi aisa hi kuch karte huye kaha.

Nimi boli “haan bhaiya, ami didi thik kah rahi hai. Humne isi vajah se ye baat aapko nahi batayi thi. Lekin ab to wo computer toot chuka hai aur wo jara bhi aapke kaam ka nahi hai.”

“Magar aap fikar mat kijiye. Hum us computer ko bekar nahi hone dege. Wo computer jab sudhar kar aa jayega to, hum use apne kamre me sambhal kar rakh lege aur usme game khela karege.”

Nimi ki ye baat sunkar ek baar fir sab hasne lage. Nimi ko itni samajh to thi nahi ki, wo sabki is hansi ka matlab samajh sake. Isliye jab usne sabko apni baat par hanste dekha to, wo khud bhi sabke sath hasne lagi.

Ye uski aadat thi ki, jab uski nadani wali baat par koi hansta tha to, use hasne ki vajah samajh me na aane par wo ise apni baat ki shabashi samajh kar wo bhi hasne lagti thi.

Lekin yadi use hasne ki vajah samajh me aa jaye to, wo naraj hokar rone me bhi pal bhar ki der nahi lagati thi. Nimi humare ghar ki aisi chahchahati chidiya thi, jiske chahchahane se ghar me hamesha hansi khushi ka mahaul bana rahta tha.

Neha ko bhi nimi ki baten sunkar, bahut maja aata tha. Usne nimi ki ye baat suni to, nimi ki haan me haan milate huye mujhse kaha.

Neha boli “nimi thik kah rahi hai. Ab wo toota hua computer sudharne ke bad bhi, tumhare koi kaam ka nahi hai. Isliye ab wo nimi ka ho gaya hai. Lekin tum yadi chaho to, apna ye laptop dekar nimi se wo computer wapas le sakte ho.”

Neha ne sirf nimi ka maja lene ke liye ye baat kahi thi aur neha ki baat sunne ke bad, aisa hi kuch hua. Nimi ne jaise hi neha ki ye baat suni to, fauran hi neha ki baat ka samarthan karte huye kaha.

Nimi boli “bhaiya, neha didi thik kah rahi hai. Yadi aapko computer hi pasand hai to, aap laptop hume dekar, humse computer le sakte hai.”

Nimi ki baat sunkar, ek baar fir sabki hansi goonj gayi. Wahi maine pyar se nimi ke sar par hath ferte huye kaha.

Mai bola “meri pagal nimmo, wo computer bhi tera hai aur ye laptop bhi tera hi hai. Tera jab bhi man kare, tu mujhse ye laptop le sakti hai. Kya maine tujhe kabhi kisi chij ke liye mana kiya hai.”

Meri ye baat sunkar, nimi khush ho gayi. Tabhi mujhe paan ki yaad aayi aur maine apni jeb se paan nikal kar chhoti maa ko dete huye kaha.

Mai bola “chhoti maa, mai aapke liye ye meetha paan laya tha.”

Meri baat sunkar, chhoti maa ne pyar se mere gaal par hath fera aur mere hath se paan le liya. Lekin mujhe chhoti maa ko paan dete dekh kar vaani didi ne mujhe tokte huye kaha.

Vaani didi boli “ye mausi ko kis khushi me paan khilaya ja raha hai aur kya tujhe paan leti samay meri yaad nahi aayi thi. Jo tu mausi akele ke liye paan lekar aaya hai.”

Mai bola “didi, wo aaj chhoti maa mujhse naraj thi na aur wo kabhi kabhi meetha paan khati hai. Isliye unka mood sahi karne ke unke liye mai ye meetha paan lekar aaya tha. Mujhe nahi pata tha ki, aap bhi meetha paan khati hai.”

Vaani didi boli “mausi ki tarah mai bhi kabhi kabhi mai paan kha leti hu.”

Vaani didi ki is baat ke jabab me maine kaha.

Mai bola “to didi, aap bhi paan kha lijiye. Mai teen paan lekar aaya tha.”

Meri baat sunkar, vaani didi ne chaukte huye kaha.

Vaani didi boli “tu teen paan kisliye laya tha. Kya ami nimi bhi paan khati hai.”

Mai bola “nahi didi, ami nimi paan nahi khati hai. Chhoti maa unhe kabhi paan khane hi nahi deti hai. Lekin keerti bhi yaha thi na. Ye chhoti maa se jid karke unka aadha paan kha jati hai. Isliye mai iske liye bhi paan tha aur ek paan extra le aaya tha.”

Meri baat sunne ke bad, chhoti maa paan ka pouch khol kar, vaani didi aur keerti ko paan dene lagi. Chhoti maa, vaani didi aur keerti ko paan khate dekh kar neha bhi paan khane ki baat bolne lagi.

