AB TAK AAPNE PADHA KI VIKRAM & PARTY SWITZERLAND KE LIYE NIKAL JAATE HAIN WAHIN DUSRI TARAF BEELZEBUB BHUVIKA KO LEKAR YELUPTUS PAHUNCHTA HAI AUR USSE WAHAN KA RAAZ BATATA HAI...
AB AAGE:-
CHAPTER-2
( CURSE OF THE SWEET POISON )
UPDATE- 84
PLANET- YELUPTUS
PLACE- STORMY DESERT
ye baar baar ho kya raha hai????jab bhi mai dhyan kendrit karne ki koshish kar rahi hun,mere dimag ko jhatka sa lag raha hai.....
BEELZEBUB- Ye toh bas shuruat hai...abhi toh tumhe kathinayion ke pahad ko paar karna baaki hai....
BEELZEBUB ne BHUVIKA ko jitna usse pata tha,utna batane ke baad wo usse jis maksad se yahan laaya tha,usse shuru karne ke liye kaha...
BHUVIKA wahin reth ke beech paalthi maarkar baith gayi aur apni aankhen band kar apne andar jhakne ki koshish karne lag gayi....
Par is kaam ki shuruat hi bohot mushkil thi aur iski wajah thi reth me lagatar uthata bawandar jo BHUVIKA aur BEELZEBUB ke sharir ko lagatar chu raha tha...
Kyunki BEELZEBUB aur ab BHUVIKA bhi DEVILS the,isiliye is bawandar se unhe koi nuksaan toh nahi pahunch raha tha par concentration bigadne ke liye kaafi tha....
Par BHUVIKA ne haar nahi maani aur apne sharir ke bhaar ko reth me dabate hue concentrate karne ki koshish karne lagi... aur kuch hi der me wo concentrate karne me kaamiyab ho hi gayi thi....
Usse apne andar kaali aur safed roshni ki urja dikhne hi lagi thi ki achanak.......
BHUVIKA ke mastishk ko ek jhatka sa laga aur wo dhyan se baahar aa gayi....
Par BHUVIKA ne haar nahi maani aur dobara apni aankhen band kar concentrate karne ki koshish karne lagi....
Par fir wahi hua..white aur black urja ke dikhte hi BHUVIKA ke dimag ko ek baar firse jhatka laga aur wo wapas dhyan se baahar aa gayi....
Fir yahi ghatna kram BHUVIKA ke saath lagatar hua jisse chidkar usne apni baat BEELZEBUB ke saamne rakhi jiska jawab BEELZEBUB ne diya....
BHUVIKA- kathinayion ka pahad matlab!!!!
BEELZEBUB- jis jagah pahunchakar tumhare mastishk ko jhatka lag raha hai,wo tumhari shaktiyon ke saamraajya ki sarhad hai...
Aur wahan par tumhare andar moujud white aur black urja ke kan moujud hain jo tumhe aage badhne se rok rahe hain..
BHUVIKA- par wo shaktiyan toh meri hi hain naa,fir mujhe kyun rok rahe hain...
BEELZEBUB- abhi tak tumhari shaktiyan tumhare aadhin nahi huin hain...
Unhe apna gulam banane ke liye tumhe unhe azaad karna hoga..
Aur wo tabhi hoga jab tum unhe dekhogi....unka sparsh karogi..
aapni saari shaktiyon ko sparsh karte hi tumhari saari shaktiyan tumhe apna lengi....
Aur jis jhatke se tum itni viclit ho rahi ho,wo toh tumahre pareshaniyan ki bas shuruat hai...
Us sarhad ko paar karte hi tumhari asli pareshani shuru hogi....
BHUVIKA BEELZEBUB ki baat sunkar shocked ho gayi....
BHUVIKA- asli pareshani matlab????
BEELZEBUB- itni jaldi bhul gayi...is grah ke neev me pade SAMAY SANCHALAKON ke sharir me moujud WHITE ENERGY.....
Jo tumhare raaste ki sabse badi chunouti hain....aur jaise hi tumne us chunouti ko paar kiya,tumhe tumhari shaktiyan mil jaayengi....
