• If you are trying to reset your account password then don't forget to check spam folder in your mailbox. Also Mark it as "not spam" or you won't be able to click on the link.

Thriller "D R A C O – Sach Ka Pehredaar Ya Tabahi Ka Naam?"

Ye story ko Continue karu

  • Yes

    Votes: 8 100.0%

  • No

    Votes: 0 0.0%
  • Total voters
    8
jeet1436

jeet1436

New Member
79
106
34
UPDATE 9 : PART 1 AND PART 2 Drop ho gaya hai doston… ab aap ke bas do kaam—masti mein padhe aur dil se like kare aur comment karna mat bhulna apni feedback jaroor share kare”
 
K

kas1709

Well-Known Member
11,597
12,343
213
jeet1436 said:
Update 8: Gumnaam Shehzaade Aur Shikaar Ka Mahaparv


Tokyo - Barfeeli Yaadon Ki Cheekh

TOKYO, JAPAN - PENTHOUSE - DER RAAT

Tokyo sheher, jo kabhi sota nahi, aaj YuKi ki aankhon mein ek neend ka intezaar kar raha tha. Apne vishaal penthouse ki kaanch ki deewar se woh neeche chamakti sadkon ko dekh raha tha, jahan gaadiyan jugnuon ki tarah daud rahi thi. Par uske 15 saal ke dimaag mein ek alag hi toofan tha. Woh Delhi se aaya khabaron ko padh raha tha, uska ungliyan tablet par tezi se chal raha tha.

"Arjun Rathore... Sia Sharma... Ravi Mishra..."

Yeh aakhri naam... Ravi Mishra... par aakar uski ungliyan ruk gaya. Uska aankhon mein ek ajeeb sa chamak aa gaya.

Thak kar usne aankhein band kiya, par neend usse koson door tha. Jab bhi woh aankhein band karta, use wahi manzar dikhta...


(Dream Sequence - Flashback)

Barf... hadd tak sirf safed barf. Kashmir ki jannat jaisi vaadiyan. Do chhote bachche, ek ladka aur ek ladki, khilkhila kar barf mein khel rahe hain. Hawa mein unki masoom hansi goonj raha hai.

Achanak, maahaul badal jaata hai. Hawa tez ho jaati hai. Aasman ka rang laal ho jaata hai, jaise khoon se naha gaya ho. Haveli... unki purani haveli aag ki lapton mein ghira hua hai. Cheekhein... har taraf sirf cheekhein hain.

Bachcha uss ladki ka haath pakad kar bhaag raha hai. "Bhaago! Yahan se bhaago!"

Par tabhi, ek saaya unke saamne aata hai. Saaye ke haath mein ek chamakti hui cheez hai. Bachchi darr se cheekhti hai. "Bhaiyya!"

Ladka uss saaye par jhapata hai, par woh bahut chhota hai. Ek zor ka dhakka... aur woh barf mein gir jaata hai. Uska aankhon ke saamne andhera chhaane se pehle, usey sirf uss saaye ka chehra dikhta hai... ek aisa chehra jise woh kabhi bhool nahi sakta.

(Dream Ends)

"Aaaaaahhhh!"

YuKi jhatke se uth baitha. Uska jism paseene se tar-batar tha, saansein toofan ki tarah chal raha tha. Aaj pehli baar, uss sapne mein usey uss saaye ka chehra saaf dikha tha.

Uska sevak, Kaito, darwaza khol kar andar aaya.

KAITO (Japanese mein): "YuKi-sama, aap theek hain? Phir se wahi sapna?"

YuKi ne lambi saans li. Uski aankhon mein ab bachpana nahi, ek sadiyon purani nafrat tha.

YUKI (Japanese mein, aawaz barf jaisi thandi): "Taiyaari karo, Kaito. Hum Delhi jaa rahe hain. Waqt aa gaya hai... uss saaye se hisaab lene ka."

Usne apne table par rakhi tasveer uthaya. Wahi black-and-white tasveer. Ek chota ladka... aur ek choti ladki.

YUKI (Apne mann mein): 'Main aa raha hoon... Ravi Mishra. Dekhte hain... tum shikaari ho... ya mera shikaar.'


INT. GWALIOR - MAHARANI DIVYANGANA'S CHAMBER

Ek purani, shaandaar haveli. Ek kamre mein deewar par ek badi si painting laga tha. Painting mein ek Raja aur Rani the, unke do chhote bete the . Ek 3 saal ka aur ek 1 saal ka . Bada beta Rani ke zyada kareeb tha.

Kamre mein Maharani Divyangana us painting ko dekh rahi thi. Unki aankhon se aansu beh rahe the.


DIVYANGI (Inner Monologue):
"Tumne humse humara sab kuch chheen liya. Humara raj, humara sammaan, aur... humara beta. Par ab nahi. Ab hisaab ka waqt aa gaya hai. Kismat ne apne mohre bhej diye hain. Mera beta lautega... apna haq lene. Aur uss din...

Unki aankhon mein intezaar nahi, inteqaam ki aag thi.


Part 1: Khamoshi Ka Shor (Toofan Ke Baad)

INT. GIRLS' HOSTEL - SIA'S ROOM - DER RAAT

Party ka shor kab ka aitihaasik yaadon mein dafan ho chuka tha, lekin Sia ke kamre mein ek alag hi shor tha—uske dil ki dhadkano ka, uski saanson ke utaar-chadhav ka, aur uske andar chal rahe vichaaron ke toofan ka. Kamra andhera tha, bas table lamp ki halki, peeli roshni uske chehre par pad rahi thi. Woh bistar ke ek kone mein ghutne mode, khud mein simti hui baithi thi. Uski Gulaabi kurti par abhi bhi cold drink ka daag tha, par use iski parwah nahi thi. Uski aankhon ke saamne baar-baar parking lot ka woh bhayanak manzar ghoom raha tha.

Ravi...

Ek saaya. Ek shikaari. Ek tabaahi.

Uske woh kaatilana moves... jismon ke tootne ki woh bhayanak aawazein... aur uski woh thandi, be-jazbaat aankhein. Un aankhon mein na gussa tha, na rehem. Bas ek maqsad tha—dushman ko tabah kar dene ka. Yeh woh Ravi nahi tha jise woh jaanti thi. Uska Ravi toh ek shaant jheel tha, jismein dard ke patthar girte the. Aaj usne dekh liya tha ki uss jheel ki gehraaiyon mein ek poora jwalamukhi dafan hai.

‘Yeh Ravi ka woh roop tha jiski usne kalpana bhi nahi ki thi. Yeh hero nahi, ek tabaahi ka manzar tha.’

Uske haath kaanp rahe the. Darr se zyada, ek ajeeb si hairat uske dil-o-dimaag par haavi thi. Kaun tha woh? Ek masoom, state topper ladka aisi brutal fighting styles kaise jaanta tha? Wing Chun, Krav Maga, Aikido... yeh naam bhi usne sirf filmon mein sune the. Aur Ravi... usne unhe aise istemaal kiya jaise woh uski saanson ka hissa ho.

Tabhi uska phone dheere se vibrate hua. Screen par "Dada Sahab" ka naam chamak raha tha. Usne ek gehri saans li, apne kaanpte haathon ko shaant karne ki koshish ki aur call uthaya.

SIA: (Aawaz mein kaampan saaf thi) "Pra-Pranaam, Dada Sahab."

DADA SAHAB: (Doosri taraf se wahi bhaari, sthir aawaz) "Vijayi Bhava. Tumhari aawaz mein ghabrahat hai, Sia beti. Sab theek toh hai? Arjun Rathore ne apna kaam kiya?"

Sia ne apni aankhein band kar li. Arjun. Uski hero-giri, uska gaana, uska protective nature... sab kuch ab ek dhokha lag raha tha. Par usse bhi bada sach Ravi ka woh anjaan roop tha. Arjun Uska hero-giri ab ek bachkaana khel lag raha tha Ravi ki uss brutal sachchai ke saamne.

SIA: "Haan, Dada Sahab. Arjun ne... usne mujhe bachaya. Poore campus ke saamne woh ek hero ban gaya hai. Uska vishwas jeetna ab shayad aasaan hoga."

DADA SAHAB: "Yeh toh achhi khabar hai. Toh phir yeh bechaini kyun?"


Sia kuch der khamosh rahi. Kya woh Dada Sahab ko Ravi ke baare mein bata sakti thi? Nahi. Yeh uski apni jung thi. Uska dil aur dimaag do alag-alag dishaon mein bhaag rahe the.

SIA: "Bas... bas thodi thak gayi hoon. Yeh nayi duniya, naye log... sab kuch bahut ajeeb hai."

DADA SAHAB: "Yaad rakhna, Sia. Jab maqsad bada ho, toh raaste ke kaante nahi gine jaate. Tum ek bahut badi jung ka hissa ho. Arjun Rathore sirf ek mohra hai. Asli Baadshah tak pahunchne ke liye, kayi pyado ko qurbaan karna padta hai. Jazbaaton ko apne upar haavi mat hone dena. Ek sipahi dil se nahi, dimaag se ladta hai."


"Ji, Dada Sahab." Keh kar Sia ne phone kaat diya.


‘Ek sipahi dil se nahi, dimaag se ladta hai.’

Par uska dil... uska dil toh uss anjaan, khatarnak, aur gumnaam astitva ke baare mein soch kar hi zoron se dhadak raha tha, jaise abhi phat jaayega.




INT. SHAHEED BHAGAT SINGH BOYS HOSTEL - ROOM 214 - USSI RAAT

Kamre mein maut jaisa sannaata tha. Amit aur Kabir gehri neend mein the. Par Ravi jaag raha tha. Woh apni study table par baitha tha, table lamp ki roshni mein Kallu ka wallet uske saamne rakha tha. Wallet ke andar se nikli parchhi par likha naam uski aankhon mein chub raha tha.

"Sameer - 98*****"*

Arjun Rathore. Shatranj ka khiladi.

Ravi ne apni aankhein band kiya. Party ka har ek pal uske dimaag mein chal raha tha. Ek 15 saal ke ladke ke liye yeh sab bahut zyada tha. Par Ravi aam nahi tha. Uske dimaag mein gussa nahi, ek thanda, hisaab lagane wala sannaata tha. Arjun ka Sia ke liye gaana, Riya ka Sia ko 'galti se' giraana, Aryan ka use dhamkana, aur phir Riya par 'attack'. Sab kuch ek script ki tarah tha, jiska director Arjun tha. Woh Sia ke saamne hero banna chahta tha, aur Riya ko uski 'gustakhi' ki saza dena chahta tha. Aur iske liye usne do alag-alag chaalein chali.

Ravi ki muthiyan bheench gayz. Gussa uske ragon mein laava ban kar daud raha tha. Par uske chehre par ek barfili shaanti tha.
Yeh Vashudev Mishra ke seekh tha. ‘Apni taqat, apna gussa... sabko apne andar samundar ki tarah shaant rakho.’

Usne wallet se Sameer ki parchhi nikaali aur use apni lighter se jala diya. Raakh uske haathon par giri.


RAVI (Inner Monologue, uski aawaz uske dimaag mein goonj raha tha):
"Tumne shatranj ki bisaat bichhayi hai, Arjun. Par tum bhool gaye... is jungle mein sher shatranj nahi, shikaar khelte hain. Tum Sia ko apni jeet samajh rahe ho... par woh is khel ka hissa bhi nahi hai. Aur jo is khel mein nahi hai, uski taraf aankh uthane wale ki aankhein... salamat nahi rehti."

Usne apni diary kholi aur ek naye panne par likha:

"Shatranj mein jab Baadshah hadh se zyada magroor ho jaaye, toh ek chhota sa pyada bhi use maat de sakta hai. Par main pyada nahi hoon. Main woh khiladi hoon jo is bisaat ke bahar baitha hai. Aur ab... main apni chaal chalunga."

Usne diary band ki. Uski aankhon mein ab nafrat nahi, ek thanda, hisaab lagane wala iraada tha. Uske andar ka DRAGON jaag chuka tha.



INT. RATHORE ESTATE - ARJUN'S ROOM - DER RAAT

Ek vishal, aalishan kamra, jo kisi mahal ke sheesh mahal se kam nahi tha. Ek deewar poori kaanch ki thi, jahan se Delhi sheher ki chamakti roshniyan dikh rahi thi. Arjun Rathore, apne mehenge suit mein, haath mein ek Scotch ka glass liye khada tha. Aryan paas ke sofe par baitha tha.

ARYAN: (Haste hue) "Kya performance tha, chhote! Maan gaya. Uss behenji ke liye gaana, phir uske liye gundo se ladna... 'Hero of the Year' ka award toh tujhe hi milna chahiye."

ARJUN: (Ek halki, jeet wali muskaan ke saath) "Yeh performance nahi tha, Aryan. Yeh ek zaroorat tha. Kuch logon ko jeetne ke liye, unke dil mein utarna padta hai. Sia alag hai. Woh power se nahi, parwah se prabhavit hoti hai."

ARYAN: "Parwah? Come on, Arjun. Hum Rathore hain. Hum parwah nahi karte, hum hukum dete hain. Waise, uss 'pahadi' Ravi ka kya? Maine use aakhri warning de diya hai. Agar ab woh Sia ke aas-paas bhi dikha...

ARJUN: (Aryan ki baat kaat-te hue, aawaz thodi thanda ho gaya) "Ravi... woh ek ajeeb paheli hai. Uski aankhon mein darr nahi dikhta. Aise log khatarnak hote hain. Par chinta mat kar. Mere paas uske liye bhi ek plan hai. Har khiladi ki ek kamzori hoti hai. Humein bas Ravi ki kamzori dhoondhni hai."

Aryan ne Scotch ka ek sip liya.

ARYAN: "Kamzori? Sia hi hai uski kamzori. Chheen lo usse. Khel khatam."

ARJUN: (Halke se haste hue) "Nahi, Aryan. Khel aise khatam nahi hote. Khel toh ab shuru hua hai. Ravi ko harana hai, par maidan mein nahi. Uski rooh ko todna hai. Aise... ki woh jeete ji mar jaaye."

Arjun ki aankhon mein ek aisi chamak tha, jo uske bhai Aryan ke gusse se kahin zyada khatarnak tha.



Part 2: Nayi Subah, Naye Khel (Agle Din School Mein)

EXT. SCHOOL CAMPUS - AGLI SUBAH

Agle din campus ka mahaul bilkul badla hua tha, campus ki hawa mein oxygen se zyada sargoshiyan tha. Freshers' Night ke kisse har zubaan par the. Arjun aur Aryan Rathore campus ke naye 'Superheroes' ban chuke the. Har taraf unka hi charcha tha. Ladkiyan Arjun ki ek jhalak paane ke liye bechain thi.

Riya, jise kal raat Ravi ne bachaya tha, use poore campus mein dhoondh rahi thi. Aakhirkar woh use library ke paas mil gaya.

RIYA: (Thodi hichkichate hue) "Ravi... main... main kal raat ke liye thank you kehna chahti thi. Agar tum nahi hote toh..."

Ravi ne bina uski taraf dekhe, bina ek lafz kahe, apna raasta badal liya aur wahan se chala gaya. Riya hairaan khadi reh gayi. Yeh kaisa ladka tha? Na tareef ki chah, na ehsaan ka bojh. Uske is bartav ne use aur bhi rahasyamayi bana diya tha.

Kabir aur Amit Ravi ke paas aaye.

KABIR: "Bhai, kya aadmi hai tu! Riya jaisi ladki tujhe thank you bolne aayi aur tu use ignore kar gaya? Suna hai kal raat tune gundo ko akele hi dho diya. Kahan se seekha yeh sab?"

RAVI: (Shaant aawaz mein) "Filmon se."

Keh kar woh aage badh gaya. Amit jaanta tha ki Ravi kuch chhupa raha hai. Woh uske jhooth ko pakad sakta tha, par woh chup raha. Kuch raaz, raaz hi behtar the.


INT. CLASSROOM - A TENSE ATMOSPHERE

Classroom mein mahaul ajeeb tha. Arjun hero ki tarah baitha tha aur Sia ke bagal wali seat par aakar baith gaya tha. Woh usse dheere-dheere baatein kar raha tha, aur Sia, apne Dada Sahab ke hukm ko yaad karke, usse aaram se baat karne ki koshish kar rahi thi. Par uski nazrein baar-baar pichli bench par baithe Ravi ko dhoondh rahi thi. Ravi shaant tha, uski nazrein kitaab par thi, par uska poora dhyaan Arjun aur Sia ki baaton par tha.

Tabhi, ek unexpected cheez hui. Alisha, apni modern dress aur confident chaal ke saath, class mein aayi aur seedhe Ravi ke bagal wali khaali seat par baith gayi.

ALISHA: (Muskurate hue, sirf Ravi ko sunayi de)
"Suna hai, khamosh paani gehra hota hai. Chalo dekhte hain, tum kitne gehre ho."

Poori class mein sargoshiyan shuru ho gayi. Kal party mein Alisha Ravi ke saath naach rahi thi, aur aaj uske bagal mein baithi thi. Sia ne jab yeh dekha, toh uska chehra utar gaya. Ek ajeeb si jalan uske dil mein uthi. Arjun ne Sia ke chehre ke bhaav dekh liye.

ARJUN (Inner Monologue):
"Perfect. Yeh Alisha anjaane mein mera kaam aasaan kar rahi hai. Jitna Sia Ravi se door hogi, utna hi mere kareeb aayegi."

Khel ab classroom ke andar bhi shuru ho chuka tha.



INT. SCHOOL LIBRARY - THE CONFRONTATION

Lunch break mein, Sameer library ke ek sunsaan kone mein baitha, is baat se bekhabar ki maut ka saaya uske peeche khada hai. Ravi ek aahat ke bina uske saamne aa khada hua. Sameer use dekhkar uchhal pada, uske haath se kitaab ghabra ke maare gir gaya.

SAMEER: "Ra-Ravi? Tum yahan? Kya kaam hai?"

Ravi ne kuch nahi kaha. Usne apni jeb se ek wallet nikala aur table par rakh diya. Yeh Kallu ka wallet nahi tha. Yeh Sameer ka apna wallet tha, jo shayad uski jeb se kahin gir gaya hoga.

Ravi ne wallet ko table par aage sarkaya.

RAVI: (Aawaz itna thanda tha ki Sameer ki rooh kaanp gaya)

Kallu. Parking lot. Suna hai, bade logon ke kutte bhi bade wafadaar hote hain. Apne maalik ka naam aakhri saans tak nahi lete."

"Insaan ko apni cheezein sambhal kar rakhni chahiye, Sameer. Wallet ho ya... raaz. Kabhi-kabhi, galti se gir jaate hain... aur galat haathon mein pahunch jaate hain. Agli baar dhyaan rakhna."

Ravi ne uski aankhon mein dekha. Uski nazron mein ek aisi warning tha jo lafzon se kahin zyada khatarnak tha. Sameer ka chehra safed pad gaya. Woh jaanta tha ki Ravi sab kuch jaanta hai. Woh samajh gaya tha ki yeh ladka woh nahi hai jo dikhta hai. Yeh aag ka ek dariya tha, jo shaant tha, par jiske andar poore samrajya ko jalaane ki taqat tha.

