Update - 3
********
Train fir se apni speed pakad chuki thi…..itne mein catering wala aa gya…..wo dinner ka poochne aya tha.
Neeche wale uncle anti ke paas apna dinner tha. Ab uss ne suresh aur radhika ko poocha…..radhika ne bataya ke uss ke paas dinner he……
suresh ne uss se poocha…agar wo mind na kare to wo non veg le le………
radhika ne kaha no problem……
suresh ne apne liye ek non veg ka order de diya……
order le k catering wala chala gya…..
radhika boli…’tum non-veg ke sath drinks bhi loge?’ ‘raat ko sauna he na…
Suresh bola: main pehli baar itna lamba safar kar raha hoon. Tum please mind mat karna’ suresh nahi chahta tha k radhika uss k drinks karne se naraz ho.
‘main ku mind karne lagi’ radhika ne kaha aur fir boli ‘tum Chennai mein daily mat lena……nai jagah he….pata nahi waha k log kese honge.’
Suresh ne uss ko dekha fir smile dete bola ‘okk’….
radhika fir boli,’waise tum waha ruko ge kaha’ ‘hotel mein aur tum?’ hotel ka keh k suresh ne poocha……
’main bhi’ radhika ne jwab diya fir boli ‘yaar ku na hum ek sath rahe……saving ho jaye gi’
sun kar suresh ek pal chonka ‘idea to acha he magar?’
‘magar kya?’ radhika ne suresh pe swaliya najar dali.
Suresh bola ‘tum aur main ek saath ….tum ladki aur mai ladka’ iss pe radhika uss ki preshani ko samaj gyi…..uss ka haath sehlate boli…’come on suresh we r now friends….fir hum ko waha kaun janta he’……
suresh fir preshani se bola ‘but radhika fir bhi’…..radhika uss ki preshani ko samaj gyi ‘chalo chodo pahuch ke decide kare ge……now chill’……’right’ yeh sun ke suresh ne thodi chain ki saans li aur muskra diya.
Itne mein cold wala aa gya……suresh ne radhika se cold k poocha to radhika ne inkar kar diya……suresh ne apne liye ek cold liya……..’main ek peg’ suresh muskra diya…….
’le lo tum kaha mano ge…….main toilet ho k aayi’ muskurate hue radhika neeche uttar gyi……..
radhika ke cabin se bahar niklte hi suresh ne jhat se vodka ki bottle aur glass nikale aur furti se ek heavy peg bna cold daal halak se ek hi saans mein sara peg neeche utar liya…….fir muh ka jayka thik karne ko tale hue kaju ka packet nikal k khola aur khane laga……radhika ke aane tak wo doosra peg bhi jo k normal banaya uss ne…….wo bhi adha ghatak chukka tha……..radhika aai aur iss baar apni berth par chadh gyi………suresh uss ko apne aap berth pe chadhte dekh muskra diya……..radhika bhi uss ke muskrane ka arth samaj gyi thi shayad so wo bhi muskrane lagi…….
fir radhika apne bag ki front pocket se dinner wala dibba nikala aur kaha……’tum idhar aao ge ya main udhar aao’
suresh ne peg dikhate kaha….’yaar main ye’……
radhika fir muskrai…..’chal main hi aati hoon…..haath do’
‘ek mint’ keh ke suresh ne peg khali kiya….hont saaf kar ke……haath badha diya…….radhika ne uss ka haath pakda aur kood padhi……suresh ne laakh koshish ki bachne ki par fir bhi radhika uss ke ooper aa giri……..suresh neeche aur radhika uss ke ooper…….sharab ke nashe ke saath shabab ke mix hote hi…..suresh ke dil ki dhadkne badh gyi…….ku k radhika ke boobs poori tarah suresh ki chatti pe dabbe hue the…suresh ka badan kaamp utha……..radhika mand mand muskrrane lagi uss ke ooper padi…….
’yaar utho bhi neeche de k marna he kya?’ suresh ne uss ko kandho se pakad ooper uthana chaha………..
’oye kya main itni bhaari hoon?’ radhika ne banawati gussa dikhaya……
’nahi bhaari to nahi’ suresh thoda sakpakaa gya……
’ya fir tum ko apni izat ka khatra padh gya he’ keh ke radhika jor se hass di. Suresh bhi hass diya…….radhika ke chehre pe barpoor shararat thi…..wo apne boobs ko suresh ke seene se ache se ragar ke aakhir seedhi ho k beth gyi……radhika ke aisa karne se suresh ke ander ek tej jhurjhuri chirri. Uss ka poora badan kampne laga…….radhika ne bhi ye mehsoos kia to boli
‘oye tum to kampne lage….kya pehle kabhi koi ladki itna kareeb ni aayi.’