BHUVIKA- par mujhe meri hi shaktiyan paane ke liye itna sangharsh karne ki aawashayakta hi kyun hai????
BEELZEBUB- aasani se mili cheez ki kadar nahi hoti BHUVIKA...jitna kathin sangharsh,utna hi mitha fal milta hai...
Par mai samajh sakta hun ki tum sangharsh ke bina hi sab kuch kyun paana chahti ho...
Aaj tak tumhe tumhari behen ki wajah se sab kuch aasani se jo mila hai..tumhe kabhi mehnat karne ki zaroorat hi nahi padi....
Par ye mat bhoolo ki ab tumhari didi mar chuki hai..ab tumhe sab kuch apne dum par hi haasil karna hoga....
BEELZEBUB ke mooh se apni behen ke marne ki baat sunkar BHUVIKA ko krodh aa gaya aur wo BEELZEBUB ko maarne ke liye apne dhyaan aasan se uth gayi aur agle hi pal....
DHAAMMMMMM.....
wo punah wapas apni jagah par baith gayi ya ye kahun baitha di gayi...
Hua ye ki jaise hi BHUVIKA uthi,BEELZEBUB ne apna haath aage kiya..uske haathon se ek pressure air ray nikli aur BHUVIKA ko lagi jisse BHUVIKA wapas apni jagah par baith gayi......
BEELZEBUB- apna ghussa,apni urja apne pratishodh ke liye bacha kar rakho BHUVIKA.......aur waise bhi ye mat bhoolo ki ab hamari aatmaye jud chuki hain..
Agar mujhe koi nuksaan hua toh taklif tumhe bhi hogi....
BHUVIKA kuch der tak BEELZEBUB ko ghurti rahi par fir usne apni aakhen band karli....
BEELZEBUB- apne man se saare bhaav bahar nikal do BHUVIKA... naa prem,naa moh,naa krodh,naa jigyasa..bas Us kiran par apne chit ko akagrait karo jo tumhare mastishk ke beech ujwalit hogi...
Aur us kiran ki dor ko pakad aage badhti jaao.....tumhe tumhari manzil mil jaayegi....
BEELZEBUB ne ye sab bol toh diya tha par wo janta tha ki ye sab bolna jitna aasan hai,karna utna hi mushkil....
Waise toh usne BHUVIKA ki dhridta ka namuna dekh liya tha par wo ye bhi jaanta tha ki apni behen ko khone ki wajah se BHUVIKA ka man bohot vichlit hai aur vichlit man se wo kabhi bhi apni shaktiyon tak pahunch nahi paayegi....
Par ummid aur intazar karne ke siwa wo kuch kar bhi toh nahi sakta tha....
Wahin BHUVIKA dhyan awashta me wapas wahin pahunch chuki thi jahan usse jhatka lagta tha....
Aur jaise hi BHUVIKA white aur black urja se bane sarhad par pahunchi,white aur black urja ne usse chu liya jisse usse wapas ek jhatka laga aur wo dhyan se baahar aa gayi....
Aur jab usme saamne dekha toh paaya ki BEELZEBUB usse dekhkar muskura raha hai...
BHUVIKA- yahan mai baar baar asafal ho rahi hun aur tum has rahe ho...
BEELZEBUB- tumhari asafalta pe nahi, mai tumhare dar pe has raha hun...
Is baar jab tum apni shakti ki sarhad par pahunchi,toh tum jhatka lagne se dar rahi thi.....
Isiliye hasi aa gayi.....
BHUVIKA- toh isme hasne waali kaun si baat hai???
BEELZEBUB- jis shakti ko paane ke liye tum dhyan me baithi ho,ussi ke sparsh se dar rahi ho,aise me hasi toh aayegi....
Ek baat batao,kabhi tumne khaana banaya hai?????ya fir kisi ko khaana banate waqt dekha hai...!!!!!
BHUVIKA- banaya toh nahi hai par haan,dekha hai...
BEELZEBUB- khaana jab banta hai,toh kya tum turant khaa leti ho???
BHUVIKA- nahi.....
BEELZEBUB- kyun????
BHUVIKA- kyunki wo bohot garm hota hai..jab uski garmahat thodi kam hoti hai,tabhi usse khaaya jaa sakta hai...
