- 6,463
- 5,017
- 259
Ye kahani Ishikaaa ke dwara Xossip mein likha gaya tha, aab Xforum mein post karne ka permission mil gaya hai toh is story ka saara credit Ishikaaa ko jaata hai
Manushya iss dharti ka sabse samjhdaar prani hota hai .… uski prakhar buddhi hi use janwaron se alag karti hai par kabhi kabhi tamaam kuritiyon , lalach , swarth aur agyanta ke chalte wo aisi harkat kar jata hai ki sampoorn manav jati hi sharm saar ho jati hai …
Kisi ko Dayan , chudail , kala jadu karne wala samjhna bhi amanwiyta ki isi shreni me ata hain … ek insan doosre insan ko bhoot pishach sabit kar deta hai aur uske baad to nafrat ke jaljale me fas kar baki ke log bhi bhed chal chalte huye bechare shikar ko peet dalte hain … kabhi kabhi to kayi bimar , ashaay aur ashakt apni jaan se haath dho baithte hain …
khair par wo kahte hai na ki sabhi ek se nahi hote hain … iss insaani bhool ko insaan hi sawarte hain…
"""""""""""""""""""""""""""""""""""""""""""""""""""""""""""""""""""""""""""""""""""""
Kaki ko antim vidaayi dene ke liye aaj sara gaaw unke ghar par umad pada hai … wo ghar jiski dahleej par
gir kar kaki ne apna sapna kho diya tha , jahan kaki se unke prem ki nishani ko chheen liya gaya tha … antim yatra me shamil sabhi purushon ki aankhon me ek gahri peeda tapak rahi hai to mahilayein apni aansunon ko aankhon ki dahleej par nahi baandh paa rahi thi … behad bhawuk pal hai ye … kal tak jiske saye se sab ghabrate the aaj uske aakhiri darshan ke liye pareshan the … kal tak jisse bachne ke liye lathi dande uthaye jate the aaj unke pairon ko chho kar aashirwaad liya jaa raha tha …
" Kaki " kah kar maine hi pukara tha unko pahli baar … Lekin usse pahle unhe chudail , jadoo - tone wali , manhoos kaha jata tha aur mai bhi besharmi se unko Dayan kah kar bulati thi … uss wakt to kayi log to unko apne ghar ke aas - paas dekh kar patthar tak se maarte the … khauf rahta tha sabke man me unke liye … unki badi badi bhoori aankhein badan me jhurjhiri paida kar deti thi … sabhi apne bache chhipate firte the khas taur par pooranmasi ki raat ko …
Mai bhi kaki se bahut hi jyada nafrat karti thi kyu ki kaki wajah se hi to mera nani ke ghar ana band karwa diya gaya tha kyu ki mai apne kisi niji wajah se sabhi ke rokne par bhi raat ko nani ke ghar se chhip kar bahar jati thi aur kaki ki hi wajah se mai gharwalon ke dwara pakdi gayi thi … meri pol patti sabke samne aa gayi thi , tab maa ne meri jamm kar kutai ki thi aur mai man hi man kaki ko karodo galiya di thi … phir to mera ana band kar diya gaya nani ke yahan …
mujhe aaj bhi yaad hai ki nani ke ghar na jane ki bandish 4 salon bad nana ji ki barsi par khatm huyi thi kyu ki mere doodh chawal khaye bin nana ji ko to swarg milna nahi tha … mai nani ke yahan ayi to nana ji ke liye dukhi bhi thi par dil ka koi kona khushi se foola nahi sama raha tha … ek taraf bade dino ke baad sare bichhde huye ham umra mamere bhai bahan mile the to doosri wajah tha Ritwik tha jo mere nana ke pados me rahta tha … kaki ki wajah se usi ke sath mai baat karte huye pakdi gayi thi raat me jo haye tauba machi thi … Ritwik bhi garmiyon ki chhutti me apne nana ke yahan ata tha … Ritwik aur mere beech ek bada hi pyara rishta panap raha tha wo alag baat hai ki abb dobara chhip kar milne ki himmt nahi padd rahi thi …
