Romance Bewafa by Mrindia.only

[Incest]

#14

Uss din main lagbhag poore samay sirf Neha ke baare mein hi sochta raha…….us se yeh meri pehli mulakat thi , fir bhi na jaane kyon aisa lag raha tha ki jaise mein usko hamesha se janta hoon…


Pichhle 10 saal maine sirf padhayi aur kaam mein hi bita diye they ………. Apne khud ke baare mein sochne ki fursat hi nahi mili thi ……mujhe khud bhi maloom nahi pada ki kab mera bachpan beet gaya aur kab main jawaan ho gaya ……..iss se pehle bhi kayi ladkiyon ne mere saath padhayi aur kaam kiya tha ……par mujhe unmein se kisi ke saath itna attraction feel nahi hua , jitna aaj Neha ko dekh kar ho raha tha ……



Do-pahar ho gayi thi ……..maine Mr.Chaudhry ko phone kar ke poochha ki kya main unn se milne aa sakta hoon …….unhone haan mein jawaab diya ……. Fir agle kuchh minutes ke baad main Mr.Chaudhry ke saamne baitha hua tha ……….


“ Rajiv………I think u have done a very nice job ……….Humaare bank ke baare mein jo maine sirf socha hi tha , woh sab tumne hakeekat mein badal kar dikha diya …..I am very proud of you my boy “ woh kahe jaa rahe they …



“ Thank you Sir ……. par yakeen maaniye maine aisa kuchh nahi kiya jo kuchh anokha kaam ho ………yeh sab technology ab aam baat hai…..maine to sirf inn sab ko ek jagah ikattha kiya hai….” Main bola

….


“ tumhe aisa lagta hai Rajiv ……..par meri nigaah se dekho to maloom padega ki tumne kya kaam kiya hai……” woh bole



“ Sir…jo kuchh aapne mere liye kiya , uske saamne to yeh sab kuchh bhi nahi hai …….agar aap na hote to shayad yeh Raju kabhi bhi uss dhabe se baahar na aa pata ….” Main bhavpurna lehze mein bola



“ tumhara yeh sochna galat hai beta ……..maine tumse pehle bhi kaha tha ki tum ek heera ho , aur mein ek johiri ……agar meri nigaah tum par na padti to shaayad kisi aur ki pad jaati …….par yeh tumhaari hi chamak hai jo sab taraf bikhri huyi hai …..ismein mera ya kisi aur ka koi yogdaan nahi hai “



kuchh der ruk kar unhone fir se bolna shurur kiya “ maine aaj meeting mein tumhe ek nayi jimmedaari saunpi hai beta ……fir baad mein mujhe yaad aaya ki maine tumhe aaram to karne ka mauka hi nahi diya hai…….pichhle kayi saalo se tum sab kuchh bhool kar sirf kaam mein hi lage huye ho ………main chahta hoon ki tum kuchh din chhutti lekar kahin ghoom aao …….yeh sab kaam main kisi aur se keh doonga , tumhaari jagah tour par bhi koi aur chala jaayega “



main unki baat sunkar turant bola “ arey nahi Sir………mujhe aaram ki koi jaroorat nahi hai……aur fir yeh tour bhi to mere liye ek chhutti ki tarah hi hoga …aap meri fikra mat keejiye …..Monday se pehle main kuchh din to waise bhi aaram karne waala hi hoon “ kehte huye ek baar mere jehan mein Neha ka chahra ubhara ……..

“ OK my boy ………as you wish ………best of luck for your tour ……go and try to enjoy as much as possible”

“ Thanks Sir….” Keh kar main seat se utha aur kamre se baahar aa gaya…
______________________________

 

[Incest]

#15

Aaj mera bhi dil kaam mein nahi lag raha tha……shaayd isliye ki bahut dino ke baad main apne aap ko zimmedariyon se free mehsoos kar raha tha..


Main 5 baje hi office se uth gaya aur apne flat ki taraf chal diya…….bahut dino ke baad main iss shahar ki suhaani shaam ko mehsoos kar raha tha…..main flat par pahuncha aur thodi der ke liye bistar par let gaya aur TV dekhte huye aaram karne laga ……….


Shaam ko kareeb 6.30 baje ke aas-paas main fir se utha aur bathroom mein chala gaya …thoda sa fresh hokar maine kapde change kiye aur fir flat se nikal kar neeche aa gaya …….


