- 6,463
- 5,017
- 259
Ye kahani Ishikaaa ke dwara Xossip mein likha gaya tha, aab Xforum mein post karne ka permission mil gaya hai toh is story ka saara credit Ishikaaa ko jaata hai
Sameer jodhpur ki local market me bas window shopping ka majja le raha tha tabhi uske kano se behad pahchani huyi awaaj takrayi … jab Sameer ne palat kar dekha to ye Rohit tha jo safed phoolon ki veni khareed raha tha … Sameer ne uss tak pahunchne ki koshish bhi ki par shayad Rohit kafi jaldi me tha … use Sameer ki awaaj sunai bhi nahi di aur wo teji se chala gaya… Sameer bhi Rohit ke peechhe bhaga … Sameer aur Rohit College ke jamane me kaphi gahre dost the par Rohit ek din bina bataye Delhi se gayab ho gaya aur aaj mila hai …
Rohit ke peechhe peechhe Sameer ek khandhar tak jaa pahuncha …
Sham ke dhalte thode sindoori aur thode syaah Mahaul me wo sunsaan khandhar kaafi darawna lag raha tha , Sameer ko kafi dikkat huyi andar tak pahunchne me waise bhi baat jab Rajasthan ki hoti hai to din dhalne ke baad kilon aur khandharon ke andar jana dussahas mana jata hai … khair yahan Sameer ki dosti ka sahas tha … Sameer uss khandhar me Rohit ko khoj hi raha tha ki achanak andar se Rohit ki takleef bhari awaaj Sameer ke kaano se takrayi …
" Naina abb aa bhi jao naa yaar , late hone ke liye sorry bol raha hoon naa babu dekho tumhare pasand ke safed mogre ke phoolon ki Veni laya hoon … kab tak yahan neeche dhool me leti rahogi … dekho naa sab taraf chot lag gayi hai … khoon bhi nikal raha hai … chalo tumko ghar le chalta hoon … abb akela nahi chhodunga jaan … "
Sameer ke to pair kaampne lage , sharir paseene se tar - batar ho gaya … Rohit ke dwara boli jane wali har line pighle huye sheeshe ki tarah Sameer ke kano me utar rahi thi … aaj pahli baar usne mahsoos kiya tha ki kaleja muh ko kaise aata hai … Sameer ne khandhar ki deewaal ka sahara le liya kyu ki ghabrahat ki wajah se khade hone me use dikkat ho rahi thi … Doosri taraf Rohit apni jeb se rumaal nikal kar jameen ko yun haule haule saaf kar raha tha jaise kisi ke sir ko apni godd me rakh uske chehre ko saaf kar raha ho sang me rote huye bole bhi jaa raha tha …
" dekho naa kitna aansu nikal raha hai tumhara babu sara kajal tak bah gaya hai aur dekho ye tumhari sadi bhi phat gayi … koi baat nahi aisi doosri laa doonga ye tumko bahut pasand hai naa … aao tumko ghar le chalu … "
Sameer ko itna to samjh aa gaya tha ki koi bahut badi anhoni huyi hai par isse pahle ki Sameer wajah soch bhi pata Rohit poori taakat se cheekh kar behosh ho gaya … poora khandhar Rohit ki cheek se tharra utha … sab kuchh itna achanak se hua ki Sameer ko khud ko hi samhalne me kafi wakt lag gaya … jab saanse kabu me aayi to kampte haathon se Rohit ko utha jaise taise uske bahar sadak tak laya … aashcharya ki baat ye thi ki wahan khade auto wale ne Rohit ko pahchan liya aur Rohit ke ghar tak laya … Sameer ne paise dene ki koshish ki to usne mana kar diya … ye sab kuchh Sameer ko bahut hi atpata lag raha tha …
Rohit ka ghar akela tha uss taraf aur Ghar ka darwaja khula hua tha … Sameer Rohit ko andar lita kar rasoi me pani lane chala gaya … ghar ki haalat dekh Sameer kaafi pareshan ho utha … yun to ghar saaf suthra tha aur har samaan kareene se laga hua tha par aisa koi sanket nahi tha ki yahan Rohit ke siva bhi koi rahta ho par khandhar me suni huyi baaton ke anusar to Naina ko bhi yahan hona chahiye tha … paani ke chheente chehre par padte hi Rohit uthh batha … wo bilkul normal lag raha tha jaise ki kuchh bhi hua hi nahi ho… Sameer ko dekh Rohit ka chehra bachchon jaise khil utha … hajjaron sawaal ki bauchhar kar dali usne …
" Sameer mere bhai tu yahan … ham kitne dino baad mile yaar … kareeb 5 saal to ho hi gaye hain naa … " Rohit ne Sameer ko gale lagate huye poonchha …
" mai theek hoon Rohit tu bata kaisa hai … kahan chala gaya tha yaar … itna kamjor kyu lag raha hai… " Sameer ne bhawuk hote huye kaha …
" mast , khush aur apni biwi ke sath sukhi … bas dost ki kami thi to tu aa gaya … " Rohit ki baatein Sameer ko duvidha me daal rahi thi …
" Tune to kabhi yaad hi nahi kiya Rohit … college se achanak gaaw chala gaya tha aur tera no bhi band ho gaya tha … mai yahan jodhpur Navya ke seminar ke liye aya hua tha warna tujhse to mulakat bhi nahi hoti … " Sameer ne khandhar wali baat chhipa li …
" wo wakt tha hi aisa Sameer … mujhe to lagta tha maine Naina ko kho diya hai … par sachi muhobbat ki thi ham dono ne to mila hi diya uparwale ne …"
" waise Rohit Naina hai kahan najar nahi aa rahi hai … " Sameer ne ghar me idhar udhar dekhte huye poonchha …
