Fantasy NAAG MANI

[tpk]

waiting for next

 

[Naina]

Waiting for next update

 

[KOHINOOR]

Very nice update
waiting next

 

[FRIDAY]

Behad hi shandar aur la jawab update hai..
Lagta hai nagin aapna pratishod le raha hai.
Kumar ko yeti ne hamla kor diya.
Kumar aapne pichle janam ke sach ke bare me kab pata chale ga?
Aur hotel pe wo yeti ki tara janwar kiu aya tha?
Dekhte hai aage kia hota hai.

Nice update....
Great going...
Keep it up...
Take care...

 

[Red Skull]

Behad hi shandar aur la jawab update hai..
Lagta hai nagin aapna pratishod le raha hai.
Kumar ko yeti ne hamla kor diya.
Kumar aapne pichle janam ke sach ke bare me kab pata chale ga?
Aur hotel pe wo yeti ki tara janwar kiu aya tha?
Dekhte hai aage kia hota hai.

Nice update....
Great going...
Keep it up...
Take care...

Awesome update

 

[sonukale]

Waiting for next update

 

[Zas23]

NAAG MANI
UPDATE-18​

Humne vahi pahadi ke paas gaon me ek chhote se hotel me raat gujarne ki jagah talash kar ke ruk gaye… mera mann to rukne ka bilkul bhi nahi tha..mujhe alka ki chinta lagi huyi thi.

Mujhe aisa lag raha tha jaise ki alka mujhe baar baar madad ke liye pukar rahi ho….jab mujhse nahi raha gaya to main sab ko bahar se ghum kar aane ka kah kar nikal gaya.

Raat ke sannate me ghumte huye kab mere paanv vaha ke jungle ke andar ki taraf badh gaye mujhe pata hi nahi chal paya…

Mere paanv lagatar jungle ke andar ki oor badhte ja rahe the….aisa mahsoos ho raha tha jaise ki koi aakarsan shakti mujhe apni taraf khich rahi hai aur main uss aakarsan shakti ke vashibhut ho kar chalta chala ja raha hu.

Ab Aage……

Main raat ke uss andhere ko cheerte huye nirantar aage ki oor badha chala ja raha tha…..Jaha himalaya ke uss ghane jungle me din ke samay me bhi surya dev ke darshan bhi atyant kathinayi se hote the….din ke samay me bhi jaha jungle ke bheetri bhag me andhera pasra rahta tha tab raat ki to baat hi alag hai.

Kintu mere upar iss samay jaise ki uss raat ke andhere ka koi prabhav hi nahi ho raha tha…..vo ghanghor andhera bhi mera marg rok sakne me khud ko asmarth mahsoos kar raha tha.

Aur main har khatre se bekhabar satat badhta chala ja raha tha…..jaise koi adrishya shakti mera marg prashast kar rahi ho aur mujhe rasta dikhati ja rahi ho ki kidhar aage jana hai.

Pata nahi main kitni der tak aise hi sammohit hokar uss jungle ke andar chalta raha mujhe kisi bhi vastavik sthiti ka uss samay koi bhaan nahi tha, agar kuch tha to bas itna ki mujhe alka madad ki liye pukar rahi hai aur mujhe usko har sambhav sthiti me bachana hai.

Main yahi sochte huye ja raha tha…kab main himalaya ki barfili tarayi me aa gaya koi pata nahi chala…maine uss barf ke pahad par chadhna shuru kar diya.

Main iss samay kuch bhi nahi janta tha ki main kaha ja raha hu…? Lekin mere pair the ki rukne ka naam hi nahi le rahe the….uss himalaya ke barf se dhake pahad par main lagbhag 400 mtr upar ja paya tha ki tabhi mujhe barf ke upar kisi vishalkaay janwar ke pag chinha dikhe…jisko dekh kar main thithak kar tanik ruk gaya.

Pairo ke nishan to kisi manav ke hi lag rahe the kintu bahut vishal the….kya koi manav itna vishal bhi ho sakta hai..? ya phir ye kisi janwar ke pairo ke nishan hain….? Main uss nishan ko dekhte huye mann hi mann me yahi sochne laga….barf ke upar chaand ki roshni me bilkul spast to samajh me nahi aa raha tha.