BEELZEBUB-HMM.ab ek baat batao,jab tum apni shakti ki sarhad par pahunchti ho,tab hota kya hai....????
BHUVIKA- mai jaise hi aage badhne ki koshish karti hun,shaktiyon ke sparsh se mujhe jhatka lagta hai aur mai dhyan se baahar aa jaati hun...
BEELZEBUB- tum mere sawaal ko samjhi nahi...mai yeh puch raha hun ki jab tum wahan pahunchti ho toh tumhe kya dikhta hai???
BHUVIKA- mere wahan pahunchte hi WHITE aur BLACK urja do alag alag taraf se ek dusre ki taraf badhne lagte hain aur........
BEELZEBUB- aur jaise hi wo milte hain thik ussi waqt tum unhe paar karne ki koshish karti ho....
BEELZEBUB ne BHUVIKA ki baaki ki baat puri kar di....
BHUVIKA- haan toh..........
Par aage BHUVIKA kuch keh nahi paayi kyunki usse BEELZEBUB ke tark ka matlab samajh me aa gaya tha???
Aur wo ye ki jis tarah khaane ko pakte saath nahi khaaya jaata kyunki wo bohot garam hota hain thik waise hi jis waqt WHITE aur BLACK urja jab aapas me takraate hain us waqt unki energy multiply ho jaati hai jisse normal hone ke liye kuch waqt chahiye par aisa hone se pehle hi BHUVIKA unhe cross karne ki koshish karti hai jis wajah se usse jhatke lagte hain.....
BEELZEBUB- chalo,tumhe samajh toh aaya.....
BHUVIKA ne kuch nahi kaha bas firse apni aakhen band kar lin.....
Aur dheere dheere uska dhyaan bindu us jagah pahunchne laga jahan usse jhatka.lagta tha...
Par is baar jaise hi BHUVIKA apni shaktiyon ki sarhad par pahunvhi,wo rook gayi..
Uske saamne dono taraf se uski dono shaktiyan ek dusre ki taraf badhne lagin aur kuch hi palon me dono ek dusre me sama chuki thi....
Dono urja ke ek dusre se milte hi urja ka colour halka sweth halka kaala ho gaya....
Aur wo urja se bhari ray apni jagah me uchalne lagi maano ubal rahi ho....
Ye sab BHUVIKA ka chit dekh raha tha.....aur apni dono urja ko uchalte dekh wo ye bhi samajh gayi ki wo isiliye hi aage nahi jaa paa rahi thi kyunki uski urja us waqt kaafi asantulit thi jo khud ko theek karne ki koshish kar rahi thi...
Aur kuch hi der me wo asantulit urja ka uchalna dheere dheere kam hone laga aur fir wo urja sthir ho gayi...
Apni urja ko sthir hota dekh BHUVIKA ka chit aage badha aur agle hi pal dhyan awashta me hone ke baawajud BHUVIKA ke chehre par halki si ek muskaan naach gayi...
Jisse saamne khade BEELZEBUB ne dekh liya.....
BEELZEBUB man me- chalo,ek baadha toh khatm hui...
BEELZEBUB ne raahat ki saans chodi hi thi ki achanak uske dimag me ek dusra khayal doud gaya aur us khayal ke doudte hi BEELZEBUB ke chehre par chinta ke bhaav utpann ho gaye.....
Abhi wo kuch aur sochta ki itne me................
AISA KUCH NAHI HOGA................
BEELZEBUB ke kaano me ye awaaz gunj gayi jisse BEELZEBUB turant pehchaan gaya......
BEELZEBUB- kintu father, is bramhaand me WHITE ENERGY ka har shroth VIKRAM ke aadhin hain...
BHUVIKA ke WHITE ENERGY ko paate hi UNHE sab pata chal jaayega aur iska anjam acha nahi hoga....
Apni baaton me jaise hi BEELZEBUB ke mooh se VIKRAM ke liye USSE nahi UNHE nikla,apne mahal me baithe ASMODEUS ke chehre par ek halki si smile aa gayi...
