If you are trying to reset your account password then don't forget to check spam folder in your mailbox. Also Mark it as "not spam" or you won't be able to click on the link.
Bhai ek hi likhne me halat kharab ho gayi ...Koi naa iss baar pakka......Exams aa rahe hai 25,27 ko bhai warna de deta ...May first week Tak thoda load rahega...firr regular aayenge updates ...week me 2 updates pakka...
Update 8 - ( The Burning of Fire and Promise ! - Part 1)
Pichle update me aapne padha kaise Ravi ke family ki mulakat Kishore ke family ke saath hui aur kaise Rajan planning karta hai murti ko mandir se churane ki.
Ab aage -
Place - ( Uttarakhand ) - Mandir se 4 km dur ek band padi Factory Time - October 28th, 2008 -Tuesday - 4:00 am
Subah ke 4 baj rahe the aur 5 log kaafi tanav bhare chehre liye ek band padi factory me baithe he the. Sabke kaano me ek bluetooth tha aur do logo ke shirt ke button me saamne camera lage hue the. Ji haa ye log Rajan ke aadmi the. Rajan inse dur ek underground bunker me baith kar sab chizo ki nigrani kar raha tha. Saamne 2 screens par saari tasveere saaf-saaf dikh rahi thi. Rajan ke ye 5 log the -
( Tony , Varun - Tunnel khodne ke liye ) , ( Vishal ) - Pandit ko mandir se bahar laane ke liye , ( David ) - Murti ko nadi se bahar lane ke liye ,( Raman ) - Local gunda Support ke liye
Rajan - Sab Plan ke hisab se taiyaar hai na?
Sab - ( Ek saath)- Yes Boss.
Rajan - Vishal , Tumne Pujari ke family ka pata laga liya?
Vishal - Haa boss, Uski ek beti hai jo thik 9:30 pe collage ke liye nikalti hai Vikas Colony ke saamne wali gali se ( Random gali name ) . Waha use ek bike wala takkar maarega aur fir aas paas ki bheed me apna ek aadmi pujari ke paas call karega ki uski beti ka accident ho gaya hai. Usi waqt mai use bahar laa kar uski jagah le lunga boss agar wo ladki nahi milti to humara same plan uske bete ke liye hai jo kaafi waqt se job ki talash me tha use ek event ki invitation bheji gayi hai wo event bhi thi 9:30 baje hai.
Rajan - Thik hai, Koi bhi chuk nahi honi chahiye.
Sab - ( Ek saath ) - Yes Boss.
Place - ( Uttarakhand, Ansh ka ghar ) Day - ( Time : 9:00 am )
Subah 9 baj rahe the. Ansh apne kamre me apne laakho ghode bech ke so raha hai. Ansh ko do chize bhot pasand hai ek to aapko pata hai khana. Bhukh Inse bardaast hoti nahi aur ek baar so jaaye to bhi bhagwaan hi uthaye. Ravi bhi aaj ghar pe hai kyunki aaj Devki mandir jana chahti thi sabko lekar. Devki kitchen me hi kaam kar rahi hoti hai ki Devki ka phone bajta hai.
** Tring Tring **
Devki check karti hai to number Ragini ka tha aur ye dekh kar Devki ke chehre par ek muskaan aa jaati hai. Ji Haa Ragini ghar par nahi hai Ragini,Rani aur Ramesh, Ramesh ke gaao gaye hue hai kyunki Ramesh ke Chacha ke beti ki shaadi hai. 3 din ho gaye hai Ramesh, Ragini aur Rani ko yaha aaye hue aur in 3 dino me Ragini kam se kam 30 baar phone kar chuki hai Devki ko, 2 baar to aaj subah se hi ho gaye aur har call ka topic ek hi hota tha. Ji haa bilkul sahi guess kiya … Ansh urf Lalla
Ragini - Hello Didi
Devki - ( Muskurate hue ) - Ha Ha meri maa, Nahi uthaya hai tere lalla ko.
