Update:-12
alan:- tum is junglee ke sath shikar karne aai thi ya romance karne!
alan mujhe nafrat se dekhta thelma se guse se bola.
thelma bhi kam nahi thi:- chilla kar baat mat karo tum mujhse samjhe. main karan ke sath shikar karun ya romance. tumhe isse kya..
alan aur bhi guse me aate hue gun ka rukh mere seene ki orr kar gaya.. main satark ho gaya. pagal ka kya pata, fire hi na karde. lahu tapkate khanjar par meri grift sakht ho gai.
alan:- is junglee suar ki chhati phaad dunga main. iski aukat nahi ha tumhare sath khade hone ki aur tum isse romance kar rahi ho. akhir is junglee me aisa kya dikh gaya tumhe, jo tumhe aaj tak mujhme nahi dikha.
thelma:- pyaar.. sacha pyar dikha ha mujhe karan ki ankhon me.. jo kabhi tumhari ankhon me utra hi nahi.
alan thelma ke in shabdo par sahn nahi kar paya. aur trigger daba gaya.. main aise hi kisi lamhe ke liye satark tha. meri nazar alan ki ungli par hi thi. jaise hi trigger par uski ungli ne junbash ki, mai turant side me gir gaya. aur khanjar wala hath girte girte bhi alan ke hathu ka nishana lekar phenk dia.
fire ki awaz par thelma cheekhi to alan ka dost bhi chaunk utha. main gira aur mere jaise junglee ke hath se nikla khanjar alan ke bahen hath ki kalai me ja ghusa. thelma ki cheekh ke baad alan ki cheekh goonji, gun uske hath se gir padi. wo khud bhi ghutno par betha cheekhne laga. alan ka dost mujhe shoot karta, thelma cheekh padi
thelma:- galti se bhi fire mat karna. warna main tujhe shoot kar dungi.
thelma ki awaz me darr bhi tha aur bepanah gusa bhi. alan ka dost paul himmat nahi kar saka fire karne ki. mai khada ho chuka tha. chalta hua cheekh chilla rahe alan ke paas gaya, niche betha aur uski kalai me gadha khanjar nikal diya.
alan ne gun dono hathu se tham rakhi thi, mera khanjar uski left kalai me ja ghusa tha.
karan:- bhediye ko shoot karke tumne mujhpar ahsan kiya. mera us orr dhayan nahi tha, mujhe ya thelma ki jaan ko khatra ban sakta tha.. fir mujhpar fire karke tumne gunah kiya. mere krodh ko lalkara.. badle me main chahu to tumhari jaan le sakta hon. aur hum thakur log maafi dena to jaante han, par dushmani nibhane me, dushman ka sarvnash karne me hum kabhi piche nahi rahte. tumhare ahsan ke badle me main tumhari jaan bakhsh raha hon. matlab jo ahsan anjane me tumne mujhpar kiya tha, wo tumne galati se chukta karne ka avsar bhi mujhe de dia. matlab ab hisab barabar ho chuka ha. ab tum meri raah me aaye to yaad rakhna, tumhara saamna ek thakur se, ek sarfire junglee se hoga.. lamhon me jaan kaise jati ha, abhi tum is baat se anjan hoge. keep in your mind.
mera ek ek shabd aag barsata hua tha.. gusa hi itna aa raha tha mujhe alan par. badi mushkil ban jaya karti ha, jab jaan lene wali ki jaan bakhshi ki jati ha..
alan ki gun dusre hath me thaam kar mai uth khada hua aur paul ko ghoorne laga
karan:- dosti achhi chiz ha. par dosti me andha hona pagalpan bhi aur jaanleva bhi,. abhi jo maine alan se kaha, usay apne dimag se kabhi mitne mat dena. alan ki galati isliye maaf ki ha, alan ka mujhpar ahsan ban gaya tha.. warna yahi pada hota junglee darindo ki khurak banne ke liye. dusri galati na iski maaf hogi aur na hi tumhari. chalo thelma chalte han
thelma bhi dono ko guse se dekhti mere sath chalne lagi. ek baar wo mud kar dekhne lagi. maine piche mud kar nahi dekha. alan ki ankhon me mujhe mere liye pahle se bhi adhik gusa aur nafrat dikhi thi to darr bhi inteha ka dikha tha. goli se bhi tez khanjar mere hath se nikal kar usay ghayal kar gaya tha. ye baat zarur uske chhote se dimag me baith gai hogi. aur paul, usme himmat thi ki nahi. alan se dosti kitni thi, ye abhi pata nahi tha mujhe, par wo peeth peeche mujhe shoot karne ki himmat kho betha ha, ye baat mai jaan gaya tha.