pahle pyaar ki ye bechaini thodi jyada ghatak uss samay ho gayi jab Ritwik ne pooranmasi ki raat mujhe ghar ke peechhe thodi doir sthit aam ke bageeche me bulaya kyu ki Pooranmasi ki raat Chudail aurat yani kaki ke dar se sabhi 7 baje ke baad hi gaaw me sannata ho jata tha … kya karti mai bhi mai wakai usse bahut pyaar karti thi … darte ghabrate 11 baje raat usse milne jaa pahunchi … usne mujhe seene se laga liya … ham dono hi milne ki ummeed kho chuke the … ye pal itni gahri raahat de rahe the ki ham duniya jahan ko bhool ek kadam aur aage badh gaye … uske honthon ki sangat paa kar mere hosh bahkna shuru hi huye the ki kaki ne mujhe aur Ritwik ko jordar dhakka de diya …
Mai aur Ritwik jameen par gir pade … mere sir me chot lag gayi thi … khoon bhi bahne laga tha … Ritwik andhere me hi meri karah aur chehre par failte garm khoon ko dekh kar bhadak utha … usne aaw dekha naa taaw mere rokte rokte kaki ko patthar marne laga … par Kaki chillati rahi " door raho mere bachon se door raho " , usi pal hamne mahsoos kiya ki wahan aur bhi log the jo Kaki ke chillane ki wajah se bhag khade huye … gusse me maine Ritwik ko buri tarah daant diya kyu ki uske patthar marne ki wajah se kaki ghayal hokar jameen par gir gayi thi… maine haath jod kar mafi magi unse par wo nahi ruki … mere bachon se door raho ki ratt lagaye gaaw se bahar ki ore chal di …
mujhe bahut afsos ho raha tha kaki ki sthiti par … maine Ritwik ko unke peechhe chalne ke liye kaha kyu ki mai ye acchi tarah jaan chuki thi ki wo dayan nahi hain … Ritwik ne bhi mujhe ek baar bhi mana nahi kiya aur mere sath kaki ke peechhe chal pada … kaki waise hi rote , ladkhadate bak bak karte doosre gaaw tak aa gayi … nadi ke kinare sirf ek behad ujda sa jhopda tha usi me ghus gayi …
Bhor ho chuki thi … mujhe aur Ritwik ko dekh kaki ke gaaw ka ej ladka hamare paas aa gaya … usne apna naam Yogesh bataya … wo Kaki ko Kanchan bua kah raha tha … mere poonchhne par hi uss ladke ne bola ki kaki ko sara gaaw " Kanchan bua " kahta tha … maine jab uss jhopde me jhaank kar dekha to seene me ek tees si uthi … kaki kone me jameen par so rahi thi … lalten ki halki roshni me paas rakhi chheejein dikh rahi thi … Ritwik ne mujhe bahar bula kar bataya ki Yogesh Kaki ke bare me sab janta hai …
Yogesh ne hame bataya ki " inka naam Kanchan hai … ye isi gaaw ke ek behad gareeb pariwar me janmi Teesri beti thi … kanchan pita ka dehant bachpan me hi ho gaya tha … jameen jayejad kuchh bhi nahi thi … Kyu ki unke pita ki lambi bimari aur dawa daru ke liye Kanchan ki maa ne sahukar se sudi vyaaj par ek moti rakam udhar li jiske aiwaj me sahukar ne ghar girwi rakhaya tha jise jane kab hadap liya … aur to aur uss wakt inn logon ko aasra dene ke liye bhi koi samne nahi aya…
Kanchan ki maa apni teeno betiyon ko lekar nadi kinare jhopdi bana kar rahne lagi … betiyan honhar thi , padhai likhai to nahi par haan aas paas chhote mote kaam karne lagi … sabhi bahno me Kanchan sabse khoobsurat thi par khane peene ki kami se uska dimaag jyada tej nahi chalta tha … isi liye sabhi pagli kah kar bulate the …
Gareebi iss hadd tak thi ki ladkiyon ko tan dhankne ke liye kapda bhi nahi tha … aise me Kanchan ne doosre gaaw ke school me naukari kar li … saaf safai karti thi , sabko pani pilati thi , badle me itna mil jata tha ki uske ghar daal roti ka intejam ho jata tha … wakt gujra to umar ke sath Kanchan ki khoobsurti bhi badh gayi … Kanchan ki badi bahan ki sade samaroh me Shadi kar di gayi … usi dauran Kanchan ki mulakat Mukesh se huyi … Mukesh pahli hi najar me Kanchan par mohit ho gaya to Kanchan bhi use chupke chupke tirchhi najron se dekh rahi thi thi … Kanchan ka bhola pan Mukesh ke man me gahre prem ki chhap chhod gaya …