Neha ki baat sunkar, vaani didi ne apne paan me se aadha paan neha ko de diya. Ami nimi badi gaur se sabko paan khate dekh rahi thi. Ye dekh kar keerti ne unse puchha.

Keerti boli “ami nimi kya tum dono bhi paan khaogi.”

Ami boli “nahi didi, mummy gussa karegi.”

Keerti boli “nahi, aaj mausi tumhe paan khane ke liye gussa nahi karegi. Tum dono kabhi paan nahi khati ho. Aaj tum dono mere paan me se aadha aadha paan kha lo. Mai mausi ke paan me se aadha paan kha lugi.”

Ye kahte huye keerti ne apne paan me se aadha aadha paan ami nimi ko de diya aur khud paan ke liye chhoti maa ke samne jakar khadi ho gayi. Ye dekh kar maine keerti se kaha.

Mai bola “tujhse chhoti maa ka paan bachane ke liye hi mai itne paan lekar aaya tha. Lekin tu ami nimi ki aad lekar fir se paan ke liye chhoti maa ke samne jakar khadi ho gayi.”

Meri is baat par keerti ne muskurate huye kaha.

Keerti boli “mai kya karu. Mai jab tak mausi ke paan me se aadha paan nahi kha leti hu. Tab tak mera man hi nahi bharta hai.”

Keerti ki baat sunkar, chhoti maa ne muskurate huye apne paan me se aadha paan keerti ko de diya. Abhi sabke paan khane ka ye daur chal hi raha tha ki, tabhi ek ladki ne andar aate huye badi hi pyari si aawaj me kaha.

Ladki boli “aunty, kya mai andar aa sakti hu.”

Us ladki ki aawaj sunkar, maine palat kar uski taraf dekha. Wo pink top aur short black skirt pahne huyi thi. Uska rang bahut saaf tha aur chehre par chanchalta jhalak rahi thi. Jis vajah se wo bahut hi pyari lag rahi thi.

Wo mujhse umar sirf ek do saal chhoti lag rahi thi. Mai pahli baar use dekh raha tha. Wo shayad nayi nayi humari colony me aayi thi. Isliye mujhe samajh nahi aaya ki ye ladki kaun hai. Lekin chhoti maa ne use dekhte hi kaha.

Chhoti maa boli “dipti beta, aao, andar aao. Ye tumhara apna hi ghar hai aur tumhe yaha andar aane ke liye puchhne ki jarurat nahi hai.”

Chhoti maa ki baat sunkar, dipti ne andar aate huye kaha.

Dipti boli “aunty, aaj humara akhbar wala akhbar dekar nahi gaya hai. Kya aapke yaha aaj akhbar aaya hai.

Dipti ki is baat ka jabab keerti ne dete huye kaha.

Keerti boli “haan dipti, humare yaha aaj akhbar aaya hai. Ruko, mai abhi tumhe aaj ka akhbar deti hu.”

Ye kah kar keerti aaj ka akhbar lene chali gayi. Vaani didi ne dipti ko akhbar ke baare me baat karte dekha to, us se kaha.

Vaani didi boli “tujhe akhbar padne ka shauk kab se lag gaya. Aisa kya chhapa hai aaj ke akhbar me ki, tujhe akhbar pade bina chain nahi hai.”

Dipti boli “didi, mujhe akhbar padne ka shauk nahi hai. Wo kya hai ki, aaj ke din akhbar me achi achi kavitayen aati hai aur didi ko kavita padne ka bahut shauk hai. Isliye un ne hi kaha hai ki, ami nimi ke yaha se aaj ka akhbar le aao.”

Dipti ki baat sunkar, vaani didi muskura kar rah gayi. Tab tak keerti ne use aaj ka akhbar lakar de diya. Wo akhbar lekar wapas jaane ko huyi to, chhoti maa ne use tokte huye kaha.

Chhoti maa boli “dipti beta, aaj maine pulao banaya hai. Yadi tumhe pulao pasand hai to, khakar hi jao.”

Chhoti maa ki baat sunkar, dipti ne muskurate huye kaha.

Dipti boli “aunty, didi ko pulao aur biryani bahut pasand hai. Aap aisa kijiye, mujhe pulao de dijiye. Mai ghar jakar didi ke sath hi kha lugi.”

Dipti ki baat sunkar, chhoti maa uske liye pulao lene kitchen me chali gayi. Uski is baat se mujhe bhi yaad aa gaya ki, kuch din pahle vaani didi ne mujhse biryani bana kar khilane ki baat kahi thi.

