- 23,655
- 80,785
- 259
-----: Bulletin Board :-----
Update 88 (A & B) is posted on 537.. Must give your valuable feedback...
End Of The Chepter:-1 is posted on 542...
Last edited:
Romance >>> Too Young !! Too Old (Completed) <<<
- Thread starter nain11ster
- Start date
- 738,997
-
- Tags
- romance & drama
End Of The Chepter:-1 is posted on 542...
- 23,655
- 80,785
- 259
Update:-67
Somvar ki Khushnuma subah thi. Pahli class khatm hone ke baad sabhi canteen me mil rahe the. Aaj ek sath sabhi baithe huye the. Coffee pe Asif ke shadi ki charcha chal rahi thi.
Tabhi unki table ko Sagar join kiya.… "Vyas aane wale Sunday humara match hai. Final year vs third year."
Vyas, uski baat sun kar haami bhar diya aur sab ke sath baat karne laga. Sagar fir bich me unhe rokte... "Tum teeno se mujhe baat karni hai"…
Asif:- Haan kyun nahi, chalo chalte hai...
Ye teeno wahan se uth kar chale gaye. Wahan sirf Meera aur Sia thi. Dono hi baton me mashgul thi ki pichhe se Sagar ki girlfriend Kirti unki table par pahunch gayi.… "Ummid hai tumhe mera messasge kafi strongly mila hoga"… Aate hi Kirti ne Sia ko kuchh din pahle college mili dhamki yaad dilayi.
Sia uski baat ko ignore karti Meera se baat karna jari rakhi. Sia ka aisa rawaiyya dekh kar Kirti ka para chadh gaya. Apne dono hath jor se round table par patakti... "Tumse kuchh kah rahi hun"…
Meera:- Kyun thak rahi ho... Tumne strong message bhijwaya, Sia didi ko mil gaya. Baat khatm. Kuchh baat karni hai uss par...
Kirti:- Matlab akad ab bhi nahi gayi kya tumhari...
Meera uss ladki ko hairani se dekhti, kuchh kahne wali thi tabhi Sia usse rokti... "Jane do Kuku, lagta hai pareshan hai. Tum aaj aaogi na humare yahan Kuku"..
Meera:- Bilkul nahi, aaj humare yahan (Shashtri family me) hungama hai. Asif se party bhi to leni hai...
Sia:- Haan ye to bhul hi gayi... Lekin Asif kyun dega party, hum uske liye surprise party arrange karenge...
"Bahut akad hai tum me... Tera bhi akad maine sidha na kiya to mera naam bhi Kirti Nanda nahi..." Khud ko aise ignore kiye jane par Kirti gusse me laal hoti jor se kahne lagi...
Meera:- Thik hai naya naam ragister karwa lena... Chhod na bahini kis baat par gussa hai. Chill maro aur coffee piyo Kirti..
Sia:- Fufkaar to aise rahi hai jaise abhi dash legi... Chalo sabha khatm karte hain.
Meera:- Haan mujhe bhi jana hoga. Neerav hai nahi uske badle combined class ki poori jimmedari mere upar aa gayi hai...
Sia:- Haan wo jyada jaroori hai... Waise in teeno ki padhai kaisi chal rahi hai..
Meera:- Kafi mehnati student hai teeno. Home study par poora focus rahta hai. Kal unke yahan ke kautuhal mahol me bhi humne 2 ghante ke combined study ka waqt nikal liya tha... Thik hai Sia didi aap bhi jao, main bhi jati hun.
Dono Kirti ke samne se nikal gaye aur wo muh dekhti rah gayi. Gusse se uska poora chehra laal tha. Aisa lag raha tha hath me bandook hoti to abhi goli maar deti.
Idhar class me waise to sab alag-alag baith'te the, lekin iss baar Meera, Vyas ke sath baithi. Vyas, Meera ko ghurte chhote se paper par note likha... "Class me kya jaroori baat karni hai jo sath me baith gayi"..
Meera:- Yadi aaj rishta tay ho jata hai to main aur Sia didi ek surprise party plan kar rahi hain...
Vyas, Paper par smiley banate... "Good idea. Main sab ko bol dunga"..
Meera:- Sab kaun... Udhar se Aqsa hogi apne best friends ke sath. Idhar se aap tino bus...
Vyas:- Haan thik hai...
Meera:- Ok then done... Yahan se class over hone ke baad hum aaj ke combined study ka kaam khatm kar lenge aur fir Party schedule..
Vyas:- Haan lekin party kahan hogi...
Meera:- Wo Sia didi dekh legi…
Class me inki planning chal rahi thi. Idhar 10 baje subah Shastri ji ke ghar bada sa jamawada tha. Sab ne aaj kaam se chutti le rakhi thi. Pandit ji ek baar fir sab ko samjhate.… "Dekho Mujib bhaiya achhe admi hai. Ho sakta hai mann me ye khyal ho ki Jannat se shadi ke baad uska beta sudhar jaye isliye"…
Pandit ji bol hi rahe the ki bich me Asif ke thik samne ke ghar me rahne wale Nurul Hassan contractor baat ko kaat'te... "Bete ko sudharna hai to sidha jail me daal de. Har jail ke upar likha hota hai, sudhar grih"…
Mahroof:- Apna Nurul 5 baar jail gaya hai aur har baar sudhar kar hi aaya hai. Shukr kar Samina ka jisne nikaah ke liye haan kah di. Warna aaj bhi sudhar grih me hi rahta...
