Chapter 15: Samudri Safar aur Stone Island
Suraj horizon pe chamak raha tha, din dheere-dheere dhalne laga tha. Kaalivan ke uttar-paschim mein ek medium-size ka samundri jahaz apni gati se chal raha tha. Yeh jahaz bada saaf-suthra tha, luxury nahi tha, lekin 15 se kam logon ke group ke liye bhut aacha tha.
Jahaz aaram se samundar pe chal raha tha, aur samundar bhi ek sundar aur sukoon bhara nazara pesh kar raha tha. Paani itna saaf tha ki kuch meter gehrai tak saaf dikh raha tha. Machhliyan aati-jati nazar aa rahi thi.
Jahaz pe 14 log the—Aryan Rathore ka group aur jahaz ka crew. Woh subah se pehle hi Jal Nagar se nikal chuke the, suraj ugne se bhi pehle.
Stone Island tak ke safar ke liye Aryan aur uske group ko 3 din jahaz pe safar karna tha. Yeh ek lamba safar tha, lekin unke paas sabse tez jahaz nahi tha.
Lekin Aryan ke liye yeh koi problem nahi thi, par uske kuch guards ke liye shayad thi… Kuch log pehli baar jahaz pe safar kar rahe the isi leye unhe sea sickness ho rahi thi.
Agar unka level General Spiritual stage tak hota, toh yeh problem unhe nahi aani thi. Tabh woh Free energy use karke is sea sickness se bach sakte the. Lekin, kisi ka bhi level us Stage tak ka nahi tha, abh toh unhe yeh sehna hi tha jab tak woh Stome Island tak pahunch na jaaye.
Aryan ka plan tha ki woh wahan spiritual pills khareedega jo uske subordinates ko level up karne mein madad karenge. Jisse wapas aate waqt unhe yeh problem ka saamna nahi karna padega… woh yeh sab soch hi raha tah ke…usi waqt ek young ladki, jo cook ki uniform mein thi aur thodi sexy lag rahi thi, Aryan ke liye kuch khana aur drinks le aayi.
“Chhote sahab, yeh khana jo maine taiyaar kiya hai, try kijiye,” usne pyari awaaz mein kaha. Uski Hindi mai English lehja saaf jhalak raha tha, vaise apko naam se hi clear ho gaya hoga ki woh koi videshi ladki hai.
Table pe sliced fruits, kuch bread, jam aur pasta ke jars, aur do tarah ke juices rakhe the.
“Oh! Yeh toh bada swadist lag raha hai,” Aryan ne hairani se kaha.
Woh is safar ke liye acha kharcha kar chuka tha, lekin itni quality ke pakwan milne ki usse ummeed nahi thi. Toh yeh uske liye surprise tha.
Crunch!
“Hmmm, yeh toh bahut achha hai. Apka naam kya hai?” Aryan ne khate hue poocha.
“Main Wendi hoon, chhote sahab,” usne jawab diya, thodi sharmaahat ke saath.
“Toh Wendi, yeh cheezein kahan se aayi hain, pata hai?” Aryan ne curious hoke poocha. Woh yeh jaanna chahta tha kyunki inme thodi spiritual energy thi.
“Pata nahi, lekin mujhe lagta hai yeh Kumbhalgarh Rajya se aayi hongi, jahan spiritual quality badiya hoti hai,” Wendi ne jawab diya.
“Oh! Samajh gaya…”
“Waise, aap Jal Nagar se hai ya Stone Island se?” Aryan ne smile ke saath poocha.
Jo bhi is wakat Aryan ko dekhta, yeh sochta ki yeh ladki mein interested le raha hai, lekin aisa nahi tha. Chahe Aryan jawan ho raha tha aur usse ladkian pasand thi, lekin uske paas aur bhi bade kaam the aur ab tak woh kisi opposite gender ke saath relation mai nahi aaeya tha.
Aur chahe woh ek se zyada auraton aur casual relationships mai believe rakhta tha, lekin abhi woh aise kisi se relationship mai aane ke mood mein nahi tha. Toh woh Wendi ko seduce karna ka koi plan nahi banna raha tha, woh toh bass us se kuch jaankari lene ki firak mai tha.
“Main Jal Nagar se hoon, chhote sahab.”
“Hmm, wahan ki zindagi kaisi hai? Koi badi problem jo common logon ko hoti hai?” Aryan ne curious hoke poocha.
