Update:-1
Phir Wahi Sapna,Aakhir Kya Raabta Hai Mera Usse.
Yahi Sochte Ekdam Se Mere Nind Khul Gyi..
Room Mein Poora Sannata Tha,Phone Utha K Dekha Toh Raat K 2 Baj Rahe The..
Maathe Pe Pasine,AC Chalne K Baad Bhi Poora Sharir Garam Ho Raha Tha..
Uss Khyaal Ko Dimaag Se Nikalne K Liye Mein Utth Gya,Room Se Baahar Nikla Aur Kitchen Ki Ore Badh Gya..
Pta Nahi Mujhe Kyo Coffee Ki Talab Hui,Der Raat Coffee Banake Mein Apne Ghar Ki Chhat Par Khuli Hawa Mein Aa Gya..
Raat Ka Waqt,Thandi-2 Hawayein,Aur Ekdam Shaant Vaataavaran,Maano Man Ko Lubha Rahi Thi..
Par Kahi Na Kahi Wo Mere Zindagi Mein Aane Waale Toofan Se Pahle Ki Shaanti Ka Ishara Kar Rahi Thi..
Mein Coffee Peete Hue Tahal Raha Tha Ki Tabhi,Ghar K Peeche Waale Jungle Ki Ore Mujhe Kuch Dikhai Pada..
Itni Raat Aur Upar Se Aise Mausam Mein Jungle K Taraf Se Kisi Ka Aana,Pata Nahi Kyo Mujhe Ye Baat Khatak Si Rahi Thi..
Dheere-Dheere Wo Parchaai Mere Ghar Ki Ore Hi Badh Rahi Thi,Aise Samay Pe Uska Pata Lagana Mumkin Nahi Tha..
Jaise-2 Wo Faasla Kam Hua,Mujhe Aihsaas Hua Ki Wo Ek Ladki Hai,Khule Kaale Baal,Wahi Kapde,Wahi Khushbu Maano Poore Vaataavaran Me Sama Gayi Ho..
Wo Mujhe Bula Rahi Thi,Aakhir Kyo,Ye Toh Wahi Hai,Aakhir Ye Mujhse Kya Chahti Thi,Kyo Baar-2 Mere Sapne Mein Aati Thi..
Iska Aur Mera Aisa Kya Rishta Hai Jo Har Raat Mein Isse Apne Sapne Mein Dekhta Hu,Kya Ye Mujhse Kuch Kahna Chahti Hai,Ya Kuch Batana Jo Mujhse,Mere Astitva Se Bhi Bahot Bada Ho..
Abhi Mein Kuch Aur Kar Pata Ki Ek Jordaar Cheekh Sunai Di,Jaise Maano Kaal Khud Dharti Par Utar Aaya Ho,Aur Tabhi Mujhe Aisa Laga Jaise Koi Kheench Raha Ho,Aur Ekdam Se Mere Nind Khul Gyi...
Uff! Ye Sapna Tha,Aakhir Kyo,Mein Hi Kyon Yahi Sochke Meine Apne Sar Par Haath Rakh Liya......
Kaafi Der Waise Hi Baithe Rahne K Baad,Mein Uttha Aur Baahar Aa Gya..
Mausam Bilkul Shaant,Chaaro Ore Kohre Ki Wajah Se Kuch Dikhai Bhi Ni De Raha Tha..
Tej Hawayein Jaise Sharir Mein Kapan La Rahi Thi,Aisa Laga Maano Sharir Ki Haddiyan Bhi Saath Chhod Degi...
Ghar Se Nikal Ke Jungle Ki Taraf Tahalne K Liye Nikal Pada,Raaste Mein Pata Ni Mujhe Kyo Baar-2 Wahi Baat Yaad Aa Rahi Thi..
Kuch Dur Badha Hi Tha Ki Mujhe Aihsaas Hua Jaise Koi Mujhe Dekh Rha Ho,Mein Ekdam Se Muda Aur Chaaro Ore Dekhne Laga...
Par Niraasha K Alawa Mujhe Kuch Ni Mila,Shayad Mera Bhrahm Hoga Yahi Soch K Mein Aage Badhta Gya...
***************
Wahi Dusri Ore Jungle Mein Ek Aurat Khadi Mere Har Ek Kadam Par Apni Aankhen Gadayi Thi..
