Thriller RAAZ..... (Completed)

[ashish_1982_in]

"Yaar Negi Bhai bhookh lagi hai, kahin ruk kar kuchh khaya jaaye?" Ham gaadi mein bethe toh maine Negi se kaha.

"Haan zaroor, idhar thoda aage hi ek dhaba hai, vahin rukte hain" Kehkar usne gaadi vaapis ghuma li.

"He said a dhaba" Kamini meri taraf dekh kar boli.

"So?"

"So its a dhaba, not a fancy restaurant and you didnt object to it"

"Haan toh theek hai na, kya farak padta hai. Bhookh mein toh gullar bhi pakwaan lagte hain"

"Am i missing something? Tum kabse ye roadside dhaabe vagerah pe khane lag gaye"

"Times change, situations change, people change" Maine uski taraf muskura kar dekha.

"Time and situation didnt change what i want to change about you" Usne serious andaaz mein meri taraf dekhte hue kaha.

Main janta tha ke vo kis baare mein baat kar rahi hai aur uski baat ka mere paas koi jawab nahi tha isliye chup hi raha.

"Kuchh pata chala sir?" Negi ne gaadi chalate hue puchha.

"Haan kaafi kuchh" Maine dil hi dil mein uska shukriya ada kiya ke usne topic kuchh aur chhed diya, "I am pretty sure Sunanda aur Ravi ka ek saath gayab hona was not a mere co-incidence"

"Aapka matlab dono baatein connected hain"

"Thats right. In dono ki gumshudgi ki vajah mujhe poora yakeen hai ke ek hi hai. Bas ab ye samajhna hai ke vo kya baat thi jo Ravi aur Sunanda ko jodti thi, jis din ye baat pata chal gayi ye saara mamla sulajh jaayega"

"Kya lagta hai Sir, zinda hain dono ya nahi?"

"Sach kahun toh 50/50 chances hain par ek baat toh tay hai. Agar zinda hain dono toh jahan kahin bhi hain saath hain aur agar mar chuke hain toh ek hi vajah se mare hain"

"Aapka matlab vo dono aapas mein....?"

"Right. Andhesha toh yahi hai mera ke dono aapas mein involved the"

"Vo kaise Sir?"

"Sunanda ka kisi ladke ke saath chakkar tha jiske baare mein vo apni maan ko bata chuki thi par Ladke ka naam batane se katra rahi thi. Shayad use darr tha ke agar ye baat bahar hui toh problem ho sakti hai. Phir vo ek din ghar se nikalti hai aur vaapis nahi aati. Uske ek hafte baad hi Ravi gayab ho jata hai. Is situation mein agar do aur do jodkar 4 karna mushkil nahi hai"

"Kanha bhi toh ho sakta hai" Achanak pichhe bethi Kamini boli, "Vo bhi toh mara hai kuchh din baad hi"

"Nahi Kanha ke hone ke chances nahin hain itne"

"Kyun?"

"Pehli baat toh ye ke agar ladka Kanha hota toh Sunanda ghar mein apni maan ko bata deti, society ka sochke itna ghabrati nahi"

"Par considering ke maan beti ki kya reputation thi, vo ghabra bhi sakti thi"

"Nahi agar maan beti ki reputation ke baare mein socha jata toh phir Kanha apne ghar mein apne baap se baat karne mein katrata, Sunanda nahi"

"Yeah i guess" Vo haami bharti hui boli.

"Plus, Sunanda ko gaane ka shauk tha"

"Yeah how is that related? I was wondering when you asked that question but then forgot to ask you"

"That is how they met"

"Ravi aur Sunanda?"

"Yes. Ravi ko bhi music ka shauk tha aur Sunanda ko bhi. Mujhe poora yakeen hai ke isi shauk ke chalte dono ki mulaqat hui and they both fell in love. Ravi kisi music school vagerah jata tha aur vahin mila hoga Sunanda se. And that reminds mein ke main ye baat puchhna bhool hi gaya ke Sundanda kisi aise school mein gayi thi kya"

"Yeah that makes sense"

"Sahi ja rahe ho Sir" Meri baat sunkar Negi muskurata hua bola.

"Vaise aapse bhi ek kaam hai"

"Haanji zaroor"

"Ye pata karna hai ke yahan aas paas kis bank mein locker service available hai. Ya koi aisi company jo locker ya vault vagerah provide karati ho"

"Chal jaayega Sir. Aajkal toh takreeban har bank mein hi hota hai ye system"

"Right par pata ye karna hai ke 20 saal pehle kaun se bank mein tha"

"20 saal pehle?"

"Right"

"Us waqt toh sir bank bhi ginti ke hi hote the vo bhi sarkari. Mujhe nahi lagta ke us waqt kisi bank mein yahan thi ye facility par puchh loonga"

"Bank mein nahi agar toh kisi gym vagerah mein pata kariye ya kisi club mein. Sirf ameer log jahan jaate hain us type ke club"

"Ek baat batao" Kamini ne kaha, "Agar tha bhi aisa koi locker toh 20 saal pehle tha. Ab tak thode hi hoga mujood and kya guarantee hai is baat ke Ravi ke gharwalo ne uske gayab hone ke baad locker khaali nahi kiya hoga"

"Koi guarantee nahi hai par pata karne mein kya harj hai. Mil gaya kuchh toh theek varna toh vaise bhi filhal haath mein koi solid lead nahi hai"

Kuchh der baad Negi ne ek chhote se dhaabe ke paas lakar gaadi rok di.

"Aaiye sir, pet puja ho jaaye" Vo muskurata hua bola.

nice update bhai

 

[ashish_1982_in]

Chapter 12 : The Unfaithful Wife


Us din jo hua tha vo kehne ko toh bas ek incident hi tha aur ise dekhne ke hazaar nazariye ho sakte the. Ye zaroori nahi tha ke jo aadmi us din Renuka ke saath tha vo uska lover hi ho jiske saath vo mujhse dhokha de rahi thi. Vo aadmi koi bhi ho sakta tha, ek dost, ek colleague ya koi aur. Aur sach kahun toh mujhe is baat ne itna pareshan nahi kiya ke vo kisi ladke ke saath thi. Jo baat mere dil se lagi vo ye thi ke usne mujhse jhooth bola tha. Lakh koshish ke baad bhi main us din ke jhooth ko apne zehan se nikal nahi paya. Jaise uske ek jhooth ne ek bahut hi oonchi deewar se khadi kar di thi ham dono ke beech.

Us din ke baad main kaafi kata kata sa rehne laga tha usse. Vo sawal karti toh ek ya do line ke jawab deta, vo hasti toh bas ek nakli si muskurahat apne chehre par le aata. Kayi baar socha ke usse baat karun us din ke baare mein par chah kar bhi aisa nahi kar paya. Aur iski vajah mere apne dil mein chhupa chor tha. Main faisla hi nahi kar pa raha tha ke kya sahi hai aur kya galat.

Uske chehre ki taraf dekhta toh apne uper sharam aati. Vo ek layak biwi ki tarah meri har zaroorat ka khyaal rakhti. Aksar office se aane ke baad khud apne haathon se mere liye khana banati, agar main office se late aata toh intezaar karti aur mere bina khana na khati. Raat ko bistar par kisi tote ki tarah apne poore din ka haal mujhe sunati. Uski aankhon mein ek ajab masoomiyat si hoti thi jo mujhe apne aapko kosne par majboor kar deti thi ke kitna gir gaya hoon main. Us din jo hua uske baare mein baat karne ke bajaay apni biwi par shak kar raha hoon. Par phir agle hi pal jab khyaal aata ke kis tarah se usne mera phone kata tha, mujhse jhooth bola tha aur jab maine baar baar phone kiya toh apna phone band kar diya tha toh mera gussa phir sar chadh kar bolne lagta.

Dil hi dil mein main usse anjaane mein itna door ho gaya tha ke khud use haath lagana toh door ki baat, raat ko bistar par jab vo khud pehal karti toh main mana kar deta. Aksar jab vo bistar par khisak kar mere kareeb aati toh main doosri taraf karwat badal kar so jata tha.

Us din ke lagbhag 3 hafte baad ki baat hai. Main office se apne ghar pahuncha toh Renuka ghar par akeli thi. Jaise hi darwaza khol kar main andar daakhil hua vo bhaagti hui mere kareeb aayi aur mujhse lipat kar rone lagi.

"Kya hua?" Use yun rota dekh main ek pal ke liya apna sara gussa bhool gaya aur fauran uske uljhe baal suljhata hua bola.

Jawab mein vo mere seene mein apna sar chhupaye khamoshi se subakti rahi.

"Kya hua beta?" Maine uska chehra apni taraf uthaya. Un aankhon mein mote mote aansoo dekh ek pal mein har fasla jaise apne aap mit gaya.

"Nahi kuch nahi" Usne sar hilate hue kaha.

"Phir ro kyun rahi ho?"

Jawab mein usne mere haath mein ek plastic ki dandi jaisa kuchh thama diya.

"Kya hai ye?"

"Pregnancy test"

"What?"

"I missed my period this month"

Vo kya keh rahi thi achanak mujhe samajh aaya.

"WHAT !!! ?" Main bhi uske saath khush hota hua bola.

"Ye toh khushi ke aansoo hain. We are going to have a baby" Vo haste hue boli.

Main use apni baahon mein lekar jhoom utha. Mujhe yaad hi nahi raha ke aaj subah tak main usse kitna naraz tha. Use bas apni baahon mein bhar kar uske sar ko choom liya.

Tab hi achanak phone ki ghanti bajne par ham dono ek doosre se alag hue. Renuka ne aage badhkar phone uthaya. Shayad uske office se koi tha aur vo phone par hi kisi presentation ko lekar baat karne lagi. Main bedroom ki taraf change karne ke liye badh gaya.

"Suno, mere bag mein ek green color ka notepad hai, vo lete aaoge?" Living room se uski aawaz aayi.

Maine aage badhkar uska bag khola aur notepad nikal kar use de aaya. Bedroom mein vaapis daakhil hua toh zameen par ek kagaz ka tukda gira dikha jo shayad ya toh Renuka ke bag se tab nikal kar gira tha jab maine notepad nikala ya phir shayad notepad ke andar hi rakha hua tha aur nikal kar gir gaya tha. Maine aage badhkar vo paper uthaya aur meri poori duniya mujhe ek baar phir bikharti hui nazar aane lagi.

Vo ek hotel ka bill tha. Hotel Sunrise. Ye ek 5 star hotel tha aur jis mall mein maine us din Renuka ko dekha tha, us Mall mein hi ye hotel bhi tha. Maine date check ki. Bill usi din ka tha. Ek kamra book kiya gaya tha hotel mein aur ye uska bill tha. Ab samajh aa raha tha ke vo us din achanak mall mein gayab kaise ho gayi thi aur main dhoondh kyun nahi paya tha. Main jab mall ke dhakke khata ghoom raha tha tab tak toh vo dono ek hotel ke kamre ke andar band ho chuke the.

"We are going to have a baby" Renuka ke thode der pehle bole shabd mere kaano mein ek baar phir goonje, "I missed my period this month"

Par ab mere dimag mein sirf ek hi sawal ghoom raha tha.

"Kya ye bachcha mera hai?"

Pehle dimag mein sirf shak tha ke, ek halka sa khyaal ke kahin Renuka mujhe dhokha toh nahi de rahi. Ek sawal beth gaya tha dimag mein ke us din uske saath vo ladka kaun tha. Kya vo sirf koi pehchan wala aadmi tha, Renuka ka koi dost tha ya usse zyada? Agar sirf dost tha toh us din mujhse jhooth bolne aur mera phone na uthane ki kya vajah thi aur agar vo dost se zyada tha toh kabse chal raha tha ye?

Par us din vo hotel ka bill haath lagne ke baad shak yakeen mein badal gaya. Mujhe is baat par bharosa ho gaya tha ke Renuka mujhe dhokha de rahi hai.

Vo jab bhi meri aankhon ke saamne hoti toh baar baar dil mein yahi khyaal aata ke kya hua hoga us din hotel mein? Kya karne gayi thi vo uske saath? Sone gayi thi? Kabse chal raha hai ye meri peeth ke pichhe? Aur sabse bada sawal ye ke kya vo bachcha mera tha?

Jab vo haskar mere gale lagti toh mujhe ghinn aane lagti? Mere kareeb hoti toh mujhe chid si hone lagti. Jab vo khilkhila kar hasti toh dil mein yahi khyaal aata ke isi tarah milkar haste honge dono mujhpar ke kis tarah se bevakoof pati ko koi andaza nahi ke uske peeth pichhe kya ho raha hai. Jab raat ko vo mere kareeb hokar soti toh main yahi sochta ke isi tarah se ye us ladke ki baahon mein bhi soti hogi.

Aur sach kahun toh is khyaal ko kaafi had tak badhava us Renuka ne bhi diya jise main college mein janta tha, jo hamesha ladko se ghiri rehti thi. Har ladke ke dil mein basti thi, har ladke ki khwahish thi.

