introduction -
Baba - Brijbhushan Razdan (78) saal ke hai..aur retired high court judge hai. waise to kam bolte hai par swabhav se hansmukh hai. inhone apni itne saal ki service me bhi kabhi galat kaam nahi kiya..kabhi rishvat nahi li..aur wo isliye ki khandani rahees hai. Jamin jaydad se paripurna hai. sahi ke sath sahi aur galat ke sath galat ki vichar dhara rakhte hai. Sar katwana manjur hai par jhukana nahi. apne pariwar se pyar bhi khub karte hai aur sakht bhi hai.
Dadi - Sumitra Razdan (76) peshe se doctor hai..par ab itni practice nahi karti jitni pahle karti thi. par din me kuch ghante apne hi hospital me samay deti hai. inhone us jamane me love marriage ki thi. apne pariwar se pyar to khub karti hai..kisi cheej ke liye rok tok nahi hai ghar ki bahuon ko bahu nahi balki beti he manti hai..par decipline me rahna pasand hai..aur kaam bhi usi hisab se pasand karti hai.
Bade Tauji - Indra Razdan (56) Inka apna business bhi hai aur sath me family business bhi dekhte hai. par uske sath me jyotish aur ayurveda me uccha koti ke jankar hai. kam bolte hai par jab pariwar ke beech ho to halka fulka majak bhi kar lete hai.
Badi Taiji - Suman Razdan (56) ye bhi apni saas ki tarah doctor hai..aur apna family hospital dekhti hai. ye swabhav se bhaut hi hansmukh hai..apni devranio se majak karne aur unki tang kheechne se baaj nahi aati.
Badi Didi - Divyanshi Razdan (28) Ye bhi apni dadi aur maa ki tarah hai aur abhi MS kar rahi hai. kam bolna apne me rahna inki aadat hai.
Choti Didi - Meghna Razdan (27) ye apne baba ki tarah hi wakalat kar rahi hai..par inko judge banne se jyada ek kabil wakeel banna hai..par baba chahte hai ki ye judge banne aur unse bhi upar jaaye.
Chote Tauji - Dushyant Razdan (54) ye waise to MP hai. jyadatar time Delhi me rahte hai aur apni politics me vyast rahte hai. waise to betarteeb hai..par kaam ke mamle me apne baba aur maa ki tarah hi decipline wale hai.
Choti Taiji - Alka Razdan (52) ye present me income tax department me chief commissioner ki post par hai. aur ek IRS officer hai. par naukri ke sath hi apna business bhi dekhti hai.
Badi Didi - Disha Razdan (27) waise to police me hai par hai kuch aur aur iske baar me inke baba aur chacha yani Akheraj aur bhai ke alawa aur koi nahi janta ki ye asliyat me kya hai. swabhav se gussail hai..par us mamle me bhi pariwar me dusre number par aati hai. ye dusra to chhodho pahla mauka bhi nahi deti..
Choti Didi - Geetika Razdan (25) ye dusre city me collector ki post par hai aur ek ias officer hai. swabhav se jyada kadak nahi to jyada naram bhi nahi hai.
Papa - Akheraj Razdan (50) inke jaisa is khandan me dusra koi nahi hai. Inke gusse se inke pariwar, rishtedar aur jo inko jante hai wo ghabrate hai..inke yahi attributes disha didi me aaye hai..apne chacha ki chavi hai. ye doctor ke sath businessman bhi hai. Inka temperament hamesha high rahta hai..par jab family me ho to hansi majak bhi kar lete hai. uske alawa bhi bhaut se kaam karte hai..
Maa - Pallavi Razdan (52) ye bhi doctor hai. aur apna family hospital dekhti hai..aur apne kaam me itni vyast ki ghar sirf khana khane aati hai. waise to is ghar me inki saas, bhabhi pati bhi doctor hai..par sabse jyada busy yahi rahi hai..aur is field me kai degreeya bhi Li hui hai.swabhav se kam bolti hai par hansi majak apni bhabhi se khub karti hai.
