Romance >>> Too Young !! Too Old (Completed) <<<

[nain11ster]

-----: Bulletin Board :-----

​

Update 88 (A & B) is posted on 537.. Must give your valuable feedback...

End Of The Chepter:-1 is posted on 542...

​

 

[Kingfisher]

Sorry guys off topic par bat Karne ke liye

 

[Naina]

Naina sharamaye jo,
ya anake bar aaye jo
Tham ke ruk jaaye dono jahaan

Ye to achha hai na... story ko suru karne se Naina naam liya writer sahab ne
taaki kirdaar safe rahe

 

[mashish]

Update:-61​

Call disconnect hote hi Som "Diksha..." bola hi tha tabhi Diksha usse hath dikhati... "Wahan Sia hai aur tu lautne kahega to lautungi kya? Main aur Sia wahan se sath aayenge samjha. Call laga kar bol wahan se sab ko le kar abhi nikle"..


Som call lagata uss se pahle hi phone dekh kar... "Oh no... Sia ka emergency msg hai. Ruk sun'ne de, wahan kya ho raha hai"…


Diksha car bhagayi aur idhar Som phone par kaan lagaye, wahan ki baat sun raha tha. Udhar se aati awaj sun kar Som ne Sia ko relax ka ek return message bheja, aur DiSi ke bache 10 tranier ko bhi wahin bula liya...


Kuchh waqt purv..


Sia darvaje se bahar nikli. Dar aur milne ki utsah dono hi ek sath paida ho rahi thi. Zindgi me aisi manodasha kabhi nahi hui. Sia ke ander pahli baar ye mehsus ho raha tha.... "koi jaan gaya to". Fir achanak hi Vyas ka hansta chehra samne aa jata aur Sia apne dar ko dil me dabaye kadam aage badha leti...


Kuchh dur aage sadak ka mod tha aur wahin apna Vyas, Meera ki scooty liye intzar kar raha tha. Sia jhatak kar apne kadam badhayi. Jis waqt wo scooty par baith rahi thi, ghabrahat se uski dharkane badhi hui thi. Paun kaanp rahe the... Sia fatfat baith'ti... "Sweeto baat baad me kar lena pahle gadi bhagao. Mujhe bahut ghabrahat ho rahi hai."


Vyas scooty ko mod kar pichhe se nikalte... "Tumhe aur ghabrahat... Kisi ne pareshan kiya kya?".


Sia, thoda chidhti... "Sweeto kaisa sawal hai. Main ghar se aa rahi hun. Dar lag raha tha kisi ne dekh liya to"…


Vyas:- Don't fear when Vyas is here...


Sia:- Sweeto, waise to mera bhai dur-dur tak bilkul shant rahta hai lekin uski maa ek baar bhadki na to bhagwan bachaye tumhe. Chalo jaldi...


Vyas:- Chill Sia ghar se dur nikal aaye hain...


Sia:- Are inka koi thik hai kabhi bhi kahin bhi pahunch sakte hain...


Vyas:- Bus shant baba... Kyun ghabra rahi ho... Lo aa gaye, safe & secure place…


Sia najar utha kar jagah ka poora muaayna karti… "Ye construction site safe aur secure kaise ho gaya"…


Vyas:- Kyunki yahan Pandit Vyas Prasad Shashtri hai aur uske hone se hi ye jagah safe ho gayi... Chale meri sweety...


Vyas ki baat sun kar Sia ko hansi aa gayi, kyunki iss site ki safety aur security ke bare me Sia bhi janti thi. Sia kuchh nahi boli bus Vyas ko khush dekh kar wo bhi khushi khushi uske sath chal di.


Dono construction site ke makan ke niche the. Jamin se 4 fit uncha floor tha, dono kinare niche paun latka kar baithe. Sia, Vyas ke kandhe par apna sar dal kar apni ghabrahat ko kam karne ki kosis kar rahi thi...


"Ab sath aaye hain to itni khamosh kyun ho?"… Vyas dhime se apne hath badha'kar Sia ke hath thamte huye puchhne laga...


"Soch rahi hun ki aakhir Vyas sir mujhe iss Viran se counstruction site par kyun le kar aaye hain. Maine socha kisi garden me chalenge"…


"Jagah ko chhodo aur meri suno na please"… Vyas, Sia ke gal par apna hath firate kahne laga...

Sia, Vyas ko dekh kar hansti hui... "Achha ji matlab mujhe idhar udhar haath lagaana hai isliye iss khandhar si jagah me le kar aaye"…


"Siaaaaaaa"….. "Vyassss"


"Off o... Tum mere dil ka haal kyun nahi samjh rahi"…


"Kyun samjhun dil ka haal. Uss raat apne dil ka haal bata gayi ussi ka fayda uthaya ja raha hai Shashtri ji, warna apna haal-e-dil, dil me dabaye canteen me pade rahte. Mujhe ghar se yun bahar nikalne me ajib sa dar lag raha hai. Tum mera haal-e-dil kyun nahi samjhte"..


"Tumhe bhi ghar se dar lagta hai".. Vyas mazakiya andaz me hanste huye kaha..



"Vyas mujhe chhedna band karo. Sach me mujhe bahut ghabrahat ho rahi hai"… Sia nakiyate hui kahne lagi...

"Tumhe pata hai Neerav aaj apni gf se milne Delhi gaya hai. Budhwar ko lautega. Khuchh sikho apne junior se"..

"Achha kya sikhna hai apne junior se mujhe Sweeto"…

"Neerav apni lover se milne kal gaya aur Wednesday ko lautega. Poore tin din uske sath"…

"Tum bhi humare bare me sab ko bata do fir mujhe bhi koi aapatti nahi hogi"…

"Haan to thik hai aaj hi bade bhaiya ko bata deta hun"…

Sia, Vyas ko ghurti... "Khabardar jo abhi kisi ko bataye to"…


Vyas, Sia ke mathe ko apne kandhe se wapas lagaate... "Chaunkna bhi ho to kandhe par lete-lete chaunko na. Waise meri sasu maa kamal ki hai... Maa bata rahi thi ki pahle minute me hi meri saas ne tumhari saas se humare rishte ki baat kar lee"…


Sia vays ke baanh ko apne dono hath se jakar kar sar ko sine se tikaye, sukoon ki shwans khinchti... "Sir main wahin par thi aur mujhe bata rahe ho. Meri saas ne to kah bhi diya ladki pasand hai"..


"Haan aur wo seriously kah rahi thi bhale uss waqt mahol hansi mazak ka tha. Maa mujhe akele me le ja kar kahti hai, Sia ko dekh kar to mere dil me jalan hone lagi ki wo sirf teri dost kyun hai. Mera to mann kar raha hai tere papa ko abhi bhej dun"…


"Abhi mujhe upar-upar dekhi hai na isliye. Poora janti to kahti beta pahle bantwara kar le fir shadi karna"…


"Pagal kahin ki... Janti ho tumne jab mera phone nahi uthaya tha kitni taklif hui thi"…


Sia, Vyas ko khud me bhinchti... "Band karo baat. Aise shant mahol achha lagta hai"…


"Hammm !!!" Ki ek dhwani nikli. Vyas, Sia ke gaal par hath ferne laga. Sia apne chehre par hath ke iss madhur sparsh ko mehsus karti dhire dhire apni aankhen band kar li. Dono ki shawns gahri aur dube se khyalat the.


Dur se motercycle ki aa rahi aawaj dhire-dhire pass aane lagi. Bilkul boundry ke bahar se aa rahi motercycle ki aawaj se Sia ka dhyan toota. Sia sidhi hoti... "So gaye kya Vyas"..


"Tum uthi kyun… aa jao sine se apna sar tika kar apne baju lapet lo"…


"Bahar koi aaya hai... Ye kiski jagah par le aaye"…


"Kisi bewakoof malik ki khubsoorat si jagah hai. Shandar location ki jamin aur shandar figure wali ladki ko kabhi khule me nahi rakhna chahiye. Bhediye loot lete hain"…


Vyas, poore flow me bol gaya. Sia ka ho gaya para high... "Matlab khubsoorat ladki dekho aur loot lo. Koi jagah pasand aa gayi to uss par kabja kar lo. Aam insan ke sampatti bich sahar me ho hi nahi. Kisi aam insan ke yahan khusurat ladki paida ho to uska gala hi ghont do"…


Vyas khud ko hi 4 galiyan dete… "Sala ye mavaliyon ki kahawat mere juban par kaise aa gayi. Itna ganda matlab tha kya... Flow maintain ke chakkar me ye kya bol gaya"


Sia gusse me ab tak Vyas se 4 fit ki duri bana chuki thi. Vyas apne baton par vichar kar raha tha aur Sia boundry ke ander aate couple ko hairani se dekh rahi thi. Dono ek dusre me khoye aur ek dusre ke kamar me hath dale chale aa rahe the.