Ek silsila chal nikla tha … mukesh aksar Kanchan se milne school jata tha … Kanchan ki doosri bahan ki bhi shadi ho gayi … Abb Mukhesh ne bhi Kanchan ki maa se Kanchan ka haath manga … bhala Kanchan ki maa ko kya aitraaj ho sakta tha … unhone haan kar di … unke haan ke sath hi Mukesh ne bataya ki uske gharwale jald hi aakar milenge … Mukesh aur Kanchan bahut kareeb aa chuke the … aisi hi ek raat ke swarnim palon me Kanchan ne khud ko poori tarah Mukesh ko saump diya … Dusre hi roj pariwar walon ko sath lekar aane ka wada kar Mukesh wapas chala gaya …
Wakt beeta par Mukesh nahi aya … kareeb 3 mahine baad hi Kanchan ko pata chal gaya ki Mukesh ka milna uske ane wale jindgi ke liye bahut jauri hai kyu ki abb ek ya do nahi balki teen jindgiyan jud gayi thi … Kanchan ne maa ke sath Mukesh ke ghar jane ka faisla kar liya tha Par pooranmasi ki raat Kanchan par musibton ka pahad toot pada … maa ne Kanchan ki godi me damm tod diya … Kanchan cheekh cheekh rone lagi par itne par bhi kaal ko santushti nahi mili thi … ghanghor barish ho rahi thi … ek taraf maa ka dehant ho gaya to doosri taraf uske school me hi kaam karne wale ek ladke ne Mukhesh ke bare me koi jankari di … maa ki mitti ko gaaw walon ke sahare chhod wo betahasaha bhagi …
Shahar jane wali sadak par bheed lagi thi … sabhi ko dhakelte huye Kanchan jab ghatna wali jagah pahunchi to samne ka drishya dekh uska kaleja fatt gaya … samne Mukesh pada tha khoon me lath path … Mukesh ke paas hi uske haathon se chitak kar giri sadiyan aur gahne pade the jo cheekh cheekh kar Mukesh ke pyar ki gawahi de rahe the … ek pal me hi Kanchan ka sab kuchh ujad chuka tha … iss pal ko sah hi naa saki wo aur bawri ho gayi … uski chheekh se poora gaaw dahal gaya tha …
jab hosh aya to samne jindgi ke dono keemti rishste kafan odhe pade the … par wo khamosh ho gayi thi … aankhon ke aansu sookh chuke the … rona to chhodo wo antim darshan bhi nahi kar rahi thi … gaaw walon ne hi Kanchan ki maa ka daah sanskar kiya aur Mukesh ki laash aur bawari Kanchan ko le pahunche Mukesh ke gaaw … jahan par Mukesh ki lash ko dekh kar kohram mach gaya … par Kanchan par teesra pahad toota … Mukesh ke pita ki baaton se pata chala ki itne din Mukesh inn logon ko shadi ke liye mana raha tha par jab ye log nahi mane the ghar chhod kar Kanchan ke paas aaya tha usse shadi karne … Mukesh ke ghaewalon ne naa sirf Kanchan ko apnane se inkar kiya balki use dhakke dekar Mukhesh ki laash ke pas se door dhakel diya … ye dhakka Kanchan ke liye sabse bada aghat tha kyu ki isme uska sab kuchh chala gaya …
uss ghar ki dahleej par girte hi do dino me teesri jindgi usko chhod chuki thi …
Gaaw wale hi use wapas laye kyu ki unko to hosh hi nahi tha … tab se Gaaw wale hi Kanchan ko samhal rahe hain aur wo ( Kanchan ) bas padi rahti hai isi jhopde me … kisi ne khila diya to kha leti hai warna bhookhi pyasi bas darwaje ko ghoorti rahti hain … naa jane kaise inme pooranmasi ki raat ko itni shakti aa jati hai … kitna bhi roko manti hi nahi hain bas charon taraf ghoomte huye usi gaaw me ja pahunti hain … agar koi premi joda unki aankh ke samne pad jata hai to uski rakhwali par baith jati hain …