"Arjun se kehna kya usse lagta hai wo bahot bada Khiladi hai,yeh campus uski jaagir nahi shamshaan hai," Ravi ne dheere se kaha tha, "kuch khel shatranj ke board par nahi, shamshaan mein khatam hote hain. Aur yahan har koi shatranj nahi khelta , Kuch log... aakhri sanskaar ki taiyaari karte hain. Khel usne shuru kiya hai... par uski chita ki aag... main lagaunga.""

Ravi palta aur chup – chap wahan se chala gaya, jaise kabhi wahan tha hi nahi. sameer wahin pathar ka bhutt bana baitha raha. Uske kaanpte haathon se paani ka glass gir kar choor-choor ho gaya. Aaj use pehli baar ehsaas hua tha ki unhone ek aam ladke se nahi, ek anjaani, benaam tabaahi se panga le liya hai. Usne foran Arjun ko call kiya.

SAMEER: (Kaanpti aawaz mein) "Arjun... Ravi... woh sab jaanta hai! Humein usse bachna hoga. Woh... woh aam ladka nahi hai. Uski aankhon mein... maut dikhta hai."

Library mein, Ravi ne Sameer ko ek thandi, khamosh dhamki dekar Rathore camp mein apna khauf ka sikka jama diya tha. Uski aawaz mein na gussa tha, na unchaai, bas ek sannaata tha jo Sameer ki haddiyon tak mein utar gaya



EXT. CAMPUS GARDEN - SIA'S ATTEMPT

Sia ne himmat karke Ravi ko garden mein akele roka.

SIA: "Ravi, mujhe tumse baat karni hai. Kal raat parking lot mein kya hua tha? Riya keh rahi thi tumne use..."

RAVI: (Sia ki baat beech mein kaat-te hue, bina uski taraf dekhe)

"Mujhe is baare mein koi baat nahi karni."


SIA: (Uski aawaz bhar aayi)

"Kyun, Ravi? Kyun itne badal gaye ho? Tum mujhse door kyun bhaag rahe ho? Maine kya kiya hai?"


Ravi palta. Ek pal ke liye uski aankhon mein wohi purana dard aur pyaar dikha. Woh kuch kehna chahta tha, par phir use kisi ka warning yaad aaya. 'Uss ladki ko jitna khud se door rakhoge, woh utni hi mehfooz rahegi.'


RAVI: (Apne dil par pathar rakh kar, ekdum rukhi aawaz mein)

"Tumne kuch nahi kiya, Sia. Bas itna samajh lo, humari duniyaayein alag hain. Tum uss chamakti duniya mein khush raho... Arjun Rathore ke saath. Meri duniya andhera hai... yahan tumhare liye koi jagah nahi hai."

Yeh keh kar Ravi wahan se chala gaya. Har kadam uske dil par ek bojh ki tarah pad raha tha. Sia wahin khadi roti rahi. Ravi ke lafzon ne uska dil tod diya tha. Use laga jaise usne Ravi ko hamesha ke liye kho diya hai.



INT. GUPTA CYBER CAFÉ - ANJAAN PAIGAAM

Shaam ko, Ravi counter par baitha tha. Achanak, uske saamne wala computer, jo band tha, uski screen jilmilayi. Wahi kaale font.


"Haveli ki deewaron mein aaj bhi cheekhein qaid hain. Kya unhe sun paate ho... Shehzaade?"

Ravi ki ungliyan keyboard par jam gaya. Shehzaade? Yeh lafz... uske ateet ke uss hisse se juda tha jise woh khud bhi bhool chuka tha. Isse pehle ki woh kuch kar paata, screen wapas kaali ho gaya.


Yeh Arjun nahi tha. Yeh Alisha nahi thi. Yeh koi teesra tha. Ek aisa khiladi jo is khel ke har raaz ko jaanta tha. Ravi ke chehre par pehli baar, ek anjaani si bechaini dikha.



Part 2: Galiyon Ka Gumnaam Yoddha

SCENE: EK ANDHERI GALI, LAJPAT NAGAR - SHAAM 7 BAJE

Shaam ke 7 baj chuke the. Gupta Cyber Café ka shutter girne ki aawaz aaya aur Ravi bahar nikla. Delhi ka sardi dheere-dheere hawa mein apna zeher ghol raha tha. Hostel jaane ke liye usne hamesha ki tarah market ke peeche wali tang, andheri gali ka raasta liya.

Gali mein badboo tha, kachre ke dher the aur ek akeli, jhilmilati hui street light tha jo roshni se zyada andhere ka ehsaas dila raha tha. Ravi apne hi sochon mein dooba chal raha tha. Arjun ka khel, Alisha ka rahasyamayi ateet, Sia ki masoomiyat par mandrata khatra...

Tabhi, gali ke beech se aata kuch awaazon ne uska dhyaan toda. Yeh aam shor-sharaba nahi tha. Yeh awaaz tha jism par padte ghoonson ka, dard bhari karaahon ka, aur ek aisi, thandi, brutal khamoshi ki jo sirf ektarfa maar-peet mein hota hai.

Ravi ek deewar ke peeche saaye mein chup gaya. Uski aankhein andhere ko cheerne ki aadat rakhta tha.

Manzar bhayanak tha.

Ek ladka, umar yahi koi 16 saal, 5-6 badmashon se ghira hua tha. Par "ghira hua" kehna galat hoga. Woh ghira nahi tha; woh shikaar kar raha tha. Uske jism par ek phati hui hoodie tha, chehra andhere mein saaf nahi dikh raha tha, par uski raftaar... woh hawa se baatein kar raha tha.

Yeh gali ki aam ladai nahi tha. Yeh ek kala tha. Ek kaatilana kala.

Ek badmash ne lohe ki rod hawa mein ghuma kar uske sir par vaar kiya. Ladke ne jhuk kar vaar ko kandhe ke upar se jaane diya. Isse pehle ki rod neeche aata, usne rod ko apne haath se nahi, apni kohni se roka aur usi flow mein ghoom kar apni doosri kohni badmash ki pasliyon mein de maara. "Kadddak!"—haddi tootne ki saaf, brutal aawaz andheri gali mein goonj gayi. Badmash cheekhta hua neeche gir pada.

Doosra badmash uski taraf lapka. Ladke ne ek kadam peeche hatne ke bajaye, ek kadam aage badhaya. Usne badmash ke hamle karte haath ko pakda, uski kalai ko ek ajeeb angle par moda (Wing Chun ka 'Lap Sau'), aur usi ke jism ko ek dhaal ki tarah istemaal karte hue uske peeche se aa rahe teesre badmash ke saamne kar diya. Dono takra kar neeche gire.

Ravi, saaye mein khada, yeh sab ek trained aankh se dekh raha tha. 'Yeh koi street fighter nahi hai. Iski har movement calculated hai. Wing Chun, Systema, Krav Maga... in sabka deadly combination. Is umar mein... itni training? Impossible.'


Chautha badmash, un sab mein sabse hatta-katta, dahadta hua aaya. Ladke ne usse takkar lene ke bajaye, uske aage zameen par phisalte hue uski taangon ke beech se nikal gaya aur uthte hi uske ghutne ke peeche poori taqat se laat maari. Badmash ka balance bigda aur woh ghutnon ke bal neeche gira. Agle hi pal, ladke ne uske sir ko apne dono haathon se pakda aur saamne deewar par de maara. DHADAAM! Deewar par khoon ka ek gehra nishaan chhap gaya.


Ab sirf ek aadmi bacha tha. Woh darr se do kadam peeche hata. Usne apni jeb se ek chamakta hua chaku nikaal liya.

Gunda: "B...Bahut udd raha hai na? Ab aa!"

Ladka ruka nahi. Woh ek sher ki tarah uspar jhapta. Chaku jab uske pet ki taraf aaya, toh ladke ne ek aisi furti dikhaya jo insaani nahi lag raha tha. Usne apne jism ko hawa mein tircha kiya, chaku uski hoodie ko cheerta hua nikal gaya. Usne chaku wale haath ko pakda, uski kohni ko apne ghutne par rakha aur... "CHATTDAAAK!"


Ek bhayanak, rooh ko kaanpa dene wali aawaz aayi. Badmash ki kohni ka jod aam ki guthli ki tarah toot kar uske baazu se bahar nikal aaya tha. Uski cheekh gali mein aise goonji jaise koi jaanwar marne se pehle chilla raha ho.


Ladka ab un paanchon ke beech khada haanf raha tha. Usne ek nazar unpar daala, jaise kachre ke dher ko dekh raha ho.


Par is brutal khel mein, usse ek galti ho gaya tha. Pehla badmash, jiska pasli toota tha, kab dard se karahta hua utha aur usne apni jeb se ek chhota, desi katta nikaal liya tha, yeh usne nahi dekha. Ravi ne dekh liya tha.

Badmash ne katta seedha ladke ki peeth par taan diya.

Par usse bhi tez ek aur saaya tha.

Ravi andhere se ek jhonke ki tarah nikla. Isse pehle ki badmash trigger daba paata, Ravi uske peeche pahunch chuka tha. Usne badmash ke haath par is tarah se vaar kiya ki katta chhoot kar hawa mein uchhal gaya. Ravi ne katte ko hawa mein hi pakda, uske parts ko ek expert ki tarah alag kiya aur unhe gali ke alag-alag kono mein fenk diya. Yeh sab 2 second se bhi kam waqt mein hua.


Ab gali mein sirf teen log khade the. Ravi. Woh anjaan ladka. Aur woh tooti kohni wala gunda jo ab darr ke maare behosh ho chuka tha.

Woh 16 saal ka ladka jhatke se palta. Uski aankhein hairat se phaili hua tha. Usne Ravi ko dekha, jiske haath ab bhi katte ke tukdon se khali hue the. Dono ki nazrein mile.

Ladke ki aankhon mein na shukriya tha, na darr. Bas ek barfili, anjaan sa gehraayi tha. Uska chehra paseene aur khoon ke chhenton se sana hua tha, par uski aankhein... woh ek yoddha ka tha.


RAVI: (Shaant aawaz mein) "Kaun ho tum? Aur yeh sab kya hai?"


Ladke ne koi jawaab nahi diya. Usne ek aakhri nazar Ravi par daala, jaise uske astitva ko scan kar raha ho. Phir woh palta aur bina ek lafz kahe, andheri gali ke doosre chhor par bhaagta hua gayab ho gaya.

Ravi wahin khada reh gaya. Zameen par pade tadapte jism, khoon ki badboo, aur uss anjaan ladke ki khamosh nigahein.


RAVI (Inner Monologue):

"Yeh shahar jitna dikhta hai, usse kahin zyada gehra hai. Aur iski gehraaiyon mein... sirf main akela nahi hoon."


Aaj pehli baar, Ravi ko ehsaas hua ki is shahar mein woh ek aur gumnaam astitva se takraya hai. Ek aisa astitva jo uske jaisa hi tha—khatarnak, anjaan, aur raazon se bhara.

​


​

Part 3: Anjaane Dastak Aur Aane Wala Toofan

INT. RAVI'S HOSTEL ROOM - RAAT

Ravi apne kamre mein lauta toh uska dimaag sunn tha. Woh ladka... uska fighting style... uska khamoshi... sab ek paheli tha. Achanak, uske study table par rakhe uske band laptop ki screen jilmilayi.


Wahi kaale font, wahi anjaan paigaam.

"Jungle ke kanoon sheher mein nahi chalte, Shehzaade. Yahan har shikaari ke peeche ek bada shikaari hota hai. Sambhal kar."


Ravi ne jhatke se kursi peeche ki. Pehle Jhelum, phir Shehzaade, aur ab yeh warning. Yeh anjaan saaya uske har kadam par nazar rakhe hue tha. Use uss gali wali ladai ke baare mein bhi pata tha. Kaun tha yeh? Dost... ya uss ladke se bhi bada dushman?


EXT. RATHORE ESTATE - ARJUN'S PARANOIA

"Ravi sab jaanta hai! Uski aankhon mein maut dikhta hai!" Sameer ke yeh lafz Arjun ke dimaag mein baar-baar goonj rahe the. Woh ab tak Ravi ko ek chhota sa kaanta samajh raha tha. Par ab use ehsaas ho raha tha ki woh kaanta nahi, ek zehreela naag hai jo uske aasteen mein chhipa baitha hai.

Woh apne kamre mein aage-peeche tehel raha tha, jab uske phone par ek unknown number se message aaya.

Tere uss baap ko bol dena

"Haveli ki gaddiyan toh chheen li... par wahan ki aatmaayein abhi bhi insaaf maangta hain."


Arjun ke haath se phone chhoot-te chhoot-te bacha. Uska chehra safed pad gaya. Yeh unke parivaar ka sabse gehra, sabse kaala raaz tha. Ravi yeh nahi jaanta ho sakta. Toh phir kaun hai?


Use pehli baar ehsaas hua ki woh is khel ka akela khiladi nahi hai. Koi aur bhi hai, jo andhere mein baitha, sabki chaalein dekh raha hai. Ravi se uski dushmani ek taraf, par yeh anjaan dushman... yeh zyada khatarnak tha. Pehli baar, campus ke Baadshah ko laga ki uski baazi uske haath se nikal rahi hai


​


​
Part 3: Manali Ki Taraf - Ranbhoomi Ka Aamantran (Invitation to the Battlefield)

INT. SCHOOL ASSEMBLY HALL - THE ANNOUNCEMENT

Agle din, Principal Malhotra ne assembly mein announcement kiye.

PRINCIPAL: "Students, har saal ki tarah, is saal bhi humari school 11th grade ke liye ek 'Adventure Trip' organize kar raha hai. Aur is saal ka destination hai... Manali!"

Poora hall khushi ki cheenkhon se goonj utha. Manali. Barfile pahad, adventure sports, aur campus ke tension se doori.

Har chehre par muskaan tha, par humare chaar mukhya kirdaaron ke liye, is muskaan ke peeche alag-alag matlab the:

  • Arjun ke liye: Sia ko jeetne ka, use propose karne ka, aur Ravi ko hamesha ke liye raaste se hatane ka 'Golden Opportunity'.
  • Alisha ke liye: Pahadon ka woh mahaul jahan woh Ravi ki purani yaadon ko kured kar usse uske ateet ka aaina dikha sakti thi.
  • Sia ke liye: Delhi ke is daldal se kuch dino ki aazadi. Ek mauka Ravi se door jaakar apne toote dil aur bikhre mission ko sametne ka.
  • Ravi ke liye: Ek khula hua jaal. Ek maut ka kuan. Ek aisi ranbhoomi jahan uske dushman har taraf se use gherne ke liye taiyaar the. Ek aisi jagah jahan use jaana hi tha.

Ravi jaanta tha, yeh trip ek jaal hai. Uss anjaan ladke par hamla... uss anjaan message-bhejne wale ki warning... sab ishaara kar rahe the ki Manali ek ranbhoomi banne wali hai. Par ab uske paas peeche hatne ka vikalp nahi tha. Uss anjaan ladke ki tarah, sheher mein aur bhi khatre the. Woh Sia ko akela nahi chhod sakta tha.


INT. PRINCIPAL'S OFFICE - A NECESSARY RISK

Principal Malhotra aur Ms. Meera Kapoor office mein akele the.

MS. MEERA: "Sir, kya yeh Manali trip zaroori hai? Mahaul bahut ajeeb hai. Rathore brothers, Ravi, aur yeh nayi ladki Alisha... mujhe kuch theek nahi lag raha."

PRINCIPAL MALHOTRA: (Gehri saans lete hue) "Kabhi-kabhi toofan ko rokne ke liye, usey ek band jagah par aane dena zaroori hota hai, Meera. Yeh trip sirf ek trip nahi, ek zaroorat hai. Dekhte hain, is baar pahad kiska saath dete hain."

Unki aankhon mein ek ajeeb sa raaz tha, jaise woh is kahani ke sirf darshak nahi, kuch aur bhi the.


INT. RAVI'S HOSTEL ROOM - THE DILEMMA

Raat ko kamre mein, Amit ne Ravi ko pareshan dekha.

AMIT: "Tum is trip ko lekar ajeeb tarah se shaant ho. Logic kehta hai, jab dushman tumhe kisi jagah bulaaye, toh wahan jaana bewakoofi hai. Yeh ek trap hai, Ravi."

RAVI: (Khidki se bahar dekhte hue) "Jaanta hoon. Par kabhi-kabhi, jaal mein ghusna padta hai... shikaari ko yeh ehsaas dilane ke liye ki woh khud shikaar ban chuka hai."

AMIT: "Par kyun? Sia ke liye?"

RAVI: (Palat kar Amit ko dekhte hue, uski aankhon mein ek aisi gehraayi tha jo Amit ne pehle nahi dekha tha) "Kuch ladaiyan 'kyun' ke liye nahi, 'farz' ke liye ladha jaata hain, Amit. Aur mera farz... Sia ki hifazat karna hai. Chahe iske liye mujhe apni pehchaan hi kyun na mitaani pade."


INT. EK ANDHERI CAR MEIN, DELHI - USSI RAAT

Alisha ek andheri, tinted glass wali car ki pichli seat par baithi thi. Uske saamne ek laptop khula tha, jis par ek secure video call chal raha tha. Screen par ek saaya tha, chehra nahi dikh raha tha, par aawaz wahi pathar jaisi thandi thi.


ALISHA: "Report. Party mein plan ke mutabik sab hua. Maine Ravi ko uski haveli aur uss ladki ke baare mein yaad dilaya. Uske chehre par ek pal ke liye wahi purana dard dikha tha, par usne khud ko sambhal liya. Woh ab pehle se zyada control mein hai."

UNKNOWN VOICE: "Control... control todne ke liye hi tumhe bheja gaya hai, Alisha. Uska ateet hi uska sabse bada hathiyaar hai, aur uski sabse badi kamzori bhi. Humein jaanna hai ki 10 saal pehle uss raat uss haveli mein aakhir hua kya tha. Woh raaz uske andar dafan hai. Usse bahar nikaalo."


ALISHA: "Main koshish kar rahi hoon, Sir. Par woh bahut hoshiyar hai. Aur Sia... Sia uski dhaal hai. Jab tak woh uske aas-paas hai, Ravi tak pahunchna mushkil hai."

UNKNOWN VOICE: "Toh dhaal ko hi tod do. Arjun Rathore apna kaam kar raha hai. Tum apna karo. Agla mauka... Freshers' Trip. School do hafte baad Manali jaa raha hai. Pahad... Ravi ki purani yaadon ko taaza karne ke liye isse behtar jagah nahi ho sakta. Wahan, usse uske ateet ka aaina dikhana. Aisa... ki woh khud apni pehchhaan bhool jaaye."


ALISHA: (Ek khatarnak muskaan ke saath) "Jaisa aapka hukum, Sir."


