Update 9
Sagar ne sabhi witches ko Baymard mei rehne ki permission de di thi. Almost sabhi witches apne last teenage se lekar apne 20s ke start mei the.
Lekin inmei Scroll naam ki witch Meera ke age ki thi wahi jiske saath baat ho rahi thi uska naam Wendy tha jo in sabhi witches mei age se Scroll ke baad aati thi.
Jaha Scroll in sabhi witches ki ek guardian ban gayi thi wahi Wendy ko usne un sabhi ka leader bana diya tha.
Sabhi ko heal hone mei almost 2 weeks ka time chala gaya.
Issi bich Scroll ko sab se pehle hosh aaya tha. Jab usne apne aap ko ek anjan jagah par dekha toh vo kafi tension mei aa gayi thi. After all uske aaspas kaafi sari ajeeb chize rakhi hui thi aur jis tarah ki building mei vo thi uska structur bhi uske liye new tha.
Par apne side mei baki witches aur dusre side mei Wendy ko ek book lekar baitha hua dekha tab jaa kar vo kuch shant hui.
Wendy ne usse ab tak jo bhi hua tha vo sab kuch bata diya.
Kyo ki vo sabhi witches thi is liye almost har ek human kingdom mei vo chup kar hi rehte hue aaye the. Jab bhi kisi ko unke identity ka pata chalta tha tab unhe apni jaan bacha kar bhagna padta tha. Is liye Scroll Sagar ke baremei sure nahi thi.
Lekin jab Sagar ko Scroll ke hosh mei aane ki report mili thi tab Sagar ne Meera ko saath mei liya aur usse milne ke liye aaya tha.
Sagar ne aane ke baad Scroll se uski halat puchi thi aur phir kuch der un dono mei yaha waha ki baate hui.
Is sab ke bich Scroll notice kar rahi thi ke Sagar ko unke witches hone ke baremei pata tha lekin uske baad bhi vo kaafi normal aur friendly behave kar raha tha. Usse aisa lag raha tha jaise Sagar ko unke witch hone ki baat bother hi nahi kar rahi ho.
In baato mei Sagar ko yeh pata chala ke yeh sabhi witches kisi Holy Mountain ko dhund rahi hai jiske baremei unke ek ancient book mei likha hua hai. Jaha par jane se vo ascend ho sakti hai aur winters ke time mei jo unke body mei hone wala pain hai usse vo khud ko cure kar sakti hai.
Jab Sagar ne yeh suna tab usse yeh baat kaafi ajeeb lagi. In 2 years ke time mei Sagar ne almost 100 satellites ko is planet ke orbit mei settle kiya hua tha aur vo sabhi usse is planet ki almost har ek baat bata sakte the.
Scroll ki baat sunkar Sagar ne apne bracelet se status window ko open kiya aur Scroll ko usne us mountain ke co-ordinates mange.
Jo discription Scroll ne Sagar ko diya uske hisab se planet ka yeh area uske north most pole ke paas tha aur sab se ajeeb baat yeh thi ke is pole par is sunlight hi nahi aati thi.
Yeh sab Sagar ke liye bhi strange hone lag gaya tha.
Iske baad Sagar ne sabhi witches ki rehne ki jagah castle mei hi kar di thi.
Saath hi Sagar ne Scroll se vo ancient book bhi le li research karne ke liye.
Sab se pehle toh apne chronosapien A.I se us book ko achhe se scan kar liya aur Sagar ne usse decode karne ke liye kaha.
Kyo ki yeh ek ancient book thi is liye iski halat kaafi serious thi aur is book mei se kuch pages bhi gayab the.
Par kyo ki Chronosapien A.I ek highly advance Artificial Intelligence tha toh uske liye yeh sab koi bade obstacles nahi the.
Sagar ko jaldi hi us book ki puri information mil gayi thi.
Jab Sagar ne usse information ko read karna start kiya toh vo kaafi shock ho gaya tha.