"Haan issi ki kami thi. Ab ye tumhe dekh kar hansega aur bhadda sa ishara karte puchh lega... "Ladki pat gayi kya"... Uss se bhi nahi hoga to indirect tanj karega. Main kyun bhul gayi ki aaj to Pandit Vyas Prasad Shashtri mujhe 50 ladkon ke bich chum kar usse jalayega... Kahega dekho meri girlfriend."…


"Sorry... Sorry... Sorry... Shant ho jao gadadhari bhim"…


"Main tumhe bhim dikh rahi hun kya Shashtri"…


Sia itni tej chillayi ki boundry se ander aa rahe Asif aur Aqsa dono chaunk kar alag ho gaye. Vyas khud ka muh chhipa kar pichhe mudte... "Shant ho jao Sia please"…


Aqsa ki najar jaise hi samne ke ore gayi, ek ladka pith uski ore kiya tha. Piller ke side me ek ladki khadi thi magar kinare se khadi hone ke karan dikh nahi rahi thi.… "Asif ye kaisi jagah le aaye... Yahan kisi ne pahchan liya to alag hi matlab nikalenge"…


Asif:- Areee tum darti kyun ho, kuchh bhi baat hui to turant hi tumhara ye aashiq.. kabul hai, kabul hai, kabul hai karta hua tumhe apni begum bana lega… Ab bilkul nahi darna hai. Waise chalo yahan se chalte hain. Lagta hai kuchh premiyon ne pahle se ye jagah book kar lee hai"…


Bechara Asif... Ab Vyas pichhe muda rahe, ya chadar odh kar chalte rahe. Itna lamba sath tha ki bhala pahchane nahi. Usse lag gaya ki wo Vyas hai, isliye Aqsa ko wahan se wapas le jana chah raha tha. Haan lekin ye bhi Vyas ki tarah flow maintain karne ke chakkar me fansa...


Aqsa, Asif ka hath chhod kar uske samne khadi hoti.... "Aur tumhe aisa kyun lagta hai ki ye jagah pahle se book hai. Tumhe itna confidence kaise ki ye jagah khali milegi... Kiske sath aate rahte ho jo iss jagah ka itna gyan hai tumhe Asif"…

Aqsa ki baat sun kar Asif ka dimag thanka. Kabhi bechara Asif, Aqsa ko dekhe to kabhi pichhe mude Vyas ko. Bole to kya bole, chup-chap khada ho gaya...


"Aise chup chap kyon khade ho... Jawab kyun nahi dete?"… Aqsa bhi poore jor se chillayi... Iss baar Aqsa ki aawaj sun kar Vyas chaunk gaya... Aur ussi waqt boundry se ander aate shaks ko dekh kar, Sia khud ko piller ke pichhe chhipati... "Vyas pitaji…" … Sia ki awaz sunai to nahi dee lekin pichhe mud kar dekh jaroor liya, kya pata Aqsa, Asif ko thappad maar rahi ho…

Bach gaya usse bhagte koi nahi dekha kyunki wahan to kuchh aur hi chal raha tha.... "Tum kaun ho ladke, kyun pareshan kar rahe ho iss ladki ko"… Maaniya shree Kapendra Mishra ji, Makhan Lal ke sath pahunch chuke the jinhe ek ladki ki tej awaz sunai de gayi thi. Iss se pahle ki Asif kuchh jawab de pata, netaji Asif ko pahchante... "Asif ye sab kya hai. Ye ladki kaun hai aur tum par aise chilla kyun rahi thi"…


Pahchan ka koi nikla. Aqsa ki ho gayi haalat kharab aur hakka bakka sa Asif, ghabraya sa.… "Wo ye netaji...'


Kapendra:- Tum "ye wo" kya laga rakhe ho. Beti ye tumhare sath koi jabardasti to nahi kar raha tha.


"Nahi nahi chacha ji dantiye mat..." Aqsa bus itna hi kah payi aur najren jamin ko takne lagi..


Makhan laal hanste huye... "Bhaiji apna hi baccha hai Asif... Lagta hai ab ladke ki shadi jaldi karwani hogi. Suno Asif tum isse le kar yahan jao...


Kapendra:- Beti tum dono ek dusre ko chahte ho kya?…


Kapendra ki baat sun kar Aqsa kuchh nahi boli..… "Kitne dino se ye sab chal raha hai"… Aqsa ko khamosh dekh kar Kapendra Mishra ek aur sawal kar diye...


"Sala khadus pichhe hi pad gaya hai... Itni detail me kaahe usse ghusna hai"…. Asif mann me khisyate aur bahar se muskurate… "Uncle ji hum jayen, bechari thodi dar gayi hai"..


Makhan Lal:- Asif tumse kuchh puchh rahe hain bhaiji...


Asif apne dono haath jodte... "Aap dono ko pata hai kitna muskil hota hai aaj ke samay me pyar karna. 3-4 sal se ek dusre ko chahte hain, lekin kabhi khul kar mil nahi sake. Pahle din raat ghis kar ladki patao. Fir uska haath maangne se pahle khud ko kabil banao. Lekin aap ka kabil hona jaroori nahi, kyunki naukri to 5000 ki bhi hoti hai aur 5 lakh ki bhi. Aap ka status ladki wale se uncha hona chahiye. Ab itne sare conditions ke sath hum jaise ladke pyar kare ki ladki ke pariwar se uncha status bataye, shadi hone tak to zindgi issi me ghus jati hai..."

"Upar se aap log. Maang kar bike laya tha main. Bade bhaiya se 3 din pahle bike liya tha aaj tak wapas na kiya. Stylish bike hath lagi to main bhi thoda apni jaan ke sath ghumne firne ka maza le raha tha. Hum dono bhi darte-darte thoda zindgi ka luft utha rahe the."

"Har couple ki tarah humare bich bhi yahan bahas ho gayi. Sari baten bata bhi diya, lekin nahi aap logon ko to detail me ghusna hai. Kaun ho, ladki ko ghuma rahe ho ya serious affair hai. Maa baap jante hain ki nahi... Chalo apne-apne maa baap ki detail do... Kyun.. aakhir kyun dara rahe ho. Sukoon de do hume..."


Kapendra Mishra ki najar pahle to bike par nahi gayi thi, lekin heavy dialoges ne Asif ye bhed khol chuka tha… "To tum Asif ho... Tumhara wo dost Riaz kidhar hai. Wo bhi kisi ladki ke sath yahan aane wala hai kya?"

<---------------{ }------------>
Ishq ki mauj mein aa
Aaja behne ke liye
Tu zaroori, zaroori sa hai
Mujhko zinda rehne ke liye
<---------------{ }------------>​

beautiful update

 

[mashish]

Update:-62​

Kapendra Mishra ki najar pahle to bike par nahi gayi thi, lekin heavy dialoges ne Asif ye bhed khol chuka tha… "To tum Asif ho... Tumhara wo dost Riaz kidhar hai. Wo bhi kisi ladki ke sath yahan aane wala hai kya?"


"Aap log bhi yahan aane wale the. Pahle bata dete to sath chali aati. Aur ye Som ki servicing me gayi bike yahan kya kar rahi hai. Ye ladka bhi na apni ek chij sambhal kar nahi rakh sakta."…. Pichhe se Lata Mishra pahunchi Pranshu ke sath...


Kapendra:- Lata inse milo ye hai Asif aur ye Asif ki girlfriend aur beta Asif aap jis bike ko maang kar ghum rahe ho, wo mere hi bete ki hai...


