Fantasy Kaisa Yeh Ishq Hai.... Ajab Sa Risk Hai...... (Completed)

[nain11ster]

Running Story....

Read The Fantasy Drama Menia
Kaisa Ye Ishq Hai~Ajab Sa Risk Hai~Reload


Real All My Completed Stories....

Enjoy The Emotions And Thriller Journey..
100 Encounter:- The Journey Of An Innocent Girl

Read The Thrill In Romance...
Bhanvar

Read Crazy Fantasy Romance Drama
Kaisa Ye Ishq Hai..... Ajab Sa Risk Hai....​

 

[nain11ster]

Update:-60​

Taliyon ke aawaj ne dono ke bojhil aakhon ko kholne par majboor kar diya.. Jivisha khadi bhid ko jab samne dekhi to sharmakar apne chehre ko Nischal ke sine me chhipa lee.. tabhi bhid ko side karte wahan police pahunch gayi…


"Kaun hai.. kaun hai jisne khud ke atmhatya ki dhamki dekar yahan ke announcing booth ko capture ki thi… kaun hai wo ladki"..


Manager:- Yahi dono hain sir, mall ko lovers park bana rakha hai…


Inspector ne ek najar dono ko dekha aur apne sath chalne kaha… Piche se manager inspector ko awaj lagate huye kahne laga… "Sir complaint to likhiye"…


Solanki:- Tu majhe kaam sikat aahese.. Isse bhi dal re Jeep me .. thane me jakar mamla darj hoga.. band karo mall ko..


Manager:- Sorry sir main to bus apni complaint likhwa raha tha..


Solanki:- Chal thane teri complaint likhta hun..


Solanki apne sath dono ko niche late, apni jeep me bitha liya aur Hawaldar ko bolkar inki car aage lane ke liye kaha.. kuch dur aage ja kar Solanki ne dono ko niche utara aur wahan se chala gay..


"Ye kya tha"… Jivisha car ki side seat par bait'ti hui puchne lagi..


Nichal use jabardasti driving seat par dhakelte… "Ye bade bhaiya ke niche kaam karta hai Solanki bhaw.. isliye chhod diya"


Jivisha mud'kar Nischal ke hont ko chumti… "Baby, yahan dhakka kyon de rahe, jao na driving seat par"..


Nichal bhi kiss ka jawab kiss se dete huye… "Tum hi chale jao na Jisa.. mere pasliyon me sujan hai driving karna thoda muskil hota hai…"


Jivisha:- Huhhh ! Main sab samjh rahi hun.. lekin aaj tum drive karoge aur main tumhe dekhungi..


Nischal:- Lekin ab akele dekhne me kya maza .. maza to tab hai jab hum dono ek dusre ko dekhte rahe..


Jivisha:- Haan ye jyada behtarin sujhao hai… Idea..


Pahle Jivisha ne Nandni ko call lagaya… "Nandu samjha le apne close one ajib se dost ko, warna main mar dalungi isse.. iss se kah de car ki key wapas kar de..


Nandni ne fir Nischal ko call laga diya…. "Nischal ye kya hai… aise irritate karke uska dil jitoge.. chabhi de de usse please"..


Nischal:- Nandu tu bich me mat par.. samjh kya rakha hai isne mujhe… main nahi dunga chabhi..


Nandni:- Acha bata kahan hai tu iss waqt..


Nischal:- Iss billi ki shakal wali ke pass.. iss se jyada main kuch nahi bata sakta…


Nandni, Jivisha se pata puchh'kar teji me college se nikli… "Pagalpan ki had hai… dono pyar karte hain .. Nischal ka to fir bhi thik hai… dono me badmash wo Jivisha hi hai.. jaroor usne hi padesan kya hoga Nischal ko"..


Nandni dono ke bataye pate par pahunchi. Jivisha ki car bhi wahin khadi thi… lekin dono me se koi dikh nahi raha tha… Nandni, Jivisha ko call lagayi… "Baby ruko na .. Nandu ka call hai"..


Nischal, Jivisha ke hont ko apne honton me dabate huye kiss karne laga… ek puri ring hokar call kat gayi. Jivisha bhi Nischal ko apne upar se hatane ki kosis to kar rahi thi, lekin Nischal hate na aisi khwaish bhi thi.


Nandni char kadam aage badh'kar unke car ke pass pahunchi… aur jaise hi shishe se ander dekhi… "Jivisha seat se tiki hai aur Nischal uske upar aur dono honth se honth laga'kar ek dusre ko chum rahe"


Nandni jor-jor se darwaje par laat marne lagi. Dono sidhe hokar kapde aur baal thik karte niche utre… Nandni apni ghurti najron se dono ko ek-ek kar ke dekhti ja rahi thi..


Nischal:- koi bhoot dekh li hai kya, jo aise reaction de rahi..


Jivisha:- Oye meri Nandu se bilkul mazak nahi.. padesan dikh rahi hai kuch..


Nischal:- Ab kuch bolegi ..


Nandni ke dimag me visual chalne laga.. abhi kuch dino pahle ki, jab Jivisha aur Nandni ki baat ho rahi thi aur tab Jivisha kahi thi…. "Hum dono mil'kar pagalpan karenge jiska effect multiple hoga".. Nandni dono ke liye khushi jahir karne se achha apni jaan bachana jyada sahi samjhi..



