Update 32
Aryan ghar aake apne kamre aata hai fresh hoke woh sochne lagta hai.
Aryan: Yeh Ritika ki maa Meera ko aise kyo dekh rahi thi aur Meera ki kahani sunne ke baad unki aankho mein aansu bhi the. Yeh aansu sahanubhuti ke toh nhi lag rahe the. Aakhir aisi kya baat hai. Aur phir unhone achanak Meera ki maa se milne ki baat bhi ki kuch toh ajeeb hai yaha.
Tabhi uske paas Ritika ka call aajata hai.
Ritika: Hii jaan. Kya kar rahe ho.
Aryan: Kuch nhi thoda soch raha tha.
Ritika: Achha kya soch rahe ho.
Aryan: Shayad tumhe bura lage but main yeh soch raha tha aaj tumhari maa Meera ko aise kyo dekh rahi thi jaise usse woh jaanti hai.
Ritika: Haa Aryan yeh maine bhi notice kiya hai. Maa Meera ko kaise ghurr rahi thi. Maine maa se pucha bhi toh unhone kaha kal sab pata chal jayega. Agar woh jo soch rahi hai agar woh sach hua toh yeh bahot khushi ki baat hai. Aur main unhe unki zindagi ka sabse bada gift bhi dungi unko tumlogo se milake.
Aryan: Strange. Ek mulakat mein itna kuch. Kuch toh ajeeb hai yaha Ritika.
Ritika: Lag toh mujhe bhi raha hai ab kya ajeeb hai yeh kal pata chalega.
Aryan: Hmmm kal kitne baje jaa rahe ho tumlog Meera ke ghar.
Ritika: Sham ko college ke baad jayenge. Tum aaoge naa.
Aryan: Ab toh aana hi hoga aakhir baat bhi toh ajeeb hai.
Ritika: Hmmm achha choro iss baat ko. Aaj main bahot khush hu ab toh dad ne bhi humhe permission de di.
Aryan: Haaa. Waise tum na mujhe abhi bhi bachhi jaise hi lagti ho.
Ritika: Ayee Mr. Main bachhi nhi hu.
Aryan: Haaa sahi kaha tum bachhi nhi ho. Kisi bachhe ki maa banne jaisi ho.
Ritika: Youuuu. Gande jao main baat nhi karungi.
Aryan: Isme kya ganda. Maine sach hi toh kaha hai.
Ritika: Aise besharmo ki tarah kaun bolta hai.
Aryan: Ab tumne besharm se pyaar karliya hai toh sehna toh padega hi.
Ritika: Tumse naa baato mein koi nhi jeet sakta. Waise kal college aaoge naa.
Aryan: Bhai ab toh aana hi padega naa.
Ritika: Thik hai ab tum aaram karo. Pata hai tumhe thakawat nhi hoti hai par phir bhi karlo subah se journey kar rahe the.
Aryan: Thik hai tum bhi karlo. Byeee.
Phir call cut hojaata hai. Aryan phir Sameera ko call lagata hai.
Sameera: Good Afternoon Aryan sir how are you.
Aryan: Ekdum thik aap kaisi ho.
Sameera: Ekdum mast. Bataiye kaise yaad kiya.
Aryan: Mujhe kuch puchna tha.
Sameera: Puchiye na Sir.
Aryan: Achha agar company ka naam change karna ho toh kya usse koi problem hoga.
Sameera: Nhi Sir koi problem nhi hoga but phir humhe har jagah A to Z change karna hoga. Waise kya main jaan sakti hu achanak aapne aisa kyo socha.
Phir Aryan Sameera ko sab batata hai kaise uske naseeb mein 2 ladkiyon ka aana likha hai kaise Ritika uske life mein aayi aur kis tarah se usse pyaar kar baithi aur ab Aryan bhi usse pyaar karne laga hai.
Sameera: Achha. Yeh chiz aapke achhi bhi hai toh problem wali bhi.
Aryan: Kaise.
