Fantasy Kaisa Yeh Ishq Hai.... Ajab Sa Risk Hai...... (Completed)

[nain11ster]

Running Story....

Read The Fantasy Drama Menia
Kaisa Ye Ishq Hai~Ajab Sa Risk Hai~Reload


Real All My Completed Stories....

Enjoy The Emotions And Thriller Journey..
100 Encounter:- The Journey Of An Innocent Girl

Read The Thrill In Romance...
Bhanvar

Read Crazy Fantasy Romance Drama
Kaisa Ye Ishq Hai..... Ajab Sa Risk Hai....​

 

[nain11ster]

Final update :- 1 ​

Lagbhag 2 ghantey baad viman madhya Antartica ke hisse me tha. Viman jaise hi wahan land hone wali thi, ek chhota sa sandesh unke pass pahuncha… "Mujhe dhundhne me itna samay kyon nasht karna, aa jao yahan"… sandesh ke sath location bhi share kiya hua tha…


Nischal uss location par viman ko utara. Charo ore bhumi barf ki chadar odhe thi. Nischal aur Jivisha ke liye to yah anukul mahol tha, kintu Serin aur HuYu ke liye ye bilkul bhi anukul mahol nahi tha. Halanki HuYu ab tak apne khanjar banane me hi laga hua tha, isliye uss tak garam kapdey pahuncha'kar teeno viman se niche utre....


Viman ke bahar unka swagat karne ke liye ek divya purush khada tha, jo apne badan par halke vastr dharan kiye huye aur uska pura sharir bilkul chamak raha tha.. apni dono baahen khol'kar unka swagat karte huye kahne laga… "Aao mitr"


Ek darinda jiski kahani bilkul gupt thi. Aaynek aur Masoori grah kewal iske vajah se barbaad ho gaye. Ek shatir apradhi jo khud ko prakriti ke barabar samjhta tha. Nischal ko to laga tha ki isse dhundhne me na jane kitne varsh lag jayenge. Lekin pahle Mahamahim ke dimag me ye raaj khol diya ki wo kahan milega. Uss ke baad jab wo log Antartica pahunche to khud hi apna location sajha bhi kar raha tha. Aur ye hairani ki hi baat thi ki wo khud samne khada hokar unka swagat bhi kar raha tha.



Surpmarich ko samne dekh'kar teeno hairan bhi the aur thode padesan bhi.…. "Kya hua, teeno kuch jyada hi hairan dikh rahe ho.".. Surpmarich ne puchha…


Nischal:- Dushman ke dwar khade hain aur dushman khud samne se itna meharban ho, wahi hume hairan kar raha hai..


Surpmarich:- Wo kya hai na dost main bhi Jivisha ki tarah filmon ka deewana hun. Haan lekin usme villan ka attitude mujhe pasand nahi aata. Yaar kyon itna bhag daur karta hai villan. Baith kar hero se baat karo, sare sawal jawab aapas me hi kar lo, aur fir final ladai lar lo… kam se kam jo jinda bachega uska samay to bach jayega..


Jivisha:- Kamal ka concept hai… isliye tumne Mittoso ke dimag me apna pata chhod aaye the…


Surpmarich:- Haan bilkul.. mujhe laga tum sab mere pichhe aa rahe ho aur mujhe bhi tum logon me dilchaspi thi, to socha kyon samay vyarth karna. Baith'kar ek baar aaram se baat kar lete hain, nahi to anth me ladai to hai hi.. Ab chalo bhi ladai se pahle ek chhota si mehman nawaji ho jaye..


Serin:- Bade hi shauk se..


Surpmarich:- Tumhara ek dost jo iss waqt viman me hai, wo bahar nahi aayega kya ?…


Serin:- Wo humare ladai ka hissa nahi hai…


Surpmarich ne teeno ko uske piche khade rahne kaha aur hathon ke ishare se command dete huye kahne laga…. "Computer ji ye puri jagah mere dushmano ke liye khol dijiye"…


Jaise hi Surpmarich ke muh se yah command nikla teeno ek dusre ka chehra dekh rahe the. Teeno ki najar aapas me ek dusre se mano kah rahi ho…. "Ye mamla kya hai.. ye Surpmarich aisa kyon kar raha hai".. Serin aur Jivisha to gusse me aage badhne lagi, lekin Nischal ne ishare me dono ko shant rahne ke liye kaha…


Teeno sidhiyon se niche utar kar, bade se mand me pahunch chuke tha jo Surpmarich ka gadh tha. Charo ore bahut sari pustak aur tarah-tarah ke nayab patthar jare huye the. Niche kayi tarah ke kund aur bahut kuch tha uss jagah me. Yahan kuch bhi aisa nahi tha jo banawti ho… har chij prakritik aur bilkul nayab tarike se khada kiya gaya tha ..


