MUNNAR
suraj ain waqt par jhuka aur baith gaya aur goli khidki ke kanch ko lagkar nikal gayi
Foorti ke saath ek table ke neeche chala gaya.goliyan chalti rahi lekin suraj ko pata tha zyada der tak chup nahi sakta
Achanak uski nazar paper weight par gayi.aur tabhi magazine khatam hui Kutty ki
Doosra magazine load karne se pehle hi suraj ne paperweight fenk maara Kutty par
THADDDD
Nishana achook tha.kutty sar pakad kar baith gaya
Saath hi suraj spring ki tarah lapak kar uske paas pohunch gaya.aur teen chaar haath maarte hi Kutty ka khel khatam
Ek number par call lagaya suraj ne
"Identify yourself"
"AURA FE"suraj bola
"Location???"
"Revati international,munnar"suraj bola
"Situation??"
"Under control,hamla hua tha.hamlawar behosh hai.poochtach ke liye taiyyar karo"suraj bola
"Kisi bhi saman ko haath na lagana....."
"Pata hai pata hai sab pata hai,aadhe ghante me nikal jaunga"bol phone rakh diya suraj ne
Maamla jitna seedha lag raha hai utna hai nahi.us par koi hamla kyun karna chahega????koi to informer hai yahan,lekin koun damn it???
Halka sa fresh hokar suraj nikal gaya sightseeing ke liye
-------------------------------------------------------------------------------
MUNNAR
ATTUKKAD WATERFALLS
Sadak kaafi narrow thi,lekin driver vimal mathew ek kushal driver tha.aur sahi tarike se waterfalls tak le aaya unko
"Wow awesome hai na???"anushka boli
"Hmm wo to hai did ek photo le leta hoon aapka aur suraj bhaiyya ka,suraj bhaiyya aap idhar aao"bol anuj suraj ko aur anushka ko ek saath khada kar deta hai
Anushka ko acha to lagta hai lekin banawati gusse se bolti hai
"Ye kya bhadda mazaak hai anuj??"
Tab tak anuj do teen click le chuka tha
Suraj ke nazdeek aate hi anushka ki saansein ruk si gayi
Pata nahi kya ho raha tha aajkal jab bhi suraj saamne rehta tha.sharm si aati thi.
"Sorry suraj wo anuj na....."anushka ne bolna chaha
"Koi baat nahi anushka,waise tumhe pata hai waterfalls ka paani jo hai pure hota hai??"suraj muskurate hue poochha
"Acha???peekar dikhao??"anushka haskar boli
Suraj haste hue ek kinare se paani peene ko badha to use door se ek parchhai si dikhai di aur wo dauran hat gaya
"Ha ha tum bade darpok nikle suraj??maine suna tha journalist kaafi daring hote hai"anushka haste hue boli
"Hote to hai,crime reporter.waise anushka agar koi ernakulam se munnar ki aur aata to kitna time lagna chahiye ??? I mean sabse tez aur shortcut lete hue??"suraj ne poochha
"Suna hai koi 3.2 kms"peeche se aanchal aayi Bolte hue
Aanchal ko dekhte hi man bujh gaya anushka ko dekh kar
"Mai abhi aaya "bol suraj daud pada pata nahi kidhar
Suraj ke jaate hi aanchal anushka se boli
"Suraj aapko pasand hai na??"
"Nahi to"turant jawab diya anushka ne
Sunkar khilkhilakar hasne lagi aanchal.
"Sach me??"aanchal ne poochha
"Haan,kya khaas hai usme??ek reporter wo bhi kisi agency me nahi balki freelance,mai ek ACP hoon aanchal aur meri shaadi arranged hogi"anushka boli
"Yani mai suraj se shaadi kar loon??"aanchal fir boli
Anushka sunkar chup ho zaroor gayi lekin use dekh aisa lag raha tha ki ek dhakka sa laga hai
"Chalti hoon"bol aankh maarkar chali gayi aanchal
Anushka gusse se aag baboola ho gayi ye dekhkar.
Tabhi suraj a gaya aur anushka ka gussa suraj par foot pada
"Kahan gaye the janab??abhi aata hoon bolkar kitni der baad a rahe ho??koi responsibility naam ki cheez hai bhi ki nahi??"jo muh ke aaya Bolte gayi anushka
"AREY maine to bataya tha,lekin tum itni fikr kyun kar rahi ho meri??"suraj ne poocha
"Fikr aur mai??huh"bol chali gayi anushka
Aur suraj ko ghanta samajh me aaya
Kisi ne sach hi kaha hai
Ladkiyon ko samajhna kisi ke bas ki baat nahi
-------------------------------------------------------------------------------
DEFENCE COUNCIL MEETING DELHI
"Honourable home minister sir bhi hai aaj is meeting me,to aap samajh hi gaye hoge kitni important meeting hai"ranjan bola
"Good morning gentlemen"home minister ne bola aur sabhi khade ho gaye
"Baithiye baithiye,dekhiye aap log kaafi experienced hai isliye aap sab se discussion ke liya bulaya gaya"home minister bola
"Hame information mili hai ki SULEIMAN kuch bada karne ja raha hai,20 desh hai uske target me.lekin kaise??koun se desh???kab???kuch nahi pata"ranjan bola
"Sir kuch pata chala kaise operate hoga???"NIA chief varun bola
"Nahi kuch pata to nahi chala but start kerala se karenge"ranjan bola
Sab sunkar chaunk gaye.
"Haan sahi suna aapne kerala me,waise case to IB aur NIA ja joint effort banta hai,lekin......"ranjan ruk gaye
"Lekin RAW ki moujudgi bhi important hai.aur sabse important desh ki suraksha hai.jaise bhi ho khul kar jaankari lo.koi bada anarth nahi hona chahiye"hone minister bola
"Waise ek ladka to hai kerala me,kyun sir??"sohit IB ka naya chief bol utha
"Haan sohit lekin bohut hardcore hai.dhaam dhoom maar deta hai logo ko,bohut zyada risk hai"ranjan bola
"Wahi ladka jo afganistan me tha??tune bataya tha??"home minister bola
"Ji sir,lekin koi doosra agent dekhte hai aur bhi to kaafi log hai"ranjan bola
"Mai suggest karunga usi ko ranjan.baaki tumhari marzi.aaj tak maine tumhare kaam me taang nahi adaya"home minister bola
"Aur aaj tak aapka sugesstion kabhi fail nahi hua sir,mai suraj ko bolta hoon.lekin wo mission nahi dekhega mission koi our dekhega.wo sirf support karega aur information lega"ranjan bola
Home minister uth gaye .meeting khatam ho gayi