" office gayi hai bas aati hi hogi , waise bhai ye Navya kaun hai … ? "
" meri wife hai … do saal pahle shadi ki hai hamne … yahan ek Seminar ke silsile me aai huyi thi to sath aa gaya … " Sameer ne muskurate huye kaha …
" waah to Navya ko bhi bula naa sath me dinner karenge , ruk mai Naina ko poonchhta hoon kab tak aayegi … "
Rohit paas rakhe landline se Naina ko call karne laga jabki Sameer uski har ek harkat ko badi gaur se dekh raha tha … samne deewar par Rohit aur Naina ki shadi ke din ki badi si tasweer tangi thi jo cheekh cheekh kar kah rahi thi ki Rohit ki baatein sach hai , uski aur Naina ki shadi huyi thi lekin Sameer bhala wo khandhar wala manjar kaise bhool sakta tha … Sameer khayalon se Rohit ka udaas swar sun baahar aaya …
" bhai Sameer Naina to late aayegi uske office me bahut kaam hai … tu baith mai kuchh achha sa banata hoon…" Rohit udaas ho utha tha …
" Rohit sun chal kahi bahar se khakar ate hain… "
" nahi bahar nahi khaunga … use pasand nahi hai … wo late se aayegi par jarur aayegi … bhookhi rahegi , uske liye bhi khana rakh doonga … " ye bolta hua Rohit rasoi me chala gaya …
Sameer ka sir fatne laga … naa jane kyu use kuchh bhi nahi theek lag raha tha … achanak use Navya ka khayal aaya… usne Navya ko call lagani shuru kar di … par uske mobile se call hi nahi lag rahi thi … Sameer ne Rohit ke land line se call lagane ke liye uska receiver utha kar kaan par lagaya to bhauchakka rah gaya kyu ki phone line to dead thi … abb to Sameer ko poora yakeen ho gaya ki kuchh naa kuchh aisa hai jise Rohit chhipa raha hai … kyu ki isi dead xforum phone line se hi usne Naina ko call ki thi aur bakayda baat ki thi usse …
Rohit ne thodi hi der halka fulka dinner taiyar kar liya … jab dono Dost khane baithe to ek baar phir baaton ka silsila chal nikla … Sameer ko bahut kuchh janna tha Rohit se …
" Rohit tune bataya nahi aisa kya hua tha uss din ki tu bina kuchh bataye ki tu gaaw chala gaya tha aur tere jane ke baad Nainaa ne bhi sabse rishta khatam kar liya tha … " Sameer ko abb kaise bhi kar ke bas sab kuchh pata karna tha …
"""""""""""""""""""""""""""""""""""""""""""""""""""""""""""""""""""""""""""""""""""""""""""""""
" yaar valentine se ek din pahle mere papa aur maa aa gaye the mere room par wo bhi bina bataye … maine koshish to bahut ki chhipane ki pat mammi ne Naina ki photo dekh li mere phone me … phir kya tha maa ne mere farj aur dharm ki yaad dilayi aur saath me ye bhi yaad dilaya ki agar papa ko pata chala to shayad jaan se hi maar denge mujhe … waise dekha jaye to maa galat bilkul nahi thi kyu ki mai ghar ka sabse bada beta tha to mere farj aur jimmedariyan bhi the …
maa ko Naina ki photo dekh kar naa jane kyu aisa shaq ho gaya ki wo tej - tarrar ladki hai … uski life style hamari life style se match nahi hogi … usse milne tak se inkaar kar diya maa ne … maa ne rona shuru kar diya aur meri tamaam galtiyon aur kamiyon ka theekra bechari Naina ke sir fod diya … mujhse nahi dekha gaya yaar to mai chala gaya gaaw maa ke sath … kya batau kya kya jhela wahan par … 24 ghante maa ki aankhein mujh par aur mere phone par thi… aisi emotional baatein ki koi bhi toot jayeha mai bhi toot gaya … khair jaise hi mauka mila maine Naina ko call lagaya … lekin jiska dar tha wahi hua … use rone se fursat ho to meri baat sune … maine bhi gusse me kah diya ki mai apne firz nahi bhaag sakta balki pyaar ko chhod sakta hoon… yahi paap ho gaya tha mujhse … uske baad jab do teen din baad dobara chhip kar maine call kiya to uska phone switch off tha … tum khud hi soch sakte ho kya haal hua hoga mera lekin majboor tha mai kuchh bhi mere haath me nahi tha …
maine kai calls lagaye use … aur ek din Usne apna phone on kiya ittefaq se maine bhi usi samay call lagaya … bahut ro rahi thi wo … uske ghar walon ne uska rishta fix kiya tha kahi … mera bhi sab kuchh daaw par laga tha kyu ki ye to Naina mujhe shuru se hi bata rahi thi ki uske ghar wale kabhi taiyaar nahi honge par itni jaldi itni bijliyan ek sath tootengi kabhi bhi nahi socha tha … maine meri maa se antim baar apne pyaar ki duhai di … maa khud papa se bahut darti hain … mere aansu ka asar ye hua ki maa ne raat me meri table par kuchh paise aur ek mangal sutra rakha aur chand pnktiyan ek kagaj par likh di jo mujhe aaj bhi yaad hain … " beta … Majboor hoon khul kar tumhara sath nahi de sakti hoon … mera aashirwaad tumhare aur Naina ke saath hai… uska khayal rakhna …
