Update 22
Agle din sab jaldi se ready hote hai. Swati achhe se taiyaar hoti hai. Aakhir Sasuraal jaa rahi thi.
Raj: Chaleee.
Phir sab nikal padhte hai Yash ke ghar ki taraf. Thodi der baad sab waha pahonch jaate hai.
Yash apne kamre mein hi thaa. Woh bahar nhi nikal raha thaa.
Shruti: Aree aaiyee aaiye. Deepak Uncle Meera Aunty Swati Samar tumlog kab aaye.
Ishita Samar ko dekh kar khush thi. Par jaahir nhi hone diya.
Sab hall mein baithe hue the. Swati bas nazar neeche karke baithi thi.
Raj: Didi Nawabsahab kaha hai. Ghar mein nhi hai kyaa.
Shruti: Apne kamre mein hai. Usko nhi pata tumlog aarahe the. Ishu jaa bula laa.
Raj: Ruko Ishu. Baad mein jaana.
Ishant: Badi Mummy. Shruti bata rahi thi aaplogo ko kuch jaruri baat karni hai.
Ragini: Haa. Karni toh hai.
Ishant: Bataiyee.
Vijay: Ishant beta kyaa tum Yash ki shaadi karwana chahte ho.
Teeno yeh baat sunke ekbaar ekdusre ko dekhte hai.
Ishant: Bade Papa. Ek na ek din toh uski karwani hi hogi. Aur ab toh Shruti ko bhi ek helper ki jarurat padegi. Agar aise mein uski shaadi hojayegi toh achha hi hoga. Par itni jaldi ladki kaha se milegi.
Ashok: Thik hai phir Yash ki shaadi ke liye ladki hum saath laaye hai.
Ishant: Main samjha nhi papa.
Deepak: Ishant beta maine aur Meera ne Swati ke liye Yash ko pasand kiya hai. Aur isiliye hi hum yaha aaye hai.
Shruti yeh baat sunke waha se uth jaati hai.
Smita: Kyaa hua beta. Koi problem hai.
Shruti: Meri Devrani pehli baar ghar aayi hai uska muh meetha toh karwana hoga naa. Ishu jaldi se sabke mithai le aao. Deepak Uncle Meera Aunty humhe yeh rishta manjur hai. Kyoo Ishant.
Ishant: Haaa. Uncle Aunty. Shruti ne sahi kaha. Uss gadhe ke liye Swati se achhi ladki ho hi nhi sakti.
Swati bas sharmaaye jaarahi thi.
Ishita bhi meethai laati hai sabka muh meetha karwati hai.
Meera: Par ekbaar Yash ki manjuri bhi jaan leni chahiye. Aakhir yeh zindagi bhar ka faisla hai.
Raj: Aree Aunty aap fikr mat kariye. Woh haa hi kahega. Agar naa kehta hai toh woh zindagi ki sabse badi galti karega. Ishu jaldi jaa usko bula ke laa aur yeh mat kehna Swati aayi hai.
Ishita: Jii Bhaiyaa.
Ishita daud ke andar jaati hai.
Ishita: Bhaiyaa chaliye bahar guest aaye hai. Aapke liye rishta leke. Aree yeh kyaa aap kahi jaa rahe hai.
Yash: Mujhe koi shaadi nhi karni. Aur main office jaa raha hu. Dheere se. Sab ke sab dushman bhade pade hai.
Ishita: Aree jaldi chalo. Bhabhi ka order hai.
Yash ko majburi mein bahar aana padhta hai. Woh bahar aata hai toh uski nazar sabse pehle Swati pe padhti hai.
Yash: Mann mein. Yeh yeh yaha kya kar rahi hai. Woh bhi puri family ke saath. Aur woh ladkiwale kaha hai.
Ishant: Aa yaha baith.
Yash jaake Raj ke bagal mein khada hojaata hai.
Raj: Abee yeh kyaa pehnaa hai. Tujhe kal bola tha naa humlog aarahe hai.
Yash: Haaa par mujhe office jaana hai.
Raj: Aaj chutti di hai tujhe.
Vijay: Yash beta kyaa tum kisi ko pasand karte ho.
Yash: Main samjha nhi uncle. Aap kya kehna chahte hai.
Vijay: Mera kehne ke matlab hai. Kyaa tum kisi se pyaar karte ho. Kyoki hum yaha tumhari shaadi ka rishta leke aaye hai.
Yash: Meri shaadi kaa. Par kyoo. Mujhe abhi shaadi nhi karni.
Raj: Aur kyo nhi karni. Kab tak akela rahega. Karle shaadi. Ladki bahot achhi hai.
