UPDATE 17
Aaditya aankhe kholi , usase aankhe bhi kholi nhi Jaa Rahi thi .
Tabhi use apne pass hadbadahat mahsoos hui .
Pass me uske ek doctor aayi .
" Ab kaisa feel ho raha hai tumhe "
" Main yaha kaise ?" Uske muh se vo itna hi bol paya .
"Main Dr Monika tum 3 din se behosh the , ab hosh me aaye ho , abhi tumhe behad thakan mahsoos ho rahi hogi , vo isiliye ki tumhare sharir se behad khun nikla hai"
Aaditya ne unki baat sunkar , niche dekhne ki koshish ki use mahsoos kiya ki uske sharir par jyada tr pattiya lagi hui hai .
" Aaditya gabrao mat , tumhe koi major fracture nahi hua hai , par muscles par ghao bahut bade hai use recover hone me time lagega ."
Aaditya unki baat thoda hasne laga . "achha hai ,ghabrane ki koi jarurat nahi hai"
Lekin haste haste use dard bhi hone laga. Pass main khadi nurse milkar use apni jagah par rahne ko kaha .
" Aaditya main jaanti hu , tum par kya bit rahi hogi , pahle tum apni family se mil lo tumhe achha lagega "
Tabhi room me rukhmini aur kaushik aayi.
Rukhmini ki aankhe to behad laal ho chuki thi . Shayad vo bahut royi thi . Aaditya ko ye thoda ajib laga.
Andar aakar hal chal puchne lagi.
" Aaditya ab kaise feel kar raha hai , tumhari sandhya didi aur mami aayi hai abhi aati hi hogi ,vo abhi tak yahi thi "
" Bhabhi , main yaha kaise "
" Vo tumhe police hi yaha lekar aayi thi , tumne behad bahaduri se un ladkiyo ko bachaya "
" Haa , Aaditya unki family bhi yahi hai , Usame se ek ladki ki maa to behad roye jaa rahi thi jaise tum uske bete ho par pata nahi unka aana us din se band hi ho gaya "
Kaushik ki kahi baat Aaditya sochne laga .
" Haa lekin unki beti kya naam hai haa Aditi vo yahi hai aur dusri ladki ke 'mata pita' bhi yahi hai " ye kahte vakt Rukhmini jaise kuch aur batana chahti ho ye feel hua .
" Tum abhi unse milna chahoge to main unhe andar bhej deti hu "
Aaditya ne kuch nhi kaha bas sar hilakar hami bhar di .
" Phir sandhya didi aur mami kab aayi "
" Parso aayi hame to pata bhi bahut der se chala jab hame khabar Hui to , dhyan hi nahi raha ghar par call karne ka , aur bulate shayad to jaldi jaldi me unhe bhi kuch ho Jaye isiliye hamne bhi unhe itni badi situation hai ye bataya hi nahi "
Kuch der vo bahar chale gaye phir andar samantha ,Aditi aur Vandana aayi . Vandana yani nandkishor ki biwi .unhe yaha dekhakar Aaditya samaj nhi paya .phir unhone apna parichay diya ki vo Samantha ki maa hai . Us vakt Vandana ki aankho me sharm najar aa rahi thi.
Vahi par Aditi sabse jyada dukhi dikh Rahi thi .
" Aaditya ham kaise shukriya adaa kare hame samjh nahi AA Raha , tumhe pata nahi hai ki tumne kitni badi meharbaani ki hai ham par " ye sab Vandana bol Rahi thi .
" Iski koi jarurat nahi hai , unki jagah koi bhi hota to main yahi karta " Aditi ye baat sunkar uska chehra utar Gaya.vo aur mayus ho gayi .
" Thank you , Aaditya tum apne illaj ki chinta mat karna ham sab kuch dekh lenge . Aditi ki maa to tumhari ye halat dekh bhi Naa payi aur khud hi behosh ho gayi "
Aaditya ko in sab pe kaise react karna hai samajh nhi AA Raha tha . Lekin uski najar baar baar Aditi par hi jaa rahi thi . Jiske bhav behad hi emotional the jaise vo khudko rone se apne aap ko rok rahi hai.
Kuch der baad vo bahar chale gaye aur samantha ne ishara kiya aur vo sab bahar chale gaye , Aditi jaate vakt bhi aasha se dekha rahi thi.
