Fantasy Aryan: Kaalivan Ka Uday

[F@ckYouBitch]

Next update kab ayega bhai

Suraj2244 aaj toh nahi aaye ga bro kal hi aaye ga abh

 

[Taigr]

Next update kab ay Ga bro

 

[F@ckYouBitch]

Next update kab ay Ga bro

Taigr aaj hi aaye ga bro

 

[Smith_15]

Update 11

 

[F@ckYouBitch]

Update 11

Smith_15 bss samjo aa gya

 

[F@ckYouBitch]

Chapter 11: Harvest aur Pehli Ladai





Harvest ke kareeb aane aur zyada zameen par kheti shuru hone ke saath, Aryan Rathore ne pehle hi 400 logon ka ek naya group, taiyaar karne ka order diya tha taaki 6 hectare aur cultivate kiya jaye, jo agle harvest ke liye total 9 hectare ban jaye.



Aaj Aryan ek local vyapari se milne ki taiyaari kar raha tha jo uske products Sukha Nagar ke bazaar mein bech sakta tha.



Aryan shahar ke centre ki ek busy gali ki taraf ja raha tha, do guards ke saath. Yeh wahi jagah thi jahan zyadatar khane ki dukaanein thi.



Usne ek jagah mein entry ki, jiska naam tha Central Bazaar, ek 3-manzila building. Yeh area kaafi bada tha aur movement achha tha, kyunki yeh shahar ki un chhoti jagahon mein se ek thi jahan log spiritual energy wale grains, cereals, fruits, aur vegetables khareed sakte the.



Misal ke taur par, ek kilo rice, corn, aur spiritual wheat ki keemat yahan 4 low-grade crystals thi. Yeh wahi keemat thi jo Aryan apne products ke liye chahta tha. Farak yeh tha ki Antriksh Rajya ke paani ki wajah se uske grains aur cereals mein spiritual energy local products se kaafi zyada thi.



“Namaste, main aapki kya madad kar sakti hoon?” Ek jawaan ladki, jo wahan ka uniform pehne thi—ek tight safed kurti aur churidar—ne Aryan ke group se poocha.



“Namaste, manager kahan milenge? Mujhe unke saath ek business deal karni hai,” Aryan ne friendly smile ke saath kaha.



“Oh! Somir ji apne daftar mein hain. Main aapko le chalti hoon,” ladki ne kaha, apni kamar matkate hue.



…



Thodi der baad, Aryan ki Somir se mulaqaat hui. Woh ek adhed umar ka aadmi tha, mota aur ganja, par shandaar kapdon mein—ek golden kurta aur dhoti—aur kaafi healthy lag raha tha. Lagta tha woh Sukha Nagar mein bhi kaafi achha jee raha tha.



“Central Bazaar mein aapka swagat hai, chhote sahab Rathore. Mai aap jaise bade aadmi ki kya madad kar sakta hoon?” Motu ne bade pyaar se kaha. Usne saamne wale jawaan ladke ko pehchaan liya tha, isliye itne pyar se baat kar raha tha.



“Haan, jaise ki aapko pata hoga, main Kaalivan mein kuch hafte se kheti kar raha hoon, aur ab harvest ka time aa gaya hai. Isliye mujhe ek jagah chahiye jo mere products beche,” Aryan ne imaandari se kaha.



Somir jaldi samajh gaya aur ek sawaal poocha, “Kya main jaan sakta hoon ki chhote sahab kya bechenge? Quantity bhi?”



“2.5 ton wheat, 3.75 ton corn, aur 3.75 ton rice, sab spiritual energy se bhare hue. Main inhe yahan ke products ke barabar ke daam pe bechna chahta hoon,” Aryan ne jawab diya.



“Oh! Toh yeh baat hai. Theek hai, itna zyada nahi hai, toh hum deal kar sakte hain. Agar yeh zyada hota, toh main bina apke product ko jaane aage nahi badh pata,” Somir ne sachchai se kaha.



Aakhir, woh pehle se Cromwell Rajya ke products resell kar raha tha, toh unme jo investment thi, usko aise hi nahi phenk sakta tha. Aur ek unknown cheez mein toh bilkul nahi! Par Aryan ki quantity sunke—jo Sukha Nagar ki total demand ka 2% bhi nahi thi—Somir ko yakeen tha ki chahe product achha na ho, tab bhi woh bech lega.



Deal final karne ke baad, yeh tay hua ki harvest ke turant baad Aryan ke aadmi yeh negotiated resources Central Bazaar mein laakar bechenge. Ek 10% ki fee bhi laage gi, jo Central Bazaar ko di jayegi.

Uske baad, Aryan apni haveli mein wapas aa gaya.



…



Ek hafta jaldi guzar gaya, aur Aryan teen din pehle level 19 tak pahunch gaya tha. Aaj usne level 20—Spiritual Beginner—tak break karne ka plan banaya!



Woh Antriksh Rajya mein bada mehnat se cultivate kar raha tha, lake ke saamne baithkar meditate karte hue.

Aryan ne Suryadev Shwas technique circulate karni shuru ki, jo pehle se hi 2nd phase ke end par thi aur agle phase ke liye ready thi. Uske jism mein spiritual energy dheere-dheere level 19 ka limit touch kar rahi thi.



Tabhi Aryan ki soul ki spirituality finally ek form mein badal gayi, jo uski consciousness mein visible thi. Isse pehle soul bas ek nebulous cluster thi, jo jism ka ek hissa hi maani jati thi. Par Spiritual Beginner stage se, soul ki spirituality badhti jati hai, aur Spiritual Saint level par solid ho jati hai.



Aryan ke jism se har stage ki tarah impurities ki safai hui. Is baar toxins ki matra pehle se 4 guna zyada thi, aur smell—hehe, Aryan ko laga jaise uske andar koi murda jee raha ho, bhenchod!



Yeh advance pehle se bhi zyada bada tha—uski vitality 100 saal aur badh gayi, ab 250 saal ki life expectancy ho gayi. Level 19 se 20 tak jaane ke liye jo energy lagi, woh level 1 se 2 tak ke muqable 4 guna zyada thi.



Lamba shower lekar yeh gandi badboo hataane ke baad, Aryan ne apni nayi technique Indestructible Body train karni shuru ki.



Aryan ne technique ko dheere-dheere samajhna shuru kiya aur jab usne activate ki, toh kisi ke liye kuch nahi badla, par uske liye uska jism pure metal jaisa ho gaya. Usse laga ki agar koi uski barabar ki taakat ka uspar talwar se attack kare aur woh bina defense ke khada rahe, tab bhi usse chot nahi lagegi!



Par abhi woh is technique se attack nahi kar sakta tha—yeh tab hoga jab woh aur strong ho jayega. Abhi yeh sirf 10 seconds ke liye kaam karti thi, aur uski 50% spiritual energy use karti thi. Is technique ke pehle phase ke peak tak pahunchne ke liye ise 50 ghante activate karna zaroori tha, bilkul Antriksh Talwar ki tarah, jisme bhi minimum activations chahiye hote the.



Kaafi ghante techniques aur cultivation training ke baad, Aryan Antriksh Rajya se bahar aaya aur kuch ghante rest karne ka faisla kiya.



…



Waqt guzar gaya, aur akhir harvest ka time aa gaya. Lakho saal baad pehli baar is ilaake mein aisa hua tha.



Pehle ke 200 kisaan apne kaam se khush the, aur aaj unki mehnat ka phal unke saamne tha.



In cultivators ki taakat ke saath, teen hectare jaldi harvest ho gaye, aur grains aur cereals ko fields ke paas ek building mein tayar kiya gaya, jo kisaanon ke kehne par banaya gaya tha.



Kaafi gaadiyan banayi gayi thi in items ke transport ke liye, kyunki kisi ke paas spatial rings nahi the, aur waise bhi unki capacity itni nahi hoti.