Yash: Mann mein. Saale kameene tujhe sab pata hai phir bhi bol raha hai. Kisi ne sach kaha hai dost kab dushman banjaaye koi nhi bol saktaa.
Ashok: Kyaa soch rahe ho betaa.
Yash Swati ki taraf nazar deta hai toh uski nazre jhuki hui thi.
Shruti: Yash tum meri har baat maante ho naa. .
Yash: Jiii. .
Shruti: Toh dekho. Yehlog tumhare liye Swati ka rishta leke aaye hai. Agar tum kisi aur ko pasand karte ho toh bolo main khud usse tumhari shaadi karwaungi.
Yash yeh sunta hai toh khushi se uchhal padhta hai. Kyaa Swati kaaa. Yeh bol usko dekhta hai toh paata hai Swati usko dekh rahi hai aur ek aankh maarti hai phir gardan jhuka leti hai.
Shruti: Haaa Swati ka.
Yash Raj ko ghurr ke dekhta hai toh Raj has raha hota hai.
Yash: Mann mein. Saale kameene tujhe sab pata tha pehle se. Phir bhi nhi bataya. Teri wajah se main puri raat tension mein thaa. Tujhe nhi chorungaa.
Ishant: Yash kuch toh bolo.
Yash: Bhaiyaa Bhabhi aaplog kya kehte hai. Aaplog mere liye jo sochenge achha hi sochenge. Agar aaplogo ne mere liye Swati ko chuna hai toh kuch soch kar hi chuna hoga. Aaplog jo kahenge. Wahi hogaa.
Sablog Yash ka jawaab sunke khush hojaate hai.
Sonal: Swati ke gale lag ke. Congratsss diiii. I am so happy for you. Congratsss Yashhh. I mean jijajiii.
Shruti jhatt se Yash ka muhh meetha karwati hai.
Shruti: Thank You Yashh. Maine tumse bina puche hi Swati ke liye haa keh di thi.
Yash: Bhabhi aapne haa kehdiya toh baat wahi khatam. Aapki koi bhi baat maine taali hai aaj tak.
Yash Raj ke paas aake. Kameene tu sach mein mera dushman hai. Tune kal jab mujhe call kiya tab sab pata tha naa. Phir bhi tune mujhe nhi bataya. Teri wajah se main raat bhar tension mein raha.
Raj: Haste hue. Yeh bol surprise kaise laga. Pasand aaya.
Yash: Raj ke gale lagte hue. Bahot pasand aaya. Thank You bhaiiii.
Raj: Bhai hai tu meraa. Chal ab party deee.
Yash: Aree jarur.
Nandini: Mummy ek kaam karte hai. Aaj hi inka rokaa kardete hai. Phir ek achha sa muhurat dekh kar Sagai kardenge.
Ragini: Bahot achha Nandini. Meera kyaa kehti ho.
Meera: Itni jaldi yeh sab kaiseee.
Raj: Aunty aap chinta naa karee sab hojayegaa.
Yash: Ek minute. Rukiye aap sab. Mujhe kuch kehna hai.
Swati Yash ko dekhti hai. Aur sochti hai. Ab inhe kyaa huaa.
Shruti: Kyaa baat hai Yash.
Yash: Shaadi ke pehle meri ek shart hai.
Sab Yash ko ghurte hai.
Swati: Mann mein. Ab inki kyaa shartt hai. Sab kitne achhe se horaha hai.
Ishant: Kyaa Shart hai teri.
Yash: Meri shart yeh hai ke main ghodi akele nhi chadunga. Mere saath Raj bhi ghodi chadegha toh hi main shaadi karungaa.
Raj yeh sunke puri tarah hairaan hojaata hai. Itni der se uske chehre mein jo hasi thi woh puri tarah gayab hochuki thi.
Sonal bhi yeh sunke hairaan thi. Woh Raj ko dekhti hai toh usko uske chehre mein duniya bhar ka dukhh takleef dikhai padhta hai jo dekh kar Sonal soch mein padh jaati hai.
Swati: Dheere se Sonal ke kaan mein. Kyaa baat hai meri behen. Mere saath teri bhi doli uthegi. Taiyaar hojaa tu bhii.
Sonal Swati ki baato ko ansuna kardeti hai. Uski aankhe kaan mann dimaag abhi sab Raj ke upar thaa.
Karan Nandini Ishant aur Shruti bhi ekpal yeh sunke shock hote hai aur ekdusre ko dekhte hai.
Yash: Aap sab chup kyo hogyee.