Surpmarich niche bhumi par ek sher ke chhal ke upar baith gaya aur teeno ko bhi baithne ke liye aagrah karne laga…. "Mitr main prakriti ke sath jina pasand karta hun aur apne ander pura prakriti samahit rakhta hun. Tum teeno ke man me kayi sawal hain, kuch sawal mere man me bhi hai. Aaj ya to main jinda bachunga ya tum teeno, fir jo jinda bache wo raaj se parda uthane ke liye mehnat kyon kare… chalo shuru karte hain, pahle apne-apne confusion ko dur kiya jaye"..


Nischal:- Tum lakhon varsh se aise hi dikhte ho kya?


Surpmarich:- Chhi Chhi.. nahi bhai sharir ki apni hi self life hoti hai. Jyada lambe samay tak ek hi sharir me rahunga to ye sharir hi galna shuru ho jayega, isliye jaroorat ke hisab se main apna sharir badlate rahta hun…


Jivisha:- Kaise, khud ki aatma kisi aur ke ander dal dete ho kya?


Surpmarich:- Nahi Jivisha aisa sirf filmon me hota hai. Naya sharir badlne ki puri prakriya hoti hai. Yun samjho Jivisha ki jaise tumhe Rani Vish Nilayani ki puri shakti mili hai, thik waise hi ye bhi hota hai. Bus fark itna hai ki tumhara dimag purn roop se tumhara hai, jisme pichhli jindgi ki koi yaad nahi. Lekin mere naye sharir me dimag bhi mera hota hai aur meri lambi zindgi jari rahti hai…


Jivisha:- Bore nahi huye ab tak iss sansar se..


Surpmarich:- Haan jab koi kaam nahi hota to bore ho jata hun, lekin kya karen ye achhe log mujhe bore nahi hone dete na. Koi na koi mere bilkul karib pahunch jata hai aur lagbhag maar hi chuka hota hai. Kintu main to prakriti hun aur bhala mujhe koi maar sakta hai kya?


Serin:- Tumhari ladai to tumhare dushmano ke sath thi fir tumne 2 grah ko aapas me kyon ladwaya tha…


Surpmarich:- "Acha sawal hai.. iske jawab ki taiyari main to kayi 100 sal pahle kar rakha tha. Socha tha itna bada kand kiya hun, koi to jimmedar mujh tak pahunchega aur mujh se ye sawal karega, lekin sale sabhi nikamme…"

"Viggo sochta raha ki uske tirtiya Viggo Sigma ne sab kiya hai aur Dakshat jo dimag me kafi kusal the, wo Viggo ko hi dushman maan'kar unhe khatm karne me lag gaye. Mere baap ka kya jata hai, maine bhi apna 1,2 anuyayi pakad liya aur bahar se baith'kar unki ladai ka maza lene laga…"


Serin:- Tumne itna bada faisla kewal isliye kiya tha na kyonki tumhe Viggo prajati Zoren grah par chahiye tha. Chunki Viggo ek shresth samuday tha aur tum apni anaitik baat manwane aur unhe Zoren grah tak nahi le ja sake, isliye pura grah hi tabah kar diya aur unhe Zoren aane par majboor kar diye the.


Surpmarich:- Tum dono (Serin aur Nischal) ka dimag ek kushal Dakshat samuday ka hai. Khair pahla hissa sahi hai, mujhe Viggo Zoren par chahiye the, lekin ye galat hai ki Viggo sabhi achhe hote hai.. ya fir sabhi Dakshat achhe the. Dekho har jagah achhe aur bure log hote hain.. maine kayi Viggo aur Dakshat ko corrupt kiya tha.. haan lekin mujhe jo Viggo Zoren par chahiye the wo corrupt nahi hua, isliye usse Zoren tak lane ke liye itni masakkat karni pari..


Nischal:- Aur fir Zoren par tumne Mittoso ko chuna, jisne ek marmik kahani bana kar uss Viggo ko apne jhase me le liya..


Surpmarich:- "Mahan Viggo kaho usko… kash uska dimag mujhe mil jata… Uska naam Jirth tha. Shurwati kahani kuch aisi thi ki, main aur Rani Vish Kritima dono me bahut kuch samanya tha. Rachna aur utapatti ke surwati kaal me, hume banaya gaya tha. Aisa nahi tha ki hume tatha astu bol'kar sabhi shaktiyan dee gayi thi.."


