- 1,966
- 3,399
- 159
Romance Ek Din Achanak
- Thread starter Ravi
- Start date
- 119,631
-
- Tags
- romantic story
a lot doston
- 705
- 564
- 64
Update 55
Us aadmi ne ghar par kadam rakha to uski ladki ne uske late aane ki wajah poochi. Us aadmi ne saari baat bata di jise sunkar us ladki ko thodi rahat mili. Lekin jab baat saaman ki aayi to wo aadmi chaunk pada kyunki us aadmi ka saara saaman to Ravi ki gaadi mein hi reh gaya tha. Us aadmi ko jyada pareshan dekhkar uski beti ne poocha to usne bataya ki beta main gaon apni jameen ka sauda karne gaya tha. Sauda ho gaya tha to uska byana mila tha 2 lac. Wo usi bag mein tha.
Wo ladki ye sunte hi bhadak gayi aur boli “Papa us ladke ne jaanbhoojhkar aisa kiya. Usne dekh liya hoga jab aap behosh the ki aapke bag mein paise hain aur mauka milte hi us bag ko lekar rafoochakkar ho gaya.”
“Nahin beti wo bahut sharif ladka hai. Galti se uski gaadi mein reh gaya hoga. Agar use le jaana hota to mujhe hosh mein kyun laata aur ghar tak kyun chodta. Wo to tabhi bag lekar bhaag jaata aur hamein pata bhi nahin chalta ki bag kaun lekar gaya hai”
“Papa aap jaante nahin hain aise ladkon ko. Ho sakta hai tab use nahin pata ho ki bag mein paise hain lekin jab aap ghar aa gaye tab usne dekha ho. Aapko andar chodne ke baad dekha nahin ki kaise jaldi jaane ki jid macha raha tha. Aapne kitni request ki thi ki ek cup chay pi kar jao lekin wo kahan ruka tha. Ek cup chay uska kitna samay le leti. Use bag lekar jaldi nikalna tha to bhaag gaya use lekar. Main to kehti hain ki aap police mein khabar kar do us ladke ko maine acche se dekh liya tha aur police ko use pakadne mein koi dikkat nahin hogi”
“Aapko takleef uthane ki jaroorat nahin hai. Main khud police station chalne ke liye tayyar hoon”
Us aadmi aur uski beti ne chaunk kar darwaze ki taraf dekha to unhen darwaze par Ravi haath mein bag liye khada huya mila. Uncle behad sharminda ho gaye aur unhen apni beti ki nasamjhi par bahut gussa aa raha tha. Lekin ab kya kar sake the kyunki Kaman se nikla teer aur mooh se nikli baat wapas to nahin aa sakti na. Ravi ne andar aate huye kaha “Uncle aap bag check kar lijiye ki sab samaan sahi salamat hai ya nahin. Sorry meri wajah se aapko takleef huyi. Ghar se baar baar phone aa rahe the to jaldbaazi mein gaadi se bag utarna hi bhool gaya tha. Sorry once again”
Ladki ne lappakkar bag le liya aur saaman nikalkar check kar liya. Usmein ek lifafe mein 500-500 ki 4 gaddiyan thi. Ye dekhkar wo ladki jhenp gayi aur sharminda ho gayi ki jis ladke wo itna galat samajh rahi thi usi ne uske pita ki help ki thi aur ab apna sab kaam chodkar sirf ye bag lautane wapas aaya hai.
Ravi ne kaha “Aapne check kar liya hai to theek hai nahin to main ab bhi police station chalne ke liye tayyar hoon”
“Mujhe maaf kar dijiye. Maine aapko galat samjha”
Ravi ne kuch nahin bola aur uncle se wida lete huye turant wahan se nikal gaya. Uncle bheegi palkon se use jaate huye dekhte rahe bas. Aur wo kar bhi kya kar sakte the.
Ravi sab bhulakar apne ghar pahuncha to use pata chala ki Pawan ghar ke kai chakkar laga chua kai Ravi ko poochne ke liye. Ravi fresh hone ke baad apne parents ko bol kar Pawan ke ghar ke liye chal diya. Gharwalon ne mana kiya ki pehle rest kar lo fir chale jaana lekin Ravi to jid ka pakka tha kahan rukta. Bas chal diya Pawan ke ghar ki taraf. Shayad iska kaaran ek ye bhi tha ki jo dukh use aaj pahuncha tha wo Pawan se baat karke kuch kam kar sake.
