- 6,463
- 5,020
- 259
Ye kahani Ishikaaa ke dwara Xossip mein likha gaya tha, aab Xforum mein post karne ka permission mil gaya hai toh is story ka saara credit Ishikaaa ko jaata hai
Tufaano se bhid jaatein hain ! baadhaon se takraatein hain !!
ham bharat maa ke prahri hain !
Dushman hamse ghabratein hain !!
prahri, prahri seema prahri…
yah geet jab school ke salana jalse me nanhe Veer ne gaya to uski maa Preeto ka sir garv se uncha ho gaya aur uski dadi ki boodhi aankhon me chamak aa gayi…
Anayas hi aaj ki ghatna Preeto ko ateet ke hindole me jhulane lagi aur vo jaa pahunchi jindgi ke unn haseen lamho ki jhurmut me jo abb sirf yaadon me hasil the…
Bharat ka ek gaaw jiske khet sarson ke lahlahate phoolon se pate pade the… yun lag raha tha dharti ne dhani chunar odh li hai jis par peele phoolon ki chhap hai…khet ke beechon beech ek ladka kisi ko badi bechaini se khojte huye aage badh raha tha…ye Prataap tha… jaisa naam vaisa lamba chauda sajeela roop…achanak ki Pratap ki najar purane tractor ki tuti huyi trolly par baithi Preeto par padi to uske kadam apni jagah par thithak gaye… khale rang ke gotedaar punjaabi salwaar kurti me Preeto bala ki haseen lag rahi thi… vaise bhi roop yauvan bhagwaan ne use mukt haanthon se diya tha…Preeto ko dekh Prataap apni jagah khada use ghoorne laga…par Preeto kuchh ukhdi huyi si thi…
Preeto-- oye aise ghoor kyu raha hai…aur ye oont ki tarah sir uthaye kidhar chala jaa raha hai…mai dikh nahi rahi hoon kya tujhe…
Preeto muh fula kar boli…
Prataap-- naa ji ghoor nahi raha hoon…… vo kya hai naa ki chhoti si galatfahmi ho gayi thi…
Preeto-- kaisi galat fahmi…
Prataap--mujhe laga ki sarson ke khet me bhains baithi hai to mai voahi ghoor kar dekhne laga…mujhe kya pata ki tu hai…
Prataap ki hansi chhoot gayi…
Preeto-- tere chhichhore majjak khatm hi nahi ho rahe hain yahan meri maut ke din aa gaye hain…
Preeto apni baat Prataap se kah kar subak uthi…
Prataap-- ye kya anaap shanap bol rahi hai tu… aur ro kyu rahi hai…kya pareshani hai… bata to sahi…
Preeto-- pareshaan naa houn to kya gidde paun ? Baba ne mera roka kar diya hai… agle mahine shadi hai meri…aur tera to koi ata pata hi nahi hai…
Preeto ki baat ne Prataap ko jhinjhod diya…
Prataap-- ye kya kah rahi hai… teri shadi … mera kya hoga … thoda to wakt do tum baap beti yaar…kyu lagi hai itni jaldi…
Preeto-- wakt nahi mil raha hai… kar li maine poori koshish…koi nahi hai sunne wala… jeena mushkil ho rakha hai aaj kal…abb kewal ek rasta hai Prataap … bhaag chalo mujhe lekar… inn sab se door…jahan naa ho ye sara bawaal… bas mai , tu aur pyaar…
Preeto mannte karne lagi Prataap se…
Prataap-- nahi Preeto… mai nahi bhagoonga…meri maa ka kya hoga kabhi socha hai tumne…Unka mere alaawa koi nahi hai iss duniya me…mere baba ke uss Vachan ka kya jo shahid hote wakt unhone desh ko diya tha…aur mujhe nahi lagta ki hamne koi paap kiya hai jo baagta aur muh chhipare phirein…
Do took jawaab diya tha Prataap ne bhagne ke naam par…
Preeto-- rab ji karein tera ye sapna poora ho jaaye Pratap… bhool jaa mujhe aaj se… tera mera joda iss janam me nahi banega…koi baat nahi agle me sahi…
