Update 57
Purvi ke office ke bahar hi hame Akki aur Kajal mil gaye ..
Baki log Dr. sahab ke sath surakchit jagah par the , kewal main aur Neha wanha aaye hue the, Neha sirf isliye aayi thi kyoki mamla Akki se juda hua tha aur wo usse milna chahti thi ..
“to ander chale “Kajal ne kaha tha
Ham ander gaye Purvi ne pahle to Kajal ko dekhkar naak sikoda lekin fir mujhse bat karne lagi
“to isne tumhe jankari di ki hame us katil ko pakd liya hai “
“ji ha , aise aap ne to kaha tha ki wo bahut hi shatir hai internet se call karta hai aur location har second me baadta hai fir use kaise pakd liya , aur ye jankari aapko hame deni thi jo Kajal ji ne hame di “
Meri bat sukar Purvi ne ek bar Kajal ki or dekha jo ki bas muskurate hue use dekh rai thi
“dekho Ankit pahli bat to is case se tum logo ka koi wasta nahi hona chahiye , tum kyo falatu ke jhmelo me fans rahe ho , tum log students ho apni life ko enjoy karo, aise khatre uthana tum logo ke thik nahi hoga…
vikash ne use trace kar liya , hamne to bahut hi puchhtaj ki lekin usne abhi tak murder ko lekar kuchh bhi nahi bola hai ..
kai tarah se torcher diye lekin nahi tuta , bahut hi sakt aur shatir hai sala ”
Purvi ke chahre me ek gussa aaya , tabhi Kajal bol uthi
“pahli bat to murderer wo nahi hai, sare murder ek aourat ne kiye hai , to tum use kitana bhi maro wo muh nahi kholega kyoki shayd use koi bat pata hi na ho ……. Tum apni policeagiri se baaj nahi aaogi ,bas logo ke hath pair tod do , pahle jaan to lo ki wo hai koun , aur pahle to tumhe ye puchhna tha ki usne Ankit aur Akki ko call kyo kiya tha, aur wo ladki koun hai jisse usne inhe bar bar dur rahne ke liye kaha tha …..
Mujhe pata hai ki tumne use ye sab to puchha bhi nahi hoga bas use murderer maan kar usko todana shuru kar diya hoga “
Kajal ki bat se Purvi jaise jal bhun hi gayi
“tum mujhe mat sikhao ki mujhe kaise kaam karna hai , main on duty police officer hu wo bhi crim branch ki aur tum police department ke kartawyo ko chhodkar bhagane wali ek bhagodi aourat …”
Purvi gusse se lal ho gayi thi
“mind your language Purvi … wo tum aur Vedant the jinke karn mujhe ye force chhodna pada , are Vikash ne tumse rishta tod kar mujhse jod liya to iska matlab ye nahi hua ki main galt hu ..
Aur yad rakhna ki aaj bhi mere naam par karname hai jo maine force me rahte hue kiye hai , aaj bhi pure police force me ab tak ke sabse tej investigator mera naam sumar hota hai..”
“ooh badi aayi , sab janti hu main apne miya miththu na bano ..
Mere boyfriend ko apne husn ke jaal me fansa kar mujhse dur kar diya tha tumne warna Vikash to bechara dusari ladkiyo ki taraf dekhta bhi nahi tha “
Purvi ke chahre me janha dukh aa gaya wahi Kajal ke chahre me ek kamini si muskan khil gayi
“yani ki tum maan rahi ho ki main tumse jyda khubsurat hu “
Kajal ki bat sunkar Purvi ka gussa satve asaman par chad gaya , dekho bhai ladkiyo ki sunderta aur ladko ki mardangi par sawal utahna matlab sidhe sidhe unke sabse bade aham ko chot maarna hota hai .. Purvi boukhla kar futane hi wali thi ki Vikash wanha aa gaya aur dekhte hi sara majra samjh gaya ..
“are yaar tum dono .. ye office hai ladna hai to ghar me ek get together rakhwa dunga din bhar apne dil ki bhadas nikalte rahna .. abhi chalo jis kaam se aaye ho wo to pura kar lo ..”
Vikash ke aane se Purvi thodi shant hui aur Kajal ki tarf se muh mod liya ..
Ham sabhi wahi khade bas us drame ko dekh rahe the..
Ab Purvi aage aage ja rahi thi aur ham sabhi uske pichhe the..
Ham ek kamre me pahuche janha bada sa kanch laga hua tha , samne ek shakhs ko buri tarh se mara gaya tha , wo abhi bhi dar ke mare ek kone me sikhude hue baitha tha , yahi wo shakhs tha jisne mujhe aur Akki ko dhamki bhare phone calls kiye the, abhi wo bas mahaj chaddi pahne baitha hua tha ..
“sale ko nanga karke mara lekin kuchh nahi bol raha hai “
Purvi garj kar boli … wahi Akki kuchh sochkar joro se hans pada aur Neha ki ankhe badi ho gayi aur maine apna matha pit liya ..
Hamara reaction dekhkar sabhi chakit ho gaye the , mujhe samjh aa gaya tha ki wo akhir kis ladki ki bat kar raha tha aur hame kyo call kar raha tha ..
“achcha hua is sale ko to aise hi pitana chahiye tha..” Akki chahak kar bol raha tha ..
