Romance Ek Hateli Lovestory ;) (complete)

[Nevil singh]

Update 24​

Aniket ki baat suman ko samajh aa rahi thi aur wo bhi ab soch me pad gayi thi, aur aniket bhi shant baith ke use haavbhav notice kar raha tha, bahut der tak kuch sochne ke baad suman boli

Suman-tum jo keh rahe ho wosab sahi hai aniket, faltu me aajtak uske bolne ke intajar me samay gawaya hai bas ab bahut ho gaya ab aaj ya to is paar ya to us paar

Aniket-gazab ab kin a tumne aniket ran eke dost wali baat, ab tum meri dost lag rahhi to fir kya decide kiya hai ab?

Suman ekdum soch ke boli

Suman-uske paas aajka din hai…

Aniket-matlab..?

Suman-tumne abhi tak mujhe kabhi detail bataya hai kya , fir pillu mere se detail kyu maan rahe ho…

Aniket-kya baat kya baat kya baat, hamari billi hamise myao

Suman-waisa nahi hai kuch, it’s just ke maine pakka kuch decide nahi kiya hai dekhte hai saamne ko jab samay aayega tab kya karna hai, par jo bhi karna hai aaj hi karna hai, wo tum kya kehte ho ise

Aniket-bhidna, direct bhidne ka…

Suman-barobar, aaj hi bhidna hai…

Aniket-ekdum kadakkk, tu bindass direch bhid main hut ere sath.. tension nai lene ka

Suman-aur ha ek baat batao, ye African dance ka kya prakar hai aur shravni kyu nachegi ispe….

Aniket-abey yaar docter kabhi kabhi discovery channel bhi dekh liya karo be bahut kuch sikhne milta hai usse abi tumko samjhata hu, African dance matlab wo African tribes hai adiwasi logo ke unko jab kuch pasand nahi aata hai ya samajhlo koi unke area me ghusa to wo chidh jate hai aur fir us ghuskhor ko pakad te hai ya fir jiske hatho se koi gunah hua ho use pakadte hai aur gaon ke beecho beech leke aate hai, kamar pe patte bandhe huye chehre par laal safed line khiche huye chere rehte hai unke, sar pea lag alag panchiyo ke pankho ka mukut pehan ke jo gunehgar hota hai use ek rod se bandh ke uske niche aag laga dete aur fir sab uske ird gird gol bana ke hula..hula…hu…hu… karte huye vichitra haav bhav karte huye chilla ke naach ke apna gussa dikhate hai , beech me muh pe hath rakh ke…aaallaaa…la….laaa… karke chillate hai, aur fir ek aadmi us gunehgar ko rod se band ke uske niche aag laga ke usko bhun ke kha daalte hai, fir koi us gunehgar ke ungliyo ki haddiya ya pairo ki haddiyo ki mala banake gale me pehan leta hai, tumne mujhe gale lagaya ye shravni agar dekh leti na to us gunehgar ki jagah meko bhun ke kha daalti…

Aniket ne ye sari bate full demonstration ke sath batayi thi jise suman ektak dekhe ja rahi thi aur fir aniket ke bataye situation me shravni aur use imagine karte huye suman hasne lagi….

Suman-tum filme bahut dekhte ho na

Aniket-hao

Suman-tabhi..

Fir baad me suman apni hasi pe control karte huye boli

Suman-acha tumne aage ke liye kya decide kiya tha pehle wo karte hai fir main dekhti hu mujhe kya karna hai aaj to is siddu ko chhodne wali nahi main

Aniket-siddu?? Docter siddharth se direct siddu?

Suman-teri sangat ka asar hai ani..

Aniket-ye kuch bhi mat bol, main apna sadha, sudha, bhola, abodh, niragas, sajjan, baccha hu meko aise badnaam to mat karo

Suman-pata hai kitne bhole ho tum..

Aniket-arey yaar chhodo ye sab aur aage ka plan suno

Fir aniket se suman ko sara plan bataya aur wo dono siddharth ke cabin ki taraf nikle…

Aniket ne jhuk ke cabin me dekha to siddharth apna sar pakad ke baitha tha jise dekh aniket suman se bola

Aniket-abey tera siddu to khud patient bana baitha hai

Fir suman aur aniket dono cabin me pahuche aur jate huye aniket ne avi ko ek msg kar diya tha

Cabin me jakar suman boli

Suman-sir aaj mujhe half day mil sakta hai kya?

