Update 41
Abhimanyu ke jaane ke baad Sangeeta aur Shalini phir se andar jaane ko hoti hai toh Mahira unke samne aajati hai.
Sangeeta – Shalini isse keh do meri saamne se hatt jaaye.
Mahira – Rote hue. Bua please mujhe maaf kardijiye. Mujhse bahot badi galti hogyi hai. Mujhe mazaak nhi karna chahiye tha. Mujhe nhi pata tha mere mazaak karne se woh girr jaayega. Please mujhe maaf kardijiye.
Sangeeta – Mujhe tumse koi baat nhi karni hai. Hatt jao mere saamne se.
Mahira Sangeeta ke pairon mein girr jaati hai aur maafi maangne lagti hai. Uske aise pairon mein girr jaane se sablog hairaan hojaate hai. Kisi ko bhi yeh umeed nhi thi ke Mahira aisa kuch kar jaayegi.
Mahira – Please mujhe maaf kardijiye. Main maanti hu mujhse bahot badi galti hui hai. Aur dekha jaaye toh meri wajah se hi woh iss halat mein hai. Par please mujhe maaf kardijiye. Main main promise karti hu main aajke baad kabhi bhi kisi ke saath koi masti nhi karungi. Main usse humesha ke liye durr rahungi. Kabhi bhi uske saamne nhi aaungi. Par please mujhe maaf kardijiye.
Mahira ko aise rota bilakta dekh sabhi ko bahot bura lagta hai. Krishna aage badh ke Mahira ko uthata hai aur chup karwata hai.
Krishna – Aunty please Mahira ko maaf kardijiye. Usse apni galti ka aihsaas hai. Please usse maaf kardijiye.
Sangeeta aage badh ke Mahira ko apne gale se laga leti hai. Sangeeta ke gale lagte hi Mahira phir se ro deti hai.
Sangeeta – Bas bas aur nhi rote. Chup hojao.
Abhi koi kuch bolta tabhi Ishant cabin se hadbadi mein bahar aata hai aur doctor ko bulane lagta hai.
Ishant – Doctorrr doctorrr. Doctor kaha hai.
Ishant ko aise doctor ko bulate dekh Shalini aur Sangeeta ghabra jaate hai.
Sangeeta – Ishant kyaa huaa. Aap aise doctor ko kyo bula rahe hai. Aryan thik hai naa.
Ishant – Main andar baitha hua tha. Tabhi achanak se Aryan ki saansein ukhadne lagti hai phir achanak se woh ekdum shant hojaata hai.
Ishant ki baat sunke Shalini aur Sangeeta ekdum se darr jaate hai dono jaldi se andar jaate hai toh dekhte hai Aryan ekdum shant bed mein leta hua hai.
Sangeeta – Aryan kyaa hua tujhe. Aryannnn. Aryannnn.
Shalini – Aryan kyaaa huaaa Aryannnnnn.
Idher bahar Ishant jaldi se doctor ko bula ke Aryan ke paas le aata hai.
Doctor – Aap sablog abhi ke abhi bahar jaaiye. Mujhe patient ko check karna hai.
Doctor ke bolne sablog waha se bahar nikal jaate hai aur doctor Aryan ko achhe se check karne lagta hai.
Thodi der baad Doctor bahar aata hai toh sablog uspe jhapat padhte hai aur sawaalon ki baarish kardete hai.
Doctor – Dekhiye aaplog shant hojaaiye. Mujhe bolne ka mauka toh dijiye.
Doctor ke bolne sablog shant hojaate hai toh doctor bolna start karta hai.
Doctor – Dekhiye jaise aapne kaha tha patient ki saansein achanak se ukhadne lagi thi phir woh achanak se shant hojaata hai toh usme darne ki koi jarurat nhi hai. Patient ko jo oxygen mask laga hua tha usse saans lene mein takleef horahi thi isiliye uski saansein ukhadne lagi thi. Par ab sabkuch thik hai. Aur maine abhi check kiya hai patient ki halat mein ab kaafi sudhar hai woh pehle ke muqable ab jaldi se recover kar raha hai aur ab woh khatre se bahar hai.
Doctor ki baat sunke sabki khushi ka thikana hi nhi tha. Mahira ki toh aankhon se aansu hi nikalne lagte hai. Woh wahi baith ke rone lagti hai. Sangeeta aur Shalini ne bhi ab raahat ki saans li thi. Shekhar aur Ishant toh ekdusre ke gale lag jaate hai. Aur idher Krishna jab yeh news sunta hai toh woh wahi deewar ke sahare baith jaata hai aur apne excitement ko control karne lagta hai aur saath mein apne aankhon se aansu bhi saaf karne lagta hai.