mai samjh chuka tha mujhe kya karna hai … mai bas ghar se nikal pada … Naina ko bhi samjha diya tha ki wo bas kaise bhi karke railway station aa jaye … wo der se hi sahi aa gayi wahan … aur ham ghar se bhag kar jodhpur aa gaye … shadi ki aur abb ham duniya ke sabse khush aur sukhi premi hain … mai apni naina ko apni jaan manta hoon aur isi liye jinda hoon … uski muhobbat meri rooh me bas gayi hai… "
"""""""""""""""""""""""""""""""""""""""""""""""""""""""""""""""""""""""""""""""""""""""""""""""
Rohit ne kisi kahani ki tarar beete huye 5 saalon ko Sameer ke samne khol kar rakh diya … dono hi ki aankhein namm thi par Sameer ko bahut darr lag raha tha … behadd anjana sa darr … wo khud nahi samjh paa raha tha ki aakhir wajah kya thi uss darr ki … dono ne dinner kab ka finish kar liya tha … sone ke liye letne tak dono ke beech khamoshi rahi … Sameer ne mahsoos kiya ki Rohit ke chehre par achanak hi khalipann aa gaya hai … Rohit turant hi so gaya par Sameer ke sar par uljhane sawaar thi … tabhi Navya ki call aa gayi … shayad Sameer ko iss wakt Navya ki bahut jarurat thi … wahan se uth kar baahar wale riom me aaya Sameer aur jo jo ghatit hua tha din bhar me sab kah dala Sameer ne Navya se … shuru se lekar ant tak … Navya khamoshi se sunti rahi … Sameer ke khamosh hone par boli …
" Sameer sabse pahle Naina se milna hoga … mujhe kuchh theek nahi lag raha hai …"
" Naina se hi to mulakat nahi ho pa rahi hai yaar … Rohit ne band pade land line se use call kiya tha yahan tak ki uske Mobile me bhi jo no hai Naina ka wo switch off aa raha hai… mujhe bahut ajeeb sa feel ho raha hai … " Sameer ye sir pakad kar kaha …
" Please khud par kaabu rakho mai kal subah aa rahi hoon wahan par mil kar pata karte hain ki kya baat ho sakti hai …"
" Navya tum Rohit se ye bilkul mat batana ki tum Dr ho kyu ki wo Dr ke naam se bhadak gaya tha … anaap shanaap bolne laga tha … "
" ohk so jao abb mai thoda iss bare me aur sochna chahti hoon … mujhe address msg kar do mai 10 baje aa jaungi… "
Navya ne Sameer ko bol to diya ki so jao par psychiatrist hone ke karan use pata tha ki Sameer nahi soyega khair jaise taise dono ki raat beeti … Rohit subah bilkul samanya dincharya follow karte huye office chala gaya jabki Sameer wahi raha … subah Sameer ne Naina ke bare me poonchha bhi to Rohit ne bilkul normal reply diya ki " wo to office gayi hai … shaam ko aa jayegi " …
10 baje Navya aa gayi Rohit ke ghar … Sameer ne ek baar phir Navya ko sari baatein batai … Navya ne ghar me lock lagaya aur aur Sameer ke saath bahar nikali padosiyon se poonchh taachh karne ke liye … jis jagah par Rohit ka ghar tha uske aas paas koi khas abaadi nahi thi … thodi door par ek ghar tha … wahi pahunche dono… darwaja khatkane par ek boodhi si aurat nikli baahar … jab Navya ne bataya ki use Rohit ke baare me kuchh poonchhna hai to uss aurat ne unn dono ko apne ghar ke andar bulaya …
" Rohit ko kaise jante ho tum dono … "
" college me sath padhte the … "
" bura mat manna beta kabhi kisi ko pahle to nahi dekha yahan phir aaj achanak kaise … ?? " aurat ne udasi se poonchha …
" lambi kahani hai aunty waise Rohit ke bare me kuchh bataiye… "
Sameer ne mudde ki baat ki …
" aise kaise bata doon kisi ko kuchh … kya pata kaun ho tum dono … waise bhi wo abhaga apna sab kuchh khokar chand udhar ki saanso ko jee raha hai …" wo aurat ruaansi ho gayi …
" Aunty mai Dr hoon , Delhi me meri clinic hai … Rohit ka ilaaj karna chahti hoon… please help kariye meri …" Navya ne haath jod kar kaha to uss aurat ne udaasi se batana shuru kar diya …
""""""""""""""""""""""""""""""""""""""""""""""""""""""""""""""""""""""""""""""""""""""""""""""
" Rohit ko mai pichhle 5 saalon se dekh rahi hoon … wo yahan ek ladki ke saath aaya tha … Naina naam tha uska … bahut hi pyari jodi thi dono ki … yahi paas wale mandir me shadi ki thi dono ne , ham sabne hi mil kar dono ko unki nayi jindgi ke liye ashirwaad diya tha … Rohit jis ghar me rahta hai wo mera hi hai … mere koi aulaad nahi hai to unn dono me mujhe mere bache dikhte the … wo dono bhi mujhe maa hi kahkar bulate the … bahut pyaar tha dono me … Rohit Bpo me kaam karta tha aur Naina ko duniya ki har khushi dene ki koshish karta … pyaar itna gahra tha uska ki aas paas sabhi Rohit aur Naina jaise jindgi jeena chahte the … Rohit jahan kaam karta tha usne Naina ko bhi wahi kaan dilwa diya … dono har pal saath rahte the …
Dono ne yahi ek chhoti si duniya basa li thi …pyaar itna tha ki shayad pyaar ko bhi naaj hota hoga inn dono ke dil me basne par … Rohit thoda gusse wala to tha par Naina ke ek aansu se hi uska sara gussa bah jata tha aur Naina ki sari duniya to uska Rohit tha … jab kaam nahi tha Rohit ke paas to Naina se chhip kar aise bhi kaam kiye jise bade ghar ke log heen najron se dekhte hain par Rohit ke liye Naina ki khushiya sabse upar thi …
