Ko To Rok Lo {Update - 230}
____________________________
Mai chhoti maa ki baton se samajh gaya tha ki, wo shayad ami nimi ki priya ko lekar ki gayi harkaton ki vajah se naraj hai. Isliye wo is bahane se un par gussa kiye ja rahi hai. Mai unki is narajgi ko door karna chahta tha.
Isliye unki baat ko khamoshi se sun raha tha. Lekin chhoti maa ki aakhiri me kahi baat mere dil ko lag gayi aur maine jindagi me pahli baar chhoti maa se badtamiji se baat karte huye kaha.
Mai bola “chhoti maa, aap aisa soch bhi kaise sakti hai. Itni chhoti chhoti bachchiyon se ye baat kahte huye aapko jara bhi sharam nahi aayi. Mai sab samajhta hu ki, aap in par kis baat ka gussa nikal rahi hai.”
“Lekin aap bhi meri baat kaan khol kar sun lijiye. Ye ghar inka hai aur is ghar me ye jaise chahe waise rahegi. Mere hote meri bahno se ye haq koi bhi nahi cheen sakta. Fir chahe wo aap hi kyo na ho.”
Mere itna kahte hi saara hall chatakkk ki aawaj se goonj gaya aur mera hath apne aap hi mere gaal par chala gaya. Vaani didi, keerti, neha aur ami nimi sabhi hairani se chhoti maa ko dekh rahe the. Lekin chhoti maa……”
Chhoti maa ki aankhen gusse se laal thi aur wo bahut jyada gusse me bhari huyi thi. Mere gaal par jordar tamacha jad dene ke bad, un ne gusse me mujhe ungli dikha kar, chetawani dete huye kaha.
Chhoti maa boli “mujhse dobara unchi aawaj me baat karne ki galti kabhi mat karna. Mai tum logon ki koi bhi badtamizi sahan nahi karugi. Ab yadi dobara aisa hua to, mujhse bura koi nahi hoga.”
Chhoti maa ko itna jyada gusse me dekh kar, mujhse to apni safayi me kuch kahte nahi ban raha tha. Lekin vaani didi ne mera bachav karte huye kaha.
Vaani didi boli “mausi, aap bhi kaha inki baton me aa rahi hai. Itni si baat me in par is tarah gussa karna thik nahi hai.”
Lekin chhoti maa ke gusse ka paara abhi kuch jyada hi chada hua tha. Un ne vaani didi ki is baat par unki hi khichai karte huye kaha.
Chhoti maa boli “vaani, mujhe inke sath kab kaise pesh aana hai, ye tu mujhe sikhne ki koshish mat kar. Teri vajah se hi mai Mumbai se yaha tak in dono ki harkaten sahan karti aayi hu.”
“Upar se aaj is ladke ne to had hi paar kar di hai. Ise ye bhi yaad nahi raha ki, apni maa se kaise baat ki jati hai. Mujhse is tarah se baat karne ki iski himmat bhi kaise ho gayi.”
“Kya maine ise ye hi sikhaya hai. Kya maine ise ye hi sanskar diye hai. Aaj isne apni bahno ke samne bado ki ijjat utarne ka bada hi acha udaharan pesh kiya hai. Wo bhi aage chal kar isi ki tarah bado ki beijjati kiya karegi.”
Chhoti maa gusse me mujhe bake ja rahi thi. Jab vaani didi ne dekha ki, unke samjhane se bhi chhoti maa ka gussa shant nahi ho raha hai to, un ne mere upar hi ulta gussa karte huye kaha.
Vaani didi boli “ab tum yaha khade khade kya kar rahe ho. Kya itna tamasha karke bhi tumhe shanti nahi mili hai, jo abhi bhi besharmo ki tarah yaha khade huye ho. Jao, abhi tum apne school jao. Hum is baare me bad me baat karege.”
Vaani didi ki baat sunkar, maine ami nimi ki taraf dekha to, vaani didi ne ami nimi se kaha.
Vaani didi boli “tum dono bhi abhi apne kamre me jao.”
Maine bhi ami nimi ko waha se jaane ka ishara kiya to, wo dono apne kamre me chali gayi. Unke jaane ke bad mai bhi school ke liye nikal gaya. Mere aaj ke din ki suruaat behad hi tanav bhari huyi thi.
Lekin mere ye tanav ka daur school me bhi aise hi chalta raha. School me mere jo bhi teacher aa rahe the, wo mere padai me pichhad jaane ki baat kah kar, mujhe apni padai par jyada dhyan dene ke liye kah rahe the.