Call cut gaya. Alisha ne laptop band kiya. Manali. Pahad. Ateet. Khel ab aur bhi gehra hone wala tha. Par woh nahi jaanti thi ki is khel ke kuch khiladi uski soch se bhi do kadam aage chal rahe the.



EK BANJAR WAREHOUSE, DELHI OUTSKIRTS - USSI RAAT

Sheher ki chamak-damak se door, ek purana, zang laga hua warehouse khada tha, jaise waqt ka ek bhoola hua bhoot. Andar, sirf chand ki roshni tooti hui chhat se aa rahi thi, jo zameen par bikhre kaanch ke tukdon aur dhool par ajeeb se pattern bana rahi thi.


Warehouse ke beech mein, ek akele, mehenge chair par ek shakhs baitha tha. Uska chehra andhere mein tha, par uske designer suit ka silhouette aur uske haath mein pakde platinum lighter ki chamak bata raha tha ki woh is banjar jagah ka hissa nahi hai. Yeh Alisha ka boss tha - The Handler. Uske chaaron taraf, kaale kapdon mein taiyaar 6 hathiyaarband guard khade the, bilkul bhut ke tarah, saans bhi lene mein kanjoosi karte hue.


Tabhi, warehouse ke doosre chhor par lage ek bade se, zang lage container ke upar se ek saaya neeche kooda. Aahat itni halka tha jaise ek patta zameen par gira ho.


Woh wahi 16 saal ka ladka tha jise Ravi ne uss andheri gali mein dekha tha. Wahi phati hui hoodie, wahi khamosh raftaar. Gumnaam Yoddha.

THE HANDLER: (Apni pathar jaisi thandi aawaz mein, bina uski taraf dekhe) "Tumhein aane mein der ho gayi... Phoenix."

Ladke ne apni hoodie ka saaya chehre par se nahi hataya. Uska naam 'Phoenix' tha.

PHOENIX: (Aawaz mein na darr, na lihaaz. Sirf ek thandi shaanti) "Main tumhare bulane par nahi aata. Main tab aata hoon jab zaroorat hota hai. Aur abhi... tumhara koi zaroorat nahi hai."

THE HANDLER: (Halke se hasta hai, par hansi mein mazaak nahi, zeher tha) "Zaroorat... Zaroorat toh ab padegi, Phoenix. Ravi Mishra... Shehzaada... Manali jaa raha hai. Aur meri team usse uske ateet ka aaina dikhane jaa raha hai. Main chahta hoon... tum is khel se door raho."

Phoenix aage badha. Uski har chaal mein ek shikaar ka furti tha.

PHOENIX: "Ravi ka ateet ek band darwaza hai. Agar tumne use zabardasti kholne ki koshish kiya... toh andar se jo toofan niklega, woh tumhari poori duniya ko le doobega. Woh abhi taiyaar nahi hai."

THE HANDLER: (Ab uski aawaz mein halka sa gussa tha) "Taiyaar? Main usse taiyaar karne nahi, todne jaa raha hoon! Uske andar woh raaz dafan hai jiske liye 10 saal se do khandaan ek doosre ke khoon ke pyaase hain! Uss raat uss haveli mein kya hua tha, yeh sirf Ravi jaanta hai. Aur woh yeh raaz tabhi ug lega... jab uski rooh toot kar bikhar jaayegi. Main usse todunga... taaki main us raaz ko paa sakun."


PHOENIX: "Aur main uss raaz ki hifazat ke liye yahan hoon. Ravi tak pahunchne se pehle... tumhein mujhse guzarna hoga."


Yeh ek ailaan-e-jung tha.

The Handler ne apne lighter se ek mehenga cigar jalaya.

THE HANDLER: "Maine socha tha tum samajhdar ho. Afsos. Tumne galat side chuna."

Usne apne guards ko ishaara kiya. "Ise zinda ya murda... meri chair ke saamne lao."

6 guard, jo kisi bhi maamuli insaan ke liye maut ka farmaan the, ek saath Phoenix par badhe. Unke chehron par berahmi tha, par unhe nahi pata tha ki woh ek insaan se nahi, ek anjaani tabaahi se takrane jaa rahe the. Aur Agli pal jo hua, woh kisi toofan se kam nahi tha.


Guard 1, jiske haath mein zang lagi hui metal pipe thi, dahadte hue aage badha aur usne poori taqat se pipe Phoenix ke sir par maara. Hawa ko cheerta hua pipe jab neeche aa raha tha, toh uski 'swish' ki aawaz maut ki seeti jaisa tha.


Par Phoenix hila nahi. Woh uss vaar ke andar chala gaya. Ek aisi furti jo gravity ke niyamon ko tod raha tha, usne jhuk kar pipe ko apne upar se jaane diya. Isse pehle ki guard dobara vaar kar paata, Phoenix ka haath ek bijli ki tarah utha aur usne pipe wale haath ko hawa mein hi pakad liya.


Usne haath ko roka nahi, use ek lever ki tarah istemaal kiya aur guard ke jism ko uske apne hi vaar ki gati mein ghuma diya. Guard ki cheekh nikal gayi jab Phoenix ne uske baazu ko ek ajeeb angle par mod diya. Ek bhayanak, rooh ko kaanpa dene wali 'POP' ki aawaz aayi. Guard ka kandha uske jod se nikal chuka tha.


Ab woh guard ek zinda dhaal tha. Guard 2, jo uske peeche se aa raha tha, kuch samajh paata, usse pehle Phoenix ne uss toote haath wale guard ko ek jhatke mein uske saamne dhakel diya aur uske haath se chheeni hui pipe poori taqat se doosre guard ke ghutnon par de maara. Pipe jab haddi se takraya toh ek gehra, gila 'KRRRRAAAACK' ka shor hua. Guard ek jaanwar ki tarah chillata hua neeche gir pada, uski taang ek bekaar maans ke lothde ki tarah latak rahi thi. Phoenix ne pehle guard ki gardan ke peeche ek sateek vaar karke use behosh kar diya.


Guard 3 aur 4 ne yeh dekh kar ek saath, do alag dishaon se hamla kiya. Unka plan Phoenix ko beech mein phansane ka tha.


Par Phoenix zameen par ek saaye ki tarah phisal gaya. Woh itni tezi se neeche jhuka ki laga jaise uske jism mein haddiyan hi na ho. Zameen se lagbhag chipak kar, usne ek pair se 360-degree sweep kiya. Yeh vaar itna taqatwar aur achanak tha ki dono guards ke pair hawa mein uth gaye aur woh peeth ke bal concrete ke thande farsh par jaa gire.


Unke girne ka 'DHADAAM' ki aawaz abhi aaya hi tha ki Phoenix unke upar khada tha. Usne neeche jhukne ki zehmat nahi kiya. Usne apna bhaari boot uthaya aur poore vazan ke saath Guard 3 ke takhne par rakh diya. Ek aur dil dehlane wala 'KRRRUNCH' ki aawaz. Guard ki cheekh warehouse ki deewaron se takra kar goonj utha. Usne foran doosre guard ki
pasliyon par ek laat maara. "Kaddak... Kaddak..."—do pasliyon ke tootne ki saaf aawaz aaya.


Ab sirf do bache the. Unki aankhon mein ab gussa nahi, khauf tha.


Guard 5, jiske haath mein ek chamakta hua chaku tha, darr aur gusse mein andhadhund aage lapka. Phoenix bilkul shaant khada raha, uski nigahein sirf chaku ki dhaar par tiki thi. Jaise hi chaku uske dil ke paas pahuncha, woh hawa mein ek patte ki tarah tircha ho gaya. Chaku uski hoodie ko cheerta hua nikal gaya. Usne chaku wale haath ko pakda, use moda, aur guard ke apne hi jism ka istemaal karte hue... uske apne hi haath se... chaku seedha uske kandhe ke aar-paar utaar diya.


Guard ki cheekh uske gale mein hi ghut gaya. Phoenix ne use chhoda nahi. Usne guard ko dhakka dekar saamne ek zang lage hue metal ke pillar par de maara. Chaku pillar ke metal ko cheerta hua andar ghus gaya. Ab woh guard, apne hi chaku se pillar par, ek keede ki tarah, latka hua tadap raha tha.


Aakhri guard yeh manzar dekh kar paagal sa ho gaya. Usne bhaagne ke liye palta. Par Phoenix ne use mauka nahi diya.


Ek pal mein woh uske peeche tha. Usne guard ke baal pakde, uska sir peeche kheencha aur apni hatheli se uske chehre par aam sa dikhne wala par ek kaatilana vaar kiya. Yeh vaar gaal par nahi, naak ki haddi aur upar ke honth ke beech ki nazuk jagah par tha. Ek gehra 'THWACK'... aur guard ki naak ka cartilage toot kar uske dimaag ki taraf dhans gaya. Uski aankhein safed ho gayi, jism akda aur woh bina koi aawaz kiye zameen par dher ho gaya.


Do minute se bhi kam mein, warehouse ab ek qabristan lag raha tha. Zameen par pade tadapte jism, khoon aur khauf ki badboo. Aur un sabke beech, Phoenix khada tha, uski saansein bhi tez nahi hui thi. Aisa lag raha tha jaise usne ladai nahi, bas roz ki kasrat ki ho.


Is brutal qatl-e-aam mein, uske sir se hoodie thoda sa peeche sarak gaya tha. Chand ki roshni uske chehre ke ek hisse par padi. Uski ek aankh... aur gaal par ek purana, gehra zakhm ka nishaan saaf dikh raha tha.


The Handler, jo ab tak pathar bana baitha tha, use dekhkar jhatke se apni chair se khada ho gaya. Uske haath se cigar gir gaya. Uski pathar jaisi aankhon mein pehli baar... khauf dikha. Ek aisi hairat jaise usne bhoot dekh liya ho.


THE HANDLER: (Kaanpti aawaz mein, jaise uski saansein atak gaya hai) "Nahi... yeh... yeh nahi ho sakta. Tum...? Tum toh uss raat... Haveli mein... uss aag mein... mar chuke the! Tum zinda kaise...?!"


Phoenix ke chehre par ek khatarnak, thandi muskaan aaya. Usne apni hoodie wapas apne chehre par kheench liya.


PHOENIX: "Kuch log aag mein jalne ke liye nahi, aag se nikal kar dushman ko jalane ke liye paida hote hain. Manali mein sirf Ravi ka imtihaan nahi hoga... uske har dushman ka aakhri sanskaar bhi hoga."


Woh palta, aur andhere mein aise gayab ho gaya jaise kabhi wahan tha hi nahi.


The Handler wahin pathar ka bhut bana khada raha. Uska poora jism khauf se kaanp raha tha. Usne aaj ek aise raaz ko zinda dekh liya tha jise 10 saal pehle uss Haveli ki aag mein dafan kar diya gaya tha. Khel ab sirf Ravi ke ateet ka nahi tha... khel ab Uss Haveli ke khooni itihaas ka ban chuka tha.



BAHUT KHATARNAK SUSPENSE

  • Phoenix kaun hai? Uska uss ahveli ki aag se kya sambandh hai? Kya woh Rathore parivaar se hai ya unke dushman se?
  • The Handler ne Phoenix ko kaise pehchana? Us raat Haveli mein aakhir hua kya tha?
  • Phoenix Ravi ko "Shehzaada" kyun kehta hai aur uski hifazat kyun kar raha hai? Kya woh dost hai ya koi aur bada khiladi?
  • Yeh Haveli ka raaz Arjun ke parivaar ke uss raaz se kaise juda hai jisse woh darta hai?
  • Ab jab The Handler jaanta hai ki Phoenix zinda hai, Manali mein uski agali chaal kya hogi?

Manali ki baraf ab sirf baraf nahi rahega... woh do parivaaron ke 10 saal purane khoon se laal hone wala hai. Khel ab school se nikal kar itihaas ke un panno tak pahunch chuka hai jinpar sirf Tabaahi likha hai.

Manali ki baraf ab sirf safar ki manzil nahi, anjaam ki zameen banne wala tha. Ek aisi zameen jahan har kirdaar apne ateet ka bojh utaarne aayega... ya ussi bojh tale dafan ho jaayega.

Khel ab school ki deewaron se nikal kar itihaas ke un panno tak pahunch chuka hai, jinpar sirf Tabaahi likha jaana baaki tha...

"Har chehre par naqaab hai, har nazar mein ek raaz... Barf par jab khoon girega, tab badlega itihaas."

...Kyunki kuch raaz aag mein jal kar bhi nahi marte, woh baraf ke neeche dafan hone ka intezaar karte hain. Aur jab woh pighlenge... toh Qayamat ka naya mausam aayega.



"Suna hai pahadon ki hawa mein sukoon hota hai... Par is baar, har saans mein maut ka junoon hoga."

"Yeh imtihaan nahi, ailaan-e-jung hai... aur Manali ki barf... is kahani ka kafan banega."



Jaanne ke liye, jude rahiye...
Click to expand...
Nice update....
 
  • Like
Reactions: jeet1436
Xkingthakur

Xkingthakur

Member
448
2,083
124
jeet1436 said:
Update 8: Gumnaam Shehzaade Aur Shikaar Ka Mahaparv


Tokyo - Barfeeli Yaadon Ki Cheekh

TOKYO, JAPAN - PENTHOUSE - DER RAAT

Tokyo sheher, jo kabhi sota nahi, aaj YuKi ki aankhon mein ek neend ka intezaar kar raha tha. Apne vishaal penthouse ki kaanch ki deewar se woh neeche chamakti sadkon ko dekh raha tha, jahan gaadiyan jugnuon ki tarah daud rahi thi. Par uske 15 saal ke dimaag mein ek alag hi toofan tha. Woh Delhi se aaya khabaron ko padh raha tha, uska ungliyan tablet par tezi se chal raha tha.

"Arjun Rathore... Sia Sharma... Ravi Mishra..."

Yeh aakhri naam... Ravi Mishra... par aakar uski ungliyan ruk gaya. Uska aankhon mein ek ajeeb sa chamak aa gaya.

Thak kar usne aankhein band kiya, par neend usse koson door tha. Jab bhi woh aankhein band karta, use wahi manzar dikhta...


(Dream Sequence - Flashback)

Barf... hadd tak sirf safed barf. Kashmir ki jannat jaisi vaadiyan. Do chhote bachche, ek ladka aur ek ladki, khilkhila kar barf mein khel rahe hain. Hawa mein unki masoom hansi goonj raha hai.

Achanak, maahaul badal jaata hai. Hawa tez ho jaati hai. Aasman ka rang laal ho jaata hai, jaise khoon se naha gaya ho. Haveli... unki purani haveli aag ki lapton mein ghira hua hai. Cheekhein... har taraf sirf cheekhein hain.

Bachcha uss ladki ka haath pakad kar bhaag raha hai. "Bhaago! Yahan se bhaago!"

Par tabhi, ek saaya unke saamne aata hai. Saaye ke haath mein ek chamakti hui cheez hai. Bachchi darr se cheekhti hai. "Bhaiyya!"

Ladka uss saaye par jhapata hai, par woh bahut chhota hai. Ek zor ka dhakka... aur woh barf mein gir jaata hai. Uska aankhon ke saamne andhera chhaane se pehle, usey sirf uss saaye ka chehra dikhta hai... ek aisa chehra jise woh kabhi bhool nahi sakta.

(Dream Ends)

"Aaaaaahhhh!"

YuKi jhatke se uth baitha. Uska jism paseene se tar-batar tha, saansein toofan ki tarah chal raha tha. Aaj pehli baar, uss sapne mein usey uss saaye ka chehra saaf dikha tha.

Uska sevak, Kaito, darwaza khol kar andar aaya.

KAITO (Japanese mein): "YuKi-sama, aap theek hain? Phir se wahi sapna?"

YuKi ne lambi saans li. Uski aankhon mein ab bachpana nahi, ek sadiyon purani nafrat tha.

YUKI (Japanese mein, aawaz barf jaisi thandi): "Taiyaari karo, Kaito. Hum Delhi jaa rahe hain. Waqt aa gaya hai... uss saaye se hisaab lene ka."

Usne apne table par rakhi tasveer uthaya. Wahi black-and-white tasveer. Ek chota ladka... aur ek choti ladki.

YUKI (Apne mann mein): 'Main aa raha hoon... Ravi Mishra. Dekhte hain... tum shikaari ho... ya mera shikaar.'


INT. GWALIOR - MAHARANI DIVYANGANA'S CHAMBER

Ek purani, shaandaar haveli. Ek kamre mein deewar par ek badi si painting laga tha. Painting mein ek Raja aur Rani the, unke do chhote bete the . Ek 3 saal ka aur ek 1 saal ka . Bada beta Rani ke zyada kareeb tha.

Kamre mein Maharani Divyangana us painting ko dekh rahi thi. Unki aankhon se aansu beh rahe the.


DIVYANGI (Inner Monologue):
"Tumne humse humara sab kuch chheen liya. Humara raj, humara sammaan, aur... humara beta. Par ab nahi. Ab hisaab ka waqt aa gaya hai. Kismat ne apne mohre bhej diye hain. Mera beta lautega... apna haq lene. Aur uss din...

Unki aankhon mein intezaar nahi, inteqaam ki aag thi.


Part 1: Khamoshi Ka Shor (Toofan Ke Baad)

INT. GIRLS' HOSTEL - SIA'S ROOM - DER RAAT

Party ka shor kab ka aitihaasik yaadon mein dafan ho chuka tha, lekin Sia ke kamre mein ek alag hi shor tha—uske dil ki dhadkano ka, uski saanson ke utaar-chadhav ka, aur uske andar chal rahe vichaaron ke toofan ka. Kamra andhera tha, bas table lamp ki halki, peeli roshni uske chehre par pad rahi thi. Woh bistar ke ek kone mein ghutne mode, khud mein simti hui baithi thi. Uski Gulaabi kurti par abhi bhi cold drink ka daag tha, par use iski parwah nahi thi. Uski aankhon ke saamne baar-baar parking lot ka woh bhayanak manzar ghoom raha tha.

Ravi...

Ek saaya. Ek shikaari. Ek tabaahi.

Uske woh kaatilana moves... jismon ke tootne ki woh bhayanak aawazein... aur uski woh thandi, be-jazbaat aankhein. Un aankhon mein na gussa tha, na rehem. Bas ek maqsad tha—dushman ko tabah kar dene ka. Yeh woh Ravi nahi tha jise woh jaanti thi. Uska Ravi toh ek shaant jheel tha, jismein dard ke patthar girte the. Aaj usne dekh liya tha ki uss jheel ki gehraaiyon mein ek poora jwalamukhi dafan hai.

‘Yeh Ravi ka woh roop tha jiski usne kalpana bhi nahi ki thi. Yeh hero nahi, ek tabaahi ka manzar tha.’

Uske haath kaanp rahe the. Darr se zyada, ek ajeeb si hairat uske dil-o-dimaag par haavi thi. Kaun tha woh? Ek masoom, state topper ladka aisi brutal fighting styles kaise jaanta tha? Wing Chun, Krav Maga, Aikido... yeh naam bhi usne sirf filmon mein sune the. Aur Ravi... usne unhe aise istemaal kiya jaise woh uski saanson ka hissa ho.