aksar Naina apne ghar walo ko yaad karti thi par Rohit use daant kar chup kara deta tha … wo saaf kahta tha ki kuchh wakt baad chal kar sabse maafi maag lenge … lekin Naina se nahi raha gaya aur ek din usne mujhe aakar bataya ki wo bahut khush hai kyu ki aaj usne apne tau ji aur bhai se baat ki hai… tau ji ne wada kiya hai ki jald hi wo sare gile shikwe door kar denge … wo apne papa se milne ke liye tadap rahi thi …
Do hi din baad ek kaali raat me paas wale khandhar me Naina buri tarah ghayal mili … uske sir par kisi hathiyaar se buri tarah war kiya gaya tha … haath aur pairon ki chot saaf kah rahi thi ki bachne ke liye wo masoom kitna tadpi hai … bahut sakht jaan thi wo aisi buri haalat me bhi damm toda usne to Rohit ki godd me sir rakhne ke baad … pathrayi aankhon se Rohit ka chehra dekhti wo antim shabd bhi yahi bol gayi " saath hoon tumhare "…
aaj bhi yaad ata hai to roye khade ho jate hain … sara muhalla Rohit ki cheekhon se dahal gaya tha … wo bahut roya tha … sare Dr , police sabhi ke pairon par gir gaya par Naina ko nahi bachaya ja saka na hi uske khooni ka pata pada … khas baat ye thi ki Naina ko sirf jaan se marne ke liye hamla kiya gaya tha … na hi uske sharir se koi chhed chhad huyi thi naa hi koi loot … pata nahi kaun tha wo haiwaan jo ek masoom si duniya ko ujaad gaya … "
"""""""""""""""""""""""""""""""""""""""""""""""""""""""""""""""""""""""""""""""""""""""""""""""
" ye aap kya kah rahi hain Naina abb nahi hai par… par Rohit to bol raha tha ki Naina office gayi hai… "
Sameer ne Rote huye kaha …
" wo pagal ho gaya hai usi din se beta … wo to Naina ka antim sanskar bhi nahi hone de raha tha … uske nirjeew shareer ko seene se lagaye kone me me baitha hua tha pagla … badi mushkil se Naina ke shareer ko alag kiya gaya usse … lekin Naina ko jalte nahi dekh saka chillata raha ki uski Naina ko dard ho ra hai hatao wahan se … aisa besudh hua tha ki aaj tak hosh me nahi aaya hai wo … tab ka din aur aaj ka din… Sadhe 4 saal ho gaye hain … par wo manne ko taiyaar hi nahi hai ki uski Naina marr gayi hai … wo abb bhi yahi samjhta hai ki Naina aas pas hai … aur usi tarah se jeeta hai… wo mujhe chabhi dekar office jata hai kyu ki use lagta hai uske jane ke baad Naina ayegi … uske office jane ke baad mai uske ghar Jakar wahan ki safai kar deti hoon aur khana bana kar rakh deti hoon , pagla ata hai to usi khane ko khata hai ye samjh kar ki uski Naina ne banaya hai … "
" aunty kabhi Dr ko nahi dikhaye Rohit ko… " Navya ne subkte huye poonchha …
" Dr se darta hai … dekhte hi chillane lagta hai ki wo log Naina ko lene aaye hain … kayi Dr ko peet bhi diya Rohit ne … "
Sameer aur Navya thodi der aise hi baith kar rote rahe … abb kuchh bhi nahi tha unke paas janne ko … dono jab Rohit ke ghar wapas aaye to Sameer se se Rohit ka dukh bardaasht nahi hua aur wo foot foot kar ro pada … Navya bhi siskiyan le rahi thi par wo lagatar laptop par kuchh kaam bhi kar rahi thi … saaf tha ki Rohit ko schizophrenia ho chuka tha …
use Rohit ko theek karna tha jiske liye shayad wo khud hi sabse kabil psychiatrist
thi kyu ki Rohit nahi janta tha ki Navya Dr hai … Navya aur Sameer ne 30 din ki chhuttiya le li aur Rohit ke hi ghar me rah kar uska ilaaj shuru kiya … Rohit achhe se support kar raha tha … Sameer aur Navya uski progress se bahut khush the … Rohit ko khandhar gaye 15 din ho gaye the aur abb wo Naina ki baatein bhi kam karta tha …
Samne wali aunty ne bhi Sameer aur Navya ko Rohit ke haalat me sudhar hone ki badhai di… dekhte dekhte 30 din bhi beet gaye … abb Rohit kafi theek tha … dono ne Rohit ko sath Delhi chalne ko kaha par Rohit ne mana kar diya … khar Sameer aur Navya ne bhi soch liya tha ki wapas jakar sabse pahle Rohit ke ghar jakar uski maa ko uski haalat bstayenge … Sameer aur Navya ke jane ke baad Rohit shaam ko market gaya aur wahan se safed mogre ke phool ki khoobsurat veni kharda aur use lekar seedhe ghar wapas aya … uske ghar me ghuste hi aunty ne Sameer ko call karke bata diya ki Rohit ghar laut aaya hai khandhar nahi gaya … sabhi ne rahat ki saans li …
Doosri taraf Rohit ghar me ghuste hi darwaja band karke seedhe bed room gaya aur bola …
" Aao babu bahar aao… sab chale gaye … abb sirf tum aur mai bache hain … kitne din ho gaye tumko theek se dekha bhi nahi , pyaar bhi nahi kiya kabse … tumhari kasam jo de di thi Sameer ne nibhani to thi hi … lekin abb sirf meri Naina aur mai koi bhi nahi disturb karne wala … "
Jis Jis ne muhobbat me ,
Apne mahboob ko khuda kar diya !