Sameera: Sir bura naa maaniyega. Achhi iss liye ke aapko 2 ladkiyon ka pyaar naseeb hoga. Aur aapke naseeb ke hisaab se aapko dusri ladki bhi mil gayi aur aapne bataya woh bhi Meera ma'am ke tarah hi aapse pyaar karti hai. Par sautan ke bich toh problem hoti hi hai naa sir.
Aryan: Baat aapki bilkul thik hai Sameera ji. But main apni taraf se koi kami nhi aane dunga. Agar maine dono ko barabar pyaar diya. Dono ko barabar time diya toh shayad yeh problem naa aaye.
Sameera: Haa yeh bhi possible hai. Toh bataiye main aapki kya madad kas sakti hu.
Aryan: Aap jar jagah mein company ka naam AM ke jagah AMR kijiye. But iska process main aapko kal call karke bolunga tab start kijiyega.
Sameera: Okk Sir. Sir kya main apni nayi boss ka naam jaan sakti hu.
Aryan: Aree haa aapko toh naam bolna hi bhulgaya. Uska naam hai Ritika.
Sameera: Aryan Meera and Ritika Group of Companies. Ma'am ka naam bahot achha hai aapke naam ke saath achha match kar raha hai. By the congratulations Sir for second one.
Aryan: Kya Sameera ji aap bhi. Aur bataiye company ka kaam kaisa chal raha hai. Koi problem toh nhi hai naa.
Sameera: Nhi sir company ka kaam bahot achha chal raha hai. Aur koi problem nhi hai. Ab toh yeh company ek multinational company ban gayi hai. Foreign mein bhi branches khul chuke hai. Aur ab toh world ke top 5 mein hai aur India ke top ki position hasil karne wali hai.
Aryan: Chalo achhi baat hai. Yeh sab aapki mehnat ka asar hai.
Sameera: Thank You sir.
Aryan: Aur aapki maa kaisi hai.
Sameera: Maa bilkul fit hai aapko aur Meera ma'am ko bahot yaad karti hai kabhi aaiye na sir aur ab Ritika Ma'am ko bhi saath leke aaiyega sir.
Aryan: Jarur aayenge aur bahot jald aayenge.
Achha ab main rakhta hu.
Sameera: Okk Sir. Phir call cut hojaata hai. Phir Aryan thodi der so jaata hai raat ko dinner karta hai phir Meera aur Ritika se conference mein baat karta hai. Phir sone ki koshish karta hai. Bahot koshish ke baad usko neend aajati hai.
Next day woh college jaata hai. Meera aur Ritika waha pahle se hi baithi hui thi.
Dono aake Aryan ke gale lagti hai.
Yash: Kya kismat hai bhai ki 2 ladkiyan eksaath. Naa koi jhagra naa koi problem.
Preeti: Kyo tumhe bhi 2 chahiye kya.
Yash: Aree nhi nhi mere ek 1 tum hi bahot ho. 2 isko hi sambhalne do.
Preeti: Galti se yeh khayal bhi mat lana. Warna tumhara qatal kardungi.
Yash: Aree nhi meri jaan main tumhare alawa kabhi kisi ke baare mein nhi sochta. Aur kabhi sochunga bhi nhi.
Preeti: You should be. Aur batao Ritika apna pyaar paake kaisa lag raha hai.
Ritika: Kya batau Preeti mujhe toh umeed bhi nhi thi ke mujhe Aryan ka pyaar milega. But dekho aaj Aryan ka pyaar mere saath hai.
Sonal: Tum bahot khushnaseeb ho Ritika.
Phir yeh log class karne chale jaate hai.College ke chutti ke baad sablog apne apne ghar jaane lagte hai.
Meera: Tumlog kab tak aaoge.
Ritika: Bas ghar jayenge fresh hoke thodi der baad sham tak aajayenge.
Meera: Okkk main wait karungi. Aur tum bhi aana.
Ritika: Chinta mat karo Ritika isko taan ke laungi.
Meera: Good. Achha chalo chalte hai.
Phir Meera Aryan ke saath nikal gayi aur Ritika apne car se chali gayi.