Tabhi uska phone dheere se vibrate hua. Screen par "Dada Sahab" ka naam chamak raha tha. Usne ek gehri saans li, apne kaanpte haathon ko shaant karne ki koshish ki aur call uthaya.

SIA: (Aawaz mein kaampan saaf thi) "Pra-Pranaam, Dada Sahab."

DADA SAHAB: (Doosri taraf se wahi bhaari, sthir aawaz) "Vijayi Bhava. Tumhari aawaz mein ghabrahat hai, Sia beti. Sab theek toh hai? Arjun Rathore ne apna kaam kiya?"

Sia ne apni aankhein band kar li. Arjun. Uski hero-giri, uska gaana, uska protective nature... sab kuch ab ek dhokha lag raha tha. Par usse bhi bada sach Ravi ka woh anjaan roop tha. Arjun Uska hero-giri ab ek bachkaana khel lag raha tha Ravi ki uss brutal sachchai ke saamne.

SIA: "Haan, Dada Sahab. Arjun ne... usne mujhe bachaya. Poore campus ke saamne woh ek hero ban gaya hai. Uska vishwas jeetna ab shayad aasaan hoga."

DADA SAHAB: "Yeh toh achhi khabar hai. Toh phir yeh bechaini kyun?"


Sia kuch der khamosh rahi. Kya woh Dada Sahab ko Ravi ke baare mein bata sakti thi? Nahi. Yeh uski apni jung thi. Uska dil aur dimaag do alag-alag dishaon mein bhaag rahe the.

SIA: "Bas... bas thodi thak gayi hoon. Yeh nayi duniya, naye log... sab kuch bahut ajeeb hai."

DADA SAHAB: "Yaad rakhna, Sia. Jab maqsad bada ho, toh raaste ke kaante nahi gine jaate. Tum ek bahut badi jung ka hissa ho. Arjun Rathore sirf ek mohra hai. Asli Baadshah tak pahunchne ke liye, kayi pyado ko qurbaan karna padta hai. Jazbaaton ko apne upar haavi mat hone dena. Ek sipahi dil se nahi, dimaag se ladta hai."


"Ji, Dada Sahab." Keh kar Sia ne phone kaat diya.


‘Ek sipahi dil se nahi, dimaag se ladta hai.’

Par uska dil... uska dil toh uss anjaan, khatarnak, aur gumnaam astitva ke baare mein soch kar hi zoron se dhadak raha tha, jaise abhi phat jaayega.




INT. SHAHEED BHAGAT SINGH BOYS HOSTEL - ROOM 214 - USSI RAAT

Kamre mein maut jaisa sannaata tha. Amit aur Kabir gehri neend mein the. Par Ravi jaag raha tha. Woh apni study table par baitha tha, table lamp ki roshni mein Kallu ka wallet uske saamne rakha tha. Wallet ke andar se nikli parchhi par likha naam uski aankhon mein chub raha tha.

"Sameer - 98*****"*

Arjun Rathore. Shatranj ka khiladi.

Ravi ne apni aankhein band kiya. Party ka har ek pal uske dimaag mein chal raha tha. Ek 15 saal ke ladke ke liye yeh sab bahut zyada tha. Par Ravi aam nahi tha. Uske dimaag mein gussa nahi, ek thanda, hisaab lagane wala sannaata tha. Arjun ka Sia ke liye gaana, Riya ka Sia ko 'galti se' giraana, Aryan ka use dhamkana, aur phir Riya par 'attack'. Sab kuch ek script ki tarah tha, jiska director Arjun tha. Woh Sia ke saamne hero banna chahta tha, aur Riya ko uski 'gustakhi' ki saza dena chahta tha. Aur iske liye usne do alag-alag chaalein chali.

Ravi ki muthiyan bheench gayz. Gussa uske ragon mein laava ban kar daud raha tha. Par uske chehre par ek barfili shaanti tha.
Yeh Vashudev Mishra ke seekh tha. ‘Apni taqat, apna gussa... sabko apne andar samundar ki tarah shaant rakho.’

Usne wallet se Sameer ki parchhi nikaali aur use apni lighter se jala diya. Raakh uske haathon par giri.


RAVI (Inner Monologue, uski aawaz uske dimaag mein goonj raha tha):
"Tumne shatranj ki bisaat bichhayi hai, Arjun. Par tum bhool gaye... is jungle mein sher shatranj nahi, shikaar khelte hain. Tum Sia ko apni jeet samajh rahe ho... par woh is khel ka hissa bhi nahi hai. Aur jo is khel mein nahi hai, uski taraf aankh uthane wale ki aankhein... salamat nahi rehti."

Usne apni diary kholi aur ek naye panne par likha:

"Shatranj mein jab Baadshah hadh se zyada magroor ho jaaye, toh ek chhota sa pyada bhi use maat de sakta hai. Par main pyada nahi hoon. Main woh khiladi hoon jo is bisaat ke bahar baitha hai. Aur ab... main apni chaal chalunga."

Usne diary band ki. Uski aankhon mein ab nafrat nahi, ek thanda, hisaab lagane wala iraada tha. Uske andar ka DRAGON jaag chuka tha.



INT. RATHORE ESTATE - ARJUN'S ROOM - DER RAAT

Ek vishal, aalishan kamra, jo kisi mahal ke sheesh mahal se kam nahi tha. Ek deewar poori kaanch ki thi, jahan se Delhi sheher ki chamakti roshniyan dikh rahi thi. Arjun Rathore, apne mehenge suit mein, haath mein ek Scotch ka glass liye khada tha. Aryan paas ke sofe par baitha tha.

ARYAN: (Haste hue) "Kya performance tha, chhote! Maan gaya. Uss behenji ke liye gaana, phir uske liye gundo se ladna... 'Hero of the Year' ka award toh tujhe hi milna chahiye."

ARJUN: (Ek halki, jeet wali muskaan ke saath) "Yeh performance nahi tha, Aryan. Yeh ek zaroorat tha. Kuch logon ko jeetne ke liye, unke dil mein utarna padta hai. Sia alag hai. Woh power se nahi, parwah se prabhavit hoti hai."

ARYAN: "Parwah? Come on, Arjun. Hum Rathore hain. Hum parwah nahi karte, hum hukum dete hain. Waise, uss 'pahadi' Ravi ka kya? Maine use aakhri warning de diya hai. Agar ab woh Sia ke aas-paas bhi dikha...

ARJUN: (Aryan ki baat kaat-te hue, aawaz thodi thanda ho gaya) "Ravi... woh ek ajeeb paheli hai. Uski aankhon mein darr nahi dikhta. Aise log khatarnak hote hain. Par chinta mat kar. Mere paas uske liye bhi ek plan hai. Har khiladi ki ek kamzori hoti hai. Humein bas Ravi ki kamzori dhoondhni hai."

Aryan ne Scotch ka ek sip liya.

ARYAN: "Kamzori? Sia hi hai uski kamzori. Chheen lo usse. Khel khatam."

ARJUN: (Halke se haste hue) "Nahi, Aryan. Khel aise khatam nahi hote. Khel toh ab shuru hua hai. Ravi ko harana hai, par maidan mein nahi. Uski rooh ko todna hai. Aise... ki woh jeete ji mar jaaye."

Arjun ki aankhon mein ek aisi chamak tha, jo uske bhai Aryan ke gusse se kahin zyada khatarnak tha.



Part 2: Nayi Subah, Naye Khel (Agle Din School Mein)

EXT. SCHOOL CAMPUS - AGLI SUBAH

Agle din campus ka mahaul bilkul badla hua tha, campus ki hawa mein oxygen se zyada sargoshiyan tha. Freshers' Night ke kisse har zubaan par the. Arjun aur Aryan Rathore campus ke naye 'Superheroes' ban chuke the. Har taraf unka hi charcha tha. Ladkiyan Arjun ki ek jhalak paane ke liye bechain thi.

Riya, jise kal raat Ravi ne bachaya tha, use poore campus mein dhoondh rahi thi. Aakhirkar woh use library ke paas mil gaya.

RIYA: (Thodi hichkichate hue) "Ravi... main... main kal raat ke liye thank you kehna chahti thi. Agar tum nahi hote toh..."

Ravi ne bina uski taraf dekhe, bina ek lafz kahe, apna raasta badal liya aur wahan se chala gaya. Riya hairaan khadi reh gayi. Yeh kaisa ladka tha? Na tareef ki chah, na ehsaan ka bojh. Uske is bartav ne use aur bhi rahasyamayi bana diya tha.

Kabir aur Amit Ravi ke paas aaye.

KABIR: "Bhai, kya aadmi hai tu! Riya jaisi ladki tujhe thank you bolne aayi aur tu use ignore kar gaya? Suna hai kal raat tune gundo ko akele hi dho diya. Kahan se seekha yeh sab?"

RAVI: (Shaant aawaz mein) "Filmon se."

Keh kar woh aage badh gaya. Amit jaanta tha ki Ravi kuch chhupa raha hai. Woh uske jhooth ko pakad sakta tha, par woh chup raha. Kuch raaz, raaz hi behtar the.


INT. CLASSROOM - A TENSE ATMOSPHERE

Classroom mein mahaul ajeeb tha. Arjun hero ki tarah baitha tha aur Sia ke bagal wali seat par aakar baith gaya tha. Woh usse dheere-dheere baatein kar raha tha, aur Sia, apne Dada Sahab ke hukm ko yaad karke, usse aaram se baat karne ki koshish kar rahi thi. Par uski nazrein baar-baar pichli bench par baithe Ravi ko dhoondh rahi thi. Ravi shaant tha, uski nazrein kitaab par thi, par uska poora dhyaan Arjun aur Sia ki baaton par tha.

Tabhi, ek unexpected cheez hui. Alisha, apni modern dress aur confident chaal ke saath, class mein aayi aur seedhe Ravi ke bagal wali khaali seat par baith gayi.

ALISHA: (Muskurate hue, sirf Ravi ko sunayi de)
"Suna hai, khamosh paani gehra hota hai. Chalo dekhte hain, tum kitne gehre ho."

Poori class mein sargoshiyan shuru ho gayi. Kal party mein Alisha Ravi ke saath naach rahi thi, aur aaj uske bagal mein baithi thi. Sia ne jab yeh dekha, toh uska chehra utar gaya. Ek ajeeb si jalan uske dil mein uthi. Arjun ne Sia ke chehre ke bhaav dekh liye.

ARJUN (Inner Monologue):
"Perfect. Yeh Alisha anjaane mein mera kaam aasaan kar rahi hai. Jitna Sia Ravi se door hogi, utna hi mere kareeb aayegi."

Khel ab classroom ke andar bhi shuru ho chuka tha.



INT. SCHOOL LIBRARY - THE CONFRONTATION

Lunch break mein, Sameer library ke ek sunsaan kone mein baitha, is baat se bekhabar ki maut ka saaya uske peeche khada hai. Ravi ek aahat ke bina uske saamne aa khada hua. Sameer use dekhkar uchhal pada, uske haath se kitaab ghabra ke maare gir gaya.

SAMEER: "Ra-Ravi? Tum yahan? Kya kaam hai?"

Ravi ne kuch nahi kaha. Usne apni jeb se ek wallet nikala aur table par rakh diya. Yeh Kallu ka wallet nahi tha. Yeh Sameer ka apna wallet tha, jo shayad uski jeb se kahin gir gaya hoga.

Ravi ne wallet ko table par aage sarkaya.

RAVI: (Aawaz itna thanda tha ki Sameer ki rooh kaanp gaya)

Kallu. Parking lot. Suna hai, bade logon ke kutte bhi bade wafadaar hote hain. Apne maalik ka naam aakhri saans tak nahi lete."

"Insaan ko apni cheezein sambhal kar rakhni chahiye, Sameer. Wallet ho ya... raaz. Kabhi-kabhi, galti se gir jaate hain... aur galat haathon mein pahunch jaate hain. Agli baar dhyaan rakhna."

Ravi ne uski aankhon mein dekha. Uski nazron mein ek aisi warning tha jo lafzon se kahin zyada khatarnak tha. Sameer ka chehra safed pad gaya. Woh jaanta tha ki Ravi sab kuch jaanta hai. Woh samajh gaya tha ki yeh ladka woh nahi hai jo dikhta hai. Yeh aag ka ek dariya tha, jo shaant tha, par jiske andar poore samrajya ko jalaane ki taqat tha.

"Arjun se kehna kya usse lagta hai wo bahot bada Khiladi hai,yeh campus uski jaagir nahi shamshaan hai," Ravi ne dheere se kaha tha, "kuch khel shatranj ke board par nahi, shamshaan mein khatam hote hain. Aur yahan har koi shatranj nahi khelta , Kuch log... aakhri sanskaar ki taiyaari karte hain. Khel usne shuru kiya hai... par uski chita ki aag... main lagaunga.""

Ravi palta aur chup – chap wahan se chala gaya, jaise kabhi wahan tha hi nahi. sameer wahin pathar ka bhutt bana baitha raha. Uske kaanpte haathon se paani ka glass gir kar choor-choor ho gaya. Aaj use pehli baar ehsaas hua tha ki unhone ek aam ladke se nahi, ek anjaani, benaam tabaahi se panga le liya hai. Usne foran Arjun ko call kiya.

SAMEER: (Kaanpti aawaz mein) "Arjun... Ravi... woh sab jaanta hai! Humein usse bachna hoga. Woh... woh aam ladka nahi hai. Uski aankhon mein... maut dikhta hai."

Library mein, Ravi ne Sameer ko ek thandi, khamosh dhamki dekar Rathore camp mein apna khauf ka sikka jama diya tha. Uski aawaz mein na gussa tha, na unchaai, bas ek sannaata tha jo Sameer ki haddiyon tak mein utar gaya



EXT. CAMPUS GARDEN - SIA'S ATTEMPT

Sia ne himmat karke Ravi ko garden mein akele roka.

SIA: "Ravi, mujhe tumse baat karni hai. Kal raat parking lot mein kya hua tha? Riya keh rahi thi tumne use..."

RAVI: (Sia ki baat beech mein kaat-te hue, bina uski taraf dekhe)

"Mujhe is baare mein koi baat nahi karni."


SIA: (Uski aawaz bhar aayi)

"Kyun, Ravi? Kyun itne badal gaye ho? Tum mujhse door kyun bhaag rahe ho? Maine kya kiya hai?"


Ravi palta. Ek pal ke liye uski aankhon mein wohi purana dard aur pyaar dikha. Woh kuch kehna chahta tha, par phir use kisi ka warning yaad aaya. 'Uss ladki ko jitna khud se door rakhoge, woh utni hi mehfooz rahegi.'


RAVI: (Apne dil par pathar rakh kar, ekdum rukhi aawaz mein)

"Tumne kuch nahi kiya, Sia. Bas itna samajh lo, humari duniyaayein alag hain. Tum uss chamakti duniya mein khush raho... Arjun Rathore ke saath. Meri duniya andhera hai... yahan tumhare liye koi jagah nahi hai."

Yeh keh kar Ravi wahan se chala gaya. Har kadam uske dil par ek bojh ki tarah pad raha tha. Sia wahin khadi roti rahi. Ravi ke lafzon ne uska dil tod diya tha. Use laga jaise usne Ravi ko hamesha ke liye kho diya hai.



INT. GUPTA CYBER CAFÉ - ANJAAN PAIGAAM

Shaam ko, Ravi counter par baitha tha. Achanak, uske saamne wala computer, jo band tha, uski screen jilmilayi. Wahi kaale font.


"Haveli ki deewaron mein aaj bhi cheekhein qaid hain. Kya unhe sun paate ho... Shehzaade?"

Ravi ki ungliyan keyboard par jam gaya. Shehzaade? Yeh lafz... uske ateet ke uss hisse se juda tha jise woh khud bhi bhool chuka tha. Isse pehle ki woh kuch kar paata, screen wapas kaali ho gaya.


Yeh Arjun nahi tha. Yeh Alisha nahi thi. Yeh koi teesra tha. Ek aisa khiladi jo is khel ke har raaz ko jaanta tha. Ravi ke chehre par pehli baar, ek anjaani si bechaini dikha.



Part 2: Galiyon Ka Gumnaam Yoddha

SCENE: EK ANDHERI GALI, LAJPAT NAGAR - SHAAM 7 BAJE

Shaam ke 7 baj chuke the. Gupta Cyber Café ka shutter girne ki aawaz aaya aur Ravi bahar nikla. Delhi ka sardi dheere-dheere hawa mein apna zeher ghol raha tha. Hostel jaane ke liye usne hamesha ki tarah market ke peeche wali tang, andheri gali ka raasta liya.

Gali mein badboo tha, kachre ke dher the aur ek akeli, jhilmilati hui street light tha jo roshni se zyada andhere ka ehsaas dila raha tha. Ravi apne hi sochon mein dooba chal raha tha. Arjun ka khel, Alisha ka rahasyamayi ateet, Sia ki masoomiyat par mandrata khatra...

Tabhi, gali ke beech se aata kuch awaazon ne uska dhyaan toda. Yeh aam shor-sharaba nahi tha. Yeh awaaz tha jism par padte ghoonson ka, dard bhari karaahon ka, aur ek aisi, thandi, brutal khamoshi ki jo sirf ektarfa maar-peet mein hota hai.

Ravi ek deewar ke peeche saaye mein chup gaya. Uski aankhein andhere ko cheerne ki aadat rakhta tha.

Manzar bhayanak tha.

Ek ladka, umar yahi koi 16 saal, 5-6 badmashon se ghira hua tha. Par "ghira hua" kehna galat hoga. Woh ghira nahi tha; woh shikaar kar raha tha. Uske jism par ek phati hui hoodie tha, chehra andhere mein saaf nahi dikh raha tha, par uski raftaar... woh hawa se baatein kar raha tha.

Yeh gali ki aam ladai nahi tha. Yeh ek kala tha. Ek kaatilana kala.

Ek badmash ne lohe ki rod hawa mein ghuma kar uske sir par vaar kiya. Ladke ne jhuk kar vaar ko kandhe ke upar se jaane diya. Isse pehle ki rod neeche aata, usne rod ko apne haath se nahi, apni kohni se roka aur usi flow mein ghoom kar apni doosri kohni badmash ki pasliyon mein de maara. "Kadddak!"—haddi tootne ki saaf, brutal aawaz andheri gali mein goonj gayi. Badmash cheekhta hua neeche gir pada.

Doosra badmash uski taraf lapka. Ladke ne ek kadam peeche hatne ke bajaye, ek kadam aage badhaya. Usne badmash ke hamle karte haath ko pakda, uski kalai ko ek ajeeb angle par moda (Wing Chun ka 'Lap Sau'), aur usi ke jism ko ek dhaal ki tarah istemaal karte hue uske peeche se aa rahe teesre badmash ke saamne kar diya. Dono takra kar neeche gire.

Ravi, saaye mein khada, yeh sab ek trained aankh se dekh raha tha. 'Yeh koi street fighter nahi hai. Iski har movement calculated hai. Wing Chun, Systema, Krav Maga... in sabka deadly combination. Is umar mein... itni training? Impossible.'


