Romance SHORT STORIES ( WRITTEN BY ME)

[The Wolvarine]

Hello Guys..
Soo kaise ho app log..Yaha bahut se log ho sakta h mujhe jaante honge..aur ho sakta h nahi bhi jaante ho..
In short
Thread ke title se he aap sabko malum pad gya hoga..
What is the purpose of this thread..
Yaha mai apni likhi short stories dala karunga.. joo maine kaafi pahle likhi thi..

 

[The Wolvarine]

Res1

 

[The Wolvarine]

Res2

 

[The Wolvarine]

Res3

 

[The Wolvarine]

Res4

 

[The Wolvarine]

Res5

 

[The Wolvarine]

Reserve

 

[mistyvixen]

Congrats ... Damon dekhte hai kaise kaise tales padhne ko milte hai!

First comment

Waiting for first update

 

[The Wolvarine]

...Meri Doosri Muhabbat...​

Toh agar pahela Ishq zakham thaa Naa
Toh Dusra Ishq Malaham..
Toh pahele Ishq nee mujhee sikhyaa Mujhee
Kyon pyaar karna chahiye , Too dusre Ishq nee sikhyaa
Mujhee.. Mujhe kyon pyaar karna chahiye..
Aapne kabhi nayi slice ki bottle ke khali hone ke baad usme paani bhar ke piyaa hai..???
Toh pahela Ishq usme bhare aam rass ke jaisa hota hai..
Toh wahi Dusra Ishq paani jaisa jisme mehak aur flavour too usi ki hoti hai par lekin voo swaad nahi hota
Toh ye kahani hai mere...Doosre Ishq ki..

Toh jab Paheli muhabbat, jab bikhar gyi thi Naa.. Toh Yee Tai Kiya tha ki ab..
Ab dobara kabhi Ghadi nahi pehanni hai.. ki ab ghadi ke kantee..
Agar Kisi ke nupatee me uljhee naa toh kabhi sulajhh nahi payenge...
Toh ab apne carrier pe dhyaan Dena hai apne sapno ko tabbajoo Deni hai..

Toh padhaai ki aur exam dene ka faisla kiyaa..
Exam ki date Tay hui 12 Oct..

Sehar Lucknow..

Toh Lucknow ki train pakdi aur uski aur nikal pade
2 station tak naa toh koi train me Chadha aur Naa hi koi utraa..
Aur Main apne hi khayalo me khoya hua tha..

Phir Teesre station pe entry Hui uski
Chitra... Chitra Sharma..
Lambai koi 5.7 inch..
Aur Rang bilkul dhoodh saa safeed..
Ekk white colour ki t-shirt...
Aur Ekk blue denim..
Kanno mee earphones..
Aur baal ekdum khule
Aur har ekk Chewim-gum ki bite pee..
bee sumaar..Coolness..

Itnaa jaadu too sala..Harry Potter ki..
Unn 7 kitabo , mein bhi nahi thaa..
Jitnaa uski unn doo ankho me thaa..
Usko dekh kr aisaa lagtaa thaa.. Naa..kii

Voo Taj mehal jaisi thi jisse Kewal muhabbat..Kee liye banaaya gya hoo..

[..Ishq ki yaado kaa
Behad Hansi manzar thi voo
Mai doob jaata tha jiski yaado me
Voo samundar thi voo..]

Jisse dekh kr khush too huaa jaa saktaa hoo..Lekin..
Lekin usee kabhi apnaa naa banaaya jaa saktaa hoo..
Uski Aankhe Itani Gahari Thi Ki, Tairana Aata Tha Magar Dub Jana Achaa Laga.

(Jeena Muhal Kar Rakha tha
Uski Inn Aankho Ne kaiyo kaa..
Khuli Ho To Talaash uski
Band Ho To Khwab uske)

Mai akshar khudaa see puchaa karta hu..
Kii Yee 2 aankh , 2 kaan , 1 naak
Aur battisss (32) daantoo wala yee
Combination..
Toh hum sabkee pass hai naa..
Toh Phir kyon.. kuch logo ke ye combinations itnaa..itnaa
Perfect ...
itnaa Tabaahi kyon hoti hai yaar..

Bairhaal uskee S2 mee enter karte hii..
Saari ladies nee
Jalan kee maare..
Lipstick kaa touch up kr liyaaa thaa...
Aur Ladkoo nee empression kee maare
Apne baal sawaar liye theee..

Lekin Mai...
Bhai Tumhara Sakth thaa..
Mai ab bhi apni kitaabo me uljhaaa hii hua tha..Ki achanak
Voo mere pass ayi..

Aur booli ki..

Excuse me..
Kya mai yee app kaa..
Lower berth Lee sakti huu..

( ..Toh dekhoo ..Yaar..
mai hawai jaahaaj mee too
Baithaa nahi thaa..
Jo khidki kee..bahar..kee badal.. jayada
important Hoo mere liye..)

Toh maine kaha..
Theekh hai..
Hume koi aitraaz nahi..aap Lee sakti hoo..
Aur phir vo khidki ke bahar dekhne
Lag gyi aur

deekhtee - deekhtee - deekhtee...
Aur achanak meri aur muddi..
Aur boli..

Tum writer hoo...???

Bas uskaa itnaa he kahnaa tha aur mai ek baar phir apni bhooli bisari yaado ke samundaar mein goota lagaane laga..


2 Year Back


Pyaar ki shuruaat hamesha meethi hoti hai,
jaise ek naye savere ki halki dhoop.
Mujhe lagta tha ki woh meri duniya thi, aur main uska aasmaan.