…



Harvest ke do din baad, saara samaan Central Bazaar mein pahunch gaya aur aaj se bikri shuru hogi.



Central Bazaar mein, ek adhed umar ki aurat, Darshana, apne parivaar ke liye hafte ka samaan khareedne aayi thi. Woh ek gharwali thi, shaadi-shuda, do bacchon ki maa, aur har crystal jo uska parivaar kamata tha, usko bacha ke rakhna padta tha.



‘Umeed hai aaj rice aache mile. Pichhle hafte aadha kachre mein phenkna pada tha,’ usne naakhushi se socha, usne ek sadharan saree pehni thi.



Thodi der baad, woh ek stall ke saamne ruki, jahan usne sabse bade rice ke daane dekhe—ekdum safed aur chamakte hue. Chahe Darshana aasman-zameen ki free spiritual energy na mehsoos kar saki, usse pata tha ki in daanon mein spiritual energy doosre rice se zyada thi.



“Behen ji, yeh rice 2 kilo nikal do,” usne ek uniformed ladki se kaha, jo balcony ke paas khadi thi, uski tight safed kurti uske curves ko dikhati thi.



“Ek minute,” ladki ne jawab diya.

“Behen ji, yeh rice kahan se aaya?” Darshana ne curious hoke poocha.

Ladki ne jaldi jawab diya, “Yeh yahin se hai, Kaalivan ki zameen se. Yeh naye raja sahab ka spiritual rice hai.”



“Oh! Toh yeh baat hai,” Darshana shock ho gayi yeh jaanke ki is ilaake mein kheti se itni achhi quality ka rice aa sakta hai.



…



Darshana ke ghar mein, lunch ka waqt tha, aur sirf woh aur uske do bacche ghar pe the. Darshana ne bazaar se khareeda rice banaya tha aur uska taste aur spirituality check karna chahti thi.



Thodi der baad, uska bada beta, jo cultivate shuru kar chuka tha, khane ki tareef karta hua bola, “Yeh rice mast hai, maa.”



Uske thodi der baad woh ekdam se chillaya, “Ahhh!”



“Kya hua?” Uski maa ne poocha.

“Main abhi rice khate hue advance kar gaya!” Harish, Darshana ka bada beta, jo level 5 par tha, shock mein bola. Ek portion rice khane ke baad woh sidha level 6 par pahunch gaya!



…



Jab Darshana ka parivaar Central Bazaar ke naye spiritual rice ke effects se dang tha, wahi haal Sukha Nagar ke doosre parivaaron ka tha.



Thodi hi der mein, afwaah fail gayi ki Kaalivan ka spiritual rice khane se aap advance kar sakte hai.



Log ab Kaalivan ke rice aur doosre products ko khazane ki tarah dhoondhne lage!



Char din guzar gaye, aur poora harvest bik gaya. Rice ki success ke baad, kaafi parivaaron ne dhoondha ki Kaalivan mein aur kya-kya ugaya gaya tha. Isse 10 ton grains aur cereals aankh jhapakte hi khatam ho gaye!



Yeh isliye kyunki yeh items itne spiritual energy se bhare the ki agar koi pehle ya doosre stage ka cultivator kuch chamach bhi kha le, toh woh breakthrough kar sakta tha!



In stages mein spiritual crystals cultivate ke liye use nahi ho sakte the, par khane mein spiritual energy ka use ho sakta tha. Chahe khane mein energy crystals ke muqable kaafi kam hoti thi, phir bhi yeh farak daal sakti thi.



Isliye, energy-rich kheti ki demand kaafi thi, aur jab yeh low price mein bechi gayi, toh Kaalivan ke products Sukha Nagar mein viral ho gaye.



Isse Aryan ke haath mein 49,500 crystals aa gaye. Isme se 32,000 crystals woh naye kisaanon ko dene wala tha jo agle 2-3 mahine mein 6 hectare aur cultivate karenge. Baaki amount se woh Kaalivan Sena ka headquarters banayega.



Isse woh 3 mahine mein recruitment shuru kar sakta tha, jab naya harvest ho jayega aur Sukha Nagar ke paas naye hires ke liye kaafi paisa hoga. Us waqt woh ek spiritual academy bhi kholega.

Jahan tak spiritual pills ki baat hai jo Black talent se kam wale logon ki madad karti hain, woh apne guards ko pehle apne stages ke peak tak pahunchne dega.



Kyunki unme se koi bhi level 39 par nahi tha, jo ek bada bottleneck tha Blue talent wale logon ke liye, jisme bina bahar ki madad ke aage badhna mushkil tha. Na sirf shahar ke guards is level par nahi the, balki Aryan ke personal guards bhi nahi, jinka sabse strong level 38 par tha.



…



Antriksh Rajya mein sab kuch shant tha jaise ummeed thi. Par aaj kuch alag tha. Aryan ke alawa, teen aur log bade ghar ke saamne, lake ke paas cultivate kar rahe the.



Yeh teen the Devraj, Laksh, aur Anjali. Iske peeche wajah—Devraj ke paas aajkal zyada kaam nahi tha, kyunki shahar ke paas changes ke liye funds nahi the. Toh woh abhi cultivate aur strong hone pe focus kar sakta tha.



Antriksh Rajya mein training se Central Continent ke north mein kisi ki bhi speed kaafi badh jati thi. Aur Laksh aur Anjali—dono ke Black talent ke saath—agar high spiritual concentration wale jagah jaise Antriksh Rajya mein train karte, toh jaldi advance kar sakte the.



Isliye Aryan ne in dono ke parivaar ko manaya ki woh apne ‘special training’ ke liye kahi jaa rahe hai. Aryan ne jayda detail mein nahi bataya, kyunki yeh doosron ke jaanne ke liye achha nahi tha.



Aryan chahta tha ki yeh dono jaldi strong ho jayein, isliye usne in dono pe invest kiya aur ek saal ke liye Antriksh Rajya mein rehne diya, jo Spiritual Beginner stage tak pahunchne ke liye kaafi tha.



Uske baad woh Antriksh Rajya ke bahar spiritual crystals se cultivate kar sakte the. Aryan ne dono bacchon ko ek Silver-grade technique dene ka waada bhi kiya taaki woh kisi ko na batayein ki woh is waqt kahan hain.



Aakhir mein, Aryan ab level 21 par tha, par uske paas ek problem thi. Ab tak usne sirf cultivate aur train kiya tha akela, toh usse nahi pata tha ki ek real fight mein woh kitna strong hai. Isliye usne apne guards ke saath training shuru karne ka socha.



Aryan ki physique, badhi hui energy, aur Golden-grade techniques ke saath, usse yakeen tha ki woh level 27 ya 28 tak ke kisi se ladai mein nahi harega. Usse nahi pata tha ki woh jeetega ya nahi, par usne socha ki us level se hi usse challenge milega. Isse neeche walon se woh aaram se jeet jayega.



Toh Aryan ne Commander Pratap se baat karne ka socha.



…



Meera se baat karne ke baad, Aryan ne akhir Pratap ko apne daftar mein bulaya.



“Meera se suna ki chhote sahab mujhe dhoondh rahe the. Kya madad kar sakta hoon?” Pratap ne poocha?



“Mujhe kisi ke saath training ke liye ladna hai. Level 27 aur 28 ke beech ke kuch guards ko bolo ki haveli ke peeche ke courtyard mein mujhse milne aayein,” Aryan ne excited hoke kaha.



Aryan ka order sunte hi Pratap shock aur confused dono ho gaya. Pehli baat, yeh jawaan ladka aisa type ka nahi lagta tha jo iski parwah kare, aur doosri baat, jo woh karna chahta tha woh zyadatar logon ke liye impossible tha. Aakhir, is ilaake mein levels ke fark ke beech itni badi ladai common nahi thi.



“Yeh… kya aap sure hain ki chhote sahab itne bade level ke farak se ladna chahte hain? Main aapko underestimate nahi kar raha, par farak kafi hai,” Pratap ne serious chehre ke saath kaha.