Lekin apne sath huye hadse ki vajah se ye baat mere dimag se hi nikal gayi thi. Magar ab is baat ke yaad aate hi, maine bhi soch liya ki, vaani didi ke Mumbai se wapas aane ke bad, mai jarur unhe biryani bana kar khilauga.

Mai abhi isi baare me soch raha tha ki, tabhi chhoti maa ek tiffin me pulao pack karke le aayi. Un ne wo tiffin dipti ko diya aur fir dipti unse ijajat lekar chali gayi. Dipti ke jaane ke bad, chhoti maa ne mujhse puchha.

Chhoti maa boli “tu chanda mausi se baat karne kab jaane wala hai. Mujhe bhi unke pas jana hai.”

Mai bola “bas chhoti maa, mai ja hi raha hu. Aap taiyar ho jaiye, fir hum chalte hai.”

Chhoti maa boli “nahi, pahle tu unse apni baat kar le. Fir mujhe phone karke bata dena ki, wo jaane ke liye taiyar huyi ya nahi huyi. Teri unse baat ho jaane ke bad hi mai unse milne aaugi.”

Mai bola “thik hai chhoti maa, to fir mai akela hi chala jata hu.”

Meri baat sunkar, vaani didi ne kaha.

Vaani didi boli “nahi, tumhe akele jaane ki jarurat nahi hai. Hum sab bhi tumhare sath chal rahe hai. Mai mummy aur baki sab logon ko kuch der ke liye waha se alag kar dugi. Taki tum aaram se apni baat kar sako.”

Mai bola “thik hai didi.”

Vaani didi boli “tum baitho, mai abhi taiyar hokar aati hu. Keerti, neha, ami, nimi tum log bhi chalne ke liye taiyar ho jao.”

Itna kah kar vaani didi apne kamre me chali gayi. Unke jaane ke bad, chhoti maa, ami, nimi aur neha bhi apne kamre me chali gayi. Lekin keerti mere pas hi baithi thi. Ye dekh kar maine us se kaha.

Mai bola “kya tujhe taiyar nahi hona hai.”

Keerti boli “mai to pahle se hi taiyar hu. Ab aur kaise taiyar hou.”

Uski baat sunkar, mai muskura kar rah gaya. Fir mujhe dipti ki yaad aayi to, maine keerti ne puchha.

Mai bola “abhi ye jo dipti aayi thi. Ye kaun hai. Kya ye humari colony me nayi aayi hai.”

Meri baat sunkar, keerti ne muskurate huye kaha.

Keerti boli “are tumne ise pahchana nahi. Ye hi to saxena uncle ki bati aur ami nimi ki nayi saheli hai.”

Keerti ki ye baat sunkar maine chaukte huye kaha.

Mai bola “lekin tune to mujhse kaha tha ki, ami nimi ki saxena uncle ki chhoti beti ke sath dosti huyi hai.”

Meri is baat par keerti ne hanste huye kaha.

Keerti boli “are buddhu, ye hi saxena uncle ki chhoti beti hai.”

Keerti ki ye baat sunkar, maine aur bhi jyada chaukte huye kaha.

Mai bola “lekin ye to ami nimi se bahut badi lagti hai.”

Keerti boli “haan, ye ami nimi se bahut badi hai. Ye 8th class me hai aur abhi abhi iska naam meri school me likha hai. Lekin iski badi bahan ke chakkar me iske sath sath ab mera naam bhi mere school se katne wala hai.”

Keerti ki is baat ne mujhe aur bhi bada jhatka de diya. Mujhe samajh me nahi aa raha tha ki, dipti ki badi bahan ne aisa kya kiya hai. Jiski vajah se dipti ke sath sath ab keerti ka naam bhi uske school se katne wala hai.

______________________________

Fantastic super-duper update bro.
Y priya kis bare me vanni se bat kr rhi he y raaz kb khulega.
Iss update me ami-nimi ki chulbuli bate dekhne ko mila.
Y new entry kon he bhai jrur kuchh bat to he tvi y new entry hui he.
Ab punnu chanda mousi ko mnane jaa rha he dekhte he aage kya hota he.

 

[kamdev99008]

dada..........aaj bhi chhutti mar li............
update kahan hai

 

[Pritam.bs]

dada..........aaj bhi chhutti mar li............
update kahan hai

Chhutti nahi maari hai. Update hi taiyar kar raha hu. Lekin kuch acha ban nahi pa raha hai. Shayad ab kal hi update aa paye.

 

[kamdev99008]

Chhutti nahi maari hai. Update hi taiyar kar raha hu. Lekin kuch acha ban nahi pa raha hai. Shayad ab kal hi update aa paye.

मेरा अपडेट भी अधूरा है............. अब पूरा कर रहा हूँ ........कल सुबह या शाम को पोस्ट करता हूँ..........