"Aakhir aa hi gayi na vaapis apni asli aukat par" Use dekhkar main aksar sochta aur apna chehra doosri tarah ghuma leta.

Magar itna sab hone ke baad bhi main Renuka se is baare mein baat nahi kar paya. Dil hi dil mein kudhta raha, jalta raha par kabhi usse sidha sawal nahi kar paya. Iski sabse badi vajah mere apne maan baap hi the. Jaldi hi sabko pata chal gaya ke vo pregnant hai aur ghar mein ek khushi ki lehar daud gayi. Vo jaise sabki aankhon ka tara ban gayi. Mere maan baap apne hone wale pehle pote ya poti ko lekar bahut khush the aur main achhi tarah janta tha ke is tarah ki koi bhi baat uthane ka matlab hai ghar mein aag lagana, apne maan baap ki khushiyon ko nazar laga dena. Vo sara din Renuka ki dekh bhaal aur uska dulaar karte rehte aur main apne dil ki baat ko dil mein daba kar reh gaya.

Aur usse baat na kar paane ki doosri vajah main khud hi tha. Main usse be-intehaan mohabbat karta tha aur ye mohabbat lakh koshish ki baad bhi nafrat mein nahi badal saki. Haan naraz tha main usse, gussa tha uske upar ke usne aisa kyun kiya par ye gussa kabhi nafrat mein nahi badal saka. Ek darr mere dil apne dil mein bhi tha ke agar main galat saabit hua toh? Agar mera shak sirf shak hi nikla toh? Agar is poore vaakiye ko dekhne ka mera nazariya galat nikla toh?

Aur iska anjaam main bahut achhi tarah janta tha. Agar maine Renuka par anguli utha di, uske charitra par anguli utha di, apne hone wale bachche ko najayaz bata diya toh matlab saaf tha. Main Renuka aur apne bachche se door toh hota hi, apne maan baap aur rishtedaar sabki nazron mein gir jata.

Aur sabse pehle khud apni hi nazar mein gir jata.

Renuka ke pregnant hone ke kuchh din baad hi mera birthday tha. Ek chhoti si party rakhi gayi. Sab dost aur rishtedaar ghar par maujood the. Cake kaatne se thodi der pehle main apne kamre mein sheeshe ke aage khada taiyyar ho raha tha ke Renuka pichhe se aayi aur mere gale mein baahen daal mujhse satkar khadi ho gayi.

"You know that i love you, right?" Usene mujhse puchha

"Until now i believed that, i dont anymore" Dil hi dil mein maine uske sawal ka jawab diya, "I dont know who you love anymore Renuka, me or someone else. I dont know who you are anymore"

"I bought you a little something" Vo mujhse alag hui aur almari khol kar ek chhota sa packet lekar aayi.

"Kya hai?" Maine be-dili se puchha.

"Khol kar dekho" Usne packet mere haath mein thama diya aur kisi chhoti bachchi ki tarah chehakte hue meri taraf dekhne lagi.

Packet ke size ke hisaab se main andaza laga chuka tha ke andar kya hoga. Khola toh mere andaza sahi nikla. Andar ek bahut hi mehengi ghadi thi.

"I saw you looking at this watch online a few days ago, i know you wanted it so i ordered it" Vo khush hote hue boli, "You like it?"

"Of course i like it" Maine jawab diya. Vo sach keh rahi thi, kuchh din pehle hi ek din main internet par betha is ghadi ko dekh raha tha, kharidne ki soch raha tha. Usne shayad mujhe aisa karte dekh liya hoga aur mere baad online jakar vo ghadi order kar di hogi.

"And this is my second gift to you" Kehte hue usne mera haath pakda aur apne pet par rakh diya.

"Really?" Mere dil mein phir khyaal utha, "Is it mine really? Kya sach mera hi hai ye bachcha? Kya ye hamare pyaar ki nishani hai ya tumhari bewafai aur badchalni ki nishani hai?"

Par ek baar phir maine use kuchh nahi kaha. Birthday celebrate kiya gaya, cake kata gaya aur sab log laut gaye. Raat ko main aur Renuka apne kamre mein aaye aur so gaye.

Waqt ka andaza nahi par hamein soye hue zyada waqt nahi hua tha ke kisi aawaz se meri aankh khul gayi. Main uthkar bethne hi wala tha ke phir Renuka ke hasne ki aawaz sunkar thithak gaya. Vo phone par kisi se baat kar rahi thi.

"Haramzadi" Maine zindagi mein pehli baar use gaali di, "Mere bistar par leti, mere bagal mein leti apne yaar se baat kar rahi hai"

Maine aankhen band ki aur chup chap leta raha. Vo bahut halki si aawaz mein baat kar rahi thi, lagbhag khusphusa hi rahi thi. Par kuchh lafz the jo mujhe saaf sunai diye aur jiske baat usne phone rakh diya.

"I know that yaar, tum par toh main aankh band karke bharosa kar sakti hoon. You know how dear you are to me" Kehkar vo hasi, phir dheere se kuchh kaha jo mujhe samajh nahi aaya aur phone kaat diya.

Usne baad vo toh sukoon se karwat badal kar so gayi par mujhe poori raat neend nahi aayi. Poori raat main nafrat ki aag mein jalta raha.

Haan vo pehli baar tha ke mujhe apne dil mein uske liye nafrat mehsoos hui.

super fantastic update bhai

 

[ashish_1982_in]

Uske agle hi din meri maan ke zor daalne par Renuka ne office se maternity leave le li. Halanki vo abhi sirf mushkil se ek mahina pregnant thi par meri maan ne use office jaane se saaf mana kar diya. Uske office wale bhi is shart par maan gaye ke vo rozana kuchh ghante ke liye ghar se kaam karegi.

Jahan mere maan baap is baat ko lekar behad khush the vahin mere toh jaise armano par pani phir gaya tha. Kahin apne dil mein main is baat par yakeen kar chuka tha ke Renuka ki kokh mein pal raha bachcha mera nahi tha. Hamare ghar mein ek naya member judne wala tha aur har koi bas usi ki taiyyari mein laga hua tha. Sara din ghar mein kabhi is baat par charcha rehti ke ladka hoga ya ladki toh kabhi is baat par ke bachche ka naam kya rakhenge. Jab bada ho jaayega toh kaun se school mein bhejenge, bada hokar vo kya banega vagerah vagerah. Par mere dimag mein in sabse hatkar ek alag hi soch badhti ja rahi thi.

Sabse badi baat jo mujhe pareshan kar rahi thi vo ye thi ke us din Renuka ke saath vo ladka kaun tha. Kaun tha jo meri bagal se meri biwi ko nikal le gaya aur mujhe khabar tak nahi hui. Peshe se main ek investigative journalist tha, is tarah ki baatein pata lagana mera kaam tha. Maine faisla kiya tha ke agle kuchh din tak Renuka par nazar rakhunga, uski har movement ka pata lagaoonga ke kahan jaati hai, kisse milti hai aur kitna waqt kahan guzarti hai. Par uske maternity leave lene ke baad mera ye plan fail ho gaya. Usne maternity leave kya li, ghar se toh usne jaise nikalna hi chhod diya. Bas sara din ghar par meri maan ke saath bethi baatein karti rehti thi aur agar ghar se nikalti bhi toh maan ke saath. Kayi baar chupke se maine un dono ka pichha kiya ye sochkar ke shayad vo maan ko kuchh bahana banakar chori se us ladke se mile par aisa kuchh hua nahi. Vo jis kaam se nikalte the nipta kar ghar vaapis aa jaate the. Na toh vo maan se alag hoti thi aur na hi beech mein kahin koi use milta tha.

Doosri baat ye ke main pata lagana chahta tha ke bachcha mera hai ya nahi. Yun toh mujhe yakeen tha ke bachche ka baap main nahi hoon par phir bhi apne dil ki tasalli ke liye ek baar confirm karna chahta tha. Kuchh doctors se maine pata kiya toh jawab ye mila ke is tarah ka test karne ke liye kuchh mahine wait karna padega. Pregnancy ke shuru ke dino mein is tarah ka koi test nahi kiya ja sakta.

Par pareshani ki baat ye thi ke aisa koi test karaya kaise jaaye. Zahir si baat thi ke main asal vajah toh Renuka ko bata nahi sakta tha. Jo bhi karna tha use bina bataye karna tha. Par phir iske liye kisi aise doctor ki bhi zaroorat thi jo is kaam merin khamoshi se mera saath de. Mere saath saath vo bhi Renuka se jhooth bole ke normal koi test kar raha hai aur baad mein nateeja chahe kuchh bhi ho, bachcha mera ho ya na ho, is baat ko bahar na nikalne de, sirf apne tak rakhe.

Renuka ki jasoosi karne ka ab mere paas sirf ek hi tareeka tha. Uske phone aur laptop ko track karna. Kayi baar maine uska phone utha kar contact list, call list aur inbox mein messages dekhe par aisa kuchh nahi mila jo mujhe uske aashiq ka naam aur pata bata sakta. Vo jo bhi kar rahi thi bahut hi hoshiyari se kar rahi thi aur mere paas sivaay uske phone aur laptop ko track karne ke aur koi rasta nahi bacha tha. Kaam mushkil nahi tha. Ek aadmi tha meri pehchan mein jo ye mere liye kar sakta tha, Akram Ballebaaz.

"Kya haal hain sarkar, bade din baad idhar ka rasta bhoole" Main Akram se milne gaya toh vo bahut hi garam joshi se mujhse mila.

Uska naam Akram Ballebaaz kyun tha ye koi nahi janta tha sivaay uske aur vo kisi ko batata nahi tha. Asli naam kya tha ye bhi koi nahi janta tha aur sab use bas Akram Ballebaaz hi keh kar bulate the. Yahan tak ke uske driving licence aur passport par bhi uska naam Akram Ballebaaz hi tha. Aage pichhe uska koi nahi tha aur koi nahi janta tha ke vo kaun tha, kahan se aaya tha par aadmi kaam ka tha. Bina kisi degree aur formal education ke computers aur electrical gadgets ki bahut hi zabardast knowledge thi use.

"Ek kaam tha yaar" Maine kaha.

"Bataiye kiski jasoosi karni hai ab" Vo bola, "Par pehle ye bataiye ke garam lenge ya thanda"

Ye bhi uski bahut purani aadat thi. Apne paas aane wale har insaan ko kuchh khila pila kar zaroor bhejta tha, bhale hi saamne wala lakh mana karta rahe. Isse pehle bhi jab bhi main usse mila toh kuchh kha pikar hi nikla, bhale hi mera dil ho ya na ho. Is waqt bhi main janta tha ke mana karke kuchh haasil nahi hoga isliye khamoshi se use kuchh thanda laane ke liye bol diya. Usne phone uthaya aur kisi ko 2 cold drinks aur samose laane ko kaha.

"Ek baat bata Akram"

"Kahiye"

"Tu sala sara din yahan betha khata rehta hai aur phir bhi hai single pasli?"

Aur ye haqeeqat bhi tha. Vo apne office mein betha sara din bhains ki tarah jugali karta rehta tha par phir bhi itna dubla tha ke agar hawa chale toh udne ka darr ho jaaye.

"Allah ka karam samajh lijiye bas" Usne haskar jawab diya.

"Achha ek toh mujhe ek sim ka clone chahiye" Main matlab ki baat par aate hue kaha.

"Ho jaayega"

"Aur doosra mujhe ek laptop mein koi aisa bug ya virus daalna hai jo us laptop se jaane wali har email ki ek copy mujhe forward kare. Agar Skype, Yahoo ya MSN jaisi kisi chat service ke zariye koi chat ki ja rahi ho toh vo chat save kare aur mujhe email kar de"

"Email wala toh aasan hai, vo toh mil jaayega par ye chat wala zara tricky hoga"

"Ho paayega?"

"Haan ho toh jaayega par ek do din lagenge"

"Uski tension nahi hai. Jab taiyyar ho jaaye toh bata dena main laptop leta aaoonga"

"Kiska laptop hai?"

"Hai kisi ka. Ek kaam aur karna hai, ek landline tap karna hai ke jo bhi call incoming ya outgoing us phone se ho vo kahin record ho jaaye"

"Haan ho jaayega par jaake ek chhota sa device phone ke andar bethana padega"

"Vo toh tu jab chaahe kar dena. Mera hi landline hai"

"Apna phone tap kar rahe ho?" Usne hairat se meri taraf dekhte hue puchha.

"Haan yaar" Maine jawab diya, "Karna padta hai kabhi kabhi aisa bhi?"

"Par kyun?" Usne hairani se mujhse puchha.

"Arrey aisa kuchh nahi hai, aajkal zara ajeeb ajeeb se phone aa rahe hain ghar par aur uper se mera kuchh kaam bhi aisa hai. Toh sochta hoon ke ghar par kuchh install kara loon aisa jisse ke ghar par aane wali calls track ki ja saken, conversation record ho sake"

"Haan ho jaayega, aap jab bolo main ghar aake laga jaoonga"

"Main phone kar doonga tujhe" Main nahi chahta tha ke vo ye kaam Renuka ke saamne aakar kare isliye use kisi aise time par bulana zaroori tha jab ghar par koi na ho, "Most probably kal ya parso hi"

"Ye emails aur chat ka kya chakkar hai?"