Uska naam Siya tha... ek simple, pyaari si ladki, jo meri zindagi mein ek sapne ki tarah aayi thi.
Uski muskaan... woh muskaan mere liye har mushkil ka hal thi.
Hum dono ek college fest mein mile the.
Pehli baar usse baat ki thi, toh aisa laga ki zindagi ek nayi kitaab likhne ja raha hu.
Uski har baat, har adaa mujhe apne kareeb kheench rahi thi. Dheere-dheere baatein dosti mein badli, aur dosti mohabbat mein.
Mujhe lagta tha ki meri duniya usi ke saath shuru hoti hai aur usi par khatam.
Lekin zindagi ke us safar mein, ek mod aisa bhi aaya, jisne meri duniya hila ke rakh di.
Us din bahut achha mausam tha. Baarish ho rahi thi, aur hum dono library ke ek kone mein baithe baatein kar rahe the. Maine usse kaha Siya mujhe lagta hai ki hum dono ka saath hamesha ke liye hai.
Usne halki muskaan di, lekin uski aankhon mein kuch tha... kuch ajeeb, jaise koi baat chhupane ki koshish kar rahi ho.
Main tumse kuch baat karna chahti hoon usne kaha. Uski awaaz mein ek ajeeb si ghutan thi, ek bojh jo mujhe us waqt samajh nahi aaya.

"Bolo na, Siya. Tumhari har baat sunne ke liye main hamesha tayar hoon," maine kaha, bina ye sochte hue ki uski baat meri duniya badal degi.
"Kal meri shaadi ke liye ladka dekhne wale log aa rahe hain," usne dheere se kaha.
Ek pal ke liye toh meri saari duniya ruk si gayi. Library ka wo shor, baarish ki wo boondein, sab kuch chup ho gaya. Maine socha ki shayad maine galat suna hai.
"Kya?" maine dhire se puchha, jaise ki uska jawab badal jaye.
"Haan, mere gharwale... unhone ladka pasand kar liya hai. Mera rishta tay karna chahte hain."

"Par... hum? Siya, hum dono ka kya?" Mere dil ki dhadkan tez ho gayi thi. Maine uski aankhon mein dekha, aur wahan sirf majboori thi.

"Main kuch nahi kar sakti. Main unhe mana nahi kar sakti. Tum samajhne ki koshish karo."
Samajhne ki koshish karoon? Kaise samjhun, Siya? Woh saari yaadein, woh saari baatein... kya woh sab jhooth tha? Kya main sirf ek time pass tha tumhare liye..?
Mujhe yaad hai, us din main library se bina kuch bole nikal gaya. Baarish ho rahi thi, lekin mujhe kuch mehsoos nahi ho raha tha. Paani mere chehre par gir raha tha, lekin wo aansuon se zyada mehfooz lag raha tha.
Mere doston ne puchha, "Kya hua? Sab theek hai?"
Lekin main kya kehta? Ki meri duniya, jise main apna sab kuch samajhta tha, ek pal mein bikhar gayi?
Siya meri pehli mohabbat thi, aur usne mujhe sikhaya ki mohabbat sirf khushiyon ka naam nahi hota. Usne mujhe ye bhi sikhaya ki mohabbat aksar zakhm bhi deti hai.
Us din ke baad main usse kabhi nahi mila. Uski shaadi ho gayi, aur main uski zindagi se ek adhura kirdar ban kar nikal gaya. Lekin uske baad, ek cheez mujhe samajh aayi — pyaar sirf paana nahi, khona bhi hai.

Mujhe lagta tha ki shayad uske bina zindagi ruk jayegi. Lekin nahi, zindagi aage badh gayi. Lekin Siya ki yaadein... woh aaj bhi mere dil ke kisi kone mein zinda hain. Lekin ab mujhe closer mil chuka h..aur mai kaafi aage badh chukaa hu...Shayad isi liye mai apne aap se ek wada bhi kar chuka tha — ab dobara se dil naa lagaane ka vaada..
Lekin ye kahaani meri pahli muhabbat ki nahi h ye kahaani h meri doosri muhabbat ki..

Present..

Tum writer ho..???
Maine uski aur dekhte hue kaha..

Humn... haa..
Par aap ko kaise pata..
Usnee kaha bass...
bass pata hai..

Maine puchaa aap kya karti hoo..
Unhone kaha..ki..
Barkhurdaar question karne kee sil-sileee mee
Pahele naam puchaa jaata hai..
Theek hai..

Too naam kya hai aap kaa..
Usne kaha Chitra sharma...
Phir jaisee Chitra rukii hii nahi..
Usnee mujhe lag bhag..
sab kuch bata diyaa..

Jaise ki - jaise ki
Kohli unhee kitnaa pasand hai..
Jaise ki - jaise ki
Kaise voo 8th class me Paheli baar apni
Cycle see gir gyi thi..
Aur apna ghutnaaa chilaa liyaa thaa..
Ki jaisee unhee kaddu bilkul pasand nahi..
(Vaisee bole too kaddu hum mee see kisi ko pasand nahi )

Usne mere ko yee bhi batayaa..
Usko hot choclate kaafi pasand hai..
Aur bataate-2 achanak mujh see
Puchaa ki..
Tumhee kya-2 pasand hai..
Maine kaha hot chocolate too nahi..
Haa..
Magar chai kee bade shaukeen hai..
Voo bhi extraa adrak wali..
Shaam koo..
Chai kaa waqt hua too..
Maine hum dono kee liye chai kharidi..
Aur Chai jab khatam hui..
Too phir unhone kaha ki chai kee paise
Mai pay karungi..
Too maine kaha ki yaar ye kaddu aur aur kohli
Kee bich paisee kaha see aagaye..