Sham ko sablog Meera ke ghar aate hai. Sangeeta aaj bhi Meera ko hi ghurr rahi thi aaj uski aankhe thodi nam bhi thi jo Ritika aur Aryan notice kar rahe the.
Warden: Aree aaiye aaiye bathiye. Aane mein koi takleef toh nhi hui.
Sangeeta: Nhi koi takleef nhi hui.
Warden: Kaise ho Aryan aur shayad yeh Ritika hai.
Aryan: Main thik hu haa yehi Ritika hai. Aur Ritika yeh Meera ki maa.
Ritika: Tab toh yeh meri bhi maa hui. Kyoki Meera ne mujhe apni behen maana hai.
Yeh sunke Sangeeta ek sec ke liye shock hojaati hai but jaldi hi sambhal jaati hai but woh 1 sec Aryan ke nazar se nhi bachta.
Ritika: Maaji Meera kaha hai.
Meera: Main yaha hu Ritika. Namaste Uncle namaste aunty kaise ho aap.
Dono: Thik tum kaisi ho.
Meera: Ekdum mast.
Sangeeta: Achha mujhe aapse ek jaruri baat karni hai. Aur please bachho koi beech mein nhi bolega Meera khash kar tum.
Warden: Aisi kya baat bai behen ji.
Sangeeta: Kya aap humhe bol sakti hai aapko Meera kab aur kaha mili aur uss waqat uske paas kya kya tha.
Warden: Achanak yeh sawaal kyo behen ji sab thik hai naa.
Sangeeta: Main sab bataungi. But please pahle aap bataiye.
Warden: Mujhe Meera ek jungle ke paas mili thi shayad koi usse waha chor gaya tha. Isko chott bhi lagi thi. Iske kapde dekh kar lag raha tha bahot hi ameer ghar se hai. Aur iske gale mein dil ka aadha tukda jaisa koi locket hai.
Ritika: Dil ka aadha tukda jaisa locket.
Warden: Haa beti kyu kya hua.
Sangeeta yeh sunke rone lagti hai. Raghav ki aankhe bhi nam thi.
Sangeeta: Kya iske peeth mein ek saath ek line mein 2 til hai.
Warden: Yeh sab aapko kaise pata. Kaun hai aap.
Ritika: Haa maa yeh sab aapko kaise pata. Aap toh bas isse ek baar mili ho.
Sangeeta: Rote hue. Yeh teri sagi behen hai Ritika. Tere paas jo aadha dil ke tukde wala locket hai uska aadha hissa Meera ke paas bhi hai. Aur iski shakal bilkul usse milti hai.
Meera: Nhii yeh sab jhoot hai. Meri koi behen nhi hai. Main akeli hu. Koi bhi aakar bolega woh meri family hai aur main vishwaas karlungi. Ritika please tum inhe chup karao. Aryan tum please inhe bolo yeh chup kare.
Sangeeta: Aisa naa bol beti. Humne tujhe bahot khoja tha par tu humhe nhi mili.
Meera: Mujhe jungle mein maut ke muh mein chorne wale bhi toh aap hi the naa. Meri bas ek maa hai aur woh yeh ( Warden) hai.
Raghav: Humne tumhe nhi chora tha jungle mein. Ek jaanleva humle mein tum humlogo se bichhar gayu thi.
Meera: Kahani achhi hai. Par main yakeen nhi karungi. Aaplogo police complain kar sakte hai newspaper mein article de sakte the. Par aapne aisa nhi kiya hoga. Par aapne jo jo symptoms bole hai woh ek itefaaq bhi hosakta hai.
Sangeeta: Toh thik hai Ritika woh locket nikalo aur please tum bhi woh locket nikalo phir hum apni begunaahi ka saboot denge aur tum dono ko tumhare jeevan ka sabse bada sach batayenge. Please humari itni si baad maanlo. Aryan please help kardo.
Aryan: Meera Ritika please.