Siddharth-kyu kya hua?

Suman-nahi hua kuch nahi hai bas aniket ke sath movie dekhne jana tha, birthday party thi to…

Jispar aniket jaldi se bola

Aniket-please sir de dijiye na permission

Siddharth-kamal hai tum logo ki sidhe sidhe movie jane ke liye chutti mang rahe ho?

Jispar aniket bola

Aniket-fir kya kare? Baki log tabiyat theek nahi hai aisa keh ke chutti le lete hai par yaha wo bahana nahi bana sakte naisiliye jo sach hai bata diya, de do na permission

Siddharth-theek hai jao ab aaj tumhara birthday hai to naraj karke kaise chalega

Siddharth ne bhari man se kaha aur suman ne ekdum khush hone ka dikhawa karke thank you thank you bolke siddharth ka hath pakad liya

Dono cabin ke baahar aaye aur sidhe jakar canteen me baith gaye aur idhar siddharth jal bin machli ki taraf tadfada raha tha, thoda timepass karke aniket nikal gaya aur suman akeli hospital me wapis aayi aur siddharth ko dikhe aise uske cabin ke samne se gujri, use dekhte hi siddharth khurchi se uth khada hua aur baahar aakar usne suman ko awaj lagayi

Siddharth-kya hua aap ab bhi yaha hai, movie ke liye nahi gayi?

Jispar suman ne dukhi dikhte huye kaha

Suman-sara mood off kar diya ani ne, achanak use uske pitaji ka call aaya aur kaha ki emergency hai to use jana pada aur jate jate ye movie ki 2 tickets bhi chhod gaya par ab iska kya fayda..

Fir suman wapis apne ward ki taraf jane ke liye mudi aur use piche se awaj aaya

Siddharth- ek minute docter..

Suman ne mud ke piche dekha

Siddharth-aise birthday ke din mood kharab nahi karte, agar aapko koi problem na ho to ham chale movie dekhne

Suman-mujhe kya problem hona hai chaliye, badhiya movie hai wo..

Fir dono suman aur siddharth dono siddharth ke gadi se movie ke liye nikal gaye aur aniket unhe jate huye dekh raha tha

Kuch samay baad jab dono film dekh ke baahar aaye to baahar aate hi siddharth bola

Siddharth-yaha paas hi me ek bahut sundermandir hai waha chale kya..?

Jispar suman ne bhi sehmati jatayi, use bhi to siddharth ka sath chahiye tha, aur waise bhi suman ne decide kar liya tha ke agar aaj siddharth kuch nahi bolega to kal wo apni bhavnaye use bata degi, dono ne mandir me jake darshan kiya aur baahar aakar baith gaye, ab kuch to kehna tha siliye suman ne bolna shuru kiya

Suman-movie badhiya thin a..?

Siddharth-ha badhiya to thi aur tumhare sath dekhi to aur bhi badhiya lagi par….

Suman-par kya..?

Siddharth apne man me kuch shabd sochne laga

Siddharth-movie to achi hi thi aur tumhare sath dekhi to aura chi lagi par asal maja tab aayega jab hum dono sath honge ek hi mandap me aur pantit hamari shadi ke mantra padhega…

Siddharth ka ye bolna tha aur suman ko apne kano pe yakin nahi ho raha tha ke usne kya suna hai, siddharth aage bola

Siddharth-matlab agar tum ha kaho to…

Itne salo ka virah, intajar sabkuch ek hi pal me khatam ho gaya tha, jo baat bolne ki siddharth kabhi hmmat nahi kar paya tha aaj usne ek jhatke me bol di thi, jis pal ki suman chatak pakshi jaisi raah dekh rahi thi wo aa gaya tha aur aaj to siddharth ne use direct shadi ke liye puch liya tha…, waise to suman kab se is pal ki raah dekh rahi thi par ab jab siddharth ne ise istarh propose kiya tha to uske muh se bol nahi fut rahe the, wo sidha siddharth se bilag gayi, us madhur sham me do premiyo ka Milan ho gaya tha, najane kitni der wo ekdusre ke bahopash me the…