Ragini - ( Jhepte hue ) - Lekin maine kaha Lalla ke baare me kuch pucha
Devki - ( Muskurate hue ) - Rehne de.. Rehnde de mujhe sab pata hai tera
Ragini - ( Thodi si udaas hoke ) - Kya karu didi …Mera bilkul mann nahi lag raha yaha lalla ke bina.
Devki - Are chhoti, koi baat nahi , Kal to aa hi rahe ho tum log.
Ragini - Haa didi kal shaam tak aa jaayenge, Dekho na kal Ansh ka bday hai aur mai dur hu.
** Boom **
Author’s POV - Ji haa, dosto kal humare Ansh ka bday hai. Uska janm kab hua tha ye to nahi pata isliye Devki aur Ravi jis din use ghar laaye the usi din uska birthday manate hai.
Devki - Koi baat nahi Chhoti, Kal tum uske liye accha sa gift lete hue aana. Wo khush ho jaayega.
Ragini - ( Chehakte hue ) - Haa Didi, Uske liye best gift le ke aaungi mai
Devki - ( Ahm Ahm.. Ragini ko tease karte hue ) - Mera gift bhi best ho skta hai
Ragini - ( Achanak se behno wala pyar competitive maa wali feeling me badal gayi ) - Huhh! Dekh lenge.
Devki - ( Muskurate hue ) - Dekh lena !
Ragini - ( Muskurate hue ) - Accha rakhti hu didi, Idhar sab guests aa rahe hai.
** Phone cut ho jata hai **
Devki - ( Aawaz dete hue ) - Aji Sunte hai…?
Ravi - ( Jo kitchen ki taraf hi aa raha tha, Piche se devki ko hug karte hue ) - Aji aapki hi to Sunte hai..
Devki - ( Sharmate hue ) - Hato ji, Aap bhi naa..
Ravi - ( Devki ko tease karte hue ) - Mai bhi kya Jaan ?
Ansh - ( Devki ke aawaz ki mimicry karte hue ) - Aap na bade wo ho..
2 logo ne ye baat ek saath boli thi.Ansh jo sandhya ke uthane se uth kar niche aa chuka tha aur kitchen me aate hue jo nazara dekha to masti sujhi use. Ansh aur Devki ne same baat boli thi same waqt pe.
Devki aur Ravi dono shock me piche dekhte hai to Ansh khada-khada innocent si shakal bana raha tha.
Ansh ko aise dekh ke pahle to Devki aur Ravi kuch der tak shocked ho jaate hai. Devki to sharm se laal ho gayi thi.
Ravi - ( Baat badalte hue ) - Uth gaya mera sher?
Ansh - ( Do baar sar hilate hue ) - Hm Hm
Ravi - Sandhya aur Shivani kaha hai?
Tab tak dono seedhiyo se niche aati hai.
Sandhya - Aa gaye dad.
Ravi - ( Ansh se ) - Beta jao jaldi se fresh hokar taiyaar ho jaao. Hume Mandir jana hai.
Ansh - ( Chehakte hue ) - Aree waah aaj mai apne dost se milunga.
Ansh nahane ke liye washroom jata hai. Shivani uske piche piche jaakar uske liye kapde nikal kar bed pe rakh deti hai fir intezaar karti hai Ansh ka. Ansh jab bahar aata hai.
Ansh - Didu, Aap yaha kya kar rahi ho?
Shivani - ( Thoda sharmate hue ) - Tujhe taiyaar karne aayi hu. Ye kapde pehan le.
Ansh - Didu, Mai khud ready ho jaaunga na.
Shivani - ( Thoda mayus hote hue ) - Ruk na Sona mai kar deti hu
Ansh - Accha accha thik hai aap kar do
Shivani Ansh ko kapde pehna ke uske hair style pyar se bana deti hai. Fir Ansh ke shoes nikal deti hai. Ansh ek shoe ke lace to acche se baandh leta hai lekin dusra wala bandh nahi paa raha tha. Shivani thodi hairaan hoti hai aur fir niche jhukti hai ansh ke shoes baandhne ke liye aur jaise hi niche jhukti hai Ansh uske gaal pe ek kiss kar leta hai iss baar dusre gaal pe.( Last apko yaad hoga Ansh ne ye school me kiya tha ). Shivani to shock me chali gayi thi. Lekin Ansh use usi halat me chhodkar shoes ke laces baandh ke bahar nikal aaya seete bajate hue. Shivani ko jab hosh aaya to sharmate hue bahar aayi.