Maine apni Santro gaadi nikaali aur khud hi drive kar ke chal diya ……..driver ko maine jaanboojh kar apne saath nahi liya tha …….ab main kuchh din sahi maayno mein aaram karna chahta tha ……..bilkul akele rehkar , bina kisi pa-bandi ke ………


Main Royal club pahuncha aur wahan parking mein apni gaadi khadi kar di ……….Royal Club , Raj nagar ke sabse achchhe clubs mein se ek tha ……shahar ke kaafi bade – bade log yahan ke members they , jin mein se ek main bhi tha ……..kaam ke alaawa agar mujhe koi shauk tha to woh tha badminton khelna, swimming karna aur driving karna …



Waise to poora shahar hi samandar ke kinaare basa hua tha….par yeh club to bilkul hi samandar ke nazdeek tha………yahan ek bada golf course tha, kuchh outdoor sports ke liye grounds they …aur iske alawa ek bada sa indoor hall tha …..jahan lagbhag sabhi indoor games khele jate they …….maine gaadi se utar kar indoor hall ki taraf badh gaya….

Main locker room mein gaya aur wahan change karne ke baad haal ki taraf chal diya ……..ek kaafi bada haal , jismein badminton, tennis , bowling, sketing etc ke liye courts bane huye they aur un sabko chhoti chhoti deewaro aur nets ki help se separate kiya hua tha …………agar aap ek taraf khade hote , to hall ke doosre kone par khade huye insaan ko dekh sakte they …….


Main seedha badminton hall par pahunch gaya …..yehan 2 courts bane huye they ….ek par kuchh ladies khel rahi thi aur doosre par kuchh gents …..main gents waale court par pahuncha aur wahan bench par baith kar game dekhne laga ……..

Achanak mujhe apne kandhe par kisi ke haath ka sparsh mehsoos hua …….maine peeche mud-kar dekha…aur bola


“ Hello ..Kamal ……….how are you “



“Fine Rajiv…………tum batao , tum kaise ho ………kahan they itne din yaar ………bahut dino baad dikhayi diye ho ………..” aane waala mere paas baith gaya aur lagataar sawaal poochhne shuru kar diye ……..


woh Kamal tha ……….meri hi tarah iss club ka member ……waise woh Raj Nagar police mein ASP ki post par tha ………..umar kareeb 27-28 ke aas paas…….shandaar personality ka maalik ………….Raj Nagar mein kuchh hi log aise they jinse meri professional jaan-pehchaan nahi thi …….usnmein se Kamal bhi ek tha ………humaari pehli mulakat yahin iss club mein hi huyi thi ……….aur tab se hi hum dono mein dosti jaisa rishta ban gaya tha………..


“ bas aise hi ……….kuchh kaam jyada tha……..ab free ho gaya to socha club chal kar aap sab se mil loon “ maine kaha ……..


“ Club na sahi ……….waise hi kabhi kabhi mil liya karo …ya kam se kam phone hi kar liya karo …….”
______________________________

 

[Incest]

#16
Court par chal raha game khatam ho gaya tha ……….main aur Kamal uth kar khade ho gaye aur court par aa gaye …….wahan 2 log aur bhi they ………hum logo ne doubles game khelna shuru kar diya ……………main aur Kamal ek side , aur baaki dono log doosri side ………….

Hum logo ne 2 games khele ………main badminton kka achchha khiladi tha aur Kamal bhi ………..20 minute se bhi kam samay mein hum logo ne dono games jeet liye ………..

Uske baad baaki dono log chale gaye aur hum dono hi reh gaye ……..hum logo ne ab singles khelna shuru kiya…………


“ aaj fir se tum meri wajah se match jeet gaye Rajiv ………..” Kamal ne hanste huye kaha…….


“ abhi faisla ho jaayega dost ki kaun , kis ki wajah se jeeta …………” maine bhi hanste huye jawaab diya …….

Fir hum dono ne game shuru kar diya ………..15 minute se pehle hi …main yeh game 21-10 se jeet gaya ……………
Hum dono break ke liye waapas bench par aakar baith gaye ………maine hanste huye kaha “ kyon Sir…………ab maloom pad gaya ki kaun , kis ki wajah se jeeta tha ? ha ha ha ha “

Jawab mein Kamal sirf muskura diya ….fir hum dono doosre game ke liye court par pahunch gaye ……game shuru hua ..3 minute se bhi kam samay mein main 6-0 se aage tha ……ki achanak jo kuchh main dekha , woh meri saanso ko thamne ke liye kafi tha …….