Yeh sunte hi suresh ne najre jhuka li….
radhika ne fir ek swal daga ‘kya tumari koi girl friend nahi’ yeh sunte hi suresh ke ander ek dard ki lehar uthi jis ka asar suresh ke chehre pe bhi ubhra. Iss ko radhika ne bhi mehsoos kiya.
‘suresh kya hua’ radhika ne poocha….
’kuch nahi’ suresh ne najre neechi kar li…..’kissi ki yaad aa gyi’ radhika ab sanjeeda ho boli.
‘chodo’ suresh abhi bhi najre jhukaye hi bola.
‘suresh’ keh ke radhika ne apne suresh ke haath pe rakha ‘kya mujhe apna dost nahi maante?’
suresh fir ussi andaj mein ‘aisi koi baat nahi’…..
’to fir bolo na kya baat he’ keh ke radhika ne suresh ke chehre ko haath se ooper utha diya…….suresh ki ankhon mein nammi dekh ek pal wo kaampi……’suresh…tum yeh tumari aankhon mein’
‘sorry radhika…tum se jhooth bola he maine’ suresh ne jeb se rumal nikal aankhein saaf karte kaha…..’ek dost se jhooth bola he maine’……
’kesa jhooth’ radhika chonki…..
’mera naam suresh nahi suraj he’
‘wat’ sunte uchli radhika….
’haan mera naam suraj he’ ….
’kahi ab to jhooth nahi bol rahe tum’ radhika ne swaliya najro se poocha……
’nahi yeh dekho mera driving licence.’ Kehte hue suresh urf suraj ne back pocket se wallet nikal uss mein se apna driving licence radhika ke haath mein thamaa diya.
‘haan yaha pe to sachi suraj he.’ Radhika ne uss ko licence wapas de diya.
Suraj ne naya peg banaya aur adha aur pi gya……..’khali ku pi rahe ho. Kuch khane ko saath nahi’ radhika ko uss ko aise pite dekh thoda dukh laga.
Suraj ne kaju ka packet nikal k kuch kaju muh mein dale aur radhika ko bhi diye……radhika kaju khate suraj ko dekhe ja rahi thi lagataar……..’suresh I mean suraj lagta he tum kafi dukhi ho’
sun kar suraj najre neeche kar bola ‘radhika kya kahu tum se…..main…. main na ghar se bhaag ke aya hoon’
‘wat’ buri tarah kaampi thi radhika. ‘yeh kya keh rahe ho tum’
‘haan main sach keh raha hoon’ ek gehri saans le bola suraj…..
Radhika: magar ku
Suraj: mujhe koi pyar nahi karta radhika
Radhika: ku tumare mummy papa
Suraj: sab he
Radhika: suraj tumare ghar pe sab preshan hon ge.
Suraj: janta hoon main magar meri preshani koi nahi samjta. Kisi ke door hone ka dukh kya hota he. Kisi ko khone ka dard kya hota he. Unn ko bhi ehsaas hona chahiye.
Radhika fir se kaampi ‘kya keh rahe ho suraj’. Hassi majak wala mahaul achank poori tarah se gamgeen ban chukka tha.
‘please suraj mujhe khul k bataao aakhir baat kya he’ radhika ne suraj ke chehre ko haath se apni aur ghumaya. Uss ke chehre pe dukh ke badal the. Aankhon mein nammi thi. Shayad dost ka dard seh nahi pa rahi thi wo.
‘main neelu se pyar karta hoon radhika’ yeh sunte chonki radhika to uss ka anuman sahi tha jo uss ne abhi abhi lagaya tha.
‘kaun neelu’
Neelu - Suraj ka pyaar
suraj ne apni aankein saaf ki aur bola ‘meri neelu. Mere bachpan ki dost neelima. Mere bachpan ka pyar. Meri jaan. Meri jindgi. Mere dil ki har dhadkan.’ Ek saans mein suraj kehta gya.
Radhika suraj ke dil mein neelu ke liye tadap, uss ke liye pyar ko achi tarah samaj gyi. ‘ kya tumare mummy papa ko pata he’
‘haan’ ek gehri saans le wo bola
‘sab ko maloom he to kya kehte he wo’ radhika lagataar baatein karti uss ke haathon ko apne haathon mein liye sehla rahi thi.