“Kuch critical problem nahi hai. Chahe Jal Nagar Kaalivan mein hai, lekin iski spiritual concentration aas-paas ke ilakon se behtar hai.” “Par agar kisi ka talent kam ho toh uske leye doosri jagah jana asaan nahi hai. Fir bhi zyada tax dene ke bawajood bhi, Jal Nagar mein rehne se yahan ke logon ke liye bahut mauke ban jaate hain, aur koi aur behtar jagah bhi nahi hai,” usne dil se kaha.
“Samajh gaya…” Aryan ne soch mein kaha.
“Chhote sahab, aap yeh kyun pooch rahe ho?” Wendi ne curious hoke poocha.
“Vaise hi maan kiya… Maine suna tha ki Kaalivan ke aas-paas ek aisi jagah hai jahan kam talent wale logon ke liye bahut scope hai,” jo bhi wahan jayega, usko wahan apna jeevan sudharne ke bahut mauke milnge.
Yeh sunke Wendi bina koi jaawab deye kitchen mai wapas chali gayi. Woh is chhote sahab ki baat ko samajh nahi payi thi.
Uske jaanne mein aisi koi jagah nahi thi. Jal Nagar ke alawa hazaron kilometer tak koi aisi jaagah nahi thi jo Jal Nagar se Behtar ho.
…
Jab Aryan aur uska group Stone Island ka safar kar raha tha, toh usi wakt Jal Nagar ke ek hotel mein teen log ek shandaar kapdon wale jawaan ladke ke aas-paas khade the.
Teen log balcony ke pass khade the aur woh jawaan ladka kursi pe baitha khana kha raha tha. Woh shant tha aur woh teen log usko zaroori jaankari de rahe the.
“Chhote sahab, mujhe woh aadmi ka pata chal gaya hai jisne grade-2, low-grade talwar kal ki nilaami mein khareedi thi.”
“Aur hairani ki baat yeh hai ki yeh aap usse pehle se hi jaan te hain,” Raksha Philip ne smile ke saath kaha.
“Oh! Kaunsa bada khandaan ka hai woh? Shayad Malhotra khandaan ka hoga?” Darshan ne poocha.
“Nahi, hehe, asal mein woh kisi bade khandaan se nahi hai aur uske paas toh kisi bade khandaan ki support bhi nahi hai.”
“Woh toh bss Arjun Rathore ka beta hai!”
Gulp!
“Yeh kaise ho sakta hai? Woh mere raaste mein kyun aaye gaa? Isse marne ka darr nahi hai jo mere jaise se takaar le raha hai?” Darshan gusse se bolne laga.
Woh yakeen nahi kar pa raha tha ki jisne nilaami mai uski bezjati ki, woh wohi keeda tha! jo 6 saal behosh raha aur cultivation ke important phase ko jisne miss kar diya! Darshan ka gussa aur badhta ja raha tha.
“Us haramzade ne apne baap ki poori dulat hi us talwar pe kharch kar di hogi. Lekin us bhen ke lode ne aisa kiya kyun?” Darshan ne oonchi awaaz se poocha.
“Isne shayad cultivation shuru nahi ki hai. Chahe pehle yeh genius raha ho, lekin usko grade-2 talwar ka use karne mein saalon lagenge.”
“Hehe, shayad koi iska istemaal kar raha hai. Maine suna hai uske group mein 10 log the. Lekin koi bhi Devraj jaisa nahi lag raha tab. Shayad iski kidnapping ho gayi hai.”
“Agar nahi bhi hoyi hai toh, uske group ka sabse strong banda bhi level 40 se neeche hai. Toh uss se yeh talwar cheen lena bacche se toffee cheen ne jaisa hoga, hehehe,” Raksha Philip ne evil smile ke saath kaha.
Philip ko yakeen tha ki woh Aryan ke group ko aasani se masal ke rakh sakta hai. Kyunki, uske group mein teen Spiritual Generals the—level 41, 42, aur 43, usko shamil karte hue.
Aur chahe dushman ki sankhya usne zayda thi lekin Shekhawat Khandaan ke teen rakshakon ke paas ek extra technique thi, kyunki woh higher cultivation stage pe the. Techniques ki sankhya ladai mein bada advantage ho sakti thi, jo result badal sakti thi! Aur usse yakeen tha ki, chahe Aryan ne behoshi se uthne ke baad cultivation ki hogi, lekin uska evel 19 se zyada nahi hua hoga…
“Agar aisa hai toh, haha. Usne toh mera kaam hi aasaan kar diya. Nahi toh mujhe mere precious crystals kharch karne padte. Abh woh grade-2 talwar mujhe free mein aur aasani se mil jayegi,” Darshan ke chehre pe abh ek badi smile thi. “Par ab woh kahan hai?” Usne besabri se poocha.