Aryan ne shanti se jawab diya, table se chai ka cup uthate hue, “Chinta mat karo. Mujhe pata hai ki jayda levels ke beech ladna aasaan nahi hai. Par meri high-grade techniques ki wajah se, agar main isse kamzor logon se lada, toh mujhe koi challenge nahi milega.”



Pratap thodi der ke liye sochne laga. Sach mein, alag-alag grades ki techniques mein bada farak hota tha. Aur jab Aryan Black-grade techniques aise baant raha tha jaise tamatar, toh matlab uski khud ki techniques usse bhi upar ki thi.



Seriously sochne ke baad, usne faisla kiya “Theek hai, main jaldi se unhe ikattha kar deta hoon.”



Yeh kehkar dono ne alvida kaha aur Sukha Nagar ke basic issues pe focus karne laage.



…



Kuch ghante baad, Aryan apne pehle fight ke liye soldiers ke group ka intezaar kar raha tha, jab Pratap akhir ek group ke saath aaya.



10 guards the—6 level 27 ke aur 4 level 28 ke.



“Sabko namaste, aaj se tum mein se kuch mujhe daily train karne mein madad karoge.



Waise, tumhare apne kaam bhi hain, toh main ek hi waqt par sabko apne sath training ke leye nahi bolonga,” Aryan ne kaha.



Usne aage kaha, “Aaj main level 27 ke kisi se ladna chahta hoon, yeh dekhne ke liye ki main kaisa karta hoon. Baaki log, agar dekhna chahte ho toh dekh sakte ho, nahi toh ja bhi sakte ho.”



Phir usne poocha, “Koi taiyaar hai? Aur chinta mat karo” Par koi aage nahi aaya. Tabhi Aryan ko ek mast idea aaya.



“Chalo aise karte hain, hum yahan 3 hafte tak ladenge, main har din 2 alag logon se ladunga, par jo ek baar lad le, usse baaki ke ladne tak intezaar karna hoga. Is waqt mein, jo mujhe 3 baar hara dega, usse ek Silver-grade technique milegi,” Aryan ne offer diya.



Yeh sunte hi 10 logon ki aankhein almost bahar nikal aayi. Ek Silver-grade technique, sirf 6 ya 7 level kamzor kisi ko harane ke liye!



Kuch log toh excited ho gaye, aur sochne lage, ‘Yeh toh aasaan hoga, hehe.’



Pratap bhi impress ho gaya. Sach mein, woh bhi participate karna chahta tha, par afsos, uska level jayda tha.



“Tum log apas mein kon pehle aye ga chun sakte ho, par level 28 wale last mein honge,” Aryan ne haath peeche rakhte hue kaha. Usne man mein socha, ‘Tum logon ko lagta hai ki mujhse ladna aasaan hoga. Hehe, lekin asal baat yeh hai ki mai apni takaat test karna chahta hoon’



Kuch minute order discuss karne ke baad, ek guard aage aaya. “Main pehle try karunga, chhote sahab,” ek level 27 ke guard ne kaha.



Yeh tha Javed. Woh 29 saal ka tha, 1.8 meter lamba, kaale baal, usne 8 saal pehle guard mein join kiya tha jab woh level 20 par tha. Usne ek leather ka kurta-dhoti pehna tha.



“Bahut achha! Pratap is ladai ka judge hoga, aur ladai tab khatam hogi jab hum mein se koi thak jayega ya surrender kar dega,” Aryan ne jaldi se kaha aur taiyaar ho gaya.



Sab rules se agree ho gaye, aur abh ladai shuru hone wali thi!



“Taiyaar ho? Toh ab shuru karo,” Pratap ne excited hoke kaha. Sach mein, simple logon jaise uske liye aisi ladai dekhna ek manoranjan se kaam nahi tha. Usme bhi josh aa gaya tha!



Tabhi Aryan ne ek blunt talwar nikali, aur Javed ne koi hathiyar nahi liya. Kyunki uski attack technique ko hathiyar ki zarurat nahi thi.



Javed ne apni technique ko 60% power ke saath activate kiya, jo usse laga ki ladai jeetne ke liye kaafi hogi. Yeh ek Black-grade technique thi jo usne Pratap aur Devraj ke zariye se mili thi.



Technique ka naam tha Vinaash Mukka, jo activate hone par ek energy ka mukka banati thi, aur raste mein jo bhi aaye, usko udah deti thi.



‘Hmm, yeh kaafi hoga, hehe,’ Javed ne man mein hasa.



Tabhi, us mukke se dodge karte hue, Aryan ne Antriksh Talwar activate ki, aur 10 meter ke radius mein sab kuch ruk gaya jaise time freeze ho gaya ho, aur Javed ki speed thodi kam ho gayi.

Kyunki woh Aryan ke level se kaafi upar tha.



Phir aaspaas ke sab log, Javed bhi, samajh gaye ki kuch galat ho raha hai. Aur unke chehre ke expressions dheere-dheere badalne lage.



To be continued……

 

[Naik]

Chapter 10: Anchahi Mulaqat Aur Spiritual Gathering Array







Roshni Shah ke Kaalivan chhodne ke baad ek hafte guzar gaya, par is dauraan kuch khaas nahi hua. Yeh ilaaka bahut se changes ki zarurat rakhta tha, par budget ki kami ki wajah se sab freeze ho gaya tha.



Paise ki limitation ki wajah se Aryan Rathore ke plans ruk gaye the. Misal ke taur par, woh chahta tha ki woh apni spiritual academy banaye Sukha Nagar ke bacchon ke liye. Woh Kaalivan Sena ke liye students recruit shuru karna chahta tha, jaise Gill khandaan ne kiya tha.



Yeh sach hai ki abhi is ilaake ka average talent kam tha, par do-chaar dasak baad yeh badal jayega. Is tarah, woh abhi ek bade future ki buniyaad rakh raha tha.



Is hafte, Aryan level 13 tak pahunch gaya, aur usne Devraj ko ek nayi Silver-grade technique di—Prakash Chikitsa, ek specialized healing technique, 6 phases wali, jo roshni ke beams se zakhmon ko theek karti thi. Pehle stage mein non-lethal zakhm theek ho sakte the, aur agle stages mein jaan bachayi ja sakti thi, jab tak patient ki saans chal rahi ho, chahe uske haalat kaise bhi ho.



Par Devraj ke Blue talent ki wajah se woh is technique ko poori tarah seekh nahi sakta tha. Phir bhi, jitna seekh sake, utna mai hi woh patients ke katte hue haath-pair wapas jod sakta tha.



Aryan ne pehle yeh technique Devraj ko nahi di thi, kyunki woh abhi techniques ko samajh raha tha, aur Devraj ko bhi kuch hafte pehle mili nayi technique se adapt hone mein waqt lagna tha. Technique change karne wale logon ko adapt hone ka waqt chahiye hota hai.



Aryan ne Devraj se kaha ki woh 30 Sukha Nagar guards ko Black-grade techniques pass karein. Asal mein, woh future mein Kaalivan Sena ke har member ke liye library mein yeh techniques rakhna chahta tha. Abhi ke liye sirf guards tak hi limited tha. Aryan ke 10 personal guards toh pehle se hi in techniques ko train kar rahe the.



…



Sukha Nagar ki entrance par do jawaan aurtein ek bade spiritual beast par dheere-dheere chal rahi thi, jo ek sher jaisa lag raha tha. Ek ke kaale baal the, cute chehra, aur sensual curves wala jism. Doosri, thodi badi thi, uske bhure baal the aur ek mature aurat jaisa khoobsurat badan, jo uske upar se nazar hatane nahi deta tha. Dono ne ek jaise pattern wali robes pehni thi—lagta tha dono ek khandaan ya sect se hain.