Unka ye kahna bhi bilkul sahi tha. Pichhle ek mahine se school na aane ki vajah se mera padai ka bahut nuksan ho chuka tha. Fir bhi mujhe is baat ka jyada tension nahi tha.
Kyoki meri class ka sabse hoshiyar student aslam mera dost tha aur mai uske sath padai karke apne is nuksan ko pura kar sakta tha. Isliye maine chhutti hone ke bad, aslam se is baare me baat karte huye kaha.
Mai bola “yaar aslam, mera padai me bahut nuksan ho gaya hai. Mai kal se tere sath hi padai karne ki soch raha tha.”
Meri ye baat sunte hi aslam khush ho gaya aur usne khushi khushi mujhse kaha.
Aslam bola “ye to bahut achi baat hai. Tu kal kis samay padne aayega.”
Mai bola “mai kal sham ko 5 baje tere ghar aauga. Lekin tu yaad se baji ko bhi ye baat bata dena. Mai Mumbai se aane ke bad unse bhi nahi mil paya hu.”
Aslam bola “tu fikar mat kar, mai baji ko bata duga ki, tu Mumbai se aa gaya hai aur kal se humare ghar padne aa raha hai.”
Abhi meri aslam se baat chal hi rahi thi ki, tabhi humare pas rahul aa gaya aur usne aslam ke hips par ek jordar chapat lagate huye kaha.
Rahul bola “meri jaan assu, kaisi hai.”
Rahul ki achanak ki gayi is harkat se aslam tilmila gaya aur usne bhannate huye rahul se kaha.
Aslam bola “bhosdi ke, meri g*nd ko apne bap ka godam samajh rakha hai kya, jo jab dekho, tab meri g*nd me ghusa chala aata hai.”
Magar rahul par aslam ke is tarah se bannane ka koi asar nahi pada aur usne fir se aslam ko chhedte huye kaha.
Rahul bola “ale le, meli jaan assu ko gussa aa gaya. Dekho kaise apne sajan par gussa kar rahi hai.”
Rahul ki harkat band na hote dekh kar, aslam ne use ek gandi si gaali baki aur apni bicycle uthane chala gaya. Aslam ke jaane ke bad maine rahul se kaha.
Mai bola “ye kya hai be, tu aslam ko itna pareshan kyo karta hai.”
Rahul bola “yaar mai kya karu. Wo mere chidane par chidta hai to, mujhe bhi usko chidane me maja aata hai.”
Mai bola “wo tujhe itni gaaliyan bakta hai. Kya tujhe ye acha lagta hai.”
Rahul bola “abe dosti me gaaliyan to Prasad ki tarah hoti hai. Inhe bhi pyar samajh kar rakh lena chahiye. Fir aslam to mera langotiya yaar hai. Uski kisi baat ka bura kya manna.”
“Ab tu us chhui mui ki baat chhod aur mujhe ye bata ki, tu itne din tak Mumbai me rah kar aaya hai. Tune waha par kuch maja vaja kiya ya aise hi sukha sukha wapas aa gaya hai.”
Mai bola “kamine, mai Mumbai me koi maja vaja karne nahi gaya tha aur na hi mujhe ye sab pasand hai. Ye sab harkaten tu apne liye bacha kar rakh.”
Rahul bola “chal jaane de. Mujhe pata tha ki, tu waha jakar bhi kuch nahi ukhad payega. Lekin tu abhi mere sath ghar chal, mai tujhe ek mast movie dikhata hu. Use dekh kar tujhe maja aa jayega.”
Mai bola “mujhe teri koi movie nahi dekhna. Ab mere ghar jaane ka samay ho raha hai. Mai apne ghar chala.”
Itna bol kar mai apni bike ki taraf bad gaya. Lekin rahul ne mere pichhe pichhe aate huye kaha.
Rahul bola “abe tu samjha nahi. Mai kisi aisi waisi movie ki baat nahi kar raha hu. Ye ladka ladki ke sex ki movie hai. Maine badi mushkil se is movie ka jugad kiya hai. Tu bhi dekhega to, khush ho jayega.”
Rahul ki ye baat sunkar, mai hairani se use dekhne laga. Kyoki kuch samay pahle uske bap ne use isi vajah se bahut buri tarah se peeta tha. Lekin apne bap se pitna rahul ke liye koi nayi baat bhi nahi thi.