(Dil ki dhadkan aur meri sada hai tu
meri doosri aur akhiri wafa hai tu
chaha hai tujhe chahat se bhi bad kar
meri chahat aur chahat ki intiha hai tu..)

Hum Yee lazey aur laprwaah logo ki
Ekk aadat badi common hoti h..
Joo akshar bag see laptop yaa kitaabe
Nikaal lene ke baad..
Chain band karna bhool jaate h..
Toh raat kaa jab waqt hua toh
Jab middle
Berth uthai gyi toh..
Bag see meri cheeze farsh pe jaa giri..

Too phir maine
Apni mobile ke flashlight ki help see..
Farsh pr giri hui cheeze uthaai..
Aur apne berth pee rakh ke soone chala gya..

Subha 6 baje jab train Lucknow station pr lagi..
Too asaaankh..logo kaa..
Huzumm chaddh gya thaa train mee..
Aur kisi tarah mai jadooo jahettee karte hue..
Apna bag tangaa aur platform pe
Utaar gya..
Phir yaad aya ki Chitra koo too alvidaa kahnaa hi
Bhul gya hu...
Aur mai vapas paltaa..

Par yee bhi too Tai Kiya tha Naa Ki ab kisi koo choodh
Kee aane ke baad wapis palat ke nahi dekhnaa hai..

Too apne Mann see usee good byy kahne kaa khyal nikaalte hue..
Mai apne center ki aur nikal gya.
Exam chalu hone me 1 ghantaa thaa..

Toh bag see jaise ki I'd proof..
Pencil eraser , pen wagira nikalne laga toh.. Mere hoshh aurr..
Tootee...doonoo..
UDD gye..

Kyon ki mera admit card naadarad thaa..
Ekk anjaan shehar me jab aap kaa exam 1 ghante me chaalu hoo..
Aur aap kaa admit card aap koo naa mil raha hoo.. Naa..

Too sala tension God level ki hone lagti hai..

Maine exam officials see baat , request aur Jadoo jhett teeno ki..
Lekin woo logg Naa maane..
Hatashh mayushh baithaa hii thaa..
Kii..

Pichee see awaj aai..
Writer sahab kuch khoj rahe hai..

Kyaa.. ???


Maine palat kr pichhe dekhaa..
Toh vaha pee Chitra khadi thi..
Hathoo mee mera admit card liye ...
Aur usi pal...
Laga ki yahi too cheez h..
Jiskii mujhe talash hai..
Voo dheere-2 mere pass aakr
Thodi doori pe Khadi hote hue kahti hai..

Vaisee aap tension me kaafi cute lagte hai..
Aur achaanak imteehaan ki ghanti bajj gyi..
Aur voo meri ankho me dekhte hue..
All the best ke liye thumbs-up kaa
Ishara karti h...

Aur mai exam Dena andar ki taraaf jaane laga..
Exam dene mai andar jaa hi Raha tha kii..

Usnee pichee see mujhe awaj lagyi...
Aur kaha..
Kii.. milnaaaa...
Humne kaha ki
Haa vahi yaar hum milenge kaise.. ???

Too unhone kaha ki..
Dasturrr raha too writer Saheb mil hii lengee..
Aur ekk Aankkh maar dii..
Aur uske iss achaanak se kiye waar se mai ghayal saa ho gya.. aur thoda sharmaa bhi gaya..
Aur mai phir exam hall me chala gya..

Exam dene ke baad jab mai lautaa..

Bass ekk hi makshad thaa jeevan mee
Ki ab Chitra koo khojnaa hai..
Snapc*t*. , f*. , Tw*tter , insta

Sab kuch pee koshish kii..
Par Chitra kahi nahi mili.. Mujhee..
Hataash laut hi Raha thaa ki
Kuch samaan lene ke liye..

Batuee mee see
Ekk ₹50 ka note nikala
Jispe ekk aur dasturr likhaa tha..
Aur dusri aur Chitra kaa no.

(...Har ekk dastur see bewafai
maine shiddat see hai nibhai
rastey bhi khud h dhoondhe aur
Manzil bhi khud banai..)

Too sala yee ahhsaas hua ki
Voo logg kahte hai naa..Yaar..

Zindagi me unhee muhabbat ekk baar hoti hai
Voo jhutthh kahtee hai..

( Chitra ne apna number note pe tab likha hoga jab mai aur wo ek station pe chai pene ke liye utree the shaam ka waqt tha..
Aur mere dono haatho mein chai ke 2 glass the aur issi liye maine usko baaki paise collect krne ko bol diya tha..
Aur ussi dauraan sayed usne mauka dekh ke apna no. Ek note pe likh diya tha )

Maine no. Dial kiya..
Pahela call...phir dusra.. Aur phir teesra call karne ke baad jab usne call nahi uthaya

Too Mai ekk baar ko udaas saa ho gya..
aur phir ekk aakhri baar call karne ki sochi

Lekin iss baar meri kismat ne mera saath diya aur
Phone uthaa liyaa gya..

Maine hello.. kaha..
Too phir udhar see

Kisi aadmi ki sakth aur bhaari bharkham aavaj sunai padi..