Didi - Nitigya Razdan (25) yebhi apna family business dekhti hai.. uske sath me apna business bhi dekhti hai. swabhav se apne pita aur chacha par gayi hai.
Bade Chacha - Abhiraj Razdan (48) ye apni jameene dekhte hai aur sath me vyapar bhi. apne bade bhai se darte hai par chote bhai se khub jamti hai. peene khane ke shaukeen par limit me karte hai jo bhi kare aur ghar ki daal kam khate hai kyonki bahar ki biryani ke shaukeen hai..par sath me apni patni ka utna he maan karte hai. aaj tak uchi aawaj me baat tak nahi ki hogi..dusro ki madad ke liye humesha taiyar to sath me gala katne ke liye bhi taiyar.
Badi Chachi - Sudha Razdan (46) ye is ghar ki karta dharta matlab hai to house wife aur kaafi padhi likhi hai..par naukri karne ke bajay ghar par rahna jyada uchit samjha.
Bhaiya - Aditya Razdan (26) ye bhi politics me hai..aur apne tau ji ke ladle. jyadatar samay unke sath hi beet ta hai. swabhav se naram par kab garam ho jaye ye inhe bhi nahi pata.
Bhabhi - Supriya Razdan (26) ye engineer hai..aur apne shahar ke college me lecturer hai. College kadak par ghar me narm hai.
Chote Chacha - Randhir Razdan (45) apne bhai ke hi samkaksh matlab yebhi bahar ki biryani ke shaukeen hai. ghar me to hansmukh hai par bahar asur se kam nahi..cold hearted killer hai. par apni patni se bhaut pyar karte hai..kyonki kafi mushkil se shadi hui thi inki.
Choti Chachi - Priya Razdan (42) ye ghar sambhalne ke sath puja path bhi karti hai aur is pariwar me yahi ek hai jo jyadatar puja path me vyast rahti hai par iske bawajood apne ghar baccho aur pati ka bhi khayal karti hai.
Bhaiya - Gaurav Razdan (24) ye wakeel hai par SC me..aur Jane Mane wakeel hai..to us hisab se vyast bhi rahte hai. swabhav se gambhir aur kam bolne wale apne pariwar aur apne aap se matlab rakne wale dost kam hai par jo hai wo majboot hai..
Bhabhi - Prachi Razdan (23) ye CA hai..aur inki khud ki ek audit firm hai..sath me kai business bhi hai.. kam bolti hai par jab apno me ho to khub hansi majak bhi karti hai.
Bade Fufa - indranil Vyas (42) shant swabhav ke hai. aur apne state ke Jane Mane businessman hai.
Badi Bua - Neelima Vyas (40) ye bhi apne pati ki tarah he hai. ghar ke sath office bhi sambhalti hai.
Bhabhi - Purvi vyas (24) apna family business dekhti hai. apne pati ke sath me swabhav se sakht hai par sanskari hai.
Bhai - Abhimanyu Vyas (24) ye bhi apna business dekhte hai..jitni inki patni sakht hai utne he ye majakiya hai. par majak majak me kab khel kar jaaye ye samne wala soch bhi nahi sakta.
Chote Fufa - Vikram Pandit (38) kai hotels ke maalik sath me kai bar ke aur sath me wine yards ke bhi Malik hai to life bhi usi hisab se jeete hai..par ye khud nahi peete balki peene ka vyapar karte hai.
Choti Bua - Vaishali Pandit (35) Inka khud ka business hai..
to dosto ye tha mere pariwar ka parichay...kahani me jis kirdar ke upar focus hoga..uska pura parichay us samay hi doya jaayega..aur ab aap soch rahe honge ke in sab me main kaha to
main hoon is kahani ka sutradhar -----------
Abhimanyu Razdan.