Badminton court ke peechhe , tennis ka court tha…….jahan iss samay do ladkiyan khel rahi thi ……..woh jagah mere se kaafi door thi , fir bhi main net ke through dekh sakta tha ki unn mein se ek Neha thi……….
woh poore dhyaan se tennis khelne mein lagi huyi thi ……….subah jo roop maine uska dekha tha , iss samay uss se bilkul hi alag tha ……..dark blue t-shirt aur safed mini skirt mein woh iss samay bilkul kisi college girl ki tarah lag rahi thi ……… uske baal ponytail mein bandhe huye they aur khelte samay kuchh baal baar-baar uske chehre par aa jaate they ……jinko who apni kalayi se peeche kar leti thi ……..


mera dhyaan ab mere game se hat chukka tha ………..service karte samay , points ka baad aur breaks ke beech mein …….baar baar mera dhyaan uss hi ki taraf jaa raha tha …….maloom nahi kaun si chumbak thi jo mera nigaahon ko apni taraf kheenche ja rahi thi ….
Iska nateeza bhi saamne aa gaya …….Kamal ne meri condition ka poora faayda uthaya aur main dono game 21-9 aur 21-7 se haar gaya …….aur shaayad iske alaawa kuchh aur bhi tha jo main dheere dheere haar raha tha ……
______________________________

 

[Incest]

#17
Game finish hone ke baad hum dono fir se bench par aakar baith gaye

“ Kya ho gaya Rajiv..?

" itna achchha khel rahe they, achanak kya ho gaya tha…?” Kamal ne hanste huye poochha……woh apna samaan apne kit mein daal raha tha
“ Kuchh nahi ………shayad aap mujh se bhi achchha khel rahe they “ main jawab diya ……fir meri nigaah udhar , tennis court par gayi ……wahan bhi game shayad ab finish ho chukka tha …….dono ladkiyan ab chairs par baithi huyi thi ……..

Kamal ne apna kit uthaya…..aur khade hokar kit ko kandhe par daal liya… fir apna right hand meri taraf badha kar bola “ OK dear………fir milenge …………aate raha karo “

Maine uska haath pakda aur bola “ kuchh der ruko na yaar……chal kar ek-ek drink lete hain ? “

“ abhi nahi dost ……aaj night mein patrolling ka programme hai ……..aaj ki drink aap par udhar rahi “ usne hanste huye kaha aur fir ek taraf ko chal diya …


maine bhi apni kit utha kar kandhe par tang li aur fir se uss taraf dekha ….ab wahan se dono ladkiya jaa chauki thi ………main swimming pool ki taraf chal diya …..swimming pool ke charo taraf kuchh tables padi huyi thi …….jahan baith kar club ke members restaurant aur Bar ki service le sakte they ……..

main ek table ke paas gaya aur apna bag rakh kar chair par baith gaya …………waiter mere paas aaya aur maine uss ko ek small drink ka order diya …………. Fir main idhar udhar nigaah daudane laga …………thodi hi der mein mujhe woh dikhayi pad gayi , jisko meri aankhen dhoondh rahi thi ………woh thodi door par ek table par baithi huyi thi ……akeli ………

mujhe ehsaas ho gaya tha ki woh mujhe dekh chuki hai……..par maine aisa dikhaya mano mera dhyaan uski taraf ho hi na ……….maine apne aakhon ke kono se dekha ki woh apni seat chod kar meri taraf hi aa rahi thi ……….meri taraf badh rahe , uske har ek kadam ke saath mere dil ki dhadkan badhti ja rahi thi ………….

woh mere saamne aa kar khadi ho gayi aur boli …..” Hello Sir !!”

 

[Incest]

#18

maine pehle uski taraf dekha aur fir charo taraf nigaah ghumayi …jaise ki kuchh dhoondh raha hoon

“ Kya hua Sir…………..” woh achraj bhare swar mein boli …….

“ dekh raha hoon ….yahan SIR kaun hai “ maine muskurate huye kaha ….

“ ha ha ha ……aap , aur kaun ? “ kehte huye who mere saamne waali chair par baith gayi ……… “ Good evening Sir “

“ Good evening Neha ji ………..aapne mujhe yeh Sir kehna kyon shuru kar diya …..mujhe yaad hai ki aaj subah to aisi koyi baat nahi thi “

woh muskurayi aur boli “ subah mujhe maloom nahi tha ki Mr.Rajiv ……..yaani ki aap ... Lakshmi Bank ke vice chairman hain “ usne meri aankhon mein dekha aur fir nazrein jhuka li ……

“ par main to wahi hoon , jo subah tha………..s…… aur waise bhi yeh office nahi hai, club hai ……yahan main Rajiv hoon…..sirf Rajiv…….kyon ? “ maine poocha……..

usne apne chehre par gire huye baalo ko ek haath se peeche kiya aur fir muskura di …….
“ Ab bataiye Neha ji ……..kya lengi aap ? “ maine uski aankhon mein jhankte huye poocha………..