Yaha aane ke baad Sagar ko jo sawal ab tak sone nahi de raha tha usse uska answer mil gaya tha. Jis unknown energy ko vo samajhne ki koshish kar raha tha usse Prana kaha gaya tha is book mei aur book ke complete information ke hisab se jise sabhi witches Holy Mountain samajh rahe the vo actually mei Dark world ka Door tha. Kyo ki us book ke kuch pages gayab the toh kisi bhi witch ko us Holy Mountain ke baremei puri information kabhi pata hi nahi thi.
Par ab jab Sagar ke paas yeh information thi toh usne Scroll aur Wendy ko bula kar unhe sab kuch achhe se samajha diya tha.
Pehle toh dono bhi is baat ko mann ne ke liye ready nahi the par Sagar ne apne status window par unhe unke book ki full copy ki information show ki.
Is sab se dono bhi kaafi shock ho gayi thi.
Aaj sabhi witches ko Sagar ne apne office mei bulaya hua tha. Kuch hi der mei Scroll aur Wendy ne sabhi witches ko Sagar ke office mei lekar aa gayi thi.
Waha par un sabhi ke samne Sagar aur Meera baithe hue the.
Sagar kuch serious tha aur Meera ke face par ek smile thi.
Sagar ne un sabhi ko dekhte hue kaha.
Sagar-Well Scroll kya sabhi ko tum yaha par lekar aa gayi ho.
Scroll-Haa Sagar sabhi yaha par hai.
Sagar-Thik mei phir. Mein directly point par aata hu. Jaisa ke Scroll ne mujhe bataya ke tum sabhi aaj tak kisi bhi jagah par achhe se settle nahi ho paayi aur har jagah se tum sabhi ko apni jaa bacha kar bhagna pada tha. Toh mein tum sabhi ko is sab se releaf karne ke liye tumhe ek offer deta hu. Kyo na tum sabhi bhi Baymard mei hi settle ho jao.
Sagar ki baat par sabhi witches shock ho gaye the. Unhe Sagar ki kahi hui baat par sab se bada shock laga tha. Yeh first time tha ke kisi human ne unhe rehne ke liye offer kiya tha.
Kisi ko bhi samajh mei nahi aa raha tha ke vo kya kahe.
Jab yeh sab Meera ne dekha toh vo apni chiar se uth gayi aur usne Scroll ke paas aa kar usse kaha.
Meera-Scroll tum in sabhi witches ki guardian ho. Sab tum par aur Wendy ke decision par depend karta hai. Agar tum Baymard mei rehna chahti ho toh tum sabhi ke liye achha hi hai. Yeh toh tumne dekh liya ke tumhare witches hone ki baat sabhi ko pata hai lekin koi bh tumhe us tarah se nahi dekh raha tha jaise other kingdoms ke humans dekhte hai. Wahi Baymard ki security is planet par sab se advance hai. Baymard par is planet ka koi bhi kingdom attack nahi kar sakta hai. Agar Sagar chahe toh apni ek command par apne force ko release kar sakta hai aur dekhte hi dekhte is planet ko jit sakta hai. Aisa shayad hi koi hoga jo Sagar ko yeh sab karne se rok sake.
Scroll aur Wendy ne ab tak yeh dekh liya tha ke Sagar kaise pure Baymard ko handle karta hai. Yaha ke logo mei jo perfection thi vo kisi bhi other kingdoms mei nahi thi.
Wahi witches ko bhi Baymard mei rehna achha lag raha tha. Koi bhi unhe waisa nahi dekh raha tha jaise pehle other kingdoms ke humans unhe dekhte the.
Scroll ne ek baar Wendy aur baki sabhi witches ko dekha aur phir Meera ko dekhte hue usne smile kiya aur apne sir ko sirf haan mei hilaya.
Yeh dekh kar Meera ke saath saath Sagar bhi smile karne lag gaya tha.
Ab jab yeh clear ho gaya tha ke witches yahi rehne wali hai toh Sagar ne unhe castle ka ek bada sa area unke powers ki practice ke liye aur rehne ke liye de diya tha.
Saath hi jaldi hi usne un sabhi se kaha ke vo un sabhi witches mei se combatant aur non combatant witches ke group banayega. Iske wajah se agar unmei se koi kahi bhi Baymard ki development mei help karna chahe vo kar sakta hai.