Preeto apne aansuon ko poonchhti vahan se chali gayi… naa hi usne palat kar dekha nahi Pratap ne roka…bas bebsi se khada use jaate dekhta raha…man bahut udas ho gaya tha…kaafi der wahi baitha rota raha… waapas ghar par aakar bin khaye let gaya… maa ko bhi kuchh nahi bataya…
Ek saptaah beet chuka tha Preeto ko dekhe… pahli baar aisa hua tha varna bachpan se lekar aaj tak koi din aisa nahi jata tha jab dono me hasi thitholi na ho…toot gaya tha Prataap…tabhi uska dost Rangeela use khojte huye aaya …Rangeela ne jo bataya use sun kar sirf Prataap hi nahi sara gaaw jhoom utha…maa ki aankhon me garv ki chamak jhilmila uthi thi… Prataap ko fauj me bharti mil gayi thi…jindgi me vapas khushiyon ki barish hone lagi thi…abb to Prataap aur Preeto ki shadi ki adchan bhi khatm ho gayi thi…6 mahine ki training ke baad dhoom dhaam se shadi huyi dono ki…
Ishq aur farj dono hi uttardayitwa ko Prataap bakhoobi nibha raha tha…dedh saal ke bheetar Preeto ne khushkhabri bhi suna di Prataap ko…Prataap bechain ho utha ghar jaane ko lekin usi samay Kashmir me halaat bigdne lage…sena ki jin tukdiyon ko Kashmir border par bheja jaa raha tha usme Prataap bhi shamil tha…jaane se pahle Prataap ne apne niyam ke anusaar preeto ko Patra likha …aur sari baat samjha kar jald aane ka wada kiya…
Kashmir pahunch kar vahan ka najara dekh kar Prataap mantramugdh ho gaya…sare hi najaare daiviya the… yahan aakar samjh aa gaya Prataap ko ki kyu Kashmir " dharti ka swarg " kaha jata hai…Prataap ne kashmir ke baare me Preeto ko patra me likha ki…
"Preeto Kashmir ki khoobsurti ka vivran lafzo me kar pana lagbhag asambhav hai kyu ki shabd kosh ke shabdon me itni takat hi nahi hai ki iss adwitiya aur adbhut saundrya ko vishleshit kar sakein …kashmir jitna apni khoobsurat waadiyon aur phoolon ki dilkash kyaariyon ke liye mashoor hai utna hi apne upar beetati khauf aur aatank ki ghatnaaon ke liye bhi…Preeto aajkal jab Dharti ka yah swarg ham sainikon ki karm bhoomi hai to jana ki Kashmir ke mausam aur paristhitiyon ka koi thikana nahi kab shant khoobsurat mahaul khaufnaaq manjar me badal jaaye…"
Patra padh kar Preeto udaas rahne lagi…abb use dar lagne laga tha par Prataap nidarta aur chauksi se apne kaam me laga raha… Samay apni raftaar me dauta rahaa …Preeto ne ek behad pyare bache ko janm diya…khushkhabri Prataap ko likh bheji…Prataap ka jawaab aaya …patra me Prataap ki hataasha ko saaf saaf dekha jaa sakta tha…usne saaf saaf likha tha ki…
" Preeto dushmno se jang to mai kaise bhi lad jaaun par yahan to apno se bhi ladna pad raha hai… jin logon ki raksha ke liye ham aaye hain vo hi hame pathar fein kar maar rahe hain, jinke liye ham seena tane goli kha rahe hain vo hi hamari positions ki mukhbiri kar rahe hain…Haath jod kar samjhaya bhi ki ham yahan aap logo ki raksha karne aaye hain par unke dimaag me naa jane kya jahar bhara hua hai…dushman ki najar se dekhte hain hame… "
aisa patra padh Preeto tadap uthi…use saaf pata chal raha tha ki ptra likhte samay Prataap bahut duki hai…Preeto ko bhi samjh nahi aa raha tha ki aakir logo ko kyu apne paraye ka bhed samjh nahi aata hai… kyu wo kisi gair ki baaton aur bahkaawo me aakar sahi galat ko nahi pahchaan paatein hain…