Raksha Philip ne kaha, “Woh aur uska group aaj subah Jal Nagar se nikal hai. Woh Stone Island ja raha hai. Tsh, sala baagh raha hai…”
“Yeh koi buri baat nahi hai. Main vaise bhi wahan ja hi raha tha. Agar hum abhi chalte hain. Toh hum jaldi wahan pahunch kar uss harami aur uske group ka shikar kar lenge!”
“Hehe, ab mere paas grade-2 talwar hogi, aur fir mai ek spiritual pill se level up kar lunga. Abh mai Spiritual Tournament mein ek bada dhamaka karunga,” Darshan ne badi ummeed ke saath kaha.
Iske baad Darshan Shekhawat aur uske teen rakshak hotel se nikal gaye aur Jal Nagar ke port ki taraf chal pade.
…
Do din jaldi se guzar gye aur ek jawaan ladki Sukha Nagar ki taraf aa rahi thi. Woh ek 4th stage ke spiritual janwar ka istemaal kar rahi thi, jo ek bade eagle jaisa tha. Woh pura safed tha, 2 meter se zyada lamba, aur uski teekhi aur badi chonch usse khatarnakh bana rahi thi.
Ladki ke kaale baal, sundar chehra, aur sensual badan tha, jo kisi bhi aam aadmi ka dhyan apni taraf kendrit karne ke leye kaafi tha. Usne bahut hi shaandar hari dress pehni thi aur sar pe safed topi thi.
Jab usne Sukha Nagar ko upar se udhte hue dekha, toh usse ek jhatka laga, usse ek hissa upar se hara nazar aeya, jiska matlab tha ke wahan fasal ugayi jaa rahi hai.
Yeh area bada nahi tha, lekin kisi ka bhi dhyan apni taraf kheech le itna bada toh tha. Yeh dekhkar woh ladki soch mai padh gayi ke kiya woh sach mein Kaalivan mein hai, aur khas karke Sukha Nagar ke paas?
Kyunki jab 13 mahine pehle woh yahan aayi thi, jahan aisa kuch nahi tha! Woh bahut hairan thi, lekin usne aage badhne ka failsa kiya aur, is baare mai pata karne ki jigayasa bhi uske mann mai utpan ho gayi.
Usne daksin ki taraf se dheere se utari, aur apne beast ko khule maidaan mein chhod diya, aur paidal Sukha Nagar mein jaane ka failsa kiya. Raaste mein chalte chalte woh bhatak gayi, kyunki jab woh pehel jahan ayi thi, toh Sukha Nagar aisa nahi tha, Sukha Nagar pehle se alag ho chuka tha!
Jab woh pehle aayi thi, toh jahan itne buildings nahi the! ‘Yeh jagah itne chhote waqt mein kaise itna badal gayi?’ Usne shocked chehre ke saath socha.
Aur sach mein, Sukha Nagar ne ek saal mein ajeeb badlaav liya tha. Ab shahar ka area do-tihai se kam ho gaya tha, lekin bacha hua ek-tihai bada flourish kar raha tha!
Yeh grade-1, high-level ke char spiritual arrays ki wajah se tha jo shahar ke central hisse ke paas lagaye gye the. Isse affected regions mein bada change aaya tha.
Khaali zameen pe naye ghar ban gaye the, kuch nai buildings, aur purane buildings ko improve aur expand kiye gaya tha taaki zyada logon ke rehne ki jagah ban jaye. Baaki ka shahar khali karke destroy kar diya gaya tha.
Yeh sab Aryan ke planning ke hisab se hua tha. Toh ab shahar ka nazara bada sundar tha. Aryan ne badi planning aur sukh suvidah ke saath is hisse ko design kiya tha.
Uppar se dekhe toh shahar chaar bade golon jaisa lagta tha jo Aryan ke mansion ke paas intersect hote the. Raaston pe kaafi ped bhi the jinhe dekh kar koi bhi bhool jaye ga ki woh Kaalivan ke ek shahar Sukha Nagar mai hai.
‘Ahhh’ itna kuch dekh kar Ladki ke mukh se halki si cheekh nikal gayi, lekin kismat se koi bhi uski cheekh sun nahi paeya. Is cheekh ka ek karan yeh bhi tha ke usne mahsoos kiya tha, ke shahar ke aas-paas ki spiritual energy pehle se 50% zayda badh chuki hai.