Is baat par witches bhi khush ho gayi thi.
Yeh sach mei unke liye first time tha ke koi human unki itni care kar raha hai saath hi unhe openly rehne ke liye de raha hai.
Par Scroll ko ek baat ki ab tension ho gayi thi. Agar Sagar ke is descision ke baremei Orthodox kingdoms ko pata chal gaya toh vo kuch na kuch problem Baymard ko kar sakte the.
Lekin tabhi usse Meera ki kahi hui baat yaad aayi ke is planet par shayad hi koi aisa hoga jo Sagar ko is planet ko conquer karne se rok paaye.
Yaha Sagar ne ek aur project ko start kar diya tha aur vo tha is Prana energy ko harness karna aur apne aane wale ultra suit mei use karna.
Book se mili information se usse yeh pata chal gaya tha ke witches aur others mei sirf prana ko absorb karne ka difference hai. Jaha par normal human zyada prana absorb nahi kar pata hai wahi par ek witch kisi bhi human ke double rate tak prana ko absorb kar sakta hai.
Is news ko Sagar ne Ben ke saath bhi share kiya aur usse bhi aisa karne ke liye kaha. Par usse yeh bhi dekhne ke liye kaha ke kisi aisi witch ko apne kingdom mei rehne na de jo aage chal kar uske kingdom ke liye danger ban sakti hai.
Ben bhi yeh sunkar pehle shock hua tha par baad mei Sagar ke baat ke piche ke meaning ko samajh kar usne bhi waisa hi karna sahi samjha tha.
Jaldi hi time aage badhne lag gaya aur dekhte hi dekhte winter start ho gaya tha.
Ab tak Sagar ne witches ke physiology par bhi kafi kuch study kar liya tha aur unhe unke winter mei pain hone ki wajah bhi bata di thi.
actually mei winter ke aate aate har ek witch ke body mei uske limit se zyada prana store hota tha jiske chalte ho vo kisi time bomb ki tarah behave karne lagta aur phir ek specific time par vo body se release ho jata. Yeh process sach mei witches ke liye kaafi painful hoti thi.
Aisi bohot si witches thi jo is process ke time par mar gayi thi.
Par ab jab Scroll aur baki sabhi witches ke paas unke is problem ka solution tha toh vo sabhi ab kaafi easy feel kar rahi thi.
Unka solution yahi tha ke unhe apne body mei store hui excessive prana energy ko release karte rehna chahiye.
Isse unki body easy state mei bhi rahegi aur unki prana ko store karne ki capacity bhi badh sakti thi.
Sagar ne sabhi witches ko apne study program mei enter karwa diya tha.
Kyo ki un sabhi mei Scroll sab se smart thi is liye usne Scroll ko vo sabhi information pass kar di thi jo usse in sabhi witches ko sikhani thi.
Wahi Sagar ne jaldi un sabhi ko combatant aur non combatant group mei devide kar diya tha.
Sabhi witches ke naam is tarah se the.
Anna.
-Kaafi intelligent, quiet rehne wali thi. Yeh fire jaise element ko control kar sakti thi.
Nana.
-Ek caring aur soft hearted person thi aur iske paas healing ability thi.
Nightingale.
-Yeh kaafi reserved person thi. Yeh sab se zyada Scroll aur Wendy par trust karti thi. Iske paas invicible hone ki ability thi.
Wendy.
-Kaafi brave aur strong hearted person thi. Yeh wind jaise element ko control kar sakti thi.
Lightning.
-Kaafi cheerful person thi aur isse adventure par jana achha lagta tha. Yeh lightning ko control kar sakti thi.
Scroll.
-Witches ke group mei sab se intelligent. Scroll ek capable person thi. Scroll ki ability kuch different thi. Vo kudh ko self strength kar sakti thi. Saath hi vo prana ke flow ko bhi dekh sakti thi.
Leaf.
-Leaf ek compassionate person thi aur apne friends ki kaafi care karne wali thi. Iske ability ke under vo jis bhi chiz ko pain karti thi vo almost reality mei aa jati thi bas usse jis chiz ki painting karni hai uske baremei kaafi achhi understanding honi chahiye.