Jab woh shahar ke central hisse ki taraf ja rahi thi toh dono saath saath baat bhu kar rahi thi, tab kaali baalon wali boli, “Kabhi socha nahi tha ki itni kam spiritual energy wali jagah bhi ho sakti hai. Guru ji, maafi chahti hoon, par kya yeh Aryan pagal ho gaya hai? Shayad recover hone ke baad uska dimaag theek nahi huya hai.”



“Ritu. Woh yahan isliye aaya hoga kyunki yeh akeli jagah thi jahan woh ja sakta tha,” bhure baalon wali ne kaha, uski laal dress uske curves ko ekdum highlight kar rahi thi, aur uski aankhon mein ek powerful vibe thi.



Thodi der baad, dono shahar ki akeli haveli ke saamne ruk gayi. Yeh haveli apne size ke bawajood is shahar ke kisi bhi decent jagah se achhi lagti thi.



“Andar chalte hai aur dekhte hai ki kya usse baat kar sakte hain ja nahi,” bhure baalon wali ne kaha aur haveli mein chali gayi.



“Namaste, main Meera hoon. Aapki kya madad kar sakti hoon?” Meera ne turant unhe dekhte hi poocha.



“Hmm, Aryan ko bol do ki uski maa usse milne aayi hai,” bhure baalon wali ne kaha.



“Uski maa…” Meera shock mein boli.

Yeh itna ajeeb nahi tha ki koi maa aaye, par Meera kabhi nahi soch sakti thi ki yeh ladki, jo usse chhoti lagti thi, Aryan ki maa ho sakti hai!



“Oh! Theek hai, main batati hoon,” Meera ne shock se bahar aate hue kaha aur Aryan ke daftar ki taraf chali gayi.



Tab Aryan, Devraj, aur Pratap daftar mein Sukha Nagar ki safety ke baare mein baat kar rahe the, jab Meera jaldi se darwaze khol ke andar aayi.



“Chhote sahab, ek jawaan ladki aap se milne aayi hai. Woh kehti hai ki woh aapki mo…” par usse pehle hi dono aurtein kamre mein aa gayi.



Aryan aur Devraj ne turant bhure baalon wali ko pehchaan liya. Yeh thi Aryan ki maa, Meenakshi Devi, level 65, Spiritual Emperor! Usne ek laal dress pehni thi, jo uske mature aur powerful look ko aur bhi bada rahi thi.



Doosri ladki—kaali baalon wali—jise koi nahi janta tha, par Devraj ne uska level notice kiya—level 43.



Devraj ne khamoshi todte hue kaha, “Meenakshi ji, aapko phir se dekhkar achha laga.”



“Oh! Tumhe bhi, Devraj,” Meenakshi ne jawab diya.



“Tum yahan kya kar rahi ho?” Aryan ne thande swar mein poocha.



Asal mein, woh apni maa se milne se khush nahi tha. Jab usko zaroort thi, toh usne kabhi uske upar maa jaisa dhyan nahi diya, toh ab usse respect kyun de?



Yeh sunte hi kaali baalon wali gusse mein boli, “Aise apni maa se kaise baat kar sakte ho? Janate ho kitni door se woh aayi hai sirf tumhare liye?”



“Mujhe nahi pata, kyunki mujhe uske baare mein kuch nahi pata. Par woh wahan hi achhi thi,” Aryan ne sarcastic tone mein kaha.



Meenakshi beech mein boli, “Ritu, kuch mat kaho. Uske pass aisa kehne ki wajah hain, usko dosh mat do.”



“Aryan, mere bete, aaj main tujhe lene aayi hoon. Main chahti hoon ki tu Grey Cloud Sect ke shamil ho jaaye.

Chahe tumhara talent black hi hai lekin is bekar aur banzar ilake mai rehne se ach hai hai tu wahan mere sect mai rahe,” usne serious look ke saath kaha.



Meenakshi ki baat sunte hi kamre mein sab—Ritu ke alawa—us idea ke khilaaf ho gaye. Pratap aur Meera, jo Kaalivan ke current development se khush the, ek aisi baat sunke thithur gaye.



Chahe Kaalivan ka ‘theek hona’ abhi ek sapne jaisa hi lagta hai, par unho ne nahi socha tha ki Aryan unke rajya ki itna v theek kar paye ga. Woh is region ko develop karna chahta tha, woh apni sari problem ko accept karke, smart faisle leta tha. Isliye woh aise leader ko khona nahi chahte the.



Devraj bhi iske khilaaf tha. Usne Kaalivan ko dheere-dheere develop karne ka iraada adopt kar liya tha, aur uska yakeen tha ki Aryan yeh kar lega. Upar se, Antriksh Rajya ke saath, Aryan ko Grey Cloud Sect ki zarurat nahi thi, jahan usko bahut si rukawatein milengi. Yeh karna bewakoofi hogi!!



Aryan ko bhi uski maa ki baat pasand nahi ayi, kyunki woh use apne goals chhodne ko keh rahi thi. Aur vaise v Grey Cloud Sect mein koi khaash power nahi mile gi. Usko uper ke log daba ke rakhenge. Par Kaalivan, chahe uska asli ghar na ho, par abh yeh woh jagah thi jo woh apne haathon se bana raha tha—uski apni duniya. Isliye uska dil is zameen ke liye dhadak raha tha.



Thodi der ki khamoshi ke baad, Aryan hasne laga. “Hahahaha, mujhe teri achhi advice ki zarurat nahi. Main yahin theek hoon. Aur ho sakta hai shayad tumhe hi bhavishya mein meri madad maangne aana pade.”



Yeh kehkar Aryan daftar se nikal gaya bina jawab ka intezaar kiye, aur jaldi hi unki nazron ke saamne se gayab ho gaya. Woh Antriksh Rajya mein apna dimaag thanda karne chala gaya.



Idhar, Ritu soch rahi thi, ‘ ki yeh kitna gusse wala ladka hai. Par uski baaton se lagta hai yeh pagal hi hai jo sochta hai humein uski zarurat padegi.’



“Sigh… Maafi chahta hoon, Meenakshi ji, par chhote sahab theek kar rahe hain. Yeh sach hai, mujhe pata hai aap uske future ke liye pareshan hain, par woh jehi theek rahenge,” Devraj ne maafi aur ke smile ke saath kaha.



“Theek hai, Devraj, mujhe ummeed thi ki woh inkaar karega. Par maine try karna chaha, kam se kam sect mein main uski raksha kar sakti thi,” Meenakshi ne kaha.



“Main samajh gaya, par shayad chhote sahab ko kisi raksha ki zarurat nahi hai…” Devraj ne haathon ko peeche rakhte hue kaha.



“Lekin kyun?” Meenakshi ne utsaah se poocha.



“Kya aapne chhote sahab ke level ko nahi mehsoos kiya?” Devraj ne kaha.



Meenakshi bina soche boli, “Woh level 13 par hai…” Phir usko yaad aaya. “Haan, par woh ek mahine pehle hi behoshi se utha tha na…”



Yeh sunte hi Ritu ke upar jaise pahad ghir gya aur woh sochne lagi, “Ye kaise ho sakta hai? Mere Silver talent ke saath mujhe 3 mahine lage the is level tak pahunchne mein…”



Meenakshi ne daftar se nikalte hue kaha, “Main do din Sukha Nagar mein rahungi, mere bete ko yeh bata dena.”



Wahan se nikalne ke baad, Meenakshi aur Ritu Four Seasons Hotel ke leye chali gayi, jahan unka do din rukhne ka plan tha.



Ritu ne hotel ki taraf jaate hue poocha, “Guru ji, kyun na hum wapas chale jayein? Mujhe lagta hai woh apna faisla nahi badlega.”



“Main jaanti hoon, par main uske haalaton ko aache se dekhna chahti hoon. Jahan se jaaane se pehle,” Meenakshi ne kaha.



