Romance Mentality [Completed]

[Champ_AK_81]

UPDATE 78​

Riya Raj ki baat sunne ke baad bhi khaamosh rehti hai....Wo Raj ko sambhalne ka time de rahi thi....Dono kuch time ke liye shaant rehte hai....Iss khaamoshi ko todte hue Raj Riya ke chehra dekh kar kehta hai....

Raj:- Tumhe bhi accha nahi laga na ye sab jaan kar....Pehle hi kaha tha ye baat jaana jaroori nahi hai...Bekaar me tum bhi pareshaan ho gayi....

Riya:- Bahut buraa lagta hoga na iss tarah kisi ka bewafayi karne se....

Riya ne thoda chinta aur fikar ke saath Raj se pucha...

Raj:- Abhi to utna dard nahi hota....Jab uski yaad aati hai to thoda dard hota hai lekin jald sambhal jaata hu....Ha pehle bahut dard hota tha....Mera bhi haal unn aashiq jaisa ho gaya tha jinhe pyaar me dhokha mila....Bahut mushkil hota tha bina kisi ko bataaye ghut ghut kar jeena....Jaise taise sambaal liya khud ko apne family ke liye....

Raj ki aawaj me dard to abhi bhi tha lekin pehle jaisa nahi....Wo abb kuch hadd tak sambhal gaya tha....

Riya:- Mai tumhe samjhaa to nahi sakti kyuki maine ye situation ka kabhi saamna nahi kiya....In fact mujhe pyaar bhi nahi hua.....Iss liye bewafai ka kya dard hota hai ye mujhe nahi pata....Bas itna kahungi ki tum me bahut himmat hai jo aage badh paaye.....Bahut log aise hote hai jo pyaar na milne se khud ki hi life barbaad kar dete hai.....Galat raasta chun lete hai....Lekin tumne aage badhne ka socha...

Riya ki baat se Raj thoda mushkuraata hai aur fir dard bhari aawaj me kehta hai....

Raj:- Life ki sabse badi galti tha jo pyaar kar baitha....Aaj ki duniya me saccha pyaar bahut kam milta hai ye jaante hue bhi pyaar kar baitha....Abb uss galti se sabak mil chuka hai....Life me kuch bhi karo lekin pyaar nahi....Tumhe bhi yahi suggest karunga ki ho sake to pyaar se dur rehna....Baaki tumhaari marzi...

Riya:- Nahi Raj ye baat galat hai....Saccha pyaar aaj bhi duniya me hota hai aisa mujhe lagta hai....Bas choice accha hona chahiye....Accha insaan se pyaar kiya to saccha milta hai aur pyaar galat aur matlabi insaan se hua to pyaar me dhokha milta hai...Bas insaan ko acche se pehchaana padta hai. Aur mai ye baat yakin ke saath keh sakti hu ki tumhaara ye soch ek din jarur badlega aur tumhe bhi saccha pyaar par yakin ho jaayega....

Raj Riya ki baat par thoda hass kar kehta hai....Maahaul pehle se thoda halka ho gaya tha...

Raj:- Mujhe fir se kisi se pyaar ho jaayega....Aisa tumhe lagta hai....No chance....Abb maine dil ko kaabu karna sikh liya hai....

Riya:- Dil par kisi ka kaabu nahi hota....Ye baat tum bahut pata chal jaayega....Aur ha mai vishwaas ke saath kehti hu ki tumhaari soch pyaar ke liye ek din jarur badlega aur tumhe bhi kisi se pyaar ho jaayega....

Riya ne ye baat hass kar aur confidently kaha....Abb Raj bhi serious hokar kehta hai....

Raj:- Ye baat laghbhag impossible hai....Koi ladki mujhse pyaar karegi nahi aur mai bhi kisi ke picche jaaunga nahi....To pyaar hona to impossible hai....

Riya:- Kisne kaha koi ladki tumhe pyaar karti nahi....

Riya ki baat sun kar Raj buri tarah chaunk gaya...

Raj:- Kya???Kya kaha tumne???Koi ladki hai jo mujhse pyaar karta hai....Lekin kaun....Aur tumhe kaise pata????