Kumar (mann me)—Ye lag to kisi admi ke pairo ke nishan jaise hain…lekin kisi bhi admi ke pair itne bade to ho nahi sakte…to phir kiske ho sakte hain ye nishan…? Kya yaha koi aas paas me janwar hai….? Mujhe aage jana chahiye ki nahi…? Khair chalo aage chal kar dekhta hu…

Main ye soch kar unn pair ke nishan ka picha karte huye phir se barf me upar ki oor chadhne laga…ye nishan jidhar bhi ja rahe the main bhi ussi disha me badhne laga….abhi mushkil se kuch hi door gaya tha ki tabhi mujhe dikhayi diya ki niche barfeeli dhalaan par ek vishalkaay prani chala aa raha hai…jiski aakruti manushya se milti julti lag rahi thi.

Vo prani do pairo se chal raha tha aur uska poora sharir ghane baalo se dhaka hua tha…..aisa lag raha tha jaise ki koi langoor ho….iss tarah ke vichitra prani ko dekhne ki ye mere jeevan ki pratham ghatna thi.

Main uski taraf dhire dhire poori sajagta ke sath badhne laga kintu main uske paas tak pahuchta ki tabhi vo kahi achanak se gayab ho gaya.

Maine apne charo taraf nazar doudayi lekin vo mujhe phir kahi nahi dikhayi diya….maine thak haar kar aage jane ka sochne laga kintu ab mujhe koi rasta hi nahi sujh raha tha ki kis disha me jaoon…? Lekin tabhi mujhe aisa laga ki jaise koi mere bilkul piche khada hai…

Udhar itni der baad bhi hotel nahi loutne par sabhi chinta karne lage the aur baar baar mujhe call lagaye ja rahe the kintu mujhse kisi bhi tarah ka koi bhi sampark sthapit nahi ho pa raha tha.

Kanchan (chinta karte huye)—ye jiju kaha chale gaye…? Unhe gaye huye bahut der ho chuki hai, ab tak to unhe lout aana chahiye tha.

Rastogi—hmmmm

Nandini—kyaaaa hmmmm….? Aap dekhiye na ki vo kaha hai…? Phone bhi nahi lag raha hai uska….ye jagah vaise bhi hamare liye nayi hai….kahi kisi musibat me na pad jaye….?

Rastogi—main bhi to yahi soch raha hu bhagyawan ki gaya kaha hoga….?

Kanchan—to kuch pata lagao na aap papa…..bahut time ho chuka hai…...ab tak to aa jana tha ….aane do jiju ko, aaj unki achchi khabar leti hu.

Rastogi—theek hai main ja kar pata lagata hu.

Nandini—aur suniye jaldi aana…..aap bhi kumar ki tarah gayab mat ho jana…samajh gaye.

Rastogi—hey bhagwan...kisi ne sahi kaha hai ki....

"Jab kisi insaan ke paap ka ghada bhar jata hai to tab uski mrityu ho jati hai
Aur jab kisi insaan ki khushiyo ka ghada bhar jata hai to uski shadi ho jati hai"
​

Nandini (ankh dikhate huye)—kyaaa kaha...ek baar phir se kahna.... ?

Rastogi—arey nahii...nahiii....bhagyawan...main bhala tumhe kuch kah sakta hu.....nikal le beta yaha se warna ye maa beti teri jaan kha jayegi.

Rastogi uncle niche hotel ke reception me ja kar kumar ke baare me puch taachh karne lage kintu usne bhi apni anbhigyata jahir kar di.

Receptionist—mujhe kuch idea nahi hai sir ki vo kaha gaye honge... ?

Rastogi—kaha gaya hoga…?

Recep—aap ne unko call nahi lagaya….?

Rastogi—lagaya tha par out of coverage ja raha hai….lagta hai bahar kisi se ab puchna padega.

Recep—kahi vo jungle ki taraf to nahi nikal gaye…? Bahar koun milega apko Kyon ki andhera hone ke baad to koi yaha bahar nikalta hi nahi hai….

Rastogi—itni raat me jungle me kya karega….? Aur koi kyo bahar nahi nikalta….?