Wakt bhagta raha…Dheere dheere halaat me sudhaar hone laga tha… ghaati me shanti ke phoolon ne vapas mahkna shuru kar diya tha… kuchh hi din me Prataap ki chhutti bhi manjoor ho gayi thi…prataap ke ghar par bhi khushiyon ki lahar daud gayi…aankhon me sapno ke jhilmil sitaare raushan hone lage…
Fauj me Diwaali kuchh din pahle hi manai gayi kyu ki kuch jawaan chhutti par jaa rahe the…Raat me jab sena ke jawaan apni Diwaali mana kar so rahe the usi wakt bujdil dushmno ne rihaishi ilaake ( Pratibandhit sthano )par chori se ghus kar goliyaan daagni shuru kar di…Sote jawaan iss hamle ke liye taiyaar nahi the… unko bas Masoom logon ko iss haivaaniyat se bachana tha…jaise the vaise hi bhid gaye … sthiti par kaabu paa liya gaya …vijay shree bhi apne pale me rahi paun ghante ki andha dhundh goli baari me hamaare do jawaan shaheed ho gaye… jinme se ek Prataap bhi tha…Preeto kaa Prataap…
Udhar gaaw me Preeto besbri se din gin rahi thi…Prataap ke shaheed hone ki khabar uske ghar pahunch chuki thi…Preeto ke besudh hokar gir padi… uska bacha bhi godi se chhot kar door dhunag gaya…… jab bhi hosh aata bas yahi chillati ki " Maa vo waade ke pakke hain… wo jarur aayenge …" Do din se Preeto ne pani ki ek boond bhi nahi pi thi…dudhmuha bacha bhi bilakh raha tha par Preeto ko hosh hi kahan tha… uska to sarvaswa ujad gaya tha…
Dusre din Prataap aaya… Tirange se lipat kar sota hua…chehre par abhi bhi garw ke bhaw Kayam the…saath hi Preeto ko likha gaya antim patra bhi aaya Jis par likha tha…
" Preeto jaa raha hoon yaar…sharminda hoon ki tujhe koi bhi khushi naa de saka… apni maa aur desh ke bhawi jawaan ki jimedaari dekar jaa raha hoon tujhe…bada dukh ho raha hai ki apne Veer ko dekh naa paya mai…mere sher bete ko mera aashirwaad dena…"
uss patra ko Prataap ki maa ne padh kar Preeto ko sunaya…sara gaaw Preeto ki cheekhon se hil gaya…apna sir peet peet kar ro rahi thi vo… sath hi waada bhi kar rahi thi Prataap ke parthiw shareer se ki uska sher bacha uske sapno ko jarur poora karega…
Taalion ki awaaj ko sun kar Preeto ateet se vartmaan me laut aayi…use stage par bulaya gaya tha… Prataap ki photo par uski pasand ke taaje khushboodaar phoolon ki mala chadha kar wahi stage par hi fafak padi…aaj poore 6 Saal ho chuke hain Prataap ko gujre…nanha Veer bhi wahi haath jode khada tha…apni maa ko rote huye dekh kar vo bade pyaar se bola …" Ro mat maa… mai hoon naa…Mai poora karunga apne papa aur dadu ka sapna… "
maa aur dadi ka sir garv se uncha ho gaya…aakhir nanhe Veer ne gaurav ki iss parmpra ko apne pita aur dada ki tarah aage badhane ka nirnay le liya tha…Prataap ke jaane ke baad inn 6 saalon me sab kuchh badal gaya tha… shuruaat me Prataap ki maut par kaafi siyasi gahma gahmi thi gaaw se Delhi tak… par sab chho mantar ho gaye… aaj Preeto ki kamaai par teeno jaan pal rahi hai…par ye muflisi ka daur bhi Veero ke kaum ke hausle ko nahi tod payi… desh ki suraksha inka dharm hai…
Doston sab theek hai par kya shaheed jawaano ke pariwaar waalon ko jo muflisi ke din dekhne padd rahe hain wo theek hai… kya Unki jaan ki keemat itni bhi nahi ki unki aurton ko do roti aur hifajat mil sake aur bachon ko achhi taleem mil sake…Samaaj hamse hai… aaj jarurat sahi kadam badhane ki hai…jisse Veero ki kaum ke jajbe ka samman jinda rahe…
Tufaano se bhid jaatein hain ! baadhaon se takraatein hain !!
ham bharat maa ke prahri hain !