‘Yeh kaise hua? Mujhe yeh bataeya gaya tha ki, jahan ki spiritual root sari spiritual energy apni taraf kheemch leti hai. Toh yeh problem solve kaise ho gayi?’ Yehi sab kuch sochte woh shahar mai ghoomti rahi. Aur akhirkar woh logon se rasta pooch kar mansion tak pahunch gayi jo bilkul shahar ke beecho beech thi.
Lekin mansion dekhkar bhi woh hairan reh gayi. Yeh jagah pehle se teen guna badi lag rahi thi. Kaafi log aate-jaate dikh rahe the, aur sab ek hi uniform mein the.
Mansion ke saamne ek haara bhara garden tha jiske beech mein fountain tha. Peeche chaar manzilon ka bhawan tha, jisme kaafi khidkiyan thi. Yeh zyada luxury nahi tha, lekin acha banaya gaya tha.
Abhi zyada spiritual arrays nahi lagaye the kyunki Aryan ko array masters abhi mile nahi the, lekin kuch purane arrays jo building mein pehle se hi majood the, woh saare kaam kar rahe the. Ladki dheere chalte chalte bhawan mein ghusi, uska muh shock se band hi nahi ho raha tha yeh sab dekh kar. Kisi ne usse baat ki toh woh normal hui.
“Sukha Nagar ke local government mein apka sawagat hai. Mai apki kaise madad kar sakti hoon?” Meera ne kaha, jo reception pe thi, Aryan ke office ke paas.
“Hmm, mujhe Aryan Rathore se milna hai,” ladki ne jaldi se kaha.
“Maaf karna, lekin chhote sahab ab Sukha Nagar mein nahi hain,” Meera ne jawab diya.
“Nahi hain? Toh kahan gaye?”
Meera ne mafi mangte hue kaha, “Yeh main apko nahi baata sakti hoon.”
“Nahi baata sakti? Toh yahan ka charge kis ke paas hai? Mujhe usse baat karni hai. Main chhote sahab ki maa ke kehne pe yahan aayi hoon,” ladki ne besabri se kaha.
Woh Ritu Malhotra thi, Aryan ki maa Meenakshi Devi ki disciple, jo pehle bhi unke saath jahan aayi thi. Waqt ke saath woh level 45 par pahunch chuki thi, aur training khatam karne ke baad yahan mission poora karne aayi thi.
“Oh! Toh aap aayi hain. Ab Devraj charge mein hain. Mere saath aao.”
Thodi der baad woh Aryan ke office mein gaye jahan Devraj betha hua tha.
Devraj ek sipahi ke saath vartalaap mai busy tha ki tabhi office ka darwaza khula aur Meera aur Ritu andar aa gayi.
“Devraj ji, yeh lady chhote sahab ki maa ke kehne pe aayi hain,” Meera ne jaldi se kaha aur room se nikal gayi.
“Toh aap Meenakshi ji ke kehne pe aayi hain. Aapka yahan aane ka maqsad kya hai?” Devraj ne smile ke saath poocha.
“Merri guru ne mujhe yahan aane ko kaha tha, lekin training jaldi khatam hone ki wajah se main jaldi hi aa gayi.”
“Unhone mujhe hukum diya tha ki unke bête ka level check karoon. Agar woh 4th stage tak pahunch gaya ho, toh Spiritual Tournament ke baare mein uss se baat karoon, jo 7 mahine baad Kumbhalgarh Rajya mein hoga, aur agar woh shamil hona chahe toh usko apne saath wahan le jaun.”
“Hm, mai samajh gaya, Meenaskhi ji chahti hain ki chhote sahab apni age ke aas paas ke ladke ladkiyo ke saath ladai karke aur kuch anubhav parapt karen,” Devraj ne haath peeche rakhte hue kaha.
“ Yeh ek achha idea ho sakta hai, lekin chhote sahab ab Stone Island ki taraf gaye hain. Kab wapas aayenge, yeh nahi pata. Shayad kuch hafta lag sakte hai.”
“Stone Island? Woh wahan kyun gaya hai?” Ritu ne curious hoke poocha.
Devraj ne kaha, “Chhote sahab ek leader hain, toh unke upar bahut zimmedariyaan hain.”
“Lekin agar aap unke peeche jana chahti ho, toh Stone Island pe aap Roshni Shah se milna. Chhote sahab wahan usse hi milne wale hain.”
“Samajh gayi… Waise, yeh jagah itne chhote waqt mein itna kaise badal gayi?” Ritu ne curious nazaron se poocha.