Sab Ready ho chuke the. Car 3no bacche piche baithe the aur Devki aur Ravi aage. Ansh ko uski dono behno ne bich me bitha rakha tha.
Sandhya - Gudde tu na mera pakad ke rakhna warna kho jayega.
Ansh - Didi, Mai ab bada ho gaya hu, Mai nahi khounga.
Shivani - Sona, Hum agar kho gaye to? Tum Kaise dhundhoge?
Ansh - ( Bhot hi pyar se Shivani ke or dekh kar ) - Aap kahi bhi kho jaaogi, Mai apko dhundh hi lunga didu. I promise !
Author’s POV - Alfaaz bhot saral the lekin last me jo promise kiya gaya wo bhot bada tha. Kyunki sabko pata tha. Ansh apne promise ko lekar kitna ziddi hai. Usne Madhu se promise kiya tha use daily chocolates dene ka ek din jab madhu school nahi aayi thi bimar hone ke wajah se to Ansh school se 5 km dur Madhu ke ghar chala gaya tha paidal use chocolate dene ke liye. Kamal ki baat ye thi ki wo uska ghar sirf ek baar gaya tha wo bhi car se aur usne wo rasta yaad kar liya tha. Shivani aur Sandhya bhot pareshan ho gaye the jab wo school khatam hone ke baad bhi Ansh ko nahi dhundh paaye. Ravi bhi bhot pareshan ho gaya tha fir unhe Madhu ki maa ka call aya. Tab sabke jaan me jaan aayi.
Sablog Mandir pahuch gaye. Sandhya aur Shivani dono ne Ansh ka haath pakad rakha tha. Apne baccho ko itna khush dekhkar Devki aur Ravi bhi muskuraye bina reh nahi paa rahe the.
Place - ( Mandir ke underground ) Time - 9:35 am
Subah ke lagbhag saadhe 9 baje the. Tony aur Varun subah se tunnel banane me busy the. Tunnel ka kaam pura ho chuka tha.
Tony - We’re done !
Vishal - Okay
Vishal ne Raman ko msg kiya
Vishal - Sab Ready hai ?
Raman - Ha bhai , Ladki humare saamne hi hai.
Vishal - Thik hai, Marni nahi chahiye.
Raman - Okay Boss
Tabhi ek bike wala ek ladki ko takkar maar deta hai aur bhaag nikalta hai. Ladki thodi dur jaake girti hai aur uska sar sidewalk ke kone pe lagta hai. Jisse wo behosh ho jaati hai. Aas-pas ke log jama ho jaate hai kuch bike waale ko gaaliya de rahe the. Kuch ambulance ko bulane ke liye call karte hai. Ji haa ye Pujari ki beti hi thi jo aaj apne routine ke hisab se collage ke liye nikli thi. Bheed me ye sab dekh raha aadmi ek message karta hai - Done ! Usne Ladki ka phone le ke pujari ko phone karne ki kosish ki lekin number unreachable aa raha tha. Fir wo Vishal ko phone karta hai.
Vishal - ( Phone pe) - koi baat nahi, Mai khud sambhal lunga.
Vishal jo ki mandir ke bahar pujari ke getup me tha. Jaldi se ander jata hai aur Pujari ko bolta hai.
Vishal - Baba, Baba aapki beti ka accident ho gaya hai.
Iss waqt main mandir me sirf mandir ke mukhya pujari hi reh skte the. Baaki saare Pujari side ke chhote mandiro me puja karwa rahe the.