Rahul ka bap bilkul jallad tha aur kisi bhi baat par rahul ko koot diya karta tha. Shayad yahi vajah thi ki, rahul ab bilkul kutela ho gaya tha aur us par apne bap ki maar ka koi asar nahi padta tha.
Rahul ke bap ki vajah se aslam bhi uske ghar jaane se katrata tha. Shayad yahi vajah thi ki, rahul ne us se apne sath chalne ko nahi kaha tha. Mai abhi yahi sab soch raha tha ki rahul ne mujhe tokte huye kaha.
Rahul bola “kya hua.? Tu kya soch raha hai.”
Rahul ki baat sunkar, maine apni soch se bahar nikalte huye kaha.
Mai bola “tu ab ye nayi musibat kaha se lekar aa gaya. Pichhli baar tere bap ne teri inhi harkaton ki vajah se tujhe kitna maara tha. Lekin lagta hai ki, tujhe us maar se koi farak nahi pada hai.”
Rahul bola “abe tu kyo gade murde ukhad raha hai. Mujhe us maar ki to yaad hi mat dila. Mere bap ne bilkul rui ki tarah mujhe dhuna tha aur mahine bhar meri chaukidari karta raha tha.”
“Lekin tu mere bap ki fikar kyo karta hai. Wo to abhi apne office me hoga aur mummy apni saheliyon ke sath mast hogi. Hum dono bade aaram se mere kamre me movie ka maja lege.”
“Waise bhi tune aaj tak aisi koi movie nahi dekhi hai. Tujhe bhi kuch naya dekhne aur sikhne ko mil jayega. Bad me yahi sab to humare girlfriend ke sath maja karne ke liye kaam me aayega.”
Rahul ki is baat ko sunkar, maine use fatkarte huye kaha.
Mai bola “tu apna ye bekar ka sex gyan apne hi pas rakh. Mujhse is sikhne me koi dilchspi nahi hai. Mujhe yadi ye sab sikhna hoga to, jab meri koi girlfriend banegi, mai us se seekh luga. Ab mai chalta hu.”
Rahul bola “abe tujhe itni jaldi kya hai. Tujhe movie nahi dekhna hai to, mat dekh. Lekin kam se kam mere ek fukki marne tak to mere pas ruk ja.”
Mai uski is baat ka matlab samajh gaya aur maine us se kaha.
Mai bola “chal thik hai. Lekin jyada der mat karna. Mujhe jaldi ghar bhi jana hai.”
Rahul bola “ok, tu apni gaadi utha, tab tak mai bhi apni gaadi nikal kar lata hu.”
Ye kahte huye rahul chala gaya. Mai apni bike par baitha rahul ke aane ka intejar karne laga. Kuch hi der me rahul apni luna moped lekar aa gaya aur hum dono school se bahar nikal aaye.
Hum dono abhi kuch hi dur pahuche hi the ki, rahul apni luna ko tej bhagane ke liye teji se pedal marne laga. Use aisa karte dekh kar maine us se kaha.
Mai bola “abe jab tujhe is luna me bhi pedal hi marna padte hai to, fir tu is khatara ko bech kar ek achi si bicycle kyo nahi le leta hai.”
Meri is baat ko sunkar rahul ne bade hi bholepan se kaha.
Rahul bola “bhai, tu meri luna ko khatara mat bol. Tu nahi janta ki, mere bap ne isi luna par hi kachchhe baniyan bech kar itna bada business khada kiya hai.”
Rahul ki is baat ko sunkar, maine use jhidakte huye kaha.
Mai bola “chal be, apni ye faltu ki emotional story sunakar kisi aur ko bevakuf banana. Sidhe se kyo nahi kahta hai ki, tera kanjus bap tujhe footi kodi bhi dene ko taiyar nahi hota hai.”
Meri is baat par rahul ne khijte huye kaha.
Rahul bola “kamine jab tujhe sab malum hai to, kyo meri lene par tula rahta hai.”
Aise hi baat karte karte hum school se thodi hi doori par bane bus stop ke pas ke ek paan, cigarette ke stall par pahuch gaye. Waha pahuch kar humne apni gaadi khadi ki aur fir stall par aa gaye. Us stall par aakar rahul bidi kharidne laga. Use bidi kharidte dekh kar maine us se kaha.
Mai bola “abe ye kya hai.? Tu cigarette se bidi par kab aa gaya.”
