UPDATE - 1
Angel1- Kya lagta hai tumhe ye baccha rah paayega yaha inn logo ke saath.
Angel2- Mujhe nahi lagta main to kahti hu le chalo isko wapas.
Angel1- Chahta to main bhi yahi hu par kya karu God ke aadesh ka ulaghan kaise karu tum hi batao.
Angle2- To kya isko aise hi iss Pritvi par chod de dekh nahi rahe kaise isko akela chod diya iske ghar walo ne pata nahi kaise insan hai wo jara bhi daya nahi aayi iss bacche par.
Abhi ye dono angels baate kar hi rahe the ki ek aawaj aayi unke kaano mein.
"Ye sab uski niyati mein likha hua hai jo hokar hi rahega. "
Angel2- God par kyun iss mashum se bachhe ki niyati aisi likhi aapne kyun.
Angel1- Ye kya kar rahi ho God se sawal nahi karte.
God(Haste hue)- Ye tumse kisne kaha ki God se sawal nahi karte (Angel2 se) tum bhi jaanti ho ye koi aam balak nahi hai aur ye bhi jaanti hogi ki isko kaisi kaisi muskilon ka saamna karna hoga fir bhi ye sawal.
Angel2- Par God ye abhi itna chota hai kya abhi se hi ye sab jaruri hai.
God- Hmm jaruri hai aur iske jivan mein abhi to aisi aisi bahut si ghatnayein bhi honi hai. Chalo ab jis kaam ke liye bheja hai tumhe wo karo aur wapas aao.
Aur issi ke saath God ki aawaj aani band bho jaati hai.
Angel1 aur Angel2 dono hi insano ke bhesh mein aa jaate hai.
Angel2 uss bacche ko jo ki abhi tokri mein rakha hua tha usko uthane ko hoti hai aur tabhi usko jhatka lagta hai par wo kisi tarah khud ko sambhal leti hai aur bacche ko wapas se uss tokari sahit uthati hai.
Baccha ek dum se shant hota hai aur apni do rangi aakho se usko dekhta rahta hai.
Angel1- Tum thik to ho naa God ne kaha tha na isko haath mat lagana fir kyun.
Angel2- Iski aakhen dekho kitni pyaari hai na.
Angel1- Arre tum bhi naa jis chiz ke liye God ne manna kiya bas wahi kare jaa rahi ho chalo ab iski aakhen dekhna band karo aur isko waha le chalte hai jaha iski shaktiyan baandhi jaayegi warna pura ka pura Danavlok yaha aa jaayega.
Angel2- Hmm sahi kaha chalo le chalte hai isse.
Aur issi ke saath dono ne ek baar aaspass dekha jab koi nazar nahi aaya to dono gayab ho kar pahuch gaye ek aashram ke dwar par.
Wahi dwar par uss Aashram ka pahredar khada tha jab usne dono ko dekha to unke kadmo mein gir gaya.
Angel2- Utth jao. Maharishi Vishal ko yaha bolo ki......
Abhi angel2 bol hi rahi thi ke ek bahut hi bujurag sa dikhne wala aadmi dwar par chala aaya.
Usko dekh kar wo dwarpal
Dwarpal- Guruji aapse milne....
Vishal- Pata hai hume vats chalo. Aap dono ko mera kooti kooti pranam.
Angel1/2- Pranam Maharishi Vishal.
Angel1- Vishal aapko to pata hi hoga ki hum kyun aaye hai.
Vishal- Ji pata hai hume aur hum Ishwar ka tahe dil se shukriya karte hai ki hum jaise tuchh manushya ko itna bada kaam diya unhone.
Angel2- Chaliye ab uss kaam ko kar lete hai jiske liye hum aaye hai warna parinam to aap bhi jaante ho.
Vishal- Hmm chaliye
Aur fir tinno hi ek bade se hawan kund ke pass jaa baithe.
Vishal ji baithte hi yug karne lage wahi dono angels bhi kuch mantra padh rahe the.
Karib 30 minute ke baad sab kuch ruk gaya sab kuch ruk gaya ek pata bhi hill nahi raha tha jo panchi jaha par udd rahe the wahi par attak se gaye nadiyon ka pani ruk gaya Pritvi ka ghumna ruk gaya.
Issi ke saath uss hawan kund se bahut hi tej ek roshni nikli aur uss bache ki oor badh gayi aur dekhte hi dekhte wo roshni uss bacche mein samane lagi aur wo baccha uss tokri se nikal hawa mein tairne laga aur uss roshni ne uske charo oor ek gher liya aur ek gola jaisa ban gaya uss bacche ki oor aur fir sab acchanak se shant wo baccha Angel2 ke goad mein chala gaya tha.