“Chahe woh apna faisla na badle, main chahti hoon ki tu 18 mahine baad yahan wapas aaye. Us waqt uski taakat check karna, aur agar uski cultivation speed achhi rahi, toh usko Cromwell Rajya mein hone wali competition mein le jana.”



“Us competition mai use pata chala ga ke, dharti aur aaan mai kitna fark hai. Chahe uski cultivation speed bhut tez hai, lekin iska matlab yeh nahi ke woh utna hi strong hoga. Jab woh baki logon se ladhe ga toh use pata chalega ki usne meri baat na maan kar kitni badi galti ki hai,” Meenakshi ne confidence ke saath kaha.



“Hmm, par agar woh phir bhi inqaar kare toh?” Ritu ne utsaah se poocha.



“Mujhe nahi lagta woh inkaar karega, woh apne baap jaisa hai, uski tarah mehnati aur sab kuch apne dum par hasil karne wala. Toh tumhe uski chinta karne ki jarurat nahi,” uske baad dono hotel mein settle ho gayi do din guzaarne ke liye.



Das din guzar gaye the, jab se Aryan Rathore ki maa, Meenakshi Devi, usse milne aayi thi. Ab tak woh wapas Flaming Empire ja chuki thi, jahan unki Grey Cloud Sect thi.



In dino mein, Aryan level 16 tak pahunch gaya aur usne apni technique Antriksh Talwar ko hazaron baar train kiya tha. Ek hafte ya thoda zyada waqt mein woh is technique ke pehle phase ko poora kar lega.



Usne ek specialized defense technique bhi chun li thi jab woh Spiritual Beginner stage par jayega, jo agle do hafte mein hone wala tha. Yeh technique thi Amar Jism, Golden-grade, 9 phases wali. Jab activate hoti, toh user ka jism 10 seconds ke liye indestructible ho jata tha, chahe enemy usse 100% tak strong ho.



Matlab agar user level 20 par hai, toh 10 seconds tak uska jism aisa hoga ki level 26 ka koi bhi usse nuksan nahi pahuncha sake ga. Par isse upar ke levels ke khilaaf, defense kam hota tha—jaise-jaise energy ka farak badhta jaye gaa, iski taakat ghat ti jayegi.



Technique ki khasiyat phases ke saath badhti thi—pehla phase sirf 10-second defense deta tha, par 9th phase tak yeh ek impenetrable defense ke saath user ko apne jism ko ek hathiyar ki tarah use karne deta tha.



Aur Devraj bhi in dino mein level 46 tak pahunch gaya tha. Uske paas Black talent tha, aur stages ke beech koi bottlenecks nahi the. Chahe yeh low-density ilaaka ho, woh kam se kam level 49 tak pahunch sakta tha. Time lagega lekin woh pahunch sakta tha.



…



Sukha Nagar se kuch kilometer door, ek vyapari gaadi bade volume ke samaan ke saath aa rahi thi. Us gaadi par ek silver jahaz ka symbol tha.



Yeh tha Shah khandaan ka symbol Stone Island se!



“Arre bade bhaiya, hum Sukha Nagar kyun ja rahe hain? Hum toh aksar Rajputana Rajya mein resources deliver karte waqt yahan nahi rukte,” ek muscular aadmi ne poocha.



“Haan, Roshni ji ne Kaalivan ke naye raja ke saath ek agreement kiya hai. Hum yahan 4 spiritual gathering arrays chhodenge, phir Rajputana Rajya mein apna kaam jaari rakhenge,” ek adhed umar ke aadmi ne jawab diya, uske left aankh par ek daag tha, aur usne bhi ek sadharan leather ka kawach pehna tha.



…



Thodi der baad gaadi Sukha Nagar pahunch gayi.



“Chhote sahab, Roshni ji ke waade ke anusaar spiritual arrays abhi aa gaye hain,” Meera ne daftar mein aate hue kaha.



“Oh! Usne toh bahut jaldi arrays bhej diye. Chalo Devraj chacha, unhe lene chalte hain,” Aryan ne excited ho kar kaha.



Thodi der baad, Aryan aur Devraj arrays lene ke liye nikal gaye. Delivery group mein teen log the—ek jawaan ladki jo Aryan se thodi badi lagti thi, ek muscular aadmi, aur ek adhed umar ka aadmi.



“Namaste Sukha Nagar ke doston, main hoon Sarak, aur yeh hain Phirral aur Rekha Shah,” adhed umar ke aadmi ne kaha, jiski aankh par daag tha.



Phir jawaan ladki ne aage badhkar bola, “Milkar achha laga, mujhe Rekha bula sakte ho. Main yahan in arrays ke functions ke baare mein kuch details batane aayi hoon…”



Uske baad, Aryan ne 4 local guards chune taaki woh is jawaan array master se arrays ke basic operation seekh sakein.



Yeh duniya mein common tha. Chahe arrays zyadatar waqt khud kaam karte the, par unko manipulate karne ke liye kuch processes follow karne padte the. Yeh kaam aksar array masters karte the, jaise yeh jawaan Rekha, jo ek beginner thi. Par Sukha Nagar mein aisa koi nahi tha.



Isliye yeh jawaan ladki group ke saath aayi thi basics sikhane ke liye. Yeh mushkil nahi tha—bas zyadatar log seekhte nahi the, kyunki ya toh unke paas crystals nahi hote arrays khareedne ke liye, ya unke pass koi hota tha yeh kaam karne ke liye.



Thodi der baad, arrays shahar ke 4 points par install ho gaye. Arrays shahar ke ek-tihai area ko cover karenge, poora central area, jahan population density sabse zyada thi.



Rekha ke hisab se, yeh arrays Kaalivan ke free spiritual energy se 15% tak spiritual density badha sakte the, jo abhi kaafi kam thi. Par agar har mahine 10,000 low-grade spiritual crystals supply kiye jayein, toh yeh improvement 50% tak ho sakta tha. Isse zyada ke liye ek higher level array khareedna padega, kyunki yeh grade-1, high-level arrays ki efficiency sirf 20% thi, jo aur jayda nahi ki jaa sakti thi.



Aur phir group ne alvida kaha, Kaalivan ke east ki taraf jaate hue, Rajputana Rajya ke doosre ilaakon ki taraf.



“Abhi ke liye hum in 4 spiritual arrays ko crystals supply nahi kar sakte, kyunki 40,000 crystals har mahine lagenge, par 15% improvement ke saath bhi hum kuch haad tak toh grow kar hi sakte hai,” Devraj ne haath peeche rakhte hue kaha.



“Hmm, kam se kam 6 mahine lagenge hume ek array ko monthly supply kar pane mai, aur ek saal lage ga charon ke liye,” Aryan ne sochne wale chehre ke saath kaha.



Pratap, jo group mein tha, badi smile ke saath bola, “Haha, koi baat nahi. Chahe 2 saal ya zyada lagen, humein farak nahi padta. Spiritual concentration mein thodi bhi improvement humare leye kisi sapne se kam nahi hai,”



Uske baad doosre guards ne bhi haan mein sar hila diya. 15% spiritual concentration ke saath, woh pehle se zyada tezi se cultivate kar sakte the. Yeh unke liye kaafi achha tha, jo kisi strong jagah par jake risk nahi lena chahte the.



…



Raat jaldi ho gayi, aur charon arrays poore kaam mein lag gaye. Us raat, kaafi logon ne shahar ke kuch hisson mein spiritual concentration mein ekdam se badhotri dekhi.



Idhar Sukha Nagar ke kai jagahon par, log jo cultivate shuru kar rahe the, unhone mehsoos kiya ki aaspaas ki spiritual energy jama karne mein kam waqt lag raha tha!!



“Huh? Aaspaas ki spiritual energy jama karna itna asaan kyun lag raha hai?” Ek adhed umar ke aadmi ne socha jab woh cultivate kar raha tha.



Shahar ke central hisse mein, ek chhota sa group baat kar raha tha.