thelma ne dusri baar mud kar dekha to main usse bol pada
karan:- kyu dekh rahi ho bar bar..
thelma:- kutton ka kya pata, kab peeche se war kar den.
karan:- hahaha.. kutte dar gaye han, bhediye bane to zarur wo piche se, khamoshi se war karenge. jaise asli bhediye hum par planning se hamla kar bethe the.
asli bhediyon ki baat aai to thelma jhurjhuri lati mera hath thaam gai
thelma:- baap re, agar alan us bhediye ko shoot na karta to hum to.. uffffff soch kar hi dil dahalne lagta ha.
karan:- hahaha.. aai thi shikar par. shikar karne walun ke paas sher ka jigra hona chahiye..
thelma shokhi se:- pahle bhi kaha tha, ab bhi kahti hon. tum mujhe apna loge to baki ka bacha khucha darr bhi chala jayega mere andar se.
mai thelma ko ghor se dekhne laga. kitni speed se ye gori ladki mere dil me utarti ja rahi thi. itni speed se aaj tak koi bhi ladki mere dil me nahi utar saki thi. balki mere dil me to aaj tak koi ladki utar hi nahi saki thi. thelma pahli ladki thi, aur mere andar janam le rahi bhavanaen bhi kuch kuch nayi thi.
ek baar firse main thelma ke meethe shabdo aur ankhon me khone laga tha. fir yaad aaya, aise pahle bhi hua tha, tab to alan ne fire karke mujhe is bhavanaon ke jaal se nikal dia tha. is bar mai ye galti firse nahi dohrana chahta tha. junglee me hosh me rahna zaruri hota ha. mai thelma ko koi jawab deta, door mujhe ek hiran dikhai dia.. main satarak ho gaya. thelma ka hath pakad kar dhire se bola
karan:- bilkul bhi awaz mat karna. tum yahi raho, koi khatra mahsus karo to fire kar dena. main samne dikh rahe hiran ka shikar karke aata hon. hiran dekh thelma bhi josh me aa gai. mera hath thaam kar meri ankhon me minnat bhare andaz me dekhne lagi.
thelma:- jab se india aai hon, koi shikar nahi kia maine karan. is hiran ka shikar mujhe karne do.
thelma ke andaz par mai hase bina nahi rah saka.
karan:- okay.. theek ha, to fir karo fire, main bhi to dekho,tumhara nishana kaisa ha
thelma khush ho gai:- mera nishana bohut umda ha karan. dekhna ek hi phatke me hiran dher..
thelma gun ko hiran ki orr karte hue fire khol gai. hiran ne jaise apni aur badhne wali maut ki aahat pa li thi. idhar fire hua, udhar hiran qalanchen bharta nazron se ojhal ho gaya.
mai hasne laga.. thelma meri hasi par chid gai..
thelma:- nishana sahi tha mera. bas kismat achi thi uski, jo wo pahle se satark ho gaya. aur bhaag nikla..
muskan ab bhi thi mere honto par:- koi baat nahi, aur kai chance milenge fire karne ke..
fir main aur thelma bohut der tak jungle me firte rahe, par aaj shayad thelma ke nasib me shikar nahi tha.. uska nishana zarur kamal ka tha, gun pakadne ke andaz se hi nishanebaz ka pata chal jata ha, aur thelma waaki me ek kamal ki nishanebaz thi. bass kismat me shikar nahi thi, isliye kisi ko hit nahi kar payi...
thak haar kar ek ped par beth ek eagle dikhai dia mujhe
karan;- hiran ya koi aur janwar shikar hath nahi aaya to kya hua, upar dekho, wo eagle zarur tumhari gun se hit ho jayega.