Dono premiyo ki tandri tuti siti ke awaj se.. dono ekdum vartaman me laute to aniket avinash aur komal baarat me jaise naachte huye unke paas aa rahe the aura vi au rani ki sitiyo ki awaj se aasman gunj raha tha, pehle to siddharth unhe chauke ke dekhne laga aur fir wo bhi hasne laga aur jab kuch samay baad ye dhingana shant hua to aniket ki nautanki chalu ho gayi

Aniket-suman tumne mujhe dhoka kyu diya, kyu kiye mere komal dil ke itne tukde, ab main kiske liye jiunga

Aise purine jamane ke dialogue maarte huye aniket avinash ke gale me gir ke rone laga aur uske sath sath avinash aur komal bhi rone lage

Suman-aye bas bahut hua ab mere siddu ko koi nahi satayega

Aniket-aur mere tute dil ka kya..

Jispar siddharth aniket ke kaan me bola

Siddharth-wo apan raat me jod lende, hotel ketki, char beer

Jispar aniket ekdum khush

Aniket-arey gazab docter, (fir suman se bola) ja suman ja jile apni jindagi..

Fir siddharth aur suman jis gadi se aaye the usse hi waha se nikal gaye aur komal mandir me aayi aur hath jod ke bhagwan se boli

Komal-key bhagwan, jaise inki naiyaa paar lagayi hai meri bhi laga do….

Mastmoula update mitr
Do bichhde premi akhir mil hi Gaye ani ki mehnat se

 

[Nevil singh]

Update 25​

Dekhte dekhte samay beet raha tha aur board exams ab kareeb aa chuke the, exam ka timetale aa chukka tha aur apni puri gang ekdum se neend se jag gayi thi, kyuki bhale hi aap saal bhar kitni bhi masti kar le par jab exam aati hai to kitabo ki hi yaad aati hai, avinash aniket aur komal ki ye khas baat thi, teeno bhale hi saal bhar kuch na padhe par exam ke pehle ka ek mahina man maar ke hi sahi padhte jaroor the, aur padhai bhi sab sath karte the aur is waqt bhi sab sath baith ke padh rahe the..

Sab sath padh rahe the aur sab matloab inke sath shravni bhi thi to charo sath the aur padhte padhte achanak avinash ko hasi aa gayi aur wo has diya jisse aniket komal aur shravni ka concentration tut gaya aur komal boli

Komal-teko kya hua aise achanak daat kyu nikal raha?

Avinash- kuch nahi bas aise hi

Komal-hasa to hasa ab batane me bhi bhav kha raha hai, abe bata na aisa kya ho gaya jo tu hasa?

Avinash-arey kuch nahi meko wo suman aur aniket ka kissa yaad aa gaya

Suman aur aniket ka naam sunte hi shravni ke kaan khade ho gaye…aur idhar avinash haste huye bata raha tha

Avinash-main wo scene imagne kar raha tha jab suman ne ise gale lagaya tha.. tab iski kya halat huyi hogi

Itna bol ke avinash komal ko tali deke jor se hasne laga aur aniket ne apna matha pit liya aur idhar avinash ki baat sunkar shravni ko charso challis volt ka jhatka laga..

Shravni-kyaaa..? suman ne aniket k hug kiya tha….?

Ab avinash ke dhyan me aa gaya tha ke jo nahi bolna chahiye tha wo wo bol gaya tha aura b bol hi diya hai to avinash baat sambhalte huye bola

Avinash-hug matlab… aise hi… bas paas aayi ti wo aur kuch nahi..

Par shravni bhadak gayi thi

Shravni-ye sab kya hai aniket..?

Aniket ne baithe baithe hi avinash ko lath mari.. aur bola

Aniket-abey haramkhor aadmi.. muh khola ki baas marega hajar baar bola hai thjobda band rakha kar par sun liya to tere baap ki estate chali jayegi na sale narad muni laga di na aag

Aur idhar shravni aur bhadak gayi

Shravni-unhhe kuch kyu keh rahe hai aap aniket, unka bola hua dikh gaya par khud ke gun nahi dikhe aapko

Aniket-arey tum samajh rahi ho waisa kuch nahi hai

Par shravni kuch samajhne ke liye tayar hi nahi thi..