“Haha, tum bahut curious ho rahi ho, haan? Lekin mai tumhe iske baare mai nahi baata sakta, lekin jab chhote sahab ne kaha tha ki unhe Meenakshi ji ki madad nahi chahiye, toh woh mazak nahi kar rahe the,” Devraj ne garv se smile karke kaha.
Yeh sunke Ritu kuch bol nahi paayi. Lekin usne khud se socha, ‘ Inke paas itna confidence aata kahan se hai? Chahe yeh jagah pehle se behtar ho gayi hai, phir bhi haamre sect se bahut zayda peeche hai, inke paas inta haq nahi hai ke yeh log hamare sect ki madad ko thukra sake.’
Thodi der baad woh boli, “Hehe, lagta hai tum apne chhote sahab pe bahut bharosa karte ho.”
Devraj ne bas smile kiya, lekin kuch nahi kaha. Woh Aryan ke raaz kisi ko bhi nahi baata sakta tha, chahe saame uski maa ki ek student hi kyun na ho!
Yeh dekhkar Ritu thodi nirash huyi. Woh sach mein in logon ke baare mein curious thi. Sirf Devraj hi nahi, balki yahan ke saare log Aryan pe andha bharosa karte the.
Pichli baar woh jaab jahan aayi thi toh tabh bhi log Aryan ko bhagwan jaisa dekhte the!
‘Chhodo is baat ko. Jab main Spiritual Tournament mein uske saath jaun gi toh tabh in logo ko aur uss Aryan ko pata chale ga ki woh itni vishal duniya mai bss ek cheenti ke saaman hai,’ Ritu ne khud se socha.
“Theek hai, chhote sahab agar yahan nahi hain, toh main Stone Island jaa rahi hoo… usne Alvida li,” aur jaldi mai dakshin disha ki taraf chali gayi jahan usne apna beast chhoda tha.
…
Usi waqt, Aryan jo jahaz pe tha, Stone Island ke paas pahunch chuka tha. Island ka nazara usse abh dikhne laga tha. Aryan samundar ka nazara enjoy kar raha tha aur smile ke saath soch raha tha, ‘Stone Island, huh. Dekhte hain mujhe kiya milta hai is Island se.’
Stone Island Rajpitana Rajya se bahut bada tha isilyi Aryan ko apne jahaz se sirf Island ka ek hissa hi nazar aa raha tha.
Stone Island sirf area mein hi bada nahi tha, balki population mein bhi Rajputana Rajya se bada tha. Iske bade mineral reserves ki wajah se yahan kaafi blacksmiths the, jo common logon ka bhi dhyan khichte the, jo inki banayi talwaron aur hathiyaron ke liye taras rahe the.
Iske saath, island ki spiritual density Central Continent ke North ki best jagahon ke barabar thi. Isliye yahan 200 million se zyada log rehte the.
Itni badi population hone ke bawajood, bahi jahan spiritual plants nahi ugte the, phir bhi alchemists aur array masters ki badi sankhya thi kyunki demand bahut thi. Yeh log resources import karte the, lekin Stone Island pe rehna unke liye profitable tha kyunki jahan unki services ki badi market thi.
Lekin yeh alchemists aur array masters ke items sirf grade-2, low-level tak limited the. Isse upar ke specialists ke liye Stone Island pe rehna profitable nahi tha kyunki unhe zyada cheezein import karni padti thi. Toh yeh log aise jagahon pe rehte the jahan apni medicines grow kar sake—jaise Kaalivan ke paas ke rajyon mein, Kumbhalgarh Rajya, Kingdom of the Waves, ya Rajputana Rajya.
Aryan Rathore ke yahan aane ki wajah sirf Roshni Shah se milkar negotiation karna nahi tha, woh Stone Island aaeya tha apne faiyde ke leye, woh jahan ke logon ki attract karna chahta tha. Kyunki woh nahi chahta tha ki woh Rajputana Rajya mai vyapar kare kyunki woh Rajya ki nazron mai nahi aana chahta tha.
Aur vaise bhi jitni bhi trade Rajputana Rajya mai hoti thi woh Jal Nagar se hoti thi, aur Sukha Nagar mai toh koi aana bhi nahi chahta tha. Khaaskarke koi takatvar aur bada khandaan. Isi leye Aryan ko uski tension nahi thi. Haan unko pata chal jaana tha lekin isme abhi wakat lagna tha. Toh Stone Island Aryan ke liye best option tha, aur usne Roshni Shah ke saath pehle se deal kar rakhi thi.