"Track kar raha hoon kisi ko, evidence chahiye hogi kuchh uska gunaah saabit karne ke liye"

"Email wala toh aasan sa hi kaam hai, ek chhota sa spyware dalna hai bas. Chat record karne wala bhi ho jaayega, thoda sa time chahiye hoga"

"Theek hai"

"Aur Bhabhi ji ke kya haal chaal hain?"Usne achanak sawal kiya.

"Theek hai vo bhi" Ek pal ke liye mere munh se nikalne hi wala tha ke vo pregnant hai par phir maine baat zubaan tak hi rok li.

Usi raat dinner ke baad jab main aur Renuka sone ke liye lete toh vo mere kareeb hokar let gayi. Maine bas ek baar uski taraf bedili se muskura kar dekha aur aankhen band kar li. Usne khud hi apna sar utha kar mere seene par rakhe aur aur meri ek bazu ko apne jism par lape-te hue mere baahon mein simat si gayi. Uska aisa karna mujhe bilkul pasand nahi aaya par man maarkar main chup chap aankhen band kiye leta raha.

"Ek baat puchhun?" Kuchh lamhon ki khamoshi ke baad vo boli.

"Hmmmm" Maine jawab mein sirf haami bhari.

"Naraz ho mujhse kya?"

"Nahi toh" Uske achanak is sawan ne mujhe aankhen khol kar uski taraf dekhne par majboor kar diya.

"Kuchh din se dekh rahi hoon ke bade kate kate se rehte ho, jaisa kuchh kehna chah rahe ho mujhse, kuchh puchhna chah rahe ho par keh nahi pa rahe. Sirf khamoshi se andar hi andar ghut rahe ho. Mujhse koi bhool ho gayi kya?"

Dil mein toh aaya ke keh doon ke tumse vo galti hui hai jiske baad har galti chhoti pad jaati hai.

"Nahi toh, aisa toh kuchh bhi nahi hai" Main sirf itna hi keh paya.

"Jaanti hoon main tumhein bahut achhi tarah" Vo vaise hi lete lete boli, "Tumhari aankhon mein dikhta hai mujhe ke koi baat pareshan kar rahi hai tumhein. Kya hua hai"

"Tumhein is tarah pareshan dekh kar jaan nikalti hai meri, please agar kuchh hai toh bata do"

"Main sach keh raha hoon aisa kuchh nahi hai" Maine jhoothi tasalli deni chahi, "Veham hai tumara. Thoda kaam vagerah ke chakkar mein phasa hua hoon isliye aisa lag raha hai tumhein"

"Is it because of the child?" Usne jaise meri baat suni hi nahi.

"Child? What do you mean?"

"Dekh rahi hoon ke jabse main bataya hai ke i am pregnant tum kuchh pareshan se ho. Maine vo ghadi lakar di thi, tumne ek baar bhi use nahi pehna. Pasand nahi aayi?"

Mujhe achanak yaad aaya ke uski laayi hui ghadi toh main bhool hi gaya tha.

"Nahi pasand toh bahut hai, you know i wanted to buy it" Mujhe samajh hi nahi aaya ke kya bahana banaoon ke main kyun ghadi ek baar bhi try nahi ki.

"If you dont want a baby right now then we dont have to do it" Usne phir baat ka rukh bachche ki taraf mod diya.

"Matlab?"

"Jabse main pregnant hoon khoye khoye se rehte ho, mere kareeb tak nahi aate. Agar bachche ko lekar pareshan ho toh we dont have to go through it. We can abort the baby"

"Kya bol rahi ho?" Mujhe uske andaaz se mehsoos hua ke vo serious thi toh main uthkar betha.

"There is nothing more imporant to me than you are. If you dont want this baby then i dont want it either" Aur ye kehte hue uski aankhen chhalak aayi. Do mote mote aansoon uski palkon se behkar uske gaalon par ludhak gaye.

Dil hi dil mein ye toh khud maine bhi kayi baar socha tha ke is bachche ko gira diya jaaye par Renuka se kaise kahun ye decide nahi kar paya. Aur ab jabki vo khud hi mere saamne bachcha girane ki baat kar rahi thi toh main ye decide nahi kar pa raha tha ke kaise react karun.

"Kuchh bolo na, kyun naraz ho?" Usne apna ek haath mere gaal par rakha.

"Main nahi hoon naraz, seriously"

"Jhooth bol rahe ho, chhupa rahe ho mujhse. Nahi batana toh mat batao par jo bhi galti hui mujhse, maaf to kar sakte ho. Please? I am sorry" Aur ye kehkar usne badi masoomiyat se kisi chhoti bachchi ki tarah apne dono kaan pakad liye.

Us ek lamhe main samajh nahi paya ke kya sahi hai aur kya galat. Hazar sawal ek baar phir dil mein umad pade. Kya mera shak sahi tha ya main bas yun hi baat ka batangad bana raha tha? Mere saamne bethi ye ladki jo bhaari palken liye apne kaan pakde mujhse maafi maang rahi thi, bina ye jaane ke vo kis baat ki maafi maang rahi hai, kya ye asal thi ya sirf ek natak? Kya is maafi mein sachchai thi ya apni bewafai ko chhupane ki koshish?

Kya vo mera pyaar tha jo use yun tadpa raha tha ya uska apna mujhe dhokha dene ka guilt jisne use is tarah maafi maangne par majboor kar diya tha? Ek pregnant aurat jo apna bachcha tak girane ko taiyyar thi meri khushi ke liye, meri mohabbat mein, kya ye haqeeat thi ya vo aurat haqeeat thi jo us din ek hotel ke band kamre mein kisi paraye mard ke saath kuchh ghante bita kar aayi thi? Kya vo bachcha isliye gira rahi thi kyunki use lagta tha main is baat se pareshan hoon aur bachcha nahi chahta? Ya isliye ke vo jaanti thi ke ye bachcha mera hai hi nahi?

Vo bachchon ki tarah kaan pakde mere saamne bethi ro rahi thi aur main bas uske chehre ki taraf dekhe ja raha tha.

nice update bhai

 

[ashish_1982_in]

Chapter 13 - The Day It Happened

Mujhe Chail aaye ek hafta ho chuka tha aur is beech mere haath koi bhi khaas information nahi aayi thi. Haan ek theroy zaroor maine bana li thi aur mujhe poora andesha tha ke aisa hi kuchh hua tha par vo theroy bhi abhi tak adhoori thi. Ab tak sirf itna hi mujhe samajh aaya tha ke Ravi aur Sunanda ka aapas mein affair tha. Dono ki shaadi na-mumkin thi aur iski vajah dono ke social status ke beech ka antar thi. Jo kuchh bhi dono ke saath hua tha uski vajah ye love affair hi tha par sabse bade jo sawal the unka jawab ab tak mere paas nahi tha.

Kya hua tha un dono ke saath?

Kya vo abhi zinda the ya mar chuke the?

Aur in sabse kahin badhke jo sawal tha vo ye tha ke jo information mujhe ek hafte mein pata lag gayi, Ravi aur Sunanda ke beech ki ye baat kahin bhi police files mein kyun nahi hai? Kya police aur CBI milkar is chhote se point ko dhoondh nahi paayi thi yar unhein is baat ko daba dene ke liye kaha tha? Aakhir kaun chahega ke unke khandan ke ladke ka naam kisi prostitute ki beti se joda jaaye?

"Kya soch rahe ho?" Main subah subah betha police files ki khaak chhan raha tha ke Kamini ek cup chaai bana laayi.

"Samajh nahi aa raha kuchh bhi"

"Matlab?"

"Matlab yaar ye ke aaj tak maine jo bhi cases investigate kiye hain vo ya toh kisi aise mamle se related hote the jo abhi bhi chal raha tha ya kisi aisi ghatna ko lekar jo abhi haal filhal mein hui hai. Had se had kuchh mahino pehle"

"Ok"

"Aise cases mein evidence ya toh fresh hoti hai aur agar fresh nahi hoti toh at least damaged ya khatam bhi nahi hoti. Logon ki yaad dasht taza hoti hai. Incidents ko jodne mein aasani rehti hai"

"Jo ki filhal is case mein nahi hai"

"Nahi bilkul nahi. Main 20 saal purani ek kabar khod raha hoon. 20 saal ek bahut lamba arsa hota hai Kamini. Us waqt is case mein involved kitne log toh shayad ab tak mar bhi chuke honge aur jo zinda hai unhein dhang se yaad nahi hoga"

"So toh hai"

"Aur koi nayi evidence dhoondhna toh almost impossible hi hai jaise. Jo kuchh bhi hai purani evidence hi hai aur vo yahan police files mein darj hai"

"Jo ke i am sure zyada helpful nahi hogi"

"Exactly. Ab samajh nahi aa raha ke is sabko lekar us 20 saal purani ghanta ko kaise samjhun"

"Why dont you recreate it?"

"What do you mean"

"You know like they show on the TV, on news channel"

"Yeah i know, i work for one"

"So i think a good place to start will be to recreate the incidents of that day, ke us din kya hua tha"

"Arrey vahi toh pata lagana hai par kaise"

"At least jitna pata laga sakte ho toh vo karo"

"I think you are right. Shaam ke baad jab Ravi ghar se nikla toh kya hua ye nahi pata par usse pehle ka toh pata chal hi sakta hai"





"Right"

"I mean jo us din hua of course there will be incidents for day prior to that, or maybe weeks or months which led to what happened to that day. Par in sab sawalon ka jawab is baat mein hai ke us din exactly hua kya tha"

"True" Kamini aise muskura rahi thi jaise pata nahi mera kaun sa bada marg-darshan kar diya ho.

"Samajhdaar ho gayi hai tu bhi mere saath reh rehke"

"Excuse me, main hamesha se hi bahut samajhdaar thi. Tumhein har thode waqt mein meri salah lete rehna chahiye, faayde mein rahoge"

"I agree," Maine apne baalon mein haath pherte hue kaha. "Kuchh saal pehle teri salah le leta toh aaj ye din dekhna nahi padta. Us din hospital mein hi teri baat maan li hoti Renuka ke baare mein toh aaj kahani kuchh aur hi hoti"

"Abhi bhi kuchh nahi bigda hai" Usne fauran mera haath apne haath mein liya, "Ab jo hua use bhool jao aur jo ja chuki hai use dosh nahi dete. Vo jaisi bhi thi, biwi thi tumhari. Bhale thode waqt ke liye hi sahi, ek bahut achha waqt saath guzara tum dono ne aur ek khoobsurat beta deke gayi hai vo tumhein. Ab vo ja chuki hai toh sabki behtari isi mein hai ke tum bhi ab har gile shikve ko dil se chale jaane do. Ek mari hui aurat ke khilaff apne dil mein nafrat paalkar tumhein kuchh haasil nahi hoga. Maaf kar do use. Apne gunaah ki saza usne khud hi apne aapko de di, khud apne haathon apni jaan le li. Ab tumhari baari hai use maaf kar dene ki"

"Yahi maafi agar vo zinda rehte mujhse maangti toh kya main maaf na karta use? Sirf ek baar mere saamne bethkar mujhse maafi ke do shabd kehne the, sab bhool jata main par usne mujhe is layak bhi nahi samjha. Maut ki saza usne sirf apne aapko nahi, apne pichhe apne chhote se bachche aur apne pati ko bhi di hai. Suicide was never the way out, all she needed to do was come back to her family, come back to me"

Mere is sawal ka jawab shayad Kamini ke paas bhi nahi tha. Vo kuchh pal ke liye bas chup chap dekhti rahi aur phir jab uski aankhen bhar aayi toh chehra doosri aur ghuma liya.

"I cant see you like this" Vo chehra doosri aur kiye boli, "Makes my heart break and my eyes water" You will have to let it go, if not for yourself then for your son and your family. And maybe for me"

Ek baar phir kamre mein khamishi chha gayi. Kuchh der baad ek baar phir khamoshi usi ne todi.

"So how are we gonna start" Apne chehre se baal hatate hue usne chehre par muskurahat bikheri aur meri taraf dekha.

"I think a good place to start will be to find out who Ravi spoke to that day, who he spent time with, where all did he go"

"We will have to talk to everyone about that"

"True"

"Who do you want to start with?"

"I think i have a name in mind"

"Who?"

"The same guy who takes care of the entire household, has been doing it for all his life"

"Liyaqat? Vo butler?"

"Right. Raat ko ghar ka main gate vahi lock karta hai aur subah vahi kholta bhi hai. Is ghar ke har insaan ki movement par uski nazar rehti hai. Usse maine pehle ek baar aur baat ki thi par tab koi zyada khaas information haasil nahi hui thi"

"Is baar bolega vo?"

"Nahi I am sure bolega toh abhi bhi kuchh khaas nahi vo. Kaafi ghunna type ka hai par at least mere paas puchhne ke liye behtar sawal hain"

"Do you think he has anything to do with it?"

"I dont think so really"

"Why not?"