“Main bol raha hoon, spiritual density badh gayi hai. Aaj jab maine cultivate kiya, toh aaspaas ki energy jama karne mein 20 minute kam lage,” ek jawaan ladke ne khushi ke saath kaha.



“Par yeh samajh nahi aata. Spiritual concentration ekdam se kyun badh gayi?” Ek adhed umar ke aadmi ne yakeen nahi karte hue poocha.



Is duniya mein aaspaas ki energy ko mehsoos karna sab ke liye possible tha, par kamzor logon ko yeh cultivate karte waqt hi pata chalta tha. Par jab koi level 40 tak pahunchta tha, toh cultivators aasman aur zameen ki free energy ko mehsoos kar sakte the, bina cultivate kiye bhi. Par Sukha Nagar mein itne level ke zyada log nahi the.



Isliye, ek nayi afwaah dheere-dheere shahar mein failne lagi ki spiritual energy normal se zyada concentrated ho gayi hai. Aur thodi der mein kaafi logon ne yeh change notice kiya—yeh poore shahar mein nahi, sirf central hisse ke kareeb ke ilaakon mein tha, jo shahar ke ek-tihai se thoda zyada area tha.



…



Kuch din Kaalivan mein guzar gaye, jab log pehle se zyada tezi se cultivate kar rahe the, central area aur bhi busy ho gaya. Kai log ab us hisse mein rehne ke liye jagah ke liye struggle kar rahe the.

Aryan ne bhi in dino mein apni cultivation badha li, woh level 18 tak pahunch gaya tha. Woh ab Spiritual Beginner stage ke kareeb tha.



Na sirf woh behtar ho raha tha, balki jawaan secretary Meera bhi Aryan ke Sukha Nagar aane ke do mahine mein level 25 tak pahunch gayi thi. Woh bhi, Aryan ke doosre subordinates ki tarah, Black-grade techniques train kar rahi thi, jisse uski cultivation speed kaafi badh gayi thi.



In dino mein, woh bacche jo Aryan ne apni sena ke liye chune the—Laksh aur Anjali—10 saal ke ho gaye the aur haveli mein apni cultivation techniques lene aaye the.



Dono ko wahi Black-grade cultivation technique di gayi jo Aryan ke subordinates mein pass ki ja rahi thi, aur unhone cultivate shuru kiya. Black talent ke saath, unki cultivation speed achhi thi, aur woh level 2 tak pahunch gaye the.



Aur ab wheat, corn, aur rice ki crop harvest ke liye tayar thi, jisse Aryan ke shahar ke liye aur plans shuru ho sakte the.



To be continued……

Tow woh lady Aryan ki maa thi aisa lag Raha jaise koyi ehsaan Karne aayi ho aaise BAAT kar Rahi thi
Baherhal Aryan ab level 18 par pahoch gaya h
Ab dekhte h wheat or se fasal se Kitna faida hone Wala h Aryan ko
Badhiya shaandar update

 

[Naik]

Chapter 11: Harvest aur Pehli Ladai





Harvest ke kareeb aane aur zyada zameen par kheti shuru hone ke saath, Aryan Rathore ne pehle hi 400 logon ka ek naya group, taiyaar karne ka order diya tha taaki 6 hectare aur cultivate kiya jaye, jo agle harvest ke liye total 9 hectare ban jaye.



Aaj Aryan ek local vyapari se milne ki taiyaari kar raha tha jo uske products Sukha Nagar ke bazaar mein bech sakta tha.



Aryan shahar ke centre ki ek busy gali ki taraf ja raha tha, do guards ke saath. Yeh wahi jagah thi jahan zyadatar khane ki dukaanein thi.



Usne ek jagah mein entry ki, jiska naam tha Central Bazaar, ek 3-manzila building. Yeh area kaafi bada tha aur movement achha tha, kyunki yeh shahar ki un chhoti jagahon mein se ek thi jahan log spiritual energy wale grains, cereals, fruits, aur vegetables khareed sakte the.



Misal ke taur par, ek kilo rice, corn, aur spiritual wheat ki keemat yahan 4 low-grade crystals thi. Yeh wahi keemat thi jo Aryan apne products ke liye chahta tha. Farak yeh tha ki Antriksh Rajya ke paani ki wajah se uske grains aur cereals mein spiritual energy local products se kaafi zyada thi.



“Namaste, main aapki kya madad kar sakti hoon?” Ek jawaan ladki, jo wahan ka uniform pehne thi—ek tight safed kurti aur churidar—ne Aryan ke group se poocha.



“Namaste, manager kahan milenge? Mujhe unke saath ek business deal karni hai,” Aryan ne friendly smile ke saath kaha.



“Oh! Somir ji apne daftar mein hain. Main aapko le chalti hoon,” ladki ne kaha, apni kamar matkate hue.



…



Thodi der baad, Aryan ki Somir se mulaqaat hui. Woh ek adhed umar ka aadmi tha, mota aur ganja, par shandaar kapdon mein—ek golden kurta aur dhoti—aur kaafi healthy lag raha tha. Lagta tha woh Sukha Nagar mein bhi kaafi achha jee raha tha.



“Central Bazaar mein aapka swagat hai, chhote sahab Rathore. Mai aap jaise bade aadmi ki kya madad kar sakta hoon?” Motu ne bade pyaar se kaha. Usne saamne wale jawaan ladke ko pehchaan liya tha, isliye itne pyar se baat kar raha tha.



“Haan, jaise ki aapko pata hoga, main Kaalivan mein kuch hafte se kheti kar raha hoon, aur ab harvest ka time aa gaya hai. Isliye mujhe ek jagah chahiye jo mere products beche,” Aryan ne imaandari se kaha.



Somir jaldi samajh gaya aur ek sawaal poocha, “Kya main jaan sakta hoon ki chhote sahab kya bechenge? Quantity bhi?”



“2.5 ton wheat, 3.75 ton corn, aur 3.75 ton rice, sab spiritual energy se bhare hue. Main inhe yahan ke products ke barabar ke daam pe bechna chahta hoon,” Aryan ne jawab diya.



“Oh! Toh yeh baat hai. Theek hai, itna zyada nahi hai, toh hum deal kar sakte hain. Agar yeh zyada hota, toh main bina apke product ko jaane aage nahi badh pata,” Somir ne sachchai se kaha.



Aakhir, woh pehle se Cromwell Rajya ke products resell kar raha tha, toh unme jo investment thi, usko aise hi nahi phenk sakta tha. Aur ek unknown cheez mein toh bilkul nahi! Par Aryan ki quantity sunke—jo Sukha Nagar ki total demand ka 2% bhi nahi thi—Somir ko yakeen tha ki chahe product achha na ho, tab bhi woh bech lega.



Deal final karne ke baad, yeh tay hua ki harvest ke turant baad Aryan ke aadmi yeh negotiated resources Central Bazaar mein laakar bechenge. Ek 10% ki fee bhi laage gi, jo Central Bazaar ko di jayegi.

Uske baad, Aryan apni haveli mein wapas aa gaya.



…



Ek hafta jaldi guzar gaya, aur Aryan teen din pehle level 19 tak pahunch gaya tha. Aaj usne level 20—Spiritual Beginner—tak break karne ka plan banaya!



Woh Antriksh Rajya mein bada mehnat se cultivate kar raha tha, lake ke saamne baithkar meditate karte hue.

Aryan ne Suryadev Shwas technique circulate karni shuru ki, jo pehle se hi 2nd phase ke end par thi aur agle phase ke liye ready thi. Uske jism mein spiritual energy dheere-dheere level 19 ka limit touch kar rahi thi.



Tabhi Aryan ki soul ki spirituality finally ek form mein badal gayi, jo uski consciousness mein visible thi. Isse pehle soul bas ek nebulous cluster thi, jo jism ka ek hissa hi maani jati thi. Par Spiritual Beginner stage se, soul ki spirituality badhti jati hai, aur Spiritual Saint level par solid ho jati hai.