khuda ne apne wajood ko bachane ke liye
Un sabhi ko juda kar diya !!! "
Sameer jodhpur ki local market me bas window shopping ka majja le raha tha tabhi uske kano se behad pahchani huyi awaaj takrayi … jab Sameer ne palat kar dekha to ye Rohit tha jo safed phoolon ki veni khareed raha tha … Sameer ne uss tak pahunchne ki koshish bhi ki par shayad Rohit kafi jaldi me tha … use Sameer ki awaaj sunai bhi nahi di aur wo teji se chala gaya… Sameer bhi Rohit ke peechhe bhaga … Sameer aur Rohit College ke jamane me kaphi gahre dost the par Rohit ek din bina bataye Delhi se gayab ho gaya aur aaj mila hai …
Rohit ke peechhe peechhe Sameer ek khandhar tak jaa pahuncha …
Sham ke dhalte thode sindoori aur thode syaah Mahaul me wo sunsaan khandhar kaafi darawna lag raha tha , Sameer ko kafi dikkat huyi andar tak pahunchne me waise bhi baat jab Rajasthan ki hoti hai to din dhalne ke baad kilon aur khandharon ke andar jana dussahas mana jata hai … khair yahan Sameer ki dosti ka sahas tha … Sameer uss khandhar me Rohit ko khoj hi raha tha ki achanak andar se Rohit ki takleef bhari awaaj Sameer ke kaano se takrayi …
" Naina abb aa bhi jao naa yaar , late hone ke liye sorry bol raha hoon naa babu dekho tumhare pasand ke safed mogre ke phoolon ki Veni laya hoon … kab tak yahan neeche dhool me leti rahogi … dekho naa sab taraf chot lag gayi hai … khoon bhi nikal raha hai … chalo tumko ghar le chalta hoon … abb akela nahi chhodunga jaan … "
Sameer ke to pair kaampne lage , sharir paseene se tar - batar ho gaya … Rohit ke dwara boli jane wali har line pighle huye sheeshe ki tarah Sameer ke kano me utar rahi thi … aaj pahli baar usne mahsoos kiya tha ki kaleja muh ko kaise aata hai … Sameer ne khandhar ki deewaal ka sahara le liya kyu ki ghabrahat ki wajah se khade hone me use dikkat ho rahi thi … Doosri taraf Rohit apni jeb se rumaal nikal kar jameen ko yun haule haule saaf kar raha tha jaise kisi ke sir ko apni godd me rakh uske chehre ko saaf kar raha ho sang me rote huye bole bhi jaa raha tha …
" dekho naa kitna aansu nikal raha hai tumhara babu sara kajal tak bah gaya hai aur dekho ye tumhari sadi bhi phat gayi … koi baat nahi aisi doosri laa doonga ye tumko bahut pasand hai naa … aao tumko ghar le chalu … "
Sameer ko itna to samjh aa gaya tha ki koi bahut badi anhoni huyi hai par isse pahle ki Sameer wajah soch bhi pata Rohit poori taakat se cheekh kar behosh ho gaya … poora khandhar Rohit ki cheek se tharra utha … sab kuchh itna achanak se hua ki Sameer ko khud ko hi samhalne me kafi wakt lag gaya … jab saanse kabu me aayi to kampte haathon se Rohit ko utha jaise taise uske bahar sadak tak laya … aashcharya ki baat ye thi ki wahan khade auto wale ne Rohit ko pahchan liya aur Rohit ke ghar tak laya … Sameer ne paise dene ki koshish ki to usne mana kar diya … ye sab kuchh Sameer ko bahut hi atpata lag raha tha …
Rohit ka ghar akela tha uss taraf aur Ghar ka darwaja khula hua tha … Sameer Rohit ko andar lita kar rasoi me pani lane chala gaya … ghar ki haalat dekh Sameer kaafi pareshan ho utha … yun to ghar saaf suthra tha aur har samaan kareene se laga hua tha par aisa koi sanket nahi tha ki yahan Rohit ke siva bhi koi rahta ho par khandhar me suni huyi baaton ke anusar to Naina ko bhi yahan hona chahiye tha … paani ke chheente chehre par padte hi Rohit uthh batha … wo bilkul normal lag raha tha jaise ki kuchh bhi hua hi nahi ho… Sameer ko dekh Rohit ka chehra bachchon jaise khil utha … hajjaron sawaal ki bauchhar kar dali usne …
" Sameer mere bhai tu yahan … ham kitne dino baad mile yaar … kareeb 5 saal to ho hi gaye hain naa … " Rohit ne Sameer ko gale lagate huye poonchha …
" mai theek hoon Rohit tu bata kaisa hai … kahan chala gaya tha yaar … itna kamjor kyu lag raha hai… " Sameer ne bhawuk hote huye kaha …
" mast , khush aur apni biwi ke sath sukhi … bas dost ki kami thi to tu aa gaya … " Rohit ki baatein Sameer ko duvidha me daal rahi thi …
" Tune to kabhi yaad hi nahi kiya Rohit … college se achanak gaaw chala gaya tha aur tera no bhi band ho gaya tha … mai yahan jodhpur Navya ke seminar ke liye aya hua tha warna tujhse to mulakat bhi nahi hoti … " Sameer ne khandhar wali baat chhipa li …
" wo wakt tha hi aisa Sameer … mujhe to lagta tha maine Naina ko kho diya hai … par sachi muhobbat ki thi ham dono ne to mila hi diya uparwale ne …"
" waise Rohit Naina hai kahan najar nahi aa rahi hai … " Sameer ne ghar me idhar udhar dekhte huye poonchha …
" office gayi hai bas aati hi hogi , waise bhai ye Navya kaun hai … ? "