Aqsa to Asif ke heavy dialoges par hi kab se tadap rahi thi usse tamacha maarne ke liye. Sidha jawab de kar nikal leta lekin nahi.. Hero ban'ne ka bhoot sawar tha. Asif bechara kabhi Aqsa ke gusse se laal chehra dekhta to kabhi samne khade in middle age logon ko jo pata na aaj grahan ban kar kahan se aa gaye...


Wahin jab Aqsa chillayi aur boundry ke darwaje se Kapendra Mishra aur Makhan Lal ko Vyas ne aate huye dekha... Teji se piller ke pichhe chhipte, Sia ko sawaliya najron se dekhte... "Kya tumhare pitaji ka bhi koi second set up hai. Makan Lal ke sath yahan pahunch gaye"…


Sia gusse me daant pisti... "Ye meri jagah hai. Aur pitaji ghar ka kaam dekhne aaye hinge. Thanks Shashtri, pahle to property aur ladki par comment ke liye aur mujhe iss situation me lane ke liye"…


Vyas upar aasman ke ko dekhte, dono hath se bhagwan ko sawaliya ishara dete... "Matlab koi dosti nahi. Poora maarne par tul gaye"…


Udhar Sia kya karegi uss se Vyas parehan, idhar Asif in logon me fasa.… "Sala ye Vyas ka baccha Sia ko le kar chhip gaya hai. Ruko abhi batata hun"… mann me khyal aur agle hi pal chillate huye.… "Vyas, Sia... Hume bula kar kahan reh gaye"…


Itni tej aawaj ki dono ke kaan me pad rahi thi... Sia, Vyas ko ghurti.… "Aur kuchh baki rah gaya hai aaj dikhane... Shashtri, abhi hum sab ke samne honge. Wahan chup hi rahna. Ek chu shabd bhi nikla na to samjh lena..."


Vyas bechara chhota sa muh banaye… "Solly"..


"Ye Huch wale PUG kutte ki tarah cute cry look ki jaroorat na hai. Shashtri tumhare facial expressions ne yadi fasaya na"..


"Bus karo kitne warning dogi... Chalo bhi ab... Tumhare maa pitaji bhi to chhod na rahe honge Asif ko. Ab bechara kya kare? Situation sambhalo abhi pahle. Jhagra baad me bhi kar sakte hain"…


Sia, Vyas ko kha jane wali najron se ghurti hui... "Piller ki aad me pichhe chalo... Kisi ko najar mat aana".. Dono pillar ke pichhe chhip kar kafi pichhe gaye, fir Sia khud ko jahir karti dur se hi hath hilati sabko pass bulane lagi... Bayen se Vyas bhi uske pass pahuncha.. aur Sia hath ka aisa ishara kar rahi thi mano ghar ke bare me samjha rahi ho…


Sabhi log unhi ke ore chal diye. Aqsa, Asif ka hath khinch kar pichhe karti…. "Dobara kisi ki maangi bike par mujhe bithaya na to samjh lena. Aur wo ladki kaun hai"…


Asif:- Sia…


Aqsa, Chaunkti hui... "Aur ye dono uske parent hai."…


Jaise hi Asif ne haan kaha, Aqsa idhar udhar dekhi aur khinch kar ek thappad laga di. Ungliyon ke nishan Asif ke gaal par chhape the. Sabhi pichhe mude... "Kuchh nahi macchar tha wahi maar raha tha"… Lata, Asif ke gaal par rakhe hath ko dekh kar hansti... "Haan machhar tha…"..


Aqsa fusfusati.… "Ek ladki ke maa pitaji ko kya khub najare dikhaye ho. Uski beti kisi ladke ke sath hai aur bina koi khyal laaye tum ne jor se chilla diya... Asif aaj ke baad apni kukurmutte si shakl dikhayi na to jis se bhi pahle nikaah ka paratav aayega uss se nikaah kar lungi. Aur halke me mat lena meri baat ko"…


Sabhi under construction makan ke niche the... Sia ab bhi Vyas ko Makan me kaun chij kahan hogi samjha rahi thi.… "Maa, Pitaji aap sab kyun aa gaye"..


Lata:- Kyun nahi aana tha kya? Ya fir yahan hum jaise logon ka aana allowed nahi hai...


Lata ki baton se gusse ki bu aa rahi thi. Sia samjh gayi ki maa ko bura lag raha hai. Sia muskurati... Aur afsos se bhada chehra bana kar Lata ke kandhe se latakti… "Main to bus yahan ka kaam jald se jald finish karwa kar aap sab ko surprise karna chahti thi, isliye nahi chahti thi makan complete hone se pahle aap aao. Aaj Sunday poora free thi to sabhi doston ko bula kar issi par baat karne wali thi.."


Lata:- Contractor kya ghar me sone ke paise le raha hai...


Kapendra:- Lata Sia ko bolne bhi dogi. Tum to darane par tuli ho. Sia maa ki baat ka jawab do...


Vyas:- Ye kya jawab degi uncle ye to bewakoof hai...


Sia Vyas ko aankh dikhati… "Chup ho jao"..


Lata:- Siaaaa…

Sia:- Maaaa..


Lata:- Sia bilkul aawaj nahi aani chahiye. Tum bolo Vyas…


Vyas:- Ye jagah Zerul Imam ne capture kar liya hai. Maine Asif ko bhi isliye bulaya taki Sia ko samjha sake...


Jaise hi Vyas ne Zurul Imam aur capture ka naam liya, Sia swaliya najron se Vyas aur Asif ko dekhne lagi. Vyas aur Asif ne aankhon ke ishare se hi jata diya ki usse yahan ke bare me sab pata hai. Issi bich Lata Mishra, Vyas ke jawab ko bhi aade hath leti...


Lata:- Uski girlfriend ke sath discuss karne ek disputed site par khade ho ... Kamal hai ye to...


Vyas:- Sunday hai, ek din to chutti ka milta hai. Ek pant 2 kaaj ho gaye, bura kya hai? Dekhiye bechare masoom ko, 4 sal se to ye ladka iske ghar ke samne chay ki dukan par chay pita tha aur Aqsa khidki par aati thi. Dono bus aise hi najron se pyar jatate the.


Kapendra:- To kya wo nukkad ki chay ki dukan par tumhare pitaji apne doston ke sath baith'te hain...


Asif roni shoorat banate.… "Kyun pichhe pade ho. Gristhi toot jayegi. Hum sach me ek dusre ko chahte hain. Abhi iske Abba haan kah de to abhi nikaah kar lun. Fir to koi samasya nahi hogi...


Lata:- Tab samasya nahi hogi lekin wo hua to nahi na. Bina shadi ke hi liye ghum rahe.


Vyas:- Aap log ka aashirwad raha to wo bhi ho hi jayega. Haan lekin aaj jo main yahan aaya tha aur Asif ko bulaya tha, uss par baat kar le. Achha hua aap sab aa gaye, warna ye Sia to ulte kaam karne wali thi.


Kapendra aur Lata, Sia ko ghurte... "Kaisa ulta kaam"…


Vyas, Asif ek dusre ko dekhne lage... Ab bol to diya lekin kahe kya… "Wo Sia 2 din me makan complete karwana chahti thi, jiske liye usse 200 majdoor ko ek sath kaam par lagana tha. Jabki kabje ke iss site par Zerul Imam khun kharabe ko bhi taiyar hai. Makhan chacha bhi ye baat jante hain.. Ab Sia ko kaun samjhaye… kahti hai 1,2 din me kaam khatm kar ke jaldi se grih prawes kar lenge..."


Asif:- Yahan ka jab kaam shuru hua tab aap sab me se koi Lucknow me nahi tha. Sia se puchho construction ka theka lene wala pahla thekedar kyun kaam chhoda?


Sia:- Wo Zerul Imam ka us par kafi dawab tha, lekin fir bhi wo kaam karta raha. Anth jab baat uski family par aa gayi fir usne kaam chhod diya..


Asif:- Tumhe to bus itna hi pata hai, poori sachai main batata hun. Aur haan hum ladke tumhare iss site se dur rahe iski ek warning Makhan chacha bhi hume bade pyar se de kar gaye the..


Vyas:- Asif rahne de... Inhe kuchh nahi pata...


Asif chillate huye.… "Nahi pata to pata hona chahiye. Sia ko pata hona chahiye... Unke gardian ko pata hona chahiye ki jitna wo iss jagah ke bare me nahi jante uss se kahin jyada hum jante hai..."