thelma jiska moh ab phool chuka tha. bohut der nishana laga laga kar khawar ho chuki thi. ek baar firse eagle ko dekh nishana baandh fire kar gai. is baar kismat ki devi thelma par maharban hui. eagle jiska dhayan kahin aur tha, fire ki awaz par bhi chaunk nahi saka. shayad usay laga hoga, nishana kisi ka lagaya ja raha ha, bechara isi galat fahmi me mara gaya.
thelma "yaaaaaaahoooooooo" ka naara maarti bhag kar eagle ke paas ja pohnchi. ab shaam hone wali thi. jungle me andhera jald hone lagta ha. thelma khushi se mujhe eagle dikhane lagi. wahin maine usay pakad ke check kiya to bullet eagle ke pet ko phaad kar paar nikal chuki thi.
hum wapsi ke liye nikal pade.. jungle se nikle, camping ke paas pohnche to andhera ho chuka tha. door se hi willaim ek tent ke bahar torch ki roshni me mujhe chintit dikhai diya..
hum wahan pohnche to willaim mujhpar nahi to thelma par zarur baras pada..
willaim:- stupid, itni der tak jungle me rahne ki kya zarurat thi tumhe. jald laut kar nahi aa sakti thi. aur kis side me gai thi. kai guards tumhe dhundne nikle the. pata bhi ha, jungle kitna khatarnak ho jaya karta ha shaam ke baad..
thelma ne eagle mujhe thamaya aur william ke gale lag kar willaim ka gaal chum lia..
thelma:- dad karan tha na mere sath. karan ke rahte koi khatra meri orr kaise badh sakta tha.
william thelma ki bat kar usay ghoor kar dekhne laga. thelma hasti hui firse william ke gaal chum gai
thelma:- dekho na dad, wo eagle maine shikar kiya ha. karan dikhao, dad ko eagle dikhao.
maine eagle willaim ke saamne kar dia.. willaim normaly eagle ko dekhne laga.
william:- eagle to bohut hi active bird hota ha, eagle ko shoot kar pana ek hisab se impossible hota ha.
mai hasta hua bola:- shayad eagle ko thelma ki nakami pasand nahi aayi hogi, isliye khamoshi se shikar ho gaya.
william:- kya matlab?
thelma shikar kar chuki thi.. bohut khush thi, isliye haste haste sab batane lagi, kaisi koi bhi fire kisi hiran ya dusre janwaron ko nahi hit ho saka tha.
william bhi hasne laga:- toh iska matlab ha, tumne india me apni haunting ki shuruaat kar di...
thelma;- yes dad
eagle size me itna tha, mere liye pet bharne ka intezam ho sakta tha. mai kisi ke shikar kiye hue se pet nahi chahta tha. par bat thelma ki thi, uski dosti ki thi.
main aur thelma heran the, alan ke zakhmi bazo ko leke kisi ne humse kuch nahi pucha tha.. anuman ke anusar 9 se upar ka time tha. mai aur thelma bahar do chairs par bethe baaten kar rahe the.
thelma:- karan alan ya paul ne jungle wali baat kisi ko batai kyu nahi.
karan:- pahle main bhi heran hua tha. par ab main sab samjh gaya hon
thelma:- kyaa? kya samjh gaye tum.
karan:- yahi ki, uske mann me kuch to khatarnak chal raha ha.
thelma guse:- jaan le lungi main us kamine ki. agar tumhare sath kuch galat karne ka socha bhi usne.
mai thelma ko dekhta rah gaya. jaise wo tez raftari se mere dil me utarti ja rahi thi, aise hi wo bhi mere liye dil me bhavanaon ko jaga bethi. mere liye kitni serious ho gai thi ek hi din me.
agli subah hamara kafila aage ke safar ke liye nikal pada. sabhi paidal thi, jaisa ilaka tha, gadiyan kam nahi aa sakti thi. kuch gaurds aage to kuch gaurds piche chal rahe the.
alan ne apni zakhmi kalai ki dressing kar li thi. din ke samay erika ki nazar alan ke zakham par padi to wo chintit hui. main dekh raha tha, alan ne erika ko sahi bat na bata kar koi aur baat bata di thi. erika thintit to hui apni bhai ke ghayal hone par, par wo jald shant bhi dikhne lagi thi.
