Update:-51
Jivisha ne apne aakhon ke aage ka mahol dekhi to wo daud kar bhagi aur Chirag ko Nandita se dur karti, apne bahon me samet kar, tej-tej shwans leti usne apni aakhen mundi. Aakhen mund kar usne jhatke se apni aakhen kholi aur badi badi, gusse se laal aakhen usne apni bhabhi par dali… Jab wo gusse me apni aankh dikhyi, har kisi ne hawa me ek kampan mehsus kiya, aisa jo kisi ke bhi ander bhay paida kar de.
Uski aakhen dekhkar to ek pal ke liye Nandita aur Priya bhi khauff me chali gayi…. "Khabrdar bhabhi jo mere bache ko aap ne aise punishment diya to, mujh se bura koi na hoga"..
Nandita:- Jivisha apni najren nichi karo aur Chirag ko yahan lao uski sara pagalpan ka bhoot aaj mai utar deti hun. Jivisha tumne suna nahi maine kya kaha.. apni najren niche karo.
Jaise hi Nandita ne gusse se unchi awaz me Jivisha se uski najren nichi karne kahi, tabhi Jivisha ko ehsas hua ki wo ye kya kar rahi hai… wo apne bhabhi ka chehra dekhi aur guilt feel karti hui mafi magne lagi. Kasak bhi wahin pass khadi thi, wo bhi bilkul aschrya me Jivisha ko dekh rahi thi.
Nandita, Jivisha ko ghurti hui… "Hmmm ! To mujhe tum bataogi ki bina karan jane isse kyon tumne bacha liya."
Itne me Kasak chupke se pichhe se aayi aur Nandita ke sar par ek pura jug pani urrelti hui kahne lagi… "Yahan hum 2 hain aur aap akeli bhabhi, jara shanti se baat karo"..
Kasak jaise hi pani dali, Nandita uski ore mudi aur khadi hokar gusse wala look de hi rahi thi, ki itne me Kasak ne uske chehre par sukha laal rang urrel diya… "bhabhi, ab tumhara gusse se laal chehra pura dikh raha hai"..
Kasak ki is harkat par dono bahne jor-jor se hasne lagi. Nandita ko bhi hansi aa gayi aur uska bhi gussa hawa hota wo hasne lagi, lekin apne upar ude rang ka badla to usse lena hi tha, isliye wo teji dikhati Kasak ko pakadne ke liye jhapti.. Kasak to hath nahi aayi lekin itne waqt me Jivisha ne piche se Nandita ke blouse ke ander 4-5 ice cube dal chuki tha.
"Wah bhabhi kya mast dance kar rahi ho".. piche hath na pahunch pane ki stithi me Nandita sidha apne kamer me bhagi aur bathroom me ghus gayi. Wahin dono bahne Chirag ko bhi apne sath leti chali gayi.
Kuch der baad sab log change karke wapas se hall ki baithak me sharik huye, jahan aaj ka mujrim Chirag tha. Nandita, Jivisha aur Kasak ko sunati hui kahne lagi…. "Janti bhi ho isne kya kiya tha"….
Chirag jo kisi mujrim ki tarah bich me khada tha, bhag kar Jivisha ke gode me baith'te huye kahne laga… "off o mamma, aap na dadi se bhi old model ho. Bahut hi picchdi hui soch hai."
Uski is baat par chaunk kar sabhi apna muh khole hasne lage… "betu aisi baten tumhe kaun sikha raha hai. Chalo kan pakad kar abhi sorry bolo mamma ko"..
"Didi bol rahi hai so main sorry bol raha hun, jarra puri kahani batao mamma, didi bhi aap ko yahi kahne wali hai".. Chirag gussa dikhate apni maa se sorry kaha aur wapas Jivisha ke gode me aakar baith gaya.
Jivisha Chirag ko chumti hui kahne lagi… "tu ja betu aur dobara kabhi aise mammi se baat kiye to hum sab tumse baat nahi karenge. Ja tu ab khel, tunhara mamla hum dekhte hainl".. Chirag bhi Jivisha ko chumte wahan se bhag gaya…
Kasak:- ab baat ko khincho mat, jaldi se bata do hua kya tha…
Nandni:- nawabjade ko pyar hua hai..