Yogesh ki baat poori ho chuki thi … uss pal mujhe khud se nafrat ho gayi thi aur samaj se ghin ane lagi thi … bada afsos ho raha tha ki kaise sabhi ne abhagi prem me doobi jogan ko chudail aur dayan bana diya tha … Ritwik ne turank Yogesh ki madad se ek bailgadi bulai aur Kaki ko lekar ham apne gaaw aa gaye … sari baatein ham dono ne rote huye ghar walon ko batayi … jaisa ki hame ummeed thi hamare gharwalon ne turant kaki ko apne dekh rekh me le liya …
Ek hafte me hi hame pata chal gaya tha ki kaki koi Dayan nahi balki prem pujaran thi jo bawari bani sabhi ke pattharon aur gaaliyon ko jhel kar bhi har poornmasi apne Premi ke dahleej par apne premi aur uske ankur ko khojne ati thi… Mere papa aur gaaw walon ne Kaki ko Mukesh ke ghar me pahunchaya … unka haq dilaya … Kaki abb paglon jaise ghoomti nahi thi balki apne ghar par rahti thi … Kaki ne hi mera haath Ritwik ke haath me rakha jise gharwalon ne khushi khushi sweekar kar liya …
Kaki ko mera aur Ritwik ka sath bahut pasand tha … mai aur Ritwik shadi ke baad Kaki ke paas gaye to Kaki ki aankhon me behad khushi chhalad rahi thi … wo hame apni jhopdi me le gayi thi aur apne Mukesh ki eklauti nishani sone ki choodiyan bhi pahnayi thi mujhe … hamare sath kayi din aakar rahi thi kaki …
Ye sab baatein yaad kar mujhe mujhme Kaki ka lagaaw yaad aa gaya … Kaki ka mrit sharir abb tak ghat pahun chuka tha … meri maa mujhe gale lagaye kaki ke ghar ki dahleej par baithi thi … mujhse raha nahi gaya aur mai bhagti huyi ghat par pahunch gayi … sabhi aashcharya kar rhe hain par mujhe mera uttardayitwa nibhana hai … Kaki ko mukhagni dena haq sirf Ritwik ka nahi mera bhi hai … aur mujhe pata hai ki mujhe koi nahi rokega …
KAAKI
Writer's note
Writer's note
Manushya iss dharti ka sabse samjhdaar prani hota hai .… uski prakhar buddhi hi use janwaron se alag karti hai par kabhi kabhi tamaam kuritiyon , lalach , swarth aur agyanta ke chalte wo aisi harkat kar jata hai ki sampoorn manav jati hi sharm saar ho jati hai …
Kisi ko Dayan , chudail , kala jadu karne wala samjhna bhi amanwiyta ki isi shreni me ata hain … ek insan doosre insan ko bhoot pishach sabit kar deta hai aur uske baad to nafrat ke jaljale me fas kar baki ke log bhi bhed chal chalte huye bechare shikar ko peet dalte hain … kabhi kabhi to kayi bimar , ashaay aur ashakt apni jaan se haath dho baithte hain …
khair par wo kahte hai na ki sabhi ek se nahi hote hain … iss insaani bhool ko insaan hi sawarte hain…
"""""""""""""""""""""""""""""""""""""""""""""""""""""""""""""""""""""""""""""""""""""
Kaki ko antim vidaayi dene ke liye aaj sara gaaw unke ghar par umad pada hai … wo ghar jiski dahleej par
gir kar kaki ne apna sapna kho diya tha , jahan kaki se unke prem ki nishani ko chheen liya gaya tha … antim yatra me shamil sabhi purushon ki aankhon me ek gahri peeda tapak rahi hai to mahilayein apni aansunon ko aankhon ki dahleej par nahi baandh paa rahi thi … behad bhawuk pal hai ye … kal tak jiske saye se sab ghabrate the aaj uske aakhiri darshan ke liye pareshan the … kal tak jisse bachne ke liye lathi dande uthaye jate the aaj unke pairon ko chho kar aashirwaad liya jaa raha tha …