Nandni daud'kar apne car ke ore bhagi.. usse bhagte dekh Nischal bhi bhaga… "Arre tum dono ek dusre ke sath bhag jaoge to main kiske sath bhagungi"..


"Duffer jaldi aao, Nandu hum dono ko chhod kar bhag rahi hai"… Nischal bhagte huye jawab diya..


"Ohhh ! Ladki hoshiyar ho gayi hai. Rok ke rakho Nischal, main bhi bhagti hui aayi".. Piche se Jivisha ne bhi daud lagayi..


Nandni Jabtak car me baith'ti tab-tak Nischal piche ki seat par baith chuka tha.. aur car ko start karke aage badhati tab-tak Jivisha bhi pichhe baith gayi…


Nandni:- Tum dono utar lo jaldi me.. warna mujhe se bura koi na hoga…


Jivisha:- Yaar tujhe khushi na hui kya, hum dono finally… woohooooo..


Nandni:- Mujhe tum dono ke bare me shuru se pata hai.. pahle akele-akele ek dusre se pyar kar rahe the, ab ek dusre ke sath karoge .. naya tum dono ke liye hoga, mere liye nahi. Chalo ab utar jao…


Nischal:- Kya Nandu, tu achanak aise kyon behave kar rahi hai. I feel bad..


Nandni:- Ohk, Ohk, Ohk.. Ummid hai tum dono ko mera behave kharab lag raha hoga..


Dono ek sath chhota sa muh banaye… "Haan"..


Nandni:- Thik hai ye batao mujhe call kar'ke kyon bulaye the. Aur bina koi natak sidha point to point..


Jivisha:- Humara abhi-abhi izhar hua hai.. woohooooo..
Nichal:- Hum bus ek dusre me khona chahte hain.. yeahhh
Jivisha:- Ek chhoti si problem thi.. Hume ek dusre ko bina palken jhapkaye dekhna chahte the..
Nischal:- Aur humari car bhi chalti rahe..
Dono ek sath:- "Aise mauke par tumse best kaun hota"

Nandni:- Kaminey sale, dono piche baith'kar ras lila karo aur main tumhari driver banu.. bus mera sixth sence pahle se bhanp gayi thi.. Jivi tu aage aa mere sath aur tum wo car lekar college aao Nischal..


Dono ek sath… "Lekin abhi to hum mile hai"


Nandni piche ghum kar dono ko ghurti hui chhilayi…. "Jitna kahi utan suno.. chal tu utar re.. aur tu aage aa abhi… dono pagal, ab sath ho gaye ho to, mujhe hi pagal bano. Jaldi se mera kaha maan lo warna main tum dono me se kisi se baat nahi karne wali..


"Baby lagta hai Nandu serious hai"… "Haan Jisa mujhe bhi kuch-kuch aisa hi lag raha, ab duniya ko naraj kar sakte hain lekin Nandu ko kaise kar de"..


Nandni:- Emotional blackmail karne ki achi kosis hai. Lekin aisa kuch hai jo tum dono ke bare me main nahi janti..


Ek left se aur dusri right se… Nandni ke gal ke dono ore Nischal aur Jivisha... "Jab aisi baat hai to humre dil par bijliyan kyon gira rahi ho"…


Teeno abhi baat kar hi rahe the ki, teeno ke phone ki ghanti ek sath bajne lagi… alag-alag logon dwara teeno tak suchna pahunchi ki Swarn villa yani ke Jivisha ke ghar jaldi se pahuncho. Yahan bawal macha hua hai.


Jivisha:- Kamini kahin ki, hume romance bhi nahi karne diya. Le ab ghar se phone aa gaya.. Chalo ab panchayat me.. baby tum jara bhi mat ghabrana.. aur haan advance me sorry.. sab tumse bade hain wahan .. koi kuch bole to gam sah lena..


Jivisha, Nischal ke hont ko jaldi se chumti hui car se nikli aur dono ko ghar pahunchne boli… Nandni ne car ki staring Nischal ko thama di aur khud bagal me baith'kar pahle Sawalker, fir Jyoti aur fir Ansh ko call laga'kar, uske flat pahunchne ke liye boli… Karan batati hui Nandni ne sabko saaf kah diya Nichal ka rista tay karna hai..


Nandni ne call laga'kar sabko bulane par Nischal ke dimag me bhi idea aa gaya aur wo Nandni ko ek number dial karne kaha, aur phone speaker par dalne…


"Hello kaun".. Udhar se Josefer bola..


Nischal:- Tera baap bol raha hun..


Josefer:- Mere pass pahle se 2 baap hai Viggo, kahta hun Jija ban jao sunte hi nahi..


Nischal:- Bheja kharab karega to phone me ghus'kar marunga. Acha mere kaam ka kya hua..Visuals le liye tune..


Josefer:- Haan abhi-abhi mila hai.. kahan lana hai..


Nischal:- Tu wo visual lekar mere sasural chala aa aur sun mujhe apna ek reserch earth par bechna hai... Complete yahin ki technology hai.. koi buyer mil jayega jo ache paise de de..


Josefer:- Product detail bhej do to buyers ki line laga dun.. Ye sala Jatin bahut badi hasti tha… iske connection to top ke hain…


Nischal:- Besharm aur usse bhi tune upar pahuncha diya.


Josefer:- Viggo iske marne se to mujhe punya hi mila hoga.. bahut bada papi tha.. iske liye afsos kyon karna..