Alka:- Areee jahilon. Tum log mere bacche ka ghar basne doge ki nahi... Bhago sab yahan se... Ek dhang ka aadmi to le aate Pandit ji... Sab ke sab dimag se paidal hai...
Som:- Main kuchh kah sakta hun...
Alka:- Tu to baal katwa ke aa. Tujhe dekh kar darwaje se hi "naa" na kah de... Ek baat batao isse to yahan ke bare me koi idea bhi nahi, tab ye kaahe ja raha hai?
Som:- Main company ka owner hun aur apne sath kaam karne wale ka rishta tay karwane ja raha. Sab se majboot paksh to mera hi rahega.
Pandit ji:- Solah aane sacchi baat. Alka kya kahti ho ....
Alka:- Sun lo agar kisi bhi vajah se Mujib bhai ne rishte ke liye naa kah diy to dekh lena.…. Fir main apne dono beto ko bol dungi ladki ko utha laa, jo hoga dekha jayega ..
Pandit ji:- Tum shant ho jao. Som tum kuchh kah rahe the.
Som:- Wahan meeting me kisi ko kuchh bhi bolna ho, wo kaan me bol kar aap tak apni baat pahunchayega. Baat kewal aap karoge...
Pandit ji:- Nana... Baat to Masroof hi karega…
Masroof:- Mujhe kyun fasa rahe ho...
Pandit ji:- Zarina aaj wahan basi hui hai, wo tumhari nih-swarth bhavna ka natija hai Masroof. Uske dono bacche ke shadi ki baat to gardian ban kar tum hi karoge..
Alka:- Haan Masroof ye jimmedari to leni hi hogi. Waise bhi kaana-fusi wali baat hi to batani hai. Pandit ji sath me rahenge hi..
Iss chhote se sabha ke baad 4 log taiyar ho kar nikle. Masroof ne rishte ki baat ke liye ek badi si gadi ka intzam kiya tha. Mujib Khan ko raat me hi purv suchna mil gayi thi, kal 10.30 baje rishte ki baat karne aa rahe hain. Usne bhi Pandit ji ke prastav ka swagat kiya aur milne ke liye haan kah diya...
Apne samay par dono hi paksh aamne samne baithe. Chay pani ki vyavstha hui. In sab ke uprant Masroof bhai ek paan muh me dalte... "Haan to mujib sahab. Aapne humare ladke Asif ko dekha hai. Ladka doctor hai aur aap ki sab se chhoti beti Aqsa se uske nikaah ka prastav le kar aaye hain"…
Mujib Khan ka bada beta, Sarfaraj... "Asif ko to hum sab jante hain. Hume ladka pasand hai. Lekin ek prastav humara bhi hai. Darasal kayi dino se hum bhi Danish ke liye ladki dekh rahe the aur hume uske liye Jannat behad pasand hai. Jaise wo wahan sab ki laadli hai, yahan bhi hum sab usse beti ki tarah rakhenge. Uske har sukh suvidha ki jimmedari humari hogi."
"Humara uncha khandan hai. Paise ki koi kami nahi. Ladka engineer hai aur iss sal Saudia me job bhi karne ja raha. Humne socha hai iske Saudi jane se pahle ghar me bache dono bacchon ka nikah sath me kar de."
Masroof pandit ji ka muh dekhne laga. Pahle minute me hi ussi baat ki charcha ho gayi jiske bare me sab kayas laga rahe the. Iss matter ka jimma chunki Vyas ne liya tha aur uske liye Som ko bulaya gaya tha. Sabhi ki najar Som par. Som, Nurul ke kaan me kuchh kaha. Nurul ne pandit ji se aur pandit ji Masroof se...
Masroof:- Dekhiye khandan to hum sab ka hai aur yahan sabhi khandani log hi baithe hain. Abhi hum apne bacche Asif ka rishta le kar aaye hain, lekin aap ko agar apne bete Danish ke nikaah ki baat karni hai to hume yakin dilaeye ki wo Saudia me naukri karne ja raha hai...
Mujib Khan ka bada beta Sarfaraj…. "Ye kaisa behuda sawal hai. Hum aap ko har baat ke liye proof de??"..