Aryan ke jism se har stage ki tarah impurities ki safai hui. Is baar toxins ki matra pehle se 4 guna zyada thi, aur smell—hehe, Aryan ko laga jaise uske andar koi murda jee raha ho, bhenchod!



Yeh advance pehle se bhi zyada bada tha—uski vitality 100 saal aur badh gayi, ab 250 saal ki life expectancy ho gayi. Level 19 se 20 tak jaane ke liye jo energy lagi, woh level 1 se 2 tak ke muqable 4 guna zyada thi.



Lamba shower lekar yeh gandi badboo hataane ke baad, Aryan ne apni nayi technique Indestructible Body train karni shuru ki.



Aryan ne technique ko dheere-dheere samajhna shuru kiya aur jab usne activate ki, toh kisi ke liye kuch nahi badla, par uske liye uska jism pure metal jaisa ho gaya. Usse laga ki agar koi uski barabar ki taakat ka uspar talwar se attack kare aur woh bina defense ke khada rahe, tab bhi usse chot nahi lagegi!



Par abhi woh is technique se attack nahi kar sakta tha—yeh tab hoga jab woh aur strong ho jayega. Abhi yeh sirf 10 seconds ke liye kaam karti thi, aur uski 50% spiritual energy use karti thi. Is technique ke pehle phase ke peak tak pahunchne ke liye ise 50 ghante activate karna zaroori tha, bilkul Antriksh Talwar ki tarah, jisme bhi minimum activations chahiye hote the.



Kaafi ghante techniques aur cultivation training ke baad, Aryan Antriksh Rajya se bahar aaya aur kuch ghante rest karne ka faisla kiya.



…



Waqt guzar gaya, aur akhir harvest ka time aa gaya. Lakho saal baad pehli baar is ilaake mein aisa hua tha.



Pehle ke 200 kisaan apne kaam se khush the, aur aaj unki mehnat ka phal unke saamne tha.



In cultivators ki taakat ke saath, teen hectare jaldi harvest ho gaye, aur grains aur cereals ko fields ke paas ek building mein tayar kiya gaya, jo kisaanon ke kehne par banaya gaya tha.



Kaafi gaadiyan banayi gayi thi in items ke transport ke liye, kyunki kisi ke paas spatial rings nahi the, aur waise bhi unki capacity itni nahi hoti.



…



Harvest ke do din baad, saara samaan Central Bazaar mein pahunch gaya aur aaj se bikri shuru hogi.



Central Bazaar mein, ek adhed umar ki aurat, Darshana, apne parivaar ke liye hafte ka samaan khareedne aayi thi. Woh ek gharwali thi, shaadi-shuda, do bacchon ki maa, aur har crystal jo uska parivaar kamata tha, usko bacha ke rakhna padta tha.



‘Umeed hai aaj rice aache mile. Pichhle hafte aadha kachre mein phenkna pada tha,’ usne naakhushi se socha, usne ek sadharan saree pehni thi.



Thodi der baad, woh ek stall ke saamne ruki, jahan usne sabse bade rice ke daane dekhe—ekdum safed aur chamakte hue. Chahe Darshana aasman-zameen ki free spiritual energy na mehsoos kar saki, usse pata tha ki in daanon mein spiritual energy doosre rice se zyada thi.



“Behen ji, yeh rice 2 kilo nikal do,” usne ek uniformed ladki se kaha, jo balcony ke paas khadi thi, uski tight safed kurti uske curves ko dikhati thi.



“Ek minute,” ladki ne jawab diya.

“Behen ji, yeh rice kahan se aaya?” Darshana ne curious hoke poocha.

Ladki ne jaldi jawab diya, “Yeh yahin se hai, Kaalivan ki zameen se. Yeh naye raja sahab ka spiritual rice hai.”



“Oh! Toh yeh baat hai,” Darshana shock ho gayi yeh jaanke ki is ilaake mein kheti se itni achhi quality ka rice aa sakta hai.



…



Darshana ke ghar mein, lunch ka waqt tha, aur sirf woh aur uske do bacche ghar pe the. Darshana ne bazaar se khareeda rice banaya tha aur uska taste aur spirituality check karna chahti thi.



Thodi der baad, uska bada beta, jo cultivate shuru kar chuka tha, khane ki tareef karta hua bola, “Yeh rice mast hai, maa.”



Uske thodi der baad woh ekdam se chillaya, “Ahhh!”



“Kya hua?” Uski maa ne poocha.

“Main abhi rice khate hue advance kar gaya!” Harish, Darshana ka bada beta, jo level 5 par tha, shock mein bola. Ek portion rice khane ke baad woh sidha level 6 par pahunch gaya!



…



Jab Darshana ka parivaar Central Bazaar ke naye spiritual rice ke effects se dang tha, wahi haal Sukha Nagar ke doosre parivaaron ka tha.



Thodi hi der mein, afwaah fail gayi ki Kaalivan ka spiritual rice khane se aap advance kar sakte hai.



Log ab Kaalivan ke rice aur doosre products ko khazane ki tarah dhoondhne lage!



Char din guzar gaye, aur poora harvest bik gaya. Rice ki success ke baad, kaafi parivaaron ne dhoondha ki Kaalivan mein aur kya-kya ugaya gaya tha. Isse 10 ton grains aur cereals aankh jhapakte hi khatam ho gaye!



Yeh isliye kyunki yeh items itne spiritual energy se bhare the ki agar koi pehle ya doosre stage ka cultivator kuch chamach bhi kha le, toh woh breakthrough kar sakta tha!



In stages mein spiritual crystals cultivate ke liye use nahi ho sakte the, par khane mein spiritual energy ka use ho sakta tha. Chahe khane mein energy crystals ke muqable kaafi kam hoti thi, phir bhi yeh farak daal sakti thi.



Isliye, energy-rich kheti ki demand kaafi thi, aur jab yeh low price mein bechi gayi, toh Kaalivan ke products Sukha Nagar mein viral ho gaye.



Isse Aryan ke haath mein 49,500 crystals aa gaye. Isme se 32,000 crystals woh naye kisaanon ko dene wala tha jo agle 2-3 mahine mein 6 hectare aur cultivate karenge. Baaki amount se woh Kaalivan Sena ka headquarters banayega.



Isse woh 3 mahine mein recruitment shuru kar sakta tha, jab naya harvest ho jayega aur Sukha Nagar ke paas naye hires ke liye kaafi paisa hoga. Us waqt woh ek spiritual academy bhi kholega.

Jahan tak spiritual pills ki baat hai jo Black talent se kam wale logon ki madad karti hain, woh apne guards ko pehle apne stages ke peak tak pahunchne dega.



Kyunki unme se koi bhi level 39 par nahi tha, jo ek bada bottleneck tha Blue talent wale logon ke liye, jisme bina bahar ki madad ke aage badhna mushkil tha. Na sirf shahar ke guards is level par nahi the, balki Aryan ke personal guards bhi nahi, jinka sabse strong level 38 par tha.



…



Antriksh Rajya mein sab kuch shant tha jaise ummeed thi. Par aaj kuch alag tha. Aryan ke alawa, teen aur log bade ghar ke saamne, lake ke paas cultivate kar rahe the.



Yeh teen the Devraj, Laksh, aur Anjali. Iske peeche wajah—Devraj ke paas aajkal zyada kaam nahi tha, kyunki shahar ke paas changes ke liye funds nahi the. Toh woh abhi cultivate aur strong hone pe focus kar sakta tha.



Antriksh Rajya mein training se Central Continent ke north mein kisi ki bhi speed kaafi badh jati thi. Aur Laksh aur Anjali—dono ke Black talent ke saath—agar high spiritual concentration wale jagah jaise Antriksh Rajya mein train karte, toh jaldi advance kar sakte the.