Shravni-mujhe kuch nahi sunna bas aap itna batao ki aapne hug kiya ya nahi?

Aniket-meri baat suno shravni faltu me dimag me gussa mat lao

Shravni-ha ya na?

Aur ab jab aniket ko koi dusra rasta nahi mila to wo bola

Aniket-ha..

Aniket ke muh se haa sunkar mano waha jwalamukhi ka visfot hua ho shravni itna bhadak gayi aur gussa itna jyada tha ke usne sikha aniket ke kaan ne niche rakh di ek aur boli

Shravni- jara bhi sharam nahi aati na ha bolte huye

Avinet ne kuch kehne ki koshish ki par shravni kuch sunne ke mood me hi nahi thi

Shravni-aap manmauji ho theek hai maskhare ko masti majak karte ho theek hai par aisa charitraheen vartan main bilkul bardasht nahi karngi..

Itna bol ke shravni ne apni kitabe bag me bhari aur waha se jane lagi.. aniket uske piche piche use samjhate huye jane laga aur jate jate avinash ko do char galiya bhi deta gaya ( ye ladke ladki kea ate hi itne chutiya kyu ho jate hai )

Idhar aniket ke jane ke baad do minute tak shanti rahi, avinash aur komal ko jo hua uspar yakin hi nahi ho raha tha, thode samay baad avinash wapis hasa aur use dekh ke komal bhi hasne lagi

Komal-ek number ka halkat hai tu avi..

Tab avinash ekdum masum chehra karte huye bola

Avinash-maine kya kiya

Komal-kya kiya.! Kya jarurat thi ye baat abhi chhedne ki wo bhi shravni ke saamne..

Avinash-arey maine to aise hi bola tha par kya solid padi na anya ko

Dono fir se hasne lage fir komal boli

Komal-jaanbujh ke bola na tu?

Jispar avinash ne sidha sidha hao bol diya

Komal-kyu jhagda karwana chahta hai dono ka?

Avinash-main kaha jhagda laga raha hu main to ye bata raha hu ke wo chiran anya ke liye sahi nahi hai

Komal-kyu uska pyaar usse chin raha hai?

Avinash-apna pyaar sambhalna sabka apna kaam hai..

Komal-isiliye to tu jhagda karwa raha hai

Avinash-sidha bolunga to anya sunega?

Komal-ti tumhe nahi lagta ki tum un dono ke beech galat fehmi tayar kar rahe ho

Avinash-prem ka aadhar saundrya nahi vishwas hai main bas ye sabit kar raha hu, aur jaha vishwas hai waha mere jaise dus log bhi kuch bol de na to kuch fark nahi panda chahiye

Komal-ye sab mere liye kar raha hai na?

Avinash-bilkul nahi, anya ko uska saccha pyaar mile isliye..

Komal-shravni ka bhi to pyaar hai

Avinash-vishwas nahi hai aur ye bagair viashwas ka nata kab tak tikega? Upper se gussa bahut hai aur gusse me humk sabse pehle unhe khote hai jo hamare sabse karib hote hai..pyaar karna aasan hai nibhana mushkil..

Komal-to tune kiya hai kisi se pyaar

Avinash-shadi nahi huyi meri par barate bahut dekhi hai, abhi tak koi aisi aayi nahi jindagi me, aayi to tumhe jarur bataunga

Komal-bahut lucky hogi wo

Avinash-wo samay batayega

Komal-kaisi ladki chahiye?

Avinash-aisi jo mere ghar ko swarg banaye gharwalo ko swargwasi nahi

Komal-par please unke beech jhagda mat karwa

Avinash-fir tumhe tumhara pyaar kaise milega

Komal-dusre ki kabar pe main apna ghar kaise banau?