“ Abhi mujhe lecture de rahe they , aur khud takalluf kar rahe hain …………..yeh Neha ke saath ji kahan se aa gaya ?” woh shikayat bhare lehje main boli ….

“ ohhhh …sorry ……….to boliye ……..kya lengi aap Neha” maine poocha…tab tak waiter meri drink lekar aa gaya tha……..

“ Lime juice……..” usne kaha aur waiter wahan se chala gaya……..agle kuchh seconds hum dono bilkul chup chap rahe aur fir usne hi pehle sawaal kiya ….

 

[Incest]

#19
“ aapko yahan aaj pehli baar dekha hai Rajiv ……?”

“ kyon ? aap daily yahan aati hain kya ? “ maine ulta swaal kiya …..

“ ji haan …..pichle ek hafte se , daily hi yahan aa rahi hoon “ usne kaha

“ aur ittefaque dekhiye ………..main pichhle ek hafte se hi yaha nahi aa paya hoon “ mein kaha aur fir hum dono ek asaath hans diye……….waiter uski drink rakh kar chala gaya tha ………hum dono ab apni apni drinks ko sip kar rahe they …….
uska to maloom nahi , par main to shabd dhoondh raha tha …….us se baat shuru karne ke liye …..beech beech mein main chor nigaahon se uski taraf dekh raha tha………uski nazrein swimming pool ki taraf thi …….. maine uske oopar ek nigaah daudayi ………..uska shareer ab bhi paseene se bhiga hua tha………t-shirt ke baahar , uske shareer ka jo bhi hisaa numaya ho raha tha ….. kisi ke bhi dil ki dhadkane badhane ke liye kaafi tha……….gora rang aur uss par paseene ki boonde …….uske baal baar baar ud kar uske chahre par aa jate they ……….jinko woh apni ungaliyon se fir se apne kaan ke peeche kar rahi thi …………..achanak usne meri taraf dekha aur maine jaldi se nigahein hata li ………mujhe ek-dum aisa laga jaise ki kisi ne meri chori ko pakad kiya ho …………..

“ iska matlab aap yahan aksar aate rehte hain …..? “ usne chuppi ko todte huye sawaal kiya……

“ ji haan…….pichhle kuchh dino , jyada busy hone ke kaaran nahi aa paya …….par ab koshish karoonga ki daily shaam ko aaoon………aur aap ? “ maine us se sawaal kiya …

“ main to daily aati hoon …….subah ko golf khelne aur swimming karne ……..aur shaam ko tennis khelne “ usne bade utsah se bataya ……….

“ Achchha !! iska matlab aap jyada time ghar se baahar bitana hi pasand karti hain ….kyon , ghar par dil nahi lagta kya ? “ maine hanste huye poocha ….
“ ghar par dil lagane ke liye hai hi kaun ………..main yahan Raj nagar mein akeli rehti hoon “ usne muskurate huye bataya ……….

“ Ohhhh………aur baaki log , mera matlab hai aapki family ? “ …………

“ meri baaki family Dehradoon mein rehti hai ……….main yahan akeli hoon “ usne kaha , iss baar kuchh udaas si awaaz main……….fir kuchh seconds ke liye hum dono chup ho gaye……..
______________________________

 

[Incest]

#20

“ koi baat nahi ……dekho na main bhi yahan bilkul akela hi hoon ………par aap jaise dosto ke saath apna akelapan door kar leta hoon ……..” maine uski aankhon mein dekhte huye kaha…….usne nigaahein neeche jhuka li ……..fir kuchh seconds baad who uth khadi huyi aur boli ……..

“ ab main chalti hoon Rajiv ……..”

main bhi seat se uth gaya aur pochha “ kaise jaayengi ? ………I mean , aapke paas conveyance hai ?”

“ nahi …….par main nikal jaoongi “ usne muskurate huye kaha………..

“ chaliye ……..main aapko drop kar doonga………” maine kaha to ek baar usne fir se mana kiya…

“ its ok Rajiv…….aap pareshan na ho “

“ pareshani ki koi baat nahi hai Neha………. Mujhe bhi to ghar jaana hi hai …..aap jahan kahogi , aapko drop kar doonga……” maine kaha aur fir uska jawaab sune bagair apna kit kandhe par utha kar baahar ki taraf chal diya ……..

woh 2 seconds mujhe jaate huye dekhti rahi ……….fir muskurate huye mere peeche-peeche baahar ki taraf chal di
______________________________

 

[Incest]

#21

Baahar parking main aakar maine apni gaadi ka lock khola aur fir jaise hi peechhe dekhne ke liye mud hi raha tha ki ek haath mujhe apne kandhe par mehsoos hua…