Pujari sochne pe majbur ho gaye abhi 10 - 10:30 ke bich har tuesday ko special puja hoti hai. Jisme garbh grah ke kiwad band kiye jaate hai. Aur aadhe ghante tak ek alag vidhi se bhagwan ki puja ki jaati hai. Agar wo chale gaye to puja kaise hogi. Aaj tak aisa nahi hua tha ki puja ruki thi.
Vishal - Baba soch kya rahe hai, Wo sadak par hai... Aap jaaiye Puja mai kar dunga aaj ki.
Pujari - Tumhara bahot-bahot shukriya beta. ( Ek kitab use dete hue ) Isme puja ki saari vidhi likhi hui hai. Mai chhote baba se keh dunga aarti wo karwa denge.
Vishal - Aap chinta matt kijiye baba, Mai sab acche se kar lunga.
Jis din se plan start hua tha. Usi din se vishal ne pujari ka get-up lekar mandir ek aas-pas rehna suru kar diya tha.Mandir ke saare details usi ne pata kiye the. Sabko ye pata chala ki usne haal me hi apne ghar ka tyag karke sanyas liya hai aur kuch waqt ke liye hi mandir me hai.
Pujari nikal jaate hai aur thik 10 baje kiwad band kar diya jata hai. Idhar Ravi ki family bhi Madir pahuch chuki thi aur bahar ki aarti me shamil ho gayi jo ki aadhe ghante chalne wali thi. Ansh idhar udhar tukur -tukur sabko dekh raha tha.
Idhar mandir ke garbh grah me. Vishal ne saare screw unlock kiye aur side ki tiles ho hata ke use niche paas kar diya. Tiles ko niche se already Tony aur Varun ne cut kar diya tha aur niche se Tony aur Varun ne uss murti ki replica jo thik uss murti ke jaisi hi dikhti thi wo Vishal ko de diya. Vishal ne use original Murti ki jagah fix kar diya aur tile ko wapas se cover kar diya. Bariki itni jyada thi ki tile ko fix karne ke baad unhone tile ke kinare aise adhesive ( Chipkane wale gum ) se chipka diya ki 1 din ke baad kisi ko dekhne ke baad pata bhi nahi chalta ki use kata gaya tha. Niche se Tony aur Varun ne tunnel ka saamne ka part wapas se mitti bhar diya tha. Sab bilkul sahi se ho raha tha. Murti bhi lag gayi thi wo bhi bilkul thik waqt pe. Jo tile kholi gayi thi wo murti ke piche thi to kisi ko shaq hone ki gunjaish nahi thi.
Kiwad khulne se pehle chhote baba aarti lekar aa gaye aur gate ke saamne bhid lag gayi. Usi bheed ka fayda utha ke Vishal aaram se bahar nikal aaya. Kuch logo ne use dekha lekin dhyan nahi diya kyunki young pujari bhi kafi sare the mandir me. Tunnel ke raaste murti ko box me daal ke nehar me feka jaa chuka tha aur david idhar nadi ke kinare intezaar kar raha tha. 15 min. Me murti uss tak pahuch jaati. Logo ke aankho ke saamne se unke bhagwan ko chori kiya gaya tha.
Time : 10:45 am
Bheed thodi kam ho gayi thi.Chhote baba ko pata chal gaya tha ki pujari ji ke beti ka accident hua hai iss liye aaj wo hi harr chiz sambhal rahe the. Ravi aur devki mandir ke ander kadam rakhte hai. Ansh , Sandhya aur Shivani bhi ander aate hai. Ansh ki nazar jaise hi murti pe padti hai wo thoda shocked hota hai.
Ansh - Papa, Ye to mere friend nahi hai.
Ravi - Kyu beta ? Yahi to hai tumhare friend.
Ansh - Nahi papa ye to dusre hai.
Devki - Aisa kyu bole lalla?
Chhote baba - Kya baat hai beta?
Ansh - ( Ansh thoda mayus ho jata hai ) - Ye mere friend nahi hai. Mera friend chala gaya.
Aas-paas ke kuch log bhi use dekh rahe the.