"Iska pahla contractor humare mohalle ka hi tha. Thik mere ghar ke samne unka makan hai... Nurul hassan... Uss bechare ko 2 carore ka ghata hua iss site se hua... Lekin juban ke khatir wo nuksan karwa kar bhi yahan kaam karwata raha. Takriban 300 ladke hum hafte 10 din me yahan aa kar khade hote the tab Zerul ke aadmi ne fatkna band kiya tha..."

"Lekin bechare ki bacchi ka accident me poora ek paun chala gaya. Uske baad Zerul Imam ka call aaya tha ki site ka kaam nahi chhoda to abhi uske 2 bacche aur hain. Kaam ke bich jab parivar aa gaya tab hum sab bhi haar gaye."

"Nange log hain sir, aur humari apni ek limit. Hum sabhi padhne likhne wale aur rojgar wale log hain. Bahut jyada se jyada unka sar phod sakte hain. Fir ye hai ki wo saaf kahte hain tumhara matter nahi hai to bich me kyun kud rahe. Tumhare gharon par to najar nahi dali na. 8 sal ki badi pyari bacchi hai, ab chal nahi sakti..."


Chatakkk, thappad ki ek kadada awaj … Lata Mishra khinch kar Sia ko ek thappad maarti... "Lafda koi kar raha hai ye suchna hume kyun nahi? Ek bacchi ka paun chala gaya tumhari chuppi ke karan, lauta sakti ho uske paun kya?"


Sia:- Maa mujhe itni baaten nahi pata thi... Mujhe nahi bataya gaya. Bus itna pata tha ki koi local gundey hain aur Hassan ji kahte the koi issue nahi hai bus gundon ki wajah se kaam me thoda delay ho raha hai...


Sia apni baat kah bhi rahi thi aur Som ko ek emergency msg dalne ke baad uss se connect bhi ho chuki thi...


Kapendra:- Bahut galat ho gaya idhar. Mujhe abhi Zerul Imam yahan chahiye... Abhi matlab abhi... Lata Kripa Shankar ko phone lagao aur kaho apne sath uss Zerul Imam ko baandh kar laye...


Sia:- Pitaji shant ho jao... Som aa raha hai. Maa kisi ko call mat lagao...


Lata:- Nahi lagati... Lekin badle me Zerul Imam ka paun chahiye. Hoga ki nahi hoga. Mere kaleje me aag lagi hai..


Sia, Harbara kar Lata ke paas pahunchti... "Hoga, sab hoga. Yahin aap ke aankho ke samne hoga...


Kapendra:- Naah itne se mera kaleja shant nahi hoga. Sia tum jao yahan se... Aaj iss Imam ke jamin capture ka bhoot utarta hun...


Sia, Chillati hui... "Dono ko boli na shant ho jao. Kha-m-kha bp badha rahe ho. Som ko emergency msg bheja hai. Wo pahunch raha hoga. Vyas tum in sab ko le kar niklo..


Vyas:- Bus kya Sia, naam ke dost kya? Rahenge hum bhi... Kyon Asif... Haan Aqsa ko bhej de...


Aqsa:- Sare dost jamin ke matter me jama huye the na... Jo hoga dekhenge...


Sia:- Hmmm !!! Jaise Tumhari marji lekin apna khyal rakhna...


Makhan Lal:- Bhaiji, yahan logon ki jaroorat hogi... Main unhe le kar aata hun..


Kapenda:- Haan aur tujh jaise dogle neta ki yahan jaroorat na hai... Nikal le chup chap kahin tera naam aaya isme to tu bhi jayega… chal bhag..


Vyas:- Abe ye hai kaun… Makhan Lal ko uske muh par...


Asif:- Wo chhod gate par dekh… ye to poori tarah se taiyar ho kar aaye hain...


Vyas:- Sia sab ko le kar ek kinare ho jao... Main baat karta hun...


Samne se Zerul Imam ka beta takriban 8-10 bandook dhari aur 30-35 lathait ke sath ghusa. Jaise hi wo boundry ke ander ghusa, Sniper, Som se..


"Boss tumhare family wale yahan panchayat karte rah gaye aur wo log aa gaye. 2 nali ke sath hai"…


Som:- 2 nali hai na, unhe najdik pahunchne do, moving target mat lena. 1 fit ki duri se 2 nali se target nahi kar sakte. Hum dur se unka rasta kate to ho sakta hai wo cover le aur apne logon par firing shuru kar de... Jaise hi wo settle ho aur sab ki najar meri family par, bina soche sab ko gira do"…


"Aap kahan ho boss"…


Som:- Najar utha kar dekho.. aur dhyan udhar lagao"….


Idhar Istak kafi teji ke sath unke karib pahunch kar sabko ghurte... "Yahan ka har neta humari baat maanega. Kya re nawa doctors, padhne ke badle yahan kya kar raha hai. Kahin jamin bachane ke badle iski beti ko to nahi maang liya"..


Kapendra Mishra poore aawesh me aa kar ek jhannatedar thappad Istak ke gaal par chipka diye.… Apne logon ke jod par ahankar me chur, Istak, ne thappad ke jawab me, Kapendra Mishra ka collor pakad kar dhakka de diya.

<---------------{ }------------>
Ishq ki mauj mein aa
Aaja behne ke liye
Tu zaroori, zaroori sa hai
Mujhko zinda rehne ke liye
<---------------{ }------------>​

awesome update

 

[Naina]

Thank you... Thoda bimar hu..

apna khayal rakhiye... get well soon

 

[mashish]

Update:-63​

Kapendra Mishra poore aawesh me aa kar ek jhannatedar thappad Istak ke gaal par chipka diye.… Apne logon ke jod par ahankar me chur, Istak, ne thappad ke jawab me, Kapendra Mishra ka collor pakad kar dhakka de diya.


Jaise hi dhakka laga Vyas daura... Asif, Istak ke aage khada ho gaya. Koi kuchh kahta uss se pahle hi bullet ki aisi firing shuru hui jise insane firing kaha jaye to galat nahi hoga. Koi apni jagah se ek inch hila nahi hoga, kisi ke muh se aawaj nahi nahi nikli hogi, kisi ki najar Mishra family se hat kar bahar ke khali jamin tak na gayi hogi. Ek bullet fire hone ki awaj nahi aayi aur Istak ke har aadmi ko 2 tranculizer lag chuka tha.


Har koi jaise ek sath harkat me aaya tha. Idhar jaise hi Kapendra Mishra ko Istak ne dhakka diya, fir to Sia apna vikral roop dharan kar chuki thi...


Sia teji ke sath apne gale ka neckless nikali... Usme lage moti aur anya sajo saman jamin par bikher duye aur hath me takriban 8 fit ke patla metal wire. Sia Asif ko khinch kar piller ke side ki. Achanak chali goliyon se poora bhuchakka tha Istak. Sia poorn gusse ka parichay deti, metallic wire pahle left fir right hand par ek fold lapet dee. Patle metallic wire ka dono sira ko bayen hath se pakdi aur dayen hath se Istak ke baal ko pura jod se pakad kar niche ki ore patki.


Istak ka chehra Sia ke ghutne se takraaya aur agle hi pal Sia wire ke dono sire ko dono hath se pakadti, ek fit pichhe hui aur Istak ke sine par ek laat jama di. Sharir poora pichhe gaya aur wire me fasi kalai aage ke ore iss teji se khinchi ki maans ke ander haddiyon tak wo wire ghus gaya tha.


Istak ke hosh gum wo hakka-bakka ho kar baap-baap chilla raha tha... Sia dono hath se wire pakdi Istak ke piche pahunch chuki thi. Istak ke dono haath uske sharir ke pichhe the aur Sia ne dono sira itna tej khincha tha ki dono kalai aapas me chipki hui thi. Istak apne ghutno par tha aur Sia uske ritdh ki haddi par laat daal kar wire ke dono sire ko poori takat ke sath khinchte.… "Teri himmat kaise hui mere pitaji ko hath bhi lagane ki"…


Uss rassi ka davab aisa tha ki wo mas chid kar haddiyon me ghusta ja raha tha. Istak ki dard bhari chikh sab ke sar me dard dene laga. Har sniper dwara 3 round tranculizer bullet fire karna aur Sia ka pahle ghutno se Istak ke naak tod dena, baad me chahti par laat maarne ke uprant anth me uske kalai me wire fasa kar pichhe se teji me khinchna...