Maine chaunk kar peechhe dekha ……..yeh Kamal tha …….chehre par ek muskurahat ke saath ……..woh bola “ Sorry yaar , meri motor cycle kharaab ho gayi hai shaayad , kya tum mujhe mere ghar tak lift de sakte ho ? “

“ Oh !! sure Kamal ………please come “ maine jawaab diya aur usko gaadi ke andar baithne ka ishara kiya ….. woh driver ke side waali seat ki taraf chala gaya ………fir main khud peechhe mud kar dekhne laga………..Neha, apna bag apne kandhe par uthaye dheere dheere meri gaadi ki taraf hi aa rahi thi ….

woh gaadi ke paas aa gayi to maine pichhla gate khol kar usko andar baithne ka ishara kiya……woh baithi aur saath hi main bhi driving seat par baith gaya …..

andar baith-te hi Kamal aur Neha ne ek doosre ki taraf dekha aur fir dono ne ek saath meri taraf sawaaliya nigaaho se dekha …… maine unn dono ka aapas mein parichay karwaya aur fir gaadi start kar ke aage badha di

Club se mere ghar ki taraf jaate samay , raaste mein pehle Kamal ka ghar padta tha aur fir Neha ka …………maine khamoshi se gaadi chala raha tha……..aur baki dono bhi bilkul chup chap they ……..ek baat jo maine gaur ki woh yeh ki Kamal baar baar back view mirror mein Neha ko dekh raha tha ………..fir usne khamoshi ko todte huye sawaal kiya ……” Neha ji …….bura nahi maniyega , par maine pehle bhi kahin aapko dekha hai ? “

Neha sirf muskura di , jawaab maine diya “ bahut purani line bol rahe ho dost , ladki se baat shuru karne ke liye …..waise aapne Neha ko club mein bhi dekha ho sakta hai …Kamal.”
Usne ek baar muskura kar meri taraf dekha aur fir bola “ nahi yaar , main abhi ki baat nahi kar raha hoon , mujhe aisa lag raha hai ki maine shaayad inko bahut pehle bhi kahin dekha hai ………”

Maine apne kandhe uchka kar Neha ki taraf dekha , uska dhyaan shayad humaari baaton mein na hokar baahar ki taraf tha....

Fir koi baat hum teeno ke beech nahi huyi , Kamal ka ghar aa gaya aur woh utar gaya ……maine gaadi aage badha di



Gaadi aage badhte hi Neha, jo abhi tak baahar dekh rahi thi ….thoda sa aage ko sarak gayi aur fir boli “ kaun tha yeh Rajiv ?”

“ Bataya na ….Kamal naam hai iska ……Raj Nagar Police mein ASP ki post par hai …..aur is se jyada main bhi nahi jaanta iske baare mein …….kabhi kabhi sirf Club mein hi mulakat hoti hai humaari ….” Maine back view mirror mein uski taraf dekhte huye kaha ….

Usne ek baar ajeeb sa muh banaya aur fir muskurate huye aage boli “ to kal fir aapse mulakat hogi na Club mein ?”


Maine haan mein sar hilakar uski baat ka jawaab diya …..

Usne aage poochha “ aapne kabhi Golf try kiya hai Rajiv ?”

“ nahi ……….kyon ?” maine sawaal kiya …

“ achchha game hai …….aur aapki personality ko suit bhi karega …ek baar try kijiye na ? “ usne muskurate huye kaha……

“ par mujhe to Golf khelne bhi nahi aata Neha …….” Maie uski taraf dekh kar , hanste huye kaha………….aur gaadi rok di ……..uska ghar aa chukka tha ….
Woh gate khol kar neeche utari aur fir mere se doosri taraf waali window par aa gayi aur boli “ sikha to main bhi doongi ……..aap ek baar try to kijiye “

“ OK ……..aap bataiye kab se coaching start hogi humaari ?” maine maano haar maante huye kaha ………uski aankhon mein dekhte huye ……

“ kal se hi ……..kal subah 6 baje Club ke golf course par pahunch jayiyega ………main aapka wait karoongi ……….” Keh kar usne haath hilaya aur bye karte huye 3-4 kadam peechhe ko hat gayi ………maine haath hilakar usko bye kiya aur gaadi aage badha di …………


apne flat par pahunch kar ,maine hamesha ki tarah khaane ka order diya……jitni der mein khana aaya, utni der mein main naha kar nipat gaya aur fir khana kha kar balcony par aa gaya………..

baahar door door tak building ki roshini dikhayi pad rahi thi ……mano ek aasman jameen par bhi bichha hua tha jis par hazzaro sitare tim-tima rahe they ……..

