BETAHASHA
Chapter-1
Suraj ki lali kam ho rahi thi, wo kshitij me dheere dheere dubb raha tha. Andhera jaise apne aagaman ka intezaar kar raha tha ki kab suraj dhale aur wo dharti ke upar haavi ho jaaye. School ke bachhe haste khelte ghar wapis jaa rahe the, aur panchhiyon ko bhi abhas ho chala tha ki Shaam hone ko hai to wo bhi apne gharondo pe jaane ke liye besabra the. Ye ghatnaye gawahi de rahi thi ki andhera jald hone wala hai.
Aur waha raste ki ek side par devika khadi apni ghadi mein baar baar time check kar rahi thi aur apne dahine taraf uski nazare gadi huyi thi jaise wo kisi ka intezar kar rahi ho. Uske maathe pe paseena aa gaya tha ye garmi ke kaaran tha ya uski chinta ki wajah se ye batana mushkil tha. Devika ne apne aaju baaju nazar ghumayi, samne ki taraf thoda aage ek pan parlour ki chhoti si kacchi dukan thi aur who jaha khadi thi uss side 2-3 sabji aur fruit wale aur ek khilone wala cycle leke khada tha.
Devika Ranipur ke paas apni bus ke aane ka wait kar rahi thi, uss jagah waise bheed kaafi kam rehti thi kyuki wo rasta do gaaon ke aane jaane ke liye tha to jyada log ki bheed nahi hoti thi.
Devika Ranipur me ek ladies carts college mein MA with physics ki lecturer thi. Wo yaha se 40 K.M dur pratap pur apne pati vikram ke sath rehti thi. Kehne keliye to pratappur aur ranipur gaaon the par sheher se bilkul kam nahi the. Dono gaaon me colleges thi par Arts faculty mein vacancy yaha par khali thi aur salary bhi kaafi acchi thi to wo roz up-down hi karti thi.
Roz uska bas sham ke 5.45 tak aa jata tha par aaj 6.15 hone ko aaye phir bhi bus nahi aayi to uski ghabraht badh gayi.
Sochne lagi ki wo late pahuchi to apne pati vikram ko kya jawab degi. Uska pati vikram ka uske sath kaafi rukha swabhav rehta tha, aur uss par jayada vishwash bhi nahi karta tha. Dono pati patni hote huye aur ek ghar mein rehte huye bhi alag agal the.
Devika soch hi rahi thi ke uska bus samne se aate huye dikha to uski jaan mein jaan aayi.
Usne bus mein chadh k ek khali seat ki window seat chuni. Baithke usne bus mein nazar firayi to aadhi bus hi bhari huyi thi. Utni der me conductor aaya to usne apna purse paise nikalne ke liye khola.
Conductor uske badan ko hi dekh raha tha devika bhi janti thi par jaise devika ne apna sar paise dene keliye upar uthaya to conductor ne turant hi nazar fer li kyuki ek do baar devika ki teekhi nazar ne usko bahut kuchh samja diya tha, wo devika ko change dekar aage badh hi raha tha ki devika ne puchha.
Aaj bus kyu late chal rahi hai . pura 40 Minute late hai.
“wo kya hai na madam wo puncture ho gaya tha to der ho gayi”- Usne apne peele daant dikhate huye kaha
Wo aur jyada chipakta usase pehle devika ne ‘ok’ kahkar apne purse me kuchh dekhne lagi.
Conductor samaj gaya yaha apni daal galne wali nahi hai aur wo aage badh gaya.
Kyu koi usko nahi dekhta devika lambi, fit aur bhara hua body,ekdum gori, badi gehri kaali aankhe, pankhudi jaise hoth aur makhamali skin ke sath behad khubsurat chehra jaise swarg ki koi apsara prithvi par aa gayi ho. Yeh sab cheeze uski sundarata ke darshan karwate the.
Devika ne lambi saans bharte huye ghadi me nazar dali 6.25 ka time ho raha tha. Usne socha ghar pahuchate huye 7.15 ho hi jaayenge par vikram gussa karega to kya kahegi usko?
Usne khidki ke bahar nazar daali bahar khubsurat ped aur parvat dikh rahe the, bus ki raftaar ke saath uski soch ne bhi uske usko ateet ki shair karana chalu kiya.