Jii aap kon..

Mai ekk baar koo thoda shock aur thoda hairan dono hoo gya..

Kyon ki mujhe bilkul bhi umeed nahi thi ki uskaa phone koi aur uthayega..

( Ekk baar koo mujhe laga ki kahi yee uskaa koi Jaan kaar yaa koi aur uska parichit too nahi )

Maine kaha jii..

Ye Chitra jii see baat karni thi..

Karib 5 se 10 second ki khamoshi kee baad Vaha see koi jawab naa aata dekhh..

Maine phir see apna sawal dooh rahaya..

Too us aadmi nee thoda hichakte hue jawab diya..
Aur kaha ki..
Jii mai head constable Suresh Rane baat kr raha hu.. Azad chowk market see..
Police kaa naam suntee hi ekk baar ko too mai shocked ho gya..

Aur phir usne ekk lambi saans li Aur bolna chalu kiya.. Aur kaha..ki

Abhi kuch der pahele ekk truck nee...
ekk ladki koo
Takkar maar di...

Aur ladki ki at a time maukee pee hi Mautt hoo gyi..

Aur jab ye haadshaa hua

Mai uss see kuch doori pe hii chay ki dukaan pe baithaa hua tha...

Uss area me hi meri duty lagi thi..

Jab truck ne uss ladki ko takkar maari too
uskaa phone chatak kee kuch Durr divider ke paas jhadiyo mee jaa gira tha..

Aur abhi jab call aya tab hi meri iss pee nazar padi..

10 min pahele uski body ko ambulance mein city hospital Lee Jaya gya h..

Hadsaa hone ke turant baad maine inform kar diya tha..

Aap uski family ko inform kr dena..

Aur phone cut gya..

Ekk baar koo aisaa laga ki kisi nee ..
garam-2 tel mere kaano me daal diya hoo..

Mai kuch sunne samajhne ki haalat mee hi nahi thaa..
Mere dil ki dhadkan bahut teezi see chalni suru ho gyi thi..

Mera pura jism kuch hi min me poora pasine see bheeg Chuka thaa..


Mere gala bilkul sukkh gya thaa..
Mere muhh see ekk sabd bhi nahi nikal Raha thaa..

Meri halat bilkul kaato too khunn nahi aisi hoo gyi thi..

Mujhe samajh nahi aa raha tha mai kaise react Karu..

Jaise ekk pal mein sab kuch mil ke bhi mera sab kuch phir see kho gya..

Jindgi Me Baar Baar Sahara Nahi Milta

Baar Baar Pyar Se Koi Pyara Nahi Milta
Jo Pass Hai Aapke Usko Sambhal Kar Rakho

Kyoki Khone Ke Baad Vo Kabhi Dobara Nahi Milta

Few Months later

Kuch log hote hain jo zindagi mein chhupke se aate hain, aur bina shor machaye dil ke kisi kone mein apni jagah bana lete hain.

Chitra... tum bhi waise hi thi. Tumhari hasi, tumhari baatein, tumhari wo ankhon ki gehraiyan... sab kuch meri duniya ka ek hissa ban gaye the.
Ek aisa hissa, jise ab khud se alag karna mujhe naamumkin lagta hai.
Jab tumse pehli baar mila tha, toh socha nahi tha ki tum meri kahani ki sabse khoobsurat tasveer ban jaogi. Lekin aaj, jab tum nahi ho, toh har tasveer adhoori lagti hai, har shabd bekaar lagta hai. Tumne meri zindagi mein ek aisi roshni laaye thi, jo ab tumhare jaane ke baad andhere mein badal gayi hai.
Woh safar, woh ek-ek baatein, tumhara woh muskurakar mujhe writer kehna... sab kuch mere zehan mein ek nayi kitaab ke panne ban chuka hai. Lekin is kitaab ka end... yeh end mere liye likhna abhi bhi mushkil hai. Kyunki tumhare bina yeh kahani kaise poori ho sakti hai?

Chitra, mujhe pata hai ki tum wahan kahin ho, ek alag jahaan mein, shayad kisi sitare ki roshni banke. Lekin yahan, mere dil ke is kone mein, tum hamesha zinda rahogi. Har chai ki chuski ke saath tumhari yaad aayegi. Har barish ki boondh mujhe tumhari baaton ka ehsaas dilayegi.
Tumne kaha tha na, "Milna..."? Tumhare us "Milna" mein jitni umeed thi, utni kabhi meri zindagi mein nahi thi. Lekin shayad milne ka matlab tumhare liye alag tha. Tum mujhe bas ek dhoondh chhod kar chali gayi ho, ek aisi talash, jo shayad ab kabhi poori nahi ho sakti.
Zindagi ek kitab hai, aur tum uske sabse khoobsurat panna thi. Tumhare bina yeh kitaab adhoori lagti hai. Lekin yeh wada hai tumse, ki tumhari yaadon ke saath, tumhari muskaan ke saath, main apni kitaab likhta rahunga.
Log kehte hain ki waqt har zakham bhar deta hai, lekin Chitra, tum woh zakham ho jo bharna nahi chahiye. Tum woh dard ho jo dil ko zinda rakhta hai.
Tum meri doosri mohabbat thi, Chitra. Lekin shayad tum meri akhiri bhi thi.
Aaj bhi jab raat ko chand ko dekhta hoon, toh tumhari tasveer ban jaati hai. Tumhare bina yeh duniya wahi hai, par meri duniya badal gayi hai. Tumne mujhe sikhaya ki pyaar ka matlab sirf paana nahi, khona bhi hai. Tumne mujhe dikhaya ki kuch log bas ek kahani ban kar reh jaate hain, lekin woh kahani kabhi purani nahi hoti.
Tumhari yaadon ke saath,