sham se kuch der pahle ek munasab jaga dekh kar dera daal dia gaya. main is bar khud se akela nikal pada apne liye shikar ki talash me. thelma bhi jana chahti thi. par maine is bar mana kar dia. samay kam tha aur mujhe jald lautna bhi tha. thelma ne kuch der mujhse bahas ki, fir haar maante hue mujhe akele hi jaane dia.
william mujhe thelma ke sath dekh kar khush dikhai dia tha. subhash se bhi sarsari si baaten aur hui thi. zayada mai usse koi aur baat nahi kar saka tha. ek to mujhe thelma mil gayi thi, dusre mujhe english me baat karne me bhi maza aane laga tha. jabse thelma mili thi, mai english me hi baat kar raha tha. kisi indian se baat nahi kari thi..
english bolne me jhijhak kam hoi to english jaise mere liye asan hone lagi.
sham hone me abhi ek ghanta baki tha. mai speed se ek rifle aur khanjar liye jungle me ek side nikal gaya. khanjar se shikar karne me maza aata ha, par zaruri nahi, har bar shikar jaldi hi mil jaye. isliye thelma se maine rifle le li thi..
agle 15 minat me mai camping se bohut door tha. aur shikar talash kar raha tha. par shayad is area me shikar tha hi nahi, tha bhi to bohut kam. mujhe koi janwar dikhai hi nahi dia tha..
main wahin ek chatan par khada hokar charon aur dekhne laga. door piche mujhe camping ki bass halki si jhalak hi dikhai de rahi thi. fir main saamne aur dayen bayen dekhne laga. left side ka jungle khatarnak dikhai dia to mai us taraf nikal pada.. mere hisab se us disha me mujhe koi hiran ya mere matlab ka koi janwar mujhe mil sakta tha.
agle das minat me mai daudta hua bohut aage nikal chuka tha. ek chhoti pahadi se utar kar main jab saamne dekha to mujhe door hirno ki ek daar dikhai di.. jo shayad apna pet bharne ke baad wapis laut rahi thi.
maine pahle socha, shikari ke jaise chaukanne hokar unme se ek paas jaaun aur khanjar se usay shikar karun. par andhera is side badi speed se badhna
shuru ho gaya tha. aur hiran bhi apne thikane pohnchne ke liye kuch tez raftari se wapis laut rahe the. hath se nikal jate to fir mere liye mushkil ban jati. yahi soch kar maine rifle se ek hiran ko shoot karne ka nirnay le lia.
rifle se bullet shor machati hui nikli. hiran jo apni masti me wapis laut rahe the. fire ki awaz par uchhal kar bhagne lage. par maine jis hiran ka nishana bandha tha, goli uski pichhli taang me lag gai. wo gira, fir utha aur daudne laga. ghayal hone ke karan uski speed kam thi. itni der me baki sab hiran bohut door ja chuke the. mai bhi speed se daud pada. langdata hiran firse uth kar bhagne ki koshish me tha. wo mujhse door ho pata. mai us tak pohnch gaya. khanajr se hiran ki baki ki bachi saanson ka silsila toda aur fir hiran ko apne dayen kandhe par utha kar wapis chal pada.
abhi mujhe chalte hi kuch hi der hui thi. saamne se ek fire hua aur mere bayen kandhe me jaise pighala hua loha utar gaya. mai samjh gaya, alan ne apni kamingi dikha di ha. chhup kar war karna shayad uski fitrat thi..
dusra fire hua, par tab tak mai apne dard ko bhul, hiran ko niche phenk khud bhi niche gir pada tha. mai crawling karta hua us jaga se tezi se door hone laga. aise hi kuch aur goliyan bhi mujhpar chalai gai. par firse mujhe koi goli chhu nahi pai thi. khanjar to mere hath me rah gaya tha. par crawling karte hue rifle mujhe chhodni pad gai thi. dayen hath me khanjar tha, aur bayen kandhe me goli lagi hone ke kaaran main rifle nahi utha sakta tha. crawling karte hue bhi mujhe bohut dard ho raha tha. goli shayad kandhe ki hadi ko ghayal karti guzar gai thi. dard se jaise jaan ja rahi thi meri.. door ek ped ki aadh me hokar maine piche dekha to mujhe koi dikhai nahi dia..