‘wo kehte hain neelu ko chodh do. Usse bhool jao’ radhika: magar ku? Suraj najre utha k radhika ko dekhta he ‘ku k wo gareeb he’
‘oh to tum ameer ho’ radhika kuch samaj jati he.
‘ haan sab kuch he hamare paas ghar, ghaadi, papa ka business, family status aur saath mein mom ka status ka ego bhi’ yeh sab kehte kehte suraj ki aankhon mein nafarat k bhav ubharte hein.
‘tumare bhai behan’ radhika ke poochne pe suraj batata he
‘main only son, do sisters he badi he dono married he badi status families mein.’ Suraj ke lehje achanak ek tanj ubhrta he.
Fir kuch pal ki khamoshi ke baad radhika boli ‘suraj jo bhi he tumhe iss tarah ghar chod ke nahi aana chahiye tha. Ghar mein sab preshan ho rahe ho ge. Fir socho tumari neelu ko pta chalega to uss par kya beete gi.’
Suraj ek thandi aah bhar ke ‘uss ko nahi pta chale ga’
‘ku?’ radhika ne poocha.
Suraj: wo yaha nahi he mom ki dhamki ke darr se us ki mummy ne us ko joginder nagar (himachal) bhej diya uss ke mama ke paas. ‘fir bhi suraj uss ko ek din to pta chal hi jaye ga. Please apni neelu ke liye laut jao’ radhika ne minnat ki.
‘neelu ab meri kaha rahi’ suraj ne kehte hi bacha hua adha peg bhi pi dala.
Radhika ek anjane darr se kaampi ‘ku kya hua?’
‘uss ki shadi kar di gyi he do months pehle jab wo joginder nagar gyi. Wahi. Yeh mujhe kal hi pta chala. Uss ki ek friend mil gyi achanak. Uss ne bataya. Uss ne apne cell mein uss ki shadi ki pics bhi dikhai mujhe.’ Kehte kehte suraj ne aankhein moond li apni peeche sar ko tek lagate hue.
‘oh to uss ne tum ko dhokha diya….bewafai ki tumare saath’ Radhika dheere se boli.
‘meri neelu bewafa nahi he’ lagpag cheekh hi to padha tha suraj, ‘uss ne koi dhokha nhi diya. Uss ka kasoor sirf itna he k wo ek gareeb ghar ki beti he. Mom ne uss ke ghar ja k dhamkaya tha uss ki mummy ko ke wo neelu ko kisi se uthwa degi. Marwa degi uss ko. Uss ke jwan bhai ko marwa de gi. Wo bhai jo neelu ki widwa mummy ka ek hi sahara he. Uss bhai ke do chotte chotte bache he. Yeh sab mujhe neelu ki uss saheli ne bataya. Wo bataa rahi thi ke neelu iss shadi ke liye kitni majboor thi. Kitni dukhi thi wo.’ Suraj ke swar hi uss ke dil ke dukh ko bayan kar rahe the. Yeh sab sun ke radhika bhi apne aansoo rok na payi. Uss ko laga kisi ne uss ke dil ko cheer hi dala tha.
Kuch der aansoo bahane ke baad uss ne chehre ko apne rumal se saaf kiya. Suraj ki aur dekha. Jis ke gaalo pe aansoo beh beh k sookh chuke the. Chehre par bepnah dard tha. Radhika ne ek bar fir se himmat juta k suraj se kaha, ’suraj jo bhi hua bahut bura hua he tere saath. Par please meri maano tum ghar laut jao. Wo jese bhi he tere maa baap he… unho ne janma he tum ko.’
Radhika lagataar uss ko samja rahi thi par suraj ke kaan pe joon tak na reng rahi thi. Fir radhika ke dimag mein kuch aya, ‘acha chalo ek kaam karo fir. Ek baar un ko call kar k ye khabar de do ke tum thik ho. Cell kaha he tumara?’
‘cell ghar hi chod aya hoon main.’ Suraj ne kaha.
Radhika ne apna cell purse se nikalte kaha, ‘chalo mere cell se call kar lo.’
Suraj ne radhika ko dekha. ‘please suraj. Be my sweet darling.’ Radhika ke baar baar kehne par suraj ne uss ka cell le liya. But network nahi tha. Radhika ne yeh dekh kaha k kuch hi der mein Gwalior aane wala he. Platform pe uttar ke kar le ge. Yeh keh ke Suraj toilet jaane ke liye neeche utra aur cabin se bahar chala gya.