Chhote baba - ( Ansh se samjhane ke tarike se puchte hue ) - Aapko kaise pata beta ye aapke friend nahi hai?
Ansh - Mere friend ke Dhanus ke bich me 8 nishan the. Ansh ne Dhanush ki or ishara karte hue kaha.
Lekin yaha to 7 hi hai aur Unke pairo ke ek ungli me nishan bhi tha isme to wo hai hi nahi. Ye mere friend nahi hai. ( Ansh ne mayush hote hue kaha ) .
Sabhi logo ke hosh udd gaye the. Dhanush ke grooves to kisi ne count nahi kiye the lekin chhote baba ne pairo ki ungli pe nishan bhot acche se notice kiya tha. Daily unke charno ko dhote jo the. Ravi ne niche dekha to Jung ( Rust ) ke kuch tukde pade hue the. Iska mtlb saaf tha murti ko khola gaya tha. Sabhi log shor machane lage. Chhote baba ne turant police ko phone kiya. Ansh apni maa ke saath chipka hua khada tha. Police bhi jaldi aa gayi.
Ram Mohan Mishra - ( Paas ke thana ka SI ) - Bhot hi Suljhe hue, Sacche aur imaandar officer.
Ram Mohan - Kya baat ho gayi baba .?
Chhote baba - Mohan ji, Kisi ne bhagwaan ki murti chura li hai.
Ram Mohan - ( Hairaani se ) - Garbh grah ke or dekhte hue. Murti to yahi hai baba.
Chhote baba - ( Tanaav me ) - Wo nakli murti hai Mohan ji, Hume bhi pata na chalta agar uss bacche ne na bataya hota.
Fir chhote baba puri baat batate hai.Jise sun ke Mohan ji behad hairaan ho jaate hai. Wo turant hi do logo ko CCTV ki footage ke liye bhej dete hai.Thaane me bhi har taraf nakabandi karne ke aadesh de dete hai. Fir Ansh ke taraf jate hai. Ansh kaafi mayush dikh raha tha.
Ram Mohan - ( Ansh ke sar ko sehlate hue ) - Beta, aap chinta Matt karo. Hum aapke friend ko jaldi hi dhundh lenge.
Ansh kuch nahi kehta bass haa me sar hilata hai.
Tabhi aawaz aati hai - Sir CCTV footage mil gayi hai.
Ram Mohan jaane ko hote hai aur jaise hi kuch kadam badhate hai piche se Ansh ki aawaz aati hai.
Ansh - ( Dheemi aawaz me ) - Uncle, Aap mere friend pe gussa to nahi karoge na
Wo bass hide and seek khel rahe mere saath.
Ram Mohan - ( Thoda Hairaani wali bhav me ) - Kya mtlb bete ?
Ansh - Jaise mai aur didu khelte hai waise hi. Wo mere saath hide and seek khel rahe aur abhi chup gaye hai
Ram Mohan - ( bewkoof nahi tha use laga Ansh ko zarur kuch pata hai ) - Aapko kaise pata wo chup gaye hai ?
Ansh - ( Saari mayushi ek second me chali aur fir apne daant dikhate hue ) - Kyunki Mujhe pata hai wo kaha chupe hai.
Ram Mohan , Ravi aur chhote baba sab ye sun ke shocked ho jaate hai.
Ram Mohan - ( Hairaani se ) - Kah…Kaha? Chupe hai tumhare dost?
Ansh Ram Mohan ka haath pakad le jata hai. Mandir ke murti ke piche. Mandir ke murti ke piche aur tiles ki or ishara karte hue kehta hai.
Ansh - Iske niche chupe hai .
Ram Mohan Jhuk ke gor se dekhta hai to use pata chalta hai ki tiles kati hui thi. Uske nishan aur adhesive dekh ke use pata chal gaya ki ye kaam kuch ghante se pahle hi hui hai. Aur ye sabse important jaankari thi kyunki abhi tak ye hi pata nahi tha murti badli kab gayi. Ram Mohan to Ansh ko dekh kar shocked rah gaya. Lekin use pata tha ye waqt shocked hone ka nahi hai. Wo turant hi action me aa gaya.