1 minute pahle aur 1 minute ke baad me jamin aasman ka anter tha. Istak ki gala faad chikh sabke kaan faad rahi thi. Iss bich jab firing ruki, sabhi log Som ko aate huye dekh rahe the. Aas pass 20 alag-alag postion par mask lagaye sniper apne bandook taane the.…


"Ye kya kar rahi ho Sia, kitna chilla raha hai"… Lata Mishra chidhti hui kahne lagi…


Sia:- Vyas muh me kapda dalo iske...


Vyas, pichhe ka najara dekha... Istak ki dono kalai aadhi jhul rahi thi... "Sia nahi"..


Sia:- In haramjadon ki itni himmat, mere samne mere pitaji ko dhakka diya... Dekha nahi jata to aankhen mund lo...


Vyas, Sia ke hath se wire chhin kar usse wahan se hatate... "Bus karo Jhansi ki rani, kalai uski jamin par gir jayegi..."


Sia kuchh hosh me aayi. Wire ko khinch kar uski kalai se nikali aur pith par ek jordar laat aise mari ki Istak muh ke bal jamin par gir gaya...


Som bade aaram se un sab ke bich pahunch chuka tha. Yahan ke audio-visuals Mejor ki team ko mil rahe tha. Som niche baith kar, Istak ka baal pakad kar chehra upar kiya, aur dhul mitti lage uske chehre ki tasveer khinch kar, Zerul ko bhejte.… "Beta chahiye ya jamin decide kar le.. Som"…


Istak dard se chhatpata raha tha. Tabhi syren bajati ambulance wahan pahunch gayi. Bakiyon ko load kiya gaya, ek doctor bahut sare equipment ke sath wahin ruka aur Istak ke hath me local anasthesia de kar uski marham patti karne laga...


Som, gusse me Sia ko ghurte.… "Tumhe message kiya tha na sab ko yahan se le kar jane"…


Sia:- Tum bhi mujhe hi daant lo. Maa aur Pitaji ko kuchh mat kaho...


Som:- Main unhe kya kah dun. Tumne ek baar bhi unhe bola kahan ki yahan khatra hai.


Sia, apna phone check karti… "Sorry, jis waqt tumhara sandesh aaya, shayad uss waqt Asif, Zerul ki wo harkat bata raha tha jisne hume jhakjhor kar rakh diya tha. Wo humara pahla contractor ne yahan..


Som bich me hi rokte... "Haan tumhara phone on tha aur maine sab sun liya tha. Tum sab ab yahin aaram se baitho kyonki ab ye society poori tarah se block ho chuki hogi. Baki tamasa dekho"…


Vyas:- Zerul se hisab to aap kar hi loge. Lekin kamal hai bade bhaiya, yahan poora parivar tha uske bich goli chalwayi... Kamal ho aap..


Vyas:- Boys ek goli iss ladke ko bhi maaro. Chinta mat karo jo bullet lagi hai wo tranculizer hai. Agle 10 se 12 ghante bus behosh rahenge. Jab tak sniper position lete, Istak aur uske log boundry ke ander ghus chuke the. Hum boundry par rokte to uss waqt ye log moving target hote. Sab ke karib pahunch kar bus unhe apne kadam rokne hi to the... Plus close range se 2 nali se firing thodi muskil hoti hai.… Aap sab thik hain..


Kapendra:- Main bilkul thik nahi hun... Main Kripa Shankar ko phone lagwa raha tha…


Som:- Pitaji maine sun liya hai... Aap chinta mat karo. Zerul ke khilaf pahle se millitary operation chal rahi hai...


Kapendra:- Mujhe wo Zerul Imam yahan chahiye... Abhi...


Som:- Mujhe ek ghante do... Jab tak Diksha sab ke liye pizza order karo… aur koi mujhe batayega ye ladki kaun hai...


Lata:- Ye ladki Asif ki lover hai...


Som:- Aqsa hai. Maa apne ghar me bahu ne pahli baar kadam rakha hai... Aap Nirbhay chachu se Aqsa ki vidai ke liye kuchh mangwa lo... Khali haath ladki jaye achha nahi lagta.


Vyas:- Bade bhaiya sab khade rahenge kya?…


Som kuchh na bolte lagatar call milate raha. Kuchh der baad hi 1-2 truck darwaje par lagi. Kuchh labour pahunche... Dhardhar saman utar kar chhat ke niche lagaya. Kayi sari kursiyan ek bada sa dianing table... Sofa set... Tv... Kuchh der baad pizza wala pahuncha. Uske pichhe Nirbhay singh, apne kuchh logon me sath sara saman le kar aaya. Fatafat sara kaam hota raha.


Aqsa:- Bade bhaiya agar izazat ho to main apna ek poorana hisab le lun iss kamine Istak se...


Vyas aur Asif ek sath.… "Hum bhi katar me hain"

Som:- Poori chhut hai... Kursi par bitha kar bandho aur poora hisab le lo...


Som, ki baat sun kar Aqsa ek najar Asif aur Vyas ko dekhi. Jaise yahan par uske hone ke liye dono se dhanywad kah rahi ho aur sath me kuchh izazat bhi maang rahi ho. Vyas aur Asif ne bhi hath ke ishare se... "Poori bhadas nikal lo".. Dono ko sun kar Aqsa muskurai aur Istak ke samne aati…. "Tujhe main yaad hun ki nahi re kutte"..


Vyas:- O meri hone wali bhabhijaan usse sab yaad hai. Bus iska kaha wo epic dialogue to yaad dilao…


Aqsa:- Haan kyun nahi... "Hum yahan jis chij par hath rakh de wo meri... Sala koi hum se bhi gundai kar sakta hai"... Yaad aaya ki nahi galich tujhe apni baat...


Aqsa apni baat kahti khinch kar uss ke gaal par sandel marti... "Allha ne mauka nahi baksha fir kabhi jo tujh se aise hisab le sakun. Asif yahan aaj lane ke liye shukriya..."


Aqsa apni baat samapt karte hi uske sine par aisa laat mari ki wo kursi samet jamin par gira. Asif aur Vyas usse wapas se bithate, dono thik uske samne aate, thappadon se apni bhadas nikalte… "Bhaiya waise iska karne kya wale ho"..


Som:- Gaddar hain sale... Inko to sidha military le kar jayegi. Iska baap abhi logon ko jama kar raha hai, wo yahan aayega aur NIA ki ek team, 2 batallian Force, sath me 1000 police.… poore force ke sath iske poori gali aur ghar par chhapa marenge.


Lata:- Aur wo Zerul Imam aur uske log jo yahan aayenge...


Yahan ek poori batallian apne position me thi. 20 Sniper jo iss ghar me the wo aas-pass phail chuke the. Som ke institute me traning de rahe 10 anya sniper ko bhi Som bula chuka tha. Wo Som ke ghar se kuchh duri ki chhaton par position liye the... Society ke sabhi gharon me 2 police wale, sabhi family ko uske ghar ke ander rakhe the aur aas pass ke chatton par sena ke sniper tainat the.


Idhar Zerul ne bhi police commissioner ko iss ilake me koi action lene se mana kar diya tha, dono bina ye jane ki sena ne jitni police force maangi thi sab Zerul ke liye hi tha. Aagyakari commissioner M.K.Shula ji bhi bechare bade desh bhakt sabit ho gaye. Dusre deshbhakt District Magistrate B.K.Nahate, jiske ishare par 2 km ke ilake me crafue to laga lekin Zerul aur uske log allowed the...


Khair ye to dono pakshon ki taiyari thi. Lata Mishra ke sawal par Som, Lata aur Kapendra mishra ko ek sath apne baju me samet'te... "Maa, pitaji uss bacchi ke paun ka hisab aaj hi hoga. Uske swagat ki poori taiyari ho gayi hai.. Aap dono shant raho. Maine uss bacchi ke parent ko bhi bulwaya hai... Bahut galat kar gaye lekin ab bus..."


Nirbhay:- Main kuchh help kar dun...


Som:- Haan kyun nahi Singh sahab. Sabhi logon ko piller ke pichhe cover me rahne dijiye, aur koi bhi bich ki prati jamin cross kar ke upar yahan tak pahunche, unhe aap log lita dena.