Dheere-dheere Aryan ka jahaz ek bade port ki taraf badha. Wahan kaafi jahaz aur badi naavain ruki hui thi—wahan ek lamba pier tha aur kuch kilometer door badi ships thi. Yeh jagah badi populated thi.
Port ke peeche ek bada shahar nazar aa raha tha. Jo Jal Nagar se kam se kam 5 guna bada tha. Yeh Portland tha, Stone Island ke chaar bade port cities mein se ek. Yeh Rajputana Rajya aur Stone Island ke beech main trade route tha kyunki Jal Nagar se yahan ki duri sabse kam thi.
Aryan ke group ne jahaz ke crew se alvida li aur port ki taraf badh gaye. Wahan kaafi guards the jo entry regulate karte the. Ek guard ne unhe roka aur bola, “Stone Island mai apka swagat hai. Entry ke liye har vyakti keleye 500 low-grade crystals ki fee deni padegi.”
“Hmm, yeh lo, 5,500 crystals,” Aryan ne guard ko paise dete huye kaha.
“Theek hai, aap andar jaa sakte hai,” guard ne indifferent tone mein kaha.
Uske baad Aryan ka group port se bahar nikla aur 3 rath kiraye pe kar leye. Pehle rath ke driver ne poocha, “Saheb, apko kahan jana hai?”
“Hum jahan pehli baar aaye hai toh. Tum hume pehle toh ek aache hotel mai le jao,” Aryan ne calm tone mai kaha. Woh is jagah ko nahi jaanta tha, lekin woh kuch din yahan rukna chahta tha. Aur fir woh Shah Khandaan ke headquarter ke leye raawana hona chahta tha.
Shah Khandaan mainly Stone Island ki capital mein rehta tha, jo island ke central hisse mein thi. Yeh info Aryan ko Devraj ne Sukha Nagar se jaane se pehle di thi.
Lekin pehle Aryan chahta tha ki woh Portland mein rukkar dekhe ki yaahan usse kiya mil sakta hai. Capital naa hone ke bawajood, bhi yahan kaafi businesses the. Woh jahan se blacksmiths, alchemists, aur array masters ko Kaalivan bulana chahta tha—capital city ke masters ko convince karna bahut mushkil tha, toh Aryan yahan se shuru karna chahta tha.
Aryan ke paas 5 lakhs se jayda crystals the, jo woh is Stone Island mai kharcha karne wala tha. Woh iss kharche se Sukha Nagar ki takat ko aur badhna chah raha tha!
“Oh! To yeh aapka pehla trip hai. Kya aap traders hain jo business ke liye aaye hain?” Driver ne curious hoke poocha.
“Haan, business ke liye aaye hain,” Aryan ne kaha.
“Samajh gaya. Har din aise log jahan aate hain. Ek tip deta hoon apko—Portland mein highest level items nahi milte hain, lekin fir bhu jahan apko kafi aacha saaman mil sakta hai,” driver ne Aryan se kaha.
Uski baat par Aryan ne poocha, “Thodi detail aur de sakte ho?”
“Haha, zaroor! Capital mein apko best specialists milenge, lekin yahan par bhi kaafi alchemists aur array masters hain.”
“Port city hone ki wajah se jahan imported resources jaldi mil jaate hain. Kyunki Capital city ki demand toh wahan ke specialists hi pura kar dete hai.”
“Toh apko jahan discount mai bahut kuch mil sakta hai ,” driver ne Aryan ko batate hue kaha.
“Hmm, shukriya apki is jaankari ke liye.”
Thodi der baad Aryan ka group shahar ke central hisse mein ek hotel ke saamne pahunch gaya. Yeh ek 6 manzilon ka bada bhawan tha, jiska fornt pura glass se bana tha.
Yeh Hotel Olson tha, ek high-end hotel jo Stone Island ke bade noble khandaanon mein se ek, Olson Khandaan ka tha. Hotel Olson ki chain, island ke har bade shahar mein thi aur region ki best services deti thi.
Aryan ka group hotel ke andar chala gaya. Yeh bada shandaar hotel tha. Kaafi special arrays hotel mai lage hue the—light arrays, temperature control arrays, aur do bade elevators bhi jo arrays se chalte the.
Ek shandaar kapdon wala attendant ne unka welcome kiya, “Hotel Olson mein apka swagat hai. Aapka jahan kitne din rukna chahenge?”
“Namaste, hum ek hafta rukenge,” Aryan ne jawab diya.
