EPISODE : 09
----------------
DATE : 08 MARCH 2017
LOCATION : AMR UNIVERSITY ...
" Nikita, chal dance competition ke liye practice karni hai ki nahi?" Sunana .
"Haan yaar, practice toh karni hai... Sun, tu ja rahi hai toh Bittu ko bol dena ki woh auditorium mein aa jaye," Nikita .
"Kyun, tu kyun nahi chal rahi hai?" Sunana
.
"Nahi yaar... Mujhe ek kaam karna hai, Didiya ne diya hai," Nikita .
"Hmm... Chal, main hi Bittu ko bula dungi," Sunana .
Phir Sunana Bittu ko bulaane chale jaati hai. Aur Bittu ke class mein jaake woh Bittu ko bula leti hai aur saath hi saath Sunana apne dance partner ko bhi bula deti hai... Jo hoti hai Ishita ...
----------------------------------------------------
LOCATION : COLLEGE AUDITORIUM
College auditorium mein bahut saare ladka-ladki dance practice kar rahe hote hain. Jisme Sunana bhi thi, Ishita bhi thi, Nikita bhi thi, aur Bittu bhi tha.
"Tumhe dance karna aata hai, Bittu?" Nikita poochti hai.
"Haan, aata hai, lekin thoda-mora sa..." Bittu .
"Okay, toh bolo, konsa song par dance karna hai?" Nikita .
"Aap hi choose kar lo, kyunki mujhe song ke baare mein utna pata nahi hai..." Bittu .
"Hmm, strange, tum iss generation ka ladka ho na?" Nikita poochti hai, sawal bhari nazaron se.
"Haan, mai isi generation ka hoon," Bittu .
"Lagta nahi hai," Nikita .
"Woh kyu?" Bittu .
"Kyuki aaj kal sabhi ladkon ko gaana suna bahut pasand hai aur sab naye aur purane gane sunte hain... Lekin tum bol rahi ho ki tumhe songs ke baare mein pata hi nahi," Nikita boli, thodi sawal bhari nazron se.
"Hoa sakta hai... Baaki ladko ko song pasand aaye, lekin mere liye aisa nahi hai," Bittu .
"Okay, toh chalo, mai hi song select karti hoon," Nikita boli.
Aur song select karna shuru kar diya.
Ek song select karne ke baad us song ke liye practice karne lagi.
Karib 2-3 ghante dance practice aur naye naye dance moves seekhne ke baad sabhi students dance practice khatam karte hain aur sab apne-apne ghar ke liye nikal jaate hain.
---------------------------------------------------
Bittu college se nikalne ke baad college ke bahar ek restaurant mein jata hai aur kuch der baad us restaurant ke andar Ishita aur kareeb 10 minute baad Ayesha aati hai aur teeno ek table par baith jaate hain.
Us samay restaurant mein bahut kam log baithe hue hote hain
. Aur Bittu, Ayesha aur Ishita teeno ekdam corner wala table par baithe hue hote hain.
Ye sab Sunana dekh rahi hoti hai college ke gate se bahar.
Aur ye bhi dekhti hai ki Bittu aur do ladkiyan ek corner wala table par baithe hain.
"Are Nikita.. sun," Sunana .
"Bol," Nikita .
"Tera woh dance partner ka naam kya tha?" Sunana .
"Bittu... Kyun?" Nikita .
"Haan, woh dekh Bittu do aur junior ladkiyon ke saath baitha hai... Woh bhi corner wali table par," Sunana .
"Hmmm," Nikita .
"Kaun ho sakti hain ye ladkiyan?" Sunana .
"Are, hoga uska girlfriend ya koi jaan-pehchan wali. Usko chhod aur chalo ghar chalte hain," Nikita bolti hai.
"Hmm. Chal... chalte hain..." Sunana ...
Aur dono chali gayi, lekin Nikita ne ek nazar Bittu aur uske group ki taraf daali aur chali gayi.
_______________________________________
". Kuch pata chala tum dono ko? "Ayesha puchti hai...
"Mera hisaab se humein kuch different angle se is case ko solve karna hoga," Ishita ...
"Lekin kaisa?" Bittu ...
"Bittu, tumne uss Rajiv se dosti kar li hai na?" Ayesha ...
"Hmm, woh kaam ho gaya hai," Bittu ...
"Toh next step kya hoga?" Ishita ...
"Humein college ke baaki saare seniors aur teachers par nazar rakhni padegi... Woh bhi chup chap," Ayesha ...
" Aur Bittu, tum Nikita se dosti aur badhao," Ayesha ...
Jis par Bittu thoda sakpaka gaya aur mooh theda karta hua bola,
"Kyu bhala?"
"Kyuki agar tum usse dosti karoge toh badle mein hum information nikaal sakte hain... Kyuki Nikita, Rakesh Agarwal ki beti hai. Aur Rakesh Agarwal, Kolkata ka bahut bada industrialist hai toh unka jaan pehchan har jagah hoga..." Ayesha ...
"Lekin Ayesha, isse hume kya fayda hoga?" Bittu bola...
"Sab kuch abhi hi bata doon kya tumhe... Main jo keh rahi hoon woh karo pehle... Samjha?" Ayesha thoda gusse hoke boli...
"Thik hai maharani ji..." Bittu bola aur teeno muskura diye...
"Toh next meeting?" Ishita ...
"12 March shaam ko," Ayesha ...
"Kahaan par?" Bittu ..
"Main bol dungi..." Ayesha
aur phir teeno ne cold coffee pi aur uss shop se bahar aake apne apne room ki taraf chale gaye.
________________________________________
DATE : 08 MARCH 2017
LOCATION :SOUTH KOLKATA ...
Sout
Kolkata ke ek apartment ke andar ek shakhs sofa par baith hua tha ...
Aur TV dekh raha tha ki tabhi uska mobile par ek call aata hai ...
Aur woh shakhs call pick kar leta hai ...
"Namaskar Vinod sahab," dusri taraf se awaaz aayi
"Namaskar ... kaun bol raha hai?" Vinod ...
"Are mai koi bhi bol raha hu ... Aapko isse koi lena dena nahi hai ... Haan lekin mere paas jo khabar hai, usse aapko aur aapke saathiyon ko lena dena zaroori hai," dusri taraf se awaaz aayi
"Konsi khabar?" Vinod ...
"Suna hai janab ki India ki intelligence agency ne kuch secret agents ko bheja hai aapko aur aapke saathiyon ko maarne ke liye aur aapka ghar khatam karne ke liye," dusri taraf se awaaz aayi ...
Ye sun Vinod hayran ho gaya aur sofa se uth khada hua ... Aur cheekh pada,
"Kya?" Shakhs ...
"Hmmm ... sahi suna aapne," dusri taraf se awaaz aayi ...
"Lekin tum bol kaun raha ho?" shakhs ...
"Are janab aap aam khayiye, gutliyan mat giniye," dusri taraf se awaaz aayi aur phone cut ho gaya ...
______________________________________________________________