Sarfaraj bol kar chup ho gaya. Pandit ji Masroof bhai ke kaan me kuchh kahne lage... Masroof pandit ji ko sun'ne ke baad.…
"Dekhiye aap ka bada ladka jo itna gusse me aa raha hai, kal ko humne Jannat ka nikaah karwa diya aur Danish ki naukri nahi lagi to kya Sarfaraj, Danish ke parivar kee poori jimmedari uthayega. Jaise hum Janant ko achhe school aur college me padha rahe hain, kya sarfaraj uske bacchon ko ussi standerd ki siksha de payega. Hume issi baat ka yakin dila de. Ye to jayaj baat hai na"…
Sarfarj, harbadate… "Main kyun uske parivar ki jimmedari uthaun?"…
Iska jawab to Masroof bhai ko pahle se rataya gaya tha bus confirmation ke liye ek baar Som ko usne dekha aur Som se sahmati jata di.…
"Dekhiye main sidhi baat karta hun. Danish se rishte ke liye hum kabhi haan nahi kahenge, kyunki poora samaj janta hai ki humari beti afsar ban'ne ki taiyari kar rahi. Garv se ek na ek baar to aapne bhi, kabhi na kabhi kaha hi hoga ki 10th aur 12th UP topper Jannat aur Nirali humare hi bacchi hai. To ek baar usse kyun na khul kar afsar ban'ne ki kosis karne diya jaye. Sarkari Naukri lene me kitni kathin taiyari karni padti hai ye baat to Mujib sahab hum sab se achha jante honge…"
"Rahi baat Danish ki to isme koi burai nahi hai yadi yahan aap kah dete hain ki humne rishte tay karne ke liye Danish ke naukri ki baat kah di thi. Wo kosis kar raha hai Saudia me naukri kee, shayad ho jaye"…
Mujib:- Nahi aisi koi baat nahi hai. Maine khud 3-4 logon se baat ki hai. Mere khalu ka ladka wahin hai, pichhle 20 sal se. Usne kaha hai ki wo Danish ko apne sath liye jayega...
Masroof:- "Mera to khud ka bhai wahan hai. Mujh se kaha tha Saudia aa ja. Paise puchhe to bola yahan gadiyon ki marammat karni hai, 1000 Saudi Riyal aur kaam dekh kar paise badhayenge..."
"Master sahab (Mujib Khan) pahle ka duar alag tha jab Saudia kaam karne jane wale ki kami thi. Yahan se gaye aur maal chhap liye. Ab to American labour bhi wahan ke tel ke kuyen me kaam karte hain. 1000 Riyal ka guna bhag kar ke dekha, uss waqt 15-16 hazar hota tha. 2 guna salary bhi badh jati, jo ki kuchh salon me muskil tha to bhi 32 se 35 hazar hote. Itne paise ke liye kaun apne ghar parivar aur itni azadi se jine wali jagah ko chhod kar Saudia jaye. Aap bhi shayad issi baat ko soch rahe honge, isliye to Shadia me koi bhi naukri karne Danish ko nahi bheja. Kyun Danish yahi baat hai na?"
Danish chup kya bole. Ladki paksh wale sab ek dusre ka muh dekhne lage. Tabhi unke rishtedaron me se... "Haan to kahna kya chahte ho humara ladka nakara hai?"
Masroof:- Main to ye kah raha hun ki pahle uske kaam ki chinta karo. Bechara settle hua nahi aur aap sab uske nikah par jor diye hain. Som sir aap bataeye kya ye sahi hai..
Som:- Ab ye to aab sab ke aapas ki baat hai. Haan agar Danish ko job ki ikchha ho to abhi biodeta le aaye. Aqsa ki shadi ke sath Danish ki naukri bhi final kar lete hain…
Mujib hasrat bhari najron se dekhte... "Kya ye sambhav hai?"..
Som:- Bilkul sambhav hai. Lekin Saudia ek baar gaya to 5 sal baad lautne ka karar hoga.
Mujib:- Haan hume manjoor hai... Aap usko settle kar do bus. Fir to hum iska nikaah Saudia se lautne ke baad hi tay karenge…
Danish apne pita ko aankh dikhate… "Abba"…
Sarfaraj:- Bich me mat bol... Tu ja biodeta le kar aa. Pahle pet palna sikh fir nikaah ki sochna... Chal ja bio deta le aa..
Danish iss se pahle ki kuchh kahta, Mujib Khan ne kah diya... "Beti ke liye Asif jaisa ladka mila, aur uske sampark se mere bete ko job aur kya chahiye"…
Sarfaraz:- Abba itni jaldi kaise. Hum se to saboot maang liye the aur yahan to sirf baaten hi hui hai...
Som:- Der to aap sab kar rahe hain...
Aqsa ki fufi... "Haan to pahle Danish ki hi naukri ka kaam ho jane do"…
Som ke liye kaun si badi baat thi. Usne portal open kiya kuchh contact kiye aur apni ek team ko Saudia me service ke liye proposal de diya... Udhar se bhi "Ok" ka sandesh aa gaya... Som ek mail forward karte... "Danish ko 3500 Riyal mahine ki naukri mil gayi hai, lekin 3 din baad janaa hoga"…
Mujib:- Iske bahan kee nikaah tak to ruk jane do... Bhai hai wo..
Som:- Hmmm !!! To chaliye shadi ki date hi final karte hain. Aur ussi anusar Danish ka Saudia jana bhi tay kar denge...
Aqsa ki fufi... "Haan to hum Aqsa ka rishta Asif se 10 lakh rupye aur 10 tole sone mehr se tay karte hain"…
Masroof bhai chaunkte huye…. "Aqsa balik hai to wo apna mahr khud tay karegi"..
(Mahr ek prakar ki adaygi hai, jo dulha apni dulhan ko uske bhavishya ke liye deta hai. Nikaah ke waqt hi Mahr ki poori baat tay hoti hai jis par dono paksh ke likhit kararnama hota hai. For more details contact Google)
Fufi:- Balik hai lekin itni badi na hui ki usse in baton ki samjh hogi. Uske haq ki baat main kar rahi hun na..
