Fantasy Kaisa Yeh Ishq Hai.... Ajab Sa Risk Hai...... (Completed)

[nain11ster]

Running Story....

Read The Fantasy Drama Menia
Kaisa Ye Ishq Hai~Ajab Sa Risk Hai~Reload


Real All My Completed Stories....

Enjoy The Emotions And Thriller Journey..
100 Encounter:- The Journey Of An Innocent Girl

Read The Thrill In Romance...
Bhanvar

Read Crazy Fantasy Romance Drama
Kaisa Ye Ishq Hai..... Ajab Sa Risk Hai....​

 

[nain11ster]

Update:-83​

Nischal, Jivisha ko gode me utha'kar Baby ke piche chal diya… "Andhera hone wala hai, hume jald se jald iss ilake se nikalna hoga".. Baby gadi ka cover hata'ti kahne lagi..


Nischal, Jivisha ko lekar baith'te huye.… "Chalo fir nikla jaye iss ilake se"..


Jivisha, kuch bolne ki stithi me nahi thi isliye wo bus Nischal ko ek tak dekhe ja rahi thi.. Nischal, Jivisha ke chehre ko apne hatho ka sparsh dete… "Chirag aur Aarsi mast khel rahe hain iss waqt wo bhi puri aajadi ka luft uthate. Isliye unki chinta mat karna."


Jivisha kisi tarah se muskurakar apni aakhen mund lee, aur ek baar jab aakhen band hui tab dhire-dhire band hoti chali gayi.. Nischal Jivisha ki band aakhon ko dekh'kar vyakul ho utha…


Nischal:- Baby hum kitni dur aa gaye hain..


Baby:- 3 kilometer aa chuke hain Viggo, 20 kilometre ki lagbhag duri aur rah gayi hai..


Nischal:- Yahan se aage ka rasta tunhe pata hai kya..


Baby:- Haan bilkul sidhe issi disha me…


Nischal ne baby ko gadi lekar wahan jadi pahunchne ke liye bola aur khud Jivisha ko lekar daud laga diya.. Bus minute bhar se bhi kam waqt laga aur dono viman me ander. Nischal medical section me aaya aur Ansh ko call karne laga..


Ansh aur Nandni jo apne kamre me Jivisha ke aane ka intzar kar rahe the, jaise hi unhone Nischal ki awaz suni, dono daud'kar wahan pahunche.. Ansh teji ke sath Nischal ke pass pahuncha, wahin Nandni dur se hi apne dost ki haalat par subakti hui badhne lagi…


"Nandu bilkul bhi awaz mat karna aur jarra bhi rona mat. Acha suno please ek kaam kar do, bahar Jatin aur uski sister aane wali hai.. unhe ander le aao. Ansh tumhe invitation dun kya, check up shuru karo"..


Ansh:- Kya haalat kiya hai iska..


Niachal:- Ansh hum abhi medical section me hain, please bhawnaye baad me vyakt kar lena… jaldi se condition report do..


Ansh fatafat command deta gaya aur puri report samne thi… "Nischal, Jivisha ki haalat tum se bhi worse hai.. aisa lag raha hai jaise har body organ ander se jhulas kar kala par gaya hai. Ye agar jinda bhi rahi to kewal medical assistance ke dum par hi"..


Nischal hanste huye… "Yadi main kahun ye 1000⁰ celcius ki heat ander se bahar tak jhelti aayi hai pichhle 2 sal se"..


Ansh, apna kaam karte.. "Haan medical miracle ke kayi examples main dekh to chuka hun. Kuch higher antibiotics chahiye aur aur steroids bhi.. quick"..


Nischal:- Samne table par Pahunch gaya.. isse analgesic mat dena…


Ansh:- Bina pain control ke, condition stable kaise karunga..


Nischal apna liquid taiyar karte… "Slow iv main pain killer aur kuch supportive enzyme de raha hun.. bus 30 sec me pain control hoga".


Ansh:- Human body test to kiye ho na iss liquid ka…


Nischal:- Haan baba..


Dono apne-apne hisse ka kaam kafi teji se kar rahe the… lagatar monitoring ho rahi thi.. condition lagatar unstable bani hui thi. Lagbhag 4 ghantey bit chuke the… Nandni bus ek baar aayi thi aur Jivisha ki haalat dekh'kar besudh hokar kamre me padi rahi..


Nischal analgesic ki liquid Ansh ko dete huye kahne laga… "main kuch der ke liye bahar ja raha hun… agar lage ki analgesic dena hai to slow iv de dena".. Ansh ko samjhakar Nischal kitchen area me aaya aur fatafat sabke liye khana taiyar kar sabko khane ka sandesh bheja..


Nischal wapas medical section aaya aur Ansh se dawa ke bare me samjhakar usse aaram karne aur subah aane ke liye kahne laga.... sath hi Nandni ko samjhakar khilane ke liye bhi bol diya..


Jatin aur Baby pahle se kitchen area me thi. Ansh kisi tarah Nandni ko bhi taiyar karke khane ke liye le aaya. Wo yun to khane ko taiyar nahi thi, lekin Ansh ke hathon se kuch niwala khane ke baad bus kah di.. Ansh ne bhi thoda sa khaya aur pani me halki nind ki goli dal'kar Nandni ko pine ke liye kah diya.


Thodi si kosis aur Nandni ne wo pi liya. Ansh, Nandni ke sath wahan se chala gaya aur jaise hi dono wahan se gaye… "Ye dono kaun the Jatin"..


Jatin:- In dono ki shadi hone wali thi lekin shyad ab tak hui na...


Baby:- Tumhe kaise pata ki inki jodi lagne wali thi, lekin lagi nahi..


Jatin ne fir visual me sare diffrence dikha diya, ek ladki shadi ke pahle aur shadi ke baad. Chijen samjhne ke baad baby puchhne lagi… "Malkia ki bahan hai kya ye"..


Jatin:- Koi blood ralation nahi hai lekin pure realtion hai. Aur ye jo ladki hai na Nandni, iska bhi pure relation hai Viggo ke sath aur Viggo issi ladki ke sath rahte the..


Baby:- Aisa bhi hota hai kya…


Jatin:- Prithvi par bahut kuch apne yahan se alag hai baby.. yahan blood realation se jyada emotions ke relation kaam aate hain. Wahan power kisi ek ke hath me nahi hota, balki niyam se bandhe log hote hain aur gunaah sabit hone ke baad har kisi ko ek taraju me taula jata hai, fir wo Mahamahim ho ya Rijo..


Baby:- Rijo.. Hihihihihi.. ruko visuals dikhati hun..


Jaise hi Rijo ka visuals Jatin ne dekha… "Wo Apini ab jamin me ghus gaya hoga.. Viggo ke hath se kayi baar bach gaya hai, lekin anth uska bhi najdik hi hai"..


Dono bhai bahan kuch der ki baat chit ke baad sone chal diye. Subah ke lagbhag 8 baje Ansh pahuncha.. Nischal ab bhi jaag raha tha, aur baar-baar moniter kar raha tha… "Thodi der aaram kar lo, condition pahle se behtar dikh rahi hai.. stable hote hi inform karta hun"…


Nischal Ansh ki baat man'kar wapas aa gaya aur Sabko ek baar dekhne laga.. Nind uski aakhon se koson dur thi isliye thoda sa kha'kar wo bhi turant wapas aa gaya.. minute-minute karke ghantey me badal gaye, ghanta kab din me badla pata nahi aur ek-ek din kar'ke 6 din bit gaye… in 6 dino me Nischal ne ek bhi din apni palken nahi jhapki thi..


6th day ki subah hi khushi ka sandesh aaya, jab ansh ne lagbhag 2 ghante moniter ke baad Nischal se kaha tha.. complete stable condition me hai filhaal to hai…


Niachal:- To ab meri jaan ko tandrust karne ka waqt aa gaya hai… Ansh needle command section me deep fridge needle hai, usse please select karo… Nischal ne jaisa kaha Ansh waisa hi karne laga.. idhar Nischal ne Jivisha ke badan se pure kapde alag karke pure body par liquid lagane laga… "Arre yaar aisa kuch karne wale ho bata to dete"..


Nischal:- Khud ko doctor mante ho to ruko warna chale jao.


Ansh ne kuch nahi kaha bus apna kaam karte raha.. pura badan aisa kala tha ki Ansh bina haath lagaye rah nahi paya… "complete skin dead hai Nischal"..


Nischal:- Haan janta hun.. kya tum mera ek kaam karoge, Nandu ko bula lo uske jhatke ki jaroorat paregi..


Ansh ne announce section se awaz dekar Nandni ko bula liya.. pahle to usse bhi harani hua ki usse kyon bulaya gaya lekin baad me Nischal ne jab kaha ki uski jaroorat hai yahan tab jakar wo ruki.. Nandni bhi kewal uske jali hui puri skin ko hi dekh rahi thi.. idhar Nischal aage ke liye pura taiyar tha…


"Doctor, hurt rate maintain karna tumhara kaam hai.. bijli ke jhatke Nandu ke pass se tumhe mil jayenge… heart rate jaise hi down ho mujhe bata dena…


Nischal apni baat kah'kar needle command diya aur dekhte hi dekhte khas tarah ki needle Jivisha ke pure badan me thi… nichle ne fir aage process shuru kiya.. Nischal temprature down karte body temprature ko 35⁰ celcius lekar aaya, fir dhire-dhire 20⁰ par laya... Ansh ne rukne ka ishara kiya.. aur der ruk kar monitor kiya…


Down heart rate, kuch der me hi maintain ho gaya.. aise hi down karte huye Nischal ne temprature -1⁰ par lekar aa chuka tha… Ansh ke samjh se pare tha… "Yaar tum to ander se jama doge.. ye ab tak jinda kaise hai"..


Nischal:- Ye -100⁰ tak to aaram se jinda rah sakti hai.. bus uske niche ka pata nahi..


Ansh:- to kya tum -100⁰ tak lekar jane wale ho kya..


Nischal:- jaroorat nahi hai uski.. -5⁰ par hi kaam ho jayega.. dono taiyar ho…
.

Dono ne haan me sar hilaya aur Nischal ne fir se temperature drop karna shuru kiya.. -5⁰ tak pahunchte pahunchte na jane kitne jhatke dene pare honge lekin -5⁰ par bhi heart rate normal tha, sabhi organ stable the aur blood flow bhi normal tha… "Ho gaya doston .. bus kuch der aur do... Fir main bhi jaunga sone"..


Nischal ke kahne par dono chale gaye.. Needle lagatar Jivisha ke body me thand banaye tha aur upar badan me laga liquid ke ore Nischal dekh raha tha.. Jaise hi wo liquid Jivisha ke badan par failna shuru hua.. Nischal ko samjh me aa gaya ki upar body heat ho rahi hai...


Final process ka waqt aa chuka tha.. Nischal hospital ke pure bed section ko move karke washroom me le gaya aur Jivisha ke upar wahi liquid ka shawer dene laga.. dhire-dhire upar ka temperature bhi minus karte .. 40⁰ tak pahunch'kar chhod diya..


Screen monitoring lagatar chal rahi thi… recovery cells aise jage fir to Nischal ne finalyl jahar mishrit liquid, drop box me dal'kar, needle ke jariye sidha sarir me supply karne laga laga..