Lily.
-Lily ke past experiance ke wajah se uska point of view humans ko dekhne ka change ho gaya tha. Iske paas ek normal summoning ability thi.
Mystery Moon.
-Yeh kaafi nervous rehne walo mei se ek thi. Yeh sab se zyada Lily ke saath thi after all dono hi same age ki thi. Iske paas enchanting ability thi.
Soraya.
-Yeh ek artist thi. Isse apne work par kaafi pyar tha. Iski ability bhi summoning type ki thi.
Echo.
-Yeh bhi kaafi caring person thi. Iska past witches mei sab se bura tha. Kisi human kingdom ne raat ke andhere mei unke small village par attack kar diya tha aur sab kuch destroy kar diya tha. Echo ne kaafi mushkil se us waqt apni jaan bachayi thi. Iske paas sound mimic karne ki ability thi.
Hummingbird.
-Apne age ke baad bhi yeh kaafi childlike personality rakhti thi. Yeh bhi sab se zyada Lily ke saath rehti thi. Iske paas kind of telekinesis ki ability thi.
Aaj Sagar ke liye kaafi khushi ka din tha. Aaj Ben apni puri family ke saath first time Baymard aane wala tha.
Kyo ki Sagar ki development speed ke wajah se ab tak Sagar ne normal Ships ko bana liya tha aur aaj ek private ship ko Ben aur uske family ko pick up karne ke liye bhej di thi jismei vo sabhi baith kar aa rahe the.
Saath hi Baymard mei Sagar tourist destination bhi start kar chuka tha.
"Welcome to Baymard !
Mein aap ki harbor guide Frida hu aur apko check in station tak le jane ke liye in charged hun,"
Ben aur uski puri family ke samne abhi ek Baymard ki harbor guides mei se ek ladki khadi thi.
Uski clothing un sabhi ke liye kaafi strange, unique aur classy thi. Saath mei khubsurat bhi.
Koi bhi usse agar dekhta toh yahi sochta ke yeh kisi royalty se belong karti hai.
Us ladki ne grey shirt, blue blazer, blue pants aur apne neck par blue necktie pehni hui thi.
Usne apne hairs ko tie up kiya hua tha aur usne apne haato mei golden watch pehni hui thi. Apne ears mei small golden earrings, aur uske blazer par name tag bhi laga hua tha.
In short vo ek confident professional boss lag rahi thi jisse achhe se pata tha ke kab kya karna hai.
Sabhi uske piche chalne lagte hai aur uski kahi baato ko achhe se sunne lag jate hai.
Vo sabhi us ladki ke baat karne ke manners par kaafi impress hue the.
Vo un sabhi ko waha par jitni bhi buildings hai unki importance batate jaa rahi thi.
Jaldi hi sabhi chalte hue ek badi si glass ki building ke samne khade the.
Glass ko dekh kar vo sabhi kaafi shock ho gaye the sirf Ben ko chod kar.
Is planet par glass kaise create karte hai yeh kisi ko bhi pata nahi tha aur sand ke area mei jaha par bhi lightning girti thi wahi par unhe glass ke kuch parts milte the jinhe vo kisi precious thing ki tarah rakhte the.
Lekin yaha par Sagar puri ek building bana di thi glass se.
Jaldi bhi vi guide ne sabhi ko us building ke door ke samne laya jo automatically open hua.
Yeh sab sensors ki wajah se hua tha. Par Ben ki family ko yeh ek magic ki tarah lag raha tha.
Sabhi us building ke andar aaye aur guide ne unhe ek station ke samne aa kar khada kar diya.
Ben ne uske samne jo station tha waha jaa kar Sagar se mile hue sabhi V.I.P passes submit kiye aur sabhi ko agae chalne ke liye kaha.
Iske baad us guide ne sabhi ko shopping area mei lekar chali gayi. Waha par jaa kar Ben ki family mei jitni bhi ladies thi vo toh puri tarah se shock ho gayi thi. Itni sari accessories ko dekh kar.
