Romance Kaanch ki haweli...hinglish font

[Mayaviguru]

andhkaar apna dera jama chuka tha. Raat apni manthar gati se beeti ja rahi thi. charo aur sannata pasra hua tha. Haan kabhi kabhi siyaro ke rone aur kutto ke bhokne ki awaazon se watavaran mein bisra sannata kshan bhar ke liye bhang hua jata tha.
Is waqt raat ke 10 baje the. raipur ke nivasi apne apne gharon mein kucch to chadar taane so chuke the kuchh sone ka prayatn kar rahe the. Sharmili apne ghar ke aangan ki charpai par apne pati sarju ke sath leti hui thi. Uski aankhon se neend gayab thi. wah ek aur karwat liye hue thi. Uski nazrein uske ghar se thode se faasle par sthit us bhavya kaanch ki haweli par tiki hui thi jise thakur jagat singh ne apni dharmpatni radha devi ke muh dikhayi ke taur par banwaya tha. Theek usi tarah jaise shahjahan ne mumtaj ke liye tajmahal banwaya tha. Yahan fark sirf itna tha ki thakur sahab ne ye kaanch ki haweli apni patni ke jeevant kaal hi mein banwaya tha.
Thakur sahab radha devi se bahut prem karte the. Shadi ki muh dikhayi ke din hi thakur sahab ne radha devi ko ye vachan diya tha ki wey unke liye ek aisi haweli ka nirmaan karenge jise log yugon yugon tak yaad rakhenge. Aur unhone theek hi kaha tha. Shadi ke saal dedh saal ke bhitar hi thakur saahab ne apna wada pura kiya. Aur ye haweli bataour muh dikhayi radha devi ko bhent kiya. jab ye haweli bankar taiyar hui to dekhne walon ki aankhen chaundhiya gayi. Jiski bhi nazar haweli par padi radha devi ki kismat par rashq kar utha.
sharmili roz hi haweli ko dekhti aur thakur ke dil mein radha devi ke liye base us pyar ka anuman lagati. Abhi bhi uski najrein haweli par hi tiki hui thi. syah raat mein bhi yah haweli apni chamak bikherne mein kaamyab thi. Uski bahri roshni se haweli ki deeware jhilmila rahi thi. tatha haweli ke andar se chhan kar nikalti roshni haweli ko indradhanushi rang pradaan kar rahi thi.
Sharmili ne palat kar apne pati sarju ko dekha jo ek aur muh kiye leta hua tha. Usne dheere se sarju ko pukara. - "aap so gaye kya?"
Sarju abhi halki neend mein tha sharmili ki awaaz se wah kunmunaya. "kya hai?"
"ek baat puchhu tumse sach sach bataoge?" Sharmili ne prembhav se apne pati ki aur dekhte hue boli. Uske dil mein is waqt prem ka saagar hilore maar raha tha.
lekin sarju ko uske bhavo se kya lena dena tha. Din bhar ka thaka haara apni neend sone ka prayatn kar raha tha. Wah anjaan hokar bola - "tumse jhooth bolkar bhi mera kaun sa bhala ho jayega. Sach hi bolunga."
"tum seedhe seedhe baat kyon nahi karte?" sharmili tunak kar boli. Use is waqt pati ke muh se aise bol ki asha na thi.
"to tum seedhe seedhe puchh kyon na leti, jo puchhna chahti ho? puchho."
sharmili is waqt jhagde ke mood mein nahi thi. wah shant swar mein boli - "mere marne ke baad kya tum bhi meri yaad mein kuchh banwaoge?" sharmili ke ye shabd prem ras mein dube hue the. Un shabdo mein laakhon armaan chhupe hue the.
"haan....!" sarju ne dheere se kaha.
pati ke muh se haan sunkar shrmili ka dil jhum utha. Man prem pakheru bankar udne laga. Aaj use is haan mein jitni khushi mili thi ki uska anumaan lagana mushkil tha. Aaj sarju agar is haan ke badle uske pran bhi maang leta to wah khushi khushi apne pati ke liye pran tyag deti. Wah sarju se kaskar chipat gayi aur boli - "kya banwaoge?"
"maalik se kuchh rupye karz mein lekar tumhare liye badhiya sa kabra banwaunga. Phir jo paise bachenge un paison se pure gaon mein mithaiyan baatunga."
Sharmili ka dil bhar aaya. ankhon se aanshu beh nikle. Apne pati ke dil mein apne liye aise vichaar jaankar uski aatma sisak uthi. Wah sisakte hue boli - "kya pandrah saal tumhare sath rahne ka yahi inaam hai mera. Main samajhti thi ki tum mujhe apni ardhangini samajhte ho...prem karte ho mujhse. aaj pata chala tumhare dil mein mere liye kitna prem hai."
sharmili ki bematlab ki baaton se sarju ki neend gayab ho chuki thi. Wah jhallakar bola. - "Na to main maalik jaisa rayeesh hoon aur na hi tum maalkin jaisi sundar ho. Phir kyon mera magaz kha rahi ho? "