Nandni:- Chutiye Josefer, matlab tu vesh badal'kar uss din aaya tha club me. Ek kaam karna tu dikhna mat mujhe.. warna maut ka jhatka taiyar rakha hai..


Nischal:- Kya hai Nandu, ye kaisi bhasha hai.. aur jane do bechare ko.. maaf bhi kar do..


Josefer:- Bhai main bol raha hun isse aap apna sagird bana lo. Nandni pure sansar ko aapke kadmo me laa degi..


Nandni:- Chal re maska polish …. Main yahan tujh se bade-bade dhurt ke bich rahti hun... Sun oye chilgoje, Kasak se to tu dur hi rahiyo.. agar pyar wali feeling dal'kar usse depression ka shikar banaye na to tera shikar to waise hi hona hai.


Josefer:- Aur agar dur raha to..


Nandni:- To samjh le jindgi bach gayi tere...


Josefer:- Kamal ke ho tum log bhi… Kisi ko kuch bhi ho to sabke sur ek jaise ho jate hain.. filhaal main kaam par dhyan deta hun.


Josefer ka jaise hi call disconnet hua Nandni chillane lagi… "Arre tere shadi ki baat karne aise hi chale jayenge.. Chal pahle shopping karne chalte hai."


Nischal:- Ek kaam kar tu jab tak shopping mall pahunch, tab tak main apna ek bag le aata hun.. Pyar apni jagah lekin ijjat bhi koi chij hai ki nahi.


Nandni:- Ye hui na baat.. Chal thik hai main wo ekant me gadi khadi karti hun tu bhag ke ja aur iss duniya ke liye koi dhang ka aawishkar le aa..


Nandni shopping mall pahunchkar usse location ke bare me information dene ke baad Nischal ke liye pura outfit select karne lagi. Iss bich Jivisha ka phone aa gaya aur wo dono ke bare me puchhne lagi..


Nandni ne Jivisha ko "shadi ki baat karne aa rahe hai" iss ka pura plan bata diya sath me yeh bhi kah di ki taiyar hokar rahe.. Jaise hi call disconnect hua Nischal bhi pichhe se pahunch gaya…


Takriban aadhe ghante ki kharidari ke baad dono wahan se flat pahunche… Ansh wahan pahle se pahuncha hua tha aur un dono ke aane ke kuch samay baad hi Sawalker aur Jyoti bhi pahunch gaye.

 

[nain11ster]

Update:-61​

Takriban aadhe ghante ki kharidari ke baad dono wahan se flat pahunche… Ansh wahan pahle se pahuncha hua tha aur un dono ke aane ke kuch samay baad hi Sawalker aur Jyoti bhi pahunch gaye.


Sablog wahan se taiyar hokar sidha Jivisha ke ghar nikle. Mukhya dwar se hote huye jaise hi hall me pahla kadam para samne majistrate ko dekh kar Sawalker salam thokne laga.


"Abe ye tera sasur, registar office ke log aur ye majistrate ko bitha kar kya panchayat kar raha hai"..

"Mujhe kya pata bade bhaiya, lagta hai dahej me bahut sara maal milne wala hai"..

"Sun chhote, 2-4 lakh apne bhai ko bhi gift kar dena, teri bhabhi ke liye bahut dino se shopping nahi ki hai"..


Dono ki baat sun'kar Jyoti gusse se kahne lagi… "Sharm karo tum dono, yahan darwaje par hume khade kiye hain.. koi ander aane ke liye puchh nahi raha aur tum dono lalchi insan.. dahej ki baat kar rahe ho"…


Itne me Nandita unke pass pahunchi… "Maaf kijiyega, wo sab paper work me vyast the to dekh nahi paye... Aaeye na aap log bahar kyon khade hain.. Nischal tum jara mere sath aao"..


Nandita un sab ko bithati hui Nischal ko akeli le jakar… "Main apne pariwar ke ore se aaj subah ki ghatna ke liye mafi mangti hun… manti hun bahut bura vayvhar kiye the, lekin kya karen thodi dwidha me sabhi fase hain, jis wajah se kisi ka dimag kaam nahi kar raha"..


Nischal:- Rahne do bhabhi, mujhe bura bhi laga aur ab main uss baat ko bhul bhi chuka hun.. haan lekin kisi ke liye nafrat nahi hai dil me..


Nandita, muskurate huye uske gaal thap-thapate… "Dono khush rahna. Thik hai chal ab jara kaam ki baat kar liya jaye"..


Nischal:- kaun sa kaam bhabhi..


Nandita:- Sawal nahi chal chupchap..


Nischal jab wahan sabke bich pahuncha, tab Jivisha bhi taiyar ho kar aa chuki thi.. abhi dono ki najar milni shuru hui thi aur chehre par muskan tairna shuru hi hua tha, ki itne me aawaz aane lagi… "Nischal kaun hai.. Yahan aakar sign karo"..


Nischal:- Lekin ye signature kis liye..


Kramchari:- Shree Bhupendra ji ne apni 12 carore ki hotel aap ke naam ki hai, jiska malikana haq aaj se aap ka hoga. Yahan aa kar sigh kijiye.. ..


Nischal sab ke madhya me khade hokar Jivisha ko dekh'kar muskuraya aur sab ko sambodhit karte huye kahne laga...