Har koi waha par shopping karne lag gaya tha. Ismei Ben ki mother, uski sisters aur uske brothers ki wifes bhi thi.
Kuch der shopping karne ke baad us guide ne sabhi ke ek 4 star hotel lekar chali gayi jaha par unke rukne ke liye rooms ko arrange kiya hua tha.
Hotel ke systems ko dekh kar toh har koi aisa shock hua tha ke ab unke paas kuch bacha hi nahi tha. Unhone jaise heaven hi dekh liya tha apni aankho ke samne.
Sagar ne Baymard ke logo ke saath milkar 2 years mei kaafi kuch change kar diya tha.
Kuch der ki rest ke baad sabhi phir se regroup hue. Ab Ben unhe Sagar se milane ke liye lekar jane wala tha aur uske family members bhi Sagar koun hai aur kaise dikhta hai yeh dekhna chahte the
Jaldi hi sabhi hotel se bahar aaye aur bahar aate hi unhe ek 20 mens aur womens ka group unki taraf aate hue dikha. Unhone abhi greenish camouflage ke dress ko pehna hua tha.
"Salute Esteemd Guests!"
Yeh baat Gary ne kahi thi jo us group ko lead kar raha tha.
Jaise hi Gary ne yeh kaha waise hi uske saath aaye hue sabhi soldiers ne ek hi sync moment par unhe salute kiya.
Unke organize performance ko dekh kar sabhi kaafi impress hue the. Specially Ben ke Sister ke husbands jo unke kingdom ke Dukes the.
Ek badi si bus aa kar unke samne ruki aur Ben ne sabhi ko usmei baithne ke liye kaha.
Sabhi us bus ko dekhte hue uske andar aaye aur ek ek seat par baith gaye.
Yeh unke liye kaafi new experiance tha.
Jaldi hi bus aage badhne lag gayi aur phir se unki guide unhe bich bich mei aane wali har ek building ki importance batate jaa rahi thi.
Itne systematic city ko dekh kar sabhi bas yahi soche jaa rahe the ke Sagar ne yeh sab kiya kaise hai.
Itna systematic toh unka kingdom bhi nahi tha. Par yaha par yeh city ek epitome thi systematic way mei.
Sabhi bus se castle mei aaye aur jaldi hi us guide ne sabhi ko Royal Guests Hall mei lekar aayi. Waha par Sagar, Meera, Lucias, Meena, Mohan aur kuch important figures ke saath Sagar un sabhi ka ek smile ke saath wait kar raha tha.
Sagar ke group mei sabhi witches bhi waha par thi aur sabhi ne apne apne royal dresses pehne hue the.
Sagar ne bhi ek white coat pehna hua tha jo usse kuch otherworldly person bana raha tha.
Sagar aur Ben aamne samne aa kar khade hote hai aur Ben usse gale lagata hai. Uske baad Ben sabhi ko introduce karta hai.
Jaha ladies dekhte hi dekhte ek group bana kar ek side mei chali gayi thi wahi par Ben ke sabhi sisters ke husbands Lucias aur baki captains ke saath ek group bana kar baate karne lag gaye the.
Sagar Ben ke father ke saath khade ho kar unke saath baate kar raha tha.
Ben ke father aur Sagar mei kaafi achhi banne bhi lag gayi thi. Unhe Sagar ke kuch ideas pasand bhi aaye the. Unhone usse apne kingdom ke liye bhi help mangi thi. Jaise civil structures ke liye aur military ke liye.
Sagar ne bhi unhe haa keh diya tha aur unhe military practices ke saath exo suits dene ka promise bhi kiya tha.
Yeh party aisi hi chalti rahi aur wahi is planet ke north most pole par kuch halchal hona start ho gayi thi.
Waha ke ek mountain mei se ek mountain ek bade se blast ke saath destroy ho gaya aur waha par ab ek inter dimensional gate jaisa kuch open hua tha.
Usmei se kuch shadows nikal kar bahar aayi aur apne aaspas dekhne lag gayi thi.
Sabhi height mei kaafi bade the aur unhone ek dusre ko dekha aur phir different directions mei chale gaye.
.