Smita: Mujhe shart manjur hai.
Ragini: Haaa haa mujhe bhi yeh manjur hai.
Savitri: Iss ladke ne pehli baar koi dhang ki baat ki hai. Yeh shart mujhe bhi manjur hai.
Ashok: Raj tera kya kehna hai.
Raj: Mujhe shaadi nhi karni.
Smita: Par Raj. Kyo nhi karni. Tumhari bhi shaadi ki umra hogyi hai. Do dost saath mein ghodi chadenge.
Raj: Gusse se chillake. Maine kaha naa mujhe shaadi nhi karni. Nhi karni mujhe shaadi. Meri Megha ke alawa koi mere jeevan mein nhi aasakti. Yeh bol woh ghar ke bahar nikal jaata hai.
Raj ke aise bolne se sab shock hojaate hai sabse jyaada toh Sonal. Uske kaan mein toh bas Megha naam hi gunj raha tha.
Raj ko sab rokhte hai par woh nhi rukhtaaa.
Nandini Karan Shruti Ishant Aur Yash ekdusre ko dekhte hai.
Yash: I am sorry. Mujhe yeh nhi bolna chahiye thaa. Mujhe nhi pata tha Raj ab bhi shaadi ki baat ko leke aisa react karegaa.
Smita: Yeh Raj ko kyaa huaa. Usne aisa kyo behave kiyaa sabke samne.
Ragini: Aur ab bhi se kyaa matlab hai. Humne pehle kabhi shaadi ki baat nhi ki. Aur aisa react kisliye. Aur yeh Megha kaun hai. Humne kabhi aisi ladki ka naam nhi sunaa. Kyaa Raj usse pyaar karta hai. Agar aisa aisa hai toh hum uski shaadi usse hi karwayenge.
Ragini ki yeh baat Sonal ke upar ek Atom bomb ke jaise girti hai. Uski aankho se jo aansu beh rahe the aur woh tezz hogyee. Swati ne Sonal ka haath kass ke pakad liyaa.
Swati: Dheere se. Sonal chupp hojao. Abhi kuch naa karnaa. Pehle jaan lene do sab.
Sonal kuch nhi bolti bas waha khadi roti rehti hai.
Smita: Haa didi ne sahi kaha. Kaun hai Megha. Kaha rehti hai. Parivaar mein kaun kaun hai. Bulao usse hum abhi usse baat karenge.
Nandini: Woh yaha kabhi nhi aasakti.
Sab Nandini ko ghurte hai.
Ragini: Tum jaanti ho Megha ko. Yaani iska matlab Karan Yash Shruti Ishant inko bhi pata hai. Batao kaun hai Megha. Kaha rehti hai. Aur yaha kyo nhi aasakti. Kyaa woh Raj ko pyaar nhi karti. Usee shaadi nhi karna chahti.
Smita: Yaaa usne Raj ko dhokha diya hai. Batao baat kyaa hai.
Karan: Chillake. Aap sab chupp hojaiyee. Woh yaha nhi aasakti kyoki woh zinda hi nhi hai. Aur kyaa kaha aapne woh Raj se pyaar nhi karti usne usko Dhokha diya hai. Aree usne Raj se jitna pyaar kiya hai utna toh koi aur kar hi nhi saktaa. Uski wajah se hi aaj Main aur Nandini saath hai. Agar woh aur Raj naa hote toh shayad hum kabhi ekdusre se pyaar ka izhaar kar hi nhi sakte.
Sonal toh jaise pathar ki murti bani hui thi. Usko toh naa kuch sunai de raha tha naa kuch dikhai de raha tha. Uske kaan mein bas yehi gunj raha tha ke Raj Megha se pyaar karta hai.
Smita: Yehh tum kyaa bol rahe ho Karan. Woh Zinda nhi hai.
Karan: Haaaa. Aaj se 3.5 saal pehle uski maut ek accident mein hogyi thi. Uss accident ke baad Raj ko bahot gehra jhatkaa laga tha. Uske baad se hi woh puri tarah shant hogya thaa.
Baat tab ki hai jab Raj aur Yash 2nd year mein the aur hum sab final year mein the.
Naya saal start hi hua tha. Aur uska pehla din thaa. Hum sab canteen mein baithe hue the. Maine Nandini ko propose nhi kiya tha. Par hum best friends the. Ishant aur Shruti ne toh 2nd year mein hi propose kardiya tha. Raj aur Yash ko koi pasand hi nhi aati. Khaash kar Raj ko.
Ishant: Yaar Karan. Aaj naya batch aayega. Chal unse masti karte hai.
