☺☺☺
UPDATE -1☺☺☺
LOCATION - MUMBAI
PLACE - city ke bicho bich
" Alfa tum muze sun sakate ho mai agent Agni bol raha hu".
Agar sun sakate ho to jaldi reply do.
Ek ladaka ghayal avastha mai apane comunicator se kisi se sampark karane ki koshish kar raha tha.
Use bahot si chote lagi thi aur usake sharir pe goliyon ke nishan bhi the jinase ab bhi khun nikal raha tha. Agar use dhyan se dekhe to wo lagabhag 25 - 27 sal ke umra ke bich ka lag raha tha apane yovan ke charam seema pe tha kasarati badan dikhane me ekdam handsome kisi hero ki tarah par abhi hum ye koi bhi chij usake sharir me nahi dekh sakate the.
Us ladake ke aas pas bahot se log mare pade the jinako isi ladake ne mara tha.
Ye ladaka kisi road ke bich me khada tha aur usake hath me ek AK -47 gun thi jisame se ab bhi dhua nikal raha tha.
Alfa 123 kya tum muze sun sakate ho muze answer do kya tum meri madad kar sakate ho.
Aur itane kahate hi wo niche gir jata hai.
Par wo jaise taise himmat karake khada ho jata hai. Aur pas me khade fighter plane se tik kar khada hota hai. Kyo ki usake jism me abhi itani bhi jan nahi thi ke wo apane pairo pe thik se khada ho sake. Hum usake chehare pe saf dard dekh sakate the usake munh se khun nikal raha tha.
Wo ladaka aur koi nahi ek RAW agent tha jo hamare desh ke liye kam karata tha.
Aur usane abhi jin logon ko mara tha wo terrorist the jo hamare desh galat maksad se aye the.
Aur abhi wo headquarter se sampark kar rah tha.
"Alfa 123 muze jawab do kya tum muze sun rahe ho."
Dusari taraf se awaj ati hai.
"Ha agent agni hum tumhe sun rahe hai." Tum chinta mat karo tumhare taraf hamari team aa rahi hai wo tumhe resque kar legi.
Tum sir 5 minutes wait karo.
Agni - chillakar " hamare pas aur wakt nahi hai in logone apane sath time bomb laya hai aur abhi ye active hai. Ye bahot hi advanced aur complicated hai mai ise defuse nahi kar sakata.
Agar ye phut gaya to ye puri mumbai ko tabah kar dega aur mai aisa kabhi hone nahi dunga itana kah kar wo khun ki ulti kar deta hai.
Location - Agyat sthan Raw headquarter.
Abhi raw headquarter mai afara tafari machi hue thi kyon ki hamare desh ke military me koi jasoos tha jisane atankawadiyon ko hamare desh me bomb lane ke liye madad ki thi aur unhone ek fighter plane churaya tha jisame unhone ek time bomb fit kiya tha jisame uranium ki matra itani thi ke agar wo phute to usase puri mumbai khatm ho jaye.
Par in sabhi atankawadiyon par hamare desh ka ek jabaj agent bhari pad gaya tha jo ki AGNI tha.
Ek aisa agent jisake dil me sirf matrubhumi yane apana desh tha.
Wo jo bhi karata wo sirf aur sirf apane watan ke liye karata. Usake record me aaj tak koi bhi mission incomplete nahi tha. Sabako pyara aur utana hi khataranak jisako dusare desh ke agents Lucifer maut ka farishta is dusare nam se bhi janate the.
Usaka manana tha ke usake har ek khun ke katre par sirf usake pyar ka yane ki watan ka hak hai.
Wo aaj bhi ye hak ada kar raha tha wo bhi apane khun se.
Agni - alfa kya tum muze plane udane madad kar sakate ho mai is plane uadakar asaman mai le jana chahata hu jisase mumbai is khatre se bach jayegi.
Alfa- par isame tum mar jaoge.
Agni - ha ha ha hasate hue josh me aaj tak maine hajaro dushamano ko mara hai.
Par agar mere mout se mere desh ka ek bhi adami bach jaye to mai mout ko hasate hue kabool karunga.
"Mere khun ka ek ek katra is mitti ke liye kurban."
Aur itana keh kar wo fighter plane me chadh jata hai.
Headquarter me ye sab kai agent sun rahe the.
Alfa - ha agent mai apaki madad karungi plane udane me.
Dusari aur jo bol rahi thi ye ek ladaki thi jo usase bahot pyar karati thi. Par ek agent ke life pyar ke liye koi jagah nahi hoti.
Alfa use plane start karane me madad karati hai.
Plane road par speed me chalane lagata hai road sidhi aur khali thi is liye use koi takalif nahi hoti.
Aur wo plane ko hawa me udan bharane me kamayab hota hai abhi bomb ko phatane me sirf 2 minute bache the ke tabhi agent ke jeb mai rakhe phone par ek call aa jata hai.
Jisame ringtone baj rahi thi......
Watanwalo watan na bech dena
Yeh dharatee yeh gagan na bech dena
Shahido ne jan dee hai watan ke vaste
Shahido ke kafan na bech dena
Dosto sathiyo ham chale, de chale apna dil apni jan
Take jita rahe apna hindustan
Ham jiye ham mare iss watan ke liye, iss chaman ke liye
Take khilte rahe gul hamesha yaha, dosto, sathiyo
Dosto se milo dosto kee tarah
Dushmano se milo dushmano kee tarah
Jina kya, marna kya, bujdilo kee tarah
Keh raha yeh watan, yeh jamin aasman
Maao ne apne bete diye, naujawan sochkar aur kya
Take jita rahe apna hindustan
Matrabhumee kaa dil too nahee todna
Desh ke dushmano ko nahee chhodna
Marna jina tujhe iss watan ke liye
Farj apna nibha de awan ke liye
Naj tum pe kare yeh jamin aasman
Dete hai yeh duwa, take jita rahe apna hindustan
Desh ke nam apni javanee likhee
Yeh javanee hai kya, jindganee likhee
Bas yaha tak kee hamne kahanee likhee
Abb likho iske aage kee tum dastan
Abb likho iske aage kee tum dastan, farj kar do ada
Take jita rahe apna hindustan, dosto sathiyo ham chale
De chale apna dil apni jan, take jita rahe apna hindustan
Fighter plane ne awaj ki gati se bhi jyada speed me vayumandal me pravesh kar liya tha.
Agni har ek second ke sath apane mout ko aur najadik mehasus kar raha tha par use garv tha ke apane papa ki tarah apani jan apane desh ke liye de raha tha.
Par usake dil me ek kami bhi thi ke agar use dusra janm mile to wo apani jindagi puri tarah se ek normal tarike se jiyega.
................
Aur is ringtone ke khatm hone sath hi awaj ati hai .........
.......................booom................
Aur phir headquarter me sannata cha jata hai.
Headquarter mai sabake ankhonme ansu the.
Aaj desh ne ek anmol hira hameaha ke liye kho diya tha.
Ye sab ho gaya tha par mumbai wasiyonko koi bhi khabar nahi thi ke abhi abhi kya hua hai.
Agent agni ne karodo logonko bachate hue apani jan kurban kar di thi na to usane marane ke bad kuch chaha tha aur na hi marane ke pehale ek niswarth jindagi jo har kisi ke bas me nahi hoti.......