Ram Mohan - Dinesh, Iss tile ko nikalo aur niche dekho. Iss mandir ka map lekar aao. Dekho ye raasta kaha jata hai.
Time : 11:00 am
Idhar David ne murti utha liya tha aur uss boat me fix diya tha. Ram Mohan ko jaise hi pata chala ye tunnel ke nehar ki taraf jata hai. Wo samjh gaya murti ko pani ke raaste se le jaata jaayega. Usne turant hi saare boats ke bahar nikalne wale raasto pe rok laga di. Chhote baba se use ye bhi pata chal gaya Pujari ji ke beti ka accident hua tha aur aaj puja ek dusre pujari ne karayi.
Idhar sara kaam khatam karke David, Tony ,Varun, Vishal Raman ke adde par aaram kar rahe the. Tony aur Varun to kuch jyada hi thak gaye the.
Rajan - ( Call pe) - Sab kaam ho gaya ?
David - Yess Boss.Kamal 1 ghante me boat ko leke destination tak pahuch jayega.
Kamal, Raman ka hi ek khaas aadmi tha jo boat ko bahar le jaane wala tha. Idhar Raman lagatar kamal ke saath call pe connected tha aur pal-pal ki khabar le raha tha.
Boat bss nikalne hi wali thi ki tabhi dher saare sirens bajne lage. Bhot saare police officers aa gaye. Aage ka rasta block kar diya gaya tha.Ram Mohan khud bhi waha tha. Saare police wale ek-ek jagah ko check kar rahe the.
Kamal - Boss, yaha police aa gayi hai.
Raman - Kyaa?? Police?? Ye kaise ho skta hai ?
Kamal - Mujhe nahi pata boss. Mujhe dar lag raha hai boss.
Raman - Tum daro matt unhe kabhi nahi pata chalega murti kaha chupayi hui hai.
Kamal ka call cut jata hai. Idhar police wale harr jagah dhundh rahe lekin unhe murti mil nahi Rahi thi. Ram Mohan ko bhi ab lagne laga ki murti pahle hi nikal chuki hai.
Kamal ab thoda relax mehsus kar raha tha. Ab ise chamatkar kahiye ya kuch aur ek kutta nadi ke kinare se kamal ke taraf dekh ke bhaukne laga. Jisse Ram Mohan ko nazar uspe padi.
Ram Mohan - Kya naam hai tumhara?
Kamal - ( Thoda darr se ) - Kam..Kamal Saheb.
Ram Mohan - Gupta ji, Talashi ki iske boat ki.
Gupta ji - Ji saheb, kuch nahi mila.
Lekin kutta abhi bhi bhauk raha tha. Ram Mohan khud ek baar talashi leta hai lekin use kuch nahi milta. Tabhi boat se bahar aate hue Ram Mohan dekhta hai kuch bacche ghat se nadi me kud rahe hai aur achanak se uske dimag me kuch khayal aata hai. Wo turant kamal ke taraf mudta hai.
Ram Mohan - ( Gupta ji ) - kuch tairaak ( swimmers ) ko bulaiye aur sabhi boat ke niche jaa kar check karne ko kahiye.
Jaise hi kamal ne ye suna uske darr ke pasine chhutne lage. Wo jaldi se boat se kud kar bhaagne ki koshish karta hai. Lekin kutta wapas uska raasta rok leta hai aur uske pair ko kaat leta hai.
** Aghhhhhhh Aghhhhhh **
Kamal dard me chatpata raha tha. Police walo ne turant hi use pakad liya. Uske boat ke niche se unhe murti bhi mil gayi.
Idhar Raman ne jab ye baat batayi ki waha police aa gayi thi. To Rajan gusse se aag babula ho gaya.
Rajan - ( Pure gusse me) - Police waha kaise aa sakti hai!
Raman - ( Darte hue ) - Mu…Mujhe nahi pata Boss. Mai pata karta hu.