Jaise hi ye hua sab kuch normal ho gaya hawa chalne lagi panchi wapas udne lagi nadiya fir se bahne lagi.
Vishal- Lo ho gaya mera kaarya sampan.
Angel2- Hmm ho gaya ab aap aaram kare.
Vishal- Ek baat to bataiye aap dono iss balak ko paalega kon.
Angel1- Iski hi bua palegi isko ab aap hume chalna chahiye Maharishi Vishal.
Maharishi Vishal ke aashram se nikal kar dono hi uss bacche ke saath pahuch gaye ek choti si jhopdi mein jo ki saher se dur bana hua tha.
Angel1 ne darwaje par dasthak di.
Thodi der main hi darwaja khula ek bacchi ne khola tha darwaja. Bahar ajnabiyon ko dekh wo thodi ghabrayi jarur par iss baat ko apne chahre par nahi aane diya.
Ander se ek aurat bolti hii aayi
Aaurat- Kon hai Prachi beta.
Prachi uss aurat ke bacchi ka naam hai.
Prachi - Pata nahi mummy.
Itne mein wo aaurat pahuch chuki thi uss gate par.
Aurat- Ji kon hai aap dono aur kya kaam hai.
Angel1 ne uske sar par haath rakha wahi Angel2 ne Prachi ke jiske baad dono ko pata nahi kya hua. Aurat ne uss bacche ko Angel2 ke goad se utha liya aur apni goad mein le liya fir dono ne hi angels ko pranam kiya aur fir darwaja band karke ander chali aayi.
Thodi dair baad uss aurat ne apna chota sa phone nikala aur kisi ko call kiya.
Call pick hua.
Aaurat- Sunniye Prachi ke papa kya aap ghar aa sakte ho jaldi.
Phone- Kya baat hai Janki tum thik to ho hamari bacchi thik to hai na.
Janki uss aurat ka naam hai
Janki- Ji hum tinno thik hai par kya aap ghar nahi aa sakte.
Phone- Tinno ? Ye tisra kon aa gaya. Tumne dawayi to li thi naa kahi bhul to nahi gayi thi.
Janki- Ji ab mein bilkul thik hu mera beta jo mil gaya hai mujhe.
Phone- Jaanki tum phone prachi ko do main abhi nikal raha hu.
Jaanki ne phone praachi ko diya.
Phone- Beta meri baat sunno main abhi ghar ke liye nikal raha hu tum apni mummy ka dhyan rakhna saayad unko fir se daure pad rahe hai .
Prachi kuch bolti usse pahle hi phone kat gaya. Prachi ne bhi phone rakh diya konne mein aur apni Maa ke pass chali gayi aur uss bacche ke saath khelme lagi.
Karib 20 min baaad ghar mein ek aadmi ki entry hui jo haaaf raha tha dekhne se lag raha tha ki bahut dur se daudhta hua aa raha hai.
Aadmi- Jaanki prachi kaha ho tum sab kaha ho...ye baccha ye kiska baccha hai.
Janki- Kiska se kya matlab hamara baccha hai ye dekho kitna pyara hai na.
Aadmi- Prachi beta ye baccha kaha se aaya.
Prachi- wo papa koi naa isko waha bahar ghar ke pass chod kar chala gaya tha aur jab Mummy ko iski aawaj sunnayi di to wo isko le aayi ander.
Wo aadmi kuch der to bas dekhta raha uss bacche ko aur apni biwi ko jo uss bacche ko goad mein le kar kaafi khush thi usko ek ummid ki kiran nazar aayi aur usne tay kar liya ki wo iss bacche ko apnayega.
Aadmi- Jaanki mujhe bhi to do main bhi to millu apne bete se.
Jaanki- Arre abhi nahi baad mein deti hu abhi to ye mere pass hi rahega.
Aadmi- Thik hai par iska kuch naam waam bhi socha hai yaa bas yun hi.
Jaanki- Iska naam Harsh hoga Harsh mera beta Harsh.
Aadmi- Tumhara nahi humara beta Harsh Janki aur Jay ka beta Harsh.
Prachi- Aur mera bhai
Jay uss aadmi yaani Jaanki ke pati kaa naam hai.
Jay- Haa aur humari pyari gudiya Prachi ka chota bhai Harsh
for new story thread