Aisa laga jaise sanp apna upar ka skin utar leta hai thik waise hi hone laga… Nischal ne turant needle ko uske body se hataya aur pura medical support hatakar Jivisha ko wahin -40⁰ me chhod diya aur bada sa sandesh likh'kar wahan se chala aaya…


Ander Jivisha -40⁰ par nahate huye, achanak hi khanste aur ultiyan karne jagi. Ander se bhi kewal kali parat hi nikal rahi thi. Aakhen jab khuli, khud ko bathroom me payi… badan pura halka aur mood fresh lag raha tha.. aisa laga jaise kayi dino ke gahre neend ke baad jaag rahi thi..


Jab sharir nirog hua to bahut se chijon ko sochne ki chetna bhi jaagi. Bite 2 salon ke kewal kuch dhundhli si yaden hi thi bus, aur kuch nahi… Jivisha charo ore dekh'kar samjhne ki kosis kar hi rahi thi, ki tabhi Nischal ka sandesh bajne laga..


"Hey Jaan, pichhle kayi dino se main soya nahi tha, aur main nahi chahta ki aadhe jaage aur aadhe soye me main tumse milun… mujhe ek gahri nind ki jaroorat hai. Nandu aur Ansh bhi yahin hain wo, tumhare har sawal ka jawab de denge, isliye sochne par jyada jor mat dena, abhi tum kuch kamjor ho. Ek baat aur, tumhare kuch sawalon ke jawab viman me maujood humare mehman de denge.. Mehman hai aur shuru se humare sath hain, isliye ache se pesh aana.. ab tum aaram se taiyar ho jao aur medical section se apna drink leti jana"..

 

[nain11ster]

Update:- 84​

Jivisha, Nischal ka sandesh sun'kar muskurai… "Love you mere hero.. par ye kya baat hui, meri itni sewa ke baad khud hi chale gaye sone.. ye bhi na soche ki hosh me jab rahungi to kitni bekarar rahungi tumhe dekhne… koi baat nahi.. abhi aaram kar lo, jabtak main Nandu se mil leti hun"..


Jivisha khud se baat karke muskurai aur chahkti hui taiyar hone lagi…. Apne liye bhadkile rang ek khubsurat libas select ki, jiska top narrow aur kamar me niche full ghera banate niche paun tak tha...


Hathon me laal rang ki chudiyan, kano me badi-badi baliyan, halka laali powder jo dawa ke karan hone wale glow ko thoda aur nikhar de. Jivisha apna energy dring 4 ghunt pine ke baad usse apne shoulder bag me rakhti, bade pyar se lahrate hui kahne lagi… "Mere janu ne jo mere liye aaram-dayak baggi banayi hai usse bhej de please"..


Bus kuch pal intzar aur baggi uske samne the. Jivisha baggi me baith'te…. "Computer ji, mere love apne kamre me aaram kar rahe hai.. bina unhe distrub kiye, unke kamre me chalen"…. "Acess denied"…. Jivisha ek baar fir… "Computer ji please, main unhe jagaye bina bus thoda pyar aur dular karke chali aaungi…. "Jhalli, Nandu aur Ansh se mil... Jhalli, Nandu aur Ansh se mil"… "Sale computer teri to.. Nischal se bol'kar tujhe replace karwa dungi. Chal meri Nandu ke pass"…. "I too love Nandu, wo bahut decent hai aur tunhari tarah mujhe dhamki nahi deti"


Jivisha hasne lagi. 6 mahine ke traning ke dauran, Jivisha jab iss viman me aaya karti, tab Nischal se tarah-tarah ki farmayshen kiya karti thi… Earth ke halke aur majboot dhatu ke karan iss Viman me Nischal pahle hi bahut se badlaw kar chuka tha, uske baad earth ki technology se apni technology ka aisa samgam karwaya, ki yahan ki technology pahle se 20 guna jyada upgraded ho chuki thi, jisme se ek tha ye computer se baat chit…


Computer se bahas karne ke baad Jivisha control room ke pass wale hall me pahunchi… Jahan sabhi log baithe huye the. Jivisha ko dekh'kar Nandni uski ore daur kar bhagi… dono ek dusre ko dekh'kar jor-jor se hasne lagi aur hansti hui gale lag gayi… Ansh pichhe se khada… "Hume bhi to gale laga lijiye sali sahiba"…


Jivisha hansti hui… "Puch kar gale nahi lagte, jinhe bhadosa hota hai wo aa kar apni khushi jahir mar dete hain, samjhe doctor babu"..


Ansh:- Ji yaad rakhunga ye baat…


"Hay ye adaa, kafi gore chitte ho gaye hain doctor sahab"… Jivisha muskurati hui apni baat kah'kar Ansh ke gale lag gayi aur uske kano me dhime se kahne lagi…. "Aap ka ye naya roop pasand aaya"…


Jivisha ab tak Nandni aur Ansh se hi mili thi, aur milne me iss prakar vyast thi ki dhyan 2 mehmano par nahi gaya… khushi ke pal thode se jab samanya huye, aur Jivisha ki najar jaise hi Jatin par gayi…. "Iski to.. computer ji isse hawa me latkaya jaye"..


Jaise hi Jivisha ne kaha, Jatin apna hath paun failaye hawa me akad gaya…. Minnaten karte Jatin kahne laga… "Malkia, main to aapke sath hun"..


Jivisha gusse se usse ghurti hui, apni dono aakhen sikod kar…. "Bhantay, tujhe to pahle bhi mana ki thi na iss boaring naam se mujhe nahi pukarne.. computer ji jara 2 thappad lagaya jaye.. thode gusse wale, aur thode kam asar wale.. lekin panja chhape galon par"..


Hawa me hi Jatin ko 2 thappad pare aur panje ke nishan chhap gaye uske gaal par… Nandni Jivisha ko aakhen dikhati… "Ye computer ki aad me tu uss se khelna band karegi, niche utar abhi"..


Jivisha:- Computer ji lagta hai Nandu ko meri baten mazak lag rahi hai.. apne hone ka saboot den..


Computer:- Ye ladki aedi ho gayi hai.. main bus command aur control dekhta hun.. hawa me uddana mere bus ka nahi.. hawa me panja chhap lagana mere bus ka nahi.


Jivisha:- Computer ji aap ki juban bahut tej chalne lagi hai.. mute ho jao..


Computer:- Sach ko chup karane se sach chup nahi hota. Tum achhi ho Nandu.. I love you..


Ansh:- Abe ye meri maal hai..


Computer:- To maal ko sambhal bhau… main to apne dil ka haal bata raha tha…


Nandni:- Jisa ye feature bhi hai ise jagah me, mujhe kabhi maloom hi nahi chala…


Jivisha:- Computer ji iss nalayak Jatin ko niche utareye, aur aap yahan maujood the, iss baat ki jankari Nandu aur Ansh ko kyon nahi..


Computer:- Acess denied.. Jawab nahi mil raha.. access denied..


Ansh:- Tum yahan ho Jivisha, lekin Nischal kahin najar nahi aa raha…


Jivisha:- Meri jaan aaram kar rahe hain.. unhe rest karne dijiye jiju.. lekin iss waqt jo mere najron ke samne hai.. ek hot si ladki jo iss mahol me khud ko garib sabit karti hui.. bilkul kona pakde chupchap baithi hai, wo kaun hai…


Baby, apne ghutno par jaise hi aayi… "Computer ji iss ladki ko apne dono paun par khada kar dijiye, aur yadi usne mera wo boaring sa naam lee, to mute kar dena. Haan tum aaram se kadhi hokar ya baith'kar kaho, ye ghuntno ki pratha to humere yahan sadiyon pahle khatm ho gayi"..


Baby:- Main Baby hun, Jatin ki bahan..


Jivisha:- Maaf karna wo main iss nalayak se thode gusse me thi, isliye 2 thappad laga di.. mujhe laga isne mujhe, mere bete aur bahu ko dhoke se chhla hai aur jabardasti yahan lekar aaya..


Baby:- Meri ore se bhi 2 lagana tha na.... Malk.. maf karna ab kya kah kar pukarun samjh me hi nahi aa raha..


Jivisha:- Arre yaar.. naam lene me itna atak kyon rahi hai Baby… Jivisha kah lo.. samjhi.. lekin Malkia mat kahna..


Baby:- Wo kya hai na aap itni badi shaksiyat hain, naam lena to chhodiye aap ke samne khade rahne me bhi hichak rahi hun..


Jivisha:- Acha, par jahan tak mujhe yaad hai tumne mere sar ko apne gode me rakh'kar, mujhe wo drink pilayi thi na.. jab uss waqt main badi hasti nahi thi, fir iss waqt aisa kyon samjhna…


Baby:- Wo to Viggo ne kaha tha isliye, main wo pila rahi thi.. warna hichak to uss waqt bhi thi…


Jivisha:- Dost ab ek hi baat par baar-baar bahas nahi karna mujhe, yahan aaram se raho, sab kuch apna samjho, siway humare hone wale patiyon ko chhod'kar.. kay re Nandu..


Nandni:- Acha par Tera hone wala to live show dekh raha tha..


Jivisha, aaschrya se muh banati… "Live show.. kahin tere ishare tere aur.."


Nandni:- Yes exactly…


Jivisha:- Teri maa ki aankh computer, abhi ke abhi uss Nischal ko bistar samet yahan lekar aao…


Computer:- Shant ho jaeye maim, Nandni ko bus chhed rahe the sir. Waise bhi wo kisi ki surveillance nahi karte.. yahan ke sare camere kisi ke romance ya private scene ko capture nahi karte… aap ne hi to pura system desine kiya tha..


Jivisha:- Tu mera chamcha hai ya uss badi si aakhon wale ka.. mujhe tu aaj bata hi de..


Computer:- Acess denied.. jawab nahi mil raha hai.. access denied..


Jivisha:- Sala Nischal ka chamcha, jakar dub mar kahin..


Computer, Jivisha ki aawaz nikalte… "Baby abhi to mujhe tumahre sath jina hai.. kayi sare action karne hai.. iss viman ke har kone se apne bachhon ki kilkari gunjegi"..


Jivisha muh chhipa'kar hansti hui kuch command di aur auto answer bich me hi band ho gaya.. computer ki baat sunkar wahan maujood sabhi prani thahake lagane lage… Jivisha jahan ho wahan pagalpan na ho, aisa bhi ho sakta tha kya…


Har koi hansi mazak me duba raha.. khushiyon ke pal ek lambe arse baad aaya tha, jise wo log har pal bhuna rahe the.. bus pichhe se thodi mayusi bhi thi Nandni aur Jivisha ko.. kayi din ho gaye the unhe pariwar se dur huye.. yaad to aa hi rahi thi sath me unka kya haal ho raha hoga uski bhi kafi chinta sata rahi thi…


Sham ka waqt tha.. din me khane ke baad thoda aram karke sabhi laut kar hall me jama huye the, tabhi Jivisha… "Iss tin ke dibbe ke ander tum log bore nahi huye kya, chalo.chakar bahar ghuma jaye..



Baby:- Jivisha, iss ilake me ghumna kafi khatrnak hai… Isliye yahan se bahar na hi jao to achha hai..


Nandni:- Ho gaya fir to… ab to super girl Jivisha khatre ko bhanp hi aayegi… kyon madam..