"Sabse badi vajah ke aisa karne ka koi motive nahi tha uske paas and i dont think koi fayda bhi hua hai use. Aage pichhe i dont think ke koi hai use aur Ravi ke gayab hone ke baad bhi 20 saal se vo vahi same zindagi ji raha hai"

"Baat toh sahi hai"

"But still, i havent really checked him off my suspect list entirely. He is still on it"

"So when do you want to talk to him"

"Abhi bula leta hoon use. Meanwhile tu ek kaam kar"

"Kya?"

"Kanha ke baap se baat kar"

Main Kamini ko already Kanha ka kissa poora suna chuka tha, aur uske baap ke baare mein bhi.

"Main kya baat karungi usse?"

"Dekh agar koi information milti hai toh"

"You are asking me to go and investigate? Dont you think you will be better off doing it yourself? I wouldnt even know what to ask"

Nice update bhai

 

[ashish_1982_in]

"See that is the point" Maine kaha

"What is?"

"Ke tu vahan investigate karne nahi, usse baat karne ja"

"Usse kya hoga?"

"Jis tarah se tune Sunanda ki maan ke saath bahave kiya tha , vaise hi kar. Usko baaton mein laga aur dekh kya bolta hai buddha"

"Aur usne mujhse puchha ke main kaun hoon aur kyun is baare mein soonghti phir rahi hoon?"

"Toh kehna ke tu is 20 saal pehle hui ghanta ke baare mein ek story likhne ki soch rahi hai"

"Reporter?"

"Nahi, reporter bolegi toh shayad bidak jaaye buddha"

"Phir?"

"Book writer bol. Author"

"Author?"

"Haan, kehna ke tu hamare desh mein hue unsolved cases ke uper ek book likh rahi hai. Aur since ye 20 saal pehle ka ek bahut bada aur famous unsolved case hai toh tu iske baare mein likhna chahti hai. Thoda senti maar, uske bete ko lekar ke tu uski kahani sabke saamne lana chahti hai blah blah"

"Isnt that kinda mean?"

"Could be but that is best choice"

"Do you think it will work?"

"Worth a shot"

Kamini ke jaane ke baad main Liyaqat ko bula bheja aur stove par chaai chadhayi. 10 minute baad main chaai ke cup lekar drawing room mein betha hi tha ke darwaze par knock hua. Khola toh bahar Liyaqat khada tha.

"Aapne bulaya tha?"

"Haan" Maine use andar aane ka ishara kiya," Aao betho"

"Nahi theek hai, kahiye" Usne khade khade hi kaha.

"Beth jao, thoda waqt lagega" Mere zor dene par vo beth gaya.

"Tumse kuchh case ke baare mein baat karni thi"

"Main jo janta tha vo bata chuka hoon aapko"

"Haan par main ek baar phir baat karna chahta tha"

"Jo us din maine bataya tha usse zyada kuchh pata nahi mujhe"

"Well then i need you to repeat what you said that day"

"Puchhiye" Vo hathyaar daalta hua bola.

"Apna poore din ka haal sunao ke kya kiya tha tumne us din, kahan the, kab the vagerah vagerah. Aur ye dialogue mat maarna ke main 20 saal purani baat puchh raha hoon, tumhein yaad nahi. Jo us din hua tha aur jitna hangama us din ke baad hua tha itna kuchh hone ke baad toh ek bachche ke dimaag par bhi us din ka poora naksha chhap jata hai"

"Jitna mujhe yaad hai utna main bata deta hoon" Mere mana karne ke baad bhi usne adiyal ghode ki tarah phir yaad-dasht ka hawala diya.

"Theek hai, batao"

"Subah 4.30 baje main utha"

"Itni subah uthne ki koi khaas vajah?"

"Subah ki namaz"

"Padhte ho?"

"5 waqt"

"Kahin masjid hai aas paas yahan?"

"Nahi thoda door hai isliye ghar par hi padhta hoon"

"Ok, phir?"

"Namaz padhi, ghar ka main gate khola aur phir jogging ke liye bahar nikal gaya"

"Jogging?" Maine hairat se use sar se paon tak dekha.

"Main buddha hi paida nahi hua tha" Usne mere bolne ke andaaz aur nazar ko taadte hue kaha, "Aaj se 20 saal pehle main 34 saal ka hua karta tha. Ab umar ho gayi hai par ab bhi main 10 kms bhaag loon aur mera haath tak na kaanpe"

Baat saaf thi, use mera is tarah se bolna bura laga tha. Aur vaise bhi use dekh kar andaza hota tha ke sehat ka khaas khyaal rakhta hai. Is umar mein bhi uska pet ek inch bhi bahar nahi tha aur jism poori tarah se tandrust aur kasrati lagta tha.

"I am sorry, phir?"

"Yahan se thodi door ek chaai ki dukaan hai, achhi chaai banata hai vo. Ek waqt par main subah roz vahan tak bhaag kar jata tha aur roz subah ki chaai vahin peeta tha."

"Haan jaanta hoon us dukaan ke baare mein, ja chuka hoon ek baar. Phir?"

"Vahan mujhe subah subah Rana Sahab mile"

"Mr. Rana?"

"Nahi hamare Sahab nahi, Pratap Rana Sahab"

"Oh, matlab unki bhi bahut purani aadat hai vahan jakar chaai pine ki?"

"Ji haan"

"Phir?"

"Maine chaai pi, kuchh khaya aur phir tehalta hua vaapis aa gaya"

"Mr. Rana se us din vahan koi baat hui?"

"Nahi koi khaas nahi, bas aise hi haal chaal puchha"

"Ok, phir?"

"Ek baat hui thi us din jo mere dimag se kabhi nikli nahi, mera bhram bhi ho sakta hai"

"Kya?"

"Jab main vaapis aa raha tha toh mujhe laga ke maine ek ladki dekhi"

"Ladki dekhi?"

"Haan"

"Koi khaas baat ismein?" Mujhe uski baat kuchh samajh nahi aayi,

"Us waqt toh koi khaas baat nahi lagi sivaay iske ke kuchh ghabrayi si lag rahi thi"

"Ghabrayi si?"

"Haan jaise kisi se bachke bhaag rahi ho"

"Tumhein aisa kyun laga?"

"Pedon ki aat lekar chal rahi thi, sadak se hatkar jaise darr rahi ho ke sadak par koi dekh na le aur kaafi tezi ke saath chal rahi thi, matlab lagbhag bhaag hi rahi thi"

"Ho sakta hai vo bhi tumhari tarah jogging kar rahi ho"

"Nahi"

"Kyun?"

"Kyunki Saree pehankar koi bevakoof aurat hi jogging karne jaayegi"

"Point, kahan dikhi thi tumhein vo?"

"Yahin ghar se thodi door. Main Bungalow ki taraf aa raha tha aur vo Bungalow ki taraf se Chail ki taraf ja rahi thi"

"Phir tumne kya kiya?"

"Ek pal ke liye toh samajh nahi aaya ke kya karun. Matlab socha ke rok kar puchh loon par is tarah subah subah sunsaan jagah par ladki ko rokna kuchh theek sa nahi laga. Maine socha ke hogi kisi baat ko leke pareshaan isliye maine kuchh nahi kaha"

"Us ladki ne tumhein dekha?"

"Haan bilkul. Mujhe door se aata dekh vo shayad thithak kar ped ke pichhe chhup gayi thi. Maine toh use dekha bhi tab jab main kareeb aaya aur vo ped ke pichhe se nikal kar aage chali gayi"

"Aur tum yahan aa gaye?"

"Haan subah subah ghar par vaise bhi kaafi kaam hota hai toh main ghar vaapis aa gaya"

"Koi idea kaun thi vo ladki?"

"Us waqt toh mujhe yaad nahi aaya haan par shakal kuchh pehchani si lagi. Ghar vaapis aaya aur phir apne kaam mein lag gaya aur phir Ravi Sahab ki gumshudgi ko lekar kuchh din tak hangama raha. Kuchh din baad ek din mere kamre mein rakha ek purana paper mere haath laga jismein us ladki ki tasveer thi. Tab mujhe samajh aaya ke kyun mujhe us ladki ki shakal pehchani si lag rahi thi"

"Kabka akhbaar tha?" Mujhe kuchh kuchh samajh aana shuru ho gaya tha ke vo kya kehne ja raha hai.

"Maine jis din us ladki ko dekha tha usse 3-4 din pehle ka. Us akhbaar mein uski photo chhapi thi aur likha tha ke vo lapata hai, 3 din se ghar nahi aayi hai aur agar kisi ko koi jaankar hai toh falana falana pate par ya police station mein jakar bata de"

"Aur vo ladki Sunanda thi?"

"Ji haan" Usne sar hila kar jawab diya.

"Jis din tumne use dekha vo usse ek hafta pehle se apne ghar se gayab thi"

"Ji haan"

very nice update bhai

 

[ashish_1982_in]

"Aur tumhein ye baat pata thi?"

"Jaisa ke maine kaha, us waqt pata nahi thi. Us waqt toh sirf shakal jaani pehchani lagi. Baad mein pata chala ke vo kaun thi"

"Toh tum mujhe ye keh rahe ho ke jo ladki ek hafte se ghar se gayab thi us din subah tumne use dekha aur usi din Ravi bhi gayab ho gaya?

"Ji haan"

"Tum ye baat itne yakeen se kaise keh sakte ho ke ladki Sunanda hi thi, koi aur bhi toh ho sakti hai"

"Shakal kaafi gaur se dekhi thi maine. Pehchanne mein galti nahi kar sakta" Use bade confidence se jawab diya.

"Toh tumhein yakeen hai ke vo Sunanda hi thi"

"Haan"

"Aaj 20 saal baad bhi? Aur tumhein ye ek baat itni achhi tarah se yaad hai?"

"Iski bhi ek vajah hai"

"Kya?"

"Jab maine use saamne se dekha toh bas ek ghabrayi si ladki dikhai di jo kisi vajah se chhup chhup kar ja rahi thi. Ek pal ko maine ye bhi socha ke shayad aisa kuchh nahi hai, mujhe hi aisa lag raha hai ke ye thodi pareshan hai. Aur ye bhi ho sakta hai ke ho kisi baat ko lekar pareshan, ab aise sadak chalte har kisi se toh nahi puchh sakte na"

"Right"

"Par jab vo aage nikal gayi toh maine ek baar phir palat kar uski tarah dekha. Us din hawa kaafi tez thi aur ek pal ke liye, sirf ek pal ke liye hawa ka ek tez jhonka aaya aur uski saree ka pallu uske jism se khiska"

"Ok, toh?"

"Use shareer ke upari hisse mein saree ke andar kuchh nahi pehen rakha tha"

"Matlab?"

"Matlab usne sirf uper se saree pehen rakhi thi. Jab aanchal sarka toh mujhe pichhe se uski poori nangi peeth dikhai di. Andar blouse nahi tha. Aise lah raha tha jaise vo kahin se jaldbaazi mein nikli ho, bas shareer par fatafat saree lapet kar hi nikal bhaagi ho"

"Hmmmm"

"Ab aap hi bataiye, ek din aapko ek ladki yun badhawas si aadhe kapdo mein sadak par chhup kar chalti dikhe aur baad mein aapko pata chale ke vo ladki ghar se ek hafta pehle se gayab thi toh kya aap kabhi uska chehra bhool paayenge? Kya is baat ko apne zehan se nikal paayenge?"

"I guess not. Tumne kisi ko ye baat batayi?"

"Nahi"

"Kyun?"

Maine puchha toh vo ek pal ke liye chup ho gaya.

"Kyun?" Maine phir sawal dohraya.

"Vajah thi"

"Jaan sakta hoon ke vo vajah kya thi?"

"Uske baad thodi hi door mujhe Ravi Sahab bhi usi taraf jaate dikhe"

"Tumhara matlab ladki ke pichhe?"

"Pata nahi, par ja usi taraf rahe the"

"Aur tumhein laga ke Ravi us ladki ke pichhe ja raha hai? Ke vo ladki Ravi se bachkar bhaag rahi hai"

Usne phir koi jawab nahi diya par uski khamoshi ne hi mere sawal ka jawab haan mein de diya.

"Ye bhi toh ho sakta hai ke Ravi subah subah yun hi ghoomne nikla ho? Ya jogging karne?"

"Nahi, vo jogging wale kapdo mein the nahi. Shirt pent pehen rakhi thi aur neeche leather wale joote aur ...."

"Aur kya?"

"Aur vo chal aise rahe the jaise kisi ke pichhe ja rahe hon. Bhaag toh nahi rahe the par kaafi jhapat kar chal rahe the jaise jaldi mein hon. Meri bagal se guzre toh maine good morning kaha par meri toh unhone jaise suni hi nahi. Apne hi khyaalon mein khoye aage ki taraf chale gaye"

"Toh tumhein ye darr tha ke agar kisi ko tumne ye baat batayi toh sabko yahi lagega ke Ravi us ladki ka pichha kar raha tha?"

Usne haan mein sar hilaya.