Suraj ko jata dekh ek baar radhika ka dil dhadka ke suraj kahi idhar udhar na nikal jaye. Yeh soch wo bhi teji se neeche utri aur cabin ke bahar ho gyi. Uss ne dono aur dekha. Coach mein kahin bhi uss ko suraj najar na aya. Thodi preshani mein uss ne dono doors ki aur do baar chakkar lga liye. Khair akhar kaar uss ko ek toilet se suraj niklta dikh hi gya. Uss ne chain ki saans li. Wo teji se suraj ki aur badi.
Suraj uss ke chehre ki bechaini bhaanp li. Wo halke se muskra diya… ‘kya hua mam.’
‘kuch nahi’ radhika bhi muskrai…..
’tum ko kya laga main yaha se bhi bhaag nikla.’Suraj hassa……
‘yaar sach kahu ek pal issi soch se to main sach mein darr gyi thi.’ Radhika ne dil ki shanka jahir ki.
‘itni pyari aur sweet dost ko chod kaun kambakht bhaag sakta darling’ keh k suraj ne radhika ko baahon mein bhar liye.
Radhika ne uss ki baahon ka ghera todhte hue, ‘oye line maarne ki koshish mat kar.’ Suraj yeh sunte hi thithka aur ek kadam peeche hatta.
‘just kidding yaar’ radhika khil khila ke hassi aur aage badh suraj ki kamar mein baahein daal jor se uss ko japhi daal di. Dono haste haste fir cabin mein laut aaye.
Neeche wale uncle anti jo tamil mein baatein kar rahe the. Dono ko dekh ke khamosh ho gye. Radhika ne aunti ko dekha wo dono ko dekh smile kar rahi thi. Magar uncle ghoor raha tha. Suraj ki love life mein radhika kuch der to uncle ko bhool hi gyi thi. Uncle ko kuch pta chala ya nahi yeh usse kuch maloom nahi tha.
Dono khade khade normal baatein karte rahe. Ku ke station aane wala tha. Train slow ho chuki thi. Station pe enter hote hi radhika ne apna purse uthaya aur dono door ki aur chal diye. Platform pe utarte hi radhika ne apna cell dekha. Network aa chukka tha.
Suraj ko dete boli ‘lo kar lo call’
‘kaun ci call. Kis ko call’ suraj ne jaan bhooj ke kaha.
‘oye call kar na ghar’ radhika ne jhirki dete kaha.
‘okk okk meri daadi amma daant to mat’ hass ke suraj ne cell le liya. Radhika bhi hass di.
Suraj ne number dial kiya ek. Udhar se suraj ke papa hari naryan chopra ne unknown number se call dekh jhat se call pick ki.
Hari: hello yes
Suraj: papa its me. Suraj
Bête ki awaj sunte hi baap ka dil bhar aya
Hari: suraj my son where are u?
Suraj: papa Gwalior
Hari: bête kis hotel mein
Suraj: papa mai station pe hoon going to Chennai
Hari: ruk teri mom ko bulata hoon.
Hari phone thoda door kar apni wife kanta ko awaaz deta he..kanti suraj ka phone ayya he. Suraj ka naam sunte hi kanta jo kitchen mein thi paaglon ki tarah daudhti aati he.
Phone ko jhat se le ke
kanta: suraj mere bête mere laal kaha he tu ghar aa ja jaldi se. kanta jaar jaar ro rahi he. Suraj kehta he mom main aa jau ga jaldi. Kanta fir se rote hue nahi beta tu aa ja abhi ke abhi. Itne mein suraj ki eldest sister kitty jo ke aaj hi aai he kanta se cell le suraj pe barsti he.
Kitty: suraj tujhe sharam nahi aati. Mom ko bina kuch kahe kal raat se gayab he. Kitty ko aise bolte dekh hari uss se phone le lete he aur daant ke shut up kitty. Let me talk to him. Hari fir se suraj ko phone pe ‘tu sach keh raha he na beta ke tu Chennai hi ja raha he.’
Suraj: u know papa main jhooth nahi bolta. Hari: I know beta. Tu Chennai kaha ruke ga. Mujhe ja ke bolna. Aur haan pese chahiye to bol karta hu arrange wahi pe.
Suraj: papa atm card he mere paas so don’t worry.
Hari: aur tu cell bhi ni le k gya waha koi contact no. ja k de dena.