Jivisha:- Nah aisi koi baat nahi hai... Main to bas iss jagah ko dekhna chahti thi…


Baby:- Iss grah me kuch bhi ghumne layak nahi bacha Jivisha.. ye Mahamahim kisi grahan ki tarah hai yahan chipka hua hai.. jo khud to kabhi marta nahi lekin uski wajah se hum mar rahe hain…


Jivisha:- Aisa kyon kah rahi ho tum Baby..


Baby:- Iss manhush ka prakop hi aisa hai.. pahle humari ausat aayu 600 varsh thi.. jab se ye satta me aaya hai, ghatkar pahle 400 varsh hui, ab 300 rah gayi hai..


Ansh:- Humare yahan to log 80 paar karte hi swaha ho jate hain..


Jatin:- Hawa aur jalvayu ka asar hota hai doctor sahab. Main wahan 60 sal raha tha, agar insani urja hum apne ander nahi lete, to wahan ke climate me humari bhi ausat umr utni hi hoti... ..


"Kyon na tunhare iss jawab ke liye main tunhe mukti de dun Jatin. Insan tumhe urja ka jariya lagte hain.. achi science tumhe padhayi gayi hai".. Nischal pichhe se aate huye apni baat kaha..


"Hayyy kya lag rahe ho jaan… ji karta hai tumhe chum lun.. lekin pahle bhadas to nikal lene do.. Computer ji mere nalayak lover ko ulta tang do"…


Jaise hi Nischal hawa me gaya, apni aakhen mund kar wapas hawa se Gulati markar niche aa gaya… "Computer ji kah do meri jaan se gussa thuk de"..


"Aise kaise gussa thuk dun Haan"… Kitchen ka sara saman ek sath hawa me uddte huye Nischal ke upar .. aur Nischal uss se bhi jyada tej hota, har ek saman ko aaram se ek-ek karke pakadte huye, wapas uski jagah fenk'kar wapas arrange kar diya..


"Kya bachpana hai Jisa, sab ghyal ho sakte hain"… Nischal ne samjhaya…


Jivisha gusse me aakhen dikhayi aur Nischal ke sine par aisa dhakka para ki wo jis deewar se takraya. Wahan ke lohe ki moti chadar ki deewar, pichhe ghus gayi… tabhi Jivisha ko ek jordar tamacha para… Nandni gusse me usse ghurti… "Bus bhi karo tum dono.. koi kuch kahne wala nahi to manmani karte raho"..

 

[nain11ster]

Update:-85​

Jivisha:- Aree itni jor se kisne kaha chipkane..


Nandni:- Haan to tu bhi kahan sun rahi thi.. wo 2 saal se mara para tha, tu to shwans bhi le rahi thi...Nischal ki to lagbhag shwans band thi...


Nischal:- Usse pata hai Nandu sab pahle se… wo to gussa sirf isliye thi, kyonki bina uski jankari ke maine Jivisha ko yahan lane ka plan kar liya tha..


Nandni:- Idhar aao to jarra.. tum bhi..


Nischal:- Ab ho gaya na tu Jivisha ko shant karwana chah rahi thi aur wo hi gayi..


Jivisha:- Nandu faisla barabar ka hona chahiye warna mujhe lagega bhed bhaw ho raha hai…


Nandni:- Nischal abhi aao yahan..


Jaise hi Nichal uske pass pahuncha, 440 volt wala kadak thappad usse jadti hui… "Kasam kha lo tum Nischal ki aaj ke baad koi plan nahi karoge. Tumhari wajah se hum 2 salon se apne pariwar se na mile… tunhare wajah se Jivisha til-til marti rahi.. aur tumhari wajah se tunhari bahan, na jane kin musibaton ka samna kar rahi hogi"..


Nischal, muskurate huye, apne dono kaan pakad liya aur kahne laga…. "Haan main kasam khata hun.. ab chal tu bhi gussa thuk de"..


Nandni:- Hmmm ! That's better..


Jivisha:- Computer ji meri wajah se viman ko jo damage hua hai, kya usse aap thik kar sakte hai..


Computer:- O airi ladki, uss chadar ke ander kitne sari lines aur function hai pata bhi hai… ander ja'kar manually thik karo warna bulate rahna saman, kuch na pahunchega..


Jivisha:- Koi na computer ji mere janu kis Marj ki dawa hai.. Janu wahan jao abhi aur thik karo… Waise iss grah par kuch hari sabjiyan milti hain kya?


Baby:- Yahan kuch bhi hara nahi.. aur jo bache hain, mujhe to lagta hai wo bhi banjar na ho jaye..


Sab baton me vyast ho gaye… takriban 2 ghante ki mehnat ke baad, wahan ke sari chijon ka proper function check karke Nichal wapas lauta… control room jakar sab kuch check kiya aur wahin aaram se baith gaya..


Achanak hi Nischal ko Serin ka pendent yaad aaya aur wo pendent nikal'kar dekhne laga… pendent kafi khubsurat dikh raha tha jiske niche takriban 3 inch ke size ka ek hexagonal patthar ka dhancha tha.. Dekhne me kafi khubsurat aur gahre hare rang me tha..


Nichal uss ruby se dikhne wale hare patthar ko hath me lekar bade gaur se ulat-palat kar dekhne laga… "Ye Serin ka banaya hua to nahi lagta hai… banawat kafi khubsurat hai jo kisi jewar ka hissa lagta hai. Iske ander itni urja kaise jo Viman shuru kar sake"… Nischal uss pathhar ko aur bhi bariki se janch karne ke liye, hawa me rakh'kar uss patthar ko hook kiya.


Apne aakhon par magnifying glass lagakar bade gaur se uski barik banawat dekhne ke baad, achanak hi usse kuch dhyan aaya aur wo turant Mahamahim ke reflector device ko nikal kar dekhne laga… "Hmmm ! To ye raaj hai… lekin itna jatil science.. dekhna hoga ki iska nirman kab hua tha"…


Nischal ne fir parten kuredni shuru ki… Pendent me lage ruby lagbhag 20000 vrash se bhi purv banaya gaya tha… computer system 20k varshon ke purv aur kitna pahle bana tha uski jankari nahi de sakta tha…


Fir uss reflector me lage patthar ki janch karne laga jo hu-bahu Serin ke diye patthar jaisa tha, kewal rang kala tha. Uss patthar ke bhi banne ki kahani uske judwa green patthar jaisa hi tha..


Hairani to tab ho gayi jab dono patthar ke banne ki location ko dhundha gaya… Dono patthar ka nirman earth par Antartica me hua tha. Lekin ye patthar Nischal ke milne ke purv kayi grahon par ja chuka tha… Ek to in pattharon ka jatil vigyaan, upar se earth me bana patthar kayi sare grah par le jaya ja chuka tha, jo ki saaf taur par sabit kar raha tha ki purv me bani har technology sajha ki jati thi.. kintu abtak iske kahin koi prman nahi mile the..


Nischal ne sabse aakhri me in patthar ki gunwatta aur karya saili ko janchna ki shuru kiya. Kamal ke parinam nikal kar aaye. Yah patthar manav nirmit nahi, yadhpi ye prithvi ke garv se nikle the.. kayi tarah ke khanij, aur bhutal me hone wale reaction ke karan in pattharon me gun paida huye the. Isse Prakrit ka vigyaan bhi kaha ja sakta tha, jo kayi sare reaction aur certain temprature se gujarkar bana ek nayab patthar, jise lab me kisi bhi vidhi se nahi banaya ja sakta tha..


Inka prayog kafi santulit aur nischit simaon tak hi tha… Jahan Serin dwara khoja gaya green patthar ek chhota paket energy tha jo kisi bhi media me apni energy khud banane ki capacity rakhta hai.. jo maximum 1200 mega watt prati ghante tak ja sakta tha .. yadi bijli generate karne ke sandarv me ek udharahan matr liya jaye to.


Wahin Mahamahim ke reflector me laga patthar thik green patthar ka ulta tha… Ye energy ko khich kar ek media se dusre media me transfer kar sakta tha... Iski capacity ka pata kar pana muskil tha kyonki jabtak maximum energy ke bich nahi rakha jata pata laga pana muskil tha..


Nischal dono hi patthar me jaise dub sa gaya tha. Har tarah ke prayog se to saaf tha ki is patthar ka prayog kewal ek kusal Vaigyanik hi kar sakta tha, anytha yah ek khubsurat nayab patthar tha jo kisi ke gale me latak'kar uski shaano shaukat badha sakta tha…


Lagbhag janch khatam ho chuki thi. Nichal dono patthar ko dekh'kar kuch soch hi raha tha, ussi waqt Jivisha control room me pahunch gayi… "Sir kaun se sawal ka jawab dhundh rahe han".. Nischal dono patthar ko wapas high security me rakhte huye, Jivisha ko dekha aur muskurane laga…


Jivisha:- 2 ghantey se control room me ho, main 3 baar aakar ja chuki hun..


Nischal:- Pagal, apne computer ko hi bol deti mujhe yahan se uthane..


Jivisha:- Wo computer bahut dhit ho gaya hai. Ek to meri sunta nahi, upar se pol bhi khol deta hai… Hatao inhe, chalo na baby ek walk par chalte hain..


Nischal:- Haan kyon nahi.. chalo chala jaye..


Dono viman ke bahar aakar ret par thodi dur chalne ke baad wahin baith gaye… "Tumhe to thik se mayus hona bhi nahi aata Nischal"..


Nischal:- Hey Jisa tumhe kisne kaha main mayus hun..


Jivisha:- Koi kahega to hi mujhe pata chalega ki tum mayus ho… Suno baby tumne koi galti nahi ki hai, aur na hi main tumhare wajah se til-til mari hun… Nandu shayad apne ghar ko miss kar rahi hai.. aur humare wajah se fans gayi, isliye gusse me wo sari baten kah gayi..


Nischal:- Miss to tum bhi sabko kar rahi ho Jisa..


Jivisha:- Bus ab to sab kuch samet'kar unse hi milenge na.. jahan 2 sal intzar kiye hain.. 2-3 mahine aur intzar kar sakte hain… lekin tum nakam nahi huye .. bus mera Nischal dil ka saaf hai.. ..


Nischal:- Bewakoof kahte hain usse..


Jivisha apna sar Nischal ke gode me rakhti… "Apne bholepan ko bewakoofi na batao, mujhe chubhta hai. Tum jis wajah se bhi maut ke muh me gaye hoge, kisi ke viswas me hi gaye hoge. Jisne viswas toda wo uski bhul thi ki usne kya khoya, tumhari koi galti nahi thi love"..


Nischal:- Lekin sach to ye bhi hai ki Serin wahan sirf mere wajah se na jane kya-kya sah rahi hogi. Kahin wo toot na jaye..


Jivisha:- Tumne hi to bataya tha ki wo shuru se tumhare liye khamoshi se ladti rahi, khud ke pita aur bhai se, lekin tumhe kabhi pata nahi chalne di, aur na hi wo kabhi samne aayi, fir uski chinta karke usse kamjor sabit karne me kyon tule ho.. Jante ho Nischal sabke dard wala kaam kya hota hai..


Nischal:- Kya ?