sabse pahle maine hath se apne kandhe ko check kiya. shukar tha, goli haddi ko chhuti hui guzar gai thi. par hadi salamat rahi thi. mai chal raha tha, isi liye alan ka nishana bhatak gaya tha, aur goli kandhe ko ghayal karti nikal gai thi.
main na hiran chhod sakta tha aur na hi khud par hamla karne wale ko. agar wo alan tha, to kutte ki maut maarne wala tha wo mere hathu. mai junglee tha aur andhera aur jungle mere dost. kaise mai kisi kayar ki tarah bhaag nikalta.. main ghum kar jis disha se mujhpar fire kiye gaye the, udhar jaane laga. par mujhe koi dikhai nahi dia. main apni junglee senses ko active kiye pure dhayan se mahsus karne lage, samjhne laga, koi insan mere siva is jungle me maujud ha ya nahi..
meri senses ne mujhe bataya, wo jo koi bhi tha, bhaag nikla ha. main kuch der aur wahin ghum fir kar usay talash karta raha. par wo mujhe nahi mila. main wapis se hiran ke paas aaya, shukar tha, koi aur junglee janwar mere shikar par nahi jhapta tha. mai hiran aur gun utha kar wapis chal pada. kandhe ka dard ab badhne laga tha. agle 25 minat me main wapis capming ke paas tha. ek side hiran phenka to thelma bhag kar mere paas aai. mere kapde khun me sane hue the. thelma pareshan hokar mere bazo ko pakad gai
thelma:- karan ye kya hua tumhe. ye khun kaisa ha
main samne dekhne laga. alan aram se betha gupshap kar raha tha.
karan:- wahin hua, jiska andaza tha, alan ne firse meri jaan lene ki koshish ki, par meri kismat achi thi, jo uska nishana bahak gaya aur goli mere kandhe ko chhoti nikal gai
thelma heran hoke:- alan ne.. par alan to mere paas tha. wo to kahin gaya hi nahi.
ab heran hone ki bari thi:- ye kya kah rahi ho thelma
thelma:- sahi kah rahi hon mai karan. alan aur paul dono meri nazron ke saamne hi rahe han aur tum kah rahe ho alan ne tumhe shoot karne ki koshish ki.
main ulajh gaya. mujhpar goli chalane wala alan ya paul nahi the to fir wo kon tha, jo meri jaan lene ke liye pagal ho utha tha.
karan:- jo bhi hoga, meri nazron se bach nahi sakega.
thelma mera hath pakad kar:- chalo mere sath main tumhare zakham ki treatment karti hon.
mai hiran ko dekh kar:- iska kya karna ha.
thelma ne ek indian ko awaz lagai, jo cook bhi tha. usay hiran utha kar lejane ko bol dia. khud mujhe sath liye apne tent me ja ghusi. cathy aur tamara ne bhi mere khun me sane hue kapde dekh liye the wo bhi tent me aa gai.. dono ne pucha to thelma ne kisi unknown baare bata dia. thelma ne yahan akalmandi ki aur alan ka nam nahi lia.
kuch der me mere ghav par anti septic lotion laga kar themla ne bandage kar di.
us raat maine alan par kadi nazar banaye rakhi. par jab tak thelma mere sath rahi, alan aur paul ki ankhon se main kuch bhi andaza nahi kar paya. jaise hi thelma mere paas se hati, alan ne middle finger dikha di.. dekh kar mujhe gusa aana chahiye tha. par mai has pada. alan ne khud ko expose kar dia tha. matlab wo direct mujhpar hamla na karke piche rahte hue mujhe maar dena chahta tha. aise me thelma kabhi meri is baat par yakin nahi kar payegi ki alan meri jaan lena chahta ha. par meri nazron me khud ko expose karke alan ne apni maut ko dawat de di thi.
ek baat aur jo maine note kari thi wo ye thi, erika ki ankhon me mujhe apne liye kuch alag se bhav dikhne lage the.
