- 5,758
- 13,139
- 189
UPDATE 119
Kirti se thoda hi hello karne ke baad sabhi apne kaam mein lag gaye.
Sumit bhi Megha aur Sanjana mein hi jyada dhyaan de raha tha.
Kirti bas ye dekh kar samajhne ki koshish kar rahi thi lekin usse kuch samajh mein nahi aa raha tha.
Aaj Kirti ko bahut ajeeb bhi lag raha tha...Aaj se pehle tak jitna bhi vakt wo Sumit ke saath thi Sit ka najar usse hat ta nahi tha...Hamesha apne liye pyaar hi dikht tha usse Sumit ki aankho mein.
Lekin aaj? Aaj to 2 second se bhi jyaada nahi tik raha tha Sumit ki najar uss par...Aur pyaar to dur ki baat koi bhaaw hi nahi dikh raha tha aaj Sumit ki aankho mein uske liye.
Kya thoda der ho gaya? Bas yahi sawaal usse khaye jaa raha tha...Sawaal ka jawaab mil bhi gaya to ye paristhiti to badal nahi sakta ye jaan kar wo aur bhi dukhi thi.
Kuch der se wo dekh rahi thi ki Sumit Megha se kuch jyaada hi pyaar se pesh aa raha hai...Aakhir Megha se alag ho jaane ke baad bhi dono aaj itne paas kyu hai? Jab ki Sumit ne Megha ko saaf keh diya tha ki abb uske jindagi mein nahi aane ke liye...Lekin fir bhi?
Jo galti usne kiya tha wo Megha ne bhi to kiya tha...Lekin aaj Megha Sumit ke itne karib aur wo itni dur...Ye baat usse bahut khatak raha tha.
Jab usse aur raha nahi gaya to...
Kirti:- Sumit...Tumne apne patni se abhi tak nahi milwaya.
Sumit:- Tumhare sawaal ka jawaab hi de raha tha ek khuli kitaab ki tarah...Jise tum khud pata kar sako.
Kirti:- Samajh to aa raha hai...Lekin tumhara khel tumhare alawa aur kaun samajh sakta hai?
Sumit:- Hai ek? Mujhse bhi jyada mujhe samajhne wali.
Sumit ki iss baat par sabhi hasne lagte hai Kirti ke alawa.
Kirti:- Paheli bujhaane ke liye nahi keh rahi hun...Waise bhi tumne pehle se hi confuse kar ke rakha hai...Abb saaf saaf bataao.
Sumit fir Megha ko khinch kar apne baaho mein bhar leta hai.
Sumit:- Paraai aurat ko baaho mein bhar lu...Itna himmat kaha hai mujh mein?
Jawaab mein muskuraate hue...
Megha:- Sochna bhi mat.
Kirti:- Matlab Megha.
Sumit:- Abb isse aur saaf bata to nahi sakta.
Fir Kirti Sanjana ko dekhti hai...Wo bhi comfortable thi.
Kirti:- Fir tumne ye kyu kaha mujhse dobara mulaakaat mein ki tumhare jaane ke baad meri life mein Sanjana aayi.
Sumit:- Sahi hi to kaha tha...Bas jaan bujh kar adhura kaha.
Pura shabd ye tha.
Tumhare jaane ke baad mere life mein Sanjana aayi ek baar fir dil mein pyaar ke darwaja par dastak dene...Lekin afsos wo bhi adhura reh gaya...Shayad pyaar karne se hi darne lag gaya tha mein...Itna jyaada ki jab bahut der se hi sahi ek baar fir saccha pyaar ka ehsaas hua to usse bhi apnaane se darne laga.
Wo mera nahi Megha ke pyaar ki taakat tha jo aaj fir se hansta khelta tumhare saamne hun.
Abb Kirti ko sab samajh mein aa gaya.
Sumit:- Waise bhi ye kahani na jaane kitno ko sunaayi hai...Thoda majaa lene ke liye mirch masala jaruri hai...Wohi mirch masala laga kar tumhe bhi suna diya.
Kuch der chup rehne ke baad.
Kirti:- Lekin Megha kaise maan gayi...Usne bhi to tumhe chhod diya tha?
Iska jawaab Megha ne diya.
Megha:- Mai Kirti thodi hun...Jo ye bewkufi karungi.
Kirti ko ye baat accha to nahi laga lekin iss baat par khaas dhyaan na dete hue wo aage sunne ke liye Megha ki bolne ki intejaar karne lagi.
(Friends jaanta hu update bahut chhota hai...Navratri mein ghar gaya tha to bahut hi lamba gap ho gaya...Waapas aaya hu to abhi itna hi likh paaya hu...Ye update thoda lamba hone wala hai...Issi liye kuch din aur lagenge...Itna wait nahi karwana chaahta to abhi ke liye itna post kar raha hu...Koshish katunga 2-3 din mein baaki ke bhi post kar du...Next update mein sab clear hoga.)
Last edited:
, beautiful❤❤❤❤❤❤
