Update : 22 (Firse)
Ayush “haa bolo, kya baat hai..??”
Sonali “ayush..shreyashi, voh” kehte hue voh ayush ke gale lag jaati hai aur jor jor se rone lagi
Aayush samaj jaata hai ki sonali kya bolna chahti hai “kisne maara..??”
Sonali use sabkuch bata deti hai jise sunkar Ayush “don’t worry, hum dubaara uss jagah jayenge, lekin uske pehle muje kisi se milna hoga”
Ab aage….
Sonali sawaliya bhari najro se dekhte hue puchti hai “kisse milna hai..??”
Aayush “agar yeh sach hai..toh I am sure ki unn sab ki PM jarur hui hogi”
Sonali “lekin papa ne toh saaf kaha tha ki voh police ko involve nahi karna chahte”
Aayush “haa, ho sakta hai…lekin kuch toh aisa jarur hai jo aapke chupa rahe hai” usne thoda shaq karte hue pucha
Sonali “ayush, tumhe kyu aisa lag raha hai’
Aayush “kyunki hamare pass Rahul, Sid aur Aashi ki PM report hai, lekin Shreyashi ki nahi”
Yeh sunkar Sonali chaunk jaati hai “kya..?? par kyu..i mean unn tino ka PM hua hai toh papa ne Shreyashi ka PM kyu nahi karwaya..??”
Aayush “yahi par toh kuch gadbad hai..yaa toh fir PM jarur hua hai lekin usme kuch aisa hai jo voh kisi ko batana nahi chahte”
Sonali “thik hai, lekin mai tumhare saath chalungi” ne jidd karte hue kaha..aur aayush sonali ke dost hone ki vajah se use mana nahi kar paaya
Aryan “kya..?? Shreya ke maut ke baare me Vikram ne kyu kuch nahi bataya” Aryan ne sonali ki baat ko bich me kaat te hue pucha
Sonali uski aur dekhti hai aur apni baat usne aage continue rakhi
Mai aur inspector Doctor verma ke vaha pahuche, aur hume dekhkar voh doctor kehta hai “Aayush, kya baat hai, yanha par kese”
Aayush meri aur dekhte hue “doc, yeh Sonali hai..gaanv ke sarpanch ki badi beti”
Mera naam sunkar voh doctor thoda ghabra jaata hai, lekin usne turant hi khud ko sambhala aur meri aur dekhte hue “haa mai janta hu inhe..kahiye, kya madad kar sakta hu aapki”
Maine bade hi muskil se pucha “kya aap bata sakte hai ki Shreyashi ki maut kese hui..??”
Doc Verma “shreyashi..voh kaun hai..??” usne aayush ki aur dekhte hue kaha “inspector, aesi toh koyi body mere pass nahi aayi”
Mai halka gussa karte hue “juth bol rahe hai aap, aap jaante hai mai kiski baat kar rahi hu..unhi charo mese ek laash meri behen ki bhi thi”
Aayush “dekhiye doc, agar aap kuch chupane ki koshish kar rahe hai toh uska anjaam bura hoga..Rahul, Sid aur Aashi ke saath Shreyashi bhi uss jungle me mari gayi thi”
Verma thoda haklate hue “mai juth nahi bol raha”
Aayush “are you sure doctor ki aisa koi nahi aaya..??” fir voh chalte hue thoda side ma aaya “toh fir vikram ji ne mujse yeh kyu kaha ki muje aapse jaakar milna chahiye”
Verma thoda chaunk jaata hai “kya tumhe sarpanch ji ne bheja hai” uski aawaaz achank se badal jaati hai
Tabhi aayush meri aur dekhte hue ishara karta hai, aur uska ishara samajte hi maine uss doctor se kaha “toh aapko kya lagta hai ki mai yanha kyu aayi hu doctor..?? apni behen ka shok manane ke vajay mai aapke hospital me kya kar rahi hu..??” halka sa gussa karte hue pucha
Verma “nahi, actually aapke papa ne muje dhamki dete hue kaha tha..ki agar maine yeh baat kisi ko bhi batayi toh…” voh aage nahi bol paata
Aayush “relax doc, Sonali meri dost hai, isiliye unhone yeh case muje saunpa hai..agar aap meri madad karenge toh mere liye aasani hogi”
Uski baat sunkar voh doctor kehta hai “Shreya ke marne se pehle..uska Rape kiya tha, bechari marne se pehle bahut tadpi hogi, uske sharir ke andruni hisse iss kadar damage ho gaye the..” voh aage kuch nahi bol paaya
Mere liye yeh sunna bahut muskil tha, maine ruansi awaaz me pucha “doc kisne..??” lekin mai jyada nahi bol paati aur meri aankho se aansu nikal jaate hai
Verma “sid ne, aur sirf itna hi nahi, uss bechari bacchi ka haath tak kaat diya tha”
Mere liye aur sunna muskil tha..mai khud ko sambhal nahi paayi aur vahin par behosh hokar gir padi
Kuch der baad jab muje hosh aaya toh mai hospital ke bed par leti hui thi aur Aayush mere pass baitha hua tha
Muje hosh me aate dekh Aayush kehta hai “sona, I think hume yanha se chalna chahiye”
Mai rote hue kehti hu “kyu aayush..?? papa ne itni badi baat kyu chupayi..??”