Raj kis tarah se chaunk gaya tha ye uski baato se pata chal raha tha.....Riya bhi bahut himmat jutaa kar, aankheband karke dhire se kehti hai....

Riya:- Wo ladki mai hu....

Riya ne himmat jutaa kar ye kaha lekin Raj ko to vishwaas hi nahi ho raha tha ki Riya ye sab keh sakti hai....

Raj:- Dekho mai abhi majaak karne ka mood me nahi hu....Please abhi koi majaak mat karo...

Raj bahut serious aur thoda gussa se ye bolta hai....Usse to abhi bhi yakin nahi ho raha tha jo Riya ne usse kaha....

Riya:- Mai koi majaak nahi kar rahi aur tumne mujhe reply nahi diya...

Riya bhi thoda serious hokar ye baat kehti hai....

Raj:- Ye majaak nahi to kya hai....Kaise kisi se do din me pyaar ho jaata hai itne nafrat ke baawjood....Ha ham dost ban gaye lekin itna jaldi pyaar....Tum to jaanti ho na mai pyaar se kitna dur rehta hu lekin fir bhi tum majaak kar rahi ho....

Raj ko abh bhi yakin nahi ho raha tha ki Riya usse sach me pyaar karti hai....

Riya:- Mai koi majaak nahi kar rahi...Sach me mujhe tumse pyaar ho gaya hai....Pyaar hone me 2 din nahi ek pal hi kaafi hai....Aur inn 2 dino me mujhe aisa kai pal milaa jis se tumse pyaar ho gaya....

Riya ne jis andaaz se ye baat kaha tha usse Raj ko bhi yakin ho jaata hai ki Riya jo keh rahi hai sach keh rahi hai....

Raj:-Tumhe kaise laga ki tum mujhse pyaar karti ho....Kuch der pehle hi to tumne kaha tha ki tumhe pehle kabhi pyaar nahi hua....Aur tumhe itna jaldi pyaar bhi ho gaya....Ye pyaar nahi attraction hai....Aur bahut jald tumhe ye baat pata chal jaayega.....

Riya:- Nahi Raj ye kuch alag ehsaas hai jo mujhe pehle kabhi nahi hua...Attraction ek do baar ho gaya tha aur wo ehsaas aur ye ehsaas me bahut fark hai....Raj mai jaanti hu ki tum mere baat par yakin nahi kar paa rahe ho....Lekin itna yakin kar lo ki mai tumhe dhokha nahi dungi....Ha aur mai ye bhi jaanti hu ki tum mujhse abhi pyaar nahi karte lekin mujhe yakin hai ki ek din tum bhi mujhse pyaar karoge aur mujhe uss din ka intejaar hai.....Koi jaldi nahi hai abhi jab bhi tumhe lage ki tum mujhse pyaar karte ho tab bata dena....Mai intejaar kar lungi....

Riye ki baato me sacxhai tha lekin Raj abhi bhi bahut confused tha aur wo iss baat ko samajh nahi paa raha tha...

Raj:- Par...

Riya:- Koi par war nahi....Abb ham iss baare me koi baat nahi karenge....Abhi mai iss baat par debate karna nahi chahti...Kuch aur kehna hai to kaho...

Riya ne Raj ki baat ko bicch me hi rok kar kaha....Abb dono shaant baith te hai....Lekin dono ke dimaag me bahut kuch chal raha tha....Issi tarah subah ho jaata hai lekin koi kuch nahi bolta.....Kuch der baad dono bus pakad kar waapas chal dete hai...

Iss tour ne inn dono ki life ko bahut badal diya tha....Dono dushman se dost ban gaye the aur abb pyaar ka ehsaas ka suruwaat bhi ho gaya tha...





Aur dusri taraf Rahul ka Nisha ke liye pyaar aur deewanapan badh raha tha....Wo Nisha ko apna pyaar to jata raha tha lekin keh nahi paa raha tha....Apne dil ki baat kehne ki bahut koshish bhi kiya lekin propose karne ki jagah wo aisa kuch kar baithta jisse wo kabhi apne harkat par gussa hota to kabhi apne paagal pann par muskuraata....Abb usne soch liya hai ki kal wo Nisha se har haal me apne dil ki baat kahega....