" meri wife hai … do saal pahle shadi ki hai hamne … yahan ek Seminar ke silsile me aai huyi thi to sath aa gaya … " Sameer ne muskurate huye kaha …
" waah to Navya ko bhi bula naa sath me dinner karenge , ruk mai Naina ko poonchhta hoon kab tak aayegi … "
Rohit paas rakhe landline se Naina ko call karne laga jabki Sameer uski har ek harkat ko badi gaur se dekh raha tha … samne deewar par Rohit aur Naina ki shadi ke din ki badi si tasweer tangi thi jo cheekh cheekh kar kah rahi thi ki Rohit ki baatein sach hai , uski aur Naina ki shadi huyi thi lekin Sameer bhala wo khandhar wala manjar kaise bhool sakta tha … Sameer khayalon se Rohit ka udaas swar sun baahar aaya …
" bhai Sameer Naina to late aayegi uske office me bahut kaam hai … tu baith mai kuchh achha sa banata hoon…" Rohit udaas ho utha tha …
" Rohit sun chal kahi bahar se khakar ate hain… "
" nahi bahar nahi khaunga … use pasand nahi hai … wo late se aayegi par jarur aayegi … bhookhi rahegi , uske liye bhi khana rakh doonga … " ye bolta hua Rohit rasoi me chala gaya …
Sameer ka sir fatne laga … naa jane kyu use kuchh bhi nahi theek lag raha tha … achanak use Navya ka khayal aaya… usne Navya ko call lagani shuru kar di … par uske mobile se call hi nahi lag rahi thi … Sameer ne Rohit ke land line se call lagane ke liye uska receiver utha kar kaan par lagaya to bhauchakka rah gaya kyu ki phone line to dead thi … abb to Sameer ko poora yakeen ho gaya ki kuchh naa kuchh aisa hai jise Rohit chhipa raha hai … kyu ki isi dead xforum phone line se hi usne Naina ko call ki thi aur bakayda baat ki thi usse …
Rohit ne thodi hi der halka fulka dinner taiyar kar liya … jab dono Dost khane baithe to ek baar phir baaton ka silsila chal nikla … Sameer ko bahut kuchh janna tha Rohit se …
" Rohit tune bataya nahi aisa kya hua tha uss din ki tu bina kuchh bataye ki tu gaaw chala gaya tha aur tere jane ke baad Nainaa ne bhi sabse rishta khatam kar liya tha … " Sameer ko abb kaise bhi kar ke bas sab kuchh pata karna tha …
"""""""""""""""""""""""""""""""""""""""""""""""""""""""""""""""""""""""""""""""""""""""""""""""
" yaar valentine se ek din pahle mere papa aur maa aa gaye the mere room par wo bhi bina bataye … maine koshish to bahut ki chhipane ki pat mammi ne Naina ki photo dekh li mere phone me … phir kya tha maa ne mere farj aur dharm ki yaad dilayi aur saath me ye bhi yaad dilaya ki agar papa ko pata chala to shayad jaan se hi maar denge mujhe … waise dekha jaye to maa galat bilkul nahi thi kyu ki mai ghar ka sabse bada beta tha to mere farj aur jimmedariyan bhi the …
maa ko Naina ki photo dekh kar naa jane kyu aisa shaq ho gaya ki wo tej - tarrar ladki hai … uski life style hamari life style se match nahi hogi … usse milne tak se inkaar kar diya maa ne … maa ne rona shuru kar diya aur meri tamaam galtiyon aur kamiyon ka theekra bechari Naina ke sir fod diya … mujhse nahi dekha gaya yaar to mai chala gaya gaaw maa ke sath … kya batau kya kya jhela wahan par … 24 ghante maa ki aankhein mujh par aur mere phone par thi… aisi emotional baatein ki koi bhi toot jayeha mai bhi toot gaya … khair jaise hi mauka mila maine Naina ko call lagaya … lekin jiska dar tha wahi hua … use rone se fursat ho to meri baat sune … maine bhi gusse me kah diya ki mai apne firz nahi bhaag sakta balki pyaar ko chhod sakta hoon… yahi paap ho gaya tha mujhse … uske baad jab do teen din baad dobara chhip kar maine call kiya to uska phone switch off tha … tum khud hi soch sakte ho kya haal hua hoga mera lekin majboor tha mai kuchh bhi mere haath me nahi tha …
maine kai calls lagaye use … aur ek din Usne apna phone on kiya ittefaq se maine bhi usi samay call lagaya … bahut ro rahi thi wo … uske ghar walon ne uska rishta fix kiya tha kahi … mera bhi sab kuchh daaw par laga tha kyu ki ye to Naina mujhe shuru se hi bata rahi thi ki uske ghar wale kabhi taiyaar nahi honge par itni jaldi itni bijliyan ek sath tootengi kabhi bhi nahi socha tha … maine meri maa se antim baar apne pyaar ki duhai di … maa khud papa se bahut darti hain … mere aansu ka asar ye hua ki maa ne raat me meri table par kuchh paise aur ek mangal sutra rakha aur chand pnktiyan ek kagaj par likh di jo mujhe aaj bhi yaad hain … " beta … Majboor hoon khul kar tumhara sath nahi de sakti hoon … mera aashirwaad tumhare aur Naina ke saath hai… uska khayal rakhna …
mai samjh chuka tha mujhe kya karna hai … mai bas ghar se nikal pada … Naina ko bhi samjha diya tha ki wo bas kaise bhi karke railway station aa jaye … wo der se hi sahi aa gayi wahan … aur ham ghar se bhag kar jodhpur aa gaye … shadi ki aur abb ham duniya ke sabse khush aur sukhi premi hain … mai apni naina ko apni jaan manta hoon aur isi liye jinda hoon … uski muhobbat meri rooh me bas gayi hai… "