Masroof:- Ye aapne kaise tay kiya hai. Aap ne ladke ki uchit haisiyat dekhe bina hi aise kaise tay kar sakti hain…
Fufi:- Azi humare yahan to sabhi ladkiyon ke mahr lagbhag itni hi tay hui hai. Kuchh apna bhi rutva hai ki nahi. Fir padhi likhi khubsoorat ladki hai. Kuchh humara bhi takaza hai...
Som, Nurul se... "Ye Mahr kya hota hai"..
Nurul:- Nikaah ke waqt ladki ko tay rashi di jati hai. Iss par kewal ussi ka haq hota hai... Bhavishya ko dhyan me rakhte..
Som:- Ye to achhi baat hai. Fir ye Masroof ji kyon kah rahe ladke ki uchit hasiyat na dekhi...
Nurul:- Aree ye len den ki baat aise hi hoti hai. Ye jaan bujh kar itna demand kar rahi hai, taki nikaah ke baad rukhsati me natak kare aur Asif se kayi tarah ke anubandh karwa sake. Mujhe to lagta hai iski fufi ye rishta hi nahi hone dena chahti…
Som:- Koi nahi, khinchatani mat karo.. Ladki ko hi denge na... Haan kah do...
Nurul:- Sab likhit kararnama banega aur Nikaah ke waqt sab pay karna hoga. Waise mohlat bhi le sakte hai..
Som:- Haan kaho, baki samjh lenge...
Fir se kaana fusi shuru ho gayi. Masroof ne ek baar sab ka chehra dekha… "Hmmm ! Thik hai hume 10 lakh rupya aur 10 tola sona mahr manjoor hai. Lekin humare barati ke swagat me koi kami nahi honi chahiye. Nikaah "Jashn Garden" se hogi aur sham ki davat bhi wahin. Aur apne beti damad ko dene ke liye kuchh to socha hoga"..
Fufi:- Hum to ladki wale hain kuchh humari bhi haisiyat dekho. Jshn garden me nikaah aur sham ki davat arrange karna hi bahut hai. Iss se aage hum kahan se karenge. Bus 50 baraati le aaeyega. Hum swagat me koi kami nahi chhodenge...
Masroof:- Abhi mahr ke waqt to unche khandan me rishte ki baat kar rahi thi. Ladke ki maang aayi to garib ho gaye. Aur 50 barati kis hisab se kah rahi… 300 to iske tea party gange hai. 50 to rishtedar ho jayenge. Fir college ke dost, poora mohalla samaj.. kam se kam 500 barati honge aur abhi tak to ye bataya hi nahi ki ladki aur ladke ko nikaah me kya dene wale ho. Humne mahr par to koi mol bhav nahi kiya…
<---------------{ }------------>
Ishq ki mauj mein aa
Aaja behne ke liye
Tu zaroori, zaroori sa hai
Mujhko zinda rehne ke liye
<---------------{ }------------>
Sbse pahle to jindgi ke naye safar ki bahut bahut badhai nain bhai(apna original name pm kar diyo taki sahi nam leke wish kar pau
) ......meri dua h aapki jindgi me romance aur judaw bilkul aapki kahaniyo ke lead kirdaro ki tarah ho ....ab apni kismat me to ye sb likha nhi h to bs dua de sakte h aapko............
rahi baat review ki to lag rha ye som ka character bhi kuch kuch apasyu jaisa ban jayega last me ...shadi fix karwa hi dega ab to ye aqsa ki ....sia bechari jane anjane me apne dil ki baat kah hi di apni maa se ...ab maa h to samjh to jayegi hi but action kb legi is baat pe wo dekhte h ....
Aur haa nain bhai hone wali bhabhi ji ko pranam bol dijiyega hamara
) ......meri dua h aapki jindgi me romance aur judaw bilkul aapki kahaniyo ke lead kirdaro ki tarah ho ....ab apni kismat me to ye sb likha nhi h to bs dua de sakte h aapko............rahi baat review ki to lag rha ye som ka character bhi kuch kuch apasyu jaisa ban jayega last me ...shadi fix karwa hi dega ab to ye aqsa ki ....sia bechari jane anjane me apne dil ki baat kah hi di apni maa se ...ab maa h to samjh to jayegi hi but action kb legi is baat pe wo dekhte h ....
Aur haa nain bhai hone wali bhabhi ji ko pranam bol dijiyega hamara
- 23,655
- 80,785
- 259
Update:-68
Fufi:- 500 barati !!! … Poora Lucknow me ko nyota de rahe ho kya? 500 barati bhi hote hain kya? Bahut jyada hoga to hum 70 barati ka swagat kar payenge, uss se jyada baraatiyon ki jimmedari aap ki apni hogi.
Pandit ji:- Ye aise demand sar dard kar dete hain. Ab koi kuchh nahi bolega. Hum bacchon ko siksha dete hain, dahej ek samajik aur kanooni apradh hai aur yahan apne hi bacche ki shadi me. Mujib bhaiya aap kuchh nahi bolenge..
Mujib:- Pandit ji sahi kah rahe hai. Darwaje par aane wale sbhi humare guest hai, isliye hum apne sabhi guest ka swagat karenge... ..