hamesha ki tarah aaj bhi dheere dheere shahar ki lights band hoti jaa rahi thi …..par mere andar ek ajeeb sa romanch anubhav ho raha tha ……maloom nahi yeh kyon tha ? shayad bahut dino baad kaam ki jimmedari se mukt hua tha isliye ? ya fir abhi jo ek mulakat Neha se huyi thi uss wajah se ?

main bahut jyada der baahar nahi khada reh paya ………kamre ke andar aakar main bed par let gaya aur TV kholkar channels surf karne shuru kar diye ………….meri aankhen TV par hi lagi huyi thi , par dimaag meri aankhon ka saath nahi de raha tha………1/2 ghante yun hi TV dekhne mein kharaab kar ke….maine lights off kar di aur sone ki koshish karne laga…………

meri aankhon se neend bilkul hi gayab thi …….dil kar raha tha ki jald se jald subah ho jaye aur main fir se Neha ke paas pahunch jaaoon ……………. Uska chehra, uski muskurahat , uski aankhen ….sab kuchh baar baar mere dimaag mein daud raha tha ………..Sochte sochte kab main so gaya mujhe maloom hi nahi pada
______________________________

 

[Incest]

#21 (2)

subah 6 baje se pehle hi main Club pahunch gaya tha……maine subah uth kar Neha ka number try kiya tha, par koi response nahi mila…….club ke pichhle hisse mein ek kaafi bada golf course bana hua tha ………jiska ek sira samandar se sirf 500 meter hi door tha ………kul milakar ek khushnuma mausam tha wahan ka …….

Main golf course mein pahuncha aur wahan entrance gate ke paas hi padi ek bench par baith gaya……..5 minute bhi nahi beete honge ki Neha wahan pahunch gayi ………kal se alag , ek T-shirt aur trouser mein thi woh aaj…….chehra hamesha ki tarah bilkul taaze gulaab ki tarah khila hua aur chehre par ek sada-bahaar smile …….

“ Hi Rajiv…………kaafi der se wait kar rahe ho kya ? “ usne aate hi kaha ……..

“ Nahi ………..bas abhi 5 minute pehle hi aaya hoon ……..” maine jawaab diya

“ OK ……………to fir aapki aaj ki class shuru karein ? “ usne dheere se hanste huye kaha ………

“ jaisi aapki marji …..teacher ji “ maine bhi hanste huye hi jawaab diya ………….

Usne fir se hansi mein mera saath diya aur fir saath mein bani ek chhoti si building mein ghus gayi………

5 minute ke baad woh waapas aayi ……saath mein ek caddie bhi thi ……….jisko ek attendant drivekar raha tha ……………

fir meri training shuru ho gayi ………….sahi bataoon to mujhe koi interest nahi tha ,golf seekhne mein …….main to tahe dil se sirf yeh chahta tha ki main Neha ke najdeek reh sakoon ……..aur golf ke bahaane hi sahi , mere dil ki ichchha poori ho rahi thi ………..

agle ek ghante tak woh mujhe golf sikhati rahi ……….club ko sahi tareeke se pakadna , shot lagana ………….drivers, putters etc ko use karna …….tee ko use karna ……..yeh sab baatein woh ek-ek karke mujhe sikha rahi thi aur main bas wahi sab karta jar aha tha jo woh mujh se karne ke liye keh rahi thi ………

har baar , jab bhi main shot lagane jaata tha, tab woh mere peechhe aakar meri position ko adjust karti thi aur unn kuchh seconds ke liye maano poori kaynat tham si jaati thi ………woh apne haath se mera haath pakad kar mujhe batati thi ki mujhe shot kaise lagana hai aur uske badan ki bheeni bheeni khushbu meri saanso mein sama kar mujhe madhosh karne lagti thi ………..

beech beech mein jab hum log ek hole se doosre hole ki taraf ja rahe hote they to meri nazrein chori chori sirf usko hi nihaar rahi hoti thi ………

maloom hi nahi pada ki kab waqt gujarta chala gaya ………….hosh tab aaya jab usne kaha ki ab baaki ki training kisi aur din karenge ………

hum dono waapas club mein aa gaye …………saath saath baith kar hum dono ne ek ek cup chay pee………..