Sarju ki jhidki se sharmili ka dil tut gaya. Lekin wo abhi kuchh kehti usse pehle hi rooh ko kanpa dene wali ek bhayankar naari cheekh raat ke sannate mein gunj uthi. Yah cheekh haweli se aayi thi. Sharmili ke sath sath sarju bhi chihunk kar charpai se uth baitha.
"maalkin...!" sarju badbadaya aur charpai se utra - "lagta hai maalkin ko phir se daura pada hai. Main haweli ja raha hoon." wah teji se apni dhoti kasta hua bola. Phir kurta uthaya aur haweli ke raaste bhagta chala gaya.
Sharmili abhi bhi jadwat khadi haweli ki aur taak rahi thi. Uski dil ki dhadkane chadhi hui thi. Uska sharir bhay se haule haule kaanp raha tha. Tabhi phir se wahi dil cheer dene wali cheekh uske kaano se takrayi.
sharmili kaanpte hue charpai par let gayi. Haweli se nikli cheekh ne uske apne sare dukh bhula diye the. Ab unki jagah radha devi ke dukh ne ghar kar liya tha. Wah radha devi ke baare mein sochne lagi.
radha devi - kaisa azeeb sanyog tha. Thakur sahab ne radha devi ki muh dikhayi ke liye jis haweli ka nirmaan karwaya us haweli ka sukh unhe na mil saka. Bechari jis din is haweli mein aayi usi raat na jaane kaun sa haadsha pesh aaya ki radha devi apni maansik santulan kho baithi. Tab se lekar aaj pure 20 baras tak wo ek kamre mein band hain. Aur isi prakaar ke daure aate rahte hain. Unki is prakaar ke daure ke bare mein sabhi jaante hain par unke sath kya hua? us raat haweli mein kaun si ghatna ghati ki unhe paagal ho jana pada ye koi nahi jaanta. Ye ek rahasya bana hua hai.
Sarju haafta hua haweli mein daakhil hua aur seedha maalkin ke kamre ki taraf badh gaya. Malkin ke kamre ki darwaze tak pahunch kar wah ruka. Wahan haweli ke dusre naukar bhi khade bhay se kaanp rahe the. Unme se kisi mein bhi itni himmat nahi thi ki wo andar jakar dekhe ki kya ho raha hai. sarju kuchh der khada rahkar apni ukhad chali saanso ko kaabu karta raha phir dhadakte dil se andar jhanka. Andar ka drishy dekhkar uski sitti-pitti gum ho gayi. Malkin kisi hinsak sherni ki bhanti laal laal aankhon se thakur sahab ko ghure ja rahi thi. thakur sahab ek aur khade thar thar kaanp rahe the. maalkin dayen bayen najar daudati aur jo bhi vastu unke hath lagta uthakar thakur sahab par feink marti.
"radha....hosh mein aao radha." maalik bhay se kanpte hue dheere se malkin ki aur badhe. "humein pehchano radha...hum tumhare pati jagat singh hain."
"jhooth....." radha devi cheekhi -"tu khooni hai.....agar tu mere paas aaya to main teri jaan le lungi. Main janti hoon tu meri beti ko marna chahta hai par usse pehle main tumhe maar dalungi." ye bolkar wo phir se kuchh dhundhne lagi...jisse ki wo thakur sahab ko feink kar maar sake. jab kuchh nahi mila to wo darte hue pichhe hati. Uske hatho mein kapde ki banayi hui gudiya thi jise wo apni beti samajhkar chhati se chipka rakhi thi. Thakur sahab ko apni aur badhte dekhkar uski aankhon mein bhay naach utha. radha gudiya ko apni sari ke anchal mein chhipane lagi. Aur phir kisi vastu ki talaash mein idhar udhar nazar daudane lagi. achanak uski aankhen chamak uthi, use paani ka ek gilaas zameen par gira pada dikhai diya. Wah furti se gilaas uthayi aur bijli ki gati se thakur sahab ko de maari. radha devi ne itni furti se gilaas feinka tha ki thakur sahab apna bachav na kar sake. Gilaas unke mathe se aa takrayi. Wo cheekhte hue pichhe hate. Unke mathe se khoon ki dhar beh nikli. Darwaze ke bahar khada sarju lapak kar un tak pahuncha Aur thakur sahab ko khinch kar bahar le aaya. Dusre naukaron ne jaldi se apne malkin ke kamre ka darwaza bahar se band kar diya.
Sarju thakur sahab ko hall mein le aaya aur unke mathe se behte kkoon ko saaf karne laga. Dusre naukar bhi dawai aur pattiyan lekar thakur sahab ke paas khade ho gaye. tabhi darwaze se deewan ji daakhil hue. Wo seedhe thakur sahab ke paas aakar baith gaye. Thakur sahab ki dasha dekhi to unke hontho se kraah nikal gayi.
"aap malkin ke kamre mein gaye hi kyon the sarkaar?" deewan ji unke mathe par lage ghav ko dekhte hue bole.