Kasak aur Jivisha jo-jor se hansne lagi…. "Bhabhi, Chirag kya gusse ke natije me paida ho gaya tha"… Kasak, Nandita ko chhedte huye kahne lagi..
Nandita, Kasak ke sir par ek hath marti…. "Pagal kahin ki, kuch bhi bolti hai."..
Jivisha:- shopping karwaoge, tab hum seriously sunege aap ko.
Nandita:- pagal wo to aise bhi karwa dungi… bata kya chahiye..
Kasak:- bhabhi aap bolo hun sun rahe hain.. kya shopping karna hai wo hun wahin tay kar lenge…
Nandita:- kya bataun main iske bare me. Bitte bhar ka aur iski nautanki tum dono se bhi bahut aage hai… Aaj school gayi thi lene to 4-5 police walon se lad raha tha.. akele ye nahi balki iski so called piddi jitni girlfriend hai na Aarshi wo bhi..
Jivisha:- hihihihihihi… kuch aisa kaho jo nahi pata ho.. ye hume pata hai..
Nandita:- aur kya ye bhi pata hai ki dono kiss kar rahe the..
Kasam:- Thik hi to kaha tha Chirag ne, aap ki pichhadi soch hai…
Jivisha:- haan bhabhi betu ne sach hi kaha tha..
Nandita:- Thik hai lip to lip kiss karte huye yah kahna ki… "ye humare pyar ka pahla kiss hai.. taki duniyawale samjh le, hume koi juda nahi kar sakta. Fir aandhi aaye, ya toofan ya fir duniya bhar ki military"…
Nandita ki baat sunkar dono bahne ashrya se apna muh fade hasne lagi.. Nandita apna sir pit'ti hui kahne lagi… "batao mai kya karun, ye to kisi ki sunta hi nahi… Jivisha tu sambhal apne bete ko, aaj se main to surrender karti hun.. mujh se nahi ho payega"..
Jivisha thode gusse me Chirag ke kamre me gayi, wahin uske piche jab Kasak ja rahi thi, usse rokte Nandita apne sath apne saas-shasur wale kamre me lekar chali aayi. Priya ab bhi Jivisha ke us vikral roop ko yaad karke ro rahi thi aur apne pati Himanshu se apni beti ko kisi tarah bacha lene ki guhaar laga rahi thi.
Himanshu wo waqt yaad karne laga jab ek prakashth guru achanak hi Jivisha ke janm ke waqt aaye aur bhawaishywani kar gaye the ki yadi upyukt samay par Jivisha ki shadi nahi hui to behtar yahi hai ki usse jahar dekar maar de, taki kayi hone wali anhoni ghatnayen tali ja sake.
Jivisha ke ander jis shakti ne jnam liya hai, uske bahar aate hi na sirf iss prithvi par apitu kayi aise hisse hain jo prabhawit honge… kayi caror logon ke jaan jane se behtar hai kisi ek ki jaan jaye.
Himanshu apni hi chinta me tha aur koi upay na mil pane ki stithi me usne apna aakhri vichar rakh diya… "Us sadhu ki baat satya ho rahi hai. Jivisha ke ander ki shaktiyan bahar aa rahi hai. Yadi ab uski shadi nahi hui to bahut sare logon ki jaan khatre me aa jayegi. Mera prastaw hai ki Jivisha ki shadi jald hi issi hafte me karwa diya jaye.
Kasak se iss bare me vichar liya gaya aur Kasak Nischal ka naam leti hui kahne lagi.. "Jivisha ke dil me Nischal basa hai aur dono ek dusre ko chahte bhi hain".
Himanshu achanak hi Nischal ke naam se bhadkte huye kahne lage… "Acha ladka hai lekin karta kya hai.. kewal pyar se zindgi to nahi chalti. Kya arrange marriage me log aapas me pyar nahi karte… kaise main jaan bujhkar apni beti ko andhkar me dhakel dun. Yadi us ladke ko meri beti se shadi karni hai to usse khud ko sabit karna hoga. Uske pass ek hafte ka samay hai.. Itne samay me wo yadi khud ko sabit kar saka to thik, warna main Jivisha ki shadi Shresh se karwa dunga. Jakar bata dena apni bahan ko"..