"Sab se pahle to main Nandita bhabhi ka dhanywad kahna chahunga, kyonki apni nanad ke liye koi aankh mund kar bina soche 12 carore ki sampatti dan kar de.. koi mahan hi hogi.

"Halanki main unki bhawna ko chot nahi pahunchana chahta tha, kyunki bhabhi ne to Jivisha ko apni beti hi mana hai aur humare yahan ka riwaj hai ki beti ko dan-dahej ke sath bhejte hain.. lekin maaf kijiyega… Aap log kam se kam ek baar mujh se puch to lete ki main bhawishya me kya karna chahta hun."

"Paise kamane ke liye meri kya plannig hai ya fir abhi main paise kamane ke liye kuch kar raha hun ya nahi. Agar wakai me main koi nakara hua to fir 12 carore ki sampatti mujhe de do ya 1200 carore ki, lutane me koi waqt nahi lagega.. aur yadi mujhe khud par viswas hai to 12 kya 12000 carore, kama kar Jivisha ke kadmon me bichha dunga"..

"Basically matter sirf itni si hai ki, kuch bhi ek tarfa faisla lene se pahle puchh to lete ki main kya karta hun aur bhawishya me kya karna chahta hun.. khud hi sari baton ko soch kar bhadi sabha me mera collor pakad liye.. Kaun se sabhya samaj me aisa hota hai"..


Himanshu:- Isme ek tarfa sochne wali baat nahi thi. Tumhare kapde ke paise Jivisha de rahi thi. Free me apne dost ke yahan pare rahte ho. Na koi sampatti hai aur na hi tumhare parent ka koi pata. Tumhara admission management kota me hua hai.. ummid karta hun tumhe ye bhi pata nahi hoga ki kisne paise diye hain.. wo tumhari dost Nandni ne diye the 2 lakh rupye.. Haan manta hun ki maine jo kiya wo galat tha.. kaho to sabke samne main mafi bhi maang sakta hun.. main ego nahi palta beta.. lekin tumne ye kaise soch liya ki maine pata nahi lagaya hoga.. maine sab pata lagaya hai.. ab tum batao ek ladki ka pita iss se jyada kya kare..


Nischal:- Aap ne adhura pata lagaya uncle.. ek baar sidhe bhi to puch sakte the... Khair thodi si galatfehmi abhi dur kiye deta hun... Filhaal to Nandita bhabhi, yadi aap sach me Jivisha ko apni bachi manti hain to uske chunaw par bharosa rakhiye aur sabko wapas bhej dijiye.


Jabtak Nischal baat kar raha tha, Jatin bhi wahan pahunch chuka tha, jise dekh'kar Kasak ghabrayi si uske pass ja kar uske aane ka karan puch rahi thi aur wo bus kah raha tha dekhti jao…


Nischal ne Jatin ko bulaya aur bag se laptop nikal'kar usse kuch dikhane laga…. "Nischal lekin translator to google me hai, aur wo log aur aage isse develope bhi karenge"..


Nischal:- Unse baat kar'ke unhe ye translator software bhejo. Unki agle 5 sal ki mehnat kam ho jayegi. Lagbhag earth ki puri bhasha decode hai, aur pahle se jyada accuracy hai..


Jatin ne software detail lekar Google ke India operation ke head se baat kiya aur usse wo softwere bhej diya. Kuch der me hi unka official reply aaya… wo log ye software ko 1 carore me kharid rahe hain, aur yadi softwere developer Google ke sath kaam karna chahe to usse naukri bhi offer kar rahe hain…


Nischal ne associate ke job ke liye haami bhi bhad diya, jisme uske hisse me bhi kayi aise Google ke mahatwkanshi project aayenge jiske app ya software Google develope karne ke liye intrested hai. Usse project me help aur yadi softwere develope kar leta hai hai uske according pay kiya jayega…


Ab madhya me Nischal ke sath Jivisha bhi khadi thi. Hath badha kar usne Nischal ko apne pass bulaya… dono hi samne khade the aur pariwar ke sabhi sadasya dono ko he dekh rahe the…

Nandita:- Sab yahin hain aur mujhe nahi lagta ki ab kisi ko aitraj bhi hona chahiye Nichal aur Jivisha ke rishte se… kyon mammi, kyon papa.. Ravi, Abhinash… koi aitraj….


Sabne ek sath… "Nahi hume koi aitraj nahi hai"…


Jivisha daud'kar Nandita ke pass pahunch gayi aur uske gal ko chumti hui kahne lagi… "Bhabhi aap superb hain"..


Nandita:- Aur tu duffer hai… Jab usse itna chahti hai to tumhe sidha mere pass aana chahiye tha na… Tumhari bewakoofi ka natija hai sab, warna itne drame hote hi nahi..


Jivisha, Nandita ke kandhe se apna sar tika kar kahne lagi… "Ab chhodo bhi bhabhi, jo bit gaya so bit gaya"..


Sawalker:- Himanshu ji, jab sab ne Nischal ko pasand kar hi liya hai to fir baki baten bhi ho jaye to acha rahega..


Himanshu:- Ye bhi sahi hai, lekin uss bechare Shresh ka kya karen jise maine dusri baar shadi ke liye haan kah diya hai. Kaise mana karun ussi bare me soch raha hun..


Nischal:- Uncle aaj aap rahne dijiye.. Aaram se kal usse mana kar dijiyega..


