Update 1
ye kahani hai ek dukhi parivar ki. ek badle ki. ek hawas ki aur kuch insaniyat ki. ji haa sirf kuch insaniyat ki kyunki aaj ke jamane me insaniyat bachi hi kahan hai. insaniyat ko to lalach, ghrina, jalan, hawas in sab ne milkar lagbhag khatm hi kar diya hai.
ye kahani suri hoti hai aaj se kai saal pahle jab ek aadmi apni patni aur tin bachhon ko lekar dilli sahar aaya tha. aisa nahi tha ki use dilli sahar bahut raas aati thi lekin ghar ke aapsi jhagde aur lalach ne use majboor kar diya ghar chodne pe. aur wo aadmi sahar chala aaya. us aadmi ka sarir to sahar chala aaya lekin man gaav me hi rah gaya jo use dheere dheere kamjor bana diya aur wo apne bachhon ki shadi ke umar ke pahle hi is duniya ko alvida bol gaya. bas chod gaya to ek chota sa ghar aur usme ek vidhwa aurat ke saath tin bachhe. wo aadmi ek school ka principle tha to uske marne ke baad bhi ghar me pansion aata raha aur wahi pension is ghar ka jivan tha. pension bahut jada nahi tha lekin itna jarur tha ki ek ghar chal sake.
ye kahani usi aadmi ke chote bete ki kahani hai. jiska naam hai jitu yaani ki mai.
mai bachpan se hi dilli sahar me ek chote se ghar me raha hoon jisme sirf do hi karme the. ek me mai apne papa ke saath sota tha aur dusri me maa didi ke saath. mere ghar me kul milakar panch log hua karte the saalo pahle jo papa ke gujar jane ke baad sirf char hi rah gaye. mai meri maa aur meri do badi bahne. samay bita aur meri bahne badi ho gayi fir meri dono bahno ki shaadi ho gayi. wo dono sasuraal me rahne lagi to ghar me sirf mai aur meri maa rah gaye. meri maa koi bhi noukari nahi karti wo bas ek housewife hai. mere maa ki meri dadi aur chachi logon se jada banti nahi hai isliye hum gaav bahut kam hi jate hai aur papa ke death ke baad to aur bhi bahut hi kam gaye hai. dilli me ab humare pass ek ghar ke alawa kuch bhi nahi hai. bas jo papa ke pension aata hai usi se gujara hota hai. apni ghar ki halat dekh kar mujhe bahut bura lagta tha isliye maine apne jivan me bahut mehanat ki aur mehnat ka fal bhi mila. do saal pahle meri noukari ho gayi welfare officer ke roop me.
jab result aaya tha to maa bahut khush ho gayi thi. fir baari thi 2 saal ki training ki jo dilli me hi hona tha to koi dikkat nahi hui. mai ghar se hi training kiya. training me hume 4 option diya gaya tha. child welfare, women welfare, education welfare aur health welfare in charo me se sabko do do option choose karne the jo merit cum preference basis pe milna tha. chuki mera 12th me biology tha to mai health welfare choose kar liya aur 2nd option pe mai education welfare diya tha lekin mera rank piche tha aur education welfare ka seat bhar chuka tha to mujhe women welfare choose karna pada. fir 2 saal meri training hui health and women welfare me. isme mujhe bahut kuch sikhaya gaya. women health, women impowerment, women mental issue, women physical problems, primary care, rule regulations. mai training bahut dhyan se karta tha to jo doctor hume padhane aati thi wo mujhse bahut impress thi to unhone mujhe training ke douran hi part time medicine me enroll kara diya jiske chalte mujhe medicine ka bhi kaafi knowledge ho gaya saath hi mujhe pharmacy me PGDM mil gaya.
jab 2 saal pure hue to mujhe training me silver medal mila. mai bahut khush hua. fir baari aayi posting ki. posting ke liye hume 15 jile ke 15 district diye gaye in 15 district me se ek humara gaav ka bhi district tha baki sab anjaan jagah the.