Aur Nisha bhi Rahul ka iss tarah se badal jaane se bahut khush thi.....Uska pyaar bhi Rahul ke liye badhta hi jaa raha tha....Rahul ke saath har ek pal ko wo enjoy kar rahi thi....Usse bhi lag raha tha ki usne Rahul ko abb bahut tadpa liya hai....Usne bhi soch liya ki wo Rahul ko kal har haal me propose karegi....

Lekin wo dono iss baat se puri tarah anjaan the ki kal ek misunderstanding hone waala hai dono me jo shaayad kahi unke pyaar ko hi khatam na kar de.

 

[Champ_AK_81]

UPDATE 79​

Next day​

Rahul ne soch liya ki aaj wo Nisha ke saath ussi riverside area me jaayega jaha wo pehli baar Nisha ke saath ghumne gaya tha....Aur wahi par wo apna dil ki haal Nisha ko bata dega....Abb uska pyaar accept hoga ya nahi yaa fir Nisha kya kahegi isse Rahul ko koi parwaah nahi tha....

Bas usne soch liya ki wo aaj Nisha ko propose karke hi rahega.....Bahut din bit gaya tha Rahul ka ye soch kar ki kaise wo Nisha ko propose karega....Agar uska proposal reject hoga to kya hoga....Agar Nisha sirf mujhe apna accha dost maanti hai to???Agar Nisha ne kaha ki "Do chaar baar tumse hass ke baat kya kar liya tum to isse pyaar samajh baithe....Mere dil me tumhaare liye aisi feelings nahi hai"....Bas yahi soch soch kar Rahul dar kar Nisha ko propose nahi kar paa raha tha....

Lekin Rahul aaj himmat jutaa kar faisla karta hai ki aaj wo har haal me apni feelings Nisha ko batayega....Aur kitne din issi soch me ghut kar jeeta rahega....Ek na ek din to propose karna hi hai....Agar Nisha nahi maani to koi baat nahi lekin dil ka bojh to utar jaayega....Nisha ki feelings to jaan paayega...."Agar Nisha nahi maani to mai uski khushi ke liye uski jindagi se dur chala jaaunga....Aur ye jaruri to nahi ki agar mai Nisha se pyaar karta hu to wo bhi mujhse pyaar kare....Maine to Nisha se niswarth pyaar kiya hai....Uski khushi hi mere liye sab kuch hai" "Aur agar maan gayi to kabhi uska saath nahi chhodunga....Marte dam tak uska saath nibhaaunga....Uski khushi ke liye kuch bhi karunga".....Bas issi soch ke saath Rahul ne soch liya ki aaj wo Nisha ko propose karke hi rahega.....


Aur dusri taraf Nisha ne bhi decide kar liya ki wo bhi aaj Rahul ko propose karegi....Kuch der sochne ke baad usne decide kiya ki aaj wo Rahul ko yahi garden par propose karegi jaha pe unn dono ne bahut saari pyaar bhari baatein kiya hai....Wo jaanti thi ki Rahul uska pyaar jarur apnaayega.....Rahul ki aankho me apne liye jo pyaar tha usko Nisha ne bahut pehle hi dekh liya tha.....Wo jaldi se nicche garden par jaati hai aur acche se sar safayi karti hai....Nisha ne soch ki aaj wo garden ko acche se sajaayegi aur uski sajaawat me koi kami nahi hogi.....Acche se saaf karke garden ko manage karne ke baad wo waapas apne room me jaati hai aur aage ki sochti hai....


Rahul bhi apne soch me iss tarah gumm tha ki usse ye pata bhi nahi chala ki Nisha kab garden me gayi aur kab waapas aayi.....Wo to bas apne soch aur sapna me vyast tha....Aur wo apna dress ka selection kar raha tha jisko pehan kar wo aaj Nisha ko propose karne waala tha....Lekin koi bhi dress usse accha nahi lag raha tha....Har dress me koi na koi kami najar aa raha tha....Bahut der tak sochne ke baad wo ek accha sa dress selection kar leta hai.....Abb intejaar tha to bas shaam hone ki jab wo Nisha ko propose karne waala hai....