Nischal ne Sawalker ke kan me kuch baten kahi, aur wo sab logon se izazat lekar, Jyoti ke sath nikal gaya. Dhire-dhire ek-ek karke pura pariwar bhi wahan se chala gaya…


Nischal aur Jivisha dono hi hall me baithe the aur ek dusre ko dekh'kar muskura rahe the… "Tumhe dekh kar kuch-kuch hota hai baby"… bolte waqt gudgudate arman aur mast si muskan Jivisha ke chehre par chhayi hui thi…


Nischal usse lekar sofe par baitha aur uska hath thame… "To mujhe itne din se jaan bujh'kar pareshan kar rahi thi... Haan.. Tumhe jara bhi raham nahi aayi"..


Jivisha, Nischal ke sine par apna sar tikati… "Tumahre liye itni mehnat se taiyar hui, aur tumne ek baar bhi meri tarif nahi ki"..


Nischal, Jivisha ke sar par hath ferte-ferte dhire se apna hath uske gardan tak le jate huye, kuch nabj ke sath chhed-chhad kiya aur wo apni baat samapt karti hi behosh ho gayi. Nischal uske mathe ko chumte huye…. "Aahhh ! Tum kitni pyari lag rahi ho. Main kya bataun apne arman.. tumhe dekhte huye to main sadiyan gujar dun. Filhaal kuch logon se hisab karke aata hun, fir hum aur humara pyar hoga.."


Nischal kafi teji se uss ghar me chakkar katna shuru kiya. Jis kisi ke bhi karib se wo hawa ke jhonke ki tarah gujarta, wo besudh hokar behosh para hota. Har kisi ko behosh karne ke baad Nischal pure ghar ko ache se dekha ki kahin koi narbhakshi to yahan pahle se nahi chhipe. Pura sunischit karne ke baad Nischal bahar aaya aur Nandni se uss jagah ko pura cover karwaya..


Andhera ho chuka tha aur sham ke 6.30 baj rahe the. Nischal apne prayogsale me pahuncha.. Apne sbhi kapde utar kar, apne us sahjade ke roop me taiyar hua, jiske liye usse pura Aizem grah janta tha… Ek laparwah jo kewal ek badi si khanjar aur bina kisi tecnology ke dushman kheme me samne se ghusta tha..


Ek laparwah sahjada, jiske dushmano ke bich bhade mahol me hona hi, sabke liye chinta ka vishay ho jaise. Apne dushmano ke bich Nischal ka bekuff gast lagana, jaise uss mahol ke bhid me bhay paida kar deta ho…. Aur jab wo apni tej atthas lagata to mano sabke ruh kanp gati ho. Ek laparwah sahjada, ek baar fir apne dushmano ke bich jane ke liye taiyar ho chuka tha.


Milne ka samay raat ke 9 baje sunischit kiya gaya tha. Rijo sham ke 6.30 baje tak apni ranniti anusar sab logon ko taiyar kar chuka tha… Rijo ke sath ek pura jattha Malkia ke ghar ke liye kuch karne wala tha. Nischal yahan par behrupiya Rijo aur Apini se baat karta aur udhar jabtak Malkia ko le jane ki puri prakriya samapt ho jati. Wahin baton ke dauran aisi jahar wali manmohak chij Nischal ko pilayi jati ki uska sarir niskriya par jata aur uske sainik usse khatm kar dete.


Sham ke 6.30 baje… Rajeev Gandhi Geological Park ke maidani hisse me aag jal rahi thi. Aag ke charo ore baithne ko vyavstha thi, jahan par Rijo aur Apini baithe huye the. Bahrupiye Rijo aur Apini wahin unke samne baithe the aur Asli Rijo unse aakhri baar apni ranniti dohra raha tha.


Pass me hi sainikon ke ek jattha Jivisha ke pariwar par humla kar, unka safaya karne tatha pariwar ke logon ka roop badlne ke baad Jivisha ko chhal kar Zoren le jane ke liye taiyar tha, Jo apne apne Rijo aur Apini ke isharo ki pratiksha me tha.


Un logon thik piche 1000 sainik aadha gola banakar baithe the aur 500 adrishi janwar usse ardh gole ko pura karte uss jagh ko gol ghere baithe huye the…


Rijo bilkul madhya me baitha hua apne bahrupiye Rijo ke samjha'kar jaise hi khada hua, usse aisa laga tej hawa ka jhonka uske kano ke pass se gujra ho. Jab najar utha kar jhonka ki disha ke ore Rijo ne dekha, to uss sidhi rekha me parne wala har adrishi janwar thoda bahut hulchal kar raha tha.


Rijo jungle ke mahol me chalne wali aam hawa ka jhonka samjh kar baat ko andekha kiya aur jaise hi bahrupiye Rijo ke kandhe par hath dala, uska pura sharir bhar-bhara kar sqare ke aakar me jamin par bikhar gaya… Jaise hi yah najara sabhi sainikon ne dekha, unko Josefer ki baat yaad gayi. Ek Viggo Sigma wo bhi unidentified first class Alpha.

 

[nain11ster]

Update:-62​

Har sainik ki fusfusahat shuru ho gayi thi. Apini aur Rijo ashrya se ek dusre ka muh dekh rahe the. Aur thik Rijo ke piche se kadak dahar si awaz sunai di…. "Thode aaschrya thode dar me dikh rahe, dono. Baat kya hai"..