mai ghar me maa se pucha ki koun sa choose karoon. kyunki mai jo bhi choose karunga wo mujhe mil hi jayega silver medal jo mila hai mujhe.
maa boli-jitu apna gaav hi chun le.
mai bola-kyun maa wahan to aapko jana pasand nahi hai na.
maa boli-anjaan jagah jaane se to achha hi hai. aur ab to tu bhi officer ban gaya hai. ab koi tane nahi marega. tere pita ke mout ke samay sab mujhe tane marte the. ab tu osarkari babu bankar gaav me rahega to sabke najro me tumhari aur meri ijjat badhegi.
mai bola-thik hai maa aur mai wo form bhar ke agle din office me jama kar diya. ek hafte baad notice nikla jisme mujhe apna hi gaav ka disrict mila tha.
mai khush ho gaya.
maa boli-jitu ab to hume gaav me hi rahna hai to ye ghar rent pe laga dete hai.
mai bola-ye to achha baat hai. rent se bhi 7-8 hazar aa jayega.
fir hum apne ghar ke liye ek kirayedaar bhi dhundh liye aur apna sara jaruri saman pack karke chal diye apne gaav. maa ke chere pe gaav jaate samay ek sukkon dikh raha tha. ek fakra bhara chehra tha jo aksar sirf dukhi hi raha karta tha. humne gaav me kisi ko kuch nahi bataya tha aur pichle 5 salon me hum gaav gaye bhi nahi the.
jab hum achanak se apne gaav wale ghar pahuche to dekha dada ji aur dadi ji angan me hi baithe hue the. mere dada ji ki do shadiyan hui thi. mai aur maa dada aur dono dadi ko pranam kiye. dada dadi ne mujhe to khush hokar ashirvaad diya lekin meri maa ko aashirvaad nahi diya. ye dekh kar mujhe bura laga. fir andar se nikli badi chachi jo hum dono ko dekhte hi mooh fer ke nikal gayi. fir aayi dusri chachi jo humre pass aayi. mai unhe pranam kiya. wo maa ko pranam ki. fir hum ghar me andar ek room ki taraf gaye lekin jaise hi usme ghusne wale the choti chachi boli-ye room to bahu aur babu ka hai.
maa boli-pahle to ye humara room tha na.
chachi boli-wo kya hai na hume laga aap ab sahar se kabhi nahi aayengi isliye aapka room babu aur bahu ko de diye. aap chinta kyun karte hai udhar ek room khali hai aur chachi kone me ek room ke taraf le gayi jo chota sa room tha aur thoda ganda bhi.
maa bhi-thik hai lekin isme bed to bahut chota hai.
chachi boli-arey bhabhi aap yahan so jaiyega aapka babu bahar angan me sasur ji ke pass nahi to chat pe so jayega. waise bhi humare marad bhi to chat pe hi sote hai.
abhi choti chachi se hum baat kar hi rahe the ki chote chacha aa gaye.
wo maa se chote hai fir bhi unhone maa ko pranam nahi kiya. mai jab unhe pranam kiya to wo bole-kuch kaam tha kya gaav me. waise kab tak rahoge yahan.
mai bhi bola-ji bas thoda sa kaam tha dekhte hai.
fir chacha ji thoda akad kar bole-tumko pata hai bade bhaiya ke ladke ki shaadi ho gayi hai. wo bahut mehnati hai. tum bhi mehnat karo jindagi me kuch hasil karna hai to. tumhare papa bhi bahut mehnati the. bas wo thode...
abhi aage chacha ji kuch bolte ki chachi boli-kya kar rahe hai aap jaiye khet dekh ke aaiye.
chacha ji bole-jaa rahe hai jaa rahe hai. aur wo nikal gaye.
mai aur maa room me aaye. pahle to jhadu lagaye jis se duniya bhar ka dhool nikla fir room ko dhoye aur sara saman thik kiye fir bistar thik kiye tab jakar room rahne layak ho gaya.
fir din ka khana mila jo hum khaye aur us samay mai apni cousine bhaiya aur bhabhi se bhi mila jo dekhkar badi chachi bilkul khush nahi thi.