"Ye sharir Brahma hai aur iss sharir me pura universe nihit rahta hai… bus uss gyan tak pahunchne ka marg humare guru Ursh ne hume Himalya me bataya tha. Purn gyan prapti ke baad unhone hume iss Brahmand ke any hisson me jindgi ko sucharu roop se basane ka karya saunpa tha…"


"Maine aur Vish Kritima ne, sath me hi rishi Ursh se siksha-diksha lee thi. Hum uss samay kul 4 shishya the. Humare jo 2 anay sathi the, wo purn siksha me vifal ho gaye aur guruji ne unhe prithvi par jan kalyan ke liye rakh liya tha…"


"Fir humari kahani aage badhti rahi. Hum universe ke lagbhag sabhi grahon par pahunche. Jahan-jahan jivan bas sakta tha wahan-wahan jivan basaye. Hume yatra ke dauran hi bahut si baton ka gyan hua, jaise ki har grah par jivan chakr alag-alag varshon ka hota hai. Har grah par paye jane wale insano ki alag-alag quality hoti hai…


"Finally apna kaam khatm karke main wapas prithvi aa gaya aur Vish Kritima Zoren par rah gayi. Yahan aane ka mujhe sabse bada fayda yah ho gaya ki main apne guru ka uttradhikari ban gaya aur dekho aaj tak unki legacy kayam hai."


Jivisha, apne aakhon me dahakte angare liye…. "Vish Kritima ke vansaj to bade hi shanti se rahte the, fir unhe chhala kyon"


Surpmarich:- Arre aaram se Jivisha, itna aawesh kyon. Dekho duniya me log apne nikat'tam pratidwandi se kyon chidhe rahta hai aur unpar kyon najar banaye rakhte hain, iska jawab to sabko pata hai. Bus wo bhi meri sabse nikatam pratidwandi thi. Khaskar Vish Kritima ki vansaj Vish Nilayani. Yah kahna galat nahi hoga ki usne apne tapo bal aur kamal ki sadhna se, apne sharir ke ander samast brahmand ka srijan ki thi.


Wo pahli aisi ladki thi jisko mere irade ka pata laga tha aur usne mujhe bandh diya. Matlab yun samjh lo ki jaise Nischal ke liye Mittoso ke sena ka koi ek sipahi tha, Nilayani ke liye main tha...


Yaar dil me dard to hoga na. Main kewal sharir badalta tha lekin uske ander ka purn gyan aur purn shaktiyan to lagatar jari rahti … lekin ek ladki jise virasat me kewal shaktiyan mili ho, haridity sahktiyan kah lo. Usse wo ek hi jivan kaal ke kuch salon me itna aage le gayi ki main to uske samne kuch bhi nahi tha…


Nilayani ke pass main shadi ka prastaw bhi lekar gaya tha lekin mujhe pahle se pata tha wo nahi manegi, aur wahi hua. Maine uss se kaha bhi tha "dekho Nilayani main apne manoranjan ke liye logon ko aapas me ladwa deta hun, apne kuch anuyayi chun leta hun, tum mujhe galat na samjhna aur mere pichhe mat aana"…


Lekin ye achhe log kahan mante hain. Mujh se bidh gayi kahi ya to Jan kalyan karo ya fir mirtu ke liye taiyar raho. Ab main samne ki ladai se to Nilayani se jit nahi sakta tha, isliye mujhe ek lamba khel rachna para. Mujhe bus Nilayani ki shaktiyon par kabu pana tha, uske liye mere pass ek patthar ka pura jakhira bhi tha, lekin wo patthar Nilayani ke sharir me kaise process karega, uska idea na tha… isliye mujhe Aaynek grah ka wo mahan scientist chahiye tha, jiska naam Jirth tha. Tumlog uss Jirth ki khani sun'na pasand karoge, jo apni sathi Dakshat ke prem me para hua tha… Bada hi pyara love story hai.


Jivisha:- Mujhe ab koi kahani nahi sun'ni hai… tum mujhe ye batao Rani Vish Nilayani jab tumse itni jyada shaktishali thi fir wo tumhare irade ko kyon nahi bhanp payi…


Surpmarich:- Thik hai jaisi tumhari marji. Baad me ye mat kahna ki maine itihas pura nahi bataya… kyonki koi bhi likhit praman nahi milega ..


Nischal:- Mujhe janna hai. Shurwat ki kahani to mujhe samjh me aa gayi. Tum Jirth ki love story se hi Rani Vish Nilayani ki kahani ko pura jod kar bata do…


Surpmarich:- Thnks bhai… tum kitne achhe ho… yaar anth me to hume ladna aur marna hai hi, fir kyon na itihas pura jaan lo… waise Serin ke koi sawal nahi hai kya?