dhoop nikalni shuru ho gayi thi ……… asmaan ka rang laal hota ja raha tha aur mere saamen chair par baith Neha ke chehre ka rang bhi kuchh kuchh gulabi sa hi tha……. Shaayd kaafi der tak golf course mein chalne ki wajah se , uski saanse abhi bhi tez hi chal rahi thi ……………….dhadkane to meri bhi bahut tez thi , par uski wajah kuchh doosri hi thi ……………..main sirf usko hi dekh raha tha aur mere dekhne se be-khabar woh ek taraf dekhe ja rahi thi aur …maloom nahi ki mere dil ke andar chal rahi halchal ka usko pata tha ya nahi ……….waise yeh baat mujhe to na-mumkin hi lag rahi thi ki main usko lagataar deh raha tha aur usko iss ka ehsaas bhi nahi ho raha tha ……………

chay peene ke baad maine usko chalne ke liye kaha aur fir hum dono baahar nikal kar meri gaadi mein aa gaye………………maine gaadi start ki aura age badha di ………woh aaj mere paas waali seat par baithi thi …………maine shabd dhoondh raha tha us se baat shuru karne ke liye ki tabhi usne hi pehle khamoshi ko khatam kiya…

“ aap bahut jaldi hi golf khelne seekh jaayenge “ usne meri taraf dekhte huye kaha

“ achchha ! aisa kyon ? “ maine uski taraf dekh kar kaha

“ bas ……aap bahut jaldi sab cheez catch kar rahe they …isliye mujhe aisa laga “ isbaar usne saamne dekhte huye kaha..

“ ohh……thanks Neha “ maine uski taraf halka sa sar jhuka kar kaha ..jawaab mein woh sirf muskura di ………

“ Rajiv…..kal aap bata rahe they ki aap swimming bhi karte hain ? “ usne poochha.

“ Haan ……..karta to hoon “ maine jawab diya

“ to fir main aapse swimming seekhne chahoongi ……..” usne meri taraf dekh kar muskurate huye kaha…………

“ its Ok ………par Club mein to professional trainers hain ……..tum mujhse hi kyon seekhna chahti ho ? “ maine hanste huye poochaa ……..

“ koi khaas wajah nahi hai…….bas aise hi , mujhe laga ki shayad aap mujhe swimming achchhi tarah sikha sakte hain “ usne ek baar meri taraf dekha aur fir saamne dekhne lagi …………….

Maine koi jawaab nahi diya………sirf dheere se muskura kar reh gaya……..uska ghar aa gaya tha ,maine gaadi ko side mein laga kar rok diya……….

Who gaadi se utari aur fir khidki mein jhuk kar mujhe bye kiya……….maine bhi usko bye kiye aur gaadi aage ko badha di ……………..

Maine apni jindagi mein kisi ka saath pehli baar itni shiddat se chaha tha………aur oopar waala mere oopar itna meharban the ki mujhe us-se milane ki koi na koi naya rasta nikaale ja raha tha………….
______________________________

 

[Incest]

#22


Subah 10.00 baje main office pahunch chukka tha…….. tour par jaane se pehle yeh last working day tha ,isliye aaj bahut saare kaam karne they ………


11 baje se 2 baje tak main meetings mein hi busy raha ……fir lunch karne ke baad main apne office mein aakar baith gaya ………


office ke darwaaze par knock hua , thoda sa darwaaza khula aur fir Karan ne andar jhanka ……..


“ aa jao Karan …………..please come” maine kaha aur apna sar peechhe chair ke back se lagakar adhleta sa ho gaya ………


“ Aaapke tour ka programme final karna tha …….” woh mere saamne chair par baith-ta hua bola



Karan Rajpoot, mera assistant ……..aur Lakshmi Banks mein as AGM ( Operation) , umar koi 32 saal ke aaspaas , lamba kad aur ikhara shareer , abhi tak unmarried tha………..iss company mein woh pichhle 10 saalo se kaam kar raha tha …….. Karan ki sabse badi khasiyat thi , kaam ke prati uska approach ……..apne kaam se related saari baatein uske finger tips par rehti thi , aur mere liye to maano woh ek chalta firta PC tha……… shayad hi kabhi aisa hua ho jo kisi ne usko khul kar hanste huye dekha ho ……….par uski seriousness hi uski ek badi kaabliyat thi



“ tour ka programme to final ho chukka tha Karan ? “ maine poochha
“ Ji haan …….wahi dikhana hai aapko “ keh kar usne kuchh papers khol liye aur fir mujhe mere tour ke baare mein samjhane laga ……..


kul milakar 5 alag alag shehro mein humko jana tha ……aur jaroorat padne par agar kisi nearest place par koi meeting karni ho to uske liye bhi provision kiya gaya tha ……


“ Sir ……aapka tour Monday subah se start hoga ……….Raj Nagar se Lucknow , fir Delhi , uske baad Dehradoon , fir Shimla aur last mein Chandigarh …………kul milakar 14 din ka tour hai aapka …….aapke liye air tickets, hotel booking sab kal tak ho jaayengi ………….alag-alag cities mein kul 35 meetings decide huyi hain, jisme se akele Delhi mein hi aapko 20 meetings karni hai……….”