Recep—pata nahi sahab…koi kuch kahta hai to koi kuch….kuch log kahte hain ki yaha bhoot pret rahte hain to kuch kisi vishal janwar ke hone ki baat karte hain…..lekin sach koi nahi janta….haan itna avashya hai ki andhera hone ke baad jo bhi jungle ki taraf gaya vo jinda nahi louta phir kabhi.

Rastogi (chounkte huye)—kyo….aisa kya hai iss jungle me…?

Recep—pata nahi sir….ye aaj tak ek rahasya hi hai sab ke liye…..desh videsh se jane kitne hi log iska pata lagane ke liye aa chuke hain…kayi scientist bhi aaye kintu koi jinda nahi gaya…..jane kya gahra raaz chhupa hua hai yaha jungle ke andar….?

Rastogi (mann me)—hey bhagwan….kahi kumar sach me jungle ke andar to nahi chala gaya…..?

Nice update

 

[Zas23]

NAAG MANI
UPDATE-19​

Recep—pata nahi sahab…koi kuch kahta hai to koi kuch….kuch log kahte hain ki yaha bhoot pret rahte hain to kuch kisi vishal janwar ke hone ki baat karte hain…..lekin sach koi nahi janta….haan itna avashya hai ki andhera hone ke baad jo bhi jungle ki taraf gaya vo jinda nahi louta phir kabhi.

Rastogi (chounkte huye)—kyo….aisa kya hai iss jungle me…?

Recep—pata nahi sir….ye aaj tak ek rahasya hi hai sab ke liye…..desh videsh se jane kitne hi log iska pata lagane ke liye aa chuke hain…kayi scientist bhi aaye kintu koi jinda nahi gaya…..jane kya gahra raaz chhupa hua hai yaha jungle ke andar….?

Rastogi (mann me)—hey bhagwan….kahi kumar sach me jungle ke andar to nahi chala gaya…..?

Ab Aage…..

Rastogi uncle behad pareshan ho gaye….vo chintit mudra me idhar se udhar tahalne lage….tabhi vaha kuch vichitra si awaze sunayi dene lagi…

Ye awaz sun kar dono chounk gaye….hotel me ek gun man guard bhi tha jo ki andar hi baitha hua tha….iss vichitra awaz ne rastogi ke mann me kayi sawal khade kar diye….kuch hi pal me ye vichitra awaz bilkul karib se aane lagi jaise ki koi hotel ke bahar hi ho aur andar ghusne wala ho.

Rastogi—ye..ye kaisi vichitra awaz hai….? Koun hai.... ?

Recep—abe golu jaldi se hotel ka shutter band kar de….pata nahi sahab ye kya bala hai….jab bhi ye awaze sunayi deti hain uske agle hi din kisi na kisi ki laash jungle se baramad hoti hai.

Receptionist ki baat se rastogi ke dil me darr badhne laga ki kahi kumar ke sath koi anhoni na ho jaye....guard ne bhag kar hotel ke sabhi darwaje aur khidkiya band kar di.

Dhire dhire ye awaze aani band ho gayi to unke dilo me jaise jaan lout aayi ho....magar rastogi ka mann abhi bhi kumar ko lekar vyagra ho raha tha.

Rastogi—chalo bahar chal kar dekhte hain ki ye kiski awaz thi..... ?

Recep—kaha sahab aap inn pachdo me phans rahe hain….agar vo kahi yahi aas paas hua aur usne hame dekh liya to kal hamari bhi laash yahi kahi padi huyi milegi.

Rastogi—nahi..kuch bhi ho hame dekhna to chahiye hi…warna tumhari hotel me rukega koun agar aisa darpok ravaiya raha to….?

Recep (lambi saans khich kar)—theek hai sir,….aap jor de rahe hain to dekh lete hain….lekin darwaje ke paas se hi dekhenge…bahar nahi jayenge…..jaan hai to jahan hai.

Rastogi—theek hai

Recep—chal be…gole gate khol aur tu bandook le kar hamare aage rahna.

Teeno mann ko kada kar ke darte darte darwaja khol kar vahi gate par khade hoke idhar udhar taak jhaank karne lage jab koyi nazar nahi aaya tab vo hotel se bahar nikal ke dekhne lage.