Chautha badmash, un sab mein sabse hatta-katta, dahadta hua aaya. Ladke ne usse takkar lene ke bajaye, uske aage zameen par phisalte hue uski taangon ke beech se nikal gaya aur uthte hi uske ghutne ke peeche poori taqat se laat maari. Badmash ka balance bigda aur woh ghutnon ke bal neeche gira. Agle hi pal, ladke ne uske sir ko apne dono haathon se pakda aur saamne deewar par de maara. DHADAAM! Deewar par khoon ka ek gehra nishaan chhap gaya.


Ab sirf ek aadmi bacha tha. Woh darr se do kadam peeche hata. Usne apni jeb se ek chamakta hua chaku nikaal liya.

Gunda: "B...Bahut udd raha hai na? Ab aa!"

Ladka ruka nahi. Woh ek sher ki tarah uspar jhapta. Chaku jab uske pet ki taraf aaya, toh ladke ne ek aisi furti dikhaya jo insaani nahi lag raha tha. Usne apne jism ko hawa mein tircha kiya, chaku uski hoodie ko cheerta hua nikal gaya. Usne chaku wale haath ko pakda, uski kohni ko apne ghutne par rakha aur... "CHATTDAAAK!"


Ek bhayanak, rooh ko kaanpa dene wali aawaz aayi. Badmash ki kohni ka jod aam ki guthli ki tarah toot kar uske baazu se bahar nikal aaya tha. Uski cheekh gali mein aise goonji jaise koi jaanwar marne se pehle chilla raha ho.


Ladka ab un paanchon ke beech khada haanf raha tha. Usne ek nazar unpar daala, jaise kachre ke dher ko dekh raha ho.


Par is brutal khel mein, usse ek galti ho gaya tha. Pehla badmash, jiska pasli toota tha, kab dard se karahta hua utha aur usne apni jeb se ek chhota, desi katta nikaal liya tha, yeh usne nahi dekha. Ravi ne dekh liya tha.

Badmash ne katta seedha ladke ki peeth par taan diya.

Par usse bhi tez ek aur saaya tha.

Ravi andhere se ek jhonke ki tarah nikla. Isse pehle ki badmash trigger daba paata, Ravi uske peeche pahunch chuka tha. Usne badmash ke haath par is tarah se vaar kiya ki katta chhoot kar hawa mein uchhal gaya. Ravi ne katte ko hawa mein hi pakda, uske parts ko ek expert ki tarah alag kiya aur unhe gali ke alag-alag kono mein fenk diya. Yeh sab 2 second se bhi kam waqt mein hua.


Ab gali mein sirf teen log khade the. Ravi. Woh anjaan ladka. Aur woh tooti kohni wala gunda jo ab darr ke maare behosh ho chuka tha.

Woh 16 saal ka ladka jhatke se palta. Uski aankhein hairat se phaili hua tha. Usne Ravi ko dekha, jiske haath ab bhi katte ke tukdon se khali hue the. Dono ki nazrein mile.

Ladke ki aankhon mein na shukriya tha, na darr. Bas ek barfili, anjaan sa gehraayi tha. Uska chehra paseene aur khoon ke chhenton se sana hua tha, par uski aankhein... woh ek yoddha ka tha.


RAVI: (Shaant aawaz mein) "Kaun ho tum? Aur yeh sab kya hai?"


Ladke ne koi jawaab nahi diya. Usne ek aakhri nazar Ravi par daala, jaise uske astitva ko scan kar raha ho. Phir woh palta aur bina ek lafz kahe, andheri gali ke doosre chhor par bhaagta hua gayab ho gaya.

Ravi wahin khada reh gaya. Zameen par pade tadapte jism, khoon ki badboo, aur uss anjaan ladke ki khamosh nigahein.


RAVI (Inner Monologue):

"Yeh shahar jitna dikhta hai, usse kahin zyada gehra hai. Aur iski gehraaiyon mein... sirf main akela nahi hoon."


Aaj pehli baar, Ravi ko ehsaas hua ki is shahar mein woh ek aur gumnaam astitva se takraya hai. Ek aisa astitva jo uske jaisa hi tha—khatarnak, anjaan, aur raazon se bhara.

​


​

Part 3: Anjaane Dastak Aur Aane Wala Toofan

INT. RAVI'S HOSTEL ROOM - RAAT

Ravi apne kamre mein lauta toh uska dimaag sunn tha. Woh ladka... uska fighting style... uska khamoshi... sab ek paheli tha. Achanak, uske study table par rakhe uske band laptop ki screen jilmilayi.


Wahi kaale font, wahi anjaan paigaam.

"Jungle ke kanoon sheher mein nahi chalte, Shehzaade. Yahan har shikaari ke peeche ek bada shikaari hota hai. Sambhal kar."


Ravi ne jhatke se kursi peeche ki. Pehle Jhelum, phir Shehzaade, aur ab yeh warning. Yeh anjaan saaya uske har kadam par nazar rakhe hue tha. Use uss gali wali ladai ke baare mein bhi pata tha. Kaun tha yeh? Dost... ya uss ladke se bhi bada dushman?


EXT. RATHORE ESTATE - ARJUN'S PARANOIA

"Ravi sab jaanta hai! Uski aankhon mein maut dikhta hai!" Sameer ke yeh lafz Arjun ke dimaag mein baar-baar goonj rahe the. Woh ab tak Ravi ko ek chhota sa kaanta samajh raha tha. Par ab use ehsaas ho raha tha ki woh kaanta nahi, ek zehreela naag hai jo uske aasteen mein chhipa baitha hai.

Woh apne kamre mein aage-peeche tehel raha tha, jab uske phone par ek unknown number se message aaya.

Tere uss baap ko bol dena

"Haveli ki gaddiyan toh chheen li... par wahan ki aatmaayein abhi bhi insaaf maangta hain."


Arjun ke haath se phone chhoot-te chhoot-te bacha. Uska chehra safed pad gaya. Yeh unke parivaar ka sabse gehra, sabse kaala raaz tha. Ravi yeh nahi jaanta ho sakta. Toh phir kaun hai?


Use pehli baar ehsaas hua ki woh is khel ka akela khiladi nahi hai. Koi aur bhi hai, jo andhere mein baitha, sabki chaalein dekh raha hai. Ravi se uski dushmani ek taraf, par yeh anjaan dushman... yeh zyada khatarnak tha. Pehli baar, campus ke Baadshah ko laga ki uski baazi uske haath se nikal rahi hai


​


​
Part 3: Manali Ki Taraf - Ranbhoomi Ka Aamantran (Invitation to the Battlefield)

INT. SCHOOL ASSEMBLY HALL - THE ANNOUNCEMENT

Agle din, Principal Malhotra ne assembly mein announcement kiye.

PRINCIPAL: "Students, har saal ki tarah, is saal bhi humari school 11th grade ke liye ek 'Adventure Trip' organize kar raha hai. Aur is saal ka destination hai... Manali!"

Poora hall khushi ki cheenkhon se goonj utha. Manali. Barfile pahad, adventure sports, aur campus ke tension se doori.

Har chehre par muskaan tha, par humare chaar mukhya kirdaaron ke liye, is muskaan ke peeche alag-alag matlab the:

  • Arjun ke liye: Sia ko jeetne ka, use propose karne ka, aur Ravi ko hamesha ke liye raaste se hatane ka 'Golden Opportunity'.
  • Alisha ke liye: Pahadon ka woh mahaul jahan woh Ravi ki purani yaadon ko kured kar usse uske ateet ka aaina dikha sakti thi.
  • Sia ke liye: Delhi ke is daldal se kuch dino ki aazadi. Ek mauka Ravi se door jaakar apne toote dil aur bikhre mission ko sametne ka.
  • Ravi ke liye: Ek khula hua jaal. Ek maut ka kuan. Ek aisi ranbhoomi jahan uske dushman har taraf se use gherne ke liye taiyaar the. Ek aisi jagah jahan use jaana hi tha.

Ravi jaanta tha, yeh trip ek jaal hai. Uss anjaan ladke par hamla... uss anjaan message-bhejne wale ki warning... sab ishaara kar rahe the ki Manali ek ranbhoomi banne wali hai. Par ab uske paas peeche hatne ka vikalp nahi tha. Uss anjaan ladke ki tarah, sheher mein aur bhi khatre the. Woh Sia ko akela nahi chhod sakta tha.


INT. PRINCIPAL'S OFFICE - A NECESSARY RISK

Principal Malhotra aur Ms. Meera Kapoor office mein akele the.

MS. MEERA: "Sir, kya yeh Manali trip zaroori hai? Mahaul bahut ajeeb hai. Rathore brothers, Ravi, aur yeh nayi ladki Alisha... mujhe kuch theek nahi lag raha."

PRINCIPAL MALHOTRA: (Gehri saans lete hue) "Kabhi-kabhi toofan ko rokne ke liye, usey ek band jagah par aane dena zaroori hota hai, Meera. Yeh trip sirf ek trip nahi, ek zaroorat hai. Dekhte hain, is baar pahad kiska saath dete hain."

Unki aankhon mein ek ajeeb sa raaz tha, jaise woh is kahani ke sirf darshak nahi, kuch aur bhi the.


INT. RAVI'S HOSTEL ROOM - THE DILEMMA

Raat ko kamre mein, Amit ne Ravi ko pareshan dekha.

AMIT: "Tum is trip ko lekar ajeeb tarah se shaant ho. Logic kehta hai, jab dushman tumhe kisi jagah bulaaye, toh wahan jaana bewakoofi hai. Yeh ek trap hai, Ravi."

RAVI: (Khidki se bahar dekhte hue) "Jaanta hoon. Par kabhi-kabhi, jaal mein ghusna padta hai... shikaari ko yeh ehsaas dilane ke liye ki woh khud shikaar ban chuka hai."

AMIT: "Par kyun? Sia ke liye?"

RAVI: (Palat kar Amit ko dekhte hue, uski aankhon mein ek aisi gehraayi tha jo Amit ne pehle nahi dekha tha) "Kuch ladaiyan 'kyun' ke liye nahi, 'farz' ke liye ladha jaata hain, Amit. Aur mera farz... Sia ki hifazat karna hai. Chahe iske liye mujhe apni pehchaan hi kyun na mitaani pade."


INT. EK ANDHERI CAR MEIN, DELHI - USSI RAAT

Alisha ek andheri, tinted glass wali car ki pichli seat par baithi thi. Uske saamne ek laptop khula tha, jis par ek secure video call chal raha tha. Screen par ek saaya tha, chehra nahi dikh raha tha, par aawaz wahi pathar jaisi thandi thi.


ALISHA: "Report. Party mein plan ke mutabik sab hua. Maine Ravi ko uski haveli aur uss ladki ke baare mein yaad dilaya. Uske chehre par ek pal ke liye wahi purana dard dikha tha, par usne khud ko sambhal liya. Woh ab pehle se zyada control mein hai."

UNKNOWN VOICE: "Control... control todne ke liye hi tumhe bheja gaya hai, Alisha. Uska ateet hi uska sabse bada hathiyaar hai, aur uski sabse badi kamzori bhi. Humein jaanna hai ki 10 saal pehle uss raat uss haveli mein aakhir hua kya tha. Woh raaz uske andar dafan hai. Usse bahar nikaalo."


ALISHA: "Main koshish kar rahi hoon, Sir. Par woh bahut hoshiyar hai. Aur Sia... Sia uski dhaal hai. Jab tak woh uske aas-paas hai, Ravi tak pahunchna mushkil hai."

UNKNOWN VOICE: "Toh dhaal ko hi tod do. Arjun Rathore apna kaam kar raha hai. Tum apna karo. Agla mauka... Freshers' Trip. School do hafte baad Manali jaa raha hai. Pahad... Ravi ki purani yaadon ko taaza karne ke liye isse behtar jagah nahi ho sakta. Wahan, usse uske ateet ka aaina dikhana. Aisa... ki woh khud apni pehchhaan bhool jaaye."


ALISHA: (Ek khatarnak muskaan ke saath) "Jaisa aapka hukum, Sir."


Call cut gaya. Alisha ne laptop band kiya. Manali. Pahad. Ateet. Khel ab aur bhi gehra hone wala tha. Par woh nahi jaanti thi ki is khel ke kuch khiladi uski soch se bhi do kadam aage chal rahe the.



EK BANJAR WAREHOUSE, DELHI OUTSKIRTS - USSI RAAT

Sheher ki chamak-damak se door, ek purana, zang laga hua warehouse khada tha, jaise waqt ka ek bhoola hua bhoot. Andar, sirf chand ki roshni tooti hui chhat se aa rahi thi, jo zameen par bikhre kaanch ke tukdon aur dhool par ajeeb se pattern bana rahi thi.


Warehouse ke beech mein, ek akele, mehenge chair par ek shakhs baitha tha. Uska chehra andhere mein tha, par uske designer suit ka silhouette aur uske haath mein pakde platinum lighter ki chamak bata raha tha ki woh is banjar jagah ka hissa nahi hai. Yeh Alisha ka boss tha - The Handler. Uske chaaron taraf, kaale kapdon mein taiyaar 6 hathiyaarband guard khade the, bilkul bhut ke tarah, saans bhi lene mein kanjoosi karte hue.


Tabhi, warehouse ke doosre chhor par lage ek bade se, zang lage container ke upar se ek saaya neeche kooda. Aahat itni halka tha jaise ek patta zameen par gira ho.


Woh wahi 16 saal ka ladka tha jise Ravi ne uss andheri gali mein dekha tha. Wahi phati hui hoodie, wahi khamosh raftaar. Gumnaam Yoddha.

THE HANDLER: (Apni pathar jaisi thandi aawaz mein, bina uski taraf dekhe) "Tumhein aane mein der ho gayi... Phoenix."

Ladke ne apni hoodie ka saaya chehre par se nahi hataya. Uska naam 'Phoenix' tha.

PHOENIX: (Aawaz mein na darr, na lihaaz. Sirf ek thandi shaanti) "Main tumhare bulane par nahi aata. Main tab aata hoon jab zaroorat hota hai. Aur abhi... tumhara koi zaroorat nahi hai."

THE HANDLER: (Halke se hasta hai, par hansi mein mazaak nahi, zeher tha) "Zaroorat... Zaroorat toh ab padegi, Phoenix. Ravi Mishra... Shehzaada... Manali jaa raha hai. Aur meri team usse uske ateet ka aaina dikhane jaa raha hai. Main chahta hoon... tum is khel se door raho."

Phoenix aage badha. Uski har chaal mein ek shikaar ka furti tha.

PHOENIX: "Ravi ka ateet ek band darwaza hai. Agar tumne use zabardasti kholne ki koshish kiya... toh andar se jo toofan niklega, woh tumhari poori duniya ko le doobega. Woh abhi taiyaar nahi hai."

THE HANDLER: (Ab uski aawaz mein halka sa gussa tha) "Taiyaar? Main usse taiyaar karne nahi, todne jaa raha hoon! Uske andar woh raaz dafan hai jiske liye 10 saal se do khandaan ek doosre ke khoon ke pyaase hain! Uss raat uss haveli mein kya hua tha, yeh sirf Ravi jaanta hai. Aur woh yeh raaz tabhi ug lega... jab uski rooh toot kar bikhar jaayegi. Main usse todunga... taaki main us raaz ko paa sakun."


PHOENIX: "Aur main uss raaz ki hifazat ke liye yahan hoon. Ravi tak pahunchne se pehle... tumhein mujhse guzarna hoga."


Yeh ek ailaan-e-jung tha.

The Handler ne apne lighter se ek mehenga cigar jalaya.

THE HANDLER: "Maine socha tha tum samajhdar ho. Afsos. Tumne galat side chuna."

Usne apne guards ko ishaara kiya. "Ise zinda ya murda... meri chair ke saamne lao."

6 guard, jo kisi bhi maamuli insaan ke liye maut ka farmaan the, ek saath Phoenix par badhe. Unke chehron par berahmi tha, par unhe nahi pata tha ki woh ek insaan se nahi, ek anjaani tabaahi se takrane jaa rahe the. Aur Agli pal jo hua, woh kisi toofan se kam nahi tha.


Guard 1, jiske haath mein zang lagi hui metal pipe thi, dahadte hue aage badha aur usne poori taqat se pipe Phoenix ke sir par maara. Hawa ko cheerta hua pipe jab neeche aa raha tha, toh uski 'swish' ki aawaz maut ki seeti jaisa tha.


Par Phoenix hila nahi. Woh uss vaar ke andar chala gaya. Ek aisi furti jo gravity ke niyamon ko tod raha tha, usne jhuk kar pipe ko apne upar se jaane diya. Isse pehle ki guard dobara vaar kar paata, Phoenix ka haath ek bijli ki tarah utha aur usne pipe wale haath ko hawa mein hi pakad liya.


Usne haath ko roka nahi, use ek lever ki tarah istemaal kiya aur guard ke jism ko uske apne hi vaar ki gati mein ghuma diya. Guard ki cheekh nikal gayi jab Phoenix ne uske baazu ko ek ajeeb angle par mod diya. Ek bhayanak, rooh ko kaanpa dene wali 'POP' ki aawaz aayi. Guard ka kandha uske jod se nikal chuka tha.


Ab woh guard ek zinda dhaal tha. Guard 2, jo uske peeche se aa raha tha, kuch samajh paata, usse pehle Phoenix ne uss toote haath wale guard ko ek jhatke mein uske saamne dhakel diya aur uske haath se chheeni hui pipe poori taqat se doosre guard ke ghutnon par de maara. Pipe jab haddi se takraya toh ek gehra, gila 'KRRRRAAAACK' ka shor hua. Guard ek jaanwar ki tarah chillata hua neeche gir pada, uski taang ek bekaar maans ke lothde ki tarah latak rahi thi. Phoenix ne pehle guard ki gardan ke peeche ek sateek vaar karke use behosh kar diya.


Guard 3 aur 4 ne yeh dekh kar ek saath, do alag dishaon se hamla kiya. Unka plan Phoenix ko beech mein phansane ka tha.


Par Phoenix zameen par ek saaye ki tarah phisal gaya. Woh itni tezi se neeche jhuka ki laga jaise uske jism mein haddiyan hi na ho. Zameen se lagbhag chipak kar, usne ek pair se 360-degree sweep kiya. Yeh vaar itna taqatwar aur achanak tha ki dono guards ke pair hawa mein uth gaye aur woh peeth ke bal concrete ke thande farsh par jaa gire.


Unke girne ka 'DHADAAM' ki aawaz abhi aaya hi tha ki Phoenix unke upar khada tha. Usne neeche jhukne ki zehmat nahi kiya. Usne apna bhaari boot uthaya aur poore vazan ke saath Guard 3 ke takhne par rakh diya. Ek aur dil dehlane wala 'KRRRUNCH' ki aawaz. Guard ki cheekh warehouse ki deewaron se takra kar goonj utha. Usne foran doosre guard ki
pasliyon par ek laat maara. "Kaddak... Kaddak..."—do pasliyon ke tootne ki saaf aawaz aaya.