Komal ke is sawal ka avinash ke paas jawab nahi tha isiliye wo baat badalte huye bola

Avinash-shravni sach me ani se pyaar karti haiis mamle me mujhe thoda doubt hai, mujhe lagta hai jis tarah se ani ne use propose kiya wo na nahi keh saki aur ise pyaar samajh baithi

Komal-par sach to ye hai ke ani bhi use pasand karta hai

Avinash-aur sach to ye bhi hai ke tum bhi ani ko chahti ho, kitna difference hai na, unke swabhav alag hai vishwas bilkul nahi hai aur yaha tum, koi bandhan nahi fir bhi purn vishwas

Komal-avi please mere liye aisa kuch mat karo jisse tumme aur aniket ke duriya aaye…

Avinash-agar mere dur hone se tum dono paas aane wale ho to main jara bhi nahi sochunga komal..

Komal-aur tumhe lagta hai main itni swarthi hu?

Avinash-kyu nahi?

Komal-jane do chhodo ye bate aur avi tu na jaisa dikha hai waisa nahi hai

Jispar avi avi daat nikalne laga

Aur idhar aniket shravni ko samjha raha tha

Aniket-shravni ruko to meri baat to suno

Aur shravni aur bhi chidhte huye boli

Shravni-jitna sun liya hai kafi hai aur sunne ki meri bilkul icha nahi hai

Aniket shravni ka rasta rokte huye bola

Aniket-shravni main sirf aur sirf tumse pyaar karta hu..wo halkat ne tumhe bas adhi adhuri baat batayi hai aur tum bhi kamal ho yaar sidhe thappad laga diya, mujhe bas do minute do uske baad jo tum bologi wahi hoga

Shravni kuch boli nahi par ruk gayi, uske baad aniket ne use pura kissa bataya

Aniket-agar ab bhi yakin na ho to tumhari kasam kha ke bolta hu ke main jo bataya wo pura sach hai..

Ab shravni ka gussa thoda shant hua

Shravni-wo hamesha aisa karti hai pehle bhi canteen me usne tumhe dear kaha tha mujhe ye sab bilkul pasan nahi hai wada karo aap suman se kabhi nahi miloge aur agar mile to dur rahoge

Aniket-theek hai baba dur rahunga, khush?

Shravni-nahi

Aniket-to ek dairy milk de deta hu fir khush?

Shravni-nahi

Aniket-to ab kya gana gau?

Shravni- kuch keh nahi sakte

Fir aniket ne shravni ka hath pakad ke use apne karib liya aur gana gane laga (ek aur chutiya karkat )

Aniket-

Ruth na jana tumse kahu to

Main in aankhon me jo rahu to

Tum ye jano, ya na jano

Tum ye mano, ya na mano

Mere jaisa deewana tum paoge nahi

Yaad karoge main jo nah u to

Ruth na jana tumse kahu to…​

Aniket ka gana sunkar sravni muskura di

Aniket-arey ladki hasi to fasi…

Bemishaal update mitr
Avi ne sahi kaha jahan vishvash na ho vaha prem nahi tikta

 

[Chinturocky]

Are itani jaldi se nahi karna tha yaar, thodi aur ani ko pareshan hote dekhana tha.
Waise mast update hai.
Shravani bahut hi matlabi ladaki nikali.

 

[Nevil singh]

Update 26​

Samay ki gati ko koi rok paya hai kya, nahi na to wo apni gati se daud raha tha ya yu kahe ki kuch jyada hi fast daud raha tha, ab chuki apne gang ke exams the isiliye is period me jyada kuch khas nahi hua, ha is beech aniket aur shravni ka ruthne manane ka karyakram barabar chalta tha aur jo kabhi nahi hua wo ab hua, avinash aur komal seriously padhne lage, aur iska parinam bhi dekhne mila kyuki jab result aaya tab avinash komal aur shravni to paas ho gaye par aniket fail ho gaya..(ladki ka chakker, jaldi mukti dilana padega ab isko )

Gharwalo ke liye ye kuch naya nahi tha ke aniket fail hua hai unhone to aniket ka aisa parakram pehle bhi dekha tha, narayanrao ne bas usse fail hone ka reason pucha ku wo kyu fail hua kaise fail hua to aniket ne bas itna kaha ke

Aniket-bapu 10vi aur 12vi education ka base hai main base majbut kar raha hu, slow education pragati ka lakshan ( sala purana dialogue chipka diya huh)

Avinet ke chehre par fail hone ka jyada gam nahi tha aur na hi narayanrao ne isse jyada use kuch pucha ya koi aur melo drama hua