fir mai maa ko bola-maa mai office se ghum kar aata hoon. joining letter jama karna padega.
aur mai gaav se nikla local bus pakad kar jile ke office me pahuch gaya.
wahan ek aadmi baitha hua tha 50-55 saal ka.
mai bola-ji ye joining letter hai.
wo letter khol ke padha aur shikayat karte hue bola-kya karte ho aap itne late aaye ho. aapke chalte mujhe itni der rukna pada. subah hi madam se baat ho gaya hai. aapka abhi ek saal ka probation hai. abhi aapko ek gaav ki jimmedari di gayi hai. aapko ek saal tin gaav me kaam karna hai thik hai aur har mahine report lakar yahan madam ko sign karana hai.
mai bola-ji.
fir wo apne printer se kuch form print karke diya jise mai bhar diya fir wo apne computer me registration bhi kar diya aur ek paper print kare diya.
wo bola-sir abhi ke liye yahi aapka ID card hai. ek mahine me hum aapka achha sa card banwa denge. jab agle mahine yahan aaiyega tab card le jaiyega. dekhiye aaj se aapka joining kara diye hai kal se kaam pe lag jaiye.
mai pucha-waise kaam kya karna hai.
wo bola-arey sir koi kaam nahi hai. mast aram kijiye bas daily gaav wale office me register me sign kar dijiyega aur har mahine report jama kar dijiyega. ye sab to bas formality hai.
mai bola-lekin meri posting kaha hai.
wo bola-sir letter me sab likha hai padh lijiyega. humko deri ho raha hai. hum chale aur wo apna computer band karne laga. mai letter padha to usme jo tin gaav the usme se ek gaav humara apna tha aur do gaav bagal ke the. aur mujhe pata tha ki in tino gaav ka office apne hi gaav ke road ke pass hai.
mai letter liya uska photo khich kar mail me rakh liya aur letter lekar gaav aa gaya.
gaav se jate samay humare ghar ka mahol kuch aur tha aur aate samay kuch aur tha.
jate samay maa se koi baat nahi karna chah raha tha lekin jab mai lout kar aaya to dekha maa ke samne hi badi dadi baithi hui thi aur bada has has ke baat kar rahi thi.
mujhe dekhte hi badi dadi boli-arey jitu tu bataya nahi ki officer ban gaya hai aur yahi posting hua hai.
mai bola-ji dadi.
dadi apni ankhne failakar mooh khol kar boli-waise jitu beta kitna mahina milega.
mai bolna wala tha -ji mujhe pach.....
abhi mai itna bola hi tha ki maa ne naa me sar hila diya to mai ruk gaya aur ungali pe gin ne ka natak karke bola-ji tis hazar. jab ki asal me mujhe pachas hazar ke lagbhag milne wala tha.
dadi khush hokar boli-ye to bahut achhi baat hai.
fir dadi boli-waise kaam kya hai tumhara.
mai bola-ji mera kaam women welfare and health ka hai.
dadi boli- matlab...
mai bola-ji mera kaam hai mahilao ke health aur welfare ka.
dadi boli-achhe se batana hindi me.
mai bola-dadi gaav me jitni bhi ladki aur aurat hai na unka tabiyat dekh rekh in sabka kaam hai. gaav me jaise mahilao pe atyachar ho raha hai, ya fir unka adhikar nahi mil raha hai ya fir unki tabiyat kharab ho rahi hai suruati janch padtal aur fir use bade hospital me bhejne ke kaam hai.
dadi boli-achha to dcotor ka kaam hai.
mai bola-doctor nahi dadi doctor jaisa kaam hai lekin chota mota bada doctor jaisa nahi saath me dusra kaam bhi hai.
dadi boli-ye to bahut achha baat hai.
jao thoda aram kar lo.
mai utha aur hath mooh dhone chala gaya.
hath mooh dho kar mai wo chote se apne room me aa gaya aur bed pe let gaya.
kal se meri noukari suru honi thi.