"Aaditya , please I am so sorry , kal maine tumhare sath is tarah ka bartav kiya aur tumne ye sab , kal tum agar vaha se bhag jaate to vo tumhe kuch bhi nahi karte , lekin phir bhi "
Ye kahte hue vo rone lagi .Aaditya ko aisi situation me kya bole samjh nahi aa raha tha . Aur vo naraj bhi nahi karna chahta tha .
" Isme koi baat nahi , ham hamesha logo ko pahchhanne me galti karte hai "
" Haa lekin Maine to tumhe befaltu hi bahut kuch bol Diya ,Aur tumne sahi kaha tha ki vo Aditi ko sata raha tha mujhe vo yahi sab bata rahi thi jab tum hamare pass aaye I am so sorry "
" It's okay " Aaditya iske aage kuch nahi bola .
Samantha bass mafi mangne ke liye ruki thi . Apni maa ko bhi usne yahi bataya tha ki vo akele me maafi mangana chahti hai .
Aditi ke Ghar par , Smita ki halat behad kharab thi .vo us raat jab use pata chala ki Aditi par hamla hua hai To vo jaldi jaldi me hospital gayi .
Baad me pata chala ki uski beti ko kuch nahi hua , vo is baat se khush hoti tabhi Aditi ne rote rote use bataya ki use bachane vala koi nahi . Uska khud ka Bhai hai .
Tab Smita ko sambhalna Aadarsh ke mushkil ho gaya. Nandkishor aur vandana dono ko bhi ye baat kathin lagi kyuki . Vo jis ladke ke sath khel rach rahe the vahi uski beti ka maseeha nikal kar aaya .
"Main kitni badnaseeb hu ki use is halat me dekhne bhi nahi jaa sakti "Smita Apne kamre me ro rahi thi .
"Isme hamari koi galti nahi hai ,Ab vaha par Tumhari puti family hai ,vo tumhe dekhengi to isase kya ho sakta hai tumhe pata hai , ye sab ham itne saalo se itne saalo se jhel hi rahe hai "
" Lekin ye sab usi ki jaan ke liye ho raha hai , aur agar use hi kuch ho gaya to kya karu me is sab ka "
" Tum chinta mat karo , use kuch nahi hoga ,Aditi bata rahi thi Naa ki vo ab hosh me aa chuka hai , baat kar raha hai , vo jaldi thik ho jayega "
Aditi kamre ke bahar khadi thi , vo unki baat sunkar frustrate hokar kamre chali gayi .
Vo jaanti thi ki shayad in sab me unki koi galti nahi , par vo uska Bhai usase bichdne ki vajah bhi , uske maata pita hi hai. Vo kuch bhi nahi kar paa rahe hai ye dekhkar vo behad dukhi ho gayi .
Vo khudke bhai ko batana chahti thi lekin uske maa pita be rok rakha tha . Vo bass mil kar bhi ab anjaan ban Rahi thi .
Sandhya ,uski maa aur pitaji aur kanhaiya hospital me aaye the .
Sandhya aur uski maa ka haal bhi bahot kharab tha.
" Aaditya ye sab kya hai, maa kitni royi pata hai "
" Haa , mami meri kadar karti hai isiliye royegi hi aap ki tarah thodi hai "
Ye kahkar aaditya hasne laga , lekin isi vajah se use taklif bhi ho gayi.
" Rahne do mera majak puri tarah se thik ho jaao aur udate rahna , abhi tumse hasa bhi nahi jaa raha " aaditya ki aisi halat dekhkar Sandhya ke sath sath sab log dukhi ho gaye .
" Vaise badimaami aur dadaji kyu nahi aaye "
Apni patni ke baare me puchte hue sunkar kanhaiya ne dukhi chehre se jawab diya .
" Vo ghar par koi chahiye na isiliye , kal main aur bhaiya jayenge aur Rama bhi yaha par jayegi , dadaji to tumhe pata hai unhe jyada ghumne phirane se Dr. ne pahle hi mana Kiya hai "
"Achha tum kuch der aaram karo , baad me milte hai" ye kahte hue uski maami ne sar pe ek pappi de di usi ke baad Sandhya ne sar ko chum liya.