Dushman hamse ghabratein hain !!
prahri, prahri seema prahri…
yah geet jab school ke salana jalse me nanhe Veer ne gaya to uski maa Preeto ka sir garv se uncha ho gaya aur uski dadi ki boodhi aankhon me chamak aa gayi…
Anayas hi aaj ki ghatna Preeto ko ateet ke hindole me jhulane lagi aur vo jaa pahunchi jindgi ke unn haseen lamho ki jhurmut me jo abb sirf yaadon me hasil the…
Bharat ka ek gaaw jiske khet sarson ke lahlahate phoolon se pate pade the… yun lag raha tha dharti ne dhani chunar odh li hai jis par peele phoolon ki chhap hai…khet ke beechon beech ek ladka kisi ko badi bechaini se khojte huye aage badh raha tha…ye Prataap tha… jaisa naam vaisa lamba chauda sajeela roop…achanak ki Pratap ki najar purane tractor ki tuti huyi trolly par baithi Preeto par padi to uske kadam apni jagah par thithak gaye… khale rang ke gotedaar punjaabi salwaar kurti me Preeto bala ki haseen lag rahi thi… vaise bhi roop yauvan bhagwaan ne use mukt haanthon se diya tha…Preeto ko dekh Prataap apni jagah khada use ghoorne laga…par Preeto kuchh ukhdi huyi si thi…
Preeto-- oye aise ghoor kyu raha hai…aur ye oont ki tarah sir uthaye kidhar chala jaa raha hai…mai dikh nahi rahi hoon kya tujhe…
Preeto muh fula kar boli…
Prataap-- naa ji ghoor nahi raha hoon…… vo kya hai naa ki chhoti si galatfahmi ho gayi thi…
Preeto-- kaisi galat fahmi…
Prataap--mujhe laga ki sarson ke khet me bhains baithi hai to mai voahi ghoor kar dekhne laga…mujhe kya pata ki tu hai…
Prataap ki hansi chhoot gayi…
Preeto-- tere chhichhore majjak khatm hi nahi ho rahe hain yahan meri maut ke din aa gaye hain…
Preeto apni baat Prataap se kah kar subak uthi…
Prataap-- ye kya anaap shanap bol rahi hai tu… aur ro kyu rahi hai…kya pareshani hai… bata to sahi…
Preeto-- pareshaan naa houn to kya gidde paun ? Baba ne mera roka kar diya hai… agle mahine shadi hai meri…aur tera to koi ata pata hi nahi hai…
Preeto ki baat ne Prataap ko jhinjhod diya…
Prataap-- ye kya kah rahi hai… teri shadi … mera kya hoga … thoda to wakt do tum baap beti yaar…kyu lagi hai itni jaldi…
Preeto-- wakt nahi mil raha hai… kar li maine poori koshish…koi nahi hai sunne wala… jeena mushkil ho rakha hai aaj kal…abb kewal ek rasta hai Prataap … bhaag chalo mujhe lekar… inn sab se door…jahan naa ho ye sara bawaal… bas mai , tu aur pyaar…
Preeto mannte karne lagi Prataap se…
Prataap-- nahi Preeto… mai nahi bhagoonga…meri maa ka kya hoga kabhi socha hai tumne…Unka mere alaawa koi nahi hai iss duniya me…mere baba ke uss Vachan ka kya jo shahid hote wakt unhone desh ko diya tha…aur mujhe nahi lagta ki hamne koi paap kiya hai jo baagta aur muh chhipare phirein…
Do took jawaab diya tha Prataap ne bhagne ke naam par…
Preeto-- rab ji karein tera ye sapna poora ho jaaye Pratap… bhool jaa mujhe aaj se… tera mera joda iss janam me nahi banega…koi baat nahi agle me sahi…
Preeto apne aansuon ko poonchhti vahan se chali gayi… naa hi usne palat kar dekha nahi Pratap ne roka…bas bebsi se khada use jaate dekhta raha…man bahut udas ho gaya tha…kaafi der wahi baitha rota raha… waapas ghar par aakar bin khaye let gaya… maa ko bhi kuchh nahi bataya…
