Update : 17 (Ek aur Kahani)
Vahi dusri aur gaanv ke kisi ek ghar me
“maut aa rahi hai, ab kisi ka bhi bachna asambhav hai” ek budhe chache nind se achanak jagte hue bolte hue voh upar asmaan me dekhne lage
Ab aage…
Subah hote hi Aryan apni jeep lekar Mussoorie jaane ke liye nikal padta hai, vese toh Aryan ne unn dono ladkiyo ko 10 baje milne ke liye bulaya tha, lekin voh khud 9 baje hi vanha pahuch gaya tha
Voh sidhe Hotel Legend Inn jaata hai, aur reception par jaakar apna ID dikhata hai, aur usne pucha “kya mai tumhare manager se baat kar sakta hu”
Reception vala id dekhkar kehta hai “thik hai sir, mai unhe bulata hu” aur voh apne manager ko phone kar deta hai
Thodi der me voh manager aa jaata hai, Aryan ko dekhkar voh kehta hai “haa khaiye sir”
Aryan aaj jaanbujkar civil dress me aaya tha, voh manager se kehta hai “kya kahi aur jaakar baat kar sakte hai, janha thoda safe ho”
Manager “aisi toh kya baat hai sir, aap chahe toh hum kisi room me jaa sakte hai”
Aryan “hmm..thik hai” aur fir voh dono ek room me chale jaate hai
Manager “haa sir, kya puchna hai aapko”
Aryan “kal ek inspector aaya tha, Rahul Sharma ke baare me puchne ke liye”
Manager “haa sir, muje yaad hai..maine hi kal unse baat ki thi”
Aryan “acha, toh kya apne police complain nahi karwayi unke 10 din tak laapata hone par”
Manager “sorry sir, but Rahul sir akshar hamare hotel me aate rehte hai, aur kabhi kaabar voh bina bataye hi ese kuch dino tak hotel nahi aate”
Aryan “toh tumne kabhi unse puchna jaruri nahi samja..??”
Manager “nahi sir, actually me voh hamesa har din ka payment karte hai, toh hum log bhi jyada puchtach nahi karte”
Aryan “matlab khali room ka bhi rent de dete hai..??”
Manager “haa sir”
Aryan halka sa gusse me aate hue kehta hai “itni badi larpawahi, sach me tum sale paiso ki lalaach me kya kya kar dete ho”
Manager halka sa darr jaata hai, voh puchta hai “par sir baat kya hai..?? Sunil bhai ne bhi kuch nahi bataya”
Aryan “murder hua hai, Rahul ki dead body hume 10 din pehle bahut hi bure haalat me jungle me mili thi, aur unki wife aaj bhi gayab hai”
Manager yeh sunkar dang rah jaata hai “kyaaaa..??”
Aryan “haaa, kuch bata sakte ho unn dono ke baare me, koi behas hui ho yaa kuch bhi jo ajeeb laga ho”
Manager yaad karte hue “nahi sir, aisa toh kuch yaad nahi aa raha, infact voh dono jab yanha aaye toh kaafi khush the”
Aryan “acha, aur voh kitne din se yanha par ruke hue the”
Manager “yahi koi do hafte se”
Aryan room me ghumte hue bola “14 din..jisme se 11 din se toh voh laapata hai” aur voh firse apni baat ko dohrata hai “iske bawjood bhi tumne yeh baat police ko bataana jaruri nahi samja”
Manager “sir, galti ho gayi, darasal Rahul sir regular cutomer hai, aur voh hamesa advance me hi karma book kar dete hai..toh humne bhi iss baare me utna jyada dhyaan nahi diya, we are sorry sir”
Aryan “sorry, huh, khair tum jese paiso ke lalchi logo ka kuch nahi ho sakta” usne ghurte hue manager se kaha “kitne din ke liye advance booking kiya tha”
Manager “sir voh mai system me dekhakar bata dunga”
Aryan “thik hai, chalo” aur voh dono firse recepetion me aajate hai
Manager reception ke system me search karte hue kehta hai “sir, unka booking 20 din ke liye tha”
Aryan “uhmm, aur voh dono yanha kese aaye the..any details”
Manager dekhte hue “haa sir, voh apni personal car se aaye the, Delhi se”
Aryan apne man me sochta hai “uhmm, matlab naksh ko vakahi me iss baare me kuch bhi nahi pata” fir usne ek aur sawal kiya “thik hai, muje iss bill ki ek copy print kare de do” uske baad voh bill ki copy lekar hotel se bahar chala aaya
Hotel se nikalkar voh sidhe Mussoorie ke local police station chala jaata hai, aur voh vanha ke inspector se milne uski cabin me chala gaya
Inspector “haa boliye sir, kya madad kar sakta hu mai aapki”
Aryan “actually mai ek case ke silsile me yanha aaya hu, kya aapke yanha par kisi Bhoomi Gupta ne koi report likhvayi hai”
Inspector “kiss baare me..??”