Ab sirf do bache the. Unki aankhon mein ab gussa nahi, khauf tha.


Guard 5, jiske haath mein ek chamakta hua chaku tha, darr aur gusse mein andhadhund aage lapka. Phoenix bilkul shaant khada raha, uski nigahein sirf chaku ki dhaar par tiki thi. Jaise hi chaku uske dil ke paas pahuncha, woh hawa mein ek patte ki tarah tircha ho gaya. Chaku uski hoodie ko cheerta hua nikal gaya. Usne chaku wale haath ko pakda, use moda, aur guard ke apne hi jism ka istemaal karte hue... uske apne hi haath se... chaku seedha uske kandhe ke aar-paar utaar diya.


Guard ki cheekh uske gale mein hi ghut gaya. Phoenix ne use chhoda nahi. Usne guard ko dhakka dekar saamne ek zang lage hue metal ke pillar par de maara. Chaku pillar ke metal ko cheerta hua andar ghus gaya. Ab woh guard, apne hi chaku se pillar par, ek keede ki tarah, latka hua tadap raha tha.


Aakhri guard yeh manzar dekh kar paagal sa ho gaya. Usne bhaagne ke liye palta. Par Phoenix ne use mauka nahi diya.


Ek pal mein woh uske peeche tha. Usne guard ke baal pakde, uska sir peeche kheencha aur apni hatheli se uske chehre par aam sa dikhne wala par ek kaatilana vaar kiya. Yeh vaar gaal par nahi, naak ki haddi aur upar ke honth ke beech ki nazuk jagah par tha. Ek gehra 'THWACK'... aur guard ki naak ka cartilage toot kar uske dimaag ki taraf dhans gaya. Uski aankhein safed ho gayi, jism akda aur woh bina koi aawaz kiye zameen par dher ho gaya.


Do minute se bhi kam mein, warehouse ab ek qabristan lag raha tha. Zameen par pade tadapte jism, khoon aur khauf ki badboo. Aur un sabke beech, Phoenix khada tha, uski saansein bhi tez nahi hui thi. Aisa lag raha tha jaise usne ladai nahi, bas roz ki kasrat ki ho.


Is brutal qatl-e-aam mein, uske sir se hoodie thoda sa peeche sarak gaya tha. Chand ki roshni uske chehre ke ek hisse par padi. Uski ek aankh... aur gaal par ek purana, gehra zakhm ka nishaan saaf dikh raha tha.


The Handler, jo ab tak pathar bana baitha tha, use dekhkar jhatke se apni chair se khada ho gaya. Uske haath se cigar gir gaya. Uski pathar jaisi aankhon mein pehli baar... khauf dikha. Ek aisi hairat jaise usne bhoot dekh liya ho.


THE HANDLER: (Kaanpti aawaz mein, jaise uski saansein atak gaya hai) "Nahi... yeh... yeh nahi ho sakta. Tum...? Tum toh uss raat... Haveli mein... uss aag mein... mar chuke the! Tum zinda kaise...?!"


Phoenix ke chehre par ek khatarnak, thandi muskaan aaya. Usne apni hoodie wapas apne chehre par kheench liya.


PHOENIX: "Kuch log aag mein jalne ke liye nahi, aag se nikal kar dushman ko jalane ke liye paida hote hain. Manali mein sirf Ravi ka imtihaan nahi hoga... uske har dushman ka aakhri sanskaar bhi hoga."


Woh palta, aur andhere mein aise gayab ho gaya jaise kabhi wahan tha hi nahi.


The Handler wahin pathar ka bhut bana khada raha. Uska poora jism khauf se kaanp raha tha. Usne aaj ek aise raaz ko zinda dekh liya tha jise 10 saal pehle uss Haveli ki aag mein dafan kar diya gaya tha. Khel ab sirf Ravi ke ateet ka nahi tha... khel ab Uss Haveli ke khooni itihaas ka ban chuka tha.



BAHUT KHATARNAK SUSPENSE

  • Phoenix kaun hai? Uska uss ahveli ki aag se kya sambandh hai? Kya woh Rathore parivaar se hai ya unke dushman se?
  • The Handler ne Phoenix ko kaise pehchana? Us raat Haveli mein aakhir hua kya tha?
  • Phoenix Ravi ko "Shehzaada" kyun kehta hai aur uski hifazat kyun kar raha hai? Kya woh dost hai ya koi aur bada khiladi?
  • Yeh Haveli ka raaz Arjun ke parivaar ke uss raaz se kaise juda hai jisse woh darta hai?
  • Ab jab The Handler jaanta hai ki Phoenix zinda hai, Manali mein uski agali chaal kya hogi?

Manali ki baraf ab sirf baraf nahi rahega... woh do parivaaron ke 10 saal purane khoon se laal hone wala hai. Khel ab school se nikal kar itihaas ke un panno tak pahunch chuka hai jinpar sirf Tabaahi likha hai.

Manali ki baraf ab sirf safar ki manzil nahi, anjaam ki zameen banne wala tha. Ek aisi zameen jahan har kirdaar apne ateet ka bojh utaarne aayega... ya ussi bojh tale dafan ho jaayega.

Khel ab school ki deewaron se nikal kar itihaas ke un panno tak pahunch chuka hai, jinpar sirf Tabaahi likha jaana baaki tha...

"Har chehre par naqaab hai, har nazar mein ek raaz... Barf par jab khoon girega, tab badlega itihaas."

...Kyunki kuch raaz aag mein jal kar bhi nahi marte, woh baraf ke neeche dafan hone ka intezaar karte hain. Aur jab woh pighlenge... toh Qayamat ka naya mausam aayega.



"Suna hai pahadon ki hawa mein sukoon hota hai... Par is baar, har saans mein maut ka junoon hoga."

"Yeh imtihaan nahi, ailaan-e-jung hai... aur Manali ki barf... is kahani ka kafan banega."



Jaanne ke liye, jude rahiye...
Click to expand...
Nice update bro
 
  • Like
Reactions: jeet1436 and parkas
S

Sushil@10

Active Member
1,067
1,157
143
jeet1436 said:
Update 8: Gumnaam Shehzaade Aur Shikaar Ka Mahaparv


Tokyo - Barfeeli Yaadon Ki Cheekh

TOKYO, JAPAN - PENTHOUSE - DER RAAT

Tokyo sheher, jo kabhi sota nahi, aaj YuKi ki aankhon mein ek neend ka intezaar kar raha tha. Apne vishaal penthouse ki kaanch ki deewar se woh neeche chamakti sadkon ko dekh raha tha, jahan gaadiyan jugnuon ki tarah daud rahi thi. Par uske 15 saal ke dimaag mein ek alag hi toofan tha. Woh Delhi se aaya khabaron ko padh raha tha, uska ungliyan tablet par tezi se chal raha tha.

"Arjun Rathore... Sia Sharma... Ravi Mishra..."

Yeh aakhri naam... Ravi Mishra... par aakar uski ungliyan ruk gaya. Uska aankhon mein ek ajeeb sa chamak aa gaya.

Thak kar usne aankhein band kiya, par neend usse koson door tha. Jab bhi woh aankhein band karta, use wahi manzar dikhta...


(Dream Sequence - Flashback)

Barf... hadd tak sirf safed barf. Kashmir ki jannat jaisi vaadiyan. Do chhote bachche, ek ladka aur ek ladki, khilkhila kar barf mein khel rahe hain. Hawa mein unki masoom hansi goonj raha hai.

Achanak, maahaul badal jaata hai. Hawa tez ho jaati hai. Aasman ka rang laal ho jaata hai, jaise khoon se naha gaya ho. Haveli... unki purani haveli aag ki lapton mein ghira hua hai. Cheekhein... har taraf sirf cheekhein hain.

Bachcha uss ladki ka haath pakad kar bhaag raha hai. "Bhaago! Yahan se bhaago!"

Par tabhi, ek saaya unke saamne aata hai. Saaye ke haath mein ek chamakti hui cheez hai. Bachchi darr se cheekhti hai. "Bhaiyya!"

Ladka uss saaye par jhapata hai, par woh bahut chhota hai. Ek zor ka dhakka... aur woh barf mein gir jaata hai. Uska aankhon ke saamne andhera chhaane se pehle, usey sirf uss saaye ka chehra dikhta hai... ek aisa chehra jise woh kabhi bhool nahi sakta.

(Dream Ends)

"Aaaaaahhhh!"

YuKi jhatke se uth baitha. Uska jism paseene se tar-batar tha, saansein toofan ki tarah chal raha tha. Aaj pehli baar, uss sapne mein usey uss saaye ka chehra saaf dikha tha.

Uska sevak, Kaito, darwaza khol kar andar aaya.

KAITO (Japanese mein): "YuKi-sama, aap theek hain? Phir se wahi sapna?"

YuKi ne lambi saans li. Uski aankhon mein ab bachpana nahi, ek sadiyon purani nafrat tha.

YUKI (Japanese mein, aawaz barf jaisi thandi): "Taiyaari karo, Kaito. Hum Delhi jaa rahe hain. Waqt aa gaya hai... uss saaye se hisaab lene ka."

Usne apne table par rakhi tasveer uthaya. Wahi black-and-white tasveer. Ek chota ladka... aur ek choti ladki.

YUKI (Apne mann mein): 'Main aa raha hoon... Ravi Mishra. Dekhte hain... tum shikaari ho... ya mera shikaar.'


INT. GWALIOR - MAHARANI DIVYANGANA'S CHAMBER

Ek purani, shaandaar haveli. Ek kamre mein deewar par ek badi si painting laga tha. Painting mein ek Raja aur Rani the, unke do chhote bete the . Ek 3 saal ka aur ek 1 saal ka . Bada beta Rani ke zyada kareeb tha.

Kamre mein Maharani Divyangana us painting ko dekh rahi thi. Unki aankhon se aansu beh rahe the.


DIVYANGI (Inner Monologue):
"Tumne humse humara sab kuch chheen liya. Humara raj, humara sammaan, aur... humara beta. Par ab nahi. Ab hisaab ka waqt aa gaya hai. Kismat ne apne mohre bhej diye hain. Mera beta lautega... apna haq lene. Aur uss din...

Unki aankhon mein intezaar nahi, inteqaam ki aag thi.


Part 1: Khamoshi Ka Shor (Toofan Ke Baad)

INT. GIRLS' HOSTEL - SIA'S ROOM - DER RAAT

Party ka shor kab ka aitihaasik yaadon mein dafan ho chuka tha, lekin Sia ke kamre mein ek alag hi shor tha—uske dil ki dhadkano ka, uski saanson ke utaar-chadhav ka, aur uske andar chal rahe vichaaron ke toofan ka. Kamra andhera tha, bas table lamp ki halki, peeli roshni uske chehre par pad rahi thi. Woh bistar ke ek kone mein ghutne mode, khud mein simti hui baithi thi. Uski Gulaabi kurti par abhi bhi cold drink ka daag tha, par use iski parwah nahi thi. Uski aankhon ke saamne baar-baar parking lot ka woh bhayanak manzar ghoom raha tha.

Ravi...

Ek saaya. Ek shikaari. Ek tabaahi.

Uske woh kaatilana moves... jismon ke tootne ki woh bhayanak aawazein... aur uski woh thandi, be-jazbaat aankhein. Un aankhon mein na gussa tha, na rehem. Bas ek maqsad tha—dushman ko tabah kar dene ka. Yeh woh Ravi nahi tha jise woh jaanti thi. Uska Ravi toh ek shaant jheel tha, jismein dard ke patthar girte the. Aaj usne dekh liya tha ki uss jheel ki gehraaiyon mein ek poora jwalamukhi dafan hai.

‘Yeh Ravi ka woh roop tha jiski usne kalpana bhi nahi ki thi. Yeh hero nahi, ek tabaahi ka manzar tha.’

Uske haath kaanp rahe the. Darr se zyada, ek ajeeb si hairat uske dil-o-dimaag par haavi thi. Kaun tha woh? Ek masoom, state topper ladka aisi brutal fighting styles kaise jaanta tha? Wing Chun, Krav Maga, Aikido... yeh naam bhi usne sirf filmon mein sune the. Aur Ravi... usne unhe aise istemaal kiya jaise woh uski saanson ka hissa ho.

Tabhi uska phone dheere se vibrate hua. Screen par "Dada Sahab" ka naam chamak raha tha. Usne ek gehri saans li, apne kaanpte haathon ko shaant karne ki koshish ki aur call uthaya.

SIA: (Aawaz mein kaampan saaf thi) "Pra-Pranaam, Dada Sahab."

DADA SAHAB: (Doosri taraf se wahi bhaari, sthir aawaz) "Vijayi Bhava. Tumhari aawaz mein ghabrahat hai, Sia beti. Sab theek toh hai? Arjun Rathore ne apna kaam kiya?"

Sia ne apni aankhein band kar li. Arjun. Uski hero-giri, uska gaana, uska protective nature... sab kuch ab ek dhokha lag raha tha. Par usse bhi bada sach Ravi ka woh anjaan roop tha. Arjun Uska hero-giri ab ek bachkaana khel lag raha tha Ravi ki uss brutal sachchai ke saamne.

SIA: "Haan, Dada Sahab. Arjun ne... usne mujhe bachaya. Poore campus ke saamne woh ek hero ban gaya hai. Uska vishwas jeetna ab shayad aasaan hoga."

DADA SAHAB: "Yeh toh achhi khabar hai. Toh phir yeh bechaini kyun?"


Sia kuch der khamosh rahi. Kya woh Dada Sahab ko Ravi ke baare mein bata sakti thi? Nahi. Yeh uski apni jung thi. Uska dil aur dimaag do alag-alag dishaon mein bhaag rahe the.

SIA: "Bas... bas thodi thak gayi hoon. Yeh nayi duniya, naye log... sab kuch bahut ajeeb hai."

DADA SAHAB: "Yaad rakhna, Sia. Jab maqsad bada ho, toh raaste ke kaante nahi gine jaate. Tum ek bahut badi jung ka hissa ho. Arjun Rathore sirf ek mohra hai. Asli Baadshah tak pahunchne ke liye, kayi pyado ko qurbaan karna padta hai. Jazbaaton ko apne upar haavi mat hone dena. Ek sipahi dil se nahi, dimaag se ladta hai."


"Ji, Dada Sahab." Keh kar Sia ne phone kaat diya.


‘Ek sipahi dil se nahi, dimaag se ladta hai.’

Par uska dil... uska dil toh uss anjaan, khatarnak, aur gumnaam astitva ke baare mein soch kar hi zoron se dhadak raha tha, jaise abhi phat jaayega.




INT. SHAHEED BHAGAT SINGH BOYS HOSTEL - ROOM 214 - USSI RAAT

Kamre mein maut jaisa sannaata tha. Amit aur Kabir gehri neend mein the. Par Ravi jaag raha tha. Woh apni study table par baitha tha, table lamp ki roshni mein Kallu ka wallet uske saamne rakha tha. Wallet ke andar se nikli parchhi par likha naam uski aankhon mein chub raha tha.

"Sameer - 98*****"*

Arjun Rathore. Shatranj ka khiladi.

Ravi ne apni aankhein band kiya. Party ka har ek pal uske dimaag mein chal raha tha. Ek 15 saal ke ladke ke liye yeh sab bahut zyada tha. Par Ravi aam nahi tha. Uske dimaag mein gussa nahi, ek thanda, hisaab lagane wala sannaata tha. Arjun ka Sia ke liye gaana, Riya ka Sia ko 'galti se' giraana, Aryan ka use dhamkana, aur phir Riya par 'attack'. Sab kuch ek script ki tarah tha, jiska director Arjun tha. Woh Sia ke saamne hero banna chahta tha, aur Riya ko uski 'gustakhi' ki saza dena chahta tha. Aur iske liye usne do alag-alag chaalein chali.

Ravi ki muthiyan bheench gayz. Gussa uske ragon mein laava ban kar daud raha tha. Par uske chehre par ek barfili shaanti tha.
Yeh Vashudev Mishra ke seekh tha. ‘Apni taqat, apna gussa... sabko apne andar samundar ki tarah shaant rakho.’

Usne wallet se Sameer ki parchhi nikaali aur use apni lighter se jala diya. Raakh uske haathon par giri.


RAVI (Inner Monologue, uski aawaz uske dimaag mein goonj raha tha):
"Tumne shatranj ki bisaat bichhayi hai, Arjun. Par tum bhool gaye... is jungle mein sher shatranj nahi, shikaar khelte hain. Tum Sia ko apni jeet samajh rahe ho... par woh is khel ka hissa bhi nahi hai. Aur jo is khel mein nahi hai, uski taraf aankh uthane wale ki aankhein... salamat nahi rehti."

Usne apni diary kholi aur ek naye panne par likha:

"Shatranj mein jab Baadshah hadh se zyada magroor ho jaaye, toh ek chhota sa pyada bhi use maat de sakta hai. Par main pyada nahi hoon. Main woh khiladi hoon jo is bisaat ke bahar baitha hai. Aur ab... main apni chaal chalunga."

Usne diary band ki. Uski aankhon mein ab nafrat nahi, ek thanda, hisaab lagane wala iraada tha. Uske andar ka DRAGON jaag chuka tha.



INT. RATHORE ESTATE - ARJUN'S ROOM - DER RAAT

Ek vishal, aalishan kamra, jo kisi mahal ke sheesh mahal se kam nahi tha. Ek deewar poori kaanch ki thi, jahan se Delhi sheher ki chamakti roshniyan dikh rahi thi. Arjun Rathore, apne mehenge suit mein, haath mein ek Scotch ka glass liye khada tha. Aryan paas ke sofe par baitha tha.

ARYAN: (Haste hue) "Kya performance tha, chhote! Maan gaya. Uss behenji ke liye gaana, phir uske liye gundo se ladna... 'Hero of the Year' ka award toh tujhe hi milna chahiye."

ARJUN: (Ek halki, jeet wali muskaan ke saath) "Yeh performance nahi tha, Aryan. Yeh ek zaroorat tha. Kuch logon ko jeetne ke liye, unke dil mein utarna padta hai. Sia alag hai. Woh power se nahi, parwah se prabhavit hoti hai."

ARYAN: "Parwah? Come on, Arjun. Hum Rathore hain. Hum parwah nahi karte, hum hukum dete hain. Waise, uss 'pahadi' Ravi ka kya? Maine use aakhri warning de diya hai. Agar ab woh Sia ke aas-paas bhi dikha...

ARJUN: (Aryan ki baat kaat-te hue, aawaz thodi thanda ho gaya) "Ravi... woh ek ajeeb paheli hai. Uski aankhon mein darr nahi dikhta. Aise log khatarnak hote hain. Par chinta mat kar. Mere paas uske liye bhi ek plan hai. Har khiladi ki ek kamzori hoti hai. Humein bas Ravi ki kamzori dhoondhni hai."

Aryan ne Scotch ka ek sip liya.

ARYAN: "Kamzori? Sia hi hai uski kamzori. Chheen lo usse. Khel khatam."