Dekhte dekhte chuttiya khatam huyi aur college dobara shuru hua, inlogo ke graduation ke liye bhi usi college me admission liya tha aur fail hone ke baad bhi aniket ka college me aana shuru hi tha waise bhi use waha kaun rokne wala tha aur 12th bhi to paas karni thi use..par in sabme sabse jyada changes aaye the komal me, pehle tomboy jaisi dikhne wali komal ab ek khubsurat ladki me badal gayi thi, pehle kisi se bhi bindass bhid jane wali komal ab sabse pyaar se baat karne lagi thi basically ab komal me strisulabh lakshan dikhne lage the siway uske kapdo ko chhod ke (apun ko malum hai apne readers ko purani kammo pasand hai fikar naat wo kahi nahi jayegi bas thodi gum ho gayi hai usko dhundh layenge apan)

Ek din komal college aa rahi thi to kuch launde baahar katte pe baithe the aur jaise hi unko komal dikhi unki tounting shuru ho gayi aur wo komal ko dekh ke bolne lage

Ladka1-kyu be aaj akela hi..

Ladka2-kya karu mera dost mera nahi raha na, aur ye kam tha to wo fail bhi ho gaya isiliye akela hi

Fir teesra bola

Ladka3- jyada akelapan lag raha ho to hum hai yaha

Waise dekha jaye to komal ko gussa bahut aaya tha par college abhi naya naya shuru hua tha to kyu faltu me jhanjhat mol le isiliye wo unhe ignore karke canteen ki or nikal gayi aniket aur avinash wahi the, unhe dekhte hi komal boli

Komal-tum log kab aaye?

Tab avinash ne kaha

Avinash-abhi abhi aaye hai, tu gate par thi tab hum parking me gadi park kar rahe the…

Aniket chup tha aur use aise chup chap dekh ke komal boli

Komal-naye ladke kuch jyada hi natak karne lage hai college me..

Par aniket kuch nahi bola aur chup chap apni chai pita raha tab komal dobara boli

Komal-wo mujhe ched rahe the..

Aniket aur avinash ne sab kuch pehle hi dekh aur sun liya tha aur aniket gusse se komal ki taraf dekh raha tha

Aniket-teko cheda hai na to fir mujhe kyu bata rahi hai

Komal-tujhe nahi bataungi to kise bataungi?

Aniket-problem tera hai mujhe kyu ghasit rahi hai beech me

Aniket ka aisa bolna komal ke liye anapekshit tha..

Komal-ye tera aur mera alag alag kab se ho gaya?

Ab gussa aniket ke chehre par saaf dikh raha tha

Aniket-tu paagal hai kya komal jara bhi akkal nahi hai tujhme, dena than a rakh ke unke kaan ke niche,

Komal kuch nahi boli aur gardan jhuka kar baithi rahi, aniket fir bola

Aniket-tere jaisi dashing ladki aise gardan jhuka ke baith baith jati hai tabhi to un jaiso ki himmat badhti hai, jab tera ye haal hai to sadharan ladkiyo ka ye haramkhor jina haram kar denge, main koi jindagi bhar tere piche piche nahi rahunga, agar tere problem tu solve nahi kar sakti to unhe sehan karte reh….

Aniket ki baat sun kar komal apni jagah se uth khadi huyi aur uske sath avinash bhi par aniket apni jagah se nahi hila ulta usne avinash ka hath pakad ke use bhi baitha liya.. aur us ek pal me sabse pyaar se bolne wali sadi naram dil ki komal gayab ho gayi aur purani komal wapis aa gayi, jiski aankhon me angar the aur chehra gusse se bhara hua tha, wow aha se uthi aur sidha gate ki taraf badhi, wo teeno ladke ab bhi wahi the, komal sidha unke samne jake khadi huyi aur boli

Komal-tujhe bahut chinta hai na meri, ke main akeli ho gayi hu, le pakad mera hath