Aryan “unke husband Rahul ke laapata hone, yahin koi karib 10 din ke aaspass”
Inspector yaad karte hue naa mein apna sar hilata hai “aisa toh kuch muje yaad nahi aa raha, par fir bhi mai register me dekhkar kar me ek baar dekh leta hu”
Fir voh constable ko register lekar bulata hai, lekin usme koi complain nahi milti “nahi Aryan, aisi toh kisi ne koi complain nahi likhi”
Aryan “kya mai dekh sakta hu”
Inspector voh register dete hue “ha bilkul”
Aryan ne uss me dekha par koi complain nahi thi, yeh dekhkar voh soch me pad jaata hai, voh inspector “agar bura naa mane toh kya mai jaan sakta hu ki yeh Rahul kaha se laapata hua tha”
Aryan “exactly toh muje bhi nahi maalum, par unka mobile location yahi Mussoorie me last trace hua tha”
Inspector “ese me toh kahi bhi ho sakta hai, mai ek kaam karta hu, mere under jitney bhi police station se aate hai, mai unn sab se ek baar puch leta hu”
Aryan “bilkul, thanks for the help” fir voh inspector ko apna number dekar use haath milate hue vanha se bhi chala jaata hai
Police station se Apple garden ke aur jaate hue voh apne mann me soch raha tha “bhabhi, kaha ho aap..??”
Khair Aryan ko iss baare me toh jawab nahi milta, par kuch sawalo ke jawab the jo aaj use Sonali se milkar milne vaale the
Voh 10 baje hi apple garden chala jaata hai, aur use vanha par Naina aur Sonali dikh jaati hai
Sonali ne aaj ek normal sa kurta pehna hua tha, aankho me halka sa kaajal, aur koi make-up nahi, uske dekhkar Aryan ek pal ke liye uss maasum se chehre ko dekhte reh jaata hai “koi itna bhi khubsurat ho sakta hai” sonali ke karib jaate hue voh apne mann me kehta hai
Aryan ko dekhkar Naina use greet karti hai “good morning sir”
Aryan bhi unn dono ko greet karte hue kehta hai “koi pareshani toh nahi hui”
Naina “nahi sir, hum ghar se kehkar aaye hai ki hum Mussoorie ghumne jaa rahe hai”
Aryan “good” fir voh sonali ki aur dekhte hue kehta hai “thanks for the help sonali ji, aap nahi jaanti ki aap meri kitni madad kar rahi hai”
Sonali uski aur dekhte hue bade hi pyaar se kehti hai “agar aap bura naa maane toh kya mai aapse kuch keh sakti hu..??”
Aryan “haa boliye na”
Sonali “please, agar aap jinda rehna chahte ho toh aap yanha se chale jaiye, voh jungle…voh jungle shrapit hai, voh kisi ko nahi bakshta”
Aryan “meri fikar ke liye aapka bahut bahut shukhriya, lekin itna aage aakar mai vapas nahi jaa sakta” fir voh thoda sa nirash hote hue kehta hai “uss jungle me kahi masoom logo ki jaan gayi hai, uss khooni ko jald se jald pakadna hoga”
Sonali “nahi pakad payenge aap, kyunki use pakad ne ke liye uska dikhna bhi jaruri hai”
Aryan uski aur sawaliya bhari najro se dekhte hue kehta hai “mai kuch samja nahi, aapke kehne ka kya matlab hai”
Sonali bhi thodi si ruansi hote hue kehti hai “kuch nahi, aap nahi samjenge”
Aryan “aap ek baar bata kar toh dekhiye, kya aap nahi chahti ki aapke behen ke khooni ko saja mile”
Apni behen ke baare me sunte hi Sonali gusse se Naina ki aur dekhne lagti hai, usne bhari gale se kaha “kyu..??”
Aryan aur Naina ki baate
Aryan “please agar aap jaanti hai toh please meri madad kijiye, aap jaanti hai ki uss jungle me kitne hi masoom log mar rahe hai, agar aap dono meri madad karegi toh shayad..shayad mai uss khooni tak pahuch sakta hu”
Naina “thik hai, par…”
Aryan samaj jaata hai ki naina kya kehna chah rahi hai “aap fikar naa kare, mai kisi ko kuch bhi nahi bataunga, I promise”
Naina “actually, baat yeh hai ki Sonali ki ek choti behen thi”
Aryan “thi se kya matlab hai aapka..??”
Naina “uska khoon ho gaya tha, usi jungle me”
Aryan thoda shocked hote hue kehta hai “kyaaa..?? kab..??”