" Kaki " kah kar maine hi pukara tha unko pahli baar … Lekin usse pahle unhe chudail , jadoo - tone wali , manhoos kaha jata tha aur mai bhi besharmi se unko Dayan kah kar bulati thi … uss wakt to kayi log to unko apne ghar ke aas - paas dekh kar patthar tak se maarte the … khauf rahta tha sabke man me unke liye … unki badi badi bhoori aankhein badan me jhurjhiri paida kar deti thi … sabhi apne bache chhipate firte the khas taur par pooranmasi ki raat ko …
Mai bhi kaki se bahut hi jyada nafrat karti thi kyu ki kaki wajah se hi to mera nani ke ghar ana band karwa diya gaya tha kyu ki mai apne kisi niji wajah se sabhi ke rokne par bhi raat ko nani ke ghar se chhip kar bahar jati thi aur kaki ki hi wajah se mai gharwalon ke dwara pakdi gayi thi … meri pol patti sabke samne aa gayi thi , tab maa ne meri jamm kar kutai ki thi aur mai man hi man kaki ko karodo galiya di thi … phir to mera ana band kar diya gaya nani ke yahan …
mujhe aaj bhi yaad hai ki nani ke ghar na jane ki bandish 4 salon bad nana ji ki barsi par khatm huyi thi kyu ki mere doodh chawal khaye bin nana ji ko to swarg milna nahi tha … mai nani ke yahan ayi to nana ji ke liye dukhi bhi thi par dil ka koi kona khushi se foola nahi sama raha tha … ek taraf bade dino ke baad sare bichhde huye ham umra mamere bhai bahan mile the to doosri wajah tha Ritwik tha jo mere nana ke pados me rahta tha … kaki ki wajah se usi ke sath mai baat karte huye pakdi gayi thi raat me jo haye tauba machi thi … Ritwik bhi garmiyon ki chhutti me apne nana ke yahan ata tha … Ritwik aur mere beech ek bada hi pyara rishta panap raha tha wo alag baat hai ki abb dobara chhip kar milne ki himmt nahi padd rahi thi …
pahle pyaar ki ye bechaini thodi jyada ghatak uss samay ho gayi jab Ritwik ne pooranmasi ki raat mujhe ghar ke peechhe thodi doir sthit aam ke bageeche me bulaya kyu ki Pooranmasi ki raat Chudail aurat yani kaki ke dar se sabhi 7 baje ke baad hi gaaw me sannata ho jata tha … kya karti mai bhi mai wakai usse bahut pyaar karti thi … darte ghabrate 11 baje raat usse milne jaa pahunchi … usne mujhe seene se laga liya … ham dono hi milne ki ummeed kho chuke the … ye pal itni gahri raahat de rahe the ki ham duniya jahan ko bhool ek kadam aur aage badh gaye … uske honthon ki sangat paa kar mere hosh bahkna shuru hi huye the ki kaki ne mujhe aur Ritwik ko jordar dhakka de diya …
Mai aur Ritwik jameen par gir pade … mere sir me chot lag gayi thi … khoon bhi bahne laga tha … Ritwik andhere me hi meri karah aur chehre par failte garm khoon ko dekh kar bhadak utha … usne aaw dekha naa taaw mere rokte rokte kaki ko patthar marne laga … par Kaki chillati rahi " door raho mere bachon se door raho " , usi pal hamne mahsoos kiya ki wahan aur bhi log the jo Kaki ke chillane ki wajah se bhag khade huye … gusse me maine Ritwik ko buri tarah daant diya kyu ki uske patthar marne ki wajah se kaki ghayal hokar jameen par gir gayi thi… maine haath jod kar mafi magi unse par wo nahi ruki … mere bachon se door raho ki ratt lagaye gaaw se bahar ki ore chal di …
mujhe bahut afsos ho raha tha kaki ki sthiti par … maine Ritwik ko unke peechhe chalne ke liye kaha kyu ki mai ye acchi tarah jaan chuki thi ki wo dayan nahi hain … Ritwik ne bhi mujhe ek baar bhi mana nahi kiya aur mere sath kaki ke peechhe chal pada … kaki waise hi rote , ladkhadate bak bak karte doosre gaaw tak aa gayi … nadi ke kinare sirf ek behad ujda sa jhopda tha usi me ghus gayi …