Tumhara writer.
______________

 

[The Wolvarine]

...Woh bhi kya din thee...​

Jab barrish hoti thi to kaagaz ki naav tairaane chale jaate thee.. hawaayi jahaaz bana kee apne aap poora Ghar mein udaate thee.. dusro kee Ghar ki ghanti Baja ke fauran bhaag jaate thee.. aada paada kisne paada karke accuse declare kr diya karte thee.. 5 baje dragon ball , Aur 5:30 baje Pokemon aaya karta thaa T.V pee..superhero mein apna Wolverine hi thaa hamesha see favourite..
Tab Shak lak boom-boom ki magic pencil hee apni dream hua karti thi..
Tab zindagi bohot hee simple aur haseen hua karti thi..Raja mantri chor sipaahi kheelne kaa ekk alag saa addiction hua karta tha..T.V shows bhi Pahele bade kamaal ke aate thee.. cartoon bhi dekho tab kee kitne hasaate the..jiska bat uski batting hoti thi..chupan-chupaayi mein pukam hua karta tha..Thoda saa udaas hone pee choclate mil jaati thi aur school jaane se pahle 5 ₹ milnee pe duniya Jeet Li jaati thi..
Ekk pal mee shaitan aur dusre hi pal mein masoom hoo jaate thee...Hum uss time Malik thee apni marzi kee. Jahan sab logg zindagi ki buraayiyan kr rahe hote thee wahi hum ghar-2 khelne mein busy thee.
Agar apna birthday hoo toh Best friend ko 4 toffies aur classmates ko 2 uss din sab pata chal jaata tha kon-2 h apna asli dost.
Fevicol ungliyon pee giraake uskee sookh jaane ke baad compas see uska operation kiya karte the..
Uss time apni cycle pee baithke aaj puree 10 gharo ki ghantiyon ko Baja kr bhaagne hai yahi ekk lautaa mission hua karta tha.
Aur apni Omnitrix pehen kee bilkul Ben 10 wali feel aati thi..Undertaker 3 baar mar chuka h..yeh baat bhi tab Maan li jaati thi..Yeh woh umar thi jaha pee agar ladka ladki kee saath baithaa diya jaata hoo too usse punishment Maan liya jaata tha..
Agar kuch atpata kr doo toh haww jii puppy shame kr ke bejjati maari jaati thi..
Bol pencil, Teri shaadi cancel iss sharrarat mee bhi bada maza aata tha..bol ekk tere kacche mein cake..kuch yeh kah kr phir badla liya jaata tha..
16 parchi dhapp hone ki khushi badi alag hoti thi..
Ekk woh jamaana tha jab card mein John Cena ki rank no. one hua karti thi..aur raat me sofe pe sote the..aur phir jagna bed pee hota tha..samajh hee nahi aata tha ye aisaa jaadu rooz-2 kaise hota tha..Abba bolne see friendship ho jaati thi aur katti bolne see breakup..
Class see nikal kee race lagaate thee ki kaun pahele pahunchata h washroom tak..
Ajeeb-2 baato pe vishwas kr lete thee..aur ekk baar sar takrane see kaala kutta kaat leta hai isliye Jaan kr dusri baar bhi takkar maar lete thee...
Vidya kasam kisi koo dee doo too matter aur baatein dono hi serious hone lag jaati thi..
Garmiyon mee pipe see cooler mee paani bharte waqt khud bhi naha liya karte thee..
Pipe ke muh ko ungli see band kr kee apne liye ekk choti sii barrish bana liya karte thee. Zyada demand nahi hoti thi apni bas ekk achha saa pencil box bahutt tha humare liye...
Khaoo piyo aur soyo koi kuch nahi kehta tha..kyonki tab nadaniyan karna hi humari job hua karti thi.
Tab lagta thaa yeh gaane filmo mee khud ussi waqt gayee jaa rahe hain..samajh nahi aata tha ki itnee jaldi-2 inke kapde kaise badle diye jaa rahe hai..
Chutti ki bell bajti thi aur uske baad ekk haath me
O'Yes aur dusre haath mee fruitchill hua karti thi..
Tab kee samay me pubg wagira nahi tha yaar contra kaa level 2 karna hee mushkil hota tha..kadi dhoop mee jab ghar mee sab soo jaate thee tab hum bahar khelne nikalte thee...tab undino Humpee garmi kaa koi asar nahi hota tha..Yaa too tab hum zindagi jeena dhang see aur achhe see jaante thee..
Naa kamaane ki tension aur naa zamaane kaa dhukh..bass mauj bhari zindagi thi..ab ehsaas hota hai bachpan mee bade hone ki soch apni sabse galat ekk zidd hua karti thi..Aaj lagta h bachpan mein laut jaye..Tab lagta tha thakab jawaan hoo Jaye. Aaj jimmedaariyan hain tab khilkaariyan sunn ke sotee the..Ab apni hi kahaaniyon pr rote hain. Pahele to hr din tyohaar saa lagta thaa..Aur ab khush hone ke liye tyohaar chahiye hota hai..Tab sab kuch suljha saa tha koi uljhan nahi thi...dil mein kevel dhadkan thi koi tadpan Nahi thi..Tab Baste kaa wazan zyada tha aur sar pee boj halka saa..
Aur aaj baste khali ho gye h..lekin dimag bilkul bhara saa..bohot sukoon mein waqt beetaya maaza aaya Zindagi kaa..pahle Takeshi's castle dekhte the..pogo pee aur D*sn*y pee Art Attack kaa intezar rehta tha...
Javed jefree see alag pyaar rehta tha. Aur Mr. Bean T.V pe kam aur dil mee jayada rehtaa tha..
Aaj kal ka bachpan bachho ka yeh phone vegereh pe nikal raha hai..Main bhagwaan kaa shukraguzaar hu ki Mera apna bachpan-bachpan jaisa guzra hai...