"radha ko dekhe ek mahina ho gaya tha deewan ji. Badi ichha ho rahi thi uski surat dekhne ki...mujhse raha nahi gaya." thakur sahab dard se chhtapata kar bole. Unka dard mathe par lagi chot ki wajah se nahi thi. Unka dard unke dil mein lage us chot se thi jise unhone khud lagai thi. Wo apni barbadi ke khud hi zimmedar the. Aaj unki patni ki jo haalat thi uske zimmedar wey khud the. Ye baat thakur sahab ke atirikt deewan ji bhi jante the. Aur wo ye bhi jante the ki thakur sahab apni patni radha devi se kitni mohabbat karte hain. Isliye thakur sahab ke dukh ka unhe jitna ehsaas tha shayad kisi aur ko na thi. Deewan ji thakur sahab ki baato se chup ho gaye. Unke paas kehne ke liye shabd hi nahi the, bas sahanubhuti bhari najron se unhe dekhte rahe.
"deewan ji...aapne bambai ke kisi kaabil doctor ke bare mein bataya tha uska kya hua? Wo kab tak aayega?" unhone apne ghav ki parwah na karte hue deewan ji se bole.
"aaj hi uska sandesh aaya tha. Wo thode dino mein aa jayega." deewan ji ne unhe aashwasan diya.
"pata nahi is doctor se bhi kuchh ho payega ya nahi. Jo bhi aata hai sab paise khane ke liye aate hain. Aajkal doctori peshe mein bhi imandari nahi rahi." thakur sahab mayusi mein bole.
"iske to kaafi charche sune hain maine. log kehte hain isne bahut kam umar mein bahut gyan haasil kiya hai. Aneko jatil case suljhaya hai. Malkin jaisi kayi marijon ko theek kar chuka hai. Mera dil kehta hai malik, abki malkin achhi ho jayengi. Aap uparwale par bharosa rakhen."
Deewan ji ki baaton se thakur sahab ne ek lambi saans chhodi phir bole - "ab to kisi cheej par bharosa nahi raha deewan ji. ab to aisa lagne laga hai hamari radha kabhi theek nahi hogi. Hum jeevan bhar aise hi tadapte rahenge. Ab to jeene ki bhi aash nahi rahi....pata nahi mere marne ke baad radha ka kya hoga?"
"biswas se badi koi cheej nahi malik. Aap biswas rakhen malkin ek din jarur theek hongi. Aur marne ki baat to sochiye hi nahi....aap yah kyon bhul jate hain aapki ek beti bhi hai."
Thakur sahab ne deewan ji ki taraf dekha. deewan ji ki baton ne jaise marham ka kaam kiya ho. Beti ki yaad aate hi murjhaya chehra khil sa gaya, wo deewan ji se bole - "kaisi hai hamari nikky deewan ji. Main abhaga to apne pita ke kartavya ko bhi theek se nahi nibha paya. Wo kab aa rahi hai?"
"nikky bitiya parso aa rahi hai. Parso shaam tak to bitiya aapke saamne hongi." deewan ji muskuraye.
ek lambe arse tak thakur sahab ne nikki ka chehra nahi dekha tha. Wo jab 6 saal ki thi tabhi unhone apni jaan se pyari beti ko bording bhej diya tha. Yahan rahne se maa ki bimari ka prabhav uspar pad sakta tha. Aaj jab nikki ke aane ki khabar deewan ji ne di to unka man beti ko dekhne ki chaah mein vyagr ho utha. Par ek aur jahan unhe beti se milne ki khushi thi to dusri aur unhe is baat ki chinta bhi ho rahi thi ki jab nikki apni maa se milegi to uske dil par kya beetegi. "ab aap ghar jaiye deewan ji. Raat bahut ho chuki hai." thakur sahab ab halke mehsus kar rahe the. Unhone deewan ji ko vyarth mein bithaye rakhna uchit nahi samjha.
"jaisi aapki aagya sarkar." deewan ji bole aur hath jodkar uth khade hue. Unka ghar bhi haweli ke baayi aur thoda hakte tha. kehne ko wo ghar tha par kisi chhoti haweli se kam nahi tha. Ye bhi thakur sahab ki meharbaniyon ka natija tha. Deewan ji unke bahut purane aadmi the. Aur unka sara kaam wahi dekhte the. Thakur sahab to aankh mund kar unpar bharosa karte the.
Deewan ji ke jaane ke baad thakur sahab uthe aur apne kamre ki taraf badh gaye. Neend to unki aankhon se koso door thi. Raat jaagte hue gujarne wali thi. ye unke liye koi nayi baat nahi thi. Unki zyadatar raaten jaagte hi gujarti thi. unhone cigar sulgai aur khud ko aaram kursi par giraye. Phir halke halke cigar ka kash lene lage. Cigar ka kash bharte hue thakur shahab ateet ko gehraiyon mein utarte chale gaye. Unka ateet hi unke man behlav ka saadhan tha. Wey aksar tanhaiyon mein apne ateet ki sair kar liya karte the.