ARJUN: (Halke se haste hue) "Nahi, Aryan. Khel aise khatam nahi hote. Khel toh ab shuru hua hai. Ravi ko harana hai, par maidan mein nahi. Uski rooh ko todna hai. Aise... ki woh jeete ji mar jaaye."

Arjun ki aankhon mein ek aisi chamak tha, jo uske bhai Aryan ke gusse se kahin zyada khatarnak tha.



Part 2: Nayi Subah, Naye Khel (Agle Din School Mein)

EXT. SCHOOL CAMPUS - AGLI SUBAH

Agle din campus ka mahaul bilkul badla hua tha, campus ki hawa mein oxygen se zyada sargoshiyan tha. Freshers' Night ke kisse har zubaan par the. Arjun aur Aryan Rathore campus ke naye 'Superheroes' ban chuke the. Har taraf unka hi charcha tha. Ladkiyan Arjun ki ek jhalak paane ke liye bechain thi.

Riya, jise kal raat Ravi ne bachaya tha, use poore campus mein dhoondh rahi thi. Aakhirkar woh use library ke paas mil gaya.

RIYA: (Thodi hichkichate hue) "Ravi... main... main kal raat ke liye thank you kehna chahti thi. Agar tum nahi hote toh..."

Ravi ne bina uski taraf dekhe, bina ek lafz kahe, apna raasta badal liya aur wahan se chala gaya. Riya hairaan khadi reh gayi. Yeh kaisa ladka tha? Na tareef ki chah, na ehsaan ka bojh. Uske is bartav ne use aur bhi rahasyamayi bana diya tha.

Kabir aur Amit Ravi ke paas aaye.

KABIR: "Bhai, kya aadmi hai tu! Riya jaisi ladki tujhe thank you bolne aayi aur tu use ignore kar gaya? Suna hai kal raat tune gundo ko akele hi dho diya. Kahan se seekha yeh sab?"

RAVI: (Shaant aawaz mein) "Filmon se."

Keh kar woh aage badh gaya. Amit jaanta tha ki Ravi kuch chhupa raha hai. Woh uske jhooth ko pakad sakta tha, par woh chup raha. Kuch raaz, raaz hi behtar the.


INT. CLASSROOM - A TENSE ATMOSPHERE

Classroom mein mahaul ajeeb tha. Arjun hero ki tarah baitha tha aur Sia ke bagal wali seat par aakar baith gaya tha. Woh usse dheere-dheere baatein kar raha tha, aur Sia, apne Dada Sahab ke hukm ko yaad karke, usse aaram se baat karne ki koshish kar rahi thi. Par uski nazrein baar-baar pichli bench par baithe Ravi ko dhoondh rahi thi. Ravi shaant tha, uski nazrein kitaab par thi, par uska poora dhyaan Arjun aur Sia ki baaton par tha.

Tabhi, ek unexpected cheez hui. Alisha, apni modern dress aur confident chaal ke saath, class mein aayi aur seedhe Ravi ke bagal wali khaali seat par baith gayi.

ALISHA: (Muskurate hue, sirf Ravi ko sunayi de)
"Suna hai, khamosh paani gehra hota hai. Chalo dekhte hain, tum kitne gehre ho."

Poori class mein sargoshiyan shuru ho gayi. Kal party mein Alisha Ravi ke saath naach rahi thi, aur aaj uske bagal mein baithi thi. Sia ne jab yeh dekha, toh uska chehra utar gaya. Ek ajeeb si jalan uske dil mein uthi. Arjun ne Sia ke chehre ke bhaav dekh liye.

ARJUN (Inner Monologue):
"Perfect. Yeh Alisha anjaane mein mera kaam aasaan kar rahi hai. Jitna Sia Ravi se door hogi, utna hi mere kareeb aayegi."

Khel ab classroom ke andar bhi shuru ho chuka tha.



INT. SCHOOL LIBRARY - THE CONFRONTATION

Lunch break mein, Sameer library ke ek sunsaan kone mein baitha, is baat se bekhabar ki maut ka saaya uske peeche khada hai. Ravi ek aahat ke bina uske saamne aa khada hua. Sameer use dekhkar uchhal pada, uske haath se kitaab ghabra ke maare gir gaya.

SAMEER: "Ra-Ravi? Tum yahan? Kya kaam hai?"

Ravi ne kuch nahi kaha. Usne apni jeb se ek wallet nikala aur table par rakh diya. Yeh Kallu ka wallet nahi tha. Yeh Sameer ka apna wallet tha, jo shayad uski jeb se kahin gir gaya hoga.

Ravi ne wallet ko table par aage sarkaya.

RAVI: (Aawaz itna thanda tha ki Sameer ki rooh kaanp gaya)

Kallu. Parking lot. Suna hai, bade logon ke kutte bhi bade wafadaar hote hain. Apne maalik ka naam aakhri saans tak nahi lete."

"Insaan ko apni cheezein sambhal kar rakhni chahiye, Sameer. Wallet ho ya... raaz. Kabhi-kabhi, galti se gir jaate hain... aur galat haathon mein pahunch jaate hain. Agli baar dhyaan rakhna."

Ravi ne uski aankhon mein dekha. Uski nazron mein ek aisi warning tha jo lafzon se kahin zyada khatarnak tha. Sameer ka chehra safed pad gaya. Woh jaanta tha ki Ravi sab kuch jaanta hai. Woh samajh gaya tha ki yeh ladka woh nahi hai jo dikhta hai. Yeh aag ka ek dariya tha, jo shaant tha, par jiske andar poore samrajya ko jalaane ki taqat tha.

"Arjun se kehna kya usse lagta hai wo bahot bada Khiladi hai,yeh campus uski jaagir nahi shamshaan hai," Ravi ne dheere se kaha tha, "kuch khel shatranj ke board par nahi, shamshaan mein khatam hote hain. Aur yahan har koi shatranj nahi khelta , Kuch log... aakhri sanskaar ki taiyaari karte hain. Khel usne shuru kiya hai... par uski chita ki aag... main lagaunga.""

Ravi palta aur chup – chap wahan se chala gaya, jaise kabhi wahan tha hi nahi. sameer wahin pathar ka bhutt bana baitha raha. Uske kaanpte haathon se paani ka glass gir kar choor-choor ho gaya. Aaj use pehli baar ehsaas hua tha ki unhone ek aam ladke se nahi, ek anjaani, benaam tabaahi se panga le liya hai. Usne foran Arjun ko call kiya.

SAMEER: (Kaanpti aawaz mein) "Arjun... Ravi... woh sab jaanta hai! Humein usse bachna hoga. Woh... woh aam ladka nahi hai. Uski aankhon mein... maut dikhta hai."

Library mein, Ravi ne Sameer ko ek thandi, khamosh dhamki dekar Rathore camp mein apna khauf ka sikka jama diya tha. Uski aawaz mein na gussa tha, na unchaai, bas ek sannaata tha jo Sameer ki haddiyon tak mein utar gaya



EXT. CAMPUS GARDEN - SIA'S ATTEMPT

Sia ne himmat karke Ravi ko garden mein akele roka.

SIA: "Ravi, mujhe tumse baat karni hai. Kal raat parking lot mein kya hua tha? Riya keh rahi thi tumne use..."

RAVI: (Sia ki baat beech mein kaat-te hue, bina uski taraf dekhe)

"Mujhe is baare mein koi baat nahi karni."


SIA: (Uski aawaz bhar aayi)

"Kyun, Ravi? Kyun itne badal gaye ho? Tum mujhse door kyun bhaag rahe ho? Maine kya kiya hai?"


Ravi palta. Ek pal ke liye uski aankhon mein wohi purana dard aur pyaar dikha. Woh kuch kehna chahta tha, par phir use kisi ka warning yaad aaya. 'Uss ladki ko jitna khud se door rakhoge, woh utni hi mehfooz rahegi.'


RAVI: (Apne dil par pathar rakh kar, ekdum rukhi aawaz mein)

"Tumne kuch nahi kiya, Sia. Bas itna samajh lo, humari duniyaayein alag hain. Tum uss chamakti duniya mein khush raho... Arjun Rathore ke saath. Meri duniya andhera hai... yahan tumhare liye koi jagah nahi hai."

Yeh keh kar Ravi wahan se chala gaya. Har kadam uske dil par ek bojh ki tarah pad raha tha. Sia wahin khadi roti rahi. Ravi ke lafzon ne uska dil tod diya tha. Use laga jaise usne Ravi ko hamesha ke liye kho diya hai.



INT. GUPTA CYBER CAFÉ - ANJAAN PAIGAAM

Shaam ko, Ravi counter par baitha tha. Achanak, uske saamne wala computer, jo band tha, uski screen jilmilayi. Wahi kaale font.


"Haveli ki deewaron mein aaj bhi cheekhein qaid hain. Kya unhe sun paate ho... Shehzaade?"

Ravi ki ungliyan keyboard par jam gaya. Shehzaade? Yeh lafz... uske ateet ke uss hisse se juda tha jise woh khud bhi bhool chuka tha. Isse pehle ki woh kuch kar paata, screen wapas kaali ho gaya.


Yeh Arjun nahi tha. Yeh Alisha nahi thi. Yeh koi teesra tha. Ek aisa khiladi jo is khel ke har raaz ko jaanta tha. Ravi ke chehre par pehli baar, ek anjaani si bechaini dikha.



Part 2: Galiyon Ka Gumnaam Yoddha

SCENE: EK ANDHERI GALI, LAJPAT NAGAR - SHAAM 7 BAJE

Shaam ke 7 baj chuke the. Gupta Cyber Café ka shutter girne ki aawaz aaya aur Ravi bahar nikla. Delhi ka sardi dheere-dheere hawa mein apna zeher ghol raha tha. Hostel jaane ke liye usne hamesha ki tarah market ke peeche wali tang, andheri gali ka raasta liya.

Gali mein badboo tha, kachre ke dher the aur ek akeli, jhilmilati hui street light tha jo roshni se zyada andhere ka ehsaas dila raha tha. Ravi apne hi sochon mein dooba chal raha tha. Arjun ka khel, Alisha ka rahasyamayi ateet, Sia ki masoomiyat par mandrata khatra...

Tabhi, gali ke beech se aata kuch awaazon ne uska dhyaan toda. Yeh aam shor-sharaba nahi tha. Yeh awaaz tha jism par padte ghoonson ka, dard bhari karaahon ka, aur ek aisi, thandi, brutal khamoshi ki jo sirf ektarfa maar-peet mein hota hai.

Ravi ek deewar ke peeche saaye mein chup gaya. Uski aankhein andhere ko cheerne ki aadat rakhta tha.

Manzar bhayanak tha.

Ek ladka, umar yahi koi 16 saal, 5-6 badmashon se ghira hua tha. Par "ghira hua" kehna galat hoga. Woh ghira nahi tha; woh shikaar kar raha tha. Uske jism par ek phati hui hoodie tha, chehra andhere mein saaf nahi dikh raha tha, par uski raftaar... woh hawa se baatein kar raha tha.

Yeh gali ki aam ladai nahi tha. Yeh ek kala tha. Ek kaatilana kala.

Ek badmash ne lohe ki rod hawa mein ghuma kar uske sir par vaar kiya. Ladke ne jhuk kar vaar ko kandhe ke upar se jaane diya. Isse pehle ki rod neeche aata, usne rod ko apne haath se nahi, apni kohni se roka aur usi flow mein ghoom kar apni doosri kohni badmash ki pasliyon mein de maara. "Kadddak!"—haddi tootne ki saaf, brutal aawaz andheri gali mein goonj gayi. Badmash cheekhta hua neeche gir pada.

Doosra badmash uski taraf lapka. Ladke ne ek kadam peeche hatne ke bajaye, ek kadam aage badhaya. Usne badmash ke hamle karte haath ko pakda, uski kalai ko ek ajeeb angle par moda (Wing Chun ka 'Lap Sau'), aur usi ke jism ko ek dhaal ki tarah istemaal karte hue uske peeche se aa rahe teesre badmash ke saamne kar diya. Dono takra kar neeche gire.

Ravi, saaye mein khada, yeh sab ek trained aankh se dekh raha tha. 'Yeh koi street fighter nahi hai. Iski har movement calculated hai. Wing Chun, Systema, Krav Maga... in sabka deadly combination. Is umar mein... itni training? Impossible.'


Chautha badmash, un sab mein sabse hatta-katta, dahadta hua aaya. Ladke ne usse takkar lene ke bajaye, uske aage zameen par phisalte hue uski taangon ke beech se nikal gaya aur uthte hi uske ghutne ke peeche poori taqat se laat maari. Badmash ka balance bigda aur woh ghutnon ke bal neeche gira. Agle hi pal, ladke ne uske sir ko apne dono haathon se pakda aur saamne deewar par de maara. DHADAAM! Deewar par khoon ka ek gehra nishaan chhap gaya.


Ab sirf ek aadmi bacha tha. Woh darr se do kadam peeche hata. Usne apni jeb se ek chamakta hua chaku nikaal liya.

Gunda: "B...Bahut udd raha hai na? Ab aa!"

Ladka ruka nahi. Woh ek sher ki tarah uspar jhapta. Chaku jab uske pet ki taraf aaya, toh ladke ne ek aisi furti dikhaya jo insaani nahi lag raha tha. Usne apne jism ko hawa mein tircha kiya, chaku uski hoodie ko cheerta hua nikal gaya. Usne chaku wale haath ko pakda, uski kohni ko apne ghutne par rakha aur... "CHATTDAAAK!"


Ek bhayanak, rooh ko kaanpa dene wali aawaz aayi. Badmash ki kohni ka jod aam ki guthli ki tarah toot kar uske baazu se bahar nikal aaya tha. Uski cheekh gali mein aise goonji jaise koi jaanwar marne se pehle chilla raha ho.


Ladka ab un paanchon ke beech khada haanf raha tha. Usne ek nazar unpar daala, jaise kachre ke dher ko dekh raha ho.


Par is brutal khel mein, usse ek galti ho gaya tha. Pehla badmash, jiska pasli toota tha, kab dard se karahta hua utha aur usne apni jeb se ek chhota, desi katta nikaal liya tha, yeh usne nahi dekha. Ravi ne dekh liya tha.

Badmash ne katta seedha ladke ki peeth par taan diya.

Par usse bhi tez ek aur saaya tha.

Ravi andhere se ek jhonke ki tarah nikla. Isse pehle ki badmash trigger daba paata, Ravi uske peeche pahunch chuka tha. Usne badmash ke haath par is tarah se vaar kiya ki katta chhoot kar hawa mein uchhal gaya. Ravi ne katte ko hawa mein hi pakda, uske parts ko ek expert ki tarah alag kiya aur unhe gali ke alag-alag kono mein fenk diya. Yeh sab 2 second se bhi kam waqt mein hua.


Ab gali mein sirf teen log khade the. Ravi. Woh anjaan ladka. Aur woh tooti kohni wala gunda jo ab darr ke maare behosh ho chuka tha.

Woh 16 saal ka ladka jhatke se palta. Uski aankhein hairat se phaili hua tha. Usne Ravi ko dekha, jiske haath ab bhi katte ke tukdon se khali hue the. Dono ki nazrein mile.

Ladke ki aankhon mein na shukriya tha, na darr. Bas ek barfili, anjaan sa gehraayi tha. Uska chehra paseene aur khoon ke chhenton se sana hua tha, par uski aankhein... woh ek yoddha ka tha.


RAVI: (Shaant aawaz mein) "Kaun ho tum? Aur yeh sab kya hai?"


Ladke ne koi jawaab nahi diya. Usne ek aakhri nazar Ravi par daala, jaise uske astitva ko scan kar raha ho. Phir woh palta aur bina ek lafz kahe, andheri gali ke doosre chhor par bhaagta hua gayab ho gaya.

Ravi wahin khada reh gaya. Zameen par pade tadapte jism, khoon ki badboo, aur uss anjaan ladke ki khamosh nigahein.


RAVI (Inner Monologue):

"Yeh shahar jitna dikhta hai, usse kahin zyada gehra hai. Aur iski gehraaiyon mein... sirf main akela nahi hoon."


Aaj pehli baar, Ravi ko ehsaas hua ki is shahar mein woh ek aur gumnaam astitva se takraya hai. Ek aisa astitva jo uske jaisa hi tha—khatarnak, anjaan, aur raazon se bhara.

​


​

Part 3: Anjaane Dastak Aur Aane Wala Toofan

INT. RAVI'S HOSTEL ROOM - RAAT

Ravi apne kamre mein lauta toh uska dimaag sunn tha. Woh ladka... uska fighting style... uska khamoshi... sab ek paheli tha. Achanak, uske study table par rakhe uske band laptop ki screen jilmilayi.


Wahi kaale font, wahi anjaan paigaam.

"Jungle ke kanoon sheher mein nahi chalte, Shehzaade. Yahan har shikaari ke peeche ek bada shikaari hota hai. Sambhal kar."


Ravi ne jhatke se kursi peeche ki. Pehle Jhelum, phir Shehzaade, aur ab yeh warning. Yeh anjaan saaya uske har kadam par nazar rakhe hue tha. Use uss gali wali ladai ke baare mein bhi pata tha. Kaun tha yeh? Dost... ya uss ladke se bhi bada dushman?


EXT. RATHORE ESTATE - ARJUN'S PARANOIA

"Ravi sab jaanta hai! Uski aankhon mein maut dikhta hai!" Sameer ke yeh lafz Arjun ke dimaag mein baar-baar goonj rahe the. Woh ab tak Ravi ko ek chhota sa kaanta samajh raha tha. Par ab use ehsaas ho raha tha ki woh kaanta nahi, ek zehreela naag hai jo uske aasteen mein chhipa baitha hai.

Woh apne kamre mein aage-peeche tehel raha tha, jab uske phone par ek unknown number se message aaya.

Tere uss baap ko bol dena

"Haveli ki gaddiyan toh chheen li... par wahan ki aatmaayein abhi bhi insaaf maangta hain."


Arjun ke haath se phone chhoot-te chhoot-te bacha. Uska chehra safed pad gaya. Yeh unke parivaar ka sabse gehra, sabse kaala raaz tha. Ravi yeh nahi jaanta ho sakta. Toh phir kaun hai?


Use pehli baar ehsaas hua ki woh is khel ka akela khiladi nahi hai. Koi aur bhi hai, jo andhere mein baitha, sabki chaalein dekh raha hai. Ravi se uski dushmani ek taraf, par yeh anjaan dushman... yeh zyada khatarnak tha. Pehli baar, campus ke Baadshah ko laga ki uski baazi uske haath se nikal rahi hai


​


​
Part 3: Manali Ki Taraf - Ranbhoomi Ka Aamantran (Invitation to the Battlefield)

INT. SCHOOL ASSEMBLY HALL - THE ANNOUNCEMENT

Agle din, Principal Malhotra ne assembly mein announcement kiye.

PRINCIPAL: "Students, har saal ki tarah, is saal bhi humari school 11th grade ke liye ek 'Adventure Trip' organize kar raha hai. Aur is saal ka destination hai... Manali!"