Naina “karib 4 saal pehle”
Aryan “kya naam tha uska”
Naina “Shreyashi”
Naam sunte hi Aryan apni list dekhne laga, lekin yeh naam use kahi nahi mila “yeh kese ho sakta hai..?? Shreyashi ka naam iss pure list me nahi hai”
Naina “voh isliye nahi hai, kyunki, sarpanch ne sabhi se keh diya tha ki voh iss ka jikra bhul se bhi kabhi naa kare”]
Aryan “par kyu..?? voh nahi chahte ki unki beti ke khooni ke baare me pata chale”
Naina “sir, iss baare me toh mai kuch nahi jaanti, lekin Sona ne uss waqt aapke jese inspector se madad maangi thi, aur voh sona ke saath ek din jungle me bhi gaye the, lekin..” voh bolte hue ruk jaati hai
Aryan “lekin kya..??”
Naina “lekin jab voh jungle se laute..toh voh unka mansik santulan bigad chukka tha, voh pagalo ki tarah karkat karne lage the”
Aryan “par kyu..??”
Naina “muje nahi pata sir, aur maine sonali se bhi kahi baar puchne ki koshish ki, par usne bhi muje kabhi kuch nahi bataya”
Aryan “shukriya, aapne bahut madad ki hai meri”
Naina “mai vaada toh nahi kar sakti, lekin mai sona ko samja ne ki puri koshish karungi ki voh aapse baat kare”
Naina “I am sorry sona, but mai tuje ese rote hue nahi dekh sakti, aakhir kab tak hum uss sachai se bhagte rahenge, kabhi na kabhi toh tuje voh sach batana hi hoga”
Aryan “dekhiye sonali ji, aap naina ji par gussa naa kariye, maine hi unhe uksaya tha”
Sonali “kyu kar rahe ho aap aisa..?? aapko apke jaan ki fikar nahi hai..??”
Aryan “marna toh har kisiko ek na ek din hai, lekin yeh mera farz hai ki jo aapke saath hua hai voh kisi aur ke saath naa ho”
Sonali ki aankho se ek aansu nikal aata hai, Aryan use kehta hai “dekhiye muje galat naa samajyega sonali ji, par aapke papa jo kar rahe hai voh galat hai”
Sonali “muje nahi pata papa ne kyu shreyashi ki maut ko chupaya”
Aryan samaj nahi paa raha tha ki voh kese kahe “mai aapke behen ki baat nahi kar raha” usne atak te hue kaha
Sonali thodi sawaliya bhari najro se dekhti hai, Naina “fir..?? apke kehne ka kya matlab hai”
Aryan “yaad hai jab mai pichli baar aapke ghar aaya tha” sonali ne apna sar haa mein hilaya “maine ek juthi kahani batayi”
Sonali ka dil iss waqt kaafi joro se dhadakne laga tha “kk..kkonnsssiiii..??”
Aryan “maine unse yeh kaha tha ki jo mere pehle ek inspector tha, voh ek chitti chod gaya tha, unn char logo ki maut ke baare me, jiski hamare pass koi details available nahi hai..unn char mese 1 ladka tha aur 1 ladki, iss baat par unhone ese reaction diye jese voh yeh baat pehle se hi jante ho aur voh iss baat ko chupa rahe hai”
Sonali “isse toh kuch pata nahi chalta”
Aryan “haa bilkul, dekhiye sonali ji, ab thoda dhyaan se suniye, jo baat mai aapko batane jaa raha hu, shayad aapko bura bhi lag sakta hai”
Naina “sir, esi toh kya baat hai jise batane me aap itna dar rahe hai”
Aryan “muje uss baat ka pata chal gaaya hai ki Vikram apni beti ki maut ke baare me kyu kisiko batana nahi chahta..aur kyu Sonali ji ko bhi uss baat ke baare me kisi se bhi batane ke liye mana kar raha hai”
Sonali “kya pata chala..?? papa aisa kyu kar rahe hai..??” usne darte hue pucha
Aryan “maine already Vikram ke sare phone tap karwaye hai, aur usse muje yeh jaankari mili…..”
Sonali ke yeh sunte hi uske pairo ke niche se jamen khisak gayi, voh khud ko sambhal nahi paayi aur voh vahi par gir padi
Naina aur Aryan dono hi use sambhalte hai, lekin shayad jo darr uske mann me tha voh sach bankar sabke samne aa gaya tha..voh ab khud ko jyada der nahi rok paati hai…yeh sunna tha ki uski aankho se aansu behne lage aur dil ka bhoj jo voh itne din se apne andar rakhe hue the voh sab ek-ek karke bahar aane lage
To be continued…..
Naina ji 
the Great Horror King 