 

[Mayaviguru]

Raipur ke railway station par nikki pichhle 20 minute se khadi thi. Uska gusse se bura haal tha. deewan ji ne driver ko nikki ko lene bheja tha par uska koi pata nahi tha. Nikki Gusse se bhari platform par chalkadmi kar rahi thi.
Is waqt nikki pink color ki frock pehne hue thi. Uski aankhon mein dhoop ka chasma chadha hua tha aur sar par sun hats tha. frock itni chhoti thi ki aadhi janghe numaya ho rahi thi. Platform par aate jate log lalchayi najron se uske khubsurat jangho aur ubhre hue chhati ko ghurte ja rahe the. Achanak hi kisi bike ki acceleretor ki tej awaaz uske kaano se takrai. Awaaz itni tej thi ki nikki ka gussa saatwe aasman par pahunch gaya. nikki ki drishti ghumi. saamne hi ek khubsurat naujawan apni bike par baitha bike ke kaan marodne mein vyast tha. Wo jab tak acceletor leta bike start rahti acceletor chhodte hi bike bhuy bhuy karke band ho jati. Wo phir se kick marta...acceletor leta aur bike start karne mein lag jata. Wah pasine se tar batar ho chuka tha. Nikk 5 minute tak uski bhany bhany sunti rahi. ant mein uska sabr jawab de gaya. Wah gusse se uski aur dekhkar boli - "aye mister, apni is khatara ko band karo ya kahin door le jaakar start karo. Iski besuri awaaz se mere kaan ke parde fat rahe hain."
Wah yuvak bike na start hone se waise hi pareshan tha uspar aisi jhidki, uski bike ka aisa apmaan...wah sah na saka. gusse mein palta par jaise hi uski nazar nikki par padi wah chaunk pada. Apne saamne ek khubsurat hasina ko dekhkar uska gussa khsan bhar ke liye gaayab hua. Phir bola - "aap meri bike ko khatara keh rahi hain? Aapko andaza nahi hai main is bike par baith kitni race jeet chuka hoon."
"race...? Aur wo bhi is bike se? ye chalti bhi hai, mujhe to iske strat hone par bhi sandeh ho raha hai." wah vyang se muskurayi.
Yuvak ko tej gussa aaya par man masos kar rah gaya. Usne bike ko azeeb najron se ghura phir ek jor dar kick mara. Is baar bhi bike start nahi hui. Wah baar baar prayas karta raha aur acceletor ki awaaz se nikki ko pareshan karta raha. kuchh hi der mein nikki ka driver jeep lekar pahuncha. Driver jeep se utar kar nikki ke paas aaya.
"itni der kyon hui aane mein?" nikki driver ko dekhte hi barsi.
"galti ho gayi chhoti malkin...wo kya hai ki.....asal....mein..." driver haklaya.
"shut up." nikki gusse mein chikhi.
Driver saham gaya. uski najrein zameen chatne lagi.
"saaman uthane ke liye koi dusra aayega? " nikki use khada dekh phir se bhadki. Driver teji se harkat mein aaya aur saaman uthakar jeep mein rakhne laga.
Nikki ki najrein us bike wale yuvak ki aur ghumi. wo idhar hi dekh raha tha. use apni aur dekhte pakar nikki ne ek baar phir vyang se muskurayi aur apni jeep ki aur badh gayi. achanak hi wo hua jiski kalpana nikki ne na ki thi. Uski bike start ho gayi. nikki ne us yuvak ko dekha. Abki muskurane ki baari us yuvak ki thi. wah bike par baitha aur nikki ko dekhte hue ek ada se sar ko jhatka diya aur seeti bajata hua bike ko bhagata chala gaya. Nikki jal-bhun kar rah gayi.
Driver saaman rakh chuka tha. Nikki lapak kar steering wali seat par aayi. Chabhi ko ghumaya gear badli aur full speed se jeep ko chhod diya.
"chhoti maalkin....!" driver cheekhte hue jeep ke pichhe dauda.
Nikki teji se pahadi raaston par jeep bhagati chali ja rahi thi. Kuchh hi door aage use wahi bike wala yuvak dikhayi diya. Usne jeep ki raftaar badhayi aur kuchh hi pal mein uske Barabar pahunch gayi. Phir uski aur dekhti hui boli - "hello mr khatara"