Bhor ho chuki thi … mujhe aur Ritwik ko dekh kaki ke gaaw ka ej ladka hamare paas aa gaya … usne apna naam Yogesh bataya … wo Kaki ko Kanchan bua kah raha tha … mere poonchhne par hi uss ladke ne bola ki kaki ko sara gaaw " Kanchan bua " kahta tha … maine jab uss jhopde me jhaank kar dekha to seene me ek tees si uthi … kaki kone me jameen par so rahi thi … lalten ki halki roshni me paas rakhi chheejein dikh rahi thi … Ritwik ne mujhe bahar bula kar bataya ki Yogesh Kaki ke bare me sab janta hai …
Yogesh ne hame bataya ki " inka naam Kanchan hai … ye isi gaaw ke ek behad gareeb pariwar me janmi Teesri beti thi … kanchan pita ka dehant bachpan me hi ho gaya tha … jameen jayejad kuchh bhi nahi thi … Kyu ki unke pita ki lambi bimari aur dawa daru ke liye Kanchan ki maa ne sahukar se sudi vyaaj par ek moti rakam udhar li jiske aiwaj me sahukar ne ghar girwi rakhaya tha jise jane kab hadap liya … aur to aur uss wakt inn logon ko aasra dene ke liye bhi koi samne nahi aya…
Kanchan ki maa apni teeno betiyon ko lekar nadi kinare jhopdi bana kar rahne lagi … betiyan honhar thi , padhai likhai to nahi par haan aas paas chhote mote kaam karne lagi … sabhi bahno me Kanchan sabse khoobsurat thi par khane peene ki kami se uska dimaag jyada tej nahi chalta tha … isi liye sabhi pagli kah kar bulate the …
Gareebi iss hadd tak thi ki ladkiyon ko tan dhankne ke liye kapda bhi nahi tha … aise me Kanchan ne doosre gaaw ke school me naukari kar li … saaf safai karti thi , sabko pani pilati thi , badle me itna mil jata tha ki uske ghar daal roti ka intejam ho jata tha … wakt gujra to umar ke sath Kanchan ki khoobsurti bhi badh gayi … Kanchan ki badi bahan ki sade samaroh me Shadi kar di gayi … usi dauran Kanchan ki mulakat Mukesh se huyi … Mukesh pahli hi najar me Kanchan par mohit ho gaya to Kanchan bhi use chupke chupke tirchhi najron se dekh rahi thi thi … Kanchan ka bhola pan Mukesh ke man me gahre prem ki chhap chhod gaya …
Ek silsila chal nikla tha … mukesh aksar Kanchan se milne school jata tha … Kanchan ki doosri bahan ki bhi shadi ho gayi … Abb Mukhesh ne bhi Kanchan ki maa se Kanchan ka haath manga … bhala Kanchan ki maa ko kya aitraaj ho sakta tha … unhone haan kar di … unke haan ke sath hi Mukesh ne bataya ki uske gharwale jald hi aakar milenge … Mukesh aur Kanchan bahut kareeb aa chuke the … aisi hi ek raat ke swarnim palon me Kanchan ne khud ko poori tarah Mukesh ko saump diya … Dusre hi roj pariwar walon ko sath lekar aane ka wada kar Mukesh wapas chala gaya …
Wakt beeta par Mukesh nahi aya … kareeb 3 mahine baad hi Kanchan ko pata chal gaya ki Mukesh ka milna uske ane wale jindgi ke liye bahut jauri hai kyu ki abb ek ya do nahi balki teen jindgiyan jud gayi thi … Kanchan ne maa ke sath Mukesh ke ghar jane ka faisla kar liya tha Par pooranmasi ki raat Kanchan par musibton ka pahad toot pada … maa ne Kanchan ki godi me damm tod diya … Kanchan cheekh cheekh rone lagi par itne par bhi kaal ko santushti nahi mili thi … ghanghor barish ho rahi thi … ek taraf maa ka dehant ho gaya to doosri taraf uske school me hi kaam karne wale ek ladke ne Mukhesh ke bare me koi jankari di … maa ki mitti ko gaaw walon ke sahare chhod wo betahasaha bhagi …
Shahar jane wali sadak par bheed lagi thi … sabhi ko dhakelte huye Kanchan jab ghatna wali jagah pahunchi to samne ka drishya dekh uska kaleja fatt gaya … samne Mukesh pada tha khoon me lath path … Mukesh ke paas hi uske haathon se chitak kar giri sadiyan aur gahne pade the jo cheekh cheekh kar Mukesh ke pyar ki gawahi de rahe the … ek pal me hi Kanchan ka sab kuchh ujad chuka tha … iss pal ko sah hi naa saki wo aur bawri ho gayi … uski chheekh se poora gaaw dahal gaya tha …