us raat adhik aur kuch nahi hua. agle din se firse hamara kafila chal pada. teesre din hum ek kabile tak ja pohnche. is beech halat normal hi rahe. alan ne mujhe koi moka nahi diya, firse mujhpar koi hamla nahi hua. hota to is baar wo mujhse bach kar jane wala nahi tha. ek ek ko nazron me dekhte hue maine bohut koshish kari thi, alan ka kisi guard ya kisi aur se koi gathjod bana ha to wo kon ha. par main kisi ko dekh andaza nahi laga paya.
kabile wale shayad bahar walun se khaufzada rahte the. isliye unho ne sabko kabile se bahar hi thaharne ka bol dia. baat jo bhi hogi wo kal din ki roshni me hogi, kabile wale samjhdar bhi the wo koi chance nahi lena chahte the.
us raat maine dekha kabile ke kai jawan hamare gird kuch fasle par maujud the. wo humpar nazar banaye hue the, kahin hamare dilon me koi khot to nahi, kahin hum raat chupke se unpar koi hamla to nahi karne wale. unke paas bhi guns thee.. par wo mahman navaz the. bina kisi baat par wo humpar hamla nahi kar sakte the.
wo raat bhi pichli raaton ki tarah shanti se beet gai.
erika ki ankhon ki chamak mere liye aur bhi adhik badh chuki thi. jane kaise wo vichar uske dil me mere liye janam le chuke the. thelma har samay mere sath rahti thi, hum dono aur bhi karib aa gaye the. abhi tak na thelma ne aur na hi maine pahl kari thi dil ki baat bolne me. main pahla karna bhi nahi chahta tha. mujhe konsa yahan rahna tha. mujhe yahan se jana tha, aise me thelma se izhaare mohabbat mere pairon ki bediyan ban jata.
thelma ne bhi aisa kuch nahi kaha mujhse.. warna sunne me to aaya tha, bahar ki ladkiyan dusri hi mulaqat par kiss kar bethti han. par yahan thelma ek azad aur modren ladki hote hue bhi apni maryada kayam rakhe hue thi. thelma ki is baat par mere dil me uske prem, samman adhik badh chuka tha.
agli subah william kabile ke sardar se mila. mujhe aur subhash ko sath liye wo sardar se, wahan ke badon se mila, unse baaten karne laga. main aur subhash traslator ban gaye.. william khas khas baten note karta, fir humen batata, kabile walun se ab konsi baat karni ha, konsa prashn puchna ha. aksar subhash ko kabile walun ki bhasha samjhne me pareshani ban jati, tab main sahi se william ko bata deta.
aise hi din beeta aur fir maine thelma ko ek side le ja kar kah dia.
karan:- thelma, ab yahan se mere wapis lautne ka samay ho gaya ha. tumhare sath jitna samay beeta, wo meri zindagi ka sabse anmol samay tha. tum mujhe hamesha yaad rahogi thelma.
thelma mujhe ghoorne lagi:- wapis.. matlab tum sach me wapis jana chahte ho
ek gahri saans lekar main nirnaayak roop me bola:- haan thelma, main sach me wapis jana chahta hon.
thelma:- to fir theek ha, mai bhi tumhare sath chalungi. jahan tum rahoge wahan main rahungi, jo tum khaoge, main bhi wahi khaongi. par rahungi hamesha tumhare sath. pyar karne lagi hon karan main tumse..
main thelma ka moh takne laga. wo kitna khul kar bol rahi thi.
thelma:- aise mat dekho mujhe karan. pyar kya hota ha, wo main kabhi nahi samjh payi, kabhi koi aisa mila hi nahi, jise dekh mere dil me kuch kuch hua ho, tum meri zindagi me aane wale pahle aise mard ho, jiski ankhon me maine apne sharir ke liye aag nahi dekhi. warna mere jaisi haseen aur sexy aur bold ladki ko pahlu me dekh koi bhi bahakne ke liye tyar ho jaye. par tum mann ke bohut sache aur iradon ke pakke nikle karan. sach kahun to pahli hi nazar me tumhare pahaad jaise mazbut sharir ko dekh kar maine tumse mann bahlane ka socha tha. par tumse baat karke, tumhare bare me jaan kar, tumhari asul aur mardangi, sachhi mardangi jaan kar main tumhe dil me basa bethi. i love you karan. i really love you. jiyongi bhi tumhare sath aur marungi bhi tumhare sath. par tumse kabhi alag nahi hongi, na tumhe khud se alag hone dungi. ye baat tum likh ke rakh lo.