Ek saptaah beet chuka tha Preeto ko dekhe… pahli baar aisa hua tha varna bachpan se lekar aaj tak koi din aisa nahi jata tha jab dono me hasi thitholi na ho…toot gaya tha Prataap…tabhi uska dost Rangeela use khojte huye aaya …Rangeela ne jo bataya use sun kar sirf Prataap hi nahi sara gaaw jhoom utha…maa ki aankhon me garv ki chamak jhilmila uthi thi… Prataap ko fauj me bharti mil gayi thi…jindgi me vapas khushiyon ki barish hone lagi thi…abb to Prataap aur Preeto ki shadi ki adchan bhi khatm ho gayi thi…6 mahine ki training ke baad dhoom dhaam se shadi huyi dono ki…
Ishq aur farj dono hi uttardayitwa ko Prataap bakhoobi nibha raha tha…dedh saal ke bheetar Preeto ne khushkhabri bhi suna di Prataap ko…Prataap bechain ho utha ghar jaane ko lekin usi samay Kashmir me halaat bigdne lage…sena ki jin tukdiyon ko Kashmir border par bheja jaa raha tha usme Prataap bhi shamil tha…jaane se pahle Prataap ne apne niyam ke anusaar preeto ko Patra likha …aur sari baat samjha kar jald aane ka wada kiya…
Kashmir pahunch kar vahan ka najara dekh kar Prataap mantramugdh ho gaya…sare hi najaare daiviya the… yahan aakar samjh aa gaya Prataap ko ki kyu Kashmir " dharti ka swarg " kaha jata hai…Prataap ne kashmir ke baare me Preeto ko patra me likha ki…
"Preeto Kashmir ki khoobsurti ka vivran lafzo me kar pana lagbhag asambhav hai kyu ki shabd kosh ke shabdon me itni takat hi nahi hai ki iss adwitiya aur adbhut saundrya ko vishleshit kar sakein …kashmir jitna apni khoobsurat waadiyon aur phoolon ki dilkash kyaariyon ke liye mashoor hai utna hi apne upar beetati khauf aur aatank ki ghatnaaon ke liye bhi…Preeto aajkal jab Dharti ka yah swarg ham sainikon ki karm bhoomi hai to jana ki Kashmir ke mausam aur paristhitiyon ka koi thikana nahi kab shant khoobsurat mahaul khaufnaaq manjar me badal jaaye…"
Patra padh kar Preeto udaas rahne lagi…abb use dar lagne laga tha par Prataap nidarta aur chauksi se apne kaam me laga raha… Samay apni raftaar me dauta rahaa …Preeto ne ek behad pyare bache ko janm diya…khushkhabri Prataap ko likh bheji…Prataap ka jawaab aaya …patra me Prataap ki hataasha ko saaf saaf dekha jaa sakta tha…usne saaf saaf likha tha ki…
" Preeto dushmno se jang to mai kaise bhi lad jaaun par yahan to apno se bhi ladna pad raha hai… jin logon ki raksha ke liye ham aaye hain vo hi hame pathar fein kar maar rahe hain, jinke liye ham seena tane goli kha rahe hain vo hi hamari positions ki mukhbiri kar rahe hain…Haath jod kar samjhaya bhi ki ham yahan aap logo ki raksha karne aaye hain par unke dimaag me naa jane kya jahar bhara hua hai…dushman ki najar se dekhte hain hame… "
aisa patra padh Preeto tadap uthi…use saaf pata chal raha tha ki ptra likhte samay Prataap bahut duki hai…Preeto ko bhi samjh nahi aa raha tha ki aakir logo ko kyu apne paraye ka bhed samjh nahi aata hai… kyu wo kisi gair ki baaton aur bahkaawo me aakar sahi galat ko nahi pahchaan paatein hain…
Wakt bhagta raha…Dheere dheere halaat me sudhaar hone laga tha… ghaati me shanti ke phoolon ne vapas mahkna shuru kar diya tha… kuchh hi din me Prataap ki chhutti bhi manjoor ho gayi thi…prataap ke ghar par bhi khushiyon ki lahar daud gayi…aankhon me sapno ke jhilmil sitaare raushan hone lage…