jab hosh aya to samne jindgi ke dono keemti rishste kafan odhe pade the … par wo khamosh ho gayi thi … aankhon ke aansu sookh chuke the … rona to chhodo wo antim darshan bhi nahi kar rahi thi … gaaw walon ne hi Kanchan ki maa ka daah sanskar kiya aur Mukesh ki laash aur bawari Kanchan ko le pahunche Mukesh ke gaaw … jahan par Mukesh ki lash ko dekh kar kohram mach gaya … par Kanchan par teesra pahad toota … Mukesh ke pita ki baaton se pata chala ki itne din Mukesh inn logon ko shadi ke liye mana raha tha par jab ye log nahi mane the ghar chhod kar Kanchan ke paas aaya tha usse shadi karne … Mukesh ke ghaewalon ne naa sirf Kanchan ko apnane se inkar kiya balki use dhakke dekar Mukhesh ki laash ke pas se door dhakel diya … ye dhakka Kanchan ke liye sabse bada aghat tha kyu ki isme uska sab kuchh chala gaya …
uss ghar ki dahleej par girte hi do dino me teesri jindgi usko chhod chuki thi …
Gaaw wale hi use wapas laye kyu ki unko to hosh hi nahi tha … tab se Gaaw wale hi Kanchan ko samhal rahe hain aur wo ( Kanchan ) bas padi rahti hai isi jhopde me … kisi ne khila diya to kha leti hai warna bhookhi pyasi bas darwaje ko ghoorti rahti hain … naa jane kaise inme pooranmasi ki raat ko itni shakti aa jati hai … kitna bhi roko manti hi nahi hain bas charon taraf ghoomte huye usi gaaw me ja pahunti hain … agar koi premi joda unki aankh ke samne pad jata hai to uski rakhwali par baith jati hain …
Yogesh ki baat poori ho chuki thi … uss pal mujhe khud se nafrat ho gayi thi aur samaj se ghin ane lagi thi … bada afsos ho raha tha ki kaise sabhi ne abhagi prem me doobi jogan ko chudail aur dayan bana diya tha … Ritwik ne turank Yogesh ki madad se ek bailgadi bulai aur Kaki ko lekar ham apne gaaw aa gaye … sari baatein ham dono ne rote huye ghar walon ko batayi … jaisa ki hame ummeed thi hamare gharwalon ne turant kaki ko apne dekh rekh me le liya …
Ek hafte me hi hame pata chal gaya tha ki kaki koi Dayan nahi balki prem pujaran thi jo bawari bani sabhi ke pattharon aur gaaliyon ko jhel kar bhi har poornmasi apne Premi ke dahleej par apne premi aur uske ankur ko khojne ati thi… Mere papa aur gaaw walon ne Kaki ko Mukesh ke ghar me pahunchaya … unka haq dilaya … Kaki abb paglon jaise ghoomti nahi thi balki apne ghar par rahti thi … Kaki ne hi mera haath Ritwik ke haath me rakha jise gharwalon ne khushi khushi sweekar kar liya …
Kaki ko mera aur Ritwik ka sath bahut pasand tha … mai aur Ritwik shadi ke baad Kaki ke paas gaye to Kaki ki aankhon me behad khushi chhalad rahi thi … wo hame apni jhopdi me le gayi thi aur apne Mukesh ki eklauti nishani sone ki choodiyan bhi pahnayi thi mujhe … hamare sath kayi din aakar rahi thi kaki …
Ye sab baatein yaad kar mujhe mujhme Kaki ka lagaaw yaad aa gaya … Kaki ka mrit sharir abb tak ghat pahun chuka tha … meri maa mujhe gale lagaye kaki ke ghar ki dahleej par baithi thi … mujhse raha nahi gaya aur mai bhagti huyi ghat par pahunch gayi … sabhi aashcharya kar rhe hain par mujhe mera uttardayitwa nibhana hai … Kaki ko mukhagni dena haq sirf Ritwik ka nahi mera bhi hai … aur mujhe pata hai ki mujhe koi nahi rokega …
& Gentleman, 