"Par us waqt toh Ravi khud bhi gayab tha. Kya tumhein ye nahi laga ke ho sakta hai is baat ko batane se shayad Ravi ko dhoondhne mein madad milti?"

"Ye baat agar main kehta toh Ravi Sahab ka naam us jaisi ladki ke saath judta, badnami hoti"

"Aur tumne apni zubaan band rakhi. Par tumhein kaise pata ke sunanda kaisi ladki thi? Abhi toh tum keh rahe the ke tumhein uske baare mein pehli baar pata hi newspaper mein photo dekh kar chala?"

"Uske baad mein ghar ke ek do naukar ko tasveer dikha kar puchha ke vo us ladki ko jaante the kya? Paas ke gaon ki hi thi aur yahan sab naukar aas paas ke gaon se hi hain. Unmein se ek ne pehchan kar bataya ke vo dono maan beti kis tarah ka kaam karte the"

"Hmmmm. Tumhein lagta hai ke Sunanda yahan Rana Sahab ke ghar se bachkar bhaag rahi thi?"

"Nahi yahan ek hafta agar vo hoti toh pata zaroor chalta. Aur uper se us subah main gate ka lock maine hi khola tha aur uske baad se gate par watchman betha tha, usne kisi ko yahan se jaate nahi dekha"

"Zaroori nahi ke ghar mein hi ho. Ravi vahan pichhe guest house bhi toh use karta tha apne liye. Ho sakta hai usne vahan rakha ho Sunando ko?"

Jawab mein Liyaqat ne sirf pata nahi ke andaaz mein kandhe uchka diya.

"Ek baat aur, tumne jab mujhse pehli baar baat ki us waqt mujhe ye sab kyun nahi bataya?"

"Usi darr se jis darr se 20 saal pehle kisi ko nahi bataya tha"

"Aur ab kyun bata rahe ho?"

"Kyunki 20 saal se ye kissa chala aa raha hai. Ravi Sahab khud toh chale gaye par vo har kisi ke dimag mein abhi bhi base hue hain. Har koi 20 saal se ye jaanna chahta hai ke kya hua tha us din aur kahan gaye vo. Aur un logon mein main khud bhi shaamil hoon. Main bas ab is qisse ko khatam karna chahta hoon. Memsahab ne aapko itni ummeedon se milaya hai, umar ke aakhri padav par hain vo aur is umar mein ek maan ka haq banta hai ke use pata chale ke uske bete ke saath kya hua tha"





"Ok" Maine apna notepad khola, "Ye subah kitne baje ki baat hai?"

"Yahi koi 6 baje ke aas paas"

"Tum ghar se kitne baje nikle the?"

"Takreeban 5.15 ke kareeb, subah ki namaz padhkar"

"Aur usi waqt tumne ghar ka main gate bhi khola tha?"

"Ji haan"

"Un dino Ravi kahan reh raha tha, yahin ghar mein ya vo us guest house mein?"

"Unka aisa kuchh pakka nahi the, ek din yahan rehte the toh agle din vahan"

"Jis roz vo gayab hua usse pichhle din kahan tha?"

"Guest house, do teen din se vahin the. Khane khane bhi ghar nahi aate the, vahin bhijva diya jata tha"

"Kuchh yaad hai ke khana ek aadmi layak ja raha tha ya do aadmi kha sake itna?"

"Ab ye toh sach bataoon toh yaad nahi. Ab ye mujh aur aap jaise middle class aadmi ka ghar toh hai nahi ke andaze se khana banega ke kitne khane wale hain taaki kuchh bekaar na jaaye aur ghar ka ration faaltu kharch na ho"

"Matlab?"

"Matlab ke yahan agar kisi ek aadmi ka bhi chicken khane ka dil kar raha ho toh poora murga kata jata hai, phir vo insaan usmein se sirf ek leg piece khata hai aur baaki ka ya toh naukar le jaate hain ya phenk diya jata hai"

"Hmmmmm"

"Toh Ravi Sahab ke saath bhi aisa hi tha. Ghar mein jo bana hota toh sab dishes jaati thi. Jitna vo khate the kha lete the aur baaki ka naukar vaapis le aate the"

"Koi khaas vajah ke vo un dino khana vahin kyun khata tha?"

"Sahab se kuchh dino se unki kaha-suni chal rahi thi"

"Mr. Rana?"

"Ji haan"

"I thought kaha suni sirf us din hui thi jis din vo gayab hua tha?"

"Us din bhi hui thi. Us din actually kuchh zyada hi garma garmi ho gayi thi, behas is had tak chali gayi ke unki aawaz ghar ke har naukar ne suni. Par baat asal mein usse kuchh din pehle se hi bigdi hui thi"

"Kitne din pehle se?"

"Takreeban mahina pehle se"

"Aur tumhein ye baat kaise pata?"

"Kayi baar Sahab aur Ravi Sahab ko gusse mein baat karte dekha, dheemi aawaz mein aur phir mujhe aata dekh kar chup ho jaate the"

"Mrs. Rana ko pata hai ye baat?"

"Ji haan"

"Unhone bataya nahi. Mujhe toh unhone sirf ye kaha ke jis din Ravi gayab hua tha usi din kuchh behas hui thi"

"Ab kyun nahi bataya ye toh vahi jaane par baat asal mein mahina bhar se bigdi hui thi"

"Ok, toh tumne raaste mein Sunanda aur Ravi ko dekha aur phir tum ghar aa gaye"

"Ji haan"

"Kitne baje"

"6.15 ya 6.30 ke aas paas"

"Phir?"

"Phir main ghar ke kaamo mein lag gaya. Takreeban 11 baje ke kareeb Mem-Sahab ne kaha ke unhein Solan jana hai aur mujhe gaadi taiyyar karne ko kaha"

"Kitne baje nikle yahan se?"

"12 ke aas paas"

"Tum, Mrs. Rana aur Raj?"

"Ji haan"

"Subah jab Ravi gaya toh vaapis kab aaya phir?"

"Jab tak ham log Solan ke liye nikle tab tak vaapis nahi aaye the"

"Subah ka gaya dopahar tak nahi aaya?"

"Nahi"

"Ok, Phir?"

"Phir ham log Solan pahunche, Madam ko kuchh shopping karni thi vo unhone kari aur ham vaapis aa gaye"

"Vahan kuchh aisa hua ho jo ajeeb laga ho?"

"Nahi vahan toh nahi par jab ham Chail se nikal rahe the toh ek jagah mujhe Ravi Sahab aur unka dost Kanha baat karte hue dikhe"

"Yahi raaste mein sadak ke kinare, Kanha ke ghar se zara door"

"Tum log ruke?"

"Nahi vo zara sadak se thoda hatke khade the, shayad Memsahab ne unhein dekha hi nahi. Vo aur Raj Sahab pichhe ki taraf bethe the gaadi mein"

"Baat karne ke andaaz se kuchh laga?"

"Nahi kuchh khaas nahi. Thoda door khade the mujhe par jaise baat kar rahe the usse yahi lag raha tha ke kisi bade mudde par baat kar rahe hain"

"Jab tum Solan pahunche toh Raj poora time tumhare saath hi tha?"

"Ji haan"

"Vahan koi mila ho, kisi se baat hui ho? Raj kahin gaya ho thodi der ke liye?"

"Nahi, na koi mila aur na hi Raj Sahab kahin gaye"

"Aur vaapis kitne baje aaye?"

"Shaam ke 5 baje"

nice update bhai

 

[ashish_1982_in]

"5 baje?"

"Ji haan"

"Yahan se Solan tak jaane aane aur thodi der vahan shopping karne ke liye 5 ghante? Solan toh kareeb hi hai na? Uhar Kaali ke Tibbe se nazar aata hai neeche valley mein"

"Haan hai toh nazdeek hi"

"Phir 5 ghante?"

"Sadak idhar abhi kuchh saal pehle tak hi itni theek hui hai. Un dino sadak koi khaas nahi hoti thi. Pahadai ilaka hai aur uper se barish. Ek dedh ghanta toh Solan pahunchne mein hi lag jata tha"

"Hmmmmm"

"Aur phir aap bhool rahe hain ke hamare saath ek aurat shopping kar rahi thi" Usne muskurate hue kaha.

"I agree on that" Main bhi uski baat sunkar hasa. Itne waqt se main yahan tha par maine pehli baar use muskurate hue dekha tha.

"Toh aap log 5 baje vaapis aaye, phir?"

"Phir vahi jo maine aapko pehle bataya tha. Hamne gaadi bahar roki, andar aaye, Sahab ke kamre se jhagadne ki aawaz aa rahi thi. Ham logon ke aate hi Ravi Sahab ghar se bahar chale gaye aur Raj Sahab unke pichhe pichhe. Phir baarish shuru ho gayi"

"Aur uske baad se Ravi kabhi vaapis nahi aaya"

"Nahi"

"Uske baad kabhi Sunanda nazar aayi tumhein?

"Nahi, bas vo pehli aur aakhri baar tha ke maine use dekha tha. Phir kabhi nahi. Ek do baar dil mein aaya ke uski maan se mil aaoon par phir irada badal diya"

'Uski maan se, kyun?"

"Jab idhar hamari Memsahab ho dekhta tha ke kaise ek maan apne bete ke liye pareshan ho rahi hai toh aksar us ladki ka khyaal aata tha. Bhale hi vo maan beti kisi bhi tarah ka kaam karti hon, ek maan ke dil mein apni beti ke liye pyaar toh barabar hi hoga. Sochta tha ke kabhi jakar use bataoon ke maine us din uski beti ko dekha, kis haal mein dekha"

"Kya kiya kabhi aisa?"

"Nahi socha kayi baar aur phir irada badal diya"

"Kyun?"

"Kyunki use jis halat mein jis tarah se maine aakhri baar dekha tha, usse andaza laga sakte hain ke kya hua hoga. Ab uski maan ko jakar ye sab batata toh bekaar use takleef hi hoti. Filhal toh gham us bechari ko ye hoga ke beti gayab hai par kahin dil mein shayad ek aas hogi ke vo khud chali gayi hai kisi ke saaath, kahin zinda hai, salamat hai. Agar main bata deta toh ek ye ummeed bhi usse chheen leta"

"Tumne kya andaza lagaya ke kya hua hoga uske saath?" Maine use aur kuredne ki koshish ki.

"Aap sach mujhe sawal hi puchh rahe hain ya mere munh se koi aisi baat sunna chah rahe hain jo aapke matlab ki ho?" Usne fauran mera irada bhaanp liya.

"Mera kaam hi aisa hai Liyaqat" Maine muskura kar raha, "Logon ko kuredna, unse har chhoti chhoti baat puchhna jo unke khud ke mutabik ko ehmiyat na rakhti ho. Aur phir aisi hi 2 aur 2 baaton ko jodkar main 5 banata hoon"

"Toh aapki baat ka jawab ye hai ke mera andaza ek ladki ke saath zabardasti ka hai"

"Kisne ki hogi zabardasti?"

"Ab aap phir mere munh mein alfaaz daalne ki koshish kar rahe hain" Vo muskurata hua bola.

"Nahi main sirf ek sawal puchh raha hoon"

"Toh aapke sawal ka jawab ye hai ke main nahi janta. Main sach nahi janta. Main aapko nahi bata sakta ke kya Ravi Sahab us ladki ke saath zabardasti kar rahe the, kya unhone hi ek hafte se use kahin chhupa kar rakha hua tha. Mere dekhne ki haqeeat sirf itni hi hai ke maine ek ladki ko adh-nangi halat mein jaate hue dekha aur uske pichhe Ravi Sahab ko"

"Tumhein lagta hai ke Ravi uske pichhe ja raha tha?"

"Aapne mera andaza puchha, mera andaza yahi tha par kabhi ye samajh nahi aaya ke Sahab ko uske saath zabardasti karne ki ya zaroorat thi?"

"Matlab?"

"Matlab ke vo maan beti paiso ke liye yahi kaam toh karte the, toh zabardasti kyun. Kuchh paise de dete use, apni marzi se jo kehte vo karti"
Ek pal ke liye maine socha ke use Sunanda ke baare mein bataoon par uska koi fayda nahi tha. Main ise bata deta ke vo ek prostitute nahi thi par yahan toh saara ilaaka yahi manta hai, main kis kisko samjhata phirunga.

"TUmhein kya lagta hai, vo zinda hai kahin ya mar gayi"

"Andaza ye hai ke mar chuki hai aur dua meri ye hai ke kahin zinda ho"

"Dua?"

"Mushkil se 22-23 saal ki umar thi us bachchi ki us waqt. Bhale hi vo kaisi bhi thi, kaisa bhi kaam karti thi par kisi majboori ke rehte hi karti hogi, marzi se koi aisa kaam kyun kare bhala"

Uski baat sunkar ek pal ke liye mere dil mein aaya ke use bade sheharon ki haqeeqat bataoon jahan ladkiyan ab aise kaam marzi se hi karti hain, aasan paisa kamane ke liye.