BEELZEBUB ko yaad tha jo uske father ne usse uske BHAI ko kis tarah se sambhodit karne ko kaha tha....
ASMODEUS- maine kaha naa AISA KUCH NAHI HOGA......
BEELZEBUB ko apne FATHER ki baat ka matlab toh samajh nahi aaya par wo jaanta tha ki agar ASMODEUS ne kuch kaha hai toh wo hoga zaroor......
isliye wo nischint ho gaya aur wapas BHUVIKA ke chit se jud gaya......
ASMODEUS- VIKRAM.......WHITE ENERGY KA EK LOUTA WAARIS.........
PAR KAB TAK...........
PLANET- EARTH
PLACE- SWITZERLAND
SWITZERLAND..... EARTH ka sabse khubsoorat country....aur couples ke liye toh shayad isse perfect jagah koi hai hi nahi...
SILSILA se lekar DDLJ tak har movie ne is jagah ki khoobsurti ko kaid karne ki koshish ki par koi bhi aisa karne me puri tarah se kaamiyab nahi ho paaya..
Safed chadar ki barf se khud ko odhe hue pahad...unhi pahadon ke kinaron ko chumte hue jheel.....
Prakrutik soundaryata ke saath saath vaigyank uplabdhiyon se susajjit anek khel krida jisne yahan aaye paryatakon ke dilon ko khudme baandh sa liya hai......
Khair,agar Switzerland ki khubsoorati ke baare me likhne baithun toh shayad kamsekam 20 updates toh nikal hi jayenge toh isiliye yahan ki manmohakta se khudko kuch der tak alag karte hue chaliye, kahani me wapas chalte hain...
Mmmmmmmmahhhh..........
What fresh air man.......
SWITZERLAND ke financial capital ZURIC ke airport se baahar nikalte hue yahan ke halke thande vatawaran ko mehsoos karte hue yahan ke fresh air ko apni saanson se khinchte hue sabhi ne is baat ko apne man me kaha.....
hum sab SWITZERLAND ke time ke hisab se subah 8 baje yahan land hue the..security measures ko cross karte karte 1 ghanta aur lag gaya....
plane me safar ke dauran AASHI aur KOMAL ne khub masti ki thi isiliye filhal dono soye hue the....
AASHI ko maine godh me uthaya hua tha aur KOMAL ko AVANTIKA ne....
AASHI ko hasta khelta dekh mujhe bohot khushi hui thi...
par masti sirf un dono ne hi nahi hum sab ne ki thi......
thodi bohot jhijhak jo RIYANSH aur DEVANSH ke man me bachi thi,wo bhi ab khatm ho chuki thi....
aur ye sab hua meri mom ki wajah se..mom ne unhe apne sage bacche ki tarah treat kiya...
ab wo dono bhi khudko hamari family ka hi hissa samjhne lage the....
khair,hum sab saari security measures cross karke bahar aa gaye aur baahar aate hi yahan ke mousam ki thandi hawaon ne hamara swagat kiya...
NANAJI- kitna sundar nazara hai yahan ka???kya yahan hamesha hi thand rehti hai....???
DAD- ji papa.par filhal kam hai....baakji ke seasons me zyada thand rehti hai...
RIYANSH- yaar V.J apne hotel ka naam kya tha????
RIYANSH ne apne right side me dekhne ke baad mujhse pucha....
MAI- FLOR VOLTE.....
RIYANSH- wo dekho,wahan ek banda banner pakde khada hai jispe FLOR VOLTE likha hua hai......
hum sab ne RIYANSH ki batayi jagah par dekha jahan 1 banda hamare hotel ka banner upar uthaye khada the....
RONIT- lagta hai ye hamare hotel ka guide hai....
hum sab uski taraf chal pade..wo bhi hume apni taraf aata dekhkar samajh gaya ki hum hi uske guests hain....
GUIDE-bonjour, je suis votre......
GUIDE ne halka sa jhuk kar apne native laguage french me hame gesture diya aur jaise hi usne apni baat ko english me translate karne ke liyte mooh khola.....