Yuvak ne nikki ki aur dekha, abhi wah kuchh kehne ki soch hi raha tha ki nikki ne ek jhatke mein farrate ki gati se jeep ko le bhagi. Yuvak gusse mein nikki ko dekhta hi rah gaya. Uski aankhen sulag uthi usne acceletor par hath jamaya aur bike ko full speed par chhod diya. Abhi wah kuchh hi door chala tha ki sadak par kuchh ladkiya paar karti dikhayi di. usne jaldi se break maara. Uski raftaar bahut adhik thi , bike fisla aur seedhe ek patther se ja takraya. Yuvak uchhal kar door ja gira. Bike se bandha uska suitcase khul gaya aur saare kapde sadak par idhar udhar bikhar gaye. Wah langdata hua utha. Tabhi uske kaano se kisi ladki ke hasne ki awaaz takrayi. Usne palat kar dekha. Ek gramin baala salwar kurta pehne khilkhilakar hans rahi thi. Uske pichhe uski saheliyan bhi khadi khadi muskura rahi thi. Un sabhi ladkiyon ke hath mein pustaken thi jis se Yuvak ko samajhte der nahi lagi ki ye ladkiyan paas ke gaon ki rahne wali hain aur is waqt collage se laut rahi hain.
"ye dekho, kaath ka ullu" aage wali ladki haste hue saheliyon se boli.
Yuvak ki nazar uspar thehar gayi. Wo bala ki khubsurat thi. garmi ki wajah se uske chehre par pasina chhalak aaya tha. pasine se tar uska gora mukhda surya ki roshni mein aise chamak raha tha jaise purnima ki raat mein chaand. uska dupatta uske gale se lipatkar pichhe pith ki aur jhul raha tha. Saamne uski bhari hui chhatiyan kisi parwat shikhar ki tarah tane hue use ghur rahe the. Pet samtal tha, kamar patli thi lekin kulhe chaudi aur bhari golakar liye hue thi. Uska nashila gathila badan kapdon mein chhupaye nahi chhup raha tha. Yuvak kuchh pal ke liye uski sundarta mein kho sa gaya. Wah ye bhi bhul gaya ki is ladki ne kuchh der pehle use kaath ka ulla kaha tha. Use ye bhi dhyan nahi tha ki uski bike sadak par giri padi hai aur uske kapde hawaon ki jor se sadak par idhar udhar ghisat rahe hain.
Lekin ladkiyon ko uski dasha ka anumaan tha. Uski haalat par ek baar phir ladkiyan khilkhila kar hans padi. Uski chetna lauti. Usne apni bhaunhe chadhayi aur us ladki ko ghura jisne use kaath ka ullu kaha tha. "kya kaha tumne? Jara phir se kehna."
"kaath ka ullu." wah ladki punah boli aur phir hans padi.
"main tumhe kaath ka ullu nazar aata hoon" yuvak ne bifarkar bola.
"aur nahi to kya....apni surat dekho pakke kaath ke ullu lagte ho." uske sath uski saheliyan bhi khilkhilakar hasne lagi.
Yuvak apmaan se bhar utha, usne kuchh kehne ke liye muh khola par hoth chabakar rah gaya. use apni dasha ka gyan hua, wah un ladkiyon se ulajhkar apni aur fazihat nahi karwana chah raha tha. Wah muda aur apne kapde sametne laga. Ladkiyan hansti hui aage badh gay.
*****
Nikki jaise hi haweli pahunchi thakur sahab ko bahar hi intezar karte paya. Unke sath mein deewan ji bhi the. Wah jeep se utri to deewan ji lapak kar nikki tak pahunche "aao beta. Malik kab se tumhara intezar kar rahe hain."
Nikki ne thakur sahab ko hath jodkar pranam kiya aur phir thakur sahab se jakar lipat gayi. Thakur sahab use apni chhati se chipka liye. Barson se sulagte unke dil ko aaj thandak mili thi. Beti ko chhati se lagakar wey is waqt apne sare dukhon ko bhula baithe the. Wah nikki ka matha chumte hue bole - "nikki, tumhara safar kaisa raha? Koi taklif to nahi hui yahan tak aane mein?"
"ohh papa, main kya bachi hoon jo koi bhi mujhe taklif de dega?" nikki nathune fulakar boli.
Uski baat se thakur sahab aur deewan ji ki thahake chhut pade.
"nikki beta, tumhare sath driver nahi aaya wo kahan rah gaya?" deewan ji nikki ko akela dekhkar bole.
"main use wahi chhod aayi. Usne mujhe pure 20 minute wait karaya. Ab use kuchh to punishment milna chahiye ki nahi?" nikki ki baat se deewan ji khilkhilakar hans pade wahin thakur sahab beti ki shararat par jhenp se gaye.