Kasak ko kuch bhi samjh me nahi aa raha tha ki wo kya kare aur kya Jivisha ko kaise samjhaye. Himanshu ki baat bhi sahi thi aur Jivisha ki haalat dekhne ke baad, Kasak ke dil me bhi dar ka ehsaas ho chala tha... Wo apne hi udher bun me kadam badha rahi thi, tabhi Jivisha Chirag ke sath khelti hui uske pass pahunchi… "Oye tu itni gumsum kyon hai.. mujhe batayegi"..
Kasam:- Yaar hum kisi ko khush nahi rakh sakte, bus hume sabko pareshan karne aata hai.. .
Jivisha:- kya hua… tu bhabhi ke sath gayi thi na wahan ander koi meeting chal rahi thi kya?
Kasak:- haan chhote papa bahut hi dukhi najar aa rahe the. Unhone kaha hai maine apni beti ko puri chhut di, lekin wo ek aise nakare ko chahti hai jo koi kaam nahi karta.. kya aisi shurat me wo kaise apni beti ki shadi uss se karwa de…
Jivisha:- mukhiya ji sathiya gaye hain. Padhte huye kaun kaam karta hai. 2 sal kaho ruk jane, fir wo bhi kuch acha kar hi lega. Yadi wo kuch nahi karega to maine kyon padhai ki hai.. main kaam karungi aur wo ghar ka chulha chauka karega. Waise dusra idea jyada achha hai.
Kasak usse ek thappad khinch kar marti… "Tumhe har baat mazak lagti hai, nahi… aur baki ke emotions koi mayne nahi rakhte, kyon? Kya kabhi teri shararton par unhone apni marji thopi… jaymala ke baad bhag gayi.. kitni bejjati jhelni padi sabko, lekin teri hansi me sab bhul gaye… tujhe jo karna hai kar ab main iske baad nahi samjhane wali… haan ek hafte ka samay diya hai chhote papa ne, yadi Nischal kuch bhi dhang ka iss dauran kar leta hai to tumhari shadi usse se karwa denge warna Shresh se tumhe shadi karni hogi"…
Pariwar walon ke Nischal se mafi magne ke baad jo Jivisha ki khushiyan lauti thi, wo ek pal me hi jaise dur ho gayi ho. Aankhon ke samne Nischal ki pahli mulakat se lekar uski har nadaniya.. uska wo mayus chhota sa chehra, Jivisha ke jhagra karne ke baad… college ki wo yaden, jab impress ke naye-naye tarikon ko dhundhna… aashu se bhinge chehre par achanak hi tej hansi aa gayi jab wo parking ke pass baith kar gaane ka kissa yaad aaya……
Iss ghar ki sari udher bun Josefer apni aakhon se dekh raha tha. Usse Aizem grah se aaye wo 2 Jasoos Ruki aur Suki ki baat yaad aane lagi…. Jab usne kaha tha waqt hamesa Nischal ke paksh me rahe, aisa sambhaw to nahi. Jis daur se Jivisha gujar rahi thi, usme bus Nischal ko bura to sabit karna tha, baki kaam khud-w-khud ho jana tha.. Aur aaj ke club ki praty se acha kaun sa mauka hota iske liye….
Waqt tha Kasak ka brainwash karke, Jivisha ko club tak lana aur iske liye Jatin kis din kaam aata… Josefer ka behrupiya kutta bahar gaya aur uske kuch samay baad hi Kasak ke mobile ki ganti baji..
Kasak bhi ek khamosh mahol ko jhel rahi thi, jisme rah-rah kar usse bura lag raga tha, ki usne apni bahan ko thappad mara.. bechari ke sath pahle se itna kuch chal raha hai. Kasak bhi bistar me, apni bahan ke liye roti, bus itna hi mana rahi thi ki koi to meri bahan ko iss musibat se bacha le…
Phone ki ghanti sunkar Kasak apni aashu saaf ki aur phone uthati… "Abhi mood thik nahi hai.. baad me baat karti hun Jatin".. itna kahkar Kasak call disconnet kar di.. dobara se phone ki ghanti baji aur Kasak thodi unchi awaz me baat karti hui kahne lagi… "Ek baar se tumhe samjh me nahi aata ki mera mood kharab hai"..