MAI-salut c'est sympa de te rencontrer...
hello,nice to meet u......
maine uske translate karne se pehle hi usse uski hi language me gesture diya jisse sunkar pehle toh shocked hua par fir khush ho gaya...
wahin mere dost aur mom dad ko chhod kar baaki sab mere yun french bolne par shocked ho gaye.....
GUIDE- oh,tu sais le francias.....
oh,aap french jaante hain...
MAI- un peu
quite a bit....
alors combien de temps pour arriver al hotel.....
waise,hotel pahunchne me kitna waqt lagega....
GUIDE- cest soixante-quinze minutes en voiture....
it's a seventy five minutes drive...
MAI-que nous attendons,allons
fir hume kiska intazar hai,chalen!!!.....
guide ne ek taraf ishara kiya aur chalne laga...
hum sab bhi uske piche piche chal diye....
thodi door par hi hotel ki luxury bus khadi thi..hum sab ek ek kar bus me chadh gaye..
kyunki maine aur AVANTIKA ne bacchon ko pakda hua tha isiliye hum dono last seat par jo ki zyada choudi thi,wahan jaakar baith gaye..
bachon ko humne sidhe leta diya aur unke sir humne apni godh par rakh liye the....
hamare baiththe hi bus chal padi.....
kuch der tak hamara guide hum sab ko batata raha ki aage ka programme kya kya hai...saari cheezen sunne ke baad hum sab bahar ka nazare dekhne me kho gaye..
tabhi........
SHANAYA- hello everybody.....
awaaz sunkar hum sab ne saamne dekha jahan SHANAYA madam haath me guide ki mic pakad kar khadi thi....
RIYANSH- ab tujhe kya ho gaya...speech deni hai kya???
SHANAYA- haha,very funny...jaisa ki aap sab jaante hain ki hume hotel pahunchne me 1 ghante se zyada waqt lagega..toh kyun naa,kuch game khela jaaye....
RONIT- tujhme SHAIFALI ki aatma ghus gayi hai kya???
SHANAYA- tune aur RIYANSH bhaiya ne ek hi goli khaa li hai kya,bakwas P.JS maarne ki....
arre yaar ek ghanta kya sirf nazare dekhkar bitana hai...nazaren toh hum dekhenge hi,par filhal kuch game ho jaaye toh kaisa rahega..
DAD- bhai,mai toh khelunga...aur waise bhi ANJU bata rahi thi ki tum sabne SECRILLA tour par khub games khele the...
toh waisa hi aaj ek game hum bhi khel lenge....
NANAJI- bilkul..maza aayega...
NAANIJI- aap bhi naa.bachon ke saath, bacche ban jaate hain...
NAANAJI- lo bhai.khelne ki bhi bhala koi umr hoti hai kya!!hum toh zaroor khelenge..
MAMAJI-- ab papa ne keh diya hai toh fir khelna hi padega...
MOM- par pehle batao toh ki aakhir game hai kya???
SHANAYA- usse bhi pehle ek baat clear kar deti hun....games me ya kisi bhi cheez me is V.J ko harana bohot mushkil hai...toh isiliye game ko aur tough karne ke liye ye ek taraf rahega aur baaki sab ek taraf....
MAI- arre kam se kam koi ek partner toh mujhe de do....
MOM- mai ban jaati hun teri partner..
DAD- oye,kahan ki partner..aap har game me hamari hi partner rahengi..
DAD ki baat sunkar sab has diye....
DAD- ek kaam kar..AVNI aur tu ek team ho jao.waise bhi dono saath hi baithe ho....
SHANAYA- arre uncle,ye kya kar rahe hain???wo bhi kam hoshiyar nahi hain????
DAD- toh kya hua??hum bhi toh itne log hain....
NANAJI- toh fir tay raha...VICKY aur AVNI ek team me aur hum sab dusri team me...
SHANAYA- theek hai..par fir bhi mujhe maalum hai ki ye dono bhi sab par bhaari pedenge..isiliye inke hisse me dusri team se zyada hard task rahega...
DEVANSH- arre pehle ye toh bata ki game kya hai??
SHANAYA- game asal me ek quiz hai..jisme mai aap sab ki team se ek sawal puchungi aur V.J aur AVNI ki team se ek..ye silsila hotel pahunchne tak chalega.hotel pahunchne tak jis team ne zyada sawaalon ke sahi jawab diye wo jeet gaya...