Hotel se bahar aane par unhe kisi ke pairo ke nishan dikhayi diye…..un nishan ko dekh kar aisa laga jaise koi vishal manav himalaya ki choti se utar kar unn logo ke hotel tak aaya aur phir lout gaya.

Vahi dusri taraf……..

Maine apne charo taraf nazar doudayi lekin vo mujhe phir kahi nahi dikhayi diya….maine thak haar kar aage jane ka sochne laga kintu ab mujhe koi rasta hi nahi sujh raha tha ki kis disha me jaoon…? Lekin tabhi mujhe aisa laga ki jaise koi mere bilkul piche khada hai…

Ye ehsaas hote hi ek pal ko to mere saare jism me kisi anjane darr ki jhurjhuri si doud gayi….phir bhi maine himmat baandh kar dhire dhire apni gardan ko uss disha me ghumaya.

Meri to jaan hi halak me atak gayi…mere samne lagbhag dus foot ooncha vishal manav jaisa koi khada tha…. Uske poore sharir par karib teen inch lambe bhure (brown) bhure rang ke baal the.

Badi badi bhuri bhuri aur neeli ankhe thi….chehra aadha kisi langoor aur aadha manav jaisa tha….main kuch karne ka soch pata ki tabhi usne achanak se utha kar door phenk diya….

Main bahut door ludhakte huye ja kar gira aur mera sir kisi bhari cheez se takra gaya….jiski vajah se meri ankho ke samne andhera chhane laga…..

Vo jo koi bhi tha, phir se mere paas pahuch gaya….aur agle hi pal mere dekhte hi dekhte vo jamin ke andar pravesh kar gaya…..

Usne bhumi ke andar pravesh karne se purva jis vriksh ko kharoncha tha, vah bhumi se ek foot ki unchayi par tha dhire dhire meri ankhe band hone lagi aur main behosh ho gaya.

Udhar shukla ke aaj bahut maje the….vo ek rajya mantri ke farm house par tha…..rajya mantri to apne bed room me kisi call girl ke sath vyast tha.

Lihaja uske liye bhi ek alag kamre me sharab aur shabab ka poora intajam tha, jiska vo lutf utha raha tha….usne apni revolver nikal kar side me rakhi aur ek call girl ke sath bistar me pasar gaya.

Jee bhar ke uss call girl ke sath masti karne ke baad vo dono nange hi ek dusre se lipat kar so gaye….abhi soye huye kuch hi samay hua tha ki achanak usse mahsoos hua ki uske pairo par koi Lijliji vastu reng rahi hai….

Usne oonghati ankho ke papote dhire se khol kar udhar nazare ghumayi…dusre hi pal uske rongte khade ho gaye kyon ki vah vastu ek jahreeli nagin thi.

Shukla (mann me)—ye to vahi nagin hai.

Hadbada kar usne sidha hona chaha kintu usse pahle hi vo nagin apni jeebh luplupate huye uski ankho se ankhe mila chuki thi.

Phir shukla ko sambhalne ka bhi mouka nahi mil saka….usne apne bachav ke liye jaise hi apni revolver ki taraf ankhe ghumane ki koshish ki tabhi uss nagin ne uchhal kar sidhe uske maathe par vaar kar diya. Aur phir bijli ki gati se vaha se gayab ho gayi.

Shukla (cheekhte huye)—bachaaoooooo...

Uski cheekh sun kar vo call girl bhi uth gayi aur jaldi se khud ke nagn jism ko chadar se lapet kar darwaja khola... aas paas vaha moujud guards aur hawaldar bhagte huye vaha aa gaye.

Shukla (chillate huye)—mm...mujhe nagin ne kaat liya hai....mujhe doctor ke paas le chalo...fauran.

"Kaha hai....kidhar hai vo nagin." Uss nagin ka jikra sunte hi sabhi ghabra gaye kyon ki sab ab tak uske prakop aur aatank se bhali bhanti parichit ho chuke the.

Shukla—vo...vo...nagin....

Shukla apni baat poori kiye bina hi behosh ho gaya....log usko le kar turant doctor ke paas bhage....lekin tab tak uss khatarnak nagin ka jahar apna kaam kar chuka tha....usse bachaya nahi ja saka.

Nice update

 

[Zas23]

Waiting next

 

[KOHINOOR]

waiting