 

[Mayaviguru]

"main use wahi chhod aayi. Usne mujhe pure 20 minute wait karaya. Ab use kuchh to punishment milna chahiye ki nahi?" nikki ki baat se deewan ji khilkhilakar hans pade wahin thakur sahab beti ki shararat par jhenp se gaye.
thakur sahab nikki ko lekar haweli ke andar dakhil hue. Ghar ke sabhi naukar use dekhne ke liye uske aadesh palan ke liye uske daayen baayen aakar khade ho gaye.
Thakur sahab nikki ke sath hall mein baithe. Deewan ji bhi paas hi baith gaye.
"tumhe aaj apne paas pakar hame bahut khushi ho rahi hai beti." thakur sahab bhavukta mein bole.
"mujhe bhi aapse milne ki badi ichha hoti thi papa. Ab main aapko chhod kar kahin nahi jaungi." nikki unke kandhe par sar rakhte hue boli.
"haan beti, ab tumhe kahin jaane ki jarurat nahi hai. Ab tum hamesha hamare sath rahogi."
Thakur sahab ki baat abhi puri hi hui thi ki haweli ke darwaze se kisi ajnabi ka pravesh hua. Uske hath mein ek suitcase tha. Baal bikhre hue the aur chehre par lambe safar ki thakan jhalak rahi thi.
Nikki ki nazar jaise hi us yuvak par padi wah chaunk uthi. Ye wahi yuvak tha jisse wo railway satation par uljhi thi. Deewan ji use dekhte hi uth khade hue. yuvak bhitar aate hi hath jodkar namste kiya.
"aaiye aaiye doctor babu. Aap hi ka intezar ho raha tha." deewan ji us yuvak se hath milate hue bole. Phir thakur sahab ki taraf palte - "maalik, ye ravi babu hai. maine inhi ke bare mein aapko bataya tha. Bahut shafa hai inki hatho mein."
thakur sahab ne jaise hi jana ki ye doctor hain apne sthan se uth khade hue. Phir usse hath milate hue bole - "aapko koi taklif to nahi hui yahan pahunchne mein?"
"kuchh khash nahi thakur sahab....." wah nikki par sarsari nigaah dalta hua bola.
"aap thak gaye honge. Jakar pehle aaram kijiye. Hum shaam mein milenge." thakur sahab ravi se bole.
"ji shukriya...!" ravi bola.
"aaiye main aapko aapke room tak liye chalta hoon." deewan ji ravi se bole.
Ravi thakur sahab ko phir se namaste kehkar deewan ji ke sath apne room ki aur badh gaya. Uska kamra upar ki floor par tha. Seedhiya chadhte hi left ki aur ek gallery thi. Us aur chaar kamre bane hue the. Ravi ke thaharne ke liye pehla wala room diya gaya tha.
Ravi deewan ji ke sath apne room mein daakhil hua. Room ki sajawat aur kanch ki nakkashi dekhkar ravi dang rah gaya. yun to usne jab se haweli ke bhitar kadam rakha tha khud ko swarglok mein pahuncha mehsus kar raha tha. haveli ki sundarta ne uska man moh liya tha.
"aapko kabhi bhi kisi cheej ki jarurat ho bejhijhak keh dijiyega." achanak deewan ji ki baton se wah chaunka. Usne sahmati mein sar hilaya. Deewan ji kuchh aur aupcharik baate karne ke baad wahan se nikle.
*****
Hall mein abhi bhi nikki apne pita thakur jagat singh ke sath baithi baate kar rahi thi. Naukar daayen baayen khade chav se nikki ki baate sun rahe the. Nikki ki baaton se thakur sahab ke hothon se baar baar thahak chhut rahe the.
"bas....bas....bas nikki beta, baaki ke kisse baad mein sunana. abhi jakar aaram karo. Tum lambe safar se aayi ho thak gayi hogi." thakur sahab nikki se bole.