Serin:- Main puri kahani sangrathit kar rahi hun… tum batate chalo…


Surpmarich:- Haan to baat aisi thi ki logon me ye bhrm paida kiya gaya ki 2 sabse shaktisali grah aapas me lad rahe hain… Aaiynek aur Massori grah. Halaki ye ladai meri hi karwayi hui thi, kyonki dono grah ke kamine log, jinke jivan ko maine basaya tha, wo prithvi par sodh ke liye aa rahe the… Khair unki ladai jab shuri hui to main sukoon se baith paya.. Ye pahla awsar tha jab main Zoren ki tatkalik rani Vish Mani ke najar me aaya tha…



Lekin Vish mani ko jhanse me lena aasan tha. Usse aasani se samjha'kar nikal liya, ki in dono grah ke log corrupt hain main to bus unhe bachana chahta hun… mera kaam chal raha tha. Unki ladai karwa'kar main apna pura dhyan prithvi par laga chuka tha, kyonki prithwi par alag hi sajis chal rahi thi aur kuch yogi mujh se loha le rahe the…


Khair jab Nilayani satta me aayi, tab unhi yogi me se kisi ek ne Nilayani se sampark kiya tha. Unhi yogi ke samuday me se ek Nischal se bhi mil chuka hai.. kamina marne se pahle usse bahut se gyan de gaya tha Nischal ko, lekin ye bechara utna gyan smet hi nahi paya…


Khair uss Yogi ne to mere L laga diye. Nilayani bahut hi kushal thi, aur uske ander sikhne ki kala adbhut thi. Waise kafi khubsurat bhi thi. Aaj bhi jab wo yaad aati hai to badan me aag lag jati hai.


Jivisha apne hath upar ki aur wo Surpmarich hawa me…. "Kaminey tujhe main abhi batati hun"..


Surpmarich, apna hath niche karte wapas jamin par aaya…. "Arre sorry doston, main to bus apni feeling bata raha tha kyon itne bhadak rahi ho. Aaram se baith jao"..


Nischal:- Shant ho jao Jivisha, aakhri ladai to waise bhi honi hai… kafi rochak baten chal rahi hai.. sun lete hain …

 

[nain11ster]

Final Update:- 2​

Surpmarich:- Thanks yaar, bacha liye iss junior Nilayani se warna ye mere sawal ke jawab milne se pahle hi ye mujhe maar dalti… Dekho to baat aisi thi ki ek yogi jo apne dimag ko purn viksit kar chuka tha, wo ek jagah baith'kar apne dimag ko kahin bhi le ja sakta tha.. kamal ki siddhi thi uski.. kash wo siddhi mujhe mil jati… main to bus kewal target audience se hi baat kar sakta hun aur unhi ke ander ja sakta hun…


Main bahut si shaktiyon se ab bhi vanchit hun. Khair to uss Yogi purush ne rach di mere khilaf sajis aur Nilayani ko uss sidh yogi ka margdarshan mila.. Nilayani ne wo sab hasil kar lee, jis se mujhe harana bilkul halwa ho gaya tha…


Mere pass kewal chhal bacha tha aur Nilayani ko uljhane ki niti shuru ho gayi. Main apne issi thikane par aa kar chhip gaya. Uss waqt main dhundh raha tha ki koi to tod ho mere pass. Tab mujhe gyan hua 2 premi ke bare me, ek ka naam tha Jirth, Viggo samuday se aur dusre ka naam tha Mallsi, Dakshat samuday se.


Mallsi jo hai wo Siren ki purwaj hai… to hua ye ki science project ke medical section me dono kaam kar rahe the, jahan Jirth iss baat ki khoj me laga tha ki ek dead cell jo dobara generate nahi ho sakta, usse kaise repair karen. Wahin Mallsi kaam kar rahi thi ki chhote se energy source ke bada kaam kaise liya jaye… are wahi jise abhi nano technology bolte hain...


Science exhibition me dono ki mulakat hui thi aur wahin dono me pyar ho gaya tha… cute couple, dono ne chupke se apni jodi bhi banayi, aur kamal ki baat dekho, dono ki jodi maine hi banayi thi. Gift me maine Mallsi ko ek chhota khubsurat patthar diya tha… chhota source of energy, aur Jirth ko bhi ek patthar diya. Kafi rochak patthar tha wo, Nischal janta hai unki khubiyan.. jo shayad uss waqt Jirth nahi samjh paya tha. Uske sodh ke anusar ye ek aisa patthar tha, jo ek insan ke achhe cell ko dusre insan ke barbaad cell se replace kar sakta hai… critical condition me 2 body ko balance karke jaan bachayi ja sakti hai..


Khair mera gift pakar dono hi khush the aur paglon ki tarah din bhar dono lab me baith'kar, uss patthar par sodh kiya karte the. Universe me Massori grah aur Aaynek grah ki badhti jung ko dekhte huye, Dakshat kul ne socha ki kyon na Aizem par ek colony basayi jaye, taki Aizem aur Massori grah se jab ek sath Aaynek par humla hoga, tab puri tarah se Aaynek grah ko chaunkaya ja sakta tha aur haraya ja sakta tha.