Pandit ji:- Nahi aisa nahi hai ki wo kewal aapke guset hain. Hum jinhe bulayenge wo humare bhi guest honge, isliye wahan ka jitna kharch hoga usse hum aadha baant lenge. Haan lekin shadi Jashn garden se hi hogi.. wahan caterer aur management par poora kaam ka jimma rahega aur hum apne bacchon ki shadi enjoy karenge.. kyon thik kaha na maine...
Mujib:- Bilkul sahi.. waise ladke ko koi car pasand ho to puchh lijiyega pandit ji. Meri beti-damad car me ghume ye meri ikchha hai...
Sarfaraj:- Naye ghar ke uske poore gristhi ka saman hum bhaiyon ke jimme... Aur ye hum apni khushi se denge... Aakhri bahan hai, humara samaj bhi to dekhega hum apni beti ko kaise rukhsati dete hain.
Mujib:- Aap logon ki koi special demand...
Nurul:- Dekhiye humare yahan ki advance aurten hain. Wo poora samaroh enjoy karengi. Aapas me naach gana hoga. Hume wahan koi updrav nahi chahiye…
Mujib:- Iss baat ka khas khyal to Riaz aur Vyas dekh lenge. Ye kaam ladka aur ladki paksh walon ke ore se wahi kar dega.. aur kuchh.
Nurul:- Haan DJ shandar honi chahiye aur baratiyo ka swagat panparag se hona chahiye...
Nurul ki baat par sabhi hansne lage. Likhit kararnama par hastakshar huye. Ek dusre se gale mile. Anth me ek baar ladki ko bhi bulaya gaya. Pandit ji khud apne hathon se sagun dena chahte the, jiske liye kal raat hi unhone Masroof ko bol diya tha.
Chhota sa tohfa apni bahu ke liye. Ek sone ki chain aur kaan ka jhumka... Aqsa bechari Sharma kar wahan se nikli. Aankhon me halki nami thi chehre par utne hi khushi ke bhav aur sidha call Jannat ko laga di...
Jaise hi uska call aaya, iss baar Alka Mishra call pick karti.… "Khush hai na meri Bahu"... Alka Mishra ki awaj sun kar hi Aqsa bechari itna sharmayi ki aage kuchh bol nahi payi. Alka hansti hui phone un dono ko wapas kar di.
Jannat aur Nirali, Aqsa ko chhedti... "Kyon bhabhijaan mann me laddu futa"..
Aqsa:- Niraliiiii.. Jannatttt...
Jannat:- Aay haay itne minnat bhare sur..
Nirali:- Aaj sham taiyar rahna mera bhai aaj tumhare ghar ke samne gadi laga kar poore haq se le kar aayega. Ab tumhe Jannat aur Nirali ki jaroorat nahi...
Aqsa:- Lekin main kaise sab ke samne se..
Jannat:- Tu bus taiyar rahna... Jaise hi wo log college se lautenge, sab ho jayega. Aur haan aaj poori tarah se taiyar ho kar rahna...
Ek bada sa group, jaisa ki Vyas ka sapna tha. Ek Neerav ki kami thi warna 7 logon ka group hota. Aaj kal inki classmate Mahira bhi jyadatar unhi ke sath dikhti thi....
Aaj to point of attraction Asif hi tha. Canteen me sab usse hi ghere baithe the aur sarv sahmati se ek chhoti si demand rakhne ke baad sabhi Asif ko ghur rahe the... Aur demand yah thi ki Asif ko ab poore haq se Asqa ko uske ghar se party ke liye bulana tha...
"Aree yaar... Sab gher kar aise ghuroge to main ja raha hun"…
Riaz:- Teri shadi tay ho gayi hai na... Fattu...
Vyas:- Areee yaar shadi tay hui hai, shadi nahi hui... Thoda muskil hoga... Main Jannat aur Nirali ko bol dunga, Aqsa ko wo le aayegi…
Sia:- Ek baar kahne me kya harj hai. Usse puchhne to do. Yadi Aqsa ke ghar wale Asif ke sath aane ki permission nahi dete fir Nirali aur Jannat ko bhej dena..
Vyas:- Tum nahi samjhti ho. Asif ko manaa karne ke baad thode na Aqsa ko Jannat ke sath bahar jane denge...
Riaz:- Yadi aisa hua to hum sab ussi ke ghar me party karenge…
Aisf:- Aqsa ki fufi bhi hogi udhar...
Riaz:- Kaun wo sitapur wali fufi..
Vyas aur Asif hanste huye... "Haan wahi hai"….
Fufi ek baar Riaz ko bhar pet gaali de chuki thi. Uska jikr aate hi... "Wo budhiya mari na ab tak… dharti ki bojh"..
Meera:- Aise haan naa hota rahega to kaise kaam chalega. Ek kaam kyun nahi karte Nirali ko call laga kar puchh hi kyun nahi lete. Usse hum sab se jyada idea hoga…
Sia:- Haan ye jyada sahi hai.
Asif:- Haan mujhe bhi yahi sahi lag raha hai...
Call laga.. Ring hua... Aur iss baar bhi Nirali ya Jannat se pahle Alka Shashtri line par thi… "Hello"…
Asif:- Chachi pranam…
Alka:- Tu khush hai na...
Asif:- Dukhi kab tha. Maine to sukh hi dekhe hai chachi. Meri ammi khush thi na...