Rahul bola “mat puchh bhai, ye londiya baji ka chakkar bhi bahut kharab hai. Jab se mera dolly ke sath rishta jud gaya hai. Tab se saala meri jeb ka paise ke sath rishta hi toot gaya hai.”
Rahul ki ye baat sunkar, mai chuke bina na rah saka. Mujhe abhi bhi rahul ki is baat par yakin nahi aa raha tha. Dolly rahul ke hi pados me rahti thi. Rahul ne hi ek baar mujhe dolly ko dikhaya tha.
Dolly bhi humari hi umar ki thi aur sundar hone ke sath sath bahut hi sidhi saadi ladki thi. Wahi rahul ki badnami ka danka to uske ados pados lekar humare school tak me baja karta tha.
Aise me rahul ki dolly ke sath chakkar chalne wali baat mujhe hajam nahi ho rahi thi. Isliye uski is baat par maine chaukte huye kaha.
Mai bola “abe ye kab aur kaise ho gaya. Tune pahle kabhi mujhe is baare me bataya kyo nahi.”
Rahul bola “bhai, ye isi mahine ki baat hai. Lekin tu mujhe ek mahine se mila hi kaha hai. Tu bas ek baar mujhe aslam ke ghar se lautti samay hi mila tha. Tab bhi mai tujhe ye baat batana chahta tha.”
“Lekin tu jaldi hone ki baat bol kar chala gaya tha. Uske bad tere sath hadsa ho gaya. Tab bhi mai tujhse milne aaya tha. Lekin tab tu fir se Mumbai ja chuka tha. Uske bad se ab tu mujhe mil raha hai. Fir mai tujhe ye baat kab bata deta.”
Abhi mai rahul se is se aage kuch aur puchh pata ki, wo apni bidi ko khol kar uski tambaku bahar nikalne laga. Mai uski is harkat ko gaur se dekhne laga. Usne bidi se tambaku nikali aur fir apne bag me kuch dudne laga.
Fir usne bag me ek pouch nikala aur us pouch me se kuch nikal kar bidi me bhar diya. Iske bad usne fir usme thodi si tambaku bhari aur bidi ko band kar diya. Ye dekh kar maine us se puchha.
Mai bola “abe tune bidi me ye kya bhara hai.”
Rahul bola “bhai, ye bhole baba ki buti hai.”
Mai bola “abe, jyada paheliyan mat bujha aur sidhe sidhe bata ki, ye tune bidi me kya bhara hai.”
Rahul bola “ye gaanja hai.”
Rahul ki ye baat sunkar mai chauk gaya aur maine us par bhannate huye kaha.
Mai bola “saale, mujhse fukki marne ka bol kar yaha gaanja pi raha hai. Teri inhi harkaton ki vajah se tu badnaam hai.”
Magar tab tak rahul apni bidi jala chukka tha. Usne wahi baith kar, bidi ka ek lamba kash lagane ke bad mujhse kaha.
Rahul bola “abe ise pikar hawa me udne ka maja aata hai. Yadi tujhe yakin na ho to, tub hi ek kash laga kar dekh le.”
Mai bola “apni ye harkat tu apne tak hi rakh. Mujhe hawa me udne ka koi shauk nahi hai.”
Meri is baat par rahul ne mera majak udate huye kaha.
Rahul bola “Jisne Na Chakhi, Gaanje Ki Kali.
Us Launde Se Laundiya Hi Bhali.”
Uski ye baat sunkar, mai use aur bhi jyada bakne laga. Lekin wo hanste huye bidi ke kash par kash lagaye jar aha tha. Use apne me mast dekh kar, mai bhi yaha waha dekhne laga.
Tabhi ek aadmi us stall par meetha paan lene aaya. Use meetha paan lete dekh kar, mujhe yaad aaya ki, chhoti maa bhi kabhi kabhi meetha paan khati hai. Lekin aaj meri vajah se unka mood sahi nahi tha.
Aise me mere man me uska mood sahi karne ke liye meetha paan lekar jaane ka khayal aaya. Mai abhi is baare me soch hi raha tha ki, tabhi rahul ne mujhe tokte huye kaha.
Rahul bola “yaar, ye apne school ka patakha maal kaun hai. Pichhe se dekhne me ye kitni mast lag rahi hai.”
Rahul ki baat sunkar, maine bhi us ladki ki taraf dekha. Wo humari hi school ki koi ladki thi aur humari taraf uski peeth thi. Isliye rahul us ladki ka chehra nahi dekh paya tha.