Karan: Haa haa kyoki. Waise bhi ab humara aakhri saal hai. Uske baad toh yeh sab kuch nhi karpayenge.
Shruti: Kyaa maza milta hai aaplogo ko. Dusro ko pareshan karke.
Nandini: Haa sahi kaha. Jab dekho awaaragiri karte rehte ho.
Karan: Oo madam. Awaara kise kaha. Hum awaara dikhte hai.
Nandini: Tum toh dikhte hi ho.
Shruti: Nhi nhi Nandini. Yeh bhi Awaara hi hai.
Ishant: Isi awaara ke saath saari zindagi guzarni hai.
Shruti: Pata nhi woh kaunsa time tha jab tumhara proposal accept kiya.
Ishant: Sham ko 4 baj ke 50 minutes horahe the. Aur Wednesday tha. Tumne pink top aur blue jeans pehna tha.
Shruti aankhe faade Ishant ko dekh rahi thi. Sirf Shruti hi nhi Karan aur Nandini bhi.
Nandini: Tumhe woh sab yaad hai.
Ishant: Ab madam se pyaar kiya hai. Kal ko agar puchliya aur nhi bata paya toh meri jaan lelegi.
Nandini: Kyaa baat hai. Shruti tera lover toh sach mein great hai. Warna aaj kal ke lover toh propose karne se bhi darte hai. Yeh isne Karan ko dekh kar kaha thaa.
Karan: Ab jaruri nhi ladke hi harwaqt propose karee. Aur tu tujhe kisne bola tha yeh sab yaad rakhne ko. Ab teri wajah se kal ko agar meri wali ne kaha toh.
Ishant: Pehle pyaar ka izhaar toh kar. Saala fattu. Aur madam aapka muh kyo khula reh gaya.
Shruti: Tumhe sach mein woh yaad hai.
Ishant: Aapse pyaar kiya hai aapke saath jitne bhi special moments spend kiye hai sab yaad hai.
Shruti Ishant ke gale lag jaati hai.
Nandini: Kyaa ladki hai bade bhai ke saamne kaise gale lag rahi hai.
Shruti: Apne hone wale pati ke gale lagi hu. Aur agar tujhe jalan horahi hai toh ek kaam kar tu bhaiya ke gale lag jaa.
Shruti ke aise bolne se Karan ko khaashi aajati hai aur Nandini jhepp jaati hai.
Tabhi pichhe se awaaz aati hai.
Good Morning Final year students.
Sab jab Awaaz ki taraf dekhte hai toh waha Raj aur Yash khade thee.
Sab: Good Morning. Aaj late kyo hogye.
Raj: Ab kyaa bataye. Yeh mumbai ki traffic ka kuch nhi hosakta.
Shruti: Aur tum.
Yash: Bhabhi ab mera toh aap jaanti ho subah jaldi utha nhi jaata. Woh toh aaj Ishu ne muh mein paani gira diya isiliye jaldi uth gaya.
Raj: Warna aaj ka bhi first day ka first period miss hota.
Yash: Ab toh woh khusat budhha toh class nhi lega naa. Infact issbaar toh uska class hi nhi hai. Toh roj class karunga.
Raj: For your kind information. Woh khusat buddha hi abse humari pehli class lega.
Yash: Kyaaaaaa nhiiii. Boldee yeh jhoot hai. Woh buddha mera jeena haram kardega. Pata nhi maine uska kya bigada hai. Jab dekho mere pichhe padha rehta hai.
Nandini: Ab professor Kumar itne bhi bure nhi hai.
Yash: Aap kyaa jaano. Woh khusat budhha iss masoom si jaan ki kyaa halat karta hai. Mujhe aise ghurta hai jaise main mangal wasi hu.
Shruti: Achha achha ab bas karo. Baitho.
Karan: Toh ab tum dono bhi seniors ho. Kyaa socha hai.
Yash: Mast intro lenge. Jaise humara liya tha. Aur aaplogo ne bachaya tak nhi tha.
Shruti: Experience hona chahiye tha naa.
Ishant: Karan Woh dekh freshers yehi aarahe hai.
Yash: Bhaiyaa aapka time gaya ab humara time hai.
Phir Yash idher udher najar ghumata hai toh ek ladki aarahi hoti hai.
Yash: Oo Blue dress jara yaha aana.
Woh ladki dheere dheere waha aati hai.
Yash: Fresher.
Ladki: Jiiii. 2nd year.
Yash: 2nd year. Par kabhi 1st year mein nhi dekhaa.