Alka:- Behad... Aur dil se... Chal tu ghar aa.. aur meri Bahu ko bhi lete aana.. tum dono ko ek baar sath dekhna chahti hun..
Asif:- Shadi se pahle sasural aayegi...
Alka:- Wo bachpan se aate rahi hai... Achha tera bhi kahna waise sahi hai... Koi nahi aaj jab tu party karne nikalna na tab ek baar ghar se samne se ho kar jana…
Asif, Speaker par hath rakhte... "Abe parcha kisne leak kiya... Chachi ko kaise pata ki hum party karenge"…
Vyas:- React karna band kar aur baat kar na, khud samjh jayega baat leak hui ya udhar bhi aaj party ka plan ho raha hi..
Asif, Alka se... "Chachi ye party"..
Alka:- Haan party... Tu yahan aa Jannat aur Nirali kah rahi hai wo samne baith kar baat karegi…
Asif:- Haan lekin abhi Vyas kuchh puchh raha hai.. bus uss par ek baar baat kar lete hain..
Alka:- Haan speaker on hai dono sun rahi...
Vyas, Asif ka muh dekhe aur Asif Vyas ka. Ab Alka Shashtri wahan maujood thi dono ki himmat hi jawab de gayi...
Meera:- Aunty namaste...
Alka:- Namaste beta...
Meera:- Aunty hum sab Asif se kah rahe hain Aqsa ke ghar ja kar sab ki izajat se usse bahar le kar jaye aur Asif aur Vyas ka kahna hai nahi Nirali aur Jannat ko bhej kar Aqsa ko bula lenge... Bus issi bare me puchhna tha...
Alka:- Isme puchhne jaisa kya hai... Nirali aur Jannat bhi to abhi Aqsa se yahi ka rahi thi aaj mera bhai ki bike tumhare ghar ke samne lagegi aur wo sab ke bich se tumhe ghumane le jayega...
Meera:- Haan lekin kaise aunty... Kahin unke gardian ne mana kar diya to..
Alka:- Manaa kyun karenge. Kaun sa wo pahli baar le kar ghumne niklega... Poora maholla hi dono ke bare me janta hai. Fir bhi yadi aisa lagta hai ki Asqa ke gardian manaa kar denge to Asif ko kahna wahan kah dega Asqa ke sath dargaah jana hai ammi ne mannat maangi thi...
Alka ki baat sun kar Jannat aur Nirali kuchh boli to nahi lekin Alka ka chehra jaroor dekh rahi thi. Yahan ye log bhi Alka Shashtri ki waah-waahi karne lage...
Sab tay hone ke baad sabhi college se nikal gaye. Laut'te waqt Vyas ne Sia ko message me saaf aur sunder shabdon me likh diya... "Kal ki ek poori mulakaat adhuri thi Sia… kuchh waqt mere liye bhi le kar aana"…
Sia uske sandesh ko dekh kar muskuraye bina nahi rah saki. Lahrati apne bike se dhuwan uddati geet gungunati wo chal padi... Khush thi Sia, wakai khush thi..
Sham ka waqt tha. Dharkate dilon ki umange tarange bikher rahi thi. Kisi ka pyar parvaan chadh raha tha, to koi apne manjil ke karib pahunch raha tha. Asif ki bike aaj thik waise hi Asqa ke ghar ke samne ruki, jaisa sabhi doston aur parivar ke logon ne sikhaya.
Bilkul sidhi chaal, thodi ghabrahat ander lekin bahar se utna hi confident. Asif ko dekh kar Aqsa ke ghar ke sabhi sadasya jahan mand-mand muskura rahe the, wahin ek shaks tha jo Asif ko dekh kar apni aankhen chadha raha tha.
Har baar ki tarah Aqsa apne kamre ki jalidar khidki se niche dekh rahi thi. Fark sirf itna tha ki aaj pahli baar sadak par dekhne ke bajay niche apne aangan me dekh rahi thi.
Asif bich aangan me khada hokar ek najar upar apne janeman par maara. Dono ki najren takrayi aur khila se chehre par mukaan tairne lagi. Inhi sab ke bich Asif ne himmat juta kar aakhir kaar dileri se Aqsa ko bahar le jane ki baat kar hi liya... Thodi bahut baat-chit aur Asqa sharmati hui, sab ke bich se Asif ke sath nikli.
Ek chhota sa utsav, kuch logon ke bich ayojit kiya gaya tha. Asif aur Aqsa ke ek hone ki khushi me party rakhi gayi thi. Chhote se hall me kuchh logon ke bich Asif aur Aqsa khade the. Dono ke khile chehre unki khusiyan bayan kar rahi thi aur najren apne sabhi mitron ka abhivadan kar rahi thi.
Naron ke khel bhi kitne pyare hote hain. Nigahen kahin aur hoti hai aur ghayal koi aur ho jata hai. Sia aur Meera dono sath khadi thi. Vyas, Asif ke thik pichhe khada tha. Vyas ki najren baiman, rah-rah kar Sia par hi tik jati.
Tike bhi kyon na. Laal rang ke bharkile gown me jab Sia halke make up aur chhote bade jwellery me saj kar nikli thi, kayamat dha rahi thi. Jise dikhane ke liye Sia aaj saj kar aayi, usse (Vyas) apne ore chor najron se dekhta mehsus kar wo ander hi ander mand-mand muskura rahi thi.