“Humare paas teen tarah ke rooms hain. Simple room 500 crystals per hafta, intermediate 800 crystals, aur high-level 1,200 crystals per hafta,” attendant ne politely kaha.
“Hum 5 simple aur ek intermediate room lenge,” aur Aryan ne crystals nikal ke usse de deye.
Thodi der mein group apne rooms mein adjust ho gaya. Aryan apne kamre ki khidki se shahar ka nazara dekhte hue sochne laga, ‘Aaj in soldiers ke liye mujhe grade-1, high-grade spiritual pills laani hongi. Yeh log energy collect kar chuke hain, lekin blue-level talent ki wajah se bottleneck nahi todh pa rahe hai. Aur mujhe yakeen hai ki woh Darshan Shekhawat jaldi hi mere peeche jarur aayega…’ ‘Woh ek din baad yahan hoga. Phir mujhe dhoondne mein usko time nahi lagega,’
Thodi der baad Aryan pills dhoondhne ke leye bahar nikla. Hotel Olson se pata chala ki Portland mein ek alchemy guild thi jahan alchemists se contact ho sakta tha.
Portland ki sadkon pe chalte hue Aryan ne kaafi cheezein dekhi jo Sukha Nagar mein nahi thi—upscale restaurants, spiritual weapons ke maintenance aur sale ki dukaan, aur ghar ke liye low-level arrays bechne wale stores.
Yeh practical arrays daily life ko aasaan banate the aur acha income dete the, lekin Sukha Nagar mein array masters nahi the. Alchemists aur blacksmiths bhi nahi the wahan.
Shahar ka nazara bhi lajawab tha—har jagah spiritual ped aur squares the jo nature ke paas hone ka ehsaas dete the.
Aur Spiritual density ko Aryan tabhi mehsoos kar sakta tha jab woh cultivate kar raha ho, lekin usse itna toh pata tha ki yeh Suryanagar jaisa hi hai.
Thodi der chalne ke baad Aryan ne ek rectangular bhawan dekha jahan se dawaai ki khushboo aa rahi thi. Yeh Portland ka alchemy guild tha!
Yeh jagah bahut busy thi—log aate-jaate rehte the. Aryan andar gaya aur entrance ke paas hi ek counter pe usse bheed dikh gayi. Ek young ladka wahan pills bech raha tha.
Aryan ne line ki side mein khade ek ladke se poocha, “Dost, yeh line kyun lagi hui hai?”
Ladka ne Aryan ko dekha aur furti se bola, “Tum ye nahi jaante? Shayed tu jahan naya hai. Yeh counter grade-1, medium-level pills half price pe bech raha hai.”
“Half price? Yeh yahan normal hai?” Aryan ne curious hoke poocha.
“Nahi, yeh normal nahi hai. Lagta hai koi alchemist apna next level ka exam dene wala hai, toh crystals collect kar raha hai,” ladke ne serious chehre ke saath kaha.
“Oh! Samajh gaya… Grade-1, high-level alchemists kahan milenge?” Aryan ne smile ke saath poocha.
Ladke ne hairani se dekha aur bola, “Upar milenge.”
“Shukriya,” Aryan ne kaha aur upar chala gaya. Wahan dawaai ki khushboo aur bhi strong thi. Dass benches lage hue the, aur jahan log bhi kam the. Yeh ek bada square tha jisme benches thi aur sides pe rooms.
Aryan ne ek kam bheed wale bench ke paas jakar poocha, “Namaste, kya aapke paas General Spiritual stage ke liye pills hain?”
Wahan ek adhed umar aadmi betha tha, safed robe pehne hua. Usne Aryan ko dekha aur bola, “Mere paas do pills hain 5th stage ke liye. Har ek ka price 1,500 crystals hai. Agar user ne level 40 ke liye energy collect kar li ho, toh yeh pill thodi der mein hi uski rukawat ko todh sakti hai.”
Yeh bolke usne kuch flasks dikhaye. Is duniya mein pill ki quality khushboo se pata chalti hai—jitni rich, utni behtar. Aryan ko God Shivendra Partap ki memories se gayan tha, jo 50,000 saal tak raha tha.
Aryan ne khushboo check ki aur quality usse achi lagi. Usne ek bag crystals ka uske aage kar diya, “Yeh lo payment, aur mujhe do pills dedo.”
“Waise, sahab, aapke counter pe itne kam log kyun hain?” Aryan ne curious hoke poocha.