Jivisha:- Jab apne hi pariwar ke log galat ho, aur uske khilaf ladna.. kayi baar mere ghar ke log sahi hokar bhi galat the lekin main kahan lad payi thi.. wo tumhare liye unse ladti bhi rahi aur na to apne pariwar ko aur na hi kabhi tumhe ehsaas hone diya… tum to samne se jakar khade ho gaye ki le lo meri shaktiyan, lekin wo kya aisa hone di… uske husle ko hans kar salaam karo Nischal.


Nischal:- Haan thik hai samjh gaya… waise kitni khamosh hai na ye raat …


"Ander se mayus rahega to raat khamosh hi hogi na.. warna yun Jivisha ko apne gode me sulaye rahta"… Nandni dono ke pass aati hui kahne lagi…


Nischal uska bhi hath pakad kar uske sar ko apne gode me lekar jod jor se thokte huye…. "So ja lalli so ja… laal palang par so ja"..


"Lalli… hihihihihi… lalli… hihihihi"… Nischal ki lori sunkar Jivisha hans hans kar lotpot ho gayi… Nandni khadi ho'kar kuch dur pichhe hati aur apne dono kaan pakadti… "Maaf kar de yaar gusse me thi, nikal gaya muh se…. Main ander se bahut guilt feel kar rahi"..


Nischal:- Pagal, bura lage ya acha lage jo bol di so bol di.. tu hi to kahti thi na ye baat..


Nandni:- Mujhe yaad nahi.. kab kahi thi..


Jivisha.. lalli ko lori gakar yaad dilao Nischal… shayad yaad aa jaye…


Nandni… Jisa apne computer ko kabu rakh … ye mera paun ret me khinch raha hai..


Jivisha… Nahi re ullu.. main kuch na kar rahi… Nischal… aaaooo..


Ek ore Jivisha to dusri ore Nandni… dono ret ke ander pura dhans gayi… Nischal teji se Nandni ke ore bhaga, lekin ret me jo bhi tha, wo tha kafi tej… Nischal apni purn gati se bhag'kar jabtak Nandni ke pass pahuncha, uske kewal hath hi dikh rahe the.


Nischal ne Nandni ka hath tham to liya lekin khinch'kar bahar nikalne ki himmat nahi hui, kyonki jis gati wo Nandni ko ret me le ja raha tha, yadi Nischal takat lagata to Nandni ko bhadi nuksan ho sakta tha.

 

[Spıdəɽmaŋ]

Ji shukriya mitr .. kal din ka waqt bhi de dijiyega.. pura khatm he ho jaye kahani... Aur man ho to 2-4 pratikriya b marte jaeyega.. pata to chale kaisa likha hai maine

Hn Bilkul Mujhy Apni Story mein update bhi krna hai Review Mil jayega bro Apki writing skill bahut badhiya hai khas kr Comedy aur drama wala scene alg hi attractive hota hai

 

[nain11ster]

11 ke subh tokan se shuru kar diya hai... Mere khyal se 20 se 25 update aur honge.. kal ready rahne ka kyonki ... Subah 10 se 11 ke bich shuru karunga .. enjoy doston

 

[Spıdəɽmaŋ]

aur update aa gye Jai ho bhai

 

[KEKIUS MAXIMUS]

Update:-76​

Nandni…



Main to shadi me vyast thi.. Maa ke sath bahas chal rahi thi. Main unhe chidhane ke liye kah rahi thi, jaymala ke waqt main dj bajwaungi aur aise thumke lagaungi…


Pata nahi achanak kya hua. Bahut bad type feeling thi. Laga mera dum ghunt raha ho.. jab aanken khuli to main bistar me thi, aur mere phone ki ghanti lagatar baj rahi thi. Bade bhaiya ke 50 call aa chuke the aur jo koi bhi pone uthata bus itna hi puchhte, Nischal kahan hai..


Main jab jagi aur unse baat hui tab kisi anjaane dar ne mujhe gher liya. Hum dono ko bus yahi lag raha tha kahin koi anhoni to nahi hui tumhare sath. Fir mujhe pata chala ki bade bhaiya ne 4 ghante me hi apne department ko tumhe dhundhne ke liye itna padeshan kar chuke the ki unhe 1 week ka suspension mil gaya tha…


Bade bhaiya Jivisha ke ghar bhi pahunche the, jahan Jivisha nahi thi, Chirag aur Aarsi bhi gayab the aur kisi se contact nahi ho pa raha tha... Unki baat sun'kar main ghabra gayi, mujhe lag gaya ki kuch to galat ho gaya hai.


Fir maine kahani bana diya bade bhaiya se. Unse boli tunhara sandesh aaya tha aur tumne kaha hai wo Jivisha aur uske pyaron ke sath kuch din ke liye chhuti par ja raha hai, apne grah, jab tak laute nahi, tab tak mukhiya ji ko sambhal lena.


Tikhi bahas ho gayi thi uss waqt bade bhaiya ke sath. Wo man'ne ke liye raji nahi the ki tum yun achanak Aarsi aur Chirag ko lekar bhi chale jaoge. Fir jab unse kahi ki Jivisha apne shaktiyon ke karan bekabu ho chuki thi aur tumhe (Nischal) gambhir roop se aisa ghayal kar di ki bachna lagbhag muskil tha. Uss waqt Jatin ne Chirag aur Aarsi ko Jivisha ke samne rakh diya, tab kahin jakar wo shant hui. Ilaz yahan Prithvi par sambhaw nahi tha islye achanak Nischal aur Jivisha dono ke ilaz ke liye Aizem grah nikalna para..


Itna batane ke baad tab kahin jakar wo mane… halanki unhe to shant kar chuki thi, lekin mera man bilkul bechain tha. Main tumhare khyalon me hi dubi thi, tab mere hatheli par sandesh chhapa… Koi aaschrya nahi tha.. Mujhe samjh me aa gaya ki ye emergency sandesh tumne apne mask ke jariye chhoda hai.. kisi GPS ki tarah ye area ko locate kar rahi thi. Main akeli hi nikal rahi thi, lekin pyar ke riste me ehsas dur tak pahunch hi jate hain....


Main tumhare liye padesan thi aur mera baby mujhe lekar chinta me tha.. raat ke 1 baje wo mere pass pahuncha tha. Main apne ghar ke darwaje par hi thi aur Ansh ki car thik mere samne. Main, Ansh se tumhare vishay me batayi ki Nischal khatre me hoga aur Ansh ne kaha ek se bhale 2 aur waise bhi ek doctor sath rahe to khatra kam ho jata hai..


Hum dono hi apne viman ke pass pahunche.. Ansh ko to yakin hi nahi hua tha ki tumne mujhe wo viman gift kiya tha. Tumhare mask ke upar chhape location ko maine viman ke GPS par locate kar diya aur viman hume sidha yahan le aaya..


Tumhare master computer ne hunara welcome kiya. Tumhare indore se nikalne se lekar yahan tumhare barf me girne tak ki puri kahani screen par thi. Yahan aakar pata chala ki tunhara location aur khatre ka andesa, sab ye super computer mujhe bhej rahi thi..


Barf me khudai ke liye sare equipment hume diye gaye aur sambhawit location ki jankari bhi… kya kamal ke equipment the wo.. mahaj 2 ghante me hum tumhe barf ki gahraiyon me dhundh chuke the..


Aahhhh ! Kya haalat banayi thi un kamino ne tumhari.. sale harami kahin ke… Nischal mujhe sabse pahle uss Jatin aur Apini se hi milna hai…


Ansh, Nandni ke kandhe par hath rakhte, usse shant karwate huye aage kahne laga…


"Tum jaise hi hume mile, hum tumhare super computer ki baat ko follow kiye. Wo kahi thi, jab Tum Milo to tumhe bilkul bhi touch na karen, bus ek chhota sa command dekar wahan se wapas chale aana hai"..


Humne thik waise hi kiya, jo sikka abhi tumne Nandu ko diya wo tumhare upar girakar, hum wahan se wapas aa gaye. Jaise hi viman ke ander pahunche.. hume hospital area me aane ke liye kaha gaya…


Hum soch hi rahe the ki hospital area me pahunchenge kaise, tabhi humare pass pick up pahunchi. Hum jaise hi hospital area ke darwaje par the, sabhi kapde utarne ke instructions mile..


Humne wo follow kiya aur jaise hi ander pahla kadam liya humare pure badan par kayi sare liquid ki fuhar barsi aur fir kuch kapde jute sab humare liye khud w khud aa gaye.. kamal ka medical innovation..


Yah kamal ki technology hum pahli baar dekh rahe the. Aage jaise-jaise computer kahte gaya, humne wo kiya.. tumhare body se sare weapon autometic system se nikale gaye the, wo bhi body ke blood flow aur blood pressure ko control karte huye..


Jab tumhara complete body scan hua, hum dono ko aisa laga tumhara super computer sisak rahi hai. Jaise uske ander bhawnaye dal di gayi ho… scanning result dekh'kar to Nandu ko bhi chakkar aa gaya tha… brain cell complete function karna band kar chuki thi aur shwans atak-atak kar ander bahar ho rahi thi..


Mujhe laga jis super computer ke pass bhawna hogi wo mujhe kuch manual control to de hi sakti hai.. tabhi maine pahle to extra oxygen support ke liye ek ventilator ki vaywastha karwayi.. aur brain cell activation ke liye brain ko trigger karna tha, isliye mujhe brain surgery bhi karni pari..


Lagbhag 6 mahine tak medical support ke baad, tunhara brain stable hua tha, lekin ab bhi tumhe hosh me kaise lana hai wo samjh me nahi aa raha tha... Hum sab nirash the.. 6 mahine me lagbhag himmat toot chuki thi.


Tumhare super computer ne hume bahut hausla diya. Hum dono ne milkar kayi sari theory par work out kiye. Lagbhag mahino tak kewal theory par discussion hota raha. Anth me yah tay hua ki hum brain ko deep fridge se bahar nikalne ke liye ek stable high temperature, brain ke blood flow me denge..


Muje yaad tha tumhara body temprature jab 500⁰ ke karib pahuncha tha.. laga ki tunhara brain high heat capabilities hai. Fir kya tha kayi din tak issi par sodh chala ki bina dusre body organ me blood ke high heat temprature ko pahunchaye kaise kewal brain me wo bheja jaye...


Theory maine diya aur lagbhag 4 mahine ke mehnat ke baad tumhara super computer yahan ke needle process me buniyadi ferbadal ke sath commanding ka aisa web banaya ki main jo chahta tha wo possible ho chuka tha..


Humne body temperature ke normal heat se shuru kiya tha .. aur jab tum jage, tab tumhare brain ko 250⁰ celcius ki heat pahunchayi ja rahi thi… Kuch der pahle mujhe super computer bulayi aur kahi ki sabhi medical equipment ko nikaln do, yahan se mera command khatm hota hai… Main uski baato ka matlab samjh pata uss se pahle hi tum jaag chuke the…


Nischal:- Doc tum wakai me kamal ke ho, pata nahi tunhara ehsan main kaise utar paunga.. darasal kewal tumhara hi nahi balki tum dono ka… dono ne ab tak kewal mujhe diya hi hai.. main badle me kuch nahi kar paya...


Nandni:- Bus-bus senty dialogue mat maar.… Aur mere sawalon ka jawab de ab.. usme ek aur baat jod dena.. ye pura extreme high tech shahar lekar tu kabse ghum raha hai..