Iske baad woh mujhe samjhata raha aur main suntan raha ………….achanak mere intercom ki ghanti baji , maine phone uthaya to udahar se madhur si awaaz mein ‘ Hello Rajiv ’ sunayi pada ……..


“Haan Neha bolo ………..” maine poochha …….


“ Neha ? …..main Nidhi bol rahi hoon Rajiv , Neha nahi “ ab maine pehchana , udhar se aane waali awaaz Nidhi ki thi …………


“ Sorry Nidhi ……….maine aapki aawaaz pehchani nahi “ maine jhenpte huye kaha


“ Its Ok ……….kya main tumse mil sakti hoon “ Nidhi ne poochha…


“ Haan ……….Sure ………main abhi aata hoon “ maine turant jawaab diya

“ Nahi Rajiv ……..main hi aa rahi hoon tumhare office mein “ usne kaha aur fir phone rakh diya……….


Agle 5 minutes tak Karan ne mujhe baaki saari baatein samjhayi aur fir woh chala gaya…….uske baahar nikalne ke 15 minute baad darwaaze par fir se knock huyi aur iss baar aane waali Nidhi thi ……..woh seedha andar aakar mere saamne waali chair par baith gayi …….

Nidhi ,….. Hamesha ki tarah khush-numa chehra liye …………uski aankhon mein ek shararat ka ehsaas hamesha hi dikhayi padta tha ……..maloom hi nahi padta tha ki woh kab serious hai aur kab mazaak kar rahi hai ………
“ to janaab kisi aur ke khayaalo mein gum they ?” usne hanste huye kaha …….


“ Main samjha nahi ………kya kehna chah rahi hain aap ? “maine na-samajh bante huye sawaal kiya ………………



“ jab tumhe har ladki ki awaaz sirf Neha ki hi lagne lage to iska matlab to yahi hai kit um uske hi khayaalo mein gum they ………..kyon ? “ woh aage ko jhuk kar meri aankhon mein dekhte huye boli ………..

“ nahi …….aisi baat nahi hai ……..main actually uss ka hi phone expect kar raha tha , shayad isliye ……..” maine bahana banate huye kaha ………..

“ chalo chhodo yaar………….yeh bataao , tumhare tour ki saari tayyari poori ho gayi hain na ? “


“ Haan………Karan saare intezam kar raha hai “ maine kaha ………


“ Bye God , mujhe to iss Neha se jalan si ho rahi hai ……….Yaar “ iss baar usne fir se ek mazakiye se lehje mein kaha.
“kyon ? “ maine poochha..


“ dekho na……..itne badhiya badhiya tourist places ka tour , aur saath mein tumhare jaisa saathi ……kitna romantic sa mausam hoga wahan aur tum dono tanha …….lucky hai yeh ladki “ usne fir se meri aankhon mein dekha ……..


yeh uski ek puraani aadat thi ………woh hamesha mujhse Flirt karne ki koshish karti thi ………maloom nahi , woh serious thi ya hamesha ki tarah sirf majaak karti thi …….

“ tour ka programme to aapne hi decide kiya hai , aur groups bhi ……..iss mein kisi aur ki to koi galti nahi hai …………” maine hanste huye jawaab diya……..


“ yahi to afsos hai yaar………” usne ek lambi si saans li aur fir kaha “ chalo chodo ……main tumhare paas ek dossre kaam se aayi thi “ keh kar usne apne haath mein pakdi file ko mere saamne table par khol diya …………


iss file mein kuchh documents they , Bank ke security system se related …..woh mujh se kuchh technical points samajhna chahti thi ………..agle 1 ghante tak main usko sab kuchh details se samjhata raha , aur woh bhi poori sanjidagi se meri baaton ko sunti rahi ……….aisi hi thi woh ,ek pal mein mazaak karti thi aur ek pal mein sanjeeda ho jaati thi ……………..

kaam poora hone ke baad Nidhi chair se uthi aur kamre se baahar nikal gayi ………jaise hi woh uth kar kamre ke darwaaze par pahunchi , kamre ka darwaaza knock hua aur Neha ne andar jhanka………..Nidhi kamre se baahar nikal gayi aur Neha andar aa gayi ……….kamre se baahar nikale samay Nidhi ne ek baar meri taraf dekha aur fir Neha ki taraf ishara karte huye ek aankh daba di aur muskurate huye kamre se baahar nikal gayi …………….. main sirf jhhenp kar reh gaya ……………
______________________________