Trin....trin....trin...
Jaise hi mobile uthakar Vyakti ne Hello kaha tu dusri taraf se ek gabhrai hui si awaj aayi
Ladki: Hello uncle aap kahan ho?
Uss Vyakti ne apani car ko side me roka aur ladki ki ghabrahat ko bhampkar bola
'kya hua beti?'
Ladki : Uncle yanha bank me kuch problem ho gayi hai. Please aap aa jayenge
Vyakti: kaisi baat kar rahi ho. Beta Mai ek important kaam par ja raha tha lekin vo sab baad me. Tum chinta na Karo, Main jaldi hi panhuch raha hun.
Vyakti apani car ko modkar bank ki disha me chal diya.
Bank panhuch kar usne dekha ki us ladki ko kai logon ne gher rakha tha aur vanga par police bhi aayi Hui thi.
Vyakti uss ladki ko dekhkar 'kya hua beti'
Abhi vo ladki koi baat karti usse pehle hi Jo mahila police inspector thi usne bade hi raubdar tarike se uss Vyakti ko pucha 'kaun hai be tu?'
Vyakti ne usko dekha aur dekhkar uss inspector se bola 'Lagta hai police me rahkar tamij se baat karna bhul gayi ho'
Police inspector 'ab tu mujhe tamij sikhayega, aa gaya gaban karne wali ka himayati bankar'
Vyakti ko gussaa tu bahut aaya lekin usne apane aap ko niyantran me rakhkar uss police inspector ko bola 'Dekhiye aap ek mahila hain, isliye main aap ki badtamiji ko najar andaaz kar raha hun, lekin itna hi knhunga ki soch samajh kar boliye kahin aap ko baad me aapke vyahvaar par pachtawa bhi karne ka awasar na mile'
Police inspector 'Tum mujhe dhamki de rahe ho'
Vyakti 'Main abhi aapki kisi bhi baat ka jawab nahi dunga aur kripya karke aage se hatiye aur mujhe manager se milkar mamle ka pata karne dijiye'
Vo Vyakti usse darkinar karte hue Manage se mila aur usse puchha ki aakhir hua kya hai.
Manager : Dekhiye Aaj Rajni ( Ladki) ko regular cashier na aane ki vajah se cash par duty lagai thi. Bank band hone ke baad cash ko jab milaya gaya tu usme 25 lakh ke karib cash Kam hai. Rajni se bahut puccha lekin vo ek hi baat kart rahi ki usne tu sab dhyan se kiya hai. Jab koi chara nahi raha tu police ko bulana pada
Vyakti : aap ek baat bataiye ki jab bhi koi cash transaction hoti hai tu usme Jo bhi note diye jate hain unki quantity likhi jati hai tu kya aap ko usse bhi pata nahi chala.
Manager : Dekhiye hamne jitni koshis karni thi kar li hai aur ab hamne majburi me police bulai hai. Vaise aap Rajni ke kya lagte hain.
Vyakti : Main Ravi Ahuja, Rajni ka uncle (Mausa ji) hun. Mujhe ab ye bataiye ki police case karna jaruri hai?
Manager : Agar abhi 25 lakh jama Kara diye jayen tu police case ki jarurat nahi padegi.
Ravi(Vyakti): Agar baad me pata chala ki ye paise jinka aap jikar kar rahe hain, asal me aisa kuchh hua hi nahin hai tu?
Manager: Tu paise Rajni ko vapis kar diye jayenge
Ravi: Paise tu vapis ho jayenge lekin ek baat bataiye kya ladki ne jo beijjati jheli hai vo vapis mil payegi?
Manager : Main Rajni ko acche se janta hun. Vo ek sincere aur immandar ladki hai. Isliye hamne usse bharpur mauke diye ki vo kisi ko bula le lekin uss bechari ka kisi ne phone bhi nahin uthaya. Ye tu accha hua ki aap aa gaye nahin tu vo inspector usse bahut badtamiji se pesh aa rahi thi aur usse dhamki bhi de rahi thi ki aaj uski khair nahin.
Ravi: Manager sahab ab Mere aane ke baad Rajni ka koi baal bhi baanka nahin kar sakta. Pehle aap ye bataiye ki aap ko paise kaise chaiye?
Manager: Dekhiye aap apane account se transfer kar dijiye nahin tu apane bank ki bank guarantee de dijiye.
Ravi ne apni branch ke Manager se baat ki aur usne iss manager bse baat karke bank guarantee bhej di aur sath hi iss manager ko bol diya ki vo mujhe har sambhav sahayata kare.
Vanga ka kaam nipatane ke baad jab ham manager ke cabin se bahar aaye tu Rajni apna sar neeche karke roye ja rahi thi.
Ravi: Rajni
Rajni Ravi ko dekhkar daudkar gale lag gayi aur fafak kar rone lagi.
Ravi uske sar par hath ferte hue kehne laga : chalo shant ho jao, ab sab theek ho jayega.
Police inspector : kaise theek ho jayega, ab tu police case ban gaya hai aur aaj ki raat tu ye ladki havalat me rahegi aur iski khub jamkar khatirdari hogi.
Rajni ne Ravi ko kas kar pakad liya aur Ravi uski halat ki dekhkar : Madam lagta hai aap ko tamij seekhani padegi
Police inspector : kya bola be tu, Mujhe tamij seekhayega.(havaldar ko boltey hue) Le chalo iss ladki ko
Ravi : (sard awaj me) bas bahut ho gaya.
Fir Ravi ne phone par kisi se baat ki aur phone uss inspector ko pakdate hue 'Madam aap baat kar lijiye'
Police inspector kabhi Ravi ko tu kabhi phone ko dekhti aur jaise hi usne baat ki tu uski halat kharab ho gayi.
Phone par baat karne ke baad uska baat karne ka aur hi badal gaya.
Police inspector : Sorry Sir, Please aap mujhe maaf kar dijiye
Ravi: Madam aap ko pehle bhi kaha tha ki aap aisa kuchh na kariye jisse aap ko pachtawa ho. Vaise ab Main Rajni ko le ja sakta hoon.
Police inspector: ab jab koi case hi nahin hai tu app le ja sakte hai. Ek baar fir se please mujhe maaf kar dijiye.
Ravi: It's ok
Fir Ravi Manager se Vida lekar bahar aaya. Rajni bahut dar gayi thi isliye usne pure raste Ravi ko bahut kasakar pakda hua tha.
Car ke paas panhuch kar Ravi ne Rajni se pucha 'beta tumhara koi saman nahin tha?'
Rajni : ( ghabrahat me) vo andar hi rah gaya hai
Ravi ne usse kaha 'Tum car me baitho, main lekar aata hun'
Rajni ne Ravi ko aur kaskar pakad liya aur kaha 'nahin nahin, mujhe akela chhodkar mat jaiye'
Tab Ravi ne bank manager ko phone karke uska saman bhijwane ke liye kaha to ek peon usse lekar aa gaya
Fir dono car me baithkar chal pade.