Nischal:- Jab se iss sahar ko maine dobara banaya, tab se main isse lekar ghum raha hun.. Khair tere sawalon ka jawab main aaram se deta hun, pahle mujhe wo weapon dekhna hai jo mere sine me utara gaya tha…


Jaise hi Nischal ne kaha weapon dekhna hai, waise hi Ansh aur Nandni khade ho gaye.. Nischal unhe apni jagah baithne ko bola aur command diya… Kuch hi der me wo weapon unke pass thi…


"Yahan kya koi jadu hai kya.. ya logon ko kahin chhipa kar rakha hai. Har chij pass aa jati hai".. Nandni aashrya se puchne lagi..


Nischal:- Are yaar yahan to kadam-kadam par tere sawal hai. Ye pura viman triple layer ki robotics engineering hai… ab iske bare me batane laga na to din raat lagega samjhane me.. upar-upar samjh ki, ek paper ko mod'kar shape de sakte hai.. jaise ki naaw, jahaj aur ful.


Bus ye jagah bhi ussi ke concept ka hai… 200 square kilometre par, 20 fit mota box dala tha aur uske ander sara machinary fit karne ke baad ye shape de diya... Shape dene ke baad, fir jaroorat ke hisab se ander ki banawat ki gayi hai.. iss se jyada ki detail tu manual me padh lena, pure 10 page ka manual hai…


Nandni:- Haan dekha tha wo manual.... ek page wo iss hall ke 6 guna jyada bada tha…


Nischal apne kaam me lag gaya aur hathiyar ke tip ko jibh se ek baar chata…. jibh se jaise hi tip lagaya Nischal hanste huye kahne laga… "Tum duniya ki sabse innocent shatir ho… kash main tunhare itna durdarshita rakh pata"…


Nischal uss hathiyar ko lekar control room chala gaya. Control room se lage hi ek kafi bada hall tha… Nischal uss hall me jakar wahan ki deewar ko bade gaur se dekhne laga... Aisa laga jaise wo apna bachapan se jawani ko ji raha hai… wahan deewar ki har panting mano jivit ho jaise…


Tasveeron ko dekhte huye, Nischal bachpan se jawani ke ore badhne laga..... Aage ki tasveer par jaise hi najar gayi… "Oh, Nandu kahan rah gayi, usse bhi yahin bula leta hun"..


Nischal ne Nandni aur aakash ko bhi ussi hall me bula liya.. dono jaise hi uss hall me dakhil huye…. "Wowww, ye sab kya hai Nischal"…


Charo ore deewar par lagi tasveere jaise kuch kahna chah rahi ho. Har moment ki tasveer itni khubsurti ke sath wahan lagi hui thi, mano har tasveer apni kahani khud bayan kar raha ho.


Nandni:- Kya baat hai Nischal, aisa lag raha hai yahan ki har deewar jivit ho… ye sab tasveere tumne capture ki hain?


Ansh:- Yahan par to meri bhi kayi tasveere hain.. waise ek baat bahut galat hai..


Nischal aur Nandni dono ek sath… "kya galat hai"..


Ansh:- Yahan par 50% tasveeron me kewal Kasak hai… ye kya ghotala hai?


Nandni:- Haan Nischal main bhi ye puchne wali thi.. waise pahnawe aur jagah se lag nahi raha ki ye Pune me li gayi tasveer hai... Tu Kasak ko alag se kisi khubsurat hill station le jata tha kya? Aur jab Kasak ke sath itni tasveere hai iska matlab..


Niachal:- Matlab duniya me mera pahla pyar wahi hai.. waise wo Kasak nahi hai.. Serin hai.. Kasak se lagbhag uski shakl milti hai..


Nandni:- Oh to ye hai Serin, jisne tunhare maut ki puri planning ki thi… kamal hai Nischal, wo tujhe marna chahti thi aur tere dil me uske liye kewal pyar hai…


Nischal:- Aaram se baith jao sab batata hun, tumlog kuch pina pasand karoge..


Ansh:- Little little wishkey with chill soda, kuch tala ya bhuna item ho jaye to maza aa jayega..


Nandni:- hehehe.. Haan 2 sal se to maine bhi kuch nahi liya…. Yahan 2-3 peg ki vyawastha ho jati to..


Nischal:- pahle nahi tha, lekin mumbai jakar pura stock bhar liya tha.. 30 truck me se 15 truck to har tarah ke sharab aur beer ke he the…


Nischal ne turant sara saman arrange kiya, teeno wahin ke kitchen area se bahut kuch fry karke le aaye aur baith gaye… 2 peg pine ke baad Nischal sabse pahli tasveer ko dekhkar kahne laga…


Wo hain meri maa.. Venyata.. ek Viggo. Tumne puchha tha na Viggo ke bare me, to achhe se dekh lo main apne prajati ka aakhri known Viggo hun… Jise tum dono ne bachaya..


Takriban 1000 varsh purv universe me bade badlaw ki niw rakhi ja chuki thi. Tab Universe me 2 Jan janti ka bol-bala tha… ek the Mosoori Grah ke Dakasht Prajati aur dusra Aaynek grah ke Viggo. Dono hi ati ghamandi aur bakiyon ko kida makoda samjhne wale… Shayad takat ka nasha hi kuch aisa hota hai.


Pure Universe me jo technology ka prasar hua hai wo inhi dono grahon se hua hai, Prithvi ko chhod'kar. Prithvi ki puri technology in dono grahon ki tarah apni hai.


Jab 2 aapas ki barabar takten takrati hain to khamyaja kayi masoomon ko uthana parta hai. Universe me aisa hi kuch chal raha tha. Mosoori aur Aaynek grah ke bich ki ladai me Universe ka kafi santulan bigad raha tha..


Fir aayi shanti Sandhi. Yah prastaw lagbhag 1000 varsh purv Dwitiya Viggo Sigma dwara diya gaya tha. Ab tum dono soch rahe hoge ki ye Viggo Sigma kaun hai? Viggo Sigma yun samjh lo samast Viggo me takat aur buddhi me Sarw-Shresth. Aage jakar uske ander bhi classification hai aur jinke classification nahi ho paye unhe unclassified kahte hain..

nice update ..abhi pata chala serin ko saasu bua kyu bulati thi aarsi ...aur serin se pyar karta tha hero to usne dhokha kyu diya ? nandini ka gussa sahi hai apini aur jatin ke upar ..

 

[KEKIUS MAXIMUS]

Update:-77​

Dwitiya Viggo ke kosis ki wajah se dono grah ke bich shanti sandhi ka samjhauta hua… aur isi sandhi ke tahat dwitiya Viggo Sigma ko, Dakshat ke sabse kusal Shasak ki beti ke sath Jodi banana para, matlab shadi karni pari.


Dono hi grah-vashi iss naye kadam ka swagat khule dil se kiye. Kintu inke milan se jo santan paida hui, uske baad ye sari khushiyan gayab ho gayi. Sab ko laga tha sabse shresth Viggo aur sabse shresth Dakshat ke milan se sabse majboot Viggo ki nayi prajati ka janm hoga.


Lekin sabne ek baat ko najarandaj kar diya ki pure universe me sabse shaktisali iska rachayta hai. Dono ke milan se jo pahli santan utapatti hui, wah ek niskriya Viggo tha, jiski buddhi aur takat kisi aam se grah se insano jaisa tha..


Iss khabar ne to jaise Viggo ki bhawishya niti ko gahra aaghat pahunchaya ho. Dwitiya Viggo Sigma ko aane wale waqt ka aabahsh ho chuka tha, isliye usne apni jodi aur beti ko apne kuch wafadaron ke sath Aizem ki seema me bheja tha. Iss pure jahaj ko ussi Viggo Sigma ne apni jodi ke liye banwaya tha, jiski suraksha taknik ko na to koi Viggo aur na hi koi Dakshat bhed sake.


Viggo Sigma ne apni jodi aur bache ko surakshit karke ek kusal Viggo hone ka saboot de diya tha, lekin apni jodi se alag rahna unke komal dil ko bardast nahi hua aur wo jodi viyog me mar gaye..


Viggo Sigma ki maut aur Dakshat prajati se koi labh na ho pane ke sandarv me, sabhi sandhiyon ki dhajjiyan Viggo ne uda di thi. Lagbhag 100 varshon tak Masoori aur Aaynek grah ke bich khuni khel chalta raha, aur tab satta me aaya tha tirtiya Viggo Sigma.


Bahut hi kurur aur apni gandi samrajyavad niti ko bahut hi strongly follow karne wala. Pahle to usne yudh viram lagaya aur uske baad apne sabhi yogya scientist ke sath Mosoori ke purn safaya ki yojna par kaam karna shuru kar diya.


Mosoori ko bhanak bhi nahi lagi thi aur ek raat jab unke grah ke orbit me achanak yudh chhida, tab wo nahi jaan paye ki ye unka aakhri yudh hoga. Antriksh ki seema me samne ki ladai chal rahi thi aur chupke se vidhwansak viman bina kisi ke najar me aaye, Mosoori Grah ke core center tak pahunch gaye..


Kya khauffnak manjar dikhaya tha un logon ne. Jaise hi unke grah ke core me unka kaam khatm ho gaya, un logon ne apne sabhi viman wapas Aaynek par le liye. Masoori wasiyon ko laga ki unhone Viggo ko bhaga diya lekin aisa nahi tha… ek khuni khel Racha ja chuka tha aur 24 ghante baad uska parinam bhi aa gaya.


Agli raat Masoori ki puri antriksh seema Viggo dwara gher li gayi aur dekhte hi dekhte unka pura grah tootne laga. Kuch log jo apni jaan bachakar bhag sakte the aur iss prajati ko vilupt hone se bacha sakte the, unhe gher kar mar diya gaya aur iss prakar ek puri prajati aur garh ka nash Viggo ne kar diya.


Raton raat Aaynek grah ne kururta ki wah kahani likh dali, ki shakti ka ek matr pratik Viggo huye aur samast grah ke sasak ne unki adhinta ko swikar kiya tha.


Purn kuch bhi nahi hota hai aur tirtiya Viggo Sigma ki kururta dekh'kar dhire-dhire kuch Viggo ne Aaynek grah chhodna shuru kar diya, jo iss ladai aur bhisan kururta ke khilaf the.. lekin uss Viggo Sigma ko in sab se koi fark nahi pada..


Pure Viggo itihas ka wo pahla Viggo tha, jisne 4 jodi banayi thi. Halanki koi jaroori nahi ki ek Viggo apne jivan kal me ek hi Jodi banaye, lekin Viggo ke hriday ki bhawna aisi thi ki, agar kisi Viggo ki jodi me se yadi ek sathi mar jaye to dusre uske viyog me mar jata. Yadi uski jodi kisi karan vash bichhad jaye to dono ek dusre ke viyog me mar jate. Shayad Viggo ki zindgi ke taar uske jodi se aise jud jate hai ki bina ek dusre ke zindgi hi saja lagne lagti hai.


Uss Viggo Sigma ki 4 jodi ki kahani ne sabko hatash kiya tha. Uski 3 sangni kewal is viyog me mar gayi kyonki uske jodi ne kisi aur ko chun liya. Shyad ye unhi ke dil ki aah thi ki Viggo ke itihas ka anth najdik aa gaya tha..