Mallsi issi rajniti ke karan Aizem aa gayi, lekin wah issi shart par Aizem aayi thi ki usse jodi banane ke liye force nahi kiya jaye… Ab shayad tum samjh sakti ho ki kyon Serin se tumhara lagaw itna gahra hai Nischal, kyonki tum dono ek hi cross breed ke result ho aur shayad isliye unclassified bhi. Tumhe to bahut kuch apne bare me pata bhi hai, lekin Serin ko apne kul ki biti itihas pata hi nahi ki Mallsi aur Jirth ke milan se jo bacha paida hua tha ussi kul ke ek ladki se Behavan ne apni jodi banayi. Haan lekin Mallsi ke baad wali pidhi ka Viggo paksh lagbhag gayab ho gaya, kyonki Mallsi ki agli pidhi aur uske baad jitni bhi pidhiyan hui, unme se kisi ne Viggo ko jodi nahi banaya…


Khair come to the point … Aizem aur Massori ke bich to fut ki niti chal hi rahi thi. Fir jab Aaynek toota tab maine khud Jirth ko Aizem se nikalne me madad kiya aur natija tum sab ke samne tha… Mahamahim ka satta me aana fir Jirth dwara taiyar kiye device se Nilayani ki shaktiyan nikalna…


Bus ek baat jo shuru se mujhe khatak rahi thi ki maine kiya sab kuch sahi… Nilayani ko fasa bhi diya tha, kintu fir bhi uss Mittoso ke pass Nilayani ki aanshik shaktiyan hi kyon aayi, jabki mujhe uske jariye Nilayani ki purn shakti milni chahiye thi… ab shayad tum teeno samjh chuke hoge ki mujhe kaun sa jawab tum teeno se chahiye… Aakhir Nilayani ne uss waqt kiya kya tha?


Jivisha:- Tunhare maut ka intzam…


Surpmarich:- Areee ruko yaar maar lena mujhe, lekin suspence me nahi marna… jawab de do fir ladai shuru karte hain.. ..


Nischal:- Jivisha marne wale ki aakhri ikchha purn kar do…


Jivisha:- Isse jo jawab chahiye tha, wo mil gaya hai Nischal… bahut shatir hai ye… hume yahan tak lane ka matlab hi tha isse wo raaj jaan'na, jis se Nilayani ne apni shaktiyon ko shurakshit kiya tha.


Surpmarich:- Aahhhh ! Ye purvanuman… cool haan.. dekho wade ke mutabik mujhe mere sawalon ka jawab bus Jivisha ke man me chal rahe soch se mil chuka hai, ki Nilayani ne apni shaktiyon ko apni har bahan me aanshik roop se bant'kar unhe alag-alag grah par bhej diya tha… Khair mere sawal ka jawab mil chuka hai... Chalo upar chalkar ab iss khel ko bhi khatm kiya jaye.. tum log yudh ka bigul bajao..


Charo upar aa gaye.. ek ore Surpmarich to dusri ore ye teeno… Jivisha ne yudh ka aagaj kiya aur apne dono hath failayi… Jivisha ne jaise hi apne dono hath failaye.. Surpmarich badi teji ke sath Jivisha ke karib pahuncha aur uske pure sar ko apne panje me kaid kiya hi tha, ki uske sharir se Serin ke dhardar electronic blade takraye..


Blade takrane ke sath hi chur ho chuka tha. Nischal apne pure veg se daurta hua aaya aur pure force se Surpmarich ko dhakka laga diya… Nischal ko aisa laga jaise wo lohe ki moti chadar se ja takraya. Surpmarich ko to koi fark nahi para lekin Nischal uss jordar takkar ke karan pura ander tak hil chuka tha. Surpmarich ke humle se Jivisha ko bachane ki kosis purntah nakam ho chuki thi, aur jab Surpmarich ne Jivisha ke sar se hath hataya wo behosh hokar niche gir gayi.


Jivisha ko jaise hi uss Surpmarich ne chhoda Nischal ne Serin ko apne pichhe kiya aur khud aage aa gaya… "Kosis bekar hai Nischal, aur mujhe itne kamjor pratidwandi se ladne me koi dilchaspi nahi… Jivisha ko support do .. warna 10 minute me wo mar jayegi… Usse khada karo, jabtak main intzar kar raha hun..."