Diksaha, pichhe se Som ke kandhe par hath deti... "Kya ye jaroori hai. Itne khun kharabe ki planning. Kya hum bhi unki tarah bandook utha kar logon ko daraye."


Som:- Main kabhi iske paksh me nahi rahta Diksha. Lekin main system se lad kar nahi rah sakta.


Diksha:- Tu kya army me hain. Kisi agency me hai.. Police hai... Kya hai tu...


Som:- A family man. Wo mere parivar ke liye aa rahe. Maine action nahi liya to wo action lenge. Meri jagah koi bhi ghar ka baccha hota, yahi karta. Fir isme dusri soch kaise... Itna mahol hi nahi hua hota yadi tum sab yahan nahi hote. Kewal tv par ek chhoti khabar aati... Zurul Imam ke yahan raid... Jaise abhi hone wale kand dusre log tv par dekhenge aur tum log poora mehsus karoge, kyonki boundry ke ander kisi ko aane nahi diya jayega jo tum log aankhon se dekh sako ki yahan kya ho raha hai. Ye sab jab shant hoga to fir hum poora parivar dur-dur tak picture me nahi honge. Public aur govt. unhi sab department ko shabasi denge jiska naam tumne abhi liya. Additional me ek kisi neta ka naam jodenge taki usse political milage mile aur hume poorn chhutkara....

Diksha maine tumhe samjha diya hai. Ab bhi tumhe lagta hai ki ye khun kharaba nahi hona chahiye to viswas mano, ye log mere kahne se rukne wale nahi hai... Aage tum jaisa kaho Diksha. Main apne parivar ke liye aage khada rahun ya kuchh parivar wale log desh ke sipahi hain aur wo jo kaam kar rahe hain usme humara aur na jane kitne logon ka dosi Zurul aur uske sathi pisne wala hai, ye soch kar main pichhe rahun. Main elligal kaam nahi karta isliye licenced weapon mere hath me hai aur parivar ke aage khade rahne ki poori chhut... Descision ab tum sab ka hai...


Kapendra:- Sab log piller ke pichhe aa jao.


Sab log piller ke pichhe ja chuke the. Som makan ke floor par kinare se paun latka kar baitha tha. Istak ko kursi se bandh kar wahin aage ki parti jamin par bithaya gaya. Har koi aane wale pal ko soch kar ghabra raha tha. Vyas aur Asif bus ek dusre ka muh hi dekh rahe the. Som ko afsos sa ho raha tha ki uske parivar ko ye sab dekhna par raha hai... Har koi khamosh tha lekin sab ke ander ghabrahat ka toofan tha.


Takriban dedh ghante baad uss jagah gadiyon ki kataar lag gayi. Ruphale parde par chalne wale kisi kalpnik drishya ke saman hi yah drishya tha. Gadiyon ke awaj ke sath hi Som ko alert mila. Som ne chehre ko achhe se mask kiya. Hath ke ishare se kisi ko cover ke bahar na aane ki hidayat dee.


Gadiyan bhar-bhar kar log pahunche the. Sabhi boundry ke bahar bade se khule darwaje ke samne khade the. Bade se darwaje ke ek fit aage board par saaf akshron me likha tha... "Jise jaan pyari na ho wo ye line cross kare.."


Darwaje se takriban 5 fit ki duri par hathiyar uthaye kewal log hi log najar aa rahe the. Ek kaali chamchamati car boundry wall ke bahar khadi hui aur Zerul Imam sabse aage aa kar khada hua...


"Kyon be Haramiyon... Mere bete ko bandhak bana kar mere sath hi khel khel rahe"….Bahar se bhonpu par Zerul chillaya… "Boys kitne log hain"… .


"Boss maximum 400"..


Som:- Thik hai sab taiyar raho.


"Boss bade bade hatiyar ke sath pahuncha hai. Graned launcher aur rocket launcher ke sath laaye hain"..


Som:- Kisi ko pata hai uss bacchi ka kaun sa paun gaya hai...


Asif:- Bade bhaiya right wala...


"Suno, 2 log 7mm bullet load karo... Zerul Imam ka right paun chahiye mujhe aur haan unke chamche ko warning do yadi hathiyar par hath bhi gaya to abhi Zerul Imam sirf ghayal hua hai... Weapon chalane ki kosis hui to goli sidha sir me. Sabko Zerul se 5 fit dur rakho aur kuchh apna buddhi bhi istamal kar lena...

<---------------{ }------------>
Ishq ki mauj mein aa
Aaja behne ke liye
Tu zaroori, zaroori sa hai
Mujhko zinda rehne ke liye
<---------------{ }------------>​

super duper update

 

[Sky07]

Congratulations to all the participants who have participated in all disciplines of sports in Tokyo Olympics 2020
Medal tally
01 Gold
02 Silver
04 Bronze
Total medal = 07
Best ever medal tally in india's Olympics history

 

[Xabhi]

Update:-68​

Fufi:- 500 barati !!! … Poora Lucknow me ko nyota de rahe ho kya? 500 barati bhi hote hain kya? Bahut jyada hoga to hum 70 barati ka swagat kar payenge, uss se jyada baraatiyon ki jimmedari aap ki apni hogi.


Pandit ji:- Ye aise demand sar dard kar dete hain. Ab koi kuchh nahi bolega. Hum bacchon ko siksha dete hain, dahej ek samajik aur kanooni apradh hai aur yahan apne hi bacche ki shadi me. Mujib bhaiya aap kuchh nahi bolenge..


Mujib:- Pandit ji sahi kah rahe hai. Darwaje par aane wale sbhi humare guest hai, isliye hum apne sabhi guest ka swagat karenge... ..


Pandit ji:- Nahi aisa nahi hai ki wo kewal aapke guset hain. Hum jinhe bulayenge wo humare bhi guest honge, isliye wahan ka jitna kharch hoga usse hum aadha baant lenge. Haan lekin shadi Jashn garden se hi hogi.. wahan caterer aur management par poora kaam ka jimma rahega aur hum apne bacchon ki shadi enjoy karenge.. kyon thik kaha na maine...


Mujib:- Bilkul sahi.. waise ladke ko koi car pasand ho to puchh lijiyega pandit ji. Meri beti-damad car me ghume ye meri ikchha hai...


Sarfaraj:- Naye ghar ke uske poore gristhi ka saman hum bhaiyon ke jimme... Aur ye hum apni khushi se denge... Aakhri bahan hai, humara samaj bhi to dekhega hum apni beti ko kaise rukhsati dete hain.


Mujib:- Aap logon ki koi special demand...


Nurul:- Dekhiye humare yahan ki advance aurten hain. Wo poora samaroh enjoy karengi. Aapas me naach gana hoga. Hume wahan koi updrav nahi chahiye…


Mujib:- Iss baat ka khas khyal to Riaz aur Vyas dekh lenge. Ye kaam ladka aur ladki paksh walon ke ore se wahi kar dega.. aur kuchh.


Nurul:- Haan DJ shandar honi chahiye aur baratiyo ka swagat panparag se hona chahiye...


Nurul ki baat par sabhi hansne lage. Likhit kararnama par hastakshar huye. Ek dusre se gale mile. Anth me ek baar ladki ko bhi bulaya gaya. Pandit ji khud apne hathon se sagun dena chahte the, jiske liye kal raat hi unhone Masroof ko bol diya tha.


Chhota sa tohfa apni bahu ke liye. Ek sone ki chain aur kaan ka jhumka... Aqsa bechari Sharma kar wahan se nikli. Aankhon me halki nami thi chehre par utne hi khushi ke bhav aur sidha call Jannat ko laga di...


Jaise hi uska call aaya, iss baar Alka Mishra call pick karti.… "Khush hai na meri Bahu"... Alka Mishra ki awaj sun kar hi Aqsa bechari itna sharmayi ki aage kuchh bol nahi payi. Alka hansti hui phone un dono ko wapas kar di.


Jannat aur Nirali, Aqsa ko chhedti... "Kyon bhabhijaan mann me laddu futa"..


Aqsa:- Niraliiiii.. Jannatttt...


Jannat:- Aay haay itne minnat bhare sur..