Tirtiya Viggo Sigma ki 2 patni vigyan ke kayi project ka hissa thi, aur ussi vidhwansak project par kaam kar chuki thi, jiske karan Mosoori Grah toota tha. Tritiya Viggo Sigma, apne takniki vibhag se kuch anay maha'shakti'sali project par kaam karwa rahe the, jiske pratham aur dwitiya mukhya vaigyanik unhi ki patniya thi.


Dono apne jodi tootne ke karan itni hatash thi ki unse project ke dauran bhadi chuk ho gayi aur parinam wahi hua jo Mosoori grah ke sath in logon ne kiya tha.. Jabtak takniki vibhag isse rok pate tabtak bahut der ho chuki thi aur fir yah tay hua ki grah ko chhod'kar sab nikal jaye..


Kuch Viggo ne isse prabhu ka kahar maan'kar, sab ko saja bhugtne ke liye, yahan ke sabhi viman ke shreni ko aisa barbaad kiya, ki har Viggo yahin fans kar rah gaye… kuch Viggo jo chahte the ki vigyan aur sodh jinda rahe, wo kuch jindgiyan bacha kar Aaynek se nikalne me safal rahe. Uske alwa jitne bhi bache, kya acha aur kya bura sab ek hi taraju me taule gaye aur toot'te Aaiynek ke sath hi Viggo ka wo ahankar bhi toot gaya, jisme wo khud ko sharw'shresth mante the..


Bache huye Viggo ne pran kiya tha, jahan bhi rahenge shanti se rahenge aur yadi kisi Viggo ke ander uske shresth hone ki ikchha jagti hai to wo unhe maut ke ghat utar denge… bache Viggo ne shresth hone ka natija dekh liya tha, 2 sabse shaktisali grah ko duba kar…


Lekin jo Viggo bach gaye, wo bhi apne logon ke purv karmon se achhuta nahi rah paye. Fir wo Aizem grah ho, Zoren ho ya bhag'kar kisi anay grah me gaye ho. Har grah ke sahask ki pahli demand yahi hua karti thi ki unki aur Viggo prajati ki milan aur uss se naye prajati ka nirman..


Viggo apne pran me adig rahe, marna pasand kiya kintu na to wo lade aur na hi kisi bhi shasak ke dimagi upaj ko pura hone diya… aur dekhte hi dekhte Viggo ke purn vilupt ki kahani likhi ja chuki thi…


Dwitiya Viggo Sigma ka pariwar aur uske wafadar pahle se hi Aizem grah par the. Unhone bhi Aaiynek ko toot'te dekha aur dekh'kar itna hi khyal aaya… "Kisi ka takatwar aur buddhiman hona dusron se jyada khud ke liye hi ghatak ho jata hai'…


Aizem par to Viggo ki kahani bilkul alag thi. Aizem grah par jab ye viman utra, tab kisi ko bhi pata nahi tha ki Viggo ka ek bada samuday unke hisse me apni colony basane aaya hai. Shyad ye isliye bhi sambhaw ho paya, kyonki Aizem washi tab sangathit nahi the aur dwitiya Viggo Sigma ne jis hisse me viman ko land karwaya tha, wo kisi bhi shasak ke seema ke adhin nahi tha…


Ek Dakshat putri aur Dwitiya Viggo Sigma ki jodi, jab apne jode se alag hui to apne pati ke viyog aur uske jivan tyag ka aisa asar hua, ki wo bhi kuch varshon baad apna jivan tyag gayi. Dakshat putri kewal apni beti ke karan jivit rahi, taki kuch varshon me khud ko sambhlna sikh le..


Chunki Dakshat putri ek kusal Dakshat sasak ki beti thi aur Viggo ki tarah yah bhi ek kusal prajati thi, isliye jabtak jivit rahi usne kushal netritw kiya aur har kisi ko kewal shanti se jina sikhayi.


Jaisa ki pahle hi bataya tha ye 200² kilometer ki kewal ek chadar hai, isliye Dakshat putri ni iss viman ko bhumigat kar diya aur apne logon ke sath ussi ke upar colony ka nirman ki thi…


Kuch Viggo ko unhone sattadhari ke pass bhej diya, taki wo yahan ke kaam kaj me aham bhumika nibha sake aur yahan ke Jan jivan ko ek disha de, taki unki bhumika yahan ke shasak pariwar ke najar me rahe aur uska labh unko milta rahe..


Bache shantipriya Viggo ne thik waisa hi kiya aur Aizem par Viggo ki ek shantipriya prajati bina kisi ke jankari me aaye shanti se rahti rahi…


Kuch varshon baad wo niskriya Viggo bhi viyog me mar gayi, aur tab satta me aayi thi dusri generation. Chhoti si umr me hi apni maa se usne bahut kuch sikha tha.. Is viman ka ek aur hissa hai jahan jana purn pratibandhit hai, wahan ab bhi sara itihas jivant hai…


Wo bhi bilkul shanti se jeevan bitati, uski bhi ek Viggo ke sath jodi bani aur Viggo itihas ki ye pahli kul thi, jisme lagatar 2 generation kewal beti ko hi janm de saki aur kisi na kisi karan se unke mata pita alpaayu ke shikar ho gaye…


Dwitiya Viggo Sigma ki teesri generation yahan apne logon ka pratinidhitwa kar rahi thi, us waqt Aizem ke seema me bhi badlaw aana shuru ho chuka tha… Yahan ke shasak pariwar ne seemaon ke 2 hisse kar diye aur inke aapas ki barchasw ki ladai shuru ho chuki thi..


Aizem washi, aapas me lagatar sangrash kar rahe the aur idhar Viggo samuday me, tatkalik Viggo ke mukhiya ke aadesh par wahan Aizem ke Viggo ne kewal nutural bhumika nibhayi thi. Ladai karte-karte Aizem shasak ke bhi generation badalte rahe aur nutural bhumika nibhate-nibhate Viggo ke bhi generation badal rahe the..


Dwitiya Viggo Sigma ki 4th generation jab Aizem me thi tab Aaynek grah toota tha.. Aaynek se bhag'kar kayi Viggo yahan Aizem bhi pahunche the.. Aaynek ke tootne se Viggo ki wo takat bhi lagbhah toot chuki thi.. jiska itihas sadiyon purana tha.

nice update ..to viggo me bahut ghamand tha taakat ka ,,,iske wajah se 2 grah tabaah ho gaye ...baaki kuch samajh nahi aaya ?...

 

[KEKIUS MAXIMUS]

Update:-78​

Bina apne prabal vigyaan ke sahare, bina kisi netritw ke Viggo Aizem ki climate me adjust karke, jab tak ladna sikhte, Aizem grah se Viggo ke purn safaya ki kahani rachi ja chuki thi. Viggo ko marne ke liye Aizem ke bantware se bani seema ab ek ho gayi thi aur dono milkar Viggo ka shikar kar rahe the aur shikar ke liye yahi hathiyar istamal kar rahe the jo mere sine me utara…


Sigma ki 4th generation ab tak in sab se achhuta thi, kyonki kisi ko pata nahi tha ki ye log bhi Viggo hai. Lekin kayi Viggo ko darbar me apne aakhon ke samne mara jana dekh'kar, sabka dil dahal gaya.. upar se kisi bhi Viggo ne pratikriya me bachne ki kosis tak nahi kar rahe the..


Kururta ki iss kahani ko aage na badhne diya jaye, isliye 4th generation ne sabhi Viggo ko Raton raat apne colony aane ka sandesh bheji aur sab ko isi viman ke niche chhipa liya gaya tha…


Lagbhag 1000 Viggo pariwar ne yahan apne 3 generation banaye the… lagbhag 4 lacs ki aabadi thi jab 7th generation yani ki meri maa Venyata satta me thi.. apne logon ke sukh dukh ki sathi aur apne 6 generation ke anukul ek kusal shasika…


Lekin 3 generation se iss viman me rahne ke baad yahan ki lagbhag generation ne jo suna tha wo kewal apne purwajon se hi suna tha… Venyata par uske logon ka dawab aa raha tha ki wo log bhi Aizem ke din ka ujala dekhna chahte hai, yadi aisa na hua to wo yahan yudh niti apnakar apne liye seema ka nirman karegi..


Venyata, apne logon ke moh me thi aur kuch uski apni bhi ikchhayen, aur yahin chuk ho gayi. Apne ek kushal sathi aur hone wale jode ke sath Venyata tatkal shasak aur mere baap Bihawan ke pass, ek shanti prastaw ke sath pahunchi thi.


Viggo ka itihas ab purani kahani ho gayi thi, uss baat ko bite lagbhag 400 varshon se jyada ho chuka tha.. Venyata apne logon ke ore se Bihawan ke samne yah prastaw rakhi ki uska kabila khanbadosh hai aur uske rajya me sthayi thikana banana chahta hai..


Raja, Venyata ke roop aur uske apne logon ke prati jimmedari dekh'kar, uske har prastaw ko mante huye apni ek shart rakh di ki wo log yadi yahan sthayi thikana chahte hain to raja ke prati wafadari dikhani hogi…


Venyata ne raja ke samaksh vishwas prastaw par uss se hi rasta puchh li. Raja ki mansa saaf thi, usne kaha yadi Venyata uski ho jayegi to uski samast praja bhi uski hogi…


Venyata ke liye kafi muskil tha ye faisla. Wo apna jodi chun chuki thi... Aur dwidha me fasi Venyata ne wapas bhumigat hone ka fasla liya. Lakin ek Viggo ko uske jodi ka jhuka sar aur ek shasak ki haar bardast na hua, aur usne khud ki jaan lekar Venyata ko aage badhne ka sandesh de gaya…


Kafi bhari wo samay tha jab apne jode se Venyata bichhad chuki thi. Mirtu ab uski kismat thi to marne se pahle kuch achha karne ka faisla wo le li.. Venyata ne Raja Bihavan ke sath apni jodi banayi aur uske sath mahal me rahne lagi.


Uske log rajya ke any hisson me bant gaye.. Ek jode se bichhadne ka dard kya tha, ye har Viggo ke dil janta tha. Jode se bichhadne ke baad, kisi sandhi ke tahat joda banana aur uske sath jivan jina, kisi Viggo ke liye maut se badtar saja thi jo Venyata ji rahi thi…


Dwitiya Sigma ke jitne bhi vanshaj huye unka jivan pahle se tay ho jaise… jodi banane ke kuch varshon me hi jeevan leela ka samapan, lekin Venyata apne logon ki aisi chaheti thi ki sabhi Viggo ne milkar Jaal mahal ka nirman kiya..


Ye Jaal mahal ki rachna ke pichhe bhi kafi bada maksad ko sadha ja raha tha.. vigyan aur technology ka aisa bhawya nirman tha, jisme Venyata ke purane yadon ko mitane ka prayog chal raha tha, taki apne sabse priya shasika ko ek hansi bhada aage ka jeevan diya ja sake..


Unke shadi ke teesre sal mera janm hua tha.. aur mera janm jaal mahal me hua tha.. Dwitiya Sigma ke vansh ka pahla ladka… lekin Viggo ka atit yahan bhi unka sath nahi chhoda..