Lekin aayush kuch nahi bolta, aur uske aisa bartaav karte hue mai jor jor se roni lagi..lekin ek baat thi jo aayush ko pareshan kar rahi thi..lekin mai chahkar bhi usse puch nahi paati
Kuch der baad hum hospital se nikal jaate hai, aur aayush ne Doc ko ek aur dhamki dete hue yeh keh diya ki voh iss baare me kisiko bhi naa baataye..yanha tak ke mere papa ko bhi nahi
Aayush jeep drive karte hue puchta hai “sona, voh jagah..kya tum jaanti ho voh kaha thi”
Achanak se aayush ke kiye hue sawaal muje samaj nahi aaya “haa..par kyu..??”
Aayush meri aur dekhte hue kehta hai “sona, kuch toh gadbad hai, hume vaha jaana hoga”
Mai “abhi..??” mere dil me vahi darr firse umad aaya
Aayush “haa sona, hum abhi vahi jayenge” kehte hue usne jeep ko uss jungle ki aur mod diya
Mai “nahi aayush, iss waqt nahi..aur abhi sham bhi hone vali hai, hume iss waqt uss jungle me nahi jaana chahiye” mene darte hue Aayush se kaha
Aayush “sona, agar Shreya ke khooni tak pahuchna hai, toh hume abhi jaana hoga..shayad hume kuch clue mil jaaye” ek alag chamak uski aankho me dikh rahi thi
Mai “tu kya soch raha hai, mai dekh rahi hu..jabse uss doctor ne shreyashi ke baare me bataya hai tabse tu pareshan hai” yeh kehte hue fir ek baar meri aankho se aansu nikal aaye
Aayush ekdum gambhir hote hue bola “sona, voh atyachar sirf Shreyashi par nahi..Aashi par bhi hua tha, bas farak itna tha ki aashi ke saath vesa kuch nahi hua..lekin use bhi bahut behrehmi se maara gaya tha”
“mai kuch samaj nahi rahi” uski baat sunte hi maine sawaal kiya
Aayush “aashi ke saath jabardasti karne ki koshish jarur ki gayi thi, uske sharir ke kahi saare ango par chaut ke nishan mile the..lekin uske marne ki vajah dil ka dohra tha, aur uske baal..maano uske sar ke saare baal..aisa lag raha tha jese khich kar nikal diye gaye ho”
Yeh sunkar mai bhi seham jaati hu “koi itna behreham kese ho sakta hai”
Aayush “yakeen maan sona, abhi toh aisa kuch hai jise sunkar tu khud samaj nahi paayegi”
Mai “aisa kya hai aayush..??”
Aayush “PM report ke mutabik, Rahul ne aashi ke saath voh karne ki koshish ki thi..aur aashi ne apne bachav me Rahul par kayi vaar bhi kiye the, aur vahi sid ne shreyashi ke saath aisa kiya..toh fir voh maara kese gaya..??”
Yeh sunkar mai bhi chaunk jaati hu “yeh kese ho sakta hai..?? papa ne toh kaha tha ki Rahul bhi maara gaya tha”
Aayush “haa sona, Rahul ki maut uske dil ke nikaal dene ki vajah se hui thi..aur sirf itna nahi..uska taaja dil Sid ne khaaya tha, kyunki uska maans Sid ke daanto me paaya gaya hai aur jab Sid ki laash mili tab Rahul ka dil uske haath me tha”
Yeh sunkar muje ghiinn si aane lagti hai “fir sid ko kise mara..??” maine badi muskil se sawaal kiya
Aayush “yahi toh gadbad hai, sid ki maut ke baare me koi proper reason nahi mila..i mean uske sharir par kahi bhi gaanv ke nishan nahi the..aur naa hi use koi andruni chaut lagi thi”
“matlab voh aviay mar gaya..??” sawaliya bhari najro se dekhte hue maine Aayush se sawaal kiya
Aayush “haa, isiliye muje vaha jaana hai” uske baad maine Aayush ko vanha ka rasta dikhaya
Kuch der ki baad mai firse uss jagah aagayi thi jaha par maine Shreyashi ko khooya tha
Aaj bhi voh ghar vahi par maujud tha..lekin
To be continued…
harshit bhai 
definitely wohin tharki buddha hain insab ke piche 
lagta hain buddha mansaharee hain 