Toh bachpan mee naa stationary kee items dekh kee meri ankhon mee aisi chamak aa jaati thi.. Naa...kii bass...puchho Matt..
Khair mere uss time kee favourite colours thee pencil colours ,
Ye joo pencil colours ka dabba naa bilkul zindagi kee jaisaa hi hota hai..usme saare rang hote hai..jisme see kuch rang Hume bahut pasand hote hai , Aur kuch bilkul hee naa pasand hote hai, jab mai chotta thaa..Toh apne pencil colours ke dabbe mee see white colour ko nikal ke aisee phankk deta thaa..naa...jaise ki koi apni zindagi see kisi insaan koo bedakhal kr deta hoo, kaafi casually..
Tumhee yaad hai bachpan me hum voo games khela karte thee like :-
Chor police , khoo-khoo , pithuu , kabadi , barff paani , Maram pitti..Aur cricket off course...yaar..

To yee kahani meri nahi hai, Tumhari hai aur agar abhi aap ko iss baat pee yakin nahi aata too iss kahani kee anth tak yakin ho hi jayega...
To dopeher ke karib 12 baje rahe the , Dev Nagar Aur Bapaa Nagar ke Tamaam logo see ground kacha kach bhara hua tha saamne Taraf thee Dev Nagar ke 11 players aur iss taraf thee humare muhalle ke 11 launde , Bachha thaa sirf 1 over Aur run banaane the 15
Crease pee maujud thee hum sharma khandaan kee 2 Roshan chirag Rishu Sharma aur Alok Sharma..
Yaani ki monu bhaiya aur mai , kabiliyat aur record ke hisab see bhaiyaa team ke captain thee.. Aur mai Extra...
Haa..dekho yaar ab kya hee judge karoge aur shandar.. Aur yee hota bhi h naa. Ekk Ghar me doo bachhe hote h too ekk ko meetha pasand hota h , to dusre koo namkin pasand hota hai, vaise hee..
Thii Yeh humari jodi..jaise ki Mere ko literature pasand hai , Aur vahi bhaiyaa ko sports, To humari jodi kuch Kapil Dev Aur Kabir Dass jaisi thi..
Jisme unkee ekk haath me balla thaa Aur vahi mere ekk haath me kalam thii.. Aur saamne bowling kr raha tha Manpreet Thapa 18 saal ka Punjab kaa naujawaan jiski tezz raftaar ki wajah see usee Dev nagar Express kaa darjaa Dee diya gya tha..
Usse clean bowled karne kaa naa sirf kewal shauk thaa balki usii ki bhukkh bhi thi , uski iss speed see itnaa Darr lagtaa thaa Naa..itnaa dar lagta tha Naa..
Ki Agar uski koi bhi tezz raftaar gendd kisi aadhe thedhee aang pee padd gyi naa , too beta aage aane wali nasloo pee sawal uthnee lagg jaayenge..
Aur Ye match bhi too jeetna tha , kyonki Jeet gye naa to bas..
Aur agar harr gye , to yaar joo apne muhalle ki joo voo sadak hoti hai naa..
Haa..wahi Joo apne baap ki hoti hai.. Naa ..Toh uspee itni respect nahi milegi yaar. Aur phir Manpreet Thapa nee bowling kaa ishara kiya aur usne kaha.. Right arm full pase over the wicket phir bowling karne ke liye apna run-up lena chalu kiya. Voo jaise daudd kee aa raha raha tha naa toh aisaa lag raha thaa Naa ki koi rajdhani express kaa koi engine chal ke aa raha hoo, Aur crease pee thee apne bhaiyaa jaise hee bowl aai bhaiyaa nee turrant apne balle ki madad see bowl dhakeli cover ki taraf Aur mujhe kaha ki Aaluu 2 run bhaag... Haa mere ghar kaa naam Aaluu hai , mujhe lagtaa hai..naa ki joo apne yee maa baap hote hai naa voo..pet names issi liye rakhte h taaki bhare jamaane me hum... U know naa..
Varnaa ekk naam see.. naa.. Apni zindagi bade aaram see kaati jaa sakti hai..Khair unhone kaha ki
Aaluu... Bhaag.. aur sala mere andarr see awajj aai bhaag kachar bhaag..
Mai kisi tarah bhaag kee 2 run Lee kee crease pee paunctaa hu..
Aur issi baat ki jhunjhulahat thapa ke chahere pee saaf nazar aa rahi thi ab pata thaa joo agli bowl aane wali h naa.. uspe sarwanash aur intekam..dono ekk sath likha hua tha..
Aur iss ekk bowl ke baad ab bowl bachi h 5.. Aur run banaane h 13 Manpreet ne doobara apna run-up lena chalu kiya..
Iss baar gendd ki raftaar aur bhi tezz aur ankho me gussa aur bhi jayada..Aur usne jaise hi bowl daali bhaiyaa nee seedha uss bowl pee chakka laga diya..
Aur mujhe pass bula ke kaha sunn idhar aa jara..
Ye joo crowd me naa mujhe kritika Bakshi dikhai Dee rahi hai..bada khush hoo Rahi hai tere run banaane pee case kya hai..batauu kya papa ko...
Phir maine kaha suniyee crowd me naa mujhe khushi didi bhi dikhai Dee rahi hai... Aur iss baar joo aap ne chakka lagaya hai naa unke sirr ke upar see..
Aur uss taraf Joo bat dikhaya hai...naa..
Aur mai itnaa bol ke chupp ho gya..
Phir Unhone kaha ki jaa udhar Jaa ke chup chap khada hoo Jaa...
Maine apni batissi dikhayi aur wapas Jaa ke waha khada ho gya..
Main Aisa kuch bolna nahi chahta tha lekin ab bhaiya ladki ko beech me Lee hi aye the too mujhe bhi Lana hi pada..
Warna Mera Aisa koi intention nahi tha Aisa kuch bolne kaa..