Sia ki najren floor ko dekh rahi thi lekin ehsaas khubsoorat sa tha, "Vyas usse dekh raha hai". Issi bich kuchh gahma gahmi si uss mahol me hone lagi. Har koi kuchh na kuchh bole ja raha tha. Shayad koi pahunchi thi aur har koi ussi me engaged ho gaya...
Sia bhi apni najar uthayi, lekin uski najren Vyas se ja takrayi. Naino ke taar ulajte chale gaye. Vyas ke chehre par khushi ke sath kuchh minnaten bhi thi. Kuchh pal akele me bitane ki gujarish isharon me chal rahi thi.
Sia hansti hui Vyas ko dekhi aur aankh maarti hui uske pass se gujarti, ek baar pichhe palat kar dekhi aur uss hall se bahar chali gayi...
Uffff ye adaa, Vyas ghayal dil liye wahin kuchh der khada rah gaya. Party me chal raha mahol jaise poora khamosh ho gaya ho. Sia khushboo bikherti iss adaa se gujri ki Vyas ke hosh gum se ho gaye. Hosh jaise bekabu se the.
Sia bhi utni hi pyar ke madhoshi me gum, aankhon me Vyas ki shoorat basaye pool side me ja kar ek bench par baith gayi...
"Hahahahaha... Tum bahut pyari ho"…. 30 second ka pause.… "Uffff teri ye adaa, koi kaise na ho jaye fida"… fir se ek chhota sa pause.…
Sia jahan baithi thi thik pass me hi majnu Riaz miyan baithe the. Kaan me chhota sa earpod lagaye, chehre par 440 volt ka cahamak liye... Aur khul kar apni nayi girlfriend se batiya rahe the...
Kabhi hath bench par patak rahe the to kabhi bekhayali me Sia ke gaal ko pakad kar khinch rahe the. Sia uske pagalpan ko dekh kar muh par hath rakh kar hans rahi thi aur Riaz bilkul sudh-budh khoye, bench par hath patakte to kabhi Sia ke gaal ko khinchte baaten jari kiye huye tha.…
Sia uski harkat par bus hanse ja rahi thi. Tabhi wahan se ek waiter gujar raha tha. Sia isharon me usse apne pass bulayi aur tray me rakha pani ke jug ko utha kar sidha Riaz ke sar par.…
Riaz apne dhun me tha jaise hi pani uske sar par faila hardbada'kar bench se uth kar khada ho gaya. Sia ki harkat par gusse me wo ghurti aankhon se Sia ko dekhte … "Siaaaaaaaaa"
Sia bhi usse ghurti, gaal ke niche ek dhima chapet lagati.… "Call disconnect karo"…
"Pagal pani kyun daal di sar par?"… Riaz apna phone band karte puchhne laga...
Sia:- Harkaten dekhi thi apni... Kabhi bench par hath patak rahe the to kabhi mera gaal khinch rahe the...
Riaz:- Jhuthi ho tum... Main to kewal baat kar raha tha... Irshyalu... Aaj itni saj-dhaj kar katrina kaif ban kar aayi aur maine tumhe nahi dekha iss baat ka dil me chhed lag gaya...
Sia apni badi si aankhen kiye... Hathon se apna muh dhakti... "Kya kaha?"
Riaz:- Jalkukri... Tumhe bardast nahi hua ki main tumhe kyun nahi dekh raha...
Sia, apna sar pit'ti... "Devadas kahin ka... Phone laga lo... Tumhari hur intzar me hogi..."
Sia uth kar wahan se kuchh dur aage gayi aur dur hall ke darwaje par najar dale khari ho gayi.… "Huhhhh !!! Abhi isharon me bula raha tha. Ab intzar kar rahi hun to ander phans gaya"…
Sia thodi chidhi si thi. Vyas ki raah takte huye usse lagbhag aadhe gante ho gaye... Mayus najaren uski ab bhi uss hall ke darwaje par hi thi... Aur kano me Riaz ka tej hansna aur chilla kar baat karne ki awaz aa rahi thi...
"Ek ye hai, jo sudh-budh khoya hai. Ek mera Vyas hai.… Intzar me hun fir bhi nahi aaya"…. Sia mayus ho kar kadam hall ke ore badha dee... "Lagta hai sabke bich phansa hoga, shayad isliye nahi nikal paya"…
Sia khud ko hi tasalli deti hall ke ander pahunchi. Jaise hi Sia ander pahunchi. Jannat, Nirali aur Asqa sab usse gher kar khadi ho gayi aur gayab hone ka karan puchhne lagi...
Sia fiki si muskaan deti washroom ka bahana banayi. Uski najren Vyas ko dekh rahi thi jo iss waqt apne doston ke bich khada kisi ladki se baat kar raha tha... "Kya hua kahan kho gayi"…. Nirali tokti hui puchhi...
"Aaj in tikri me Riaz kahan gayab ho gaya wahi soch rahi thi" …. Nirali ki baat ka Sia jawab deti wahan se Asif aur Vyas ke pass pahunch gayi...
Sia:- Congratulations Asif, aaj se sir kuch jyada hi vyast ho jayenge...