Jab wo wahan pahuncha to Pawan usse garamjoshi se mila. Lekin Pawan ne mehsus kiya ki Ravi kahin khoya huya tha. Usne Ravi se majak mein pooca gaon mein koi jaroori kaam pad gaya tha jo do din ki bajay tune chaar din laga diye. Yaa koi mil gayi thi.
Ravi ne use gaon se lekar us aadmi aur uski beti ke shaq karne tak ki saari baat bata di. Pawan sab sunta raha aur jaise jaise ghatnayen badal rahi thi uski chehre ke bhav bhi badalte ja rahe the. Pawan ne bhagwan ka shukar ada kiya uncle ki jaan bachne ke liye aur Ravi ki tareef ki kyunki usne ek nek kaam kiya tha. Lekin use us ladki par gussa bhi aa raha tha ki bagair soche samjhe usne Ravi ko beijjat kar diya.
Uske baad Ravi ne Pawan se poocha ki tumhari saali ne to college join kar liya hai na. Tere to maje ho gaye. Dono haathon mein laddoo hain. Riya to thi hi aur ab Diya bhi. Saali aakhir aadhi gharwali hoti hai. Bas thodi der dono isi tarah hasi majak karte rahe aur Ravi apne ghar chala gaya. Pawan se baat karke uske dil ko badi shanti mili thi.
Agle din Ravi aur Pawan dono college pahunche. Wahan unhone dekha to dono behne unhen kahin dikhai nahin de rahi thi. Pawan ne kaha “Shayad abhi wo dono nahin aayi. Bas aate hi honge.”
Iske thodi der baad hi Riya aur Diya dono college mein aa gayi. Ravi wahin park mein baitha tha aur Pawan unse milne pahunch gaya. Aate hi dono Pawan se mili aur Pawan ne jab bataya ki Ravi aa chuka hai to dono ne usse milne ki ichha jaahir ki. Pawan un dono ko park mein le aaya (Ab aap log ye kahenge ki saara din bahar hi rehte hain, kabhi park mein, kabhi canteen mein to class kab attend karte hain to iska jawab ye hai ki uske liye Jay hai na. Wo sabke liye notes bana deta hai
)To be continued....
- 1,966
- 3,399
- 159
- 705
- 564
- 64
jay se not banvane ke ckar main adhi story bhi likha va di ye bhi bata dete last main tau
kuch raaz ko raaz hi rehne diya kar 
mysteryman
Active Member
- 921
- 1,567
- 139
UPDATES BADIYA THE...
RAVI NE UNCLE KO BLOOD DEKAR UNKI JAAN BACHAI...
RASTE MAI BHI EK UNCLE KI MADAD KI JO KI BEHOSH PADE THE...
SHAME ON STORY BALE CITIZENS MYONKI KISI NE BHI UN UNCLE KI MADAD NHI KI
.
VO UNCLE SHAYAD MERE HISHAB SE RIYA KE PAPA HONGE AUR VO RIYA KI BAHAN HOGI ...SHAYAD
KHAIR JO BHI JAB RIYA KI BAHAN OR RAVI MILENGE TO SCENE DEKHNE LAYAK HOGA...
WAITING FOR NEXT. .M
RAVI NE UNCLE KO BLOOD DEKAR UNKI JAAN BACHAI...
RASTE MAI BHI EK UNCLE KI MADAD KI JO KI BEHOSH PADE THE...
SHAME ON STORY BALE CITIZENS MYONKI KISI NE BHI UN UNCLE KI MADAD NHI KI
.VO UNCLE SHAYAD MERE HISHAB SE RIYA KE PAPA HONGE AUR VO RIYA KI BAHAN HOGI ...SHAYAD
KHAIR JO BHI JAB RIYA KI BAHAN OR RAVI MILENGE TO SCENE DEKHNE LAYAK HOGA...
WAITING FOR NEXT. .M