"Use bhi haqt tha ke apni zindagi ko poori jeekar jaati aur kisi ko koi haq nahi tha ke usse ye haq chhene" Vo apni baat jaari rakhta hua bola, "Toh meri toh dua yahi hai ke vo us din jis bhi halat mein thi, nikal gayi ho aur salamat ho kahin"

Liyaqat ke jaane ke baad main soch mein pad gaya. Agar uski baat maanta toh Ravi Sunanda ke saath zor zabardasti kar raha tha par phir ye samajh nahi aata ke vo is halat mein kaise thi ke saamne se dekhne par Liyqat ko andaza hi nahi hua ke uske jism par kapda nahi hai? Vo bhale hi chhup kar par chal toh sadakh par hi rahi thi? Agar vo kahin hafte bhar se band thi aur bachkar bhaag rahi thi toh aise mein insaan sabse pehle madad ke liye pukarta hai. Vo Liyqaqt ke paas se guzri aur madad nahi maangi? Kya vo jaanti thi ke Liyaqat Ravi ke yahan kaam karta hai? Kya isliye dar kar madad nahi maangi? Par phir Liyaqat ko dekh kar vo bhaagi bhi toh nahi, aaram se uski bagal se guzar gayi.
Abhi main soch hi raha tha ke mera phone baj utha. Maine call receive ki toh aawaz ek aurat ki thi.

"Sahab main Sunanda ki maan bol rahi hoon"

"Hanji kahiye"

"Vo aapne kaha tha ne mujhe kuchh mile toh aapko phor karun?"

"Ji haan"

"Mila hai mujhe kuchh jo shayad aapki madad kare"

"Kya?"

"Ek letter jaisa hai kuchh"

fantastic update bhai

 

[ashish_1982_in]

Chapter 14 : The Extra-Marital Affair


Zindagi mein kaafi kuchhh tezi ke saath badal raha tha. Kuchh bhi pehle jaisa nahi reh gaya tha aur mujhe samajh nahi aa raha tha ke iski vajah kya thi. Mera aur Renuka ka rishta bikhar raha tha aur ye baat shayad ham dono ki hi samajh mein aa gyai thi. Hasna toh main shayad bhool hi gaya tha aur Renuka akeli nahi thi jise ye baat khal rahi thi. Rishtedaar aur mere saare dost aksar mujhse puchhte rehte ke main itna pareshan kyun rehta hoon, khoya khoya sa kyun rehta hoon par main kisi se bhi khulkar baat nahi kar saka.

Vo aksar mujhse puchha karti ke main usse itna khincha khincha sa kyun rehne laga hoon, kyun uske kareeb nahi aata, kyun usse do bol pyaar ke nahi bolta, kyun kabhi usse haskar baat nahi karta. Kayi baar mere dil mein aayi ke use bata doon ke in sab baaton ki vajah uski apni bewafai hai. Kayi baar socha ke usse baat hi kar loon, puchh hi loon ke kyun kiya usne aisa par phir har baar baat zubaan tak aate aate ruk jaati thi. Ek vajah toh sirf yahi thi ke main bina kisi pukhta saboot ke uspar anguli uthana nahi chahta tha aur phir doosri vajah uski pregnancy thi. Main nahi chahta tha ke uski is halat mein main aisi koi bhi baat uthaaon jisse koi bakheda khada ho. Agar mera shak sirf shak hi saabit hua toh use bahut bada dhakka lagega, sadma pahunchega aur iska asar uske pet mein pal rahe bachche par ho sakta tha. Uske baad zaahir tha ke ham dono ka rishta badal jata aur is waqt jabke ham dono maan baap banne wale the, sirf ek shak ki bina par itna bada khatra mol lena theek nahi tha.

Aur use kuchh na kehne ki ek teesri vajah mera apna darr bhi tha. Mujhe pata hi nahi tha ke agar mera shak sahi saabit hua toh main kya karunga? Renuka chori pakde jaane par kaise react karegi? Kya vo mujhse maafi maangegi ya mujhe chhodkar chali jaayegi kisi aur ke paas?

Agar maafi maangi toh kya maaf kar paoonga main use aur agar kar bhi diya toh kya zindagi bhar ke liye phir dobara bharosa kar paoonga uspar?

Aur agar vo mujhe chhodkar chali gayi toh phir bachche ka kya? Divorce ka jhanjhat, bachche ki custody ki pareshani?

Mere khud ke paas hi abhi tak jawab nahi the ke kis situation mein kaise react karunga? Agar usse baat kar li aur mera shak mehaz shak nikla toh kaise sambhalunga phir situation? Kaise munh dikhaoonga zindagi bhar Renuka ko uspar bewafai ka ilzaam lagane ke baad? Vo bhi tab jabki vo pregnant thi.

Idhar main in sab sawalon ke jawab dhoondhne ki koshish kar raha tha aur udhar Renuka bhi kuchh khoyi khoyi si rehne lagi thi. Vo ab bhi mujhe puchhti rehti ke kyun badal sa gaya hoon main. Mahine yun hi uljhan mein guzarte gaye aur uski due date nazdeek aane lagi.
In sab mahino mein vo ghar par hi rahi aur ghar se bahar kadam meri maan ke saath hi rakhti. Maine bharpoor koshish ki ke kuchh aisa mil sake jisse mera shak sahi saabit ho par kuchh haath nahi aaya. Pata nahi uske khoye rehne ka rawaiyya mera apna behaviour tha tha ya uski pregnancy.

"Aap kar kya rahe ho Bhaijaan?"
Akram se us din milne ke baad main kuchh din baad Renuka ka laptop lekar uske paas pahuncha tha. Maine khud hi jaan bhoojh kar Renuka ke laptop ki screen uski nazar bacha kar tod di thi, is andaaz mein ke use ye lage ke Laptop mere haath se chhut kar gira hai. Phir use repair karane ke bahane main Laptop lekar Akram ke paas pahuncha. Use hidayat di ke screen change kar de aur laptop mein email aur chat tracking spyware install kar de. Laptop uske paas chhod kar main office chala gaya aur shaam ko jab lene pahuncha toh vo ajeeb si nazar se mujhe dekhne laga.

"Kya matlab?" Uska sawal sunkar maine puchha.

"Bachcha nahi hoon main, thodi akal mere andar bhi hai"

"Kya bol raha hai yaar, saaf saaf bol"

"Kuchh din pehle aap mere paas aaye, apne ghar ke phone par recorder install karane ke liye. Aur ab aap mujhe Renuka Bhabhi ke laptop mein spyware daalne ke liye keh rahe ho?"

Main samjh gaya tha ke baat uski samajh mein aa gayi hai par uski sawal ka kya jawab doon ye samajh nahi aaya.

"Kaho toh Bhabhi ke sim-card ka ek clone bhi bana kar de doon? Unke cell par jo bhi call aayegi ya jaayegi vo bhi aap sun sakte ho" Usne taana maarne ke andaaz mein kaha.

"Tu nahi samjhega mere bhai" Maine lambi saans lete hue kaha.

"Mere samajhne ki baat bhi nahi hai ye. Jo kuchh bhi hai aap dono ke beech hai. Galat kaun hai aur sahi kaun iska faisla karne ka mujhe koi haq nahi. Main sirf aapse ye kehna chah raha hoon ke jo bhi karna bahut soch samajh kar karna"

"Janta hoon, aisa hi kuchh karne ki koshish kar raha hoon"

"Aur is waqt jabke aap dono bachcha expect kar rahe ho, aise koi bhi baat na ke sirf aap dono ke zindagiyon par asar daalegi balke us masoom ki zindagi ko bhi kharab kar sakti hai. Vo zindagi jo us masoom ne abhi shuru bhi nahi ki"

"Main janta hoon tu kya keh raha hai yaar. Ye baatein khud mere dimag se guzar chuki hain"

"Hidayat dene ki koshish nahi kar raha hoon, aap khud bhi samajhdaaar ho balki mujhse zyada samajhdaar ho par ek aakhri baat aur kahun?"

"Haan bol"

"Saza dene wale se maaf karne wala bada hota hai Bhaijaan. Allah ne aap dono ko saath milaya, ab ek khoobsurat bachche se nawaz rahe hain. Agar kahin koi galti hui hai is rishte mein toh use thande dimag se sochiyega. Rishte jodna aasan hota hai aur rishta todna use bhi aasan par sabse mushkil kaam hota hai rishta nibhana. Dil itna bada rakhiyega ke maaf kar saken aur pichhli baaton ko bhula saken. Har kadam, har majboori, har haalaat mein Bhabhi ka saath nibhane ki kasam uthayi hai aapne shaadi ke waqt aur ab waqt hai us kasam ko nibhane ka. Kam se kam aap toh apni taraf se poori koshish rakhiyega ke rishta qayam rahe aur mazboot rahe. Achhe haalaat mein toh rishta har koi nibha leta hai par asli imtehaan aise waqt par hota hai"

Woh bahut badi baat bol gaya tha jisse main poori tarah sehmat tha.

Uske baad usne laptop mein jo spyware daala tha vo mujhe dikhaya aur samjhaya. Uske baad maine agle din use apne ghar par aakar landline phone mein recorder install karne ko kaha aur uske office se nikla.

"Ummeed karta hoon ke ye baat ham dono ke beech hi rahegi Akram?" Maine jaate jaate usse kaha.

"Aapko kehne ki zaroorat hi nahi thi Bhaijaan, befikar rahiye"

"Aur sun, ek kaam aur kar"

"Kahiye"

"Vo jo tu Renuka ke numer ka duplicate sim banane ki baat kar raha tha na, bana hi de"

Renuka abhi bhi rozana kuchh ghante ghar se kaam karti thi. Akram ne jo bhi software dala tha vo badi safai se dala gaya tha aur na toh Renuka ko hi koi shak hua aur na hi uske laptop mein installed ANti-virus ki pakad mein vo software aaya. Vo sara din jo bhi email apne outlook se bhejti, uski ek copy mere mailbox mein deliver ho jaati. Iske alawa agar vo webmail ke zariye bhi koi email bhejti toh vo software apne aap mera naam bcc mein add kar deta aur email ki ek copy mere paas pahunch jaati.

Do din baad hi Akram mere ghar aakar landline phone mein ek recorder laga gaya tha. Ghar par sara din jo bhi calls aati vo sab record aati jinhein main der raat akele mein beth kar sun sakta tha.

In sabse hatkar mere kahe anusaar hi usne Renuka ke sim card ka ek clone banaya aur mujhe de diya. Ab uske phone par agar koi call aati toh uske phone ke saath hi us purane se phone ki ghanti bhi bajti jismein ke maine uske sim ka clone dala hua tha. Agar koi message aata toh uski ek copy mere paas bhi deliver hoti.

Par meri ye saari koshishen nakam hi rahi. Main uski ek ek email ko bade gaur se padhta, uske phone par aane wali har call ko sunta, har message dekhta par kahin se mujhe kuchh aisa nahi mila jisse mujhe ye pata chal sake ke vo ladka kaun tha jiske saath uska affair chal raha tha. Raat ko ghar mein sabke so jaane ke baad main roz landline phone mein lage recorder ko nikal kar din bhar ki calls sunta par vo sab aam calls hoti, Renuka ke affair se related kuchh bhi nahi.

Kayi baar jab vo ghar se meri maan ke saath nikalti toh main un dono ka chup chap pichha karta par har baar nakami hi haath lagti. Main in sab kaamon mein itna magan tha ke baaki aur sab kaam ko maine andekha karna shuru kar diya tha. Mere office ke kaam par bhi iska asar saaf dikhai dene laga tha aur mera boss kayi baar mujhe kamre mein betha kar is baat par feedback de chuka tha. Renuka ki jasoosi mein main itna obsessed ho chuka tha ke mujhe is baat ke siwa aur koi hosh nahi tha ke uska affair kiske saath chal raha tha.

Waqt guzarta gaya aur Renuka ki due date nazdeek aa gayi. Kehte hain ke waqt bure se bura zakhm bhar deta hai aur aisa hi kuchh mere saath bhi hua. Itni koshishon ke baad bhi jab kuchh haath nahi laga toh mujhe apne uper hi shak hone laga ke kahin ye sab mera khyaali pulaav toh nahi tha. Kahin aisa toh nahi ke us din Renuka yun hi kisi dost ya colleague ke saath ho aur is baat ko lekar maine bekaar ka bakheda bana diya.

Thoda waqt aur guzra toh mujhe yakeen ho chala ke aisa kuchh bhi nahi tha jaisa ke main soch raha tha. Apne uper hi mujhe sharmindgi hone ke itna chahne wali apni biwi par maine is tarah shak kiya. Vo aurat jiske pet mein mera bachcha tha uske baare mein main kitna galat soch raha tha. Hosh aaya toh main ek baar phir apni normal zindagi mein lautne laga. Renuka ki taraf zyada dhyaan deta aur phir dheere dheere uske kareeb aane laga. Jab tak bachche ki delivery hui tab tak main affair wali baat ko poori tarah bhool chuka tha aur ham dono ek baar phir ek normal couple ki tarah hi ho gaye the.