Nisha bhi garden ko acche se saaf karne ke baad apne room me aakar sochti hai ki aur kya kya karna hai.....Pehla pyaar ka pehla izhaar sabhi ke liye bahut khaas hota hai aur wo iss din ko aur bhi special banana chahti thi....Wo soch rahi thi ki aaj ka din ko wo itna special banayegi ki jindagi bhar uss pal ko nahi bhul paayegi....Kuch der sochne ke baad usko ek idea mila kyu na kuch chamchamaati bulbs lagaaya jaaye garden me jo shaam ke vakt bahut suit karegi.....

Jab shaam hua tab Nisha nikal gayi market ki taraf nikal jaati hai bulbs kharidne.....Aur yahi se suru hua Rahul aur Nisha ka pyaar ka bad luck.....Nisha market me pahunchi hi thi ki Rahul ka phone aata hai....

Nisha:- Ha Rahul bolo kya baat hai???

Nisha ne bahut pyaar se kaha aur Rahul ye sunne ke baad kuch pal to kho gaya Nisha ki baato me...Wo kuch nahi bol paaya....

Nisha:- Rahul tum sun rahe ho mai kya keh rahi hu??

Rahul ki reply na milne se Nisha Rahul se kehti hai....Aur iss baar Rahul bhi hosh me aata hai....

Rahul:- Ha ha sun raha hu...

Rahul thoda hadbada kar bola...

Nisha:- Tumhe koi baat karni hai mujhse?

Nisha ne fir se pyaar se puccha aur iss baar Rahul thoda himmat karke bola....

Rahul:- Nisha tum kaha ho abhi???Yaha room me nahi mili to phone kiya....

Nisha:- Mai abhi market me hu....Kuch kharidne aayi thi....Lekin ktum ye kyu pucch rahe ho...Koi kaam tha kya???

Nisha ki iss baat par Rahul ka himmat thoda kam ho gaya lekin wo khud ko sambhaal kar kehta hai...

Rahul:- Kaam to nahi hai lekin aaj fir se ussi nadi ke kinaare jaane ka man kar raha tha tumhaare saath....Kya tum chalogi???

Rahul ne ye baat pucch to liya lekin abb usse dar lag raha tha ki Nisha kya kahegi....

Nisha:- Accha thik hai.....Tum bhi market me aa jaao ham yahi se saath chalte hai...

Nisha Rahul ko thoda ghabraata hua dekh usko aur pareshaan nahi karna chahti thi sawaal pucch kar....Usne apna propose ka program shaam se raat ke liye postpone kar diya....

Iske baaad Nisha bulbs kharid kar Rahul ka wait karti hai ki tabhi kucch der baad wo saamne se aata hua Vijay ko dekhti hai....

Vijay ko dekhte hi Nisha ko Rahul ki baat yaad aa gayi aur saath me Vijay aur Priya ki kartut....Wo Vijay ko ignore karke waha se jaana chahti thi lekin Vijay ki aawaj usse rok leta hai.....

Vijay:- Nisha ek baat karni thi tumse....

Nisha picche mud kar gusse se ek najar Vijay ko dekhti hai aur gusse se kehti hai....

Nisha:- Lekin mujhe tumse koi baat nahi karna hai.....Tumhaara aur uss Priya ki assliyat jaan chuka hu mai....Kitna bure insaan ho tum dono jo Rahul ki jindagi ke saath khilwaad kar rahe the....Yakin nahi hota tum jaise insaan bhi iss duniya me hote hai....Dekhna ek din tum dono ko apne kiye ki sazaa jaroor milegi...

Nisha ne ye baat bahut hi gusse me kaha aur waapas mudkar aage jaane lagi.....Vijay ki aankhon me aansu aa gaya kuch soch kar aur wo dukhi aawaj me kehne laga....

Vijay:- Saza mil gaya hai mujhe....Bahut badi saza aur mujhe apni galti ka jindagi bhar afsos rahega.....Tabhi mujhe apni galti ka pata chala ki maine kya galti kiya hai....Bas tabhi se sudhar gaya hu.....Bas ek baar Rahul se maafi maangna chahta hu.....Please meri baat ek baar suno tumhaare bhalaayi ke liye hi keh raha hu....