Wo ladki bus stop par khadi bus ka intejar kar rahi thi aur uska chehra road ke dusri taraf tha. Rahul bidi ka kash khich raha tha aur mai us ladki ko pahchanne ki koshish kar raha tha.
Achanak hi us ladki ne road ki is taraf dekhne ke liye apna sar ghumaya aur mujhe uska chehra bhi dikhayi de gaya. Wo ladki koi aur nahi, balki shilpa thi. Shilpa ka chehra dekhte hi, maine rahul par bhadakte huye kaha.
Mai bola “kamine tu kya pagal ho gaya hai. Jo bina soche samjhe kuch bhi bake chale jata hai. Wo ladki koi aur nahi, shilpa hai.”
Meri baat sunkar, rahul fir se shilpa ki taraf dekhne laga. Lekin tab tak shilpa road ke dusri taraf dekhne lagi thi. Jis vajah se rahul ko uska chehra najar nahi aa saka. Lekin fir bhi rahul ne apni galti par pachhtate huye kaha.
Rahul bola “sorry yaar, maine sach me shilpa ko pahchana nahi tha. Lekin tu majak me bhi ye baat us habsi ko mat bata dena. Warna wo school me mera jeena haram kar dega.”
“Upar se yadi usne ye baat ise bata di to, ye bina der kiye ye baat apni mummy ko bata degi aur iski mummy mere ghar me aakar mere bap se mera bend bajwane ka pura intejam kar degi.”
Rahul ki ye baat sunkar, meri hansi chhut gayi aur mai palat kar chhoti maa ke liye meetha paan kharidne laga. Rahul ka mehul se is tarah se darna bevajah nahi tha. Wo mehul ki aadat ache se janta tha.
Mehul aaye din shilpa ki vajah se kisi na kisi ladke ko peet diya karta tha. Is vajah se sabhi ladke mehul se bahut jyada khauf khate the aur koi shilpa ke aas pas bhi nahi fatakta tha.
Wahi rahul bhi kuch kam nahi tha. Aaye din rahul ke kisi na kisi ladki ko chhedne ke kisse sunne ko milte rahte the. Yaha tak ki wo ladkiyon ke toilet me taank jhank karte huye bhi pakda ja chuka tha.
Duniya bhar ki saari kamini harkaten rahul ke andar bhari padi thi. Yahi vajah thi, ki mehul use jara bhi pasand nahi karta tha. Mehul mere dono doston me se sirf aslam se hi baat kiya karta tha.
Uski rahul se kabhi koi baat nahi hoti thi. Mehul rahul ko pasand nahi karta hai. Ye baat rahul se bhi chhupi nahi thi. Lekin rahul ke mera dost hone ki vajah se dono ke bich me kabhi koi takrar ki naubat nahi aayi thi.
Fir bhi rahul mehul se bahut darta tha. Wahi dusri taraf shilpa ka ghar rahul ke ghar se kuch hi doori par tha aur shilpa ki mummy ka bhi rahul ke ghar aana jana tha. Isliye rahul shilpa se bhi dar kar rahta tha.
Mai abhi rahul ki harkaton ke baare me sochte huye, paan lagwa hi raha tha ki, tabhi rahul ne mujhe tokte huye kaha.
Rahul bola “abe, tere liye ek achi khabar hai. Maine bhi mobile le liya hai.”
Rahul ki is baat par ke baar fir maine chaukte huye kaha.
Mai bola “kamine tune mobile le liya aur mujhe ek call tak nahi kiya. Dikha jara kaun sa mobile liya hai”
Rahul bola “mobile abhi mere pas nahi hai. Wo maine sirf dolly se baat karne ke liye kharida tha. Isliye use ghar par hi rakhta hu aur uska number bhi abhi tak kisi ko nahi diya hai.”
Mai bola “abe to kya tu mujhe bhi apna mobile number nahi dega.”
Rahul bola “bhai, tere liye to jaan hajir hai. Magar maang mat laiyo, kyoki aaj kal mai dolly ko apni jaan kahta hu.”
Ye kah kar wo hasne laga aur uske sath sath mai bhi hans diya. Abhi maine paan lekar apni jeb me rakha hi tha ki, rahul ne mujhe tokte huye kaha.
Rahul bola “age ye chirkut kaun hai. Lagta hai ki, shilpa ko pareshan kar rahe hai.”
Rahul ki baat sunkar, mai bhi shilpa ki taraf dekhne laga. Shilpa ke samne ek white color ki maruti van khadi thi aur uske pas hi do ladke khade hokar shilpa se kuch bol rahe the.