Nischal:- Serin, Jivisha ko Drink pilao.. aur usse medical support do.. sath me 400 volt ka chhota sa jhatka bhi… Surpmarich yudh ka bigul to baj gaya hai, tumhe intzar to nahi karwa sakta…


Nischal apni baat khatm karte huye Surpmarich par lapka… biljli ki raftaar se bhi 10 guna jyada raftaar me Nischal apne khanjar chalane laga… Dono hath uske teji me aise chal rahe the mano wo pure gayab hi ho gaye ho…


Uss se bhi kamal to Surpmarich tha jo Nischal ki gati se bhi tej apna bachaw kar raha tha.. dayen aur bayen ore se uth rahe Nischal ke tej raftaar hath ko, wo matr apne bayen hath se rok raha tha. Raftaar ka adbhut namuna… Nischal ki gati se lagbhag 4 guni jyada speed. Aur fir apni dusre hath se Nichal ke sine par jor ka pura panja chala diya…


Nischal par pranghati humla, lekin tabhi Jivisha ne apni dono hatheli ko samne karke push ki aur Surpmarich jatka kha'kar pichhe hata… Nischal ne ankhen mundi, dhyan lagaya aur muskurate huye apni aakhen khol liya…


Jabtak idhar Jivisha ki nili chamak rahi aakhen apne pure uffan par thi… "Ahhhh ! Nilayani ka roop dikh raha hai tum me Jivisha… Aao iss khel ko khatm karen. Yudh ka maidan hoga ab Nilayani ka dimag"..


"Aji aise kaise aap Jivisha ke dimag me ghus sakte hain"… Nischal khud to uske samne aaya hi, aur sath me chala aaya Nischal ki chetna (Nischal ki chetna se arth hai uska wo roop jab Nischal apna hath paun gawa kar kursi par baitha rahta aur uski chetna charo ore bhraman karti)… Nischal, Jivisha aur Surpmarich ke bich khade hokar iss bar apne hath chalana shuru kiya..


Surpmarich lekin iss baar bachaw nahi kar raha tha, balki wo bhi humla kar raha tha… kintu Nischal thehra unclassified, Surpmarich shayad aankne me galti kar gaya… aisa laga raha tha Nischal ke ek sarir na hokar do sarir the aur ek hath ke niche, sath-sath dusra hath bhi chal raha ho..



Right-left, right-left… hathon ki raftar lagatar tej aur tej aur bhi jyada tej hone lagi… Surpmarich bhi apne purn gati aur bal ke sath humla kar raha tha. Nischal, Surpmarich ke na jane kitne war apne sarir par jhel gaya aur Surpmarich fati aakhon se bus ye karishma hote dekh raha tha… tabhi Nischal ne apne dono panje uske sine se tika kar ek tej dhakka mara..


Aisa laga jaise uske sina aur fefra uske pith se takra gaya ho.. wo khud takriban 1-2 kilometer dur jakar gira aur jab wo khada hua tab uske sine par … dayen hath ke 5 ungliyon se chipke 5 aur ungliyon ke nishan the aur thik aisa hi bayen hath ki ungliyon ke sath bhi tha…


Surpmarich apne dono hath itni teji se bhumi par mara ki wahan ke barf ki chadar fat gayi, Jivisha palatwar karti bus gol ghum gayi aur lagbhag ek bada ilaka jahan Jivisha aur uska 200 kilometer ke kshetr me faila viman khada tha, wo puri jagah, apni jagah kabij thi aur baki charo ore se kayi hazar fit ki gahri khayi ban chuki thi..


Surpmarich teeno ke ore daur laga diya… Nischal thik uske samne khada tha, iss baar Surpmarich ne Nischal par humla nahi kiya, balki wo Nischal ke humle ko jhelta raha aur apne dono hath ke ishare se, ek hath se Jivisha, to dusri hath se Serin ko hawa me utha liya..


Jivisha uske iss action par muskurai. Wo apni dono hatheli ko samne rakh'kar jnattedar tali bajayi aur apni dono hatheli ko jode rakhi… idhar Jivisha ki hatheli se dhuan uthne laga aur udhar Surpmarich ke kan se lekar side ke sar ke dono hisse puri tarah laal hokar jalne laga…


Udhar Serin ka lagbhag dum ghutne hi wala tha tabhi Nischal ne sar ghuma kar ek baar Serin ko dekha.…. "Nayyyyyyyyy".. Nischal ki gahri chinkh, Nischal ne Surpmarich ka gala pakda. Usse hawa me utha'kar ulta ghumaya aur niche jamin me ghusa diya….


Nischal ne usse itna tej ander ghusaya ki ki wo niche gaddha karke na jane kitne fit ander tak chala gaya tha.. jaise hi wo bhumigat hua, waise hi uski shaktiyan hati aur Nischal Serin ke niche girne se pahle hi lapak liya. Nischal uska chehre ko dekhte huye puchhne laga… "Tum thik to ho na Serin"..


Serin:- Haan thik hun… lekin ek pal ke liye laga ki abhi to jina shuru hi kiya tha...


Nischal, paglaye sa charo ore dekhte huye... "Aise kaise usne tumhe marne ki himmat kar di" ..