Aadmi ne smile ke saath kaha, “lagta hai aap jahan naye aaeye hai . Yeh guild ki wajah se hai. Guild un alchemists ko hi support karti hai jo unme shaamil ho jaate hai ja unke kisi khandaan mai shamil hote hai. Baaki alchemists sirf yahan business hi kar sakte hain.”
Spiritual World mein alchemy guilds, array masters, aur blacksmiths ke liye local organizations bani hui thi.
Guild mein log alchemists se pills khareed sakte the, young log aur baache jahan seekh bhi sakte the, aur baad mai exams deke ek master ki post hasil kar sakte the.
Yeh organizations aksar region ke noble aur amir khandaanon se support leti thi, jo in professions mein specialized the aur unhe subsidy dete the. Isse woh apne products kam keematon mein bech sakte the ya skills jaldi improve kar sakte the.
Aadmi ne aage bolna zaari rakhna, “Main kisi bade khandaan se nahi juda, toh mujhe unka support nahi milta. Isliye mere pills zyada mahange hain.”
Aryan ne situation samajh li aur zyada payment dene par usse koi afsos nahi huya—kyunki yeh info bhi uske future plans mai kaam aane wali thi.
“Sabah, aapka naam kya hai?” Aryan ne uss aadmi se poocha.
“Hmm, mera naam Davis hai. Mera naam poochne ke peecha ka karan?” Aadmi ne curious hoke kaha.
“Milke khushi hui, Mr. Davis. Mera naam Aryan Rathore hai. Kya aap batayenge ki kyun apne kisi khandaanon se judne se inkaar kar diya?”
“Koi baadi baat nahi hai, bas mujhe apni azaadi piyari hai. Kisi ki support aur power ka kya faida agar main jo chahta hoon, woh nahi kar sakta?” Usne dil se kaha.
“Oh! Toh yeh baat hai. Agar aap organization join karne ke khilaaf nahi hain jab tak aapki azaadi aap ke paas rahe, toh mere paas apke leye ek offer hai.”
Yeh sunkar aadmi ki aankhen chamak uthi. Aryan ne aage kaha, “Main Stone Island pe business ke liye aeya hoon, aur kuch hafta baad mein apne region wapas jaunga. Agar aap mere saath chale ge, toh mai apko puri aazadi doonga. Aap apni items kaise bechne hain kab beechte hai woh apko marzi hogi, apko sirf har mahine mujhe minimum pills deliver karni hongi.”
“Har grade-1, high-grade pill ke liye mai apko 700 crystals doonga. Aur haan Ingredients bhi main hi supply karunga apko.”
“Lekin mai apko baata doon ki, mera region abhi developing stage par hai. Toh isi wajah se apko kaafi advantages bhi milengi, aur agar aap abhi join karte hai, toh apko bahut faiyda hoga, jaise jaise mera region develop hoga, vaise vaise apka bhi status upgarde hoga, apko ek jaruri assets ki tarh treat kiya jaaye ga ”
Aryan ne apna poori baat uske saamne rakh di. Aur phir usne poocha, “mujhe aur 8 pills chahiye. Toh kitne time mai aap provide kar sakte ho?”
Davis ne socha aur bola, “Maaf kejeye ga, mere paas abhi medicines nahi hain. Toh kuch din aur lag sakte hain.”
“Lekin apko jahan ke doosre alchemists se yeh aasani se mil sakti hain.”
Aryan ne Davis ko alvida kaha. Aur jaate jaate bol gaya ki woh jahan wapas aayega aur phir apne deye gaye prastav ke baare mai apka faisla sunu ga.
…
Waqt guzar, aur Aryan ne 8 aur pills khareed liye—jis par usne 9,000 crystals kharch kar deye, yeh 8 pills ise 4 alag alag alchemists se mili.
Uske baad Aryan aur uske soldiers hotel wapas aa gaye. “Yeh lo, har ko usne ek ek pill di aur cultivate shuru karne ko bol diya. Kal subah tak tum sab level 40 pe pahunch jao ge,” Aryan ne kaha aur apne kamre mai chala gaya.
Jaldi hi soldiers apni cultivate mai busy ho gaye. Aur Aryan sochne laga ki, ‘Kal subah mujhe mere guards ke leye behtar weapons khareedne chaheye…’
…
Aryan jab se sab plan kar raha tha, toh usse thodi door ek hotel mein 4 log pahunch chuke the—Darshan Shekhawat aur uske teen rakshak.
“Raksha Philip, jao aur pata karo woh harami kahan hai,” Darshan ne badi smile ke saath kaha.
“Theek hai, chhote sahab,” mai abhi pata lagata hoon uske baare mai.
To be continued…….