Mere bete ke paida hone ke 2 mahine baad ki baat hai. Renuka ne office jana shuru kar diya tha aur ghar mein bachche ki dekhbhaal meri maan karti thi. Aise hi ek din zyada kuchh kaam nahi tha toh maine dopahar ka khana Renuka ke saath khane ka programme banaya.

nice update bhai

 

[ashish_1982_in]

Aisi koshish main aksar ab karne laga tha. Zyada se zyada waqt Renuka aur apne bete ke saath bitane ki koshish karta. Renuka ko aksar bahar le jata aur in sab baaton ki vajah mere apne dil mein chuupa chor tha. Main jaise apne andar hi andar koshish kar raha tha ke Renuka par shak karne ke apni galti ke liye khud ko maaf kar sakun. Jaisa bhi bartav maine Renuka ke saath un dino kiya tha use theek kar sakun.

Cheezen dheere dheere phir se theek ho rahi thi aur meri shaadi shuda zindagi ek baar phir khush-haal hone lagi thi. Renuka ne bhi mere andar aaye is badlaav ko mehsoos kar rahi thi aur phir se khush rehne lag gayi thi.

"Finally i have my husband back" Vo aksar kehti, "Kya ho gaya tha itne din se?"

"Kuchh nahi" Main sirf itna kehkar muskura deta.

Maine Renuka ka cell try kiya toh vo switched off mila. Use surprise dene ke liye maine raaste se kuchh phool kharide aur dopahar ke waqt uske office ja pahuncha. Reception par bethi ladki mujhe shakal se pehchanti thi.

"Phool laaye vo toh theek hai par galat jagah le aaye" Jab maine Renuka ke baare mein puchha toh usne haste hue jawab diya.

"Kya matlab?"

"Matlab ye ke aapko ye phool apne ghar le jaane chahiye the, aaj shayad aapki biwi ko inki zaroorat bhi hai"

"Main samjha nahi"

"Renuka Madam aaj jaldi ghar chali gayi, unki tabiat theek nahi thi toh office aane ke thodi der baad hi vo nikal gayi thi"

"Tabiat theek nahi thi? Kya ho gaya tha, anything serious?"

"I dont know really, vo kuchh sar mein dard hai bolkar chali gayi thi" Usne kandhe uchkate hue jawab diya.

Jabse main Renuka ko janta tha kabhi aisa hua nahi tha. Unless kuchh bahut hi badi baat ho, vo kaam chhod kar kabhi ghar nahi jaati thi. Uska kehna tha ke agar vo is tarah chhoti chhoti baat par chhutti lene lagi toh uske neeche kaam karne wale log bhi uski dekha dekhi aisa hi karne lagenge aur phir vo chah kar bhi unhein mana nahi kar sakegi.

Ye baat soch kar main ghabra utha aur fauran phone nikal kar phir Renuka ka number milaya. Cell ab bhi switched off tha. Maine phool pichhli seat par rakhe aur tezi se gaadi chalata hua ghar pahuncha.

Ghar pahuncha toh maan tab ghar par nahi thi. Vo shayad mere bete ke saath kahin bahar gayi hui thi. Renuka bedroom mein leti bekhabar so rahi thi.

"Hey are you ok? What happened?" Main uske kareeb bed par jakar betha aur uske baalon mein haath phirta hua bola.

Uski neend khuli aur apne saamne mujhe dekh kar vo chaunk si padi.

"Hi" Mera haath apne haath mein leti hui vo boli, "What are you doing home this time?"

"Tumhare office gaya tha, i though we will have lunch together but vahan se pata chala ke tumhari tabiat theek nahi aur tum ghar aa gayi. Everything ok?"

"Yeah everything is fine" Vo uthkar beth gayi, "Aise hi zara theek sa nahi lag raha tha, sar mein dard ho raha tha kaafi"

"Do you want to go to a doctor?"

"Nahi aisa kuchh nahi hai. Delivery ke baad se hi aksar aisa hota hai, kabhi kabhi jee bada kachcha sa hone lagta hai aur kuchh karne ka dil nahi karta. I feel like throwing up"

"I think we should consult a doctor if it has happened more than once"

"Dont worry about it, i will talk to him when we visit him next. Tumne kuchh khaya?"

"Nahi office se sidha yahin aa gaya tha"

"Abhi office jana hai vaapis?"

"Nahi ab nahi jaoonga, ab mera bhi mood nahi hai vaapis kaam par jaane ka"

"Let me fix you something to eat"

"Arrey nahi, tum aaram karo. Bahar se order kar lete hain kuchh"

"Nahi, tum change kar lo. Main kuchh bana leti hoon" Kehkar vo bed se uthi aur kitchen ki taraf badh gayi.

Maine apne kapde change kiye aur bathroom mein jakar haath munh dhoya. Bedroom mein bethe hue maine apne joote vahin bed ke paas hi utaar diye the. Bathroom se nikal kar maine joote lene ke liye bed ke kareeb aaya taaki unhein stand par le jakar rakh sakun. Jaise hi main unhein uthane ke liye jhuka, meri nazar bed ke neeche ek laal rang ki cheez par padi. Maine haath badha kar vo cheez uthayi aur ulat palat kar dekha.

Ek pal ke liye toh samajh nahi aaya ke vo kya hai aur jab aaya toh gusse ke maare mera khoon khaul pada. Vo ek condom ka aadha phata wrapper tha.

Jabse maine Renuka aur us ladke ko hotel ke bahar dekha tha tabse meri aur Renuka ki sex life bahut kam ho gayi thi aur uske pregnant hone ke baad toh maine kabhi uske kareeb gaya hi nahi tha. Delivery ke baad jab cheezen kuchh theek lagne lagi thi toh maine do teen baar raat ko uske nazdeek hone ki koshish ki par usne mana kar diya ye kehkar ke delivery ke baad vo thoda waqt chahti hai. Maine uski marzi ko izzat di aur use kabhi force nahi kiya.

Doosri baat ye ke main jis company ka condom use karta tha ye uska wrapper nahi tha. Jab bhi main aur Renuka saath the, maine hamesha aur hamesha sirf ek hi company ka condom use kiya tha aur vo ye nahi tha. Maine zindagi mein kabhi ye condom nahi kharida tha, aur haal filhal toh bilkul nahi.

Ek pal ke liye main bas khamosh khada us wrapper ki taraf dekhta raha. Phir maine aage badhkar room mein rakhe dustbin ka dhakkan khola toh vo khaali tha. Hamare yahan maid hamesha shaak ke waqt aati thi aur us waqt sab kamron ke dustbins khaali karti thi. Subah jab main office ke liye nikla tha tab mujhe achhi tarah yaad tha ke maine usmein kuchh purane papers phaad kar daale the. Maid abhi tak uske baad aayi nahi thi aur uske bavajood dustbin khaali tha. Maid kal shaam aayi thi aur vo hamesha poora ghar achhe se saaf karti thi, bed ke neeche bhi toh is baat ka sawal hi paida nahi hota ke ye wrapper kuchh din se yahan pada ho. Mujhe aur Renuka ko saath hue kayi mahine beet chuke the. Maine is company ka condom use kiya hi nahi tha aur agar kiya bhi tha toh ye mumkin nahi tha ke ye yahan itne mahino se pada ho.

Bimari ka bahana, Renuka ghar par akeli, Mobile switched off, dopahar ke waqt is tarah sukoon se bekhabar neend, bed ke neeche condom ka aadha phata wrapper, khaali dustbin aur mujhe ghar par dekh kar yun chaunkna. Mere dimag ne fauran 2 aur 2 jod kar chaar kar liye. Vo dopahar ke waqt yahan ghar par kya kar rahi thi ye samajh paane ke liye koi bada dimag lagane ki zaroorat nahi thi.

Mujhe samajh nahi aa raha tha ke kya karun. Vo kitchem mein khadi khana bana rahi thi aur mera dil kar raha tha ke uske baal pakad kar ghaseet-ta hua ghar ke bahar dhakka de kar aaoon. Meri biwi, meri apni biwi jise main jaan se zyada chahta tha vo mere peeth pichhe mere hi ghar mein, mere hi bedroom mein, mere hi bistar par is tarah mere pyaar ka gala ghont rahi thi. Had darja gussa hone ke bavajood bhi meri aankh se ek aansoo nikal kar mere gaal par ludhak gaya. Aakhir kahan kami reh gayi thi mujhse. Main kareeb aata toh bachche ki delivery ka bahana hota aur yahan hamare bedroom mein kisi gair mard ko bula kar ayyashi.

"Roti khaoge ya paranthe banaoon?" Kitchen se Renuka ki aawaz aayi toh mera dhyaan toota.

"Jo tum theek samjho" Main sirf itna hi keh saka aur apne gaal se aansoo ponchh diya.

Us incident ke baad ek baar phir vahi kissa shuru ho gaya jo kuchh din pehle chal raha tha. Mere aur Renuka ke beech phir ek doori si ban gayi. Main phir har waqt bas uski jasoosi mein laga rehta par kisi bhi tarah ye pata nahi chal raha tha ke vo ladka aakhir hai kaun aur na hi kabhi main use range haath pakad paya. Kuchh incidents uske baad aam ho gaye jaise aksar mujhe uska mobile phone switched off milta. Main uske office phone karta toh mujhe bataya jata ke madam is waqt kahin bahar gayi hain.

Raat ko kabhi kabhi neend mein mujhe aisa mehsoos hota ke vo kisi se halki aawaz mein baat kar rahi hai. Main uske sim ka jo clone mere paas tha us phone ko check kiya magar koi call nahi mili. Ek jankar ke zariye maine uske phone records nikalvaye par sab numbers meri jaan pehchan ke log the, zyadatar rishtedaar aur ladkiyan. Kuchh calls uske apne maan baap ko hoti thi, kuchh doston ko aur kuchh meri doston ko jaise ke Kamini par zyadatar sab ladkiyan hi thi aur jo ladke the unke saath uska kisi bhi tarah ka affair hone ka sawal hi paida nahi hota tha.

Is baat ne mujhe ye sochne par majboor kar diya ke ho na ho, uske paas ek doosra phone aur hai jiska mujhe pata nahi aur jiska istemaal vo apni ayyashi ke liye kar rahi hai mujhse chhupa kar. Maine poora ghar chhan maara, Renuka ka saman idhar udhar kar dala par vo phone bhi mujhe mila nahi.

Jahan ek taraf mujhe apni shaadi barbad hone ka gham khaaye ja raha tha vahan doorsri taraf jab bhi maine apne bete ki taraf dekhta toh dil mein sawal ye uthta ke kya sach ye bachcha mera hai ya Renuka ki ayyashi ka nateeja hai? Kya ye mera apna khoon hai ya kisi aur ka paap hai jise main apna naam dekar paal pos raha hoon. Ye sab sochte sochte main itna pagal ho chuka ke us masoom ke chehre mein ye talash karne laga ke uski shakal mujhse milti hai ya kisi aur se? Koi aisa jise main janta hoon aur shayad is tarah mujhe pata chal jaaye ke uska baap kaun hai?

Renuka ne bhi phir se mehsoos kar liya tha ke main usse door hota ja raha hoon. Shuru shuru mein toh vo mujhse puchhti rehti ke main is tarah behave kyun kar raha hoon par phir dheere dheere usne bhi puchhna band kar diya. Ham dono ke beech ek anjaan si deewar khadi ho gayi thi. Kabhi kabhi din beet jaate the ham dono ko ek doosre se baat kiye hue aur jo baat ham karte vo mere maan baap ke chalte bas naam bhar ke liye karte.

"Koi aur pasand aa gayi hai kya? Kya koi doosri aurat hai tumhari zindagi mein jiski vajah se mujhse door door rehte ho?"

Vo aksar mujhse ye sawal karti par mujhe hamesha uska puchhne ka andaaz aisa hi lagta jaise vo mujh par shak nahi balki khud apni bewafai ko justify karne ki koshish kar rahi ho. Jaise khud apne aapko vo dilasa de rahi ho ke kyunki uska pati bhi kisi aur ke saaath so raha hai toh uska bhi aisa karna jaayaz hai.

"Isse pehle ke main aapko results bataoon, agar aap bura na maanein toh kya main ek baat puchh sakti hoon?" Mere saamne bethi Doctor ne mujhse puchha.

"Puchhiye"

"Is test ke karane ki vajah?"

"I think iski vajah saaf hai. Main na bhi jawab doon toh aap jaanti hain ke main ye test kyun kara raha hoon"

"Sahi keh rahe hain aap. Main jaanti hoon par mera sawal asal mein ye tha ke is shak ki vajah?"

"Vo meri personnal life hai, hai mere paas kuchh vajah varna aisa shak apne aap hi kisi ko nahi ho jata" Maine jawab diya.

Kuchh din pehle mere bete Vikram ko bukhar aaya tha jiski vajah se Dr. ne uske blood tests kiye the. Doctor meri pehchan ka tha isliye Vikram ka ek blood sample main usse lekar Delhi se door ek Jaipur ke hospital mein aaya jahan main ye test kara sakta tha ke bachche ka baap main hoon ya nahi. Jaipur mein aane ki vajah sirf yahi thi ke main ye test ek anjaan shehar mein karana chahta tha jahan mujhe koi nahi janta.