Few Year back

Main, yaani Alok, ek normal ladka hoon jo zyada kuch nahi karta, bas khaata aur soota rehta tha. Par ek din meri zindagi badal gayi jab main Kritika se mila. Uske papa ka transfer kuch mahino pahle he humare sehar mein hua tha..Wo class ki sabse intelligent, sabse sundar, aur sabse zyada "overachiever" ladki thi.

Us din wo apne notebook ke saath library mein baithi thi, aur main ek samosa khate hue usse tak raha tha.
Maine socha, baat karni chahiye. Main gaya aur bola:
"Tumhare pass ek extra pen hai? Mera pen kharab ho gya h chal nahi raha h.."
Usne mujhe ek ajeeb si nazar se dekha aur bola:
"Alok, tumhe pen nahi chahiye. Tumhe ek dictionary chahiye. Spelling aur grammar dono ka murder karte ho!"()

Wahan se meri pahli ek tarfa love story ki shuruwaat hui.

Kritika class mein sabse aage baithti thi, aur main sabse peeche. Jab wo teacher ke questions ka jawab deti thi, toh mujhe lagta tha ki yeh background mein violins chalne ka perfect moment hai.
Ek din main apne dosto se bola:
"Dekhna, ek din Kritika mujhe notice karegi."

Mera dost Chintu bola:
"Notice karegi? Haan, tabhi jab tum uska lunch box churaoge!"

Hum sab hasne lage, lekin mere dil mein ek chhota sa dukh tha. Kyunki mujhe pata tha ki mere aur Kritika ke beech ek duniya aur jamaane bhar ka difference hai. Wo topper, aur main woh ladka jo exam mein 'All The Best' likhne mein bhi galti kar Deta tha

Ek baar main library mein gaya aur Kritika ke paas baith gaya. Usne mujhe dekha aur bola:
"Alok, tum library mein? Yeh toh breaking news hai."

Maine mazaak mein bola:
"Haan, tumhe dekhne aya tha. Lekin tumhare books ka weight dekh ke socha ki inhe uthana zyada mushkil hai."

Usne hasi chhupate hue kaha:
"Tumhare jokes bilkul tumhare marks ki tarah hain, zero."

Wo hans rahi thi, par mujhe pata tha ki yeh hansna mere dil ke liye kitnaa dangerous hai.


Back to Present

Khair iss romantic owkward conversation kee baad ab bowl bacchi h 4 aur run bannane h 7..
Aur hamari virodhi team iss baar koi nayi ranneeti discuss kr rahi thi...Aur bhaiyaa apne gloves tight kr raha thaa..Aur jaise hi Manpreet ne iss baar bowl daali..Aur voo bowl ho gyi bhaiyaa see miss..
Manpreet aadhe pitch tak chal kr aya aur kaha ki kyon Ram aur Lakhan.. bowl nahi dikh rahi hai kya..
Too Yee ab tak naa maidaan me khel chal raha tha..
Par ab honi thi Jung..
I mean tum ekk hee ghar kee doo bade mardoo kaa ego ekk saath hurt kr kee yunn sabutt too nahi jaa sakte naa..

( Ekk baar ko khyaal aya ki issi bat see thapee ko maar-2 ke uski khopdi khol deta duu..lekin saamne dekha too sala bhaiyaa bhi vahi thaa.. agar mai aisaa kuch karta toh vo Ghar pee papa ko bata deta aur phir Mera baap mere ko hi kutt deta...too ye plan drop kr diya)

Aur iss dot bowl ke baad bowl bachi h 3 aur run banaane h 7.. Manpreet ne dobaara apna run-up lena chalu kiya.. Aur bhaiyaa bhi apna stance Lee raha thaa...
Aur jaise hi bowl aai bhaiya nee apne bat ki madad see usse gap ki taraf dhakela aur mujhe kaha bhaag..
Mai bhaag ke 1 run liya..aur tabhi kisi nee Durr see bowl wicket ke taraf throw kr ke maari.. Aur bowl ho gyi ower throw..
Aur bhaiyaa ne kaha dekh kya raha h doobara bhaag....
Mai jaise hi bhaag ke apni wicket ki taraf paunchaa aur phir palat kee dekha.. Toh dekha bhaiyaa ki killi udd chuki thi..
Aur bhaiyaa ho chuka tha run out..maidaan me ekdum see hatasha aur nirashaa ke badal umad pade thee..
Aur maidaan me sab hatash aur nirash baithee hue thee..aur sirf uss ground me kuch virodhi team ke samarthak aur khud virodhi team hee khush nazar aa rahi thi..
Aur phir bhaiya mere pass aya aur kaha kii sunn sambhal lenaa..

( Aaji l*nd mera aisaa mai boltaa agar bhaiyaa ki jagah agar koi aur hota too issi liye nahi bola)

sambhal lenaa..kitna zimmedari bhara sabd hota hai naa..
Aur agar aap kaa koi bada bhai yaa badi behen hai too actually aap ko zimmedari sabd kaa asal matalab kabhi samajh hi nahi aa sakta..kyon ki ghar kee saare zimmedari wale hisse kaa Kamm usse jaate thee aur saare majdoori wale hisse kee kaam mujhee.. Mummy hum dono ko bazar bhi bhejti thi Naa..Toh paise usse deti thi aur Thailaa mujhe deti thi..
Baaki agar voo kabhi bahar Jaa Raha hoo..Toh uski T-shirt iron kr dena..uski bike saaf kr dene..
Ye sab waqt ke fasloo nee mujhee yee sab kaam soup hee diye thee.. Khair ab iss bowl ke saath bowl bachi h 2 aur run banaane h 6. Aur batting karne aa raha h cheeni. Humari team kaa sabse Chhota Khiladi umar mee bhi aur hunar mee bhi. Uskaa asal naam kuch aur hee thaa..lekin uski choti-2 ankho ke chalte usse humne cheeni-2 kah ke bulaana suru kr diya tha..
Jab voo batting karne aa raha thaa too Usse sab ne bass ekk hee baat kahi thi ki chuu aur bhaag..
Cheeni nee waisa hi kiya jab bowl aai too usne bas apne bat see usse thoda touch kiya jisse voo thodi Durr chali gyi aur maukee koo dekhte hue apni choti-2 tangoo see bhagtaa hua dusri taraf chala gya.. Aur ab bas ekk bowl bachi thi aur mai thaa crease pee aur run banaane thee 5.
Sala kamaal hoti h naa kuch jungee jinmee maaat nahi hoti..
Isi koo dekhte hue yaa too karo yaa too maro Vali istithi thi.. Bahubali dekhi hai aap sab nee. Bahubali mee mujhe woo wala seen yaad aa raha tha jab bahubali jaate-2 Kumar Verma ko khanjar deta hai aur kahtaa hai ki samay har ekk kayar koo ekk surveer banne kaa mauka deta hai. Aur yee sann wahi hai.. croud mee baithi meri muhabbat , Aur muhalle ki izzat Aur bhaiyaa kee wicket kaa badla yee teeno cheeze mere dimaag mee naa ekk saath daud rahi thi..
Manpreet kee mann subee bilkul saaf hoo chuke thee usse bhi pata thaa voo match lagbhag Jeet chuka hai.. voo bass humari bachhi kuchi umeedo koo nistee naabutt karne me laga hua thaa..
Manpreet nee doobara run-up lena chalu kiya iss baar thodi aur kutill smile kee saath..
Mai bhi bilkul tayaar thaa..Ab sala joo bhi hoga dekha jayega bc..Aur usne jaise hi bowl daali maine balla aage kiyaa aur bass yee kahani itni sii hai
Kyon...kyon ki agar maine aap ko bata diya uss ekk bowl pee kya hua...
Toh aap issee mera koi puraana afsaanaa samajh ke bhul jayenge
Aur maine waise bhi kaha thaa Naa yee kahani aap ki hai Khair Apni-2 kahaniyon mee toh aap sab abtak Jeet bhi chuke honge
Aur kritika ke papa see man off the match bhi mil chuka hoga..
Toh yee zindagi bhi Naa kuch.. Naa kuch..cricket jaisi hi hoti hai naa jisme kab koi musibat bownser ke jaise aati hai too koi gugli ke jaise par tum..Tum crease pee datte rehnaa.. Aur aisi paari khel ke jaana ki tumhare chale jaane ke baad bhi..
Logg khade hoo ke taliyaaa bajaate rahe...

Few Days Later

Ek din school ke baad mujhe pata chala ki Kritika ka family transfer ho raha hai. Us din mera heart literally break ho gaya. Maine himmat karke usse milne gaya.

Maine kaha:
"Tum ja rahi ho, toh yeh school boring ho jayega."

Usne ek halki si muskaan di aur bola:
"Aloo, tumhare jokes ke bina bhi boring nahi hoga."
Usne mujhe ek diary di aur bola:
"Tumhare liye ek gift. Isme likhna shuru karo, shayad tum writer ban jao. Exam mein toh kuch hone se raha!"

Wo hans rahi thi, lekin uske aankhon mein ek halka sa dard tha. Us raat mujhe samajh aaya ki uska jaana meri life ka sabse bada heartbreak hai.
Kritika chali gayi, aur mere dil mein ek khaali jagah chhod gayi. Uski di hui diary mein maine likha:
"Kritika, tumhe kabhi pata nahi chalega ki ek ladka jo bas mazaak karta tha, usne tumhe kitna seriously chaha. Shayad meri feelings ek tarfa thi, lekin wo meri duniya thi."

Uske baad maine ek naye Aloo ki shuruaat ki. Shayad uska jaana mere liye ek lesson tha ki har kahani ka happy ending zaroori nahi.

Lekin har kahani apni tarah se perfect hoti hai.

The End..