Ritika jo ab tak shock mein khadi thi woh Aryan ke hilane se hosh mein aati gai. Dono apne gale se locket nikal te. Aryan dono tukde ko jodta hai toh woh aisa judd jaata hai jaise kabhi toota hi naa ho. Yeh dekh kar waha khade sabhi ko shock lagta hai sabse jyaada Ritika aur Meera ko.
Sangeeta: Dekha yeh locket tum donoko tumhare 1st birthday pe diya tha. Jisse tumdono ekdusre ki pehchan ban sako.
Aur tumne kaha humne police mein complaint nhi ki news paper mein article nhi diya. Aryan yaha aao aur yeh dekho saboot. Yeh police complain ki copy aur yeh woh saare news paper jisme iske ghum hone ki news hai.
Aryan woh sab kuch dhyaan se dekhta hai aur Warden ko dikhata hai. Ritika aur Meera dono badi aash se Aryan aur Warden ko dekh rahi thi. Aryan bas apni garden haa mein hila deta hai.
Dono behene rona start kardeti hai. Aryan jaake unko sambhalta hai.
Sangeeta: Ab woh baat jo aaj tak Ritika se humlogo ne chupaya hai aur jis wajah tum apne parivaar se alag hui.
Tum dono ke pita ek bahot bade businessman the. Unke paas naam shaurat sab kuch tha. Aur unki zindagi ko pura kiya tha tum do beheno ne. Meera tum 5 minute badi ho Ritika se. Sab bahot khush the. Par tumhare janam ke 6 mahine baad tumhare pita ko ek call ko koi call karke bolta agar unhone apni company ke aadhe shares unke naam naa kiye toh woh tum dono ko maar dega. Tumhara pita ne isme jyaada dhyaan nhi diya. Par yeh roj hone laga. Ekdin tumhare pita ke upar jaanleva humla hua. Jisse woh bach gaye. Par unhone apni mehnat se banayi hui company ko unke naam naa kiya. Unhone puri property tum dono beheno ke naam kardi. Jisse tum dono safe raho. Agar tum dono mein se kisi ko kuch hota toh puri property dusre ko mil jaati aur agar dono ko kuch hojaaye toh puri property ek trust ko mil jaati. Aise hi tumdono ka 1st birthday aaya jisme humdono ne tumdono beheno ko yeh locket diya. Aur main tumdono ki maa nhi maasi hu aur yeh dad nhi mausa hai.
Ritika: Kyaaa yeh aap kyaa keh rahi hai. Aap humari mausi ho.
Meera: Toh humare mom dad kaha hai.
Ritika: Aur didi humse alag kaise hui.
Sangeeta: Ekdin Meera ki tabiyat bigad gayi. Uss din humdono waha ghumne aaye hue the. Toh didi ne Ritika ko humare paas chorke Meera ko doctor ke paas le gaye. Laut te waqt unki car ka bahot buri tarah accident hogya. Jisme unko bahot chott aayi. Phir waha ek aadmi aake Meera ko apne saath le gaya. Tumhare mom dad ke aankho ke saamne se par woh kuch naa karsake. Uss waqat waha se koi aadmi guzar raha tha jo khushkismat se police thaa usne ambulance bula ke unko hospital bheja aur unke mobile se last dial mein Raghav ka number dekh unhe call kar sab bataya.
Hum jaldi se Ritika ko le hospital gaye tumhari maa ne ot table mein hi dum todd diya but tumhare dad ne humhe sab bataya phir dum todaa. Uske baad humne har jagah tumhari talash ki police newspaper tv har jagah. Par tum kahi naa mili. Par humhe abhi tak pata nhi chala jisne tumhe uthaya tha usme tumhe jungle meim kyo chora. Toh iss wajah se tum apne parivaar se alag hue. Aur humne aaj tak yeh sachai Ritika ko iss liye nhi batayi ke agar woh puchti uski didi kaha hai toh hum nhi bata sakte.
Warden: Uss waqt humare aashram mein TV nhi tha aur hum newspaper bhi nhi lete the shayad isiliye humhe bhi pata nhi chala.
..