Jatin:- Phone rakhne se pahle meri baat sun lena fir call disconnet karna..
Kasak:- bolo..
Jatin:- agar mood kharab hai to mujhe tum bata sakti ho.. kewal bike par ghumane wala boyfriend nahi hun, balki tumhara har sukh mera sukh aur tumhara har dukh mera dukh hai... Ab jaldi se colony ke pas wale park me pahuncho.. main intzar kar raha hun..
Jatin apni baat kahkar call disconnet kar diya. Uski baat par kuch der Kasak sochti rahi, fir achanak hi uske chehre par thodi khushi aa gayi.. wo bhagkar jatin ke pass pahunchi…
"Hello handsome... So mera sukh tumhara sukh aur mera dukh tumhara dukh hai.. to batao main iss waqt kis baat se dukhi hun"…. Kasak Jatin ke pass baith'ti hui puchne lagi.
Jatin:: Ammmmm ! Tumhare chehre se lag raha hai ki tum royi ho. Iska matlab ki tumhari shadi tay ho rahi hai aur tum apne gharwalon ko humare bare me bata nahi payi..
Kasak:- aur bata kar kya karti.. puchte ladka kya karta hai to kya kahti mujhe bike par ghumana hi uska only ambition hai.
Jatin:- Yesssssssssssss … tumhe bike par ghumana he only ambition hai aur kaam karne ke liye mujhe bus 1 ghanta chahiye, taki main apne staffs ko manage kar sakun.. tumne samjh kya rakha hai.. 20 lakh rupye mahine tak salary banta hun... Minimum starting 40k salary deta hun… kal hi main papa ko bhejta hun riste ke baat ke liye...
Kasak:- Acha aisa hai kya … matlab tumhare papa bahut bare industrialist hain kya? Yadi aisa hai to apna break up pakka.. kyonki tum jhute ho Jatin .
Jatin:- Kya ek Kishan ka beta softwere engineering nahi kar sakta aur kya wo apni company developed nahi kar sakta.. ruko main tumhe kuch dikhata hun…
Jatin apna ipad open karke, usse apni company ke bare me sab kuch dikhane laga… "Ab yakin hua.. ya bank se sara cash nikalkar tumhare kadmon me dal dun"…
Kasak:- Ji nahi, bus mere ek dost ko 2 lakh ki naukri de do... Ab koi qualifications nahi puchna aur na hi wo kis tarah ka kaam kar sakta hai.. samjho ki ek bina kaam ka staff badha rahe..
Jatin:- pagal ho kya.. aisa bhi hota hai kya?
Kasak:- Oye tumse hoga ya mere mood hamesa kharab dekhna chahte ho..
Jatin:- Baat kya hai Kasak.. puri baat batao mujhe …
Kasak Jatin se puri baat sajha karti hui kahne lagi… "Bus main apni bahan ko dukhi nahi dekh sakti. Mang thodi najayaj hai.. par agar kar sako to"…
Jatin:- Tum kaho to 2 lakh kya 10 lakh ka job de dun.. Lekin Kasak jo log free ka job lete hain, wo bhi aisa ki kaam na karna pade, fir wo khud to kaam karte nahi aur wahan kaam karne wale mahol ko bhi bigad dete hain…
Kasak:- Hammm ! Koi baat nahi rahne do..
Jatin:- Itna mayus nahi hote .. aaj sham tum usse disco me le aao… main usse parakh lunga.. bus Sharif dikh jaye fir to business partner bhi bana sakta hun.. lekin yadi kahin galat insan nikla to ek baat bata dun, meri company 500 logon ko jivika deti hai.. 1 ke wajah se main itne logon ka bhawishya daw par nahi laga sakta…
Kasak khush hoti hui Jatin ke gale lag gayi. Uska chehra bayan kar raha tha ki wo kitni khush thi… Kasak ko aisa lag raha tha, jaise bhagwan ne uski sun lee ho aur Jivisha ki samasya aaj sham disco me solve ho jani hai…