Nischal piche se Rijo ke kandhe par hath dete huye kaha, lekin Rijo jaise hi pichhe muda wo uske thik samne khada tha….. "Wahan pichhe kise dhundh raha hai be.. samne dekh"..


Samne ka najara dekh'kar to Rijo aur Apini ki dhakane aur bhi jor marne lagi. Bahrupiye Rijo ke pass baitha bahrupiye Apini ke sharir par dhire-dhire lambi si khanjar chal rahi thi aur Nischal uske badan ko bade maje se square shape me kat raha tha… Rijo apna thuk gatakte huye… "Ye aap kya kar rahe hai Viggo"..


Nischal apna kaam teji se pura kiya, khada hokar shaynn se thik uske samne khade hokar… "Apne bahrupiye ko tune kat'te huye nahi dekha na Rijo, isliye iss kide Apini ke bahrupiye ko slow motion me kat kar dikha raha tha. Waise ye square shape me mast dikh raha hai tera behrupiya.... Le apni bhukh mita le kha'kar.


Apini, apna sar jhukaye hath jode… "Viggo aap to baat karke samsya ka hal nikalne aaye the na"..


Nischal:- Haan yaar aaya to wahi sochkar tha lekin ye 2 ek jaise shakl ke kidon makodon ki prajati bahut confusion paida kar rahi thi. Baith jao tum dono, ab koi confusion nahi hai"…


Nischal ke apmanit shabd sabko chubhe to jaroor, khun bhi khaula kintu uska hona hi wahan par bhay tha aur har koi ussi bhay me daba sa ja raha tha. Rijo aur Apini apne mathe ka pasina pochh'kar baith gaye aur Rijo kahne laga…. "Viggo aap to yahan ke samaynusar 9 baje aane wale the na"..


Nischal:- Tune kisi ko mujh par najar rakhne nahi kaha tha kya? Matter tujhe pata to chal hi chuka hoga. Fir bhi yadi koi shanka hai to main usse dur kiye deta hun…

Nischal un dono ke charo ore chakkar lagana shuru kiya.. aur apni attahas bhadi awaz me bolna shuru kiya… "Mujhe, mera joda iss prithvi par mil gaya..… Naam Jivisha hai aur chunki aaj hi pyar ka izhar hua hai isliye maine socha 7 baje tak kaam khatm karke usse thoda samay dun… koi galat socha kya"..


Nischal un dono ke charo ore chakkar kat'te huye aise bhay paida kar raha tha ki wo agar piche se hath bhi unke kandhe par rakhta to shwans atak jati aur aisa lagta jaise ab gardan gaya uska. Nichal agar piche hota to dono ke gardan piche ghum jata aur jab bayen hota to gardan bayen hoti.


Wahin dur bhid ke bich me baithi Tanisha, pure gusse se chillati hui kahne lagi…

"Rakhail maa ke kokh se paida hua ek badjaat sahjada, jo apne grah ka bhagoda hai, wo Viggo kya nikal gaya tum sab to dar ke mare jamin me gade ja rahe. Prithvi ke kamjor se begairat prajati, jiske maans hum jab chahe noch-noch kar khate hain, un badjaat insano ke liye, ye Nischal, apne pita ka ye najayaj santan tum sab ko jalil kar raha hai aur tum sab sun rahe… 2 tukdi ek sath humla karo aur iska sar kaat kar mere kadmon me lakar do.


Nischal, Rijo aur Apini ko dekhte huye… "Kya yaar main to yahan pyar se mamla suljhane aaya tha… Khair, let the show begin"…


Tanisha ne yuddh bigul funk dee. 2 nahi balki apman jhel rahe sabhi sainik ek sath khade ho gaye. Har do sanik ke pass ek adrishi janwar aur 2 sainik tukdi, mauth ka ghere me fasa kar Nischal ko marne ke irade se teji se aage badh gayi. Nischal bhi unki ore daud laga diya… Itni tej wo dauda ki Rijo aur Apini ko aisa laga jaise Nischal yahan se gayab hokar wahan pahuch gaya aur wahan se gayab ho kar,l daur rahe sainikon ke najdik…


Nischal ko marne ke liye jabtak hath upar uth'ta, lagbhag na dekh wali speed se chalta khanjar apna faisla karte aage badh chuki hoti. Gala fade dard bhari chinkh bahar hoti… sharir se kata hua hissa hawa me upar hota aur bacha hua dhar niche jamin par. Aisa lag raha tha halal hone ke baad bakda jamin par gida hai aur farfrate badan se nikalte pran ke sath khun bhi nikal raha ho.


Sainikon ke jhund ke bich Nischal aisa ghira ki usse ab Rijo aur Apini to nahi dekh pa raha tha, lekin kata, fata hath, kamar se upar ka sarir aur chinkhte huye kata sar jamin par gir rahe the aur lashon ke dher wahan banta ja raha tha.. Koi beraham katil unke bich me ghusa, iss kadar kahar barsa raha tha ki wahan se sabhi sainik apne-apne adrishi janwar ke sath, apni jaan bachakar bhagna shuru kar chuke the…


60 sainik aur 30 adrishi janwar ke jatthe ko katne ke baad, khun me nahaya hua Nischal, lashon ke dher ke upar khada tha. Apne ek hath me bada sa khanjar aur dusre hath ki mutthi me Tanisha ke baal ko daboch kar, uska kata hua sar upar uthaye huye tha… taja khun ab bhi Tanisha ke gardan se tap-tap kar chu raha tha…


Nischal lashon ke dher ke upar khade hokar Tanisha ke chehre ko apne chehre ke karib laya aur khun se sane apne honth se uske honth chumte puchne laga….