Ekdam se Uska Phone Bajta Aur Wo Waha Se Chali Jaati Hai...
Aurat:- Hanji Meine Uspe Najar Rakha Hua Hai Aap Nishchint Rahe..
Aurat2:- Waha Rukne Ki Jaruart Nahi Hai,Usse Shaq Ho Sakta Hai Tum waapas aajao..
***************
Nadi Kinaare Pahunch Kar Meine Socha Ki Ab Ghar Waapas Jaane Se Accha Yahi Naha Lete Hai,Chunki Mein Kapde Ni Laaya Tha Toh Saare Kapde Wahi Ek Kinare Rakh K Mein Dubki Laga Deta Hu....
Aise Sard Mausam Mein Koi Jungle Mein Aata Nahi Hai,Yahi Soch K Mein Nishchint Apna Nadi Mein Nahane Laga...
Tabhi Mujhe Ekdam Se Goli Chalne Ki Aawaj Aati Hai,Mein Ekdam Hadbada Jaata Hu..
Nadi Se NikalKar Meine Jaldi Se Kapde Pahne Aur Ussi Disha Mein Badhne Laga...
Goli Ki Aawaj Poore Jungle Mein Goonj Rahi Thi,Jabtak Mein Kuch Karta Sab Kuch Shaant Ho Gya Tha Jaise Kabhi Hua Hi Nahi..
Mein Bahot Der Tak Ussi Aawaj Ki Disha Mein Dhoondta Raha Par Mujhe Kuch Dikhaai Nahi Diya...
Aakhir Pareshan Hokar Mein Ghar Ki Ore Badh Gya..
Ghar Aaya Toh Sabse Pahle Room Mein Jaake Meine Kapde Change Kiya Aur Phir Niche Sabke Saath Aake Baith Gya...
Maa Rasoi Mein Breakfast Bana Rahi Thi,Mein Abhi Kuch Kahta Ki Usse Pahle Hi Wo Mer- Naashta Paros Deti Hai..
Pata Nahi Kaise Maa Ko Aihsaas Ho Jaata Hai Ki Mein Aa Gya Hu,Ya Mein Ghar Mein Maujood Hu...
Maa:- Aadi Breakfast Finish Karke,Apne Room Ki Safai Kar Lena...
Mein:- Ok Maa..
Phir Mein naashta karke apne room mein aa Gya,Room Mein Sab Kuch Arrange Karke,Theek Se Safai Kardi..
Ekdam Se Mujhe Aihsaas Hua Ki Mere Haath Mein Pahni Hui Ghadi Gaayab Hai...
Mein Ekdam Pareshan Sa Ho Gya,Kyo Wo PaPa Ki Watch Thi,Jo Unhone Mujhe Gift Kiya Tha,Wo Sabse Special Cheej Thi Jo Mein Hamesha Apne Pass Rakhta Tha...
Pata Nahi Kyo Mein Ekdam Hopeless Sa Ho Gya,Wahi Baith K Mujhe Bilkul Rona Sa Aa Gya,Phir Ekdam Se Mujhe Dhyaan Aaya ki Shaayad Nadi K Pass Kahi Gir Gyi Ho Ya Meine Udhar Kahi Rakh Di Ho...
Ye Khyaal Dimaag Mein Aate Hi,Mein Ekdam Se Jungle Ki Ore Daud Padta Hu..
**********
Wahi Dusri Ore Wo Aurat Kisi Ko Call Karti Hai..
Aurat:- Uski Ghadi Meine Dubara Wahi Rakh Di Hai,Kaam Ho Gya,Tracker Laga Hai Ab Koi Problem Nahi Hogi...
Aurat2:- Theek Hai Tum Ab Jaa Sakti Ho,Par Dhyaan Rahe Usse Is Baat Ka Shaq Na Ho Ki Uski Ghadi K Saath Ched-Chaad Hui Hai..
Aurat:- Nishchint Rahe Usse Jara Bhi Bhanak Nahi Lagegi...
*********
Wahi Wo Dusri Aurat Kahi Door Kisi Jagah Apne Ghar Mein Jor-Jor Se Has Rahi Thi..
Na Jaane Usse Aisa Kya Mil Gya,Phir Wo Ekdam Se Utthti Hai Aur Chali Jaati Hai....
.....................