Vijay ki dard se Nisha par jyaada fark nahi pada....Wo to abhi bhi Vijay se gussa thi....Bas ek baar picche palat ti hai to dekhti hai ki Vijay ki aankho me aansu hai....Wo sochti hai ki ek baar baat sunne mekya problem hai....

Nisha:- Ha bolo.....Kya kehna chahte ho....

Vijay :- Aditya se thoda saawdhaan rehna....Mai uss par najar rakh raha hu....Wo abb apne badle ke liye paagal ho raha hai....Aur baar baar naakaamyab hone ki vajah se uska paagalpan aur bhi badh gaya hai....Wo tumse apna badla lene ke liye kisi bhi hadd tak jaa sakta hai....Mai jaanta hu ki tum Rahul se pyaar karti ho....Aditya tum dono ke liye planning kar raha hai lekin har baar uska plan chaupat ho jaata hai....Abb vakt aa gaya hai tum Rahul ko Aditya ki assliyat bata do aur acche se samjaa do taaki der na ho jaaye....

Vijay itna keh kar waha se nikal gaya aur Nisha soch me padd gayi ki abb kya karna chahiye.....Wo sochti hai ki aaj wo Rahul ko propose karne ke baad Rahul ko Aditya ke baare me bata degi.....

Lekin iss baat se wo puri tarah anjaan thi ki picche khada Rahul gusse se Vijay aur Nisha ko baat karta dekh raha tha....Bhale hi usne kuch nahi sunaa lekin Vijay aur Nisha ke baat karta dekh usko bilkul bhi accha nahi laga....Bahut dino se dabi huyi gussa Vijay ko dekh kar fir se jaag gaya tha aur Nisha ka usse baat karna uske dil me Nisha ke liye gussa aur galatfehmi paidaa kar raha tha.....Abb to usko shak bhi hone laga ki kahi Vijay fir se Nisha ka use karke usse aur badla to nahi lena chahta....

Rahul ko apna dil fir se toot ta hua mehsoos ho raha tha.....Wo apna gussa aur dard ke saath waapas apne flat ki aur laut ta hai......Aankho me gussa aur aansu dono maujood tha....Fir se pyaar khone ka dard kya hota hai wo Rahul ka chehra dekh koi bhi bata sakta tha....Usse abb Vjay, Priya aur Nisha teeno se bahut gussa aa raha tha aur wo yahi maan raha tha ki Nisha ne bhi uske saath dhokha kiya hai.....Ek gehri pyaar jo uske dil me tha Nisha ke liye ek pal ki galatfehmi se sab khatam ho gaya tha.....Jaise taise aankho me aansu liye wo apna room me aata hai aur apna door lock kar leta hai....Aaj Rahul ussi jagah par pahunch gaya tha jab pehli baar Priya ke saath huyi bewafai ke baad pahuncha tha....Nisha ko lekar jo sapne dekhe the pal bhar me sab khatam ho gaya....Room me aane ke baad wo bed par girkae aankho ko cover karke jor jor se rone lagta hai.....Ye chhota sa misunderstanding Rahul aur Nisha ki life me kitna bada toofan laane waala hai isse to Rahul aur Nisha dono hi anjaan the

 

[Champ_AK_81]

Friends aaj 2 updates post kiya hai...Padh kar apna feedbacks jarur dijiye.

 

[Champ_AK_81]

Bahut Shankar update h Bhai gajab story???
Waiting for next update

Welcome Akki bhai on the story and thanks for your comment...Keep supporting.

 

[Akkialex]

Bhai waiting for next update

 

[kamdev99008]

Champ_AK_81 bhai yahan bhi update ka intzar hai..................
sorry review nahin de paya us din................lekin apne to update hi rok diye

 

[Champ_AK_81]

Champ_AK_81 bhai yahan bhi update ka intzar hai..................
sorry review nahin de paya us din................lekin apne to update hi rok diye

Yaad hi nahi rehta ...Aur jab yaad aata hai to uss vakt bahut need aata hai...Aur kal kal ke chakkar mein delay ho jaata hai.

 

[Champ_AK_81]

Bhai waiting for next update ✌✌✌

Posting.

 

[Champ_AK_81]

Res

 

[Champ_AK_81]

Posting.