thelma ka itni detail ke sath izhare mohabbat mere andar jaise phool khila gaya tha. main apne parivar se milne ke liye machal raha tha. par thelma ke liye mere dil me pyar jaag utha tha. wo bideshi thi, jab se mujhe mili thi, bohut hi sober dikh rahi thi. aise me mujhse beinteha mohabbat ka bol gai thi. jaise wo mujhse door nahi rahna chahti thi, aise main bhi thelma se door nahi rahna chahta tha. mujhe thelma ke izhaar e mohabbat par itni khushi mili. jitni mujhe divya didi, dada dadi, bua aur fufa ke pyar paane par mila karti thi. jaise mai saalon se un sab se milne ke liye machal raha tha. aise hi main thelma se door hokar thelma ke liye machal uthta. aisa pyar mere dil me thelma ke liye jaag utha tha.. main bade pyar se thelma ko dekhne laga. aur thelma meri ankhon me dekhti, bina kisi ki parwa kiye mere gale me bahen daal gai. thelma ki ye mere sath pahli aisi kurbat thi. warna pass paas to hum aksar hi bethe rahte the. ek dusre ka hath tham lete the. par youn thelma ne meri gale me baahen nahi dali thi.. dhire dhire thelma ke hont kapkapane lage. jise dekh mere mann me bhi kuch kuch hone laga. mere hont bhi kapkapane lage, jaise barson se piyase hon.
jabki main honto ke amrit ka ras saugandha chachi ke honto se nichod kar ache se taste kar chuka tha. par ye wala anubhav saugandha chachi wale anubhav se alag tha. mere gale me daalen baahen thelma ne mere sar par rakhi aur mere sar ko jhuka kar apne tapte phadphadate hont mere honto se mila diye. meri ankhen band hone lagi. thelma asli pyar ka izhaar karne lagi. uske hont mere honto ko taste karne lage to thelma ke hont khud se mere honto ko meetha karte chale gaye..
jaane kaisa nasha tha ye, mai bekhud hone laga. khud ko bhulne laga. yahan koi khatra nahi tha, yahan koi bhediya koi junglee janwar nahi aane wala tha. mere hath thelma ke chahre par aaye aur main bhi thelma ke honto ka raspan karne laga..
ye meri orr se thelma ko uske pyar ke izhaar ka jawab tha.. thelma ke kiss me josh badha aur wo kisi hadh tak wildly kiss karne lagi. par aisa zayada samay tak nahi ho paya. ek fire ki awaz goonji aur hum dono ek dusre se alag hokar idhar udhar dekhne lage.. kuch door alan gun liye hawai fire kar raha tha. uski ankhon me nafrat ka thathen marta samandur tha. uska mann nahi chal raha tha, jo fire usne hawa me kiya tha, wo mere seene me karke mera seena phaad deta..
kuch fasle par bethi erika bhi mujhe khuni ankhon se meri orr dekhti dikhai di..tamara aur cathy shocked eyes mujhe aur thelma ko dekh rahi thi.
willaim dikhai dia. jo tez tez kadmo se chalta hua hamare paas aata dikhai dia. subhash par nazar padi, jo ajib se bhav chahre par liye mujhe dekh raha tha.. paul par nazar padi jiske hathu me gun thi. guards par nazar padi, jinme se kuch latalluq khade the to kuch ki guns par pakad sakht ho gai thi..
william tez tez kadmo se chalta hua hamare saamne aa pohncha aur hum dono ko ghoorne laga...
(kaisa laga ye update.. detail se batana plz.. story dhire dhire aur bhi interesting hoti chali jayegi. kuch aise unexpected scenes aane wale han, asha ha, jise padhkar aap mantramudgh ho jayenge. mast ho jayenge)
post kar dia gaya ha dosto...