"Janeman aise naraj hokar chup kyon hai… kya bol rahi thi jara fir se bol."…. Tanisha ke ore se koi jawab na aane par Nischal jor se daharte huye puchne laga…. "Bol na nich prajati, mai uss waqt sun nahi paya tha"..… Dobara puchne par bhi koi jawab na milne par, kata sar Rijo aur Apni ke kadmo me fekte huye… "Oye Apini, ye teri maasooqa kya kah rahi thi yaar, puchh kar bata jara. Lagta hai mere se naraj ho gayi hai. Je mayla Rijo, ye tere log aur wo kamjor se janwar kahan bhag gaye re"


Nischal ke aatank ke bhay se Rijo aur Apini kanp rahe the… jaise hi Tanisha ka kata sar Apini ke kadmon me gira, wo sar ko pakad kar rone laga… Idhar Nischal ke sawal ka jawab nahi mila tha isliye wo shaynnn se hawa bankar thik Rijo aur Apini ke samne tha… "Oye Apini tu romance baad me kar lena, pahle uss se puch ki wo kah kya rahi thi.. Aur sannata tu.. abe idhar udhar kya dekh raha hai, tujh se hi kah raha hun chutiye Rijo"..


Rijo:- Jaaa .. jaaaaa … ji Viggo..


Nischal:- sala tu to yahan shahrukh khan ko fail kar de… kaaa.. kaaaa… Kiran… Abe wo tere Zoren ke khatarnak tukdi kidhar gayi be..


Rijo:- Viggo . Wooo .. Woooooo..


Nischal usse ek thappad khich kar marte…. "Sale saste mimikary artist, ek hi baar haklana achha hai... Baar-baar bore karta hai... Fir mujhe gussa aa jayega… tere wo khatrnak tukdi aur kide jaisa wo tera janawar ki fauj kahan gayab hai..


Rijo:- wo bhag gaye ..


Nischal fir se usse ek thappad marte … "Abe kahne ko to tum sab sale apni badai me kahte ho .. hum toofan hain... nakara se grah Zoren ki shan hai.. kiske pichwade me ghused aaya aan, ban shan… Sale tujh se acha to mera sasur hai... Koi sainya prasikshan nahi liya usne, lekin fir bhi baat-baat me mera collor pakad leta hai aur ek ye tere trained log the.. dar ke bhag gaye... Thuuuuu…

"Ye to cheating hai yaar, main yahan baat karke masla suljhane aaya, to pahle ye Tanisha bhadak gayi aur uske sath sena ki ek tukdi bhadki. Unko samjane gaya to tumhare sena ke bache log yahan se bhag gaye. Sala ye chal kya raha hai. Tu bus apne Mahamahim ke hilane ke liye uska khas bana kya chutiye, koi control hi nahi tera to tere sena par.. ruk teri izzat bacha deta hun aur jara unko saja dekar aata hun, fir aaram se baat karenge…


Nischal apni baat kahkar lagbhag gayab sa ho gaya wahan se aur jo un fizaon me sunai de rahi thi, wo tha kahar. Rijo ke sath aaye adrishi janwaron ke maut ki changhar aur unke sainikon ki chinkh aur pukar dil dahlane wala tha.


Mar kahin bhi rahe the, lekin kate-fate sharir ek jagah hi lakar jama kiya ja raha tha… Rijo Apini ke hath se Tanisha ka kata sar lekar unhi lash ke dher me fekte huye… "Apini wo Sigma Viggo humare logon ko marne me laga hai.. Apini .. hosh me aao . Jab tak wo vyast hai hum bhag lete hain … chalo yahan se."


Apini kuch hosh me aaya aur Rijo ke sath wo bhi bhagne laga.. takriban 300 meter ki duri par jab dono pahunche to aage badh hi nahi pa rahe the.. aisa lag raha tha wahan kisi ne pardarshi dewar khadi kar di ho…


Jab najar ghuma kar Rijo aur Apini ne dekha, to kinare se uske kayi sainik aur adrishi janwar pura jor laga'kar bahar bhagne ki kosis kar rahe the.. Thabhi aisa laga jaise koi majboot pahad uske janwar ke upar giri ho aur fachak se uska sarir kisi machhar ki tarah masal kar ussi pardarshi deewar se chipka di gayi ho. Dekhte hi dekhte kuchli hui lash kisi painting ki bhanti chipak rahi thi, jiska rang diwaron se niche chu raha tha... Aatank ka aisa khufnak najara dekh kar dono ki ultiyan nikal aayi aur dono uss pardarshi deewar ke pass se hat kar apni jagah par wapas aa gaye.


Bus kuch der aur lage, sabhi sainik aur adrishi janwar ki lashon ka dher bilkul wahin ussi aag ke pass laga hua tha… Nischal aaram ki ek angdai lete un dono ke pass pahuncha… "Abe jab main apne dayre se baha bhagne walon ko masal'kar chipka raha tha, fir tum dono ko kisne kaha tha ki wahan deewar par apne sar pito. Acha hua main mud gaya wahan se, warna tum dono bhi dher me pare hote. Fir main baat karke mamla kis se suljhata…"


Apni ek pura bhada hua handi Nischal ke ore badhate… "Viggo aap sabko saza dekar kuch thaka sa mehsus kar rahe honge, isse pikar apne ander sfurti le aaeye"..