Vigyan aur technology nirman me Viggo itne vyast the ki apni pahchan ujagar kar gaye… Raja Bihavan ne Viggo ki pahchan kar li thi… Kisi jamane me ek hi purwaj ke santan rah chuke, 2 deshon ke mukhiya ke bich baithak hui aur Viggo se nafrat ki dastan ki kahani tab ek baar fir samne aayi…


Uss raat kewal ek Viggo meri maa aur uska bacha jivit bacha tha, wo bhi isliye kyonki shantipriya raja Bihawan ko Viggo Venyata aur apne bache ko bachana tha... Har kisi ki lash dhoke se gira di gayi thi… aur sara ilzam apne padosi shasahk abhinashi sasak par dal diya gaya…


Venyata hatsh thi aur ab uski ek hi chinta thi, aakhri Viggo ki, yani ki meri.. Tab raja Bihavan ne ek Viggo ki pahchan chhipane ke sare raaj meri maa se janne ke baad wada kiya tha ki mujhe kuch nahi hone dega…


Jaal mahal ki shurwati dhancha taiyar ho chuki thi aur mere pahchan chhipane ki har wo vidhi wahan maujood thi jo Bihawan ko chahiye the. Jis samuday ko mara gaya tha uski mukhiya meri maa thi, isliye darbar ke kayi adhikari ko shak tha ki meri maa bhi ek Viggo hai aur main bhi..


Aag ki tarah faili thi ye afwah aur fir har wo jatan kiye gaye jis'se ek Viggo ki pahchan ho jaye.. lekin aisa nahi hua.... Viggo itihas me maut se bhi jyada bhayanak dard kisi ne dekha tha, to wo meri maa thi... Aur ek din wo bhi apni dard se mukti pakar iss sansar ko chhod'kar chali gayi…



Nischal apni baat kah'kar khamosh ho gaya… Nandni aur Ansh ke aakhon me uski maa ke liye aashu saaf dikh rahe the… Ansh aur Nandni ne Nischal ka chehra dekha, jo apne jode se bichhda hua tha… dono hi Nischal ke dard ki gahrai ko bhanp sakte the…


Nischal ki puri kahani jan'ne ke baad Ansh ko bhi iss baat ka ehsaas ho chuka tha ki kyon Nandni itni badi baat kah gayi
…… "Yadi wo Nischal ke samne purn nagn bhi rahegi to bhi Nischal ki najar usse kabhi uncomfortable mehsus nahi hone de sakti"…


Tasveer dekhne ke dauran kab samay bita pata hi nahi chala… uddan bhade lagbhag 21 ghate ho chuke the.. Nischal ka itihas sunkar uss jivant hall me ab khamoshi chhayi thi.. tabhi jor ki ek syren baji.. aur sabhi logon ka dhyan toota…


Nischal:- Ek hault ka waqt aa gaya hai… hum Decca ke antriksh seema me hai aur uske hawai base par land karke yahan se viman dwara niche jayenge. Dono tayar ho jao...


Teeno uss hall se nikal'kar apne kamre me gaye .. aur jaldi se taiyar hokar control room me laute… Nischal Decca ki hawai seema me apna viman antriksh air base me park kiya aur chhote viman se unki seema me gusne ki permission mangne laga…


Udhar se jaise hi green signal mila, teeno ek chhote viman me nikal gaye… Nischal ne Ansh aur Nandni ko takriban 20 sone ke sikke dete huye kahne laga… "Dono puri masti karna aur yahan 1 dhatu ka sikka lagbhag 10 lakh ke barabar hai.... Isliye masti me koi kami nahi honi chahiye. Kisi bhi tarah ke emergency ke waqt me bus ek signal se dena.. waise yahan koi emergency nahi hogi"..


Nischal ne viman ko park kiya aur uske liye pahle se Decca ki 2 gadiyan khadi thi… Nischal dusri gadi ke driver se… "ye dono tumhari jimmedari hai… dono ke maze karne me koi kami nahi honi chahiye".. aur apni baat kah'kar Nischal wahan se apni gadi me chal diya…


Ek aalishan dukan ke ander Nischal ne prawesh kiya aur wahan ke sofe par jakar baith gaya… jald hi uss dukan ka malik apne kuch logon ke sath aaya, aur ghutne par baith'te huye…. "Sahjade, aap ki kya khidmat ki jaye"..


Nischal:- Okatey, mera ek saman tumhara koi chor yahan le aaya hai.. bus mujhe wo saman chahiye..


Okatey:- Sahjada maaf kijiyega, lekin aisi koi chori ki jankari mujhe nahi hai aur na hi Aizem se aisi koi suchna mili hai..


Nischal, uske ek self ke kuch durlabh saman ko bilkul powder me tabdil karte…. "Okatey, mujhe jawab pasand nahi aaya aur kahin maine sawal dohra diya to tumhe apne 2 aur saman se hath dhona padega"..


Saman ko barbbad hote dekh Okatey apna chhati pakad kar baith gaya... tabhi uske 2 aadmi aawesh me aakar Nischal par gun se humla karne lage. Nischal par humla, chhan bhar me, Okatey ke kaan me kanch ke toone ke sath kuch aur saman ke barbaad hone ki awaz aane lagi…


Okatey:- Jo jahan hai wahin thehar jao… aur sab bahar niklo issi waqt.. Sahjada gusse ko shant karo aur Aao mere sath..


Okatey apne sath usse ander le aaya. Ander aakar usne har ek saman ki list dikhane ke baad kahne laga… "kuch to confusion hai sahjade, warna mai aapka saman yadi rakhta to aap ko suchit jaroor kar deta"..


Nischal:- Chor bhuri aankh aur laal balon wala hai.. jo bilkul shatir aur balwan hai... Naak ke niche se saman udane me mahir aur kisi bhi challenge ko accept karne wala..


Okatey, discription sunne ke baad…. "Aisa to Decca me ek hi hai, yahan ke shasahk ka beta.. HuYu… yadi usne aisa kiya hai to shasahk se hi mil lete hain na..


Nischal:- Abhi chalo.. .


Okatey:- Sahjade itna jaroori hai kya wo?


Nischal:- Mere liye wo bilkul jaroori nahi hai, lekin. Sherin ke liye wo kafi kimti ho… ab bhi koi sawal hai kya..


Okatey ne Nischal ko turant apne sath liya aur sidha mahal me pahuncha… wahan ke hatiyar band guard ne dono ka rasta rokte huye intzar karne ke liya kaha… Nischal ne Okatey ke kaan me kuch bola aur Okatey guard se puchne laga… "Shasak kahan hai iss waqt waise"..


Guard:- Wo apne shewikaon ke sath hai aur purn tripti kar rahe hai.. isliye yahin intzar karen..


Nischal:- Sala ye hawas ka pujari..


Apni baat jor se kahte Nichal aage badh gaya. Guard ne usse rokne ki kosis ki aur dono guard sidha ussi darwaje se takraye, jahan raja apni raas leela me lin tha.. Darwaje par itne jordar dastak sun'kar, Decca ka Raja apne upar kapde dal'kar, gusse me bahar aaya. Tabtak bahar ke aur bhi bahut se guard aakar, Nischal ko gher kar shanti se apni jagah par khade the… shayad wo 2 guard naye the isliye Nischal ko rokne ki himmat kar gaye..


Shasak ki najar jaise hi Nichal par gayi, apne guard ko wapas bhej'kar… "Sahjada bilkul galat waqt par aaye ho.. aao ander hi baith'kar baat karte hain".


Nischal:- Utna waqt nahi hai mere pass.. tumhare bete ne Serin ka ek saman chori kiya hai.. mujhe bus lauta do.. main chala jaunga…


Raja ko bhi pata nahi tha ki aakhir wo saman tha kya aur uske bete ne usse kab aur kahan se churayi thi…. "Dekho sahjade main to iss vishay me nahi janta.. humara digital acess wale ko bolta hun HuYu ko dundh'kar yahan le aaye"..


Nischal ka para satwe aasman me pahunch gaya.. gusse se laal aakhen wo dikhate huye kahne laga… "5 minute deta hun tumhe, kaise bhi khoj'kar apne bete ko yahan lao."..

nice update ..ab ye serin ka saaman kab chori hua ,2 saal se to behosh tha aur ab jaake saaman dhund raha hai ?..hero ki maa ko kisine maara ya wo aise hi marr gayi ?? nishchal ne kaha sabse dardnak maut uske maa ki thi ..

 

[KEKIUS MAXIMUS]

Update:-79​

Niachal apni baat kah'kar wahin baith gaya aur raja apne kabil log ko bhej'kar apne bete ko turant hajir hone ke liye kahne laga… lagbhag 3 minute baad wo ladka Nischal ke samne khada tha..


Nischal:- Tum hi HuYu ho..


HuYu:- Haam main hi HuYu hun..


Nischal:- Ek shasak ke bete ho'kar chori karte tunhe acha lagta hai kya..


HuYu:- Mujhe kis baat ki sharm aani chahiye.... jab main akele sari suraksha bhed'kar koi saman churata hun to uska alag hi maza hota hai…


Nischal:- Tumne dileri se nahi balki chhal se wo saman Churaya hai… Baat aage mat badhao aur Serin se jo kuch bhi liya, hai usse wapas kar do..


HuYu ka chehra khil gaya jab wo Serin ka naam suna….. "Mujhe laga wo khud aayegi, lekin dekho to kise bhej diya, apne half blood ko, jo apne hi desh ka bhagoda hai".


Raja, turant apne bete ko ek thappad marte… "Sahjada nadan hai ye, jane do isse … main sara saman wapas lakar deta hun..


Ek thappad khane ke baad HuYu apne gale se ek locket nikala, jiske niche ek khubsurat pendent laga tha… "Yahi hai na wo saman… Maine apni mehnat se ye saman hasil kiya hai.. tum apni mehnat se ise le"…


Wo HuYu shayad khud par jyada hi bhadosa kar baitha… jabtak wo aakhri ke shabd kahta .. "le jao".. uss se pahle hi Nichal apna saman le ja chuka tha aur wo HuYu 60 fit unche jhumar par latka hua tha…. "Kisi ke kahne par mai tumhe bina saja diye huye ja raha hun, warna tera baap bhi kuch ukhad na pata"..


Okatey:- Sahjada aap ka kaam ho gaya na, aap jaeye..


Nischal:- Raja isse ache se samjhao ki jab mai pahli baar yahan aaya tha to kya hua tha… dobara tera ye kapoot mere najron ke samne aaya to isse le jakar universe ke dusre chhod par fenk aaunga…


Nischal apna kaam khatm karke 5 sone ka sikka raja ko aur 5 Okatey ko dete huye kahne laga.. "Ye dhatu tumhare bete ki mehnat aur Okatey tunhare saman ke nuksan ke liye hai. Aur haan raja apne bete ko samjhao, jab log gusse me ho to jyada nahi bola karte hai"… Nischal apni baat kahkar wapas viman me aa gaya aur uske thodi der baad Nandni aur Ansh bhi wapas aaye, aur un dono ko chhodne puri bhid aayi thi…


Nischal, Viman ko upar leta.. "Kya baat hai ek taraf hot ladkon ki line to dusri ore sexy ladkiyan wo bhi aada trichha kapdon me.


Nandni:- Hihihihihi… Ansh to sharma raha tha Nischal… aree mauka mila tha aur culture yahan ka aisa hai, fir itna sharmane ki kya jaroorat…


Nischal:- Oh jaisa desh waisa bhesh…. Lekin ye ye bhid tum dono ko bye-bye kyon karne aayi thi…


Ansh:- Nandu sabke samne mere honth ko chumti hui kahne lagi ki yadi main iske sath dance nahi kiya to ye kisi bhi hot ladke ko pakad kar dance karne shuru kar degi… maine dance kiya..