"I am sorry, you are right par phir bhi main kehna chahungi ke is tarah ke shak married life kharab kar dete hain. Ab aap dono akela nahi, ek nanhi si jaan bhi aapke saath judi hui aur aap aur aapki biwi jo bhi karenge, uska sidha asar aapke bete par padega"

"I know" Maine sapat se lehze mein jawab diya, "Can i know the results now please?"

"Sure" Vo ek file meri taraf sarkati hui boli, "Bachcha aapka apna hai"

Mujhe samajh nahi aaya ke ye khabar sun kar main khush hua ya udaas. Samajh nahi aaya ke main asal mein sunna kya chahta tha? Ye ke bachcha mera hai ya ye ke bachcha kisi aur ka hai? Jahan ek taraf maine Vikram ke apna hi khoon hone par tasalli ki saans li vahin doosri taraf afsos bhi hua kyunki Renuka par anguli uthane ka ye mauka mere haath se nikal gaya tha.

Aur uske kuchh baad mujhe phir uski bewafai ka saboot apne ghar mein mila. Uske kapdo ke beech chhupaya hua ek condom ka packet jo usi company ka tha jiska phata hua wrapper kuchh din pehle bed ke neeche pada mila tha.

Hairat ki baat ye thi ke iske baad bhi main Renuka ko kuchh keh na saka. Pehle jahan is baat ka darr tha ke agar mera shak galat nikla toh kya hoga vahin ab mere masoom bachche ka chehra mujhe kuchh bhi karne se rok leta tha. Main faisla hi nahi kar pa raha tha ke Renuka se alag ho jaoon ya phir apne bete ki khatir ek bewafa aurat ke saath zindagi bitana shuru kar doon?

nice update bhai

 

[ashish_1982_in]

Chapter 16 - Kanha


Liyaqat se kaafi kuchh nayi information mili thi. Sabse zaroori baat ye ke ab Sunanda ka gayab hona Ravi ke case se alag nahi tha. Dono ghatna aapas mein judi hui thi aur dono ke lapata hone ki vajah ek hi tha. Agar dono mein se kisi ek case ka bhi koi sira haath lag jata toh poore mamle ko udheda ja sakta tha. Par problem sirf yahi thi ke ab tak mere haath aisa koi sira aaya nahi tha. Jo mila tha sirf information thi jiski bina par na toh kisi par anguli uthayi ja sakti thi aur na hi kisi pukhta nateeje par pahuncha ja sakta tha.

Liyaqat ke jaane ke thodi hi der baad Kamini bhi laut aayi.

"Badi jaldi aa gayi, mila kuchh?"

"Haan milta agar ham ek do saal pehle gaye hote"

"Matlab?"

"Buddha marne ko hai, bol hi nahi sakta kuchh. Use toh khabar bhi nahi ab ke uske aas paas kaun hai, baat kya karega kisi se"

"Toh matlab kuchh pata nahi chala"

"Nahi"

"Uske ghar mein aur koi?"

"Dono baap bete hi the bas. Kanha eklauta beta tha uska, aur aage pichhe koi nahi" Vo fridge se pani ki bottle nikalti hui boli.

"Ye kya hai?" Maine ek newspaper mein lipti cheez ki taraf ishara kiya jo Kamini ne lakar table par rakhi thi.

"Photo hai?"

"Kiski?"

"Kanha ki"

Maine newspaper khola aur tasveer bahar nikali. Vo ek vaisi hi photo thi jo ke aksar gharon mein kuchh waqt pehle tak deewar par tangi hui milti thi. Ek badi si lakdi ke frame mein band photo jismein ek 24-25 saal ka ladka ek park jaisi jagah mein khada tha. Photo shayad holi ke din ki thi kyunki background mein jo bhi log the sabke chehron par rang laga hua tha. Khud Kanha ke chehre par bhi halka sa laal rang aur maathe par bada sa teeka tha.

"Ye kahan se mili?"

"Kanha ke ghar se"

"Ye kyun utha laayi"

"Hamari paas Kanha ki koi tasveer nahi thi, socha shayad tumhein zaroorat ho toh main le aayi"

"Kisse?"

"Ghar mein ek buddhe se uncle the jo Kanha ke baap ki dekhbhal kar rahe the. Unhone puchha ke main kaun hoon, main kaha ek kitaab likhne wali aur phir vahi jhooth bola jo tumne kaha tha. Uske baad aadhe ghante tak vo Kanha ki tareefon ke pul jodte rahe ke kaise ko kitna achha ladka tha, kaise jawani mein bhagwan kyun kisi ke saath aisa karta hai vagerah vagerah. Jab main aane lagi toh khud hi bole ke kitaab mein chhapne ke liye mujhe Kanha ki koi tasveer chahiye? Ab main kya kehti, maine bhi bol diya haan. Deewar par ye photo tangi thi, unhone akhbaar mein lapetkar mujhe thama di. Kehne lage ke vaise bhi ab is ghar mein koi rahega nahi, saman ka pata nahi kya hoga toh kam se kam tasveer ka toh koi achha istemaal ho"

"Hmmmm" Maine tasveer side mein ek table par rakhte hue kaha, "Matlab sivaay is baat ke Kanha kaisa dikhta tha, ham kuchh nahi jaan sake"

"Yep" Vo sofe par aaram se let si gayi, "Any luck with Liyaqat?"

"Oh yes, lots of luck" Kehkar maine Liyaqat se hui poori baat use batayi.

"Wow, that is certainly a lot of information. Liyaqat bhai kaafi kuchh dil mein dabaye bethe the"

"Right, ab finally ugla kambakht ne"

"so whats next now?"

"Khana kha lete hain filhal uske baad ek baar phir Sunanda ke ghar"

"Sunanda ke ghar?"

"Yep"

"Kyun?"

"Uski maan ka phone aaya tha mere paas"

"Chaai pe bulaya tumhein?" Vo hasti hui boli.

"Shut up, keh rahi hai ke Sunanda ka koi letter vagerah mila hai"

"Letter? Kaisa letter?"

"Kaisa letter toh nahi pata par i am hoping ke uske lover ka koi lover letter type hi ho, kaafi kuchh sulajh jaayega agar aisa hua toh"

"Ok, and how do you want to go? Inspector Falana Falana?"

"Nahi soch raha hoon ke ham log khud hi chale jaate hain. Kab tak Mr. Falana Falana ko takleef dete rahenge"

Maine Liyaqat ko phone kar khana bhijvane ke liye kaha jo ke 15 min baad hi aa gaya. Ham bethe kha hi rahe the ke darwaze ki ghanti baji. Maine darwaza khola toh bahar Inspector Falana Falana khada tha.

"Negi bhai aap yahan?"

"Haan idhar se guzar raha tha toh socha ke aapse milta chalun. Kaise hain aap?"

"Andar aaiye" Main darwaze se hat-ta hua bola, "Ham toh theek hi hain par aapki umar kaafi lambi hai"

"Achha, kyun?"

"Abhi aapko yaad hi kar rahe the. Vo Sunanda ke gaon ki taraf jana hai phir se toh socha ke aapko saath lete chalen"

"Haan bilkul sir, aap jab kahen" Negi ek baar phir hamesha ki taraf fauran madad ke liye taiyyar ho gaya.

Asal mein ham log toh abhi soch rahe the" Maine Kamini ki taraf dekhte hue kaha.

"Haan toh abhi chal sakte hain, meri gaadi bahar hi khadi hai"

"Theek hai phir aap bethiye 10 min, min taiyyar ho jata hoon"

Takreeban 15 min baad ham Negi ki gaadi mein bethkar ek baar phir Sunanda ke gaon ki taraf chale. Maine aage Negi ke saath betha hua tha aur Kamini pichhli seat par.

"Sir agar aap bura na maanein toh ek personnal sa sawal puchhun?"

"Bura mannne wali kya baat hai" Maine muskura kar raha, "Aap toh already meri itni help kar rahe hain. Puchhiye"

"And ma'm aap?" Usne review mirror mein Kamini ki taraf dekhte hue kaha, "Sawal asal mein aap dono ke baare mein hai"

Main samajh gaya ke vo kya puchhna chahta tha par ye samajh nahi aaya ke uske puchhne ke baad jawab kya doonga. Kamini ke saamne agar main saaf saaf use ye kehta ke ham sirf dost hain toh yakeenan use bura lagta.

"Main jaanti hoon aap kya puchhna chahte hain" Mere se pehle Kamini haskar bol padi, "Ham dono ke beech aisa kuchh nahi hai, we are just good friends. Actually toh bachpan se saath mein hi rahe ham dono, since we were kids"

"Aah tabhi" Negi ne bhi haskar jawab diya, "Tab hi aap logon ki chemistry aapas mein itni achhi hai kyunki itne saalon se jaante hain ek doosre ko. Saamne wala toh ek pal ke liye yahi sochega ke aap pati patni hain"

"Aapas mein itna time saath raho toh ek doosre ke baare mein pata chal hi jata hai" Kamini ne kaha.

"Sahi keh rahi hain madam. Aap logon ko aapas mein dekhke lagta hai ke kaafi comfortable hain aap saath mein isliye main puchh betha. I hope aapko bura nahi laga"

"Nahi koi baat nahi" Kamini ne jawab diya, "We are just good friends"

Aur tab pehli baar jaane kyun mujhe uska ye kehna ke ham sirf achhe dost hain, achha nahi laga. Aaj se pehle kabhi aisa nahi hua tha aur na jaane kyun main ye ummeed kar raha tha ke vo Negi se ye kahegi ke ham dono dost se zyada hain, ke ham log saath hain. Main khud bhi ye baat nahi janta tha ke mujhe aisa kyun lag raha hai kyunki agar Kamini na bolti toh Negi ke sawal ka jawab main bhi vahi deta jo Kamini ne diya. Phir bhi dil mein kahin uska ye kehna ke ham sirf dost hain mujhe kuchh bura sa laga.

Gaadi ham logon ne phir vahin chhodi jahan pehle chhodi thi aur pagdandi par utarte hue Sunanda ke ghar ki taraf badhe. Negi hamse thoda aage chal raha tha, uske pichhe Kamini aur sabse pichhe main.

"Thanks" Maine pichhe se Kamnini ko kaha.

"For what?" Vo chalte chalte palti.

"Negi ke sawal ka jawab dene ke liye, i mean for understanding"

"Understanding what? Sidha sa sawal tha, sachcha sa jawab de diya maine. Vaise bhi ham dono dost hi toh hain"

"Haan vo toh hai magar mujhe laga tha ke ....."

"Ke main uske saamne dhindhora pitungi ke main tumse pyaar karti hoon aur tum nahi?" Vo ruk kar thoda talkhi bhare andaaz mein boli, "Thodi self respect hai mere andar bhi. Apne beizzati karana ka koi shauk nahi mujhe uske saamne"

"Arrey mera vo matlab nahi tha yaar"

"Phir kya matlab tha?" Chalte chalte vo palat kar khadi ho gayi aur meri taraf dekhne lagi.

"Koi matlab nahi tha meri maan" Maine haath jodte hue kaha, "Galti ho gayi mujhse. Maaf kar de aur chal aage ko"

"Maan hogi tumhari maan" Usne meri taraf jeebh nikali aur phir palat kar aage chalne lagi.

Ghar ke bahar bandha kutta ek baar phir hamein dekh kar gurrane laga. Pichhli baar ki tarah is baar vo bandha hua nahi tha aur use dekh kar ham teeno ghar se door ek jagah par hi ruk gaye. Kutte ke bhaunke ki aawaz sun kar Sunanda ki maan ghar se bahar nikli.

"Aaiye Sahab" Kehti hui vo kutte ke kareeb aayi aur use pakad kar baandh diya, "Andar aaiye"

Hairat ki baat ye thi ke is baar Negi bhi hamare saath andar aaya par us aurat ne use mana nahi kiya.

"Vo aapne kaha tha na ke agar kuchh mile toh aapko phone karun?" Hamare bethne ke baad usne hamein pani pilaya aur phir khud ek kursi par bethte hue boli.

"Ji haan, aap keh rahi thi ke koi letter vagerah mila?"

"Haan ye" Kehte hue usne side mein rakhi table ka drawer khola aur kuchh papers ke tukde hamari taraf badhaye, "Vo aapne jab mere se Sunandi ki photo maangi thi pichhli baar, toh uske baad mujhe yaad aaya ke uski ek badi photo bhi thi jo maine frame karvayi thi. Pehle Sunanda ke kamre mein hi deewar par tangi rehti thi par baad mein maine phir uske saman ke saath baandh kar rakh di thi kyunki vo tasveer har waqt mujhe uski yaad dila kar rulati rehti thi. Aapke jaane ke baad maine socha ke vo tasveer nikal loon. Saman khola toh frame ka sheesha saman mein dab jaane ki vajah se toot gaya tha. Maine frame khol kar uski photo bahar nikali toh frame ke andar se ye 2 cheezen nikli. Shayad jab vo zinda thi toh us waqt usne frame mein chhupa kar rakha hoga aur uske baad bas isi mein rakha reh gaya"

nice update bhai