Fauj me Diwaali kuchh din pahle hi manai gayi kyu ki kuch jawaan chhutti par jaa rahe the…Raat me jab sena ke jawaan apni Diwaali mana kar so rahe the usi wakt bujdil dushmno ne rihaishi ilaake ( Pratibandhit sthano )par chori se ghus kar goliyaan daagni shuru kar di…Sote jawaan iss hamle ke liye taiyaar nahi the… unko bas Masoom logon ko iss haivaaniyat se bachana tha…jaise the vaise hi bhid gaye … sthiti par kaabu paa liya gaya …vijay shree bhi apne pale me rahi paun ghante ki andha dhundh goli baari me hamaare do jawaan shaheed ho gaye… jinme se ek Prataap bhi tha…Preeto kaa Prataap…
Udhar gaaw me Preeto besbri se din gin rahi thi…Prataap ke shaheed hone ki khabar uske ghar pahunch chuki thi…Preeto ke besudh hokar gir padi… uska bacha bhi godi se chhot kar door dhunag gaya…… jab bhi hosh aata bas yahi chillati ki " Maa vo waade ke pakke hain… wo jarur aayenge …" Do din se Preeto ne pani ki ek boond bhi nahi pi thi…dudhmuha bacha bhi bilakh raha tha par Preeto ko hosh hi kahan tha… uska to sarvaswa ujad gaya tha…
Dusre din Prataap aaya… Tirange se lipat kar sota hua…chehre par abhi bhi garw ke bhaw Kayam the…saath hi Preeto ko likha gaya antim patra bhi aaya Jis par likha tha…
" Preeto jaa raha hoon yaar…sharminda hoon ki tujhe koi bhi khushi naa de saka… apni maa aur desh ke bhawi jawaan ki jimedaari dekar jaa raha hoon tujhe…bada dukh ho raha hai ki apne Veer ko dekh naa paya mai…mere sher bete ko mera aashirwaad dena…"
uss patra ko Prataap ki maa ne padh kar Preeto ko sunaya…sara gaaw Preeto ki cheekhon se hil gaya…apna sir peet peet kar ro rahi thi vo… sath hi waada bhi kar rahi thi Prataap ke parthiw shareer se ki uska sher bacha uske sapno ko jarur poora karega…
Taalion ki awaaj ko sun kar Preeto ateet se vartmaan me laut aayi…use stage par bulaya gaya tha… Prataap ki photo par uski pasand ke taaje khushboodaar phoolon ki mala chadha kar wahi stage par hi fafak padi…aaj poore 6 Saal ho chuke hain Prataap ko gujre…nanha Veer bhi wahi haath jode khada tha…apni maa ko rote huye dekh kar vo bade pyaar se bola …" Ro mat maa… mai hoon naa…Mai poora karunga apne papa aur dadu ka sapna… "
maa aur dadi ka sir garv se uncha ho gaya…aakhir nanhe Veer ne gaurav ki iss parmpra ko apne pita aur dada ki tarah aage badhane ka nirnay le liya tha…Prataap ke jaane ke baad inn 6 saalon me sab kuchh badal gaya tha… shuruaat me Prataap ki maut par kaafi siyasi gahma gahmi thi gaaw se Delhi tak… par sab chho mantar ho gaye… aaj Preeto ki kamaai par teeno jaan pal rahi hai…par ye muflisi ka daur bhi Veero ke kaum ke hausle ko nahi tod payi… desh ki suraksha inka dharm hai…
Doston sab theek hai par kya shaheed jawaano ke pariwaar waalon ko jo muflisi ke din dekhne padd rahe hain wo theek hai… kya Unki jaan ki keemat itni bhi nahi ki unki aurton ko do roti aur hifajat mil sake aur bachon ko achhi taleem mil sake…Samaaj hamse hai… aaj jarurat sahi kadam badhane ki hai…jisse Veero ki kaum ke jajbe ka samman jinda rahe…
for starting new thread,
Award + 5000 Likes + 30 days sticky Thread (Stories)
Award + 3500 Likes + 15 day Sticky thread (Stories)
Award + 1000 Likes