Nischal baukhlaya charo ore dekhne laga, tbhi usne dekha ki samne se Surpmarich fir se Jivisha ke sar par hath dale tha… "Serin chalo iska khel khatm kiya jaye.. apni aakhen mundo aur Jivisha ka hath thamo"..


Serin ne Jivisha ka hath thama aur Nichal ne Serin ka… agle hi pal Nischal Serin ke diamg me ghuste huye, fir wahan se Serin ke achet abterman ke sath sidha Surpmarich ke dimag me pahunch gaya…


Bade-bade kale rakh tile ab bhi the wahan, jaisa Mahamahim ke dimag me tha... Lambi-lambi rakh ke tile aur uspar halki law jalti hui… "Jivisha samjo ki tum Jaal mahal me ho aur wo jagah ab aisi ho gayi hai… ab Jaal mahal ko punah banana shuru karo. Yahan dimag ki gati kaam karegi, isliye tum agar soch lo to mujh se bhi jyada tej ho sakti ho. Waqt nahi hai humare pass jaldi karo"..


Serin Nischal ki baat sunkar utni hi teji dikhati hui kaam karti hui kahne lagi… "Pal bhar me isse main abhi Jaal mahal bana deti hun"…


Serin aur Nischal wahan jo bhi vastu soch rahe the wo vastu ban jati. Second ke 100th hisse me, Serin ne ek cleaner tayar kiya aur dekhte hi dekhte utni hi teji me, wahan ke wo raakh ke tile ko saaf karti, uss pure jagah ko saaf-suthra khali maidan bana di. Idhar Nischal bhi utni hi teji se robotics technology developed karte huye, kayi sare robots taiyar kar liye jo wahan ke surface se khudai karke dhatu nikal rahe the aur ek bada sa reactor taiyar jar chuke the… Jaise hi Nischal ne wo reactor chalaya…..

 

[nain11ster]

Final Update:-3​

"Aahhhhh" Surpmarich ke sar me pagal kar dena wala dard sa utha. Usse aisa mehsus hua, mano dimag ke ander maujood har sanayu tantu me, kisi ne high voltage current daura diya ho. Turant hi Surpmarich bhi wahan pahuncha aur uske sath Jivisha bhi thi, jo akeli tab se apne dimag ke ander Surpmarich se lad rahi thi, haalat uski achhi to nahi thi, lekin fir bhi wo tiki hui thi aur jaise hi Surpmarich Jivisha ko chhod'kar bhagne laga Jivisha bhi uska hath tham sath chali aayi…


Jivisha ko dekhte hi Nischal ne apne robots ko Surpmarich ke upar chhodte huye Jivisha ke ore bhaga… "Tum thik to ho na Jivisha"..


Jivisha:- Baby ye bahut bada kamina hai... Isne hume yahan bula'kar fasaya hai. Ye dikhane ke liye to hum teeno ke sath lad raha tha lekin planning iski kuch aur hi thi.. hum teeno ke dimag me ek-ek karke ghusta… aur humari shaktiyon ko nigalte huye hume maar deta… Ab bhi iske shakti pane ki lalach miti nahi… yudh ke liye bahut sahi jagah ka chunaw kiya hai love…


Jivisha apni baat samapt hi ki thi, tabhi teeno ko ek sath jhatka laga aur teeno hi dur jakar gire… Nischal khada hokar apna gala idhar se udahr hilaya aur ek hi chhalang lagakar Surpmarich ke pass pahuncha. Jitni tej uchhal'kar wo Surpmarich ke pass pahuncha, utni hi teji se Surpmarich ne Nischal ko gale se pakad kar fir se dur fenk diya…


"Ab tak to hat'kheli chal rahi thi, lekin na to tum ram ho aur na hi tumhare pass koi vibhishan .. iss Lanka se kaise nikloge…"


Jivisha khadi hokar hath ko golakar banayi, jaise-jaise gola purn hote ja raha tha, wahan ke charo ore ki hawa khinch rahi thi… "Ravan kitna bhi balsali aur buddhiman kyon na ho, Lanka dahan to ussi ka hua tha Surpmarich".. kahti hui Jivisha ne wo gola de mara…


Dahakta hua gola Surpmarich ke ore badhne laga, lekin jaise hi wo Surpmarich se takrane wala tha, usne bus ek chutki baja'kar apne ungli ko upar kiya aur wo gola fatkar charo ore pusp varsha karne lagi. Agle hi pal usne apne hath ke ishare se Jivisha ko badi teji ke sath apne pass khinch'kar, apne kanda se uske sine itna tej humala kiya ki Jivisha dur jakar giri aur uske muh se khun nikalne laga…


Wahin dusri ore se usne Nischal ko bhi khinch liya aur usse to apne kandhe se, Jivisha se 10 guna jyada tej prahar kiya… aisa laga jaise Nischal ke ander se dil gurde sab fat gaye ho…


Serin teji se daurti hui uski ore badhi.… "Mere bhai aur babhi ke sath khelna band karo"..