Suraj: papa mai phuchte hi ek new cell nd sim le lu ga. Wese in emergency aap iss number pe bhi call kar sakte he.
Hari: yeh kis ka number he. Suraj: he ek ullu ke pathe ka. Raaste mein dost bana he. Yeh sunte hi radhika jor suraj ki kamar pe chikoti kaat deti he ghoorte hue. Udhar hari: thik he beta mai kal subah hi tere account mein fifty thousand daal dunga. Kab tak laute ga.
Suraj: papa 8-10 din mein. Hari: take care beta love u sweetheart. Baaton baaton mein train whistle deti he chalne ki. Radhika suraj ko baaju se kheench train mein le jaati he. Train chal padhti he……..
suraj: u too take care papa. Meri fikar mat karna. Love u too.
Call disconnect ho jaati he. Call disconnect hote hi suraj ko kamar pe chikoti ki dard yaad aati he.
‘haye chikoti ku kaati’
radhika aankhein tarer ke ‘saale tum ne mujhe ullu ka patha ku kaha’
suraj ‘pyar se’
radhika fir ussi lehje mein, ‘saale main tujhe ullu ka patha kis angle se lagti hoon…main to ullu ki pathi hoon’ yeh kehte radhika ne jese shirt ka collar khada karte he wo style maara. Iss pe dono hi hass diye.
Fir suraj ko jese kuch yaad aya ‘kamini mujhe baar baar saala ku bol rahi he’ radhika jo cabin ki aur dheere se badhi thi ek dum ruk gyi ‘kya kaha kamini. Oye agar main kamini ban gyi na to samaj teri izzat to gyi.’
Yeh sunte suraj gambir mudra se, ‘haan yaar yeh to maine socha hi nahi. Hoon to abhi kunwara hi main.’ Ek baar fir se jor daar thahake se hass diye wo.
Dono cabin mein enter hue to dekha anti uncle dinner kar rahe he. Dono ko dekhte hi aunti boli, ‘come beta join us for dinner’ dono ne smile de ke thanx kaha aur ooper suraj ki berth pe aa bethe.
Radhika chahti thi k suraj uss ko chadhaye par suraj nashe ke karan bola sorry yaar ab himmat nahi he. Suraj k nasha kuch kam to ho chukka tha par halka saroor abhi baki tha.
Abhi wo bethe hi the radhika ka cell baj utha. Radhika ne cell dekha koi unknown number tha. Radhika cell on karne lagi to suraj ne number dekh liya paas hi to betha tha. ‘oye mom ka phone he’ kehte suraj ne cell liya aur on karte ‘yes mom’
kanta: suraj tu thik to he na.
suraj: yes mom.
Kanta: maa se rootha to nahi na. suraj: no mom.
Itne mein peeche se kitty ki awaaz aati he mom mujhe do main jara iss ki khabar lu.
Suraj jhat se ‘mom hello hello…..lagta he net cut ho raha he……I m in train……train moving……’ keh k suraj call kaat deta he….
abhi radhika kuch kehne hi wali thi ke cell fir se baj utha.
Yeh call radhika ke ghar se thi landline se. radhika kuch der baat karne mein busy ho jaati he. Iss ka fayda utha suraj ek peg bna ke gatak leta he.
Radhika call ke end hote hi. ‘ho gya chalu’ suraj chup reh jata he. ‘by the way suraj network tha fir tum ne call ku kaat di.’
Suraj: yaar wo kitty didi aise hi bhashan dene lag jaati. I don’t wanna talk to her. Meri life mein sari problems issi ke karan hui he…..yeh apne in laws mein ek ladki mere liye chun k bethi hui he.’
Itne mein catering wala dinner le aata he. Dinner ke dauran radhika ke rokne par bhi ek peg aur lga leta he. Dinner ke khatam hone ke baad dono baari baari ja k haath dho aaye. Uss ke baad aunti ke kehne par cabin ki lights off kar di suraj ne.
Radhika boli ‘kya khayal he sona he ya abhi kuch der baatein karni he.’
Suraj: jaisa tum chaho.
‘khane ke baad mujhe ek dum neend nahi aati. If u say thodi der baatein karte he’ radhika ne kaha to dono fir se suraj ki berth pe hi aa bethe. Ku k agar dono radhika ki berth pe gye to suraj ke liye apni berth pe ana mushkil hota nashe ke karan. Aur agar dono apni apni berth pe jate to un ki baaton se uncle anti ko disturbance hoti.
********
...to be continued
.jpg)