Ladki: Jii woh lateral entry hai.
Raj: Pehle kaunse college mein thi.
Raj ko question puchte dekh sab usko ghurr ke dekhte hai. Kyoki Raj ko innsab mein koi interest nhi hota thaa.
Ladki: Jii pehle pune mein thee. Papa ke transfer ke baad yaha aagaye.
Raj: Oookk. Now you can go.
Ladki chup chap waha se jaa rahi hoti hai. Tabhi Raj ko awaaz deta hai.
Raj: Ek minute rukhnaa.
Ladki: Jiii.
Raj: Kaunse stream mein ho.
Ladki: Ji Business.
Raj: Naam kyaa hai tumhara.
Ladki: Jiii Megha Srivastava.
Raj: Meghaaa. Nice name. Umeed hai jald mulakat hogi.
Ladki: Hairaani se. Matlab.
Raj: Matlab ab ek hi college mein hai milna toh hota rahega naa. Btw I am Raj. Raj Kapoor.
Megha: Megha. Megha Srivastava.
Raj: Nice to meet you Meghaa.
Megha: Same here.
Raj: Ab jaa sakti ho.
Megha waha se chup chaap nikal jaati hai. Idher sabkoi bas Raj ko hi ghurr rahe thee.
Raj: Kyaa huaa sab aise kyo ghurr rahe ho. Chehre mein kuch laga hai kyaa.
Shruti: Yash isko dekh kahi bhukaar toh nhi hai. Yaa phir kisi ne ispar kalajadu kiya hai.
Raj: Kyaa bol rahi ho aap.
Nandini: Shruti thik bol rahi hai. Pichle 1 saal se tumko janti hu. Hum kitne achhe friends hai. Par aaj tak tumhe kisi bhi ladki se baat karna toh durr nazar utha kar dekhte hue bhi nhi dekha. Aur aaj sidha uska intro le liya. Yeh baat kuch hajam nhi hui.
Karan: Nandini ne ekdum sahi kaha. Chal sach sach bata mamla kya hai. Tu usko pehle se jaanta hai.
Raj: Aaj first time dekha. Aur tu mujhe aise kyo dekha raha hai. Kabhi dekha nhi kyaa.
Yash: Tujhe dekha toh bahot baar dekha hai. Par tujhe ladki se baat karte aur iss tarah baat karte kabhi nhi dekhaa.
Raj: Areee aisa kuch nhi hai. Yeh uski ragging leta isiliye maine wahi rok diya.
Ishant: Aur yeh kis khushi mein.
Raj: Woh bas aise hi.
Ishant: Mere saale ko pyaar hogyaa. Shruti tere bhai ko pyaar hogyaa. Teri dusri bhabhi mil gayi.
Nandini: Dusri. Pehli kaun hai. Yeh bol Karan ko ghurti hai.
Karan: Aree ghurr kyaa rahi ho.
Nandini: Mujhe best friend kehte ho aur girlfriend banali aur bola tak nhiii. Phir Mann mein bolti hai. Kaun hai woh jisne meri jagah le li. Ekbaar miljaaye kameeni ka muh noch lungi.
Karan Aree Raj shruti ka dusra bhai hai isiliye Ishant ne aisa bola. Aur agar koi hogi toh tumko toh sabse pehle batunga.
Nandini: Mann mein. Yehhh kabhi mere pyaar ko nhi samjhega. Mere saamne bolraha hai apne liye koi pasand karke mujhe batayega. Lekin mujhe pasand nhi karega.
Karan: Aur tu yaar puri baat bola kar. Warna yeh abhi mera kyaa karti pata nhi.
Ishant: Kuch nhi karti. Aur saale sahab tum bologe. Kyaa chakar hai.
Raj: Koii chakar nhi hai Jiju. Aaplog bekaar mein shak kar rahe ho.
Shruti: Dekhte hai. Agar pata chala naa kuch chal raha hai toh sochlenaa.
Raj: Mann mein. Yaha sirf naam pucha toh yeh haal hai. Agar aage badh ke baat karne gaya tab kyaa karenge.
Shruti: Itna soch raha hai matlab confirm hai. Mere bhai ko ladki pasand aagayi. Waisee kyaa naam bataya usne apna.
Yash: Meghaa. Megha Srivastava. Aur humare class mein hi hai.
Shruti: Naam toh achha hai. Aur Raj choice mast hai.
Raj: Class mein chalee.
Yash: Yaad aarahi hai.
Raj: Tu chalegaa.
Yash: Haa haa chal raha hu.
Phir sab apne apne class ki taraf badh jaate hai.