Nirali:- Aaj sham taiyar rahna mera bhai aaj tumhare ghar ke samne gadi laga kar poore haq se le kar aayega. Ab tumhe Jannat aur Nirali ki jaroorat nahi...


Aqsa:- Lekin main kaise sab ke samne se..


Jannat:- Tu bus taiyar rahna... Jaise hi wo log college se lautenge, sab ho jayega. Aur haan aaj poori tarah se taiyar ho kar rahna...


Ek bada sa group, jaisa ki Vyas ka sapna tha. Ek Neerav ki kami thi warna 7 logon ka group hota. Aaj kal inki classmate Mahira bhi jyadatar unhi ke sath dikhti thi....


Aaj to point of attraction Asif hi tha. Canteen me sab usse hi ghere baithe the aur sarv sahmati se ek chhoti si demand rakhne ke baad sabhi Asif ko ghur rahe the... Aur demand yah thi ki Asif ko ab poore haq se Asqa ko uske ghar se party ke liye bulana tha...


"Aree yaar... Sab gher kar aise ghuroge to main ja raha hun"…


Riaz:- Teri shadi tay ho gayi hai na... Fattu...


Vyas:- Areee yaar shadi tay hui hai, shadi nahi hui... Thoda muskil hoga... Main Jannat aur Nirali ko bol dunga, Aqsa ko wo le aayegi…


Sia:- Ek baar kahne me kya harj hai. Usse puchhne to do. Yadi Aqsa ke ghar wale Asif ke sath aane ki permission nahi dete fir Nirali aur Jannat ko bhej dena..


Vyas:- Tum nahi samjhti ho. Asif ko manaa karne ke baad thode na Aqsa ko Jannat ke sath bahar jane denge...


Riaz:- Yadi aisa hua to hum sab ussi ke ghar me party karenge…


Aisf:- Aqsa ki fufi bhi hogi udhar...


Riaz:- Kaun wo sitapur wali fufi..


Vyas aur Asif hanste huye... "Haan wahi hai"….


Fufi ek baar Riaz ko bhar pet gaali de chuki thi. Uska jikr aate hi... "Wo budhiya mari na ab tak… dharti ki bojh"..


Meera:- Aise haan naa hota rahega to kaise kaam chalega. Ek kaam kyun nahi karte Nirali ko call laga kar puchh hi kyun nahi lete. Usse hum sab se jyada idea hoga…


Sia:- Haan ye jyada sahi hai.


Asif:- Haan mujhe bhi yahi sahi lag raha hai...


Call laga.. Ring hua... Aur iss baar bhi Nirali ya Jannat se pahle Alka Shashtri line par thi… "Hello"…


Asif:- Chachi pranam…


Alka:- Tu khush hai na...


Asif:- Dukhi kab tha. Maine to sukh hi dekhe hai chachi. Meri ammi khush thi na...


Alka:- Behad... Aur dil se... Chal tu ghar aa.. aur meri Bahu ko bhi lete aana.. tum dono ko ek baar sath dekhna chahti hun..


Asif:- Shadi se pahle sasural aayegi...


Alka:- Wo bachpan se aate rahi hai... Achha tera bhi kahna waise sahi hai... Koi nahi aaj jab tu party karne nikalna na tab ek baar ghar se samne se ho kar jana…


Asif, Speaker par hath rakhte... "Abe parcha kisne leak kiya... Chachi ko kaise pata ki hum party karenge"…


Vyas:- React karna band kar aur baat kar na, khud samjh jayega baat leak hui ya udhar bhi aaj party ka plan ho raha hi..


Asif, Alka se... "Chachi ye party"..


Alka:- Haan party... Tu yahan aa Jannat aur Nirali kah rahi hai wo samne baith kar baat karegi…


Asif:- Haan lekin abhi Vyas kuchh puchh raha hai.. bus uss par ek baar baat kar lete hain..


Alka:- Haan speaker on hai dono sun rahi...


Vyas, Asif ka muh dekhe aur Asif Vyas ka. Ab Alka Shashtri wahan maujood thi dono ki himmat hi jawab de gayi...


Meera:- Aunty namaste...


Alka:- Namaste beta...


Meera:- Aunty hum sab Asif se kah rahe hain Aqsa ke ghar ja kar sab ki izajat se usse bahar le kar jaye aur Asif aur Vyas ka kahna hai nahi Nirali aur Jannat ko bhej kar Aqsa ko bula lenge... Bus issi bare me puchhna tha...


Alka:- Isme puchhne jaisa kya hai... Nirali aur Jannat bhi to abhi Aqsa se yahi ka rahi thi aaj mera bhai ki bike tumhare ghar ke samne lagegi aur wo sab ke bich se tumhe ghumane le jayega...


Meera:- Haan lekin kaise aunty... Kahin unke gardian ne mana kar diya to..


Alka:- Manaa kyun karenge. Kaun sa wo pahli baar le kar ghumne niklega... Poora maholla hi dono ke bare me janta hai. Fir bhi yadi aisa lagta hai ki Asqa ke gardian manaa kar denge to Asif ko kahna wahan kah dega Asqa ke sath dargaah jana hai ammi ne mannat maangi thi...


Alka ki baat sun kar Jannat aur Nirali kuchh boli to nahi lekin Alka ka chehra jaroor dekh rahi thi. Yahan ye log bhi Alka Shashtri ki waah-waahi karne lage...


Sab tay hone ke baad sabhi college se nikal gaye. Laut'te waqt Vyas ne Sia ko message me saaf aur sunder shabdon me likh diya... "Kal ki ek poori mulakaat adhuri thi Sia… kuchh waqt mere liye bhi le kar aana"…


Sia uske sandesh ko dekh kar muskuraye bina nahi rah saki. Lahrati apne bike se dhuwan uddati geet gungunati wo chal padi... Khush thi Sia, wakai khush thi..


Sham ka waqt tha. Dharkate dilon ki umange tarange bikher rahi thi. Kisi ka pyar parvaan chadh raha tha, to koi apne manjil ke karib pahunch raha tha. Asif ki bike aaj thik waise hi Asqa ke ghar ke samne ruki, jaisa sabhi doston aur parivar ke logon ne sikhaya.


Bilkul sidhi chaal, thodi ghabrahat ander lekin bahar se utna hi confident. Asif ko dekh kar Aqsa ke ghar ke sabhi sadasya jahan mand-mand muskura rahe the, wahin ek shaks tha jo Asif ko dekh kar apni aankhen chadha raha tha.


Har baar ki tarah Aqsa apne kamre ki jalidar khidki se niche dekh rahi thi. Fark sirf itna tha ki aaj pahli baar sadak par dekhne ke bajay niche apne aangan me dekh rahi thi.


Asif bich aangan me khada hokar ek najar upar apne janeman par maara. Dono ki najren takrayi aur khila se chehre par mukaan tairne lagi. Inhi sab ke bich Asif ne himmat juta kar aakhir kaar dileri se Aqsa ko bahar le jane ki baat kar hi liya... Thodi bahut baat-chit aur Asqa sharmati hui, sab ke bich se Asif ke sath nikli.


Ek chhota sa utsav, kuch logon ke bich ayojit kiya gaya tha. Asif aur Aqsa ke ek hone ki khushi me party rakhi gayi thi. Chhote se hall me kuchh logon ke bich Asif aur Aqsa khade the. Dono ke khile chehre unki khusiyan bayan kar rahi thi aur najren apne sabhi mitron ka abhivadan kar rahi thi.


Naron ke khel bhi kitne pyare hote hain. Nigahen kahin aur hoti hai aur ghayal koi aur ho jata hai. Sia aur Meera dono sath khadi thi. Vyas, Asif ke thik pichhe khada tha. Vyas ki najren baiman, rah-rah kar Sia par hi tik jati.


Tike bhi kyon na. Laal rang ke bharkile gown me jab Sia halke make up aur chhote bade jwellery me saj kar nikli thi, kayamat dha rahi thi. Jise dikhane ke liye Sia aaj saj kar aayi, usse (Vyas) apne ore chor najron se dekhta mehsus kar wo ander hi ander mand-mand muskura rahi thi.


Sia ki najren floor ko dekh rahi thi lekin ehsaas khubsoorat sa tha, "Vyas usse dekh raha hai". Issi bich kuchh gahma gahmi si uss mahol me hone lagi. Har koi kuchh na kuchh bole ja raha tha. Shayad koi pahunchi thi aur har koi ussi me engaged ho gaya...