Sia kah to Asif ko rahi thi lekin tirchhi najren Vyas par hi thi. Itne me hi kisi ke shocking reaction bhi aane shuru ho gaye.… "Oh my God, Miss Sia Malhotra"..
Sia, Awaz ke ore dhyan deti... "Miss Huma Imam... Kya baat hai. Main to bilkul surprise ho gayi"…. Sia ab bhi baat karti hui Vyas ko hi dekh rahi thi...
Huma:- Shayad ek party ki jaroorat mujhe bhi thi isliye Nirali ne mujhe invite kiya. Ab wo bula lee to aana hi para...
Sia, Huma ke kandhe par hath rakhti... "Bure daur se gujar rahi ho na..."
Huma:- Oh come on Sia... Hum dono iss baat ko jante hain ki aaj na kal mujhe ye face karna hi tha... Khair... Inse milo ye ek waqt ka mera fake boyfriend tha... Vyas Shashtri… kya kahti ho isse lock kar dun"…
Sia, kuch bolti uss se pahle hi Vyas, Huma ke kamar me hath dal kar usse khud se thoda chipkate.… "Haan main bhi lock hone ko taiyar hun Huma… Bus itna charitr rakhna ki ek waqt me ek hi boyfriend ho... Pahle break up karna fir kisi ko jaal me fasana"…
Vyas apni baatne hanskar hi kah raha tha lekin uski najar Sia ko kuchh pal aise dekhi, jaise wo sari baten Sia ko hi suna raha ho. Asif aur bakiyon ko to Huma aur tikri ka kissa pata tha isliye sab ko laga Vyas, Huma ko chhed raha hai…
Lekin Vyas to Sia ko dekh kar usse ignore karte, uss par aise tanj kasa ki Sia ke liye wahan rukna mushkil sa ho gaya... Ander se kafi jyada hatash ho kar wah party ko bich me hi chhod kar wahan se nikal aayi. Usse yakin kar pana muskil ho raha tha ki Vyas ne uske liye aise shabd kahe the.... Sia jaise hi hall ke bahar aayi uske aanshu chhalak aaye. Dil me gahri chubhan si thi aur poori tarah se mann vichlit.……
<---------------{ }------------>
Ishq ki mauj mein aa
Aaja behne ke liye
Tu zaroori, zaroori sa hai
Mujhko zinda rehne ke liye
<---------------{ }------------>
- 23,655
- 80,785
- 259
Hahahaha .... Thankoooo soooo much Indrajeet bhai... Kyas aap isliye laga rahe hain kyonki aap similarities dhundh rahe hain... But Som ... Som hai... Aur wo Som hi rahne wala hai... Baki ek jaise gambhir kirdar agar ek hi writer likhe to kuchh kuchh clash hona lazmi haiSbse pahle to jindgi ke naye safar ki bahut bahut badhai nain bhai(apna original name pm kar diyo taki sahi nam leke wish kar pau
rahi baat review ki to lag rha ye som ka character bhi kuch kuch apasyu jaisa ban jayega last me ...shadi fix karwa hi dega ab to ye aqsa ki ....sia bechari jane anjane me apne dil ki baat kah hi di apni maa se ...ab maa h to samjh to jayegi hi but action kb legi is baat pe wo dekhte h ....
Aur haa nain bhai hone wali bhabhi ji ko pranam bol dijiyega hamara
.... Baki thanks once again... Aap ka pranaam mil jayega
- 23,655
- 80,785
- 259
Thankooo sooo much bhaiNicebhai
- 23,655
- 80,785
- 259
Ji Friday ko bahut kuchh dhamaal hai.m. sare dhamal padh kar jaroor revoo post karen
- 23,655
- 80,785
- 259
- 23,655
- 80,785
- 259
Ji sahi suna haiWese suna h ap ka ghanta bj gia
- 23,655
- 80,785
- 259
Thankooooo sooo much
point to be noted
Ji Bilkul... ab se bilkul feel free hoke Revo post karungi.... hi ha ha ha ha
Maine kabhi kahan roka hai... Aap feel free jo kar revoo den main feel free ho kar counter karunga... Lekin lekin lekin jab mere counter parte hain tab aap feel free nahi sochti samasya wahan aa jati hai...
Fir agle 6 update tak aap ka feel free aap ko poke karta hai ki kewal likh do... Awesome writing skill wala jumla.... Mujhe koi apatti nahi ji... Na kabhi thi aur na kabhi hogi...
Naina
Nain11ster creation... a monter in me
- 31,619
- 92,359
- 304
Kya nain11ster sahab ne Shaadi kar li... are ye to latest news hai... ruko abhi ke abhi pure xforum ko batake aati hoonSbse pahle to jindgi ke naye safar ki bahut bahut badhai nain bhai(apna original name pm kar diyo taki sahi nam leke wish kar pau
rahi baat review ki to lag rha ye som ka character bhi kuch kuch apasyu jaisa ban jayega last me ...shadi fix karwa hi dega ab to ye aqsa ki ....sia bechari jane anjane me apne dil ki baat kah hi di apni maa se ...ab maa h to samjh to jayegi hi but action kb legi is baat pe wo dekhte h ....
Aur haa nain bhai hone wali bhabhi ji ko pranam bol dijiyega hamara
..... 
....
Last edited: