Adultery SKS- Shehar ka Shikari

[Ranchojaiker]

Update 1	Update 2	Update 3	Update 4	Update 5
Update 6	Update 7	Update 8	Update 9	Update 10
Update 11	Update 12	Update 13	Update 14	Update 15
Update 16	Update 17	Update 18	Update 19	Update 20
Update 21	Update 22	Update 23	Update 24	Update 25
Update 26	Update 27	Update 28	Update 29	Update 30
Update 31	Update 32	Update 33	Update 34	Update 35
Update 36	Update 37	Update 38	Update 39	Update 40
Update 41	Update 42	Update 43	Update 44	Update 45 Part1
Update 45 Part2	Update 46 Part1	Update 46 Part2	Update 47 Part1	Update 47 Part2
Update 48 Part1	Update 48 Part2	Update 49 Part1	Update 49 Part2	Update 50 Part1
Update 50 Part2	Update 51 Part1	Update 51 Part2	Update 52 Part1	Update 52 Part2
Update 53 Part1	Update 53 Part2	Update 54 Part1	Update 54 Part2	Update 65
Update 66	Update 67	Update 68	Update 69	Update 70
Update 71	Update 72	Update 73	Update 74	Update 75
Update 76	Update 77	Update 78	Update 79	Update 80
Update 81	Update 82	Update 83	Update 84	Update 85
Update 86	Update 87	Update 88	Update 89	Update 90
Update 91	Update 92	Update 93	Update 94	Update 95
Update 96	Update 97	Update 98	Update 99	Update 100

 

[Ranchojaiker]

Sansaar me bhinn bhinn prakaar ke log hote hain. Ye ek aise ladke ki kahani hai jo sadaiv hansta muskurata rehta hai, sab ise pasand karte hain parantu iss ladke ka ek aur chehra hai "Shehar ka Shikari". Poore desh me aisa koi bhi gunda badmash nahi jo SKS ko nahi jaanta ho. Aam logon me bhi ye bahot jyada prasiddh hai. Kya hai iss SKS ki kahani???? Chaliye dekhte hain. Pehli story hai meri to galtiyaan batane me sankoch mat kariyega. Jaha tak sambhav hoga galtiyon me sudhaar karunga.

 

[Ranchojaiker]

Paatra Parichaya

Sumit




25 saal ka ek ladka. Do hi kaam priye hain ise, pehla aise cases suljhana jisme log police ki madad lene ko tatpar na ho aur dusra ladkiyon ke saath ghoomna phirna. Din bhar iske dimaag me ladkiyaan hi ghoomti rehti hain. Ye cases kaise solve kar leta hai ye Hitesh ke liye bhi ascharya ki baat hai.

Hitesh Mehra




29 saal ka ek ladka, purva me ek police officer reh chuka hai. "Shehar ka Shikari" ke do sadasya hain, pehla Sumit dusra ye. Grahakon se milna, case lena hai ya nahi lena uska nirnaya yahi leta hai. Dono ki jodi jaise bottle aur dhakkan. Bottle kaun hai dhakkan kaun ye aage pata chalega.

Kanika Mehra






Hitesh ki eklauti behan. Haal hi me 12th pass kiya hai. Girls college me padhti hai aur apni friends ke saath hostel me rehti hai. Hitesh Sumit ki aadaton ke kaaran ise apne saath nahi rakhta.

SKS ko contact karne ke liye "Pitamgarh" shehar ke Railway station ke paas Sumesh Ad Agency ke board ko scan karna hota hai. Scan karte hi phone number aa jaata hai jisse client inn dono se apna kaam karwa sakte hain. Ye ek aisa shehar hai jaha sab kuch khuleaam hota hai. Police apna kaam poori nishtha se karti hai phir bhi jo Police ke haath se bach jaate hain aise logon ko SKS niptata hai aur clients ki maang ke anusaar apna kaam karta hai.

NOTE:- Pitamgarh ek kalpanik shehar hai.

 

[Ranchojaiker]

Reserve

 

[Ranchojaiker]

Reserve

 

[Ranchojaiker]

Reserve

 

[Ranchojaiker]

Update 1
Raat ke samay ek building ki chhat par khade hokar Sumit Hitesh baat karte hue. Sumit ke haath me ek rifle hai jisse usne saamne ki ek building ki taraf nishana lagaye hue hai.


Hitesh:- Tera dhyaan kidhar hai saale!!! Phir ladki taad raha hai!!! Kitni baar samjhaya kaam ke time ladki taadega to tu aur main dono maare jaayenge.


Sumit:- Tu to jaanta hai na bhai, ladki dekhe bina mera mann nhi bharta. Aur aaj tak kisi kaam me gadbad ki hai kya??? Tention na le, aaj ka kaam bhi first class ho jaayega.


Hitesh:- Thik hai thik hai rodhna pasarna band kar. Saamne uss aadmi ko dekh rha hai na, uske haath me jo talwar hai use tehas nehas karna hai.


Sumit:- Abe kaise kaise kaam karwa raha hai mujhse!! Ek talwaar todne ke liye yaha chhat pe khada kar diya.


Hitesh:- Jyada dimaag mat laga. Client ne kaha hai ki ye mehangi talwaar tootni hi chahiye.


Sumit:- Chal theek hai. Kaha ladkiyaan taadta, kahan iss kamine ke kaaran ye sab karna pad raha hai(dheere se)


Hitesh:- Kya bol rha hai???


Sumit:- Kuch nhi kuch nhi. Saala khargosh ke kaan leke paida hua tha kya ye(mann me).


Sumit ka nishana achook hai. Poore desh me iske jaisa nishaana koi nahi laga sakta. Usne fat se ek goli chalayi aur saamne uss talwaar ke do tukde ho gye.


Hitesh:- Accha kaam kiya. Chal ab ghar chalte hain.


Sumit:- Tu jaa. Main aata hoon thodi der me.


Hitesh:- Sab samajh raha hoon. Theek hai khush ho le tu bhi.


Sumit ne fat se apni najar ek ladki ke room ki taraf modi tab tak waha ek mota apne kapde badalne aa gaya.


Sumit:- Saali kismat hi kharab hai. Kaha wo sundari aur kaha ye motu!!! Ghar hi chalta hoon.



Usi shaam ek ladki apni badi behan ka main market ke ek mode par wait kar rahi thi.

Neeti:- (mobile par) Kahan ho didi?? Aur kitni der?? 15min se aapka wait kar rhi hoon!!!


Swati:- Bas 5min me aa rhi hoon.

Neeti Swaati do behne thi. Neeti abhi bhi college me hai aur Swati ek school me padhakar ghar ka kharch chalati hai. Swati ka bahot mann tha professor banne ka par maa baap ke marne ke baad usne apne sapne tyaag diye aur apni behan ka khayal usne ek maa ki tarah rakha. Aaj Neeti ka birthday hai aur iss mauke par Swati ne uske liye ek chhoti si party plan ki hai.

Neeti abhi Swati ka wait kar hi rahi thi ki uske saamne ek car ruki.

Unknown:- Kya aap ye address bata sakti hain?? Main iss shehar me naya hoon aur picchle ek ghante se pareshaan hoon iske chakkar me.

Neeti ne ek pal uss ladke ko dekha. Dekhne me wo ladka seedha saadha laga to Neeti use address batane lagi. Tabhi achanak.... Uss ladke ne apne pass rakhi silencer lagi pistol se Neeti ko chupke se ek goli maar di. Neeti ko kuch samajh hi nahi aaya ki kya hua. Wo apne hosh sambhalti usse pehle hi wo car rafuchakkar ho chuki thi. Ek ladki ko goli lag chuki thi aur uss mod par kisi ko bhanak tak nahi lagi.

Swati jab uss mod par pahunchi to use Neeti nahi dikhi.

Swati:- Kaha chali gayi ye ladki??? Ek jagah pair hi nahi tikte iske!! Bola tha wait karne ko.

Tabhi Swati ki najar saamne padi ek ladki par gayi. Uss ladki ke kapde dekhkar use kuch anhoni ki aashanka hui to usne turant uss ladki ko palatkar dekha. Wo ladki aur koi nahi Neeti hi thi.

Swati:- Neeti, Neeti!!! Beta kya hua tujhe?? Tu kuch bol kyun nahi rahi??? Neeti, Neeeeeetttttttiiiiiiiii.........

Swati ne turant ambulance bulayi parantu Hospital pahunchne tak der ho chuki thi. Neeti Swati ko chhodkar jaa chuki thi. Swati apni sudh budh kho chuki thi, aankho se ashru nirantar bahe jaa rahe the. Thodi der ke baad usne apne aap ko sanyat kiya aur prann liya apni behan ke hatyare ko dand dilaane ka.


Agli subah jab Sumit utha tab Hitesh newspaper me khoya hua tha. Sumit aake table par naashta karne baith gya.

Sumit:- Hitesh jaldi nashta laa bhai. Bahot tej bhookh lagi hai.

Hitesh ne koi uttar nhi diya.

Sumit:- Abe jaldi naashta de!!! Pet me chuhe kood rahe hain.

Hitesh ne phir jawab nahi diya. Sumit ne use hilaya tab uska dhyaan toota.

Hitesh:- Sumit!!! Tu kab aaya???

Sumit:- Saale 10min se tujhse nashta maang rha hoon. Pata nahi kaunsi duniya me khoya hua hai??

Hitesh:- Are kuch nhi. Paper padh rha tha.

Sumit:- Aisa kya padh rha tha bhai???? Kisi nayi model ki photo chhapi hai kya???

Hitesh:- Jab dekho tab ladki ki baat!!! Abe kaam ki khabar chhapi hai isme.

Sumit:- Kya chhapa hai??

Hitesh:- Ek hatyare ki khabar hai jo ab tak 5 ladkiyon ko maar chuka hai. Police ko ab tak koi suraag nhi mila uska. Le padh...

Sumit:- 5 ladkiyaan!!! De idhar.

Sumit:- Sach me yaar, photo to dekh inki. Sab ek se ek khubsurat hain. Kya chutiya aadmi hai ye, maarne ko koi aur nahi mila isko???


Hitesh:- Wo sab chhod. Jo ladki kal mari hai uski behan ka call aaya tha jab tu so raha tha. Main nikal rha hoon usse milne ke liye.

Sumit:- Main milke aata hoon na!! Kabhi kabhi mujhe bhi clients se mil lena chahiye.


Hitesh:- Aaj suraj paschim se uga hai kya??


Sumit:- Main jaa rha hoon na. Tu aaram kar main usse mil kar aata hoon.


Hitesh:- Theek hai jaa!! Ladki ki baat aayi nahi ki sab aalas gayab.


Funtime bar, ek aisa bar jahan ke logon se Sumit ki acchi jaan pehchaan hai. Shehar ke har gunde badmaash ki khabar yaha ke staff ko hoti hai. Keh sakte hain ki SKS ke soochna tantra ka ye log ek hissa hai. Sumit jab wahan pahuncha tabhi usne Swati ko pehchaan liya. Vivran ke anusaar usne red-green colour ka ek gown pehna hua tha jisme wo swarg se utri apsara sarikhi lag rahi thi. Bars me to sab unmukt rehte hai, mann se bhi aur kapdon se bhi. Ek waitress topless hokar drink serve kar rahi thi aur sirf uske nipple hi dhake hue the tape se.

Swati:- Kaisi ghatiya jagah bulaya hai iss jasoos ne??? Jagah itni ghatiya hai to bulaane wala kitna ghatiya hoga???

Sumit:- Itna ghatiya(hanste hue).


Swati:- Tum kaun??? Aur yahan kaise baith gye???

Sumit:- Kamaal ki baat hai!! Mujhe yaha phone karke bukaya aur ab bhaga rahi ho.

Swati:- Maine to SKS ko bulaya tha. Tum kaun ho???

Sumit:- Main hi hoon SKS.

Sumit ne black full-paint ke upar ek red shirt pehni thi aur shirt ke upar ek coat pehna tha. Inn kapdon me wo jasoos kam lafanga jyada lag raha tha.

Swati:- Tum aur SKS??? Huhhh.... Main jaa rahi hoon. Time waste kar diya mera....

Tabhi Mukesh naam ka ek waiter waha aa jaata hai.

Mukesh:- Kaise ho Sumit??? Bade din baad aana hua.


Sumit:- Haan wo ek case ke chakkar me aaya hoon. Kya haal hain shehar ke????


Mukesh:- Wahi purana haal. Koi kisi ki jeb kaat raha hai, koi drugs ka dhandha kar raha hai to koi dara dhamka ke wasooli me laga hua hai.

Tabhi uss baar me ek ladka ladki ke ladne ki aawaj aane lagti hai.

Ladki:- Aaj ke baad apni shakal mat dikhana mujhe. Tumse pyaar karti hoon isliye tumhare saath iss shehar me aayi. Socha tha tumse shaadi karke naye jeewan ka aarambh karungi par ab mujhse mann bhar gya hai to bech dena chahte ho.. Main apne shehar jaa rhi hoon.

Ladka:- Tere jaisi apsara ko main jaane doon??? Itni ladkiyaan fansayi par tere jaisi ek bhi nahi mili. Tere iss khubsurat saundarya ke to poore maje le liye maine aur ab tujhe bech ke paise kamaunga.


Ladki:- Gandi naali ke keede.... Main hi gadhi thi jo tujhe pehchaan nahi paayi. Sabne samjhaya tha par maine kisi ki nahi suni. Main jaa rhi aur aaj ke baad teri shakal bhi nahi dekhungi.

Tabhi uss ladke ne apni pistaul ladki ke upar taan di.

Ladka:- Aise kaise raani... Baat maanle nahi to yahi goli maar dunga tujhe.

Ladki ke upar pistaul taane hue uss ladke ko dekhkar bhagdad mach jaati hai. Sab apni jaan bachane ke liye bhaagte hain. Par Sumit uss ladke ko ghoore jaa raha tha.


Ladka:- Ghoor kya raha hai saale??? Nikal yaha se nahi to tujhe aur teri iss chhamiya dono ko goli maar doonga.


Swati:- (mann me) Bada hi ajeeb ladka hai ye. Pehle mere bagal me aakar baith gya aur ab uss ladke ko ghoore jaa raha hai. Ise darr nhi lag rha kya???


Sumit:- 2min de raha hoon tujhe. Iss ladki ko chhod aur yaha se nikal jaa.

Aisa kehte hue usne apne coat ke andar se bandook nikal uss ladke par taan di.


Ladka:- Teri itni himmat??? Chala goli. Par ye mat bhool ki mere upar goli chalayi to mujhe paar karke gali me kisi ko bhi lag sakti hai.

Wo ladka ladki gate ke thik saamne wali table par baithe hue the aur ab uss ladke ne sheeshe ke gate ke theek saamne uss ladki par pistaul taan rakhi thi.

Sumit:- Tere 2min khatam hue....


Itna kehte hi Sumit ne goli chala di. Jaisa uss ladke ne kaha tha waisa kuch nhi hua. Goli seedhe uss ladke ke dahine kandhe me jaa lagi aur pistaul uske haath se door jaa giri. Par doori maatra 5m thi to Sumit ne goli aar paar hone se kaise roki??? Hua ye ki Sumit ne apne baayi hatheli ko bandook ke saamne rakh kar goli chalayi thi. Haath ko goli paar karke gayi to uska force kam hua aur goli uss ladke ke dahine kandhe ke paar hone se bach gyi. Swati ne jab uske baayi hatheli se khoon behta dekha to to usne jhat se apne rumaal ko uski hatheli par baandh diya. Use vishwas ho gya ki Sumit hi SKS hai.


Sumit:- Ye rumaal main tumse agli baar milunga to wapis kar doonga. Chalta hoon.


Sumit ke iss sahsik kritya ka Swati par kya prabhaav padega??? Jaanenge agle update me.

 

[Ranchojaiker]

First update posted. Kuch baatein hain jo main pehle hi clear kar dena chahta hoon.
1) Week me do updates aayenge. Free raha to teen bhi ho sakte hain par do definitely aayenge.

2) Update accha lage to like aur comment karne me kanjoosi na karein. Bura lage to khul kar aalochna karein taaki main sudhaar kar sakun.

3) Next updates aap sab pathakon ki pratikriya par nirbhar hain. Kabhi updates me deri hogi to main message daal dunga.

4) Page 1 par index bana diya hai aur paatra parichaya me teeno main characters ki photo daali hain.

 

[1ucifer]

bro please add pictures also

 

[Ranchojaiker]

bro please add pictures also

Mujhe pictures add karne nhi aate. Story ko agar imagine karke padhiyega to jyada anand aayega.