Sia bhi apni najar uthayi, lekin uski najren Vyas se ja takrayi. Naino ke taar ulajte chale gaye. Vyas ke chehre par khushi ke sath kuchh minnaten bhi thi. Kuchh pal akele me bitane ki gujarish isharon me chal rahi thi.


Sia hansti hui Vyas ko dekhi aur aankh maarti hui uske pass se gujarti, ek baar pichhe palat kar dekhi aur uss hall se bahar chali gayi...


Uffff ye adaa, Vyas ghayal dil liye wahin kuchh der khada rah gaya. Party me chal raha mahol jaise poora khamosh ho gaya ho. Sia khushboo bikherti iss adaa se gujri ki Vyas ke hosh gum se ho gaye. Hosh jaise bekabu se the.


Sia bhi utni hi pyar ke madhoshi me gum, aankhon me Vyas ki shoorat basaye pool side me ja kar ek bench par baith gayi...


"Hahahahaha... Tum bahut pyari ho"…. 30 second ka pause.… "Uffff teri ye adaa, koi kaise na ho jaye fida"… fir se ek chhota sa pause.…


Sia jahan baithi thi thik pass me hi majnu Riaz miyan baithe the. Kaan me chhota sa earpod lagaye, chehre par 440 volt ka cahamak liye... Aur khul kar apni nayi girlfriend se batiya rahe the...


Kabhi hath bench par patak rahe the to kabhi bekhayali me Sia ke gaal ko pakad kar khinch rahe the. Sia uske pagalpan ko dekh kar muh par hath rakh kar hans rahi thi aur Riaz bilkul sudh-budh khoye, bench par hath patakte to kabhi Sia ke gaal ko khinchte baaten jari kiye huye tha.…


Sia uski harkat par bus hanse ja rahi thi. Tabhi wahan se ek waiter gujar raha tha. Sia isharon me usse apne pass bulayi aur tray me rakha pani ke jug ko utha kar sidha Riaz ke sar par.…


Riaz apne dhun me tha jaise hi pani uske sar par faila hardbada'kar bench se uth kar khada ho gaya. Sia ki harkat par gusse me wo ghurti aankhon se Sia ko dekhte … "Siaaaaaaaaa"


Sia bhi usse ghurti, gaal ke niche ek dhima chapet lagati.… "Call disconnect karo"…


"Pagal pani kyun daal di sar par?"… Riaz apna phone band karte puchhne laga...


Sia:- Harkaten dekhi thi apni... Kabhi bench par hath patak rahe the to kabhi mera gaal khinch rahe the...


Riaz:- Jhuthi ho tum... Main to kewal baat kar raha tha... Irshyalu... Aaj itni saj-dhaj kar katrina kaif ban kar aayi aur maine tumhe nahi dekha iss baat ka dil me chhed lag gaya...


Sia apni badi si aankhen kiye... Hathon se apna muh dhakti... "Kya kaha?"


Riaz:- Jalkukri... Tumhe bardast nahi hua ki main tumhe kyun nahi dekh raha...


Sia, apna sar pit'ti... "Devadas kahin ka... Phone laga lo... Tumhari hur intzar me hogi..."


Sia uth kar wahan se kuchh dur aage gayi aur dur hall ke darwaje par najar dale khari ho gayi.… "Huhhhh !!! Abhi isharon me bula raha tha. Ab intzar kar rahi hun to ander phans gaya"…


Sia thodi chidhi si thi. Vyas ki raah takte huye usse lagbhag aadhe gante ho gaye... Mayus najaren uski ab bhi uss hall ke darwaje par hi thi... Aur kano me Riaz ka tej hansna aur chilla kar baat karne ki awaz aa rahi thi...


"Ek ye hai, jo sudh-budh khoya hai. Ek mera Vyas hai.… Intzar me hun fir bhi nahi aaya"…. Sia mayus ho kar kadam hall ke ore badha dee... "Lagta hai sabke bich phansa hoga, shayad isliye nahi nikal paya"…


Sia khud ko hi tasalli deti hall ke ander pahunchi. Jaise hi Sia ander pahunchi. Jannat, Nirali aur Asqa sab usse gher kar khadi ho gayi aur gayab hone ka karan puchhne lagi...


Sia fiki si muskaan deti washroom ka bahana banayi. Uski najren Vyas ko dekh rahi thi jo iss waqt apne doston ke bich khada kisi ladki se baat kar raha tha... "Kya hua kahan kho gayi"…. Nirali tokti hui puchhi...


"Aaj in tikri me Riaz kahan gayab ho gaya wahi soch rahi thi" …. Nirali ki baat ka Sia jawab deti wahan se Asif aur Vyas ke pass pahunch gayi...


Sia:- Congratulations Asif, aaj se sir kuch jyada hi vyast ho jayenge...


Sia kah to Asif ko rahi thi lekin tirchhi najren Vyas par hi thi. Itne me hi kisi ke shocking reaction bhi aane shuru ho gaye.… "Oh my God, Miss Sia Malhotra"..


Sia, Awaz ke ore dhyan deti... "Miss Huma Imam... Kya baat hai. Main to bilkul surprise ho gayi"…. Sia ab bhi baat karti hui Vyas ko hi dekh rahi thi...


Huma:- Shayad ek party ki jaroorat mujhe bhi thi isliye Nirali ne mujhe invite kiya. Ab wo bula lee to aana hi para...


Sia, Huma ke kandhe par hath rakhti... "Bure daur se gujar rahi ho na..."


Huma:- Oh come on Sia... Hum dono iss baat ko jante hain ki aaj na kal mujhe ye face karna hi tha... Khair... Inse milo ye ek waqt ka mera fake boyfriend tha... Vyas Shashtri… kya kahti ho isse lock kar dun"…


Sia, kuch bolti uss se pahle hi Vyas, Huma ke kamar me hath dal kar usse khud se thoda chipkate.… "Haan main bhi lock hone ko taiyar hun Huma… Bus itna charitr rakhna ki ek waqt me ek hi boyfriend ho... Pahle break up karna fir kisi ko jaal me fasana"…


Vyas apni baatne hanskar hi kah raha tha lekin uski najar Sia ko kuchh pal aise dekhi, jaise wo sari baten Sia ko hi suna raha ho. Asif aur bakiyon ko to Huma aur tikri ka kissa pata tha isliye sab ko laga Vyas, Huma ko chhed raha hai…


Lekin Vyas to Sia ko dekh kar usse ignore karte, uss par aise tanj kasa ki Sia ke liye wahan rukna mushkil sa ho gaya... Ander se kafi jyada hatash ho kar wah party ko bich me hi chhod kar wahan se nikal aayi. Usse yakin kar pana muskil ho raha tha ki Vyas ne uske liye aise shabd kahe the.... Sia jaise hi hall ke bahar aayi uske aanshu chhalak aaye. Dil me gahri chubhan si thi aur poori tarah se mann vichlit.……

<---------------{ }------------>
Ishq ki mauj mein aa
Aaja behne ke liye
Tu zaroori, zaroori sa hai
Mujhko zinda rehne ke liye
<---------------{ }------------>​

Superb update bhai sandar fufi ne to 500 barati ka sun kr hi rang badal diye riaz miya is fufi se bhi gaali kha chuke hai pure update me hashi khushi ka mahaul rha pr last me sia ko rula diya nain bhai aapne pr Ye bhi sahi hai lagta hai ab huma ke kisso ko kholne ka waqt aa gya hai jinko sia bhi Jan ske...
Sia ko kone me bula kr vyas miya huma ka welcome karne lge Ya ye Kahe huma khud vyas se chipak gyi, ek to intjar ka gussa uspr vyas ke Bol sina chhalni kr gye sia ka... Superb update bhai sandar jabarjast

 

[Naina]

Kya nain11ster sahab... phir gayab ho gaye

 

[Xabhi]

Heyy brother ye me kya sun rha hu ki ek higher immunity vala banda bimar ho gya . Take care man seasonal flu Ka dour hai tabiyat Ka dhyan rkho or jaldi se jaldi treatment karvao . God se prey karunga ki aap jald se jald swasthya labh prapt kre

Sukriya Bhai Ab kafi aaram hai...