Isliye Aryan ne in dono ke parivaar ko manaya ki woh apne ‘special training’ ke liye kahi jaa rahe hai. Aryan ne jayda detail mein nahi bataya, kyunki yeh doosron ke jaanne ke liye achha nahi tha.



Aryan chahta tha ki yeh dono jaldi strong ho jayein, isliye usne in dono pe invest kiya aur ek saal ke liye Antriksh Rajya mein rehne diya, jo Spiritual Beginner stage tak pahunchne ke liye kaafi tha.



Uske baad woh Antriksh Rajya ke bahar spiritual crystals se cultivate kar sakte the. Aryan ne dono bacchon ko ek Silver-grade technique dene ka waada bhi kiya taaki woh kisi ko na batayein ki woh is waqt kahan hain.



Aakhir mein, Aryan ab level 21 par tha, par uske paas ek problem thi. Ab tak usne sirf cultivate aur train kiya tha akela, toh usse nahi pata tha ki ek real fight mein woh kitna strong hai. Isliye usne apne guards ke saath training shuru karne ka socha.



Aryan ki physique, badhi hui energy, aur Golden-grade techniques ke saath, usse yakeen tha ki woh level 27 ya 28 tak ke kisi se ladai mein nahi harega. Usse nahi pata tha ki woh jeetega ya nahi, par usne socha ki us level se hi usse challenge milega. Isse neeche walon se woh aaram se jeet jayega.



Toh Aryan ne Commander Pratap se baat karne ka socha.



…



Meera se baat karne ke baad, Aryan ne akhir Pratap ko apne daftar mein bulaya.



“Meera se suna ki chhote sahab mujhe dhoondh rahe the. Kya madad kar sakta hoon?” Pratap ne poocha?



“Mujhe kisi ke saath training ke liye ladna hai. Level 27 aur 28 ke beech ke kuch guards ko bolo ki haveli ke peeche ke courtyard mein mujhse milne aayein,” Aryan ne excited hoke kaha.



Aryan ka order sunte hi Pratap shock aur confused dono ho gaya. Pehli baat, yeh jawaan ladka aisa type ka nahi lagta tha jo iski parwah kare, aur doosri baat, jo woh karna chahta tha woh zyadatar logon ke liye impossible tha. Aakhir, is ilaake mein levels ke fark ke beech itni badi ladai common nahi thi.



“Yeh… kya aap sure hain ki chhote sahab itne bade level ke farak se ladna chahte hain? Main aapko underestimate nahi kar raha, par farak kafi hai,” Pratap ne serious chehre ke saath kaha.



Aryan ne shanti se jawab diya, table se chai ka cup uthate hue, “Chinta mat karo. Mujhe pata hai ki jayda levels ke beech ladna aasaan nahi hai. Par meri high-grade techniques ki wajah se, agar main isse kamzor logon se lada, toh mujhe koi challenge nahi milega.”



Pratap thodi der ke liye sochne laga. Sach mein, alag-alag grades ki techniques mein bada farak hota tha. Aur jab Aryan Black-grade techniques aise baant raha tha jaise tamatar, toh matlab uski khud ki techniques usse bhi upar ki thi.



Seriously sochne ke baad, usne faisla kiya “Theek hai, main jaldi se unhe ikattha kar deta hoon.”



Yeh kehkar dono ne alvida kaha aur Sukha Nagar ke basic issues pe focus karne laage.



…



Kuch ghante baad, Aryan apne pehle fight ke liye soldiers ke group ka intezaar kar raha tha, jab Pratap akhir ek group ke saath aaya.



10 guards the—6 level 27 ke aur 4 level 28 ke.



“Sabko namaste, aaj se tum mein se kuch mujhe daily train karne mein madad karoge.



Waise, tumhare apne kaam bhi hain, toh main ek hi waqt par sabko apne sath training ke leye nahi bolonga,” Aryan ne kaha.



Usne aage kaha, “Aaj main level 27 ke kisi se ladna chahta hoon, yeh dekhne ke liye ki main kaisa karta hoon. Baaki log, agar dekhna chahte ho toh dekh sakte ho, nahi toh ja bhi sakte ho.”



Phir usne poocha, “Koi taiyaar hai? Aur chinta mat karo” Par koi aage nahi aaya. Tabhi Aryan ko ek mast idea aaya.



“Chalo aise karte hain, hum yahan 3 hafte tak ladenge, main har din 2 alag logon se ladunga, par jo ek baar lad le, usse baaki ke ladne tak intezaar karna hoga. Is waqt mein, jo mujhe 3 baar hara dega, usse ek Silver-grade technique milegi,” Aryan ne offer diya.



Yeh sunte hi 10 logon ki aankhein almost bahar nikal aayi. Ek Silver-grade technique, sirf 6 ya 7 level kamzor kisi ko harane ke liye!



Kuch log toh excited ho gaye, aur sochne lage, ‘Yeh toh aasaan hoga, hehe.’



Pratap bhi impress ho gaya. Sach mein, woh bhi participate karna chahta tha, par afsos, uska level jayda tha.



“Tum log apas mein kon pehle aye ga chun sakte ho, par level 28 wale last mein honge,” Aryan ne haath peeche rakhte hue kaha. Usne man mein socha, ‘Tum logon ko lagta hai ki mujhse ladna aasaan hoga. Hehe, lekin asal baat yeh hai ki mai apni takaat test karna chahta hoon’



Kuch minute order discuss karne ke baad, ek guard aage aaya. “Main pehle try karunga, chhote sahab,” ek level 27 ke guard ne kaha.



Yeh tha Javed. Woh 29 saal ka tha, 1.8 meter lamba, kaale baal, usne 8 saal pehle guard mein join kiya tha jab woh level 20 par tha. Usne ek leather ka kurta-dhoti pehna tha.



“Bahut achha! Pratap is ladai ka judge hoga, aur ladai tab khatam hogi jab hum mein se koi thak jayega ya surrender kar dega,” Aryan ne jaldi se kaha aur taiyaar ho gaya.



Sab rules se agree ho gaye, aur abh ladai shuru hone wali thi!



“Taiyaar ho? Toh ab shuru karo,” Pratap ne excited hoke kaha. Sach mein, simple logon jaise uske liye aisi ladai dekhna ek manoranjan se kaam nahi tha. Usme bhi josh aa gaya tha!



Tabhi Aryan ne ek blunt talwar nikali, aur Javed ne koi hathiyar nahi liya. Kyunki uski attack technique ko hathiyar ki zarurat nahi thi.



Javed ne apni technique ko 60% power ke saath activate kiya, jo usse laga ki ladai jeetne ke liye kaafi hogi. Yeh ek Black-grade technique thi jo usne Pratap aur Devraj ke zariye se mili thi.



Technique ka naam tha Vinaash Mukka, jo activate hone par ek energy ka mukka banati thi, aur raste mein jo bhi aaye, usko udah deti thi.



‘Hmm, yeh kaafi hoga, hehe,’ Javed ne man mein hasa.



Tabhi, us mukke se dodge karte hue, Aryan ne Antriksh Talwar activate ki, aur 10 meter ke radius mein sab kuch ruk gaya jaise time freeze ho gaya ho, aur Javed ki speed thodi kam ho gayi.

Kyunki woh Aryan ke level se kaafi upar tha.



Phir aaspaas ke sab log, Javed bhi, samajh gaye ki kuch galat ho raha hai. Aur unke chehre ke expressions dheere-dheere badalne lage.



To be continued……

Jis hisab fasal huwi or Jo daam lagaya gaya us hisab achcha munafa hua or josne jisne kahay use or ziada faida huwa sahi h
Tow Aryan ne devraj Laksh or Anjali ko bhi antriksh rajya me training ke Liye le gaya sahi h
Baherhal dekhte h ab yeh ladayi per Kon kia par bhari padta h
Behtareen shaandar update

 

[Smith_15]

Update 12

 

[Shahrukh]

Nice and fantastic update bhai