"""""""""""""""""""""""""""""""""""""""""""""""""""""""""""""""""""""""""""""""""""""""""""""""
Rohit ne kisi kahani ki tarar beete huye 5 saalon ko Sameer ke samne khol kar rakh diya … dono hi ki aankhein namm thi par Sameer ko bahut darr lag raha tha … behadd anjana sa darr … wo khud nahi samjh paa raha tha ki aakhir wajah kya thi uss darr ki … dono ne dinner kab ka finish kar liya tha … sone ke liye letne tak dono ke beech khamoshi rahi … Sameer ne mahsoos kiya ki Rohit ke chehre par achanak hi khalipann aa gaya hai … Rohit turant hi so gaya par Sameer ke sar par uljhane sawaar thi … tabhi Navya ki call aa gayi … shayad Sameer ko iss wakt Navya ki bahut jarurat thi … wahan se uth kar baahar wale riom me aaya Sameer aur jo jo ghatit hua tha din bhar me sab kah dala Sameer ne Navya se … shuru se lekar ant tak … Navya khamoshi se sunti rahi … Sameer ke khamosh hone par boli …
" Sameer sabse pahle Naina se milna hoga … mujhe kuchh theek nahi lag raha hai …"
" Naina se hi to mulakat nahi ho pa rahi hai yaar … Rohit ne band pade land line se use call kiya tha yahan tak ki uske Mobile me bhi jo no hai Naina ka wo switch off aa raha hai… mujhe bahut ajeeb sa feel ho raha hai … " Sameer ye sir pakad kar kaha …
" Please khud par kaabu rakho mai kal subah aa rahi hoon wahan par mil kar pata karte hain ki kya baat ho sakti hai …"
" Navya tum Rohit se ye bilkul mat batana ki tum Dr ho kyu ki wo Dr ke naam se bhadak gaya tha … anaap shanaap bolne laga tha … "
" ohk so jao abb mai thoda iss bare me aur sochna chahti hoon … mujhe address msg kar do mai 10 baje aa jaungi… "
Navya ne Sameer ko bol to diya ki so jao par psychiatrist hone ke karan use pata tha ki Sameer nahi soyega khair jaise taise dono ki raat beeti … Rohit subah bilkul samanya dincharya follow karte huye office chala gaya jabki Sameer wahi raha … subah Sameer ne Naina ke bare me poonchha bhi to Rohit ne bilkul normal reply diya ki " wo to office gayi hai … shaam ko aa jayegi " …
10 baje Navya aa gayi Rohit ke ghar … Sameer ne ek baar phir Navya ko sari baatein batai … Navya ne ghar me lock lagaya aur aur Sameer ke saath bahar nikali padosiyon se poonchh taachh karne ke liye … jis jagah par Rohit ka ghar tha uske aas paas koi khas abaadi nahi thi … thodi door par ek ghar tha … wahi pahunche dono… darwaja khatkane par ek boodhi si aurat nikli baahar … jab Navya ne bataya ki use Rohit ke baare me kuchh poonchhna hai to uss aurat ne unn dono ko apne ghar ke andar bulaya …
" Rohit ko kaise jante ho tum dono … "
" college me sath padhte the … "
" bura mat manna beta kabhi kisi ko pahle to nahi dekha yahan phir aaj achanak kaise … ?? " aurat ne udasi se poonchha …
" lambi kahani hai aunty waise Rohit ke bare me kuchh bataiye… "
Sameer ne mudde ki baat ki …
" aise kaise bata doon kisi ko kuchh … kya pata kaun ho tum dono … waise bhi wo abhaga apna sab kuchh khokar chand udhar ki saanso ko jee raha hai …" wo aurat ruaansi ho gayi …
" Aunty mai Dr hoon , Delhi me meri clinic hai … Rohit ka ilaaj karna chahti hoon… please help kariye meri …" Navya ne haath jod kar kaha to uss aurat ne udaasi se batana shuru kar diya …
""""""""""""""""""""""""""""""""""""""""""""""""""""""""""""""""""""""""""""""""""""""""""""""
" Rohit ko mai pichhle 5 saalon se dekh rahi hoon … wo yahan ek ladki ke saath aaya tha … Naina naam tha uska … bahut hi pyari jodi thi dono ki … yahi paas wale mandir me shadi ki thi dono ne , ham sabne hi mil kar dono ko unki nayi jindgi ke liye ashirwaad diya tha … Rohit jis ghar me rahta hai wo mera hi hai … mere koi aulaad nahi hai to unn dono me mujhe mere bache dikhte the … wo dono bhi mujhe maa hi kahkar bulate the … bahut pyaar tha dono me … Rohit Bpo me kaam karta tha aur Naina ko duniya ki har khushi dene ki koshish karta … pyaar itna gahra tha uska ki aas paas sabhi Rohit aur Naina jaise jindgi jeena chahte the … Rohit jahan kaam karta tha usne Naina ko bhi wahi kaan dilwa diya … dono har pal saath rahte the …
Dono ne yahi ek chhoti si duniya basa li thi …pyaar itna tha ki shayad pyaar ko bhi naaj hota hoga inn dono ke dil me basne par … Rohit thoda gusse wala to tha par Naina ke ek aansu se hi uska sara gussa bah jata tha aur Naina ki sari duniya to uska Rohit tha … jab kaam nahi tha Rohit ke paas to Naina se chhip kar aise bhi kaam kiye jise bade ghar ke log heen najron se dekhte hain par Rohit ke liye Naina ki khushiya sabse upar thi …