Aaditya muskura raha tha.vo karan koi bhi ho apni didi aur parivaar ko yaha dekhkar behad khush tha . Uske liye duniya yahi sab kuch the .
Uske mama aur mami usase jo pyar karte the usi ki badaulat vo kabhi bhi khudko akela nahi samjhta tha .
Agli subah jab usne aankh kholi . Tab use uske saamne Kavya dikhayi di . Ab use behad thik lag raha tha.
Use dekhkar uske chehre muskan aa gayi .uske sath hi main Aditi bhi thi.
" Aaditya Ab kaisi hai tabiyat , main tumhe hosh aate hi yaha aa jati lekin mujhe abhi pata chala jab mene Aditi ko call Kiya "
" Main thik hu ,sab log kah rahe hai .aur lagta hai hojaunga thik "
" Haa tum itne dino se behosh the aur sab log dukhi the , us din tumne Apni maa ko yaad Kiya tha behoshi me to sabko laga ki tum hosh me aa gaye lekin phir bhi time laga ,ab tum hosh me aaye aur sab kush hai "
" Tum khush ho na " Aaditya ne muskurate hue kaha .
" Haa , behad khush hu " ye kahkar kavya bhi muskura di .
Kavya behad hi mand mand muskura rahi thi .Vo Aaditya ki aankhon ko samjh paa Rahi thi ki vo flirt karte hue puch Raha tha .
Vahi Aditi ye sab dekhkar kyu to jal Rahi thi .
Kuch der baad kavya aur Aditi jaane lagi .
"Aditi tum ruko ,mujhe tumse kuch baat karni hai "
Kavya bhi bina kuch kahe niche rukne ka bol kar chali gayi .
" Aditi kuch bolo to sahi dono baar tum aayi kuch baat nahi ki "
Aditi ne apni najar niche Karli .
" Mujhe lagta hai ki ye sab meri hi vajah se hua hai , kal agar main vaha jhagadte hue nahi rukti to ye sab nhi hota ."
Ye kahte hue uski aankhe gili ho gayi .
" Tum vaha nhi rukti phir bhi vo hamla hota hi isme tumhari kya galti hai "
" Lekin vo sab mujhpar aur samantha par hamla karne aaye the papane kaha , is bich tumhe jaan jokhim me dalne ki koi jarurat nahi thi "
" Kyu ab mujhe meri bahan ko bachane ka bhi adhikar nahi hai "
Aditi ne sar upar karke dekha , aur jaise usne kuch galat sun liya ho .
" Kyu ab me apni bachpan me bichli bahan ko bahan bhi nahi kah sakta kya "
Aditi ka to aasuo ka bandh tut chuka tha .vo uske bed ke pass ghutno ke bal baithkar apna sar bed se tikakar rone lagi .
" Lekin aapko kaise pata chala "
Apna sar upar karke .
" Tumhe kya lagta hai kal maine tumhe kal bhaiyya kahte hue suna nahi "
" Haa lekin , phir bhi itni si baat se kaise "
Aaditya ne apna hath uthane ki koshish ki ,
" Nahi hilne ki koi jarurat nahi hai "
Ye kahte hue Aditi ne uska hath apne hath me dhire se liya.
" Vo jab me pahli baar behoshi se uthha to tumhe yaad thi yaha "
" Haa "
" Tumhe pata hai, is kamre kon tha "
Aditi apna sar jhatkate hue .
" Lekin aapne kaise , aapne to hame dekha tak nahi hai , aapko kaise yaad rah sakta hai " vo jaanti thi ki Aaditya maa ki baat kar raha tha . Kyuki uske muh se vahi shabd nikla tha.
" Main khudka chehra bhul sakta hu lekin us insaan ka nhi , mene mera pura bachpan us manhoos ki tasveer ko dekhkar gujara hai "
Aditi ki apni maa ke liye aise shabd sunkar rone lagi kyuki , use pata tha ki Aaditya ki nafrat jayaj hai .