Rajan gusse me apne kamre ke sari chizo ko idhar-udhar fekne lagta hai. Ye uske zindagi ki pahli haar thi. Aaj Tak, bachpan se lekar aaj tak wo kisi chiz me nahi hara tha. Lekin aaj uska plan fail ho gaya. Jab sari chiz plan ke mutabik hui to kaha pe chuk hui unse ? Rajan se ye bardaast nahi ho raha tha. Uske liye ye sehan karna ki wo haar gaya hai maut se bhi battar thi. Wo pagalo ki tarah hasne laga.
Rajan - ( Paglo ki tarah haste hue ) - Kaiseeee????...Kaiseeee????....Mera plannnnn kaisee fail ho skta hai!!...Namumkin hai ye !!! Jiske…Jiske wajah se bhi mera plan fail hua. Use iss duniyaaa se mitaaaaa dunga mai….!!!!!
Rajan ke dimag me ek hi khayal gunj raha tha.Jiske wajah se bhi wo hara hai use iss duniya me rahne ka koi haq nahi.
Raman apne ek aur gunde ko phone karta hai jo ki port pe hi tha. Usne pura haal bata diya ki Kamal ko police pakad ke le gayi hai.
Idhar Ram Mohan murti dubara wapas laa kar mandir me sthapit karte hai aur wapas jaane lagte hai. Tabhi wo dekhte hai Ravi aur uski family abhi tak mandir me the. Wo Ansh ke paas jate hai.
Ram Mohan - ( Ansh ke sar pe haath ferte hue ) - Apke dost ko dhundh liya humne.
Ansh - Thank you! Uncle. Aap kal mere
birthday pe anaa. Mai aapko chocolate khilaunga.
Ram Mohan Iss baat par muskuraye bina reh nahi paaye.
Ravi ne Ram Mohan se thodi baatein ki aur fir Ravi apne ghar ko chal diye. Raste me jaate waqt Ravi isi soch me tha ki aaj uske bete ne khel-khel me kitna bada kaam kar diya. Devki bhi apne lalla ko bhot pyaar ke saath dekh rahi thi.Ek happy family Iss baat se anjaan ki unhone kiska ego hurt kar diya hai.
Idhar Ram Mohan police station pahochte hai. Jaha ek shaqs ko betahasa pita jaa raha tha. Ji haa ye aadmi aur koi nahi kamal hai.
Sirf lathiyo ki aawaz aur cheekho ki hi aawaz gunj rahi thi.
Ram Mohan - kuch bola isne ?
Gupta ji - Nahi shahab, bhot dheet hai.
Ram Mohan - Jao chaaku le ke aavo.
Kamal ye sun ke thoda darr jaata.
Gupta ji - ( thode shock se ) - Sir chaaku ?
Ram Mohan - ( Thoda Robdaar aawaz me ) - Haa suna nahi aapne .
Ram Mohan kamal ka haath pakad kar.
Ram Mohan - ( Sard aawaz me ) - Ab agar tere muh se naam nahi nikla to ye chaaku tere forarms me jaayega aur tab tak ander jaayega jab tak tu bolega nahi.
Gupta ji chaaku le ke aaye. Kamal ki halat bhot jyada kharab ho gayi thi. Constables ne Kamal ko pakad liya. Kamal ke haath me abhi chaaku thoda hi ghusa tha ki Kamal ki chikhe nikalne lagi.
Kamal - Batata hu…Batata hu shahab…Raman Raman naam hai uska.
**Boom**
Aaj ke liye itna hi…Aage kya hoga?...Rajan kya karega apne pagal pan me ?...Kya police wale Raman ko pakad paayenge ?...Kya-Kya dhamal hoga jab Ragini ghar pahuchegi?...Kon jeetega best gift ka competition?
janne ke liye bane rahe story ke saath. Likes aur comments karna na bhule.
...Koi naa iss baar pakka...
...Exams aa rahe hai 25,27 ko bhai warna de deta ...May first week Tak thoda load rahega...firr regular aayenge updates ...week me 2 updates pakka...