Aur jaise hi us ladne ne komal ka hath pakda agle hi pal jamin pe tha wo, kya hua kisi ko kuch nahi samjha, us ladke ne jaise hi komal ka hath pakda komal ne apne ghutne se ek jordar kick mar ke us ladke ke ande fod dale boli to goti suja di aur subah subah uski aankhon ke saamne tare chamak gaye, komal ne use itna jabardast mara tha ke dobara jindagi me wo kisi ladki ko chedne ki himmat nahi karega, dusre ladke ne komal ko thappad maarne ki koshish ki par uska hath komal ke gaal tak pahuchta usse pehle hi komal ne use hawa me rok liya aur ek ke baad ek teen char punch jad diye uske itne me teesre ladke ne najane kaha se hockey stick layi aur usne usse komal ke sar pe mara jisse komal ki aankhon kea age andhera chane laga aur wo niche girne lagi aur wo dono ladke uski taraf lapke aur wo komal ko lath maarte isse pehle hi dono apne teesre dost ke bagal me pade karah rahe the, aniket aur avinash waha pahuch gaye the aur unhone un ladko ka kaam ek hi jhatke me tamam kar diya tha fir wo komal ki taraf mude aur use uthaya air kisi ne pani laga to avinash ne komal ke chehre pe pani maar ke use hosh me laya, aur komal ne dekha ke wo ladke jamin pe pade hai

Waha college ki gardi jama ho gayi thi, aniket komal ko uthate huye waha jama gardi se bola

Aniket-aaj komal ne himmat ki hai aise ladko ko sabak sikhane ki, inhone aap mese kayi ladkiyo ko cheda hoga aur tumne chup chap sun liya sahan kiya par komal ne nahi, mujhe garv hai meri dost pe, in haram khoro ko sahan karne se acha agar ek kaan ke niche rakh ke deti to chedna to dur tumhari taraf najar utha ke bhi nahi dekhte, ek baat dhyan me rakhna har baar koi tumhari madad ko nahi aayega, agar koi tumhari madad kar sakta hai to um khud

Aniket ne to bol diya ab bolne ki bari avinash kit hi

Avinash-aur jab in haramkhoro ne jinko sataya hai wo mauke ka fayda utha kea age aaye aur behti ganga me hath dho le (uske baad un ladko se) in ladkiyo me se ek ko bhi agar hath bhi lagaya to itna marunga ke sharir ki koi haddi nahi bachegi jo dard nahi karegi..

Itna bolke wo hockey stick leke wahi khada ho gaya aur sabse pehle komal ne jake uske lath mari jisne use hockey stick se mara tha aur fir kya sari ladkiya un ladko pe tut padi, wo to un ladko na naseeb pe professors waha pahuch gaye aur unki jaan bach gayi warna ladkiyo ne jo unki halat kit hi unke gharwale bhi nahi pehchan pate unhe..

Komal ko thoda jyada maar laga tha to wo use hospital leke gaye aur waha to suman thi hi ilaj karne ke liye, baadme rade ki khabar sun ke shravni bhi baahar aayi aur aniket ke bare me puchne lagi, jab uske dhyan me aaya ke aniket ko kuch nahi hua hai to uska hath pakad ke use baahar le aayi aur shuru ho gayi..

Shravni-hajar baar kaha hai aisi gundo jaisi harkate mat kiya karo par meri suntan kaun hai? Tumhe kuch ho jata to?

Aniket-mujhe kuch nahi hua hai, komal ko laga hai..

Shravni-use kisne kaha tha aisi harkat karne ke liye, ladki ne ladki jaisa rehna chahiye, kyu un mawaliyo se bhidi wo..

Aniket-kamal hai tum ek ladki hoke ye keh rahi ho..

Shravni-ha main hi keh rahi hu aur aap bhi aise logo ki sangat me mat rahiye..

Aniket-shravni dost hai wo mere

Shravni-huh bade aaye dost, wo to paas hoke aage nikal gaye aur tum baithe ho dost dost karte, ab bahut hua ab se aap unke sath nahi rahoge..