Unki baat sunkar, shilpa yaha waha dekhne lagi. Lekin uski najar abhi tak hum logon par nahi padi thi. Achanak hi shilpa bahut jyada gusse me un ladko ko kuch bakne lagi. Ye dekhte hi maine rahul se kaha.
Mai bola “aa chal jara dekhte hai ki, kya majra hai.”
Tab tak rahul ka bidi pina bhi ho chukka tha. Meri baat sunte hi wo uth kar khada ho gaya aur hum dono fauran hi shilpa ke pas pahuch gaye. Maine shilpa ke pas pahuchte hi, us se puchha.
Mai bola “kya hua.? Kya koi pareshani hai.”
Mujhe dekhte hi, shilpa ne saari baat batate huye kaha.
Shilpa boli “ye log bahut der se mujhe pareshan kar rahe hai aur bahut gandi gandi baten bol rahe hai.”
Wo dono ladke humse umar me bahut bade the. Lekin shilpa ki ye baat sunte hi, mujhe gussa aa gaya aur maine un par bhadakte huye kaha.
Mai bola “kyo be, kya tumhare ghar me maa bahan nahi hai. Jo dusron ki bahan betiyon ke sath chhed chhad karte ho.”
Meri ye baat sunte hi, unme se ek ladke ne mujhe gaali bakte huye kaha.
Pahla ladka “chal be madar ch*d, nikal yaha se humare fate me taang mat ada.”
Uske muh se gaali sunte hi, mera sabar ka bandh toot gaya aur maine uske jabde par ek jordar ghusa jama diya. Ye dekh kar, dusra ladka meri taraf bada. Lekin tab tak rahul bhi josh me aa chuka tha.
Us dusre ladke ke mere pas aate hi rahul ne uski gardan me hath daal kar use jamin par patak diya. Tab tak pahla ladka mere pas aaya. Maine uska bhi wahi haal kiya jo rahul ne dusre ladke ka kiya tha.
Dono ladke jamin par pade the aur hum un par laat juton ki barsat kar rahe the. Tabhi maruti van ka darwaja khula aur usme se teen ladke aur nikal aaye. Wo aate hi mere aur rahul ke upar jhapat pade.
Un teeno ne mujhe aur rahaul ko pakad liya. Tab tak wo dono ladke bhi uth kar khade ho gaye. Un dono ladko ne hum dono ke pet aur chehre par ghuson ki barsat kar di. Hume pitte dekh kar, shilpa kisi ko call lagane lagi.
Humne unki pakad se chhutne ki bahut koshish kar rahe the. Lekin wo 5 log the aur hum par bhari pad rahe the. Un ne hume jamin par patak diya aur bahut buri tarah se hum dono ko pitayi karne lage.
Abhi humari pitayi chal hi rahi thi ki, tabhi humare pas ek police ki jeep aakar ruki. Police ki jeep ko rukte dekh kar, rahul ne chikhte huye kaha.
Rahul bola “sir hum logon ko inse bachaiye.”
Tabhi us jeep me se pritam daudta hua humare pas aaya aur hume un ladko se chhudne laga. Pritam ko dekh kar, un ladko ne hume peetna band kar diya tha. Lekin wo abhi bhi gusse me hume dekh rahe the.
Pritam ne mujhe dekhte hi pahchan liya aur fir mujhse is jhagre ki vajah puchhne laga. Mai pritam ko jhagre ki vajah batane laga. Pritam se baat karte karte achanak meri najar uski jeep ki jeep ki taraf chali gayi.
Pritam ki jeep me vaani didi baithi huyi thi aur humari taraf hi dekh rahi thi. Vaani didi ko apne samne dekh kar, ek pal ke liye to meri jaan hi sookh gayi. Lekin agle hi pal mera hausla bhi dugna ho gaya.
Kyoki bhale hi vaani didi kisi se humara ladna jhagadna pasand nahi karti thi. Lekin ek sach ye bhi tha ki, unke rahte koi mujhe ek kharoch tak nahi pahucha sakta tha. Fir aaj to un ne khud in ladko ko mujhe peette huye dekha tha.
Aise me vaani didi ke gusse se in ladko ke bach pane ki koi ummid nahi thi. Bas isi baat ne mere andar se bhi vaani didi ka dar nikal kar mere hausle ko dugna kar diya tha.
______________________________
update 