Wahi Neha ka muh jo abhi bhi khula hua tha wo bol uthi
“Pawan sir .. inhone tum logo ko call kiya aur dhamki di lekin kyo “Neha ne ashchary se kaha
Maine ek gahri sans chhodi mujhe majara clear ho chuka tha
“Sneha madam ke karn , ise laga hoga ki ham unhe line marte hai.. isliye pahle mujhe call kiya aur fir mere jane ke bad jab Akki aur sus bas tuition jane lage to iska shak Akki par aaya hoga aur fir Akki ko call kiya ..
dhamkane ke liye socha hoga ki bachhe hai aur shahar me katl ke karn Shiva ke naam ka dar hai to wahi naam lekar dara diya jaaye , bachche dar jayenge aur madam ka pichha chhod denge ..
ab is bechare ko kya pata tha ki ham sidhe secret service ke sabse kabil logo ke pas chale jayege .. samay police ise trace nahi kar pati is bat ka to ise bhi confidence raha hoga ..”
meri bat sunkar janha Kajal joro se hans padi wahi Purvi ka chahra dekhane ke layak ho gaya tha ..
Kajal ki hansi use aur bhi jyda chubh rahi thi , wo teji se kamre se bahar chali gayi ……..
Tabhi Kajal Vikash ko dekhkar bolne lagi
“iska aur Vedant ka to dimag ghutane me hai jise dekho todane me lag jati hai lekin tumhe to samjhna chahiye tha ki jo prashn pahle karna chahiye wo karo , aur itana bhi pata nahi laga paye tum ki ye usi college ka professor hai jisme Akki aur Ankit padhte hai “
Kajal thodi serious thi
“mujhe pata tha yaar iske bare me sabhi bate pata laga li thi lekin Purvi ko to janti hai na , use to bas is case ko solve kar tumse aage nikalne ki hod rahti hai , meri bato ko ignore karke sidha ise todana shuru kar diya “
Vikash ki bat se sabse jdya khus to Akki hi ho raha tha , uske chahre me ajib si muskan khil gayi thi
“abe tu itna kyo khus ho raha hai “
Maine usse puchh hi liya
“bhai ager ye log ise nahi todate to main is sale ko marne hi wala tha , ye madam ko jaberdasti pareshan karta rahta hai , jabki meri madam ise bilkul bhi bhaaw nahi deti lekin fir bhi kabhi restaurant chalo to kabhi cinema chalo ..”
Uski bat sunkar main aur Neha hans pade
“teri madam hummm” Neha ne use chheda to Akki ke chahre par ek sharm si aa gayi ..
“sir ek bar ham sir se mil sakte hai , bas apna chahra unhe dikhana hai “
Meri bat par Vikash ne haa me sar hila diya aur hame us kamre me le gaye jisme sir ko rakha gaya tha , unki ye halt dekhkar mujhe to unpar thodi daya aa rahi thi , bechare ko buri tarh se toda gaya tha , nade wali chaddi pahne hue ek kone me dubka hua tha ..
Kamre ka darwaja khule hi wo aur bhi ghabra kar dubak gaya ..
Lekin hame dekhte hi aise roya jaise koi bichhde hue bhai ko dekhkar ro pade , rote hue wo mere pairo ko pakda liya ..
“Ankit .. inhe samjhao na ki maine kuchh nahi kiya hai , maine koi murder nahi kiya hai , maine to bas tum dono ko darane ke liye call kiya tha aur ye sab bol diya .. mujhe bacha log Ankit ye log mujhe kal se maare ja rahe hai , bahut mara mujhe bahut ..”
Uski is halt ko dekhkar mujhe bahut bekar laga lekin sale Akki ke chahre ki muskan to kam hone ka naam hi nahi le rahi thi ..
Maine unke kandhe ko pakdkar unhe utha liya ..
“thik hai sar koi bat nahi sab thik hai , ab ye aapko nahi marenge aur jane bhi denge “
Maine unhe santwana diya
“nahi Ankit fake call karke dhamkane ke karn IT act ke tahat ispar karwahi hogi koi 6th month ki jail aur jurmana dono hi ho sakta hai .. noukri to jaayegi hi “Vikash ne hame samjhaya
Maine ek bar Pawan ka chahra dekha , ek achcha khasa insan apne chutiyape me aisi harkat kar jata hai ki uska pura jivan hi barbad ho jaaye , college ka professor tha career bright tha , insan bhi koi bura nahi tha lekin ……
Lekin pata nahi ye khurapaat uske dimag me kaha se aa gayi ki ye harkat kar dali aur galt logo ke sath kar dali , shayad koi dusara hota to use koi fark bhi nahi padta lekin pahli galti khud ko Shiva batakar hi kar di aur fir hamko call karke jo ki secrete service walo ke sampark me the ..
“sir hamne abhi tak koi bhi complaint nahi likhwai hai , inhe chhod dijiye inka pura career hi khatm ho jayega “
Maine Vikash se request ki , usne ek gahri sans li aur haami me sir hila diya ..
“thanks Ankit thanks “ Pawan sir ko to mano Jannat mil gayi , lekin meri bat sunkar Akki khus nahi dikh raha tha ..
“wo sab thik hai lekin aap aaj ke bad Sneha madam se dur rahoge “ Akki ne kadai ke sath use kaha , Pawan sir ke pas aur koi chara bhi to nahi tha ..
Lekin Akki ki baat sunkar mere aur Neha ke hotho me muskan aa gayi , ham ek dusare ko dekhte hue muskurane lage ..
Lekin tabhi hame yad aaya ki hamare rishte abhi kaise hai , Neha ke chahre par aayi hui muskan gayab ho gayi aur uski jagah ek gusse mishrit udasi ne le li .. aur uske chare ke baadlte hue bhaaw dekhkar mere chahre ka rang bhi udne laga ………..
Bahut hi shandaar update hai maza aa gaya read karke to
Sahi me pawan sir ne galti kar diya aur iska pura ka pura Labh hamare pyare akki bhai ko milega
Waiting for the next update