Aniket-tum limit cross kar rahi ho ab shravni

Shravni-mujhe kuch limit wagaire nahi pata hai aaj aapko chun na padega komal ya mai

Aniket-ye kya paagal pan hai, tmhe samajh aa raha hai tum kya keh rahi ho, dimag sahi hai tumhara

Shravni-mujhe kuch nahi pata bas aaj mujhe batao komal ya mai

Aniket-baasss bahut hogaya, bol liya tumne jo bolna tha, paagal ladki tumse pyaar karta hu iska ye matlab nahi ke jo tum bologi main wahi karunga.. aur komal se khudko compare karne ki layaki hai kya tumhari, pyaar kiya to kya sar pe chadh ke nachogi, arey haadd dimag kharab kar diya pura, ye mat karo wo mat karo, sala itna to meri maa ne nahi toka mujhe..

Ab aniket to gusse me tha hi shravni ka gussa bhi saatve aasman pe tha

Shravni-theek hai to raho fir yahi komal komal karte huye aur aainda jindagi me mujhe apni shakal mat dikhana…

Itna bol ke shravni waha se pair patakte huye nikal gayi, avinash wahi piche khada hoke ye sab dekh aur sun raha tha aur wo khud se bola

Avinash-ye to sala ek din hona hi tha….

Jabardast update sahib
Sirf aakarshan ke pyar se touba karna hi behter hai
Prem na dekhe rang rupe na dekhe jaat paat
Prem to mouk hai
Ahsaash hai
Do aatmou ka milan hai
Tan se tan ka milan ho naa paaya toh kya
Man se man ka milan koi kam toh nahi
Shravni tune kohinoor ko kho diya jhalli
Sharto pe kabhi prem nahi panpta
Yeh toh vishvash hai chatak ke jaisa
Ab mushkil hai vo subah jo Deedar a yaar karvaade
Ab pachhtaaye hote kya jab chidiya chug gai khet

 

[mashish]

waiting for next

 

[SANJU ( V. R. )]

बहुत जल्दी श्रावणी और अनिकेत की लव स्टोरी टांय-टांय फिस हो गई । चलो ! कोमल का रास्ता साफ तो हुआ । पर , लगता नहीं है कि इतनी जल्दी अनिकेत के दिल में कोमल के लिए कुछ लव-शब वाली भावना पनपने वाली है । उसने उसे हमेशा एक अच्छा दोस्त ही माना है , प्यार वाली फिलिंग कभी आई ही नहीं ।
पर कोमल को अहसास है कि वो अनिकेत को चाहने लगी है । और ये अहसास श्रावणी और अनिकेत के नजदीक आने के बाद हुआ । और अभिषेक को ये सब कुछ पता है । लेकिन परिस्थितियां ऐसी है कि कोई भी चाह कर भी कुछ कर नहीं सकता है ।

अभी भी मुझे लग रहा है कोमल के लिए दिल्ली अभी भी बहुत दुर है । शायद कोई और लड़की अनिकेत के लाइफ में आए जो श्रावणी जैसी न हो । जो शायद सच में अनिकेत से प्यार करती हो । और फिर कुछ नई फसाना बने । कुछ अलग कहानी बने ।

लेकिन एक चीज समझ में नहीं आ रहा है कि सुमन और कोमल दोस्त कैसे हो गई ? कोमल और अनिकेत अभी बारहवीं कक्षा में है जबकि कोमल एम बी बी एस करके डाक्टर बन चुकी है । इनके उम्र में बहुत अधिक फासला है । मान भी लेते है कि दोस्ती में उम्र नहीं देखी जाती पर अपने से बड़े लोगों से बातचीत करने का तरीका अलग सा होता है । अनिकेत और कोमल उससे बेतकल्लुफी बातें नहीं कर सकते ।

अनिकेत हायर सेकंडरी में फेल हो गया और अभिषेक एवं कोमल ग्रेजुएट में पहुंच गए । ये भी अनिकेत के लिए कोई शुभ संकेत नहीं है । देखते है आगे उसकी लाइफ उससे क्या क्या इम्तिहान लेने वाली है ।

बेहतरीन और जगमग जगमग अपडेट आदि भाई ।

 

[Adirshi]

nice aur majedar update .

bahut bahut shukriya bhai

 

[Adirshi]

bhai komal anni ka toh na pata lekin komal aur avinash kaa lafra jaroor hoga...

anteryami aalu

 

[Adirshi]

romanchak update ...maja aa gaya padhke .

bahut bahut shukriya bhai

 

[Adirshi]

superbb update bro

bahut bahut shukriya bhai