Poora hall khushi ki cheenkhon se goonj utha. Manali. Barfile pahad, adventure sports, aur campus ke tension se doori.

Har chehre par muskaan tha, par humare chaar mukhya kirdaaron ke liye, is muskaan ke peeche alag-alag matlab the:

  • Arjun ke liye: Sia ko jeetne ka, use propose karne ka, aur Ravi ko hamesha ke liye raaste se hatane ka 'Golden Opportunity'.
  • Alisha ke liye: Pahadon ka woh mahaul jahan woh Ravi ki purani yaadon ko kured kar usse uske ateet ka aaina dikha sakti thi.
  • Sia ke liye: Delhi ke is daldal se kuch dino ki aazadi. Ek mauka Ravi se door jaakar apne toote dil aur bikhre mission ko sametne ka.
  • Ravi ke liye: Ek khula hua jaal. Ek maut ka kuan. Ek aisi ranbhoomi jahan uske dushman har taraf se use gherne ke liye taiyaar the. Ek aisi jagah jahan use jaana hi tha.

Ravi jaanta tha, yeh trip ek jaal hai. Uss anjaan ladke par hamla... uss anjaan message-bhejne wale ki warning... sab ishaara kar rahe the ki Manali ek ranbhoomi banne wali hai. Par ab uske paas peeche hatne ka vikalp nahi tha. Uss anjaan ladke ki tarah, sheher mein aur bhi khatre the. Woh Sia ko akela nahi chhod sakta tha.


INT. PRINCIPAL'S OFFICE - A NECESSARY RISK

Principal Malhotra aur Ms. Meera Kapoor office mein akele the.

MS. MEERA: "Sir, kya yeh Manali trip zaroori hai? Mahaul bahut ajeeb hai. Rathore brothers, Ravi, aur yeh nayi ladki Alisha... mujhe kuch theek nahi lag raha."

PRINCIPAL MALHOTRA: (Gehri saans lete hue) "Kabhi-kabhi toofan ko rokne ke liye, usey ek band jagah par aane dena zaroori hota hai, Meera. Yeh trip sirf ek trip nahi, ek zaroorat hai. Dekhte hain, is baar pahad kiska saath dete hain."

Unki aankhon mein ek ajeeb sa raaz tha, jaise woh is kahani ke sirf darshak nahi, kuch aur bhi the.


INT. RAVI'S HOSTEL ROOM - THE DILEMMA

Raat ko kamre mein, Amit ne Ravi ko pareshan dekha.

AMIT: "Tum is trip ko lekar ajeeb tarah se shaant ho. Logic kehta hai, jab dushman tumhe kisi jagah bulaaye, toh wahan jaana bewakoofi hai. Yeh ek trap hai, Ravi."

RAVI: (Khidki se bahar dekhte hue) "Jaanta hoon. Par kabhi-kabhi, jaal mein ghusna padta hai... shikaari ko yeh ehsaas dilane ke liye ki woh khud shikaar ban chuka hai."

AMIT: "Par kyun? Sia ke liye?"

RAVI: (Palat kar Amit ko dekhte hue, uski aankhon mein ek aisi gehraayi tha jo Amit ne pehle nahi dekha tha) "Kuch ladaiyan 'kyun' ke liye nahi, 'farz' ke liye ladha jaata hain, Amit. Aur mera farz... Sia ki hifazat karna hai. Chahe iske liye mujhe apni pehchaan hi kyun na mitaani pade."


INT. EK ANDHERI CAR MEIN, DELHI - USSI RAAT

Alisha ek andheri, tinted glass wali car ki pichli seat par baithi thi. Uske saamne ek laptop khula tha, jis par ek secure video call chal raha tha. Screen par ek saaya tha, chehra nahi dikh raha tha, par aawaz wahi pathar jaisi thandi thi.


ALISHA: "Report. Party mein plan ke mutabik sab hua. Maine Ravi ko uski haveli aur uss ladki ke baare mein yaad dilaya. Uske chehre par ek pal ke liye wahi purana dard dikha tha, par usne khud ko sambhal liya. Woh ab pehle se zyada control mein hai."

UNKNOWN VOICE: "Control... control todne ke liye hi tumhe bheja gaya hai, Alisha. Uska ateet hi uska sabse bada hathiyaar hai, aur uski sabse badi kamzori bhi. Humein jaanna hai ki 10 saal pehle uss raat uss haveli mein aakhir hua kya tha. Woh raaz uske andar dafan hai. Usse bahar nikaalo."


ALISHA: "Main koshish kar rahi hoon, Sir. Par woh bahut hoshiyar hai. Aur Sia... Sia uski dhaal hai. Jab tak woh uske aas-paas hai, Ravi tak pahunchna mushkil hai."

UNKNOWN VOICE: "Toh dhaal ko hi tod do. Arjun Rathore apna kaam kar raha hai. Tum apna karo. Agla mauka... Freshers' Trip. School do hafte baad Manali jaa raha hai. Pahad... Ravi ki purani yaadon ko taaza karne ke liye isse behtar jagah nahi ho sakta. Wahan, usse uske ateet ka aaina dikhana. Aisa... ki woh khud apni pehchhaan bhool jaaye."


ALISHA: (Ek khatarnak muskaan ke saath) "Jaisa aapka hukum, Sir."


Call cut gaya. Alisha ne laptop band kiya. Manali. Pahad. Ateet. Khel ab aur bhi gehra hone wala tha. Par woh nahi jaanti thi ki is khel ke kuch khiladi uski soch se bhi do kadam aage chal rahe the.



EK BANJAR WAREHOUSE, DELHI OUTSKIRTS - USSI RAAT

Sheher ki chamak-damak se door, ek purana, zang laga hua warehouse khada tha, jaise waqt ka ek bhoola hua bhoot. Andar, sirf chand ki roshni tooti hui chhat se aa rahi thi, jo zameen par bikhre kaanch ke tukdon aur dhool par ajeeb se pattern bana rahi thi.


Warehouse ke beech mein, ek akele, mehenge chair par ek shakhs baitha tha. Uska chehra andhere mein tha, par uske designer suit ka silhouette aur uske haath mein pakde platinum lighter ki chamak bata raha tha ki woh is banjar jagah ka hissa nahi hai. Yeh Alisha ka boss tha - The Handler. Uske chaaron taraf, kaale kapdon mein taiyaar 6 hathiyaarband guard khade the, bilkul bhut ke tarah, saans bhi lene mein kanjoosi karte hue.


Tabhi, warehouse ke doosre chhor par lage ek bade se, zang lage container ke upar se ek saaya neeche kooda. Aahat itni halka tha jaise ek patta zameen par gira ho.


Woh wahi 16 saal ka ladka tha jise Ravi ne uss andheri gali mein dekha tha. Wahi phati hui hoodie, wahi khamosh raftaar. Gumnaam Yoddha.

THE HANDLER: (Apni pathar jaisi thandi aawaz mein, bina uski taraf dekhe) "Tumhein aane mein der ho gayi... Phoenix."

Ladke ne apni hoodie ka saaya chehre par se nahi hataya. Uska naam 'Phoenix' tha.

PHOENIX: (Aawaz mein na darr, na lihaaz. Sirf ek thandi shaanti) "Main tumhare bulane par nahi aata. Main tab aata hoon jab zaroorat hota hai. Aur abhi... tumhara koi zaroorat nahi hai."

THE HANDLER: (Halke se hasta hai, par hansi mein mazaak nahi, zeher tha) "Zaroorat... Zaroorat toh ab padegi, Phoenix. Ravi Mishra... Shehzaada... Manali jaa raha hai. Aur meri team usse uske ateet ka aaina dikhane jaa raha hai. Main chahta hoon... tum is khel se door raho."

Phoenix aage badha. Uski har chaal mein ek shikaar ka furti tha.

PHOENIX: "Ravi ka ateet ek band darwaza hai. Agar tumne use zabardasti kholne ki koshish kiya... toh andar se jo toofan niklega, woh tumhari poori duniya ko le doobega. Woh abhi taiyaar nahi hai."

THE HANDLER: (Ab uski aawaz mein halka sa gussa tha) "Taiyaar? Main usse taiyaar karne nahi, todne jaa raha hoon! Uske andar woh raaz dafan hai jiske liye 10 saal se do khandaan ek doosre ke khoon ke pyaase hain! Uss raat uss haveli mein kya hua tha, yeh sirf Ravi jaanta hai. Aur woh yeh raaz tabhi ug lega... jab uski rooh toot kar bikhar jaayegi. Main usse todunga... taaki main us raaz ko paa sakun."


PHOENIX: "Aur main uss raaz ki hifazat ke liye yahan hoon. Ravi tak pahunchne se pehle... tumhein mujhse guzarna hoga."


Yeh ek ailaan-e-jung tha.

The Handler ne apne lighter se ek mehenga cigar jalaya.

THE HANDLER: "Maine socha tha tum samajhdar ho. Afsos. Tumne galat side chuna."

Usne apne guards ko ishaara kiya. "Ise zinda ya murda... meri chair ke saamne lao."

6 guard, jo kisi bhi maamuli insaan ke liye maut ka farmaan the, ek saath Phoenix par badhe. Unke chehron par berahmi tha, par unhe nahi pata tha ki woh ek insaan se nahi, ek anjaani tabaahi se takrane jaa rahe the. Aur Agli pal jo hua, woh kisi toofan se kam nahi tha.


Guard 1, jiske haath mein zang lagi hui metal pipe thi, dahadte hue aage badha aur usne poori taqat se pipe Phoenix ke sir par maara. Hawa ko cheerta hua pipe jab neeche aa raha tha, toh uski 'swish' ki aawaz maut ki seeti jaisa tha.


Par Phoenix hila nahi. Woh uss vaar ke andar chala gaya. Ek aisi furti jo gravity ke niyamon ko tod raha tha, usne jhuk kar pipe ko apne upar se jaane diya. Isse pehle ki guard dobara vaar kar paata, Phoenix ka haath ek bijli ki tarah utha aur usne pipe wale haath ko hawa mein hi pakad liya.


Usne haath ko roka nahi, use ek lever ki tarah istemaal kiya aur guard ke jism ko uske apne hi vaar ki gati mein ghuma diya. Guard ki cheekh nikal gayi jab Phoenix ne uske baazu ko ek ajeeb angle par mod diya. Ek bhayanak, rooh ko kaanpa dene wali 'POP' ki aawaz aayi. Guard ka kandha uske jod se nikal chuka tha.


Ab woh guard ek zinda dhaal tha. Guard 2, jo uske peeche se aa raha tha, kuch samajh paata, usse pehle Phoenix ne uss toote haath wale guard ko ek jhatke mein uske saamne dhakel diya aur uske haath se chheeni hui pipe poori taqat se doosre guard ke ghutnon par de maara. Pipe jab haddi se takraya toh ek gehra, gila 'KRRRRAAAACK' ka shor hua. Guard ek jaanwar ki tarah chillata hua neeche gir pada, uski taang ek bekaar maans ke lothde ki tarah latak rahi thi. Phoenix ne pehle guard ki gardan ke peeche ek sateek vaar karke use behosh kar diya.


Guard 3 aur 4 ne yeh dekh kar ek saath, do alag dishaon se hamla kiya. Unka plan Phoenix ko beech mein phansane ka tha.


Par Phoenix zameen par ek saaye ki tarah phisal gaya. Woh itni tezi se neeche jhuka ki laga jaise uske jism mein haddiyan hi na ho. Zameen se lagbhag chipak kar, usne ek pair se 360-degree sweep kiya. Yeh vaar itna taqatwar aur achanak tha ki dono guards ke pair hawa mein uth gaye aur woh peeth ke bal concrete ke thande farsh par jaa gire.


Unke girne ka 'DHADAAM' ki aawaz abhi aaya hi tha ki Phoenix unke upar khada tha. Usne neeche jhukne ki zehmat nahi kiya. Usne apna bhaari boot uthaya aur poore vazan ke saath Guard 3 ke takhne par rakh diya. Ek aur dil dehlane wala 'KRRRUNCH' ki aawaz. Guard ki cheekh warehouse ki deewaron se takra kar goonj utha. Usne foran doosre guard ki
pasliyon par ek laat maara. "Kaddak... Kaddak..."—do pasliyon ke tootne ki saaf aawaz aaya.


Ab sirf do bache the. Unki aankhon mein ab gussa nahi, khauf tha.


Guard 5, jiske haath mein ek chamakta hua chaku tha, darr aur gusse mein andhadhund aage lapka. Phoenix bilkul shaant khada raha, uski nigahein sirf chaku ki dhaar par tiki thi. Jaise hi chaku uske dil ke paas pahuncha, woh hawa mein ek patte ki tarah tircha ho gaya. Chaku uski hoodie ko cheerta hua nikal gaya. Usne chaku wale haath ko pakda, use moda, aur guard ke apne hi jism ka istemaal karte hue... uske apne hi haath se... chaku seedha uske kandhe ke aar-paar utaar diya.


Guard ki cheekh uske gale mein hi ghut gaya. Phoenix ne use chhoda nahi. Usne guard ko dhakka dekar saamne ek zang lage hue metal ke pillar par de maara. Chaku pillar ke metal ko cheerta hua andar ghus gaya. Ab woh guard, apne hi chaku se pillar par, ek keede ki tarah, latka hua tadap raha tha.


Aakhri guard yeh manzar dekh kar paagal sa ho gaya. Usne bhaagne ke liye palta. Par Phoenix ne use mauka nahi diya.


Ek pal mein woh uske peeche tha. Usne guard ke baal pakde, uska sir peeche kheencha aur apni hatheli se uske chehre par aam sa dikhne wala par ek kaatilana vaar kiya. Yeh vaar gaal par nahi, naak ki haddi aur upar ke honth ke beech ki nazuk jagah par tha. Ek gehra 'THWACK'... aur guard ki naak ka cartilage toot kar uske dimaag ki taraf dhans gaya. Uski aankhein safed ho gayi, jism akda aur woh bina koi aawaz kiye zameen par dher ho gaya.


Do minute se bhi kam mein, warehouse ab ek qabristan lag raha tha. Zameen par pade tadapte jism, khoon aur khauf ki badboo. Aur un sabke beech, Phoenix khada tha, uski saansein bhi tez nahi hui thi. Aisa lag raha tha jaise usne ladai nahi, bas roz ki kasrat ki ho.


Is brutal qatl-e-aam mein, uske sir se hoodie thoda sa peeche sarak gaya tha. Chand ki roshni uske chehre ke ek hisse par padi. Uski ek aankh... aur gaal par ek purana, gehra zakhm ka nishaan saaf dikh raha tha.


The Handler, jo ab tak pathar bana baitha tha, use dekhkar jhatke se apni chair se khada ho gaya. Uske haath se cigar gir gaya. Uski pathar jaisi aankhon mein pehli baar... khauf dikha. Ek aisi hairat jaise usne bhoot dekh liya ho.


THE HANDLER: (Kaanpti aawaz mein, jaise uski saansein atak gaya hai) "Nahi... yeh... yeh nahi ho sakta. Tum...? Tum toh uss raat... Haveli mein... uss aag mein... mar chuke the! Tum zinda kaise...?!"


Phoenix ke chehre par ek khatarnak, thandi muskaan aaya. Usne apni hoodie wapas apne chehre par kheench liya.


PHOENIX: "Kuch log aag mein jalne ke liye nahi, aag se nikal kar dushman ko jalane ke liye paida hote hain. Manali mein sirf Ravi ka imtihaan nahi hoga... uske har dushman ka aakhri sanskaar bhi hoga."


Woh palta, aur andhere mein aise gayab ho gaya jaise kabhi wahan tha hi nahi.


The Handler wahin pathar ka bhut bana khada raha. Uska poora jism khauf se kaanp raha tha. Usne aaj ek aise raaz ko zinda dekh liya tha jise 10 saal pehle uss Haveli ki aag mein dafan kar diya gaya tha. Khel ab sirf Ravi ke ateet ka nahi tha... khel ab Uss Haveli ke khooni itihaas ka ban chuka tha.



BAHUT KHATARNAK SUSPENSE

  • Phoenix kaun hai? Uska uss ahveli ki aag se kya sambandh hai? Kya woh Rathore parivaar se hai ya unke dushman se?
  • The Handler ne Phoenix ko kaise pehchana? Us raat Haveli mein aakhir hua kya tha?
  • Phoenix Ravi ko "Shehzaada" kyun kehta hai aur uski hifazat kyun kar raha hai? Kya woh dost hai ya koi aur bada khiladi?
  • Yeh Haveli ka raaz Arjun ke parivaar ke uss raaz se kaise juda hai jisse woh darta hai?
  • Ab jab The Handler jaanta hai ki Phoenix zinda hai, Manali mein uski agali chaal kya hogi?

Manali ki baraf ab sirf baraf nahi rahega... woh do parivaaron ke 10 saal purane khoon se laal hone wala hai. Khel ab school se nikal kar itihaas ke un panno tak pahunch chuka hai jinpar sirf Tabaahi likha hai.

Manali ki baraf ab sirf safar ki manzil nahi, anjaam ki zameen banne wala tha. Ek aisi zameen jahan har kirdaar apne ateet ka bojh utaarne aayega... ya ussi bojh tale dafan ho jaayega.

Khel ab school ki deewaron se nikal kar itihaas ke un panno tak pahunch chuka hai, jinpar sirf Tabaahi likha jaana baaki tha...

"Har chehre par naqaab hai, har nazar mein ek raaz... Barf par jab khoon girega, tab badlega itihaas."

...Kyunki kuch raaz aag mein jal kar bhi nahi marte, woh baraf ke neeche dafan hone ka intezaar karte hain. Aur jab woh pighlenge... toh Qayamat ka naya mausam aayega.



"Suna hai pahadon ki hawa mein sukoon hota hai... Par is baar, har saans mein maut ka junoon hoga."

"Yeh imtihaan nahi, ailaan-e-jung hai... aur Manali ki barf... is kahani ka kafan banega."



Jaanne ke liye, jude rahiye...
Click to expand...
Superb update and nice story
 
  • Like
Reactions: parkas and jeet1436
jeet1436

jeet1436

New Member
79
106
34
UPDATE 9 READY HAI DOSTON BAS THODA EDITING KA KAAM BAKI HAI KAB UPLOAD KARUN BATA DO

AUR ISS WALE UPDATE MEIN BHOT SAARE SURPRISE HAI EK YESI TABAHI JO HAR KISI KE ROOH KAAPNE MEIN MAZBOOR KARDE
 
  • Like
Reactions: parkas
HIDDEN DRAGON

HIDDEN DRAGON

I Do It Solo
32
28
18
jeet1436 said:
UPDATE 9 READY HAI DOSTON BAS THODA EDITING KA KAAM BAKI HAI KAB UPLOAD KARUN BATA DO

AUR ISS WALE UPDATE MEIN BHOT SAARE SURPRISE HAI EK YESI TABAHI JO HAR KISI KE ROOH KAAPNE MEIN MAZBOOR KARDE
Click to expand...
Abhi dedo
 
  • Like
Reactions: jeet1436
You must log in or register to reply here.
Top