Shekhar – Aapka bahot bahot sukhiya doctor. Bahot bahot sukhriya. Aapne yeh news suna kar bahot badi khushi di hai humhe. Thank you. Thank you so much.
Doctor – Its my duty.
Ishant – Doctor usse hosh kab tak aayega.
Doctor – Dekhiye filhal sirf woh khatre se bahar hua hai aur uski body bahot hi jyaada kamzor hai. Usse puri tarah se hosh aane mein abhi kuch din lagenge aur tab tak woh hosh mein aane ke sang sang behosh hojaayega.
Ishant – Aapka phir se ekbaar bahot bahot shukriya.
Phir doctor waha se chala jaata hai.
Doctor ke jaane ke baad Shalini aur Sangeeta phir se Aryan ke cabin mein chale jaate hai par isbar woh Mahira ko bhi apne saath andar laate hai.
Mahira jab samne Aryan ko dekhti hai toh uski halat dekh kar Mahira ko apne aap pe hi gussa aane lagta hai. Woh khud ko hi kosne lagti hai.
Mahira – Mann mein. Meri wajah se sirf aur sirf meri wajah se aaj yeh iss halat mein hai. Agar maine apni jidd chodd di hoti aur aise pareshan naa kiya hota toh yeh kabhi hospital aata hi nhi aur naahi isse kabhi mere hisse ki goli lagti. Aaj yeh yaha iss halat mein sirf aur sirf meri wajah se hai.
Yehi sab sochte hue Mahira uss kamre se bahar nikal jaati hai. Waha rukhna uske liye bahot mushkil hojaata hai. Woh waha se nikal ke sidha hospital ke mandir mein chali jaati hai aur wahi baith ke Aryan ke thik hone ki prarthana karne lagti hai.
Idher Suraj aur gang jinhone Aryan pe humla karwaya tha jo Krishna ne fail kardiya tha woh janne ke baad inke raaton ki neend udd chuki thi.
Harish – Main chorunga nhi uss ladke Krishna ko aur unn Rajput ko.
Suraj – Abhi aisa waisa kuch nhi karna. Tum jaante ho naa iss waqt unke saath khud IB chief aur pura ka pura IB department hai aur phir woh undercover agent bhi hai jiske baare mein hum kuch nhi jaante hai.
Harish – Mujhe kisi ka darr nhi hai aur main Ranjeet nhi hu main Harish hu Harish Khanna.
Suraj – Main abhi bhi bol raha hu apna dimaag shant karo. Humhe abhi sabse pehle uss ladke Krishna ke baare mein janna hoga. Aakhir kyo woh inn Rajout ki itni madad kar raha hai. Iska maqsad kyaa hai aur saath mein humhe iski kamjori bhi jaannni hogi.
Harish – Yeh Aryan mumbai mein tha naa aur wahi se yeh Krishna bhi iske saath hai. Matlab humhe sab kuch mumbai se hi pata chalega.
Suraj – Mere aadmi bahot dino se mumbai mein hai. Par humhe kuch bhi haath nhi laga.
Harish – Par ab lagega. Ek kaam karo apne aadmiyon se bolo woh Krishna ke baare mein saari jaankaari nikale. Woh Aryan kis school college mein padhta tha waha jaaye aur iss Krishna ki saari jaankaari nikale. Sath mein inke dost dushman sabke baare mein pata kare.
Suraj – Main bolta hu. Aur jab tak humhe jaankaari nhi milti tum thoda shant raho.
Yeh bol Suraj mumbai mein bheje gaye apne aadmi ko call karke Krishna ke baare mein saari jaankaari nikalne ke liye kehta hai.
Harish waha se sidha apne ghar aajata hai jaha uski biwi hall mein hi baithi hui thi. Harish apni biwi Kamini ke paas aata hai aur uske bagal mein baith jaata hai.
Harish – Ab kaisa hai woh.
Kamini – Aapko kya lagta hai kaisa hosakta hai. Aapne uski halat dekhi thi naa.
Harish – Thik hojayega woh jaldi hi.
Kamini – Hum usse hospital kyo nhi le ja rahe hai.
Harish – Pagal ho gayi ho. Agar usse kisi bhi hospital mein admit kiya toh hum sab fhas jayenge. Police tumhare bete ko harr jagah dhund rahi hai. Aryan Singh Rajput ko jaan se maarne ki koshish karne ke jurm mein saari zindagi jail mein bitani hogi phir. Usse bachane ke liye hi uska ilaaz yehi ghar mein hoga.
Yeh bol Harish waha se apne kamre mein aajata hai.