" Lekin bhaiyya , unhone aapko jaanbhujakar nahi chhoda tha "
" Mujhe usase koi farak nahi padta , karan to jarur hoga , lekin meri bhavnao ka kya mujhe to aisa hi lagta raha ki main manhoos hu , varna konse maa baap bachhe ko chhod kar jaate hai "
" Bhaiyya aap manhoos nahi hai , main to aapko kab se meri jindagi me chahti thi, aapko nahi pata jab se mujhe pata chala tha ki aap mere bhai ho , main kitni khush hoti hu bass apne bhai se milne ke liye "
" Vahi to unhone mujhse tumhe bhi chhina hai , unhe ye adhikar kisne diya , vo mujhe naa dekhna chahte ho thik hai par tumhe mujhse dur karne ka adhikar kisne diya unhe "
" Bhaiyya me bhi yahi sawal puchhti rahti hu , lekin vo is baat ke liye pachta rahe hai "
" Haa to main hosh me aaya to mujhe milne kyu nahi aaye ,ek hi din ka pyar tha unka lekin unhe laga ki main vaise bhi mar jaunga to baar baar yaha aakar kya fayda "
" Nahi Aisa nahi hai , unki sach me bahot badi majboori hai varna maa ko main roj is tarah bass aap ke liye roti kyu hogi "
" Mujhe nahi unse kuch nahi Lena dena , bass mujhe is baat ki Khushi hai in sab me mujhe meri Didi mil gayi "
"Didi nahi aap mere bhaiyya ho "
" Tum mujhse badi ho , to tum hi didi Hui Naa "
" Nahi aap mujhse pure 2 min bade ho , aap mere bhaiya ho "
" Ye jhuti khabar mat failao "
Aditi is pal ko kitna miss kar rahi thi , vo behad khush thi aur dukhi bhi .to hasne lage , phirse Aaditya ko taklif hone lagi .Aditi ne Aaditya ko shant kiya.
" Bhaiyya ye baat kisi ko pata nhi chalni chahiye ki aap mere bhai hai "
" Kyu , Vo dono sah nahi payenge ki me unka beta hu "
" Bhaiyya , unke liye nahi to mere liye "
" Achha dekhta hu"
" Isase aap mere bhaiya bulane se bhi bach jayenge "
Aaditya bhi is baat par muskura diya.
Tabhi bahar se rukhmini aayi.
" To uth gaye tum , brush kar lekar aa yi hu tumhare liye , ye lo"
Ye kahte hue usne toothpaste ko brush se laga kar diya aur niche ek thukne liye bartan de kar , hatho me paani le kar khadi ho gayi .
Aditi bhi niche chali gayi , jaha par kavya abhi bhi khadi thi .
" Mujhe laga tum aane hi nahi vaali ho "
Aditi ne niche aate vakt hi soch liya tha ki kya baat Hui vo batane ke liye.
" Vo Aaditya ko meri tumhare bhai ke sath rahne vaali baat chhubhi ki ham dost hai , kavya ka to samaj aata hai ki uska Bhai hai, lekin mene use bataya ki mere sath Suresh ne chhedkhani ki aur upar se uske sath Suresh ki harkat ke baad bhi bolne lagi"
______________
" Hello , kon "
" darling pahchhanap nahi " Smita aavaj pahchan kar hi samaj gayi .
" Kartak "
" Are is baar jaldi pahchan liya , vaise apne bete ko bhi pahchan liya hi hoga "
" Kya baat kar rahe ho tum?"
" Are hospital me gayi milne aur jhuth bolna bilkul galat baat hai , Mene hi to milaya tumhare bete ko tumse "
" Kya?"
" Agar tumhare bete par hamla nahi karta to tum milti thodi , mujhe nahi pata tha ki tum milne jaaogi hi , par mene to bass test karne liye bheje the log ,lekin tumhara beta thoda dhit nikla varna bass use thodi si maar padti bass , baaki mera koi irada nahi tha "
" Use hath lagane ki himmat bhi mat karna "
" Matlab me beti ke sath kuch bhi kar sakta hu kaisi maa ho tum "
" Please Kartak , mere bachho ko chhod do tumhari dushmani mujhse hai mere bachho ko isme mat Lao "
Aage vo bol paati tab tak uska phone kat ho gaya.
Is update me pahle se jyada agar spelling mistake Lage to bata dena , mene ye update upload Kiya tha , par tin chhar baar paste ho gaya tha to select karke use cut karte vakt shayad bahut se paragraph me mistake mil sakti hai , agr nahi mile to please bata dena .
Romanchak
Update
️