Nischal us handi ko lekar un lashon ke upar fekte huye kahne laga…. "Sale Zoren grah ke Jalil log, lana hi tha to prithvi ki ye anuthi aur sabse nayab pine ki chij le aate, jise shrab kahte hain. Ye kya utha'kar laga tha jo pesab se bhi ganda bash mar raha tha. Khair samay kya hua hai wo bata"..


Apini:- 7 baj kar 10 minute ho rahe hai..


Nischal:- Kamal hai sala Aizem grah ke sab se kamjor seema ki sabse kamjor 100 logon ki tukdi bhi mujh se ladti to kam se kam 2 ghante to tik hi jati aur saath me mujhe jaal mahal ilaz ke liye to bhej hi deti. Ye kaisa shaktishali tukdi tha be.. mahaj aadhe ghante me bhagte huye dher ho gaye. Iss se acha to lad hi lete…


Rijo:- wahan kewal ek hi ladta hai aur jab wo ladta hai tab uske samne khade hone ki himmat kisi me nahi hoti. Matr 1000 ki tukdi thi ye.. humare pass 5000 carore sainik 2000 carore adrishi janwar ki fauj hai Viggo. Aap ki hatt prithvi par ek anchana yudh ke sanket lekar aayegi. Aur jab wo khud aayega fir waqt kitna beraham ho sakta hai, ye aap bhi nahi soch sakte… beshak hum aur humare log nahi tike aapke samne lekin aapke jaise 100, Mahamahim ke samne nahi tikenge…


Nischal:- "Yaar thoda kamjor ho gaya hun yahan aakar, isliye dhang se nahi lad paya, iska ye matlab nahi ki tu bejjati karne lag jaye. Khair mudda ye hai ki maine to apni zindgi ki jivan sangni to chun liya. Aur mujhe umr bhar akele jine ki koi ikchha nahi hai. Isliye apne taam-jham samet aur tum dono niklo yahan se."

"Dono ko sirf isliye jinda chhod raha hun, kyonki jakar apne uss Mahamahim se batao ki yahan ek Viggo ko uski Malkia pasand aa gayi hai. Yahi nahi Malkia ke sath sath uss Viggo ko apna ye sasural prithvi bhi pasand aa gaya hai."

"Fir chahe tera 1 Mahamahim yahan aane ki ikchha rakhe ya 100 Mahamahim. Tere pass 5000 carore ka Sanya bal ho ya 500000 carore ka sainya bal ho… main sirf akela .. sirf akela… unhe iss grah ke orbit ke bahar khatam kar dunga.. Tumhare ek viman iss prithvi par laut kar yadi utar aaye, to main apna gala kat kar tere Mahamahim ko bhent kar dunga…"

"Jakar usko bol main akela khada hun yahan aur yadi usme dum hai to yahan ki sima me ghus kar dikhaye… Ab ja iske pahle ki mujhe uss bechari ladki Sapna ka khyal dil me aa jaye aur main shayad tumhe bhi un lash ke dher me pahuncha dun.."

"Oye aur sun, jane se pahle in sab lashon ko wo narbhakshi wala roop dete jana, jiske ajib se nakhun aur dant nikle hote hain… bade bhaiyya ko commissioner to bana hi dun yahan ka… aur laut'kar dobara mat aana yahan…"

 

[Nevil singh]

Hahahah ... Kewal saikadno me mujhe laga caroron me likhenge ..

Kshma parbhu aage se aishi truti nahi hogi. Ab toh ginna hi chhod denge sahib.

 

[Naina]

Nanana ye wala na naina ji are wo kya tha .. begane ho gaye wala .. wo wala pls

इसलिए इसलिए
ये भटकाव अच्छा नहीं इश्क बुरी बला होती है लग जाये तो आसानी से पीछा नहीं छूटता। आपको मना तो नहीं कर सकतीं पर इतना जरुर जान लीजिए की प्रीत का स्वाद जो चखा जुबान ने फिर बेगाने हुए जग से समझो.....
Btw my favorite story character jassi urf thakurain jashpreet ki mashoor dialogue thi yeh..

 

[Nevil singh]

Aap ke kahe shabd kafi Priya hote hain... Dahnywad mitr


for your fabulous support... Keep reading, keep commenting

Shukriya mitr.

 

[Nevil singh]

Vikakshn lekhan Shelly.. Nevil bhai ise sandarv me likha gaya maan lun athwa aap meri khinchai kar rahe hain

for your fabulous support... Keep reading, keep commenting

Mitr prem ki paati me jara bhi mail na milega ye dil se nikle udgaar hai.
Aage aapki ichha mitr.

 

[Nevil singh]

Abhivadan...



Kya karun Nevil bhai... Aap sang jo chal rahe bina sama fir wo baat kahan rahegi...

for your fabulous support... Keep reading, keep commenting

Aapki jarre nawaji ka bahut-bahut shukriya mitr.

 

[Nevil singh]

.. aap kis shabdawali shresth hain ..

for your fabulous support... Keep reading, keep commenting

Shukriya mitr.

 

[Nevil singh]

You welcome






for your fabulous support... Keep reading, keep commenting

Shukriya mitr.