"ok papa, lekin kisi ko basti mein bhejkar kanchan ko bulawa bhej dijiye. Usse milne ki bahut ichha ho rahi hai." nikki boli aur apne kamre ki taraf badh gayi. Uska kamra Seedhiya chadhkar daayin aur ki gallery mein tha. Wah room mein pahunchi. Nikki wastav mein bahut thakan mehsus kar rahi thi usne ek bath lena jaruri samjha. Nikki bathroom mein ghus gayi. Usne apne kapde utare aur khud ko shwer kr niche chhod diya. Shower se girta thanda pani jab uske badan se takraye to uski sari thakan door ho gayi. Wo kafi der tak khud ko ragad ragad kar shower ka anand leti rahi. Phir wah bahar nikli aur kapde pehan kar kanchan ka intezaar karne lagi. Kanchan uski bachpan ki saheli thi. Nikki ka kanchan ke siwa koi dost nahi thi. waise to nikki bachpan se hi bahut ghamandi aur ziddi thi. Par jhopde mein rahne wali kanchan use jaan se pyari thi. Dono ke swabhav mein zameen aasman ka antar tha. Lekin dono mein ek cheej ki samanta thi. Dono hi maa ki mamta se vanchit thi shayad yahi inki gehri dosti ka raaz tha. kanchan ko haveli mein kisi bhi kshan aane jaane ki azaadi thi. Koi use tok le to nikki pure haveli ko sar par utha leti thi. Thakur sahab bhi bhule se kabhi kanchan ka dil nahi dukhate the. Itne baras kanchan se door rahne ke baad bhi nikki use bhuli nahi thi. Nikki shahar se kanchan ke liye dhero kapde laayi thi, nikki un kapdon ke packet ko nikal kar kanchan ka intezaar karne lagi.
*****
Ravi pichhle 30 minute se apne room mein baitha us naukar ki pratiksha kar raha tha jise usne apne kapde istri karne ke liye diya tha. Sadak ke haadse mein uske kapdon ki istri kharab ho gayi thi. Abhi tak wo unhi kapdon mein tha jo haveli mein ghuste waqt pehan rakha tha. Wo kursi par baitha ulluo ki tarah darwaze ki taraf taktaki lagaye ghure ja raha tha.
*****
"thakk....thakk...!" achanak darwaze par kisi ne dastak di. Nikki uthi aur darwaza tak pahunchi. Darwaza khulte hi saamne ek khubsurat si ladki salwar kameej pehne khadi khadi muskura rahi thi. use dekhte hi hikki ke aamkhon mein chamak ubhri. wo kanchan thi. nikki ne uska hath pakda aur room ke bhitar khinch liya. Phir kaske usse lipat gayi. Dono ka aalingan itna gehra tha ki dono ki chuchiyan aapas mein dab gaye. Nikki is waqt blue jeans aur green tshirt mein thi. kanchan ne use dekha to dekhti hi rah gayi. - "nikki tum kitni badal gayi ho. In kapdon mein to tum bahut khubsurat lag rahi ho."
"meri jaan...tu chinta kyon karti hai. Main tumhare liye bhi aise hi kayi dresses laayi hoon. un kapdon ko pehante hi tum bhi meri tarah hot lagne lagogi." nikki use palang par bithati hui boli.
"main aur aise kapde? Na baba na....! Main aise kapde nahi pehan sakti." kanchan ghabrakar boli - "in kapdon ko pehan kar to main pure gaon mein badnaam ho jaungi. Aur ho sake to tu bhi jab tak yahan hai aise kapde pehanna chhod de."
"koi kuchh nahi bolega, tu pehankar to dekh. Aur tu meri chinta chhod...main to ab hamesha yahin rahungi aur aise hi kapde pehnungi." nikki chahakti hui boli.
"na to tu sada yahan rah payegi aur na hi hamesha aise kapde pehan sakegi." kanchan muskurakar boli - "meri banno aakhir tu ek ladki hai, ek din tumhe vyah karke apne saajan ke ghar jana hi hoga. Aur tab tumhe uske pasand ke kapde pehanne padenge."
Kanchan ki baat sunkar achanak hi nikki ke aage ravi ka chehra ghum gaya. wah boli - "tumhe pata hai aaj raatse mein aate samay ek dilchasp haadsa ho gaya.?"
"haadsa? Kaisa haadsa?" kanchan ke muh se ghabrahat bhare swar nikle.
"station par ek bewakuf mil gaya. Uske paas ek khatara bike thi. Usne mujhe pure 20 minute apne khatara bike ki awaaz se pareshan kiya." wah muskurayi.
"phir...?" kanchan utsukta se boli.
"phir kya...! Maine bhi use uski aukaat bata di. Aur ab wo bewakuf hamare ghar ka mehmaan bana baitha hai. Papa kehte hain wo doctor hai. Lekin mujhe to wo parle darje ka anadi lagta hai." nikki muh tedha karke boli.
"abhi kahan hai?." kanchan ne puchha.
"hoga apne kamre mein. Chalo use maza chakhate hain. Wo apne aap ko bada hoshiyaar samajhta hai." nikki uska hath pakad kar khinchti hui boli.