SAB-theek hai...
SHANAYA- toh mera pehla sawal aapki team se naanu....
kuch mahino me 31 days hote hain aur kuch mahino me 30 days..toh ye bataiye ki aise kitne mahine hote hain jimnme 28 days hote hain...
sabhi sochne lage...
DAD- hang on..ye ek trick question hai.28 days har mahine me hote hain.....matlab saal bhar....
SHANAYA- absolutely right uncle......
ab V.J,AVNI,tumhara question??
Agar aap kisi zille ke district magistrate hain aur aapko ye info milti hai ki do trains aapas me takra gaye hain toh aap sabse pehle kya karenge aur aapka reaction kya hoga???
maine ek baar AVNI ki taraf dekha,usne kuch kaha nahi bas has diya...
haaye re is ladki ki muskurahat......game ka toh pata nahi par saali ye zindagi kahin mai haar naa jaayun .
MAI- sab se pehle ye pata lagaunga ki wo carrier train thi ( maal gaadi ) ya fir passenger train..uske baad hi action lunga...
SHANAYA- wow yaar,absolutely right.....
ok now second question naau ki team ke liye....
agar mai har aadhe ghante me apple khai hun toh 1-30 ghante bme kitne apple khaungi...
sab phir sochne lage...
MOM- 2..agar har aadhe ghante me khaana hai toh aadhe ghante ka gap bhi toh hua naa....
SHANAYA- kya baat hai aunty......bilkul sahin..
ab V.J aur AVNI tumhara sawal aur ye bhi apple par hi based hai.....
aadhe apple ki tarah kya dikhta hai...???
is baar AVNI ne meri taraf dekha,aur ussi ki tarah mai bhi has diya.....
meri hasi dekh uske honton par bhi muskaan naach gayi aur usne kaha..
baaki ka aadha apple....
SHANAYA- bang on AVNI.......
dekha uncle,maine kaha tha naa ki ye bhi bohot intelligent hai.....
iske baad SHANAYA ne humse lagatar kayi sawal kiye par luckily naa humse koi jawab miss hua aur naa naanu ki team se....
GUIDE- 5 MINUTES to hotel......
SHANAYA- ok now....ab hamare paas zyada waqt nahi bacha isiliye 1 final question..dono team me se jisne bhi pehle jawab diya,wo team jeet jayegi...
so the question that actually is a riddle goes like this.....
hai lekin DIKHTA nahi,
khareeden kaise jab
ye BIKTA nahi...
waise toh ye har KAHIN hai....
par iski koi fixed jagah NAHI hai...
jo haasil karna chahega
wo KHO dega....
jo sirf mehoos karna chaahega,
usse ye BHIGO dega....
dimag lagaoge,nahi pata
laga PAAOGE....
khud ke andar jhaanko,jawab
samajh JAAOGE....
TOH BATAIYE KYA HAI YE...?????
naanu & team soch me padh gayi aur ek dusre se ishare me jawab puchne lagi par har koi clueless tha....
wahin jab maine AVANTIKA ki taraf dekha toh usse aankh band kiye sochte paaya ya ye kahun kuch mehsoos karte paaya....
jo wo mehsoos kar rahi thi,wo toh maine najaane kabse mehsoos kar liya tha....
aur jaisa ki SHANAYA ne kaha tha,mehsoos karoge toh bhig jaaoge,AVANTIKA ke saath waisa hi hua...
uske andar SHANAYA ke jawab ki baarish hone lagi...
SHANAYA- lagta hai naanu & team are clueless..V.J,AVNI tumhe answer pata hai....???!!!!
AVANTIKA ki aankhen khul gayi...
usne ek baar meri taraf dekha toh mujhe apni taraf hi dekhta paaya...
hum dono ki aankhen mili,dil machle,aur dono ke lab ek saath hile jinse SHANAYA ke sawal ka jawab nikla....
HUM DONO- MOHOBBAT...........
HUM JEET GAYE.......
AAJ KE LIYE ITNA HI......
AAPKA APNA V..J.....