Nischal:- Dance kiya wo bhi yahan … hahaha..


Ansh:- Abhi to puri baat batayi bhi nahi maine..


Nischal:- Fir bhi main jaan gaya na… yahan ke jawan joshiley tum dono ka kartab dekh kar unhe sikhane ki jid kiye honge… bahut pyare log hai ye… inhe jo bhi acha lagta hai samne se jid karke sikh lete hain…


Nandni:- Acha, aur tumne kya sikhaya in logon ko..


Nischal:- Yahi ki mujh se kuch mat sikhna..


Kuch hi der me Nischal apne mukhya viman me tha.. aur wo pendent ko le jakar control room me kadi suraksha ke bich rakh diya..


Decca ghumkar aane ke baad har koi 2 jaam lekar aaram se so gaya. Nandni sone jane se pahle Nischal ko cheta kar gayi ki abhi uski kahani adhuri hai aur kal subah puri kar de.. Nischal mukurate huye haan kaha aur wo bhi chala gaya sone…


Subah ke waqt Nandni aur Ansh kafi der se jage. Dono fresh hokar jab hall area me aaye, tab dono ke liye nasta pahle se laga hua tha…. Ansh, Nandni ke ore dekh'kar muskurate huye Nischal se kahne laga… "Sorry hum late ho gaye"..


Nischal:- Koi baat nahi, raat 1 baje tak to maine bhi live show dekha tha, fir socha ki so jata hun kyonki tum dono to…


Nischal abhi "to-to" hi kar raha tha tabhi ek jordar jhatka laga aur wo jakar sidha diwar se takrakar niche gira… Nandni muskurati hui Nischal ko dekh kar puchhne lagi… "Baby kuch live show ke bare me kah rahe the.. batao na.. waise kaisi thi huamri performance"..


Ansh, Nandni ke ore jaise hi hairani se dekha… "Oh mare hubby ko kuch samjh me nahi aaya.. Ansh baby idhar aao samjhati hun"..


Ansh jaise hi uske pass jane laga… "Mat jao Ansh.. nahi.. ruk jao..".. Nischal mana karne laga lekin tabtak Ansh, Nandni ke karib pahunch chuka tha. Jhatka usko to Nischal ke muakable kuch bhi nahi laga, lekin haal Nischal jaisa hi tha aur wo bhi Nischal ke pass para tha..


Ansh:- Isse bhut chadh gaya ya koi daivik shakti lekar lauti hai Decca se..


Nandni:- Kamine Ansh tumhe sharm nahi aayi, chhichhodon ki tarah muskura'kar meri ore dekhte huye uss kaminey Nischal se baat kar rahe the... Darwaja khol'kar room me hi bulan lete kamre me aur der hone ki wajah bhi dikha hi dete. Mere pass bhi tum fatke na Ansh to abhi jaisa haal kar dungi.. aur kaminey Nischal, Jisa ko aane de fir teri harkaten batati hun..


Nandni gusse me wahan se chali gayi.. Ansh kamar me haath diye khada ho'kar… "Abe sant mahatma.. jo dekha usse apne tak rakhna tha na.. waise sharm na aayi apne dost ko aisa karte dekh".


Nischal:- Abe pagal mujhe kya sapna aaya tha ki tum dono 1 baje tak lage ho ki 4 baje tak.. maine to uddta tir chhoda tha..


Ansh:- Wo Rajnikanth ki fan nikli.. ussi tir ke 2 hisse karke ek tumhare aur ek mere pichhwade ghusa di.. aur ye bencho bijli ka jhatka kahan se uske hatho se lag raha hai..


Nischal:- Dr gusse me aur kaun kaun si gali dete ho..


Ansh:- Bijli ke itne tej jhatke khane ke baad kya muh se amritvani niklegi.. bahut kosis ke baad gali juban se chhuti thi.. warna mera baap meri juban tak jala chuka hai.. ye sab chhodo aur ye batao wo jhatke kahan se maar rahi..


Nischal:- Uske haath me ek tarah ka globes hai, jo skin me chhipa hai, pata nahi chalega.. isse main Mask kahta hun jiske bare me Nandu bata rahi thi ki mask ke upar pura GPS aaya tha… ye jhatke ussi ke hain..


Ansh:- O teri, kamal ki innovation.. lekin uss jalim ke hathon me dene ki kya jaroorat thi..


Nischal:- Kyonki wahi waris hai uss globes ki doctor.. lagbhag 3 sal to ho gaye honge usse globes ke sath.. aur tumse kayi baar jhagra bhi hua hoga.. jhatka laga kya kabhi.. ya jahir hone di kya?


Ansh:- Hmmm ! Samjh gaya.. matlab mujhe darne ki katai jaroorat nahi hai.. bus tumhari wajah se mujhe aaj jhatka laga..


Nischal:- Haan bol lo.... Apni kamini hansi to bhul gaye na jise hum dono ne notice kiya tha..


Ansh:- Hahahaha.. Arre yaar ab tun hum dono ke sath chhed chhad nahi karoge to kaun karega.. waise sorry yaar..


Nischal:- Ab ye sorry kyon.. doctor tum apni jagah bilkul sahi the… tab bhi aur ab bhi.. bus fark itna hai ki tab ki bhawna samaj ka wo sahi darpan thi, jisme riston ki maryada tay ki gayi thi.. kyonki kiske dil me kya chhipa hai koi nahi janta.. abhi ki tumhari manodasha bhi sahi hai, kyonki tumhe kuch baton ka yakin ho gaya hai.. right doctor..



Ansh:- Absolutely right sir.. chalo chal'kar kuch gala gila kiya jaye..


Nischal:- Aaj subah subah..


Ansh:- Kaun sa wo hume dekhne aane wali hai.. jabtak gusse me fufkar rahi hai.. 2 peg to laga hi lenge..


Dono turant hi baith gaye pine.. aur jaise hi jaam ka pahla sip liya.. thik ussi waqt Nandni prakat ho gayi.. aur jo hi dono ko sunayi.. tikhi nok jhonk aur chidhane ka lamba daud chalta raha jo ki din ke khane tak chala..


Khana khane ke baad Nandni ne Nischal se puchh hi liya ki uske janm ke baad kya hua aur kyon usse apne grah ka bhagoda ghoshit kar diya gaya…


Nischal gahri shwans leta…


Itihas ki jitni bhi baten maine tumhe batayi uske vishay me mujhe koi bhi jankari nahi thi… Mujhe jab hosh aaya tab maine ek pyari si half blood.. matlab sauteli bahan Serin, ek pagal baap, jiska pagalpan kewal mujh se juda tha, apna Jaal mahal, nafrat karne wala mera sautela bada bhai aur suteli maa… aur apna pyara jungle, kul milakar yahi sab the.


Jis Serin ko tum bura kah rahe ho, wo shayad meri maa ho jise banane aur mitane ka adhikar hai.. lekin ek maa kabhi mitati nahi hai.. balki banati hai…


Tum jis super computer ko sun rahi thi.. jisne tumhe khatre ke samay me aagah kiya tha.. yahan ke pura acess control wo sab Jaal mahal se baith'kar kar rahi thi.. jab main tum logon se mila aur wo mujhe yahan khush dekhti, to aksar hi kahti thi main yahin settle ho jaun. Mujh jaise logon ke liye Prithvi hi behtar jagah hai, jahan kam se niyam se bandhe log to rahte hain, jo hans kar ya ro kar niyamon ka palan karte hain..


Hum dono ko hi Jaal mahal se kabhi bahar jane nahi diya gaya tha.. humare pita ka kahna tha ki hum dono ka janm vigyaan ke liye hua hai.. Jaal Mahal matlab yun samjh lo hum dono ke hath se banaya gaya humara bacha..


Jaal mahal ki kaman jab humare haal me aayi tab kewal buniyadi dhancha hi tha aur kuch buniyadi tecnology.. 11 sal ki umr se lekar hum dono ne purn vyask yani ki 60 salon tak lagbhag wahin jaal mahal me kaam kiya tha.. wahan ki har chhoti si chhoti chij se lekar, bade se bade innovation ke liye hum dono ne puri science aur technology ko apne brain me 11th year me hi download kiya tha..


Shuru se ek dusre ke sath rahe to judaw bhi utna hi strong tha.. jab pure Aizem me is baat ki charcha hone lagi ki hum dono me half blood nahi, balki pure blood ka rista hai, jiska bich ki pyar aur bhawnaye kafi jud chuki hain. Fir mere bhai ne pahle to Jaal mahal ko apne kabje me lena chaha, lekin Serin ne jab aisa nahi hone diya, tab Sahjada ka tamga lagakar mujhe jaal mahal se bahar nikala…


60 salon ke band mahol se mujhe nikal'kar achanak hi log aur samaj ke bich dal diya gaya. Mera apna ilaka, apna mahal aur mujhe har kuch mila, lekin sab kuch hote huye bhi mujhe kuch bhi acha nahi lagta tha..


Jo ladka Serin ke sath rahkar hamesa muskurata tha, ab wo chir-chira aur gussail ho gaya tha… aur fir mujh par tamga lag gaya laparwah Sahjada ka… rahi sahi kasar un ladkiyon ne puri kar di jo nange hi mere mahal ke charo ore ghuma karti thi..


Mere apne log jo bahar aane ke baad mujhse jude aur Serin ko chhod'kar, har kisi ne mujhe awara hi samjha tha… mujhe kuch pata nahi ki mere pith pichhe kya ho raha tha.. ek raat maine mahal ke kam se kam 2000 guard ko jaan se maar dala tha aur apne sabhi khandan ko marne pahunch gaya, jab mujhe pata chala tha ki shasak ne yani mere baap ne Serin ko mara…


Bach gaya tha wo, yadi Serin bich me na aayi hoti.. wo mujhe jaal mahal lekar gayi… kafi chinta me thi aur sirf itna hi khati rahi.… "Nischal, duniya bal se nahi, chhal aur buddhi se chalti hai.. kab tum sikhoge"..


Uss raat bahut bahas hui hum dono me, kyonki wo kya samjhana chah rahi thi mujhe kuch samjh me nahi aa raha tha aur main bus uss se ye kahta raha ki buddhi aur chhal mujhe nahi samjhna.. mujhe jo acha lagega main wo karunga…


Kafi khaffa thi aur mere hath me ek chabhi deti hui Serin kahne lagi, yadi teen 3 din me maine iss chabi ka rahasya nahi suljhaya to wo mujh se fir kabhi baat nahi karegi… Pata nahi kya ho gaya tha mujhe.. itna jyada gussa maine pahle kabhi mehsus nahi kiya tha… Ek Serin hi thi jo mere gusse ke pratikriya me wo bhi mujhpar chilla rahi thi, warne mere sutele bhai aur baap tak me himmat nahi thi mujhe se baat karne ki.


Gusse me to chabhi maine raat ko fenk di thi, lekin subah jab gussa shant hua aur Serin ek do baar mujh se takrakar bhi jab baat nahi ki, tab main chabhi utha'kar uske kahne anusar chabhi ka rahasya pata lagane jane laga..

nice update ...dono ko achcha jhatka diya subah subah nandini ne ?..