"nahi....nahi...nikki, thakur chacha bura maan jayenge." kanchan apna hath chhudati hui boli. Lekin nikki use khinchti hui darwaze se bahar le aayi.
Gallery mein aate hi unhe manglu ghar ka naukar seedhiyan chadhta dikhayi diya. Uske hath mein ravi ke wo kapde the jo usne istri karne diya tha. Wah seedhiyan chadhkar baayin aur mud gaya. Uske kadam ravi ke kamre ki taraf tha.
"aye suno...!" nikki ne use pukara.
Naukar ruka aur palatkar nikki ke kareeb aaya. "ji chhoti maalkin?"
"ye kapde kiske hain?"
"doctor babu ke....unhone istri karne ko diya tha. Ab unhe dene ja raha hoon." naukar tote ki tarah ek hi saans mein sab bol gaya.
"in kapdon ko lekar andar aa." nikki ne use ungli se ishara kiya.
Naukar na samajhne wale andaz mein nikki ko dekha phir anmane bhav se andar daakhil hua.
"naam kya hai tumhara?" nikki ne naukar se puchha.
"manglu...!" naukar ne apne daant dikhaye.
"muh band kar...." nikki ne dapta -"ye kapde yahan rakh aur jaakar istri le aa."
"lekin istri to ho chuki hai chhoti maalkin?" naukar ne apna sar khujaya.
"main jaanti hoon. tumhe ek baar phir se istri karni hogi. Hamare style mein." Nikki ke hontho mein rahasyamai muskurahat naach uthi - "tum jaakar istri le aao. Aur abki koi sawal puchha na to papa se bolkar tumhari chhutti karwa dungi. Samjhe?"
"ji...chhoti malikn." naukar sahma - "sab samajh gaya. Main abhi istri laata hoon." wah bola aur teji se room ke bahar nikal gaya.
"tu karna kya chahti hai?" kanchan hairan hokar boli.
"bas tu dekhti ja." nikki ke hontho mein muskurahat thi aur aankhon mein shararat ke bhav, nikki apni yojna kanchan ko batane lagi. Uski baaten sunkar kanchan ki aaknhon mein aashcharya fail gaya.
Tabhi manglu darwaze se andar aata dikhayi diya. Usne istri nikki ke saamne rakha. Nikki ne use electrick point se joda. Kuchh der mein istri bhatti ki tarah garam ho gayi. Usne ek kapda uthaya use khola aur phir jalta hua istri uske upar rakh diya. naukar ne kapdon ki aisi durgati dekha to cheekha. "chhoti maalkin, main aapke paon padta hoon. Meri naukari par raham kijiye. In kapdon ko dekhkar to doctor babu maalik se meri shikayat kar denge. Aur phir meri....?"
"tu chup baith." nikki ne aankhen dikhayi. Aur ek ek karke sabhi kapdon ko garam istri se jalati chali gayi. Phir usi tarah tah karke rakhne lagi. Sare kapde wapas tah karne ke baad manglu se boli - "ab ise le jao aur us ghonchu ke kamre mein rakh aao."
"hargiz nahi." manglu cheekha. -"aap chanen to mujhe faansi par latka dijiye. Ya mera sar katwa dijiye. Main ye kapde lekar ravi babu ke kamre mein nahi jaunga." wah bola aur palak jhapakte hi room se gaayab ho gaya.
Nikki use awaaz deti rah gayi. Manglu ke jaane ke baad nikki ne kanchan ke taraf dekha aur muskurayi. Uski muskurahat mein shararat thi.
"tu meri aur is tarah se kyon dekh rahi hai?" kanchan sahamti hui boli.
"wo isliye meri pyari saheli ki ab ye kapde us akdu ke kamre mein tum lekar jaogi."
"k.....kyaa???" kanchan ghabrayi - " nahi....nahi nikki, main ye kaam nahi karungi. Kisi bhi keemat par nahi. Tumhe usse badla lena hai tum lo. Main is kaam mein tumhari koi madad nahi karungi."

 

[King Aryan]

First For New Thread

 

[aka3829]

Waiting 4 next update

 

[Mayaviguru]

Waiting 4 next update

Kal subah deta hu bhai

 

[king cobra]

awesome story

 

[tpk]

nice story
pl continue

 

[Damha]

Ap ki kal subha kb ho gi

Kal subah deta hu bhai

 

[lone_hunterr]

I have all the updates of this story.
How can I get permission to post them??
More importantly should I post them??