aksar Naina apne ghar walo ko yaad karti thi par Rohit use daant kar chup kara deta tha … wo saaf kahta tha ki kuchh wakt baad chal kar sabse maafi maag lenge … lekin Naina se nahi raha gaya aur ek din usne mujhe aakar bataya ki wo bahut khush hai kyu ki aaj usne apne tau ji aur bhai se baat ki hai… tau ji ne wada kiya hai ki jald hi wo sare gile shikwe door kar denge … wo apne papa se milne ke liye tadap rahi thi …
Do hi din baad ek kaali raat me paas wale khandhar me Naina buri tarah ghayal mili … uske sir par kisi hathiyaar se buri tarah war kiya gaya tha … haath aur pairon ki chot saaf kah rahi thi ki bachne ke liye wo masoom kitna tadpi hai … bahut sakht jaan thi wo aisi buri haalat me bhi damm toda usne to Rohit ki godd me sir rakhne ke baad … pathrayi aankhon se Rohit ka chehra dekhti wo antim shabd bhi yahi bol gayi " saath hoon tumhare "…
aaj bhi yaad ata hai to roye khade ho jate hain … sara muhalla Rohit ki cheekhon se dahal gaya tha … wo bahut roya tha … sare Dr , police sabhi ke pairon par gir gaya par Naina ko nahi bachaya ja saka na hi uske khooni ka pata pada … khas baat ye thi ki Naina ko sirf jaan se marne ke liye hamla kiya gaya tha … na hi uske sharir se koi chhed chhad huyi thi naa hi koi loot … pata nahi kaun tha wo haiwaan jo ek masoom si duniya ko ujaad gaya … "
"""""""""""""""""""""""""""""""""""""""""""""""""""""""""""""""""""""""""""""""""""""""""""""""
" ye aap kya kah rahi hain Naina abb nahi hai par… par Rohit to bol raha tha ki Naina office gayi hai… "
Sameer ne Rote huye kaha …
" wo pagal ho gaya hai usi din se beta … wo to Naina ka antim sanskar bhi nahi hone de raha tha … uske nirjeew shareer ko seene se lagaye kone me me baitha hua tha pagla … badi mushkil se Naina ke shareer ko alag kiya gaya usse … lekin Naina ko jalte nahi dekh saka chillata raha ki uski Naina ko dard ho ra hai hatao wahan se … aisa besudh hua tha ki aaj tak hosh me nahi aaya hai wo … tab ka din aur aaj ka din… Sadhe 4 saal ho gaye hain … par wo manne ko taiyaar hi nahi hai ki uski Naina marr gayi hai … wo abb bhi yahi samjhta hai ki Naina aas pas hai … aur usi tarah se jeeta hai… wo mujhe chabhi dekar office jata hai kyu ki use lagta hai uske jane ke baad Naina ayegi … uske office jane ke baad mai uske ghar Jakar wahan ki safai kar deti hoon aur khana bana kar rakh deti hoon , pagla ata hai to usi khane ko khata hai ye samjh kar ki uski Naina ne banaya hai … "
" aunty kabhi Dr ko nahi dikhaye Rohit ko… " Navya ne subkte huye poonchha …
" Dr se darta hai … dekhte hi chillane lagta hai ki wo log Naina ko lene aaye hain … kayi Dr ko peet bhi diya Rohit ne … "
Sameer aur Navya thodi der aise hi baith kar rote rahe … abb kuchh bhi nahi tha unke paas janne ko … dono jab Rohit ke ghar wapas aaye to Sameer se se Rohit ka dukh bardaasht nahi hua aur wo foot foot kar ro pada … Navya bhi siskiyan le rahi thi par wo lagatar laptop par kuchh kaam bhi kar rahi thi … saaf tha ki Rohit ko schizophrenia ho chuka tha …
use Rohit ko theek karna tha jiske liye shayad wo khud hi sabse kabil psychiatrist
thi kyu ki Rohit nahi janta tha ki Navya Dr hai … Navya aur Sameer ne 30 din ki chhuttiya le li aur Rohit ke hi ghar me rah kar uska ilaaj shuru kiya … Rohit achhe se support kar raha tha … Sameer aur Navya uski progress se bahut khush the … Rohit ko khandhar gaye 15 din ho gaye the aur abb wo Naina ki baatein bhi kam karta tha …
Samne wali aunty ne bhi Sameer aur Navya ko Rohit ke haalat me sudhar hone ki badhai di… dekhte dekhte 30 din bhi beet gaye … abb Rohit kafi theek tha … dono ne Rohit ko sath Delhi chalne ko kaha par Rohit ne mana kar diya … khar Sameer aur Navya ne bhi soch liya tha ki wapas jakar sabse pahle Rohit ke ghar jakar uski maa ko uski haalat bstayenge … Sameer aur Navya ke jane ke baad Rohit shaam ko market gaya aur wahan se safed mogre ke phool ki khoobsurat veni kharda aur use lekar seedhe ghar wapas aya … uske ghar me ghuste hi aunty ne Sameer ko call karke bata diya ki Rohit ghar laut aaya hai khandhar nahi gaya … sabhi ne rahat ki saans li …
Doosri taraf Rohit ghar me ghuste hi darwaja band karke seedhe bed room gaya aur bola …
" Aao babu bahar aao… sab chale gaye … abb sirf tum aur mai bache hain … kitne din ho gaye tumko theek se dekha bhi nahi , pyaar bhi nahi kiya kabse … tumhari kasam jo de di thi Sameer ne nibhani to thi hi … lekin abb sirf meri Naina aur mai koi bhi nahi disturb karne wala … "
Jis Jis ne muhobbat me ,
Apne mahboob ko khuda kar diya !
khuda ne apne wajood ko bachane ke liye
Un sabhi ko juda kar diya !!! "