Surpmarich ne Serin par bhi apne dono hath ka humla kiya lekin tej chot lagne ke bawjood bhi wo khadi rahi… "kyon beta jhatka kha gaya na" .. kahti hui Serin ne apna laat uthayi aur jhatke se uske sine par aisa jama dee, ki wo kahin dur jakar gira… khun uske muh se bhi aane laga…. Serin tej-tej shwans leti hui kahne lagi… "Dono uth jao bewakoofon.. hum dimag ke ander hain aur yahan atmbal ke sath dimag ko bhi majboot rakho.. war jhelo yah sochte huye ki ye humara kuch bigar nahi sakta.."


Serin ki awaz par dono khanste huye uthe. Zoom se current gujri ho jaise ussi teji ke sath Nischal Surpmarich ke samne pahuncha. Uska ek jordar prahaar jhela aur apni puri kshmata se usne apna panja, Surpmarich ke sar ke upar maar diya… pure panje kaa chhap uske sar ke upar nikal aaya tha, jiske charo ore baal the. Udhar Serin ek patli sharp rassi lekar uske gale me fasayi aur uss paar kud gayi…


Nischal aage se Surpmarich ke dono hath pakad kar, apne ore khinchne laga. Jivisha ne uske paun ko apni jagah jama dee aur Serin uske pith par apne paun jamati hui, apne dono hath se, gale me fasi patli dhatu ki rassi ko piche ke ore khinchne lagi ..


Surpmarich bebas hone laga tha. Teeno ka ek sath humla usse dhire-dhire maut ke karib le jane laga. Dhire-dhire Surpmarich ki aakhen bahar aane lagi. Jaan to hakakh me atki thi, lekin Surpmarich ki dahakti aakhen jaise hi Jivisha par pari.. Jivisha ki shwans rukne lagi… tabhi Nischal ne apna panja, uske panje se fasaya aur Nischal apne sar se uske aankh oar jordar takkar marte… "Bahut lambi jindgi ji liye tum dost, ab marne ka samay aa gaya hai"…


Tabhi Surpmarich jor se hansa… aakhri shabd uske juban se kisi tarah nikle…. "Mujhe apne mirtu ka purvanuman ho chuka tha… tum teeno ka dhanywad"..


Kisi tarah wo apni baat kah gaya. Dhatu ki rassi lagatar apna pura khinchaw uske gardan par banati ja rahi thi. Dekhte hi dekhte rassi gale ko kat'ti hui, uski gardan niche utar di… jaise hi uska gardan kat kar niche gira… Nischal ne uske sar par itna tej paun mara ki uska pura sir niche chipak gaya.. wahin Jivisha ne turant uske sharir me aaga laga di…


Nischal bina koi der kiye doni ko lekar dimag se bahar aa gaya. Lekin idhar bahar to alag hi kahani chal rahi thi. Serin jab aankh kholi, tab Nischal ke pass khade uske sharir se HuYu lipta hua tha aur uske honth Serin ke honth se lage huye the…


Serin chaukar apni puri aankh kholi aur khud se chipke HuYu ko tej jhatka dekar khud se dur ki. Lekin HuYu bhi Serin ka hath pakde tha aur wapas uske upar aaya, fir se honth se honth lagakar chumne laga… Serin uski iss adaa par fida hoti hui ander se musukrai aur wo bhi sath dene lagi. Jabki Serin ke bilkul karib khade, Nischal aur Jivisha ki jaise hi aakhen khuli, unki najar Surpmarich ke badan par pari…


Dono ka pura dhyan udhar hi tha. Dono uske pass pahunch'kar bade dhyan se uske sine me ghusa khanjar dekhne lage. Chamkila khanjar jo thik dil ke bicho-bich ghusa hua tha…


Nischal uss khanjar ko sine se bahar nikalte huye, pichhe muda… Jivisha bhi pichhe mudi… "Oye ye kya ho raha hai"..


Nischal ki awaz sunkar dono teji se alag huye… Serin thodi sharmati hui kahne lagi… "Wo mujhe laga main ab bhi uske dimag me he hun aur ye kalpnik image hai"..


Nischal:- Haddiyan kadki hui hai.. medical ki jaroorat paregi.. upar se Surpmarich ke sine me utara gaya khanjar. Ye wahi khanjar lagta hai, jo kal raat se HuYu bana raha tha. Mera dimag dard se fata ja raha hai. Surpmarich ke iss jagah ko bhi dekhna hai. Itne sari baton aur sawalon ke bich tum iss gadhe ko chum rahi ho. Upar se sharmana aur nautanki karna.. puri shagird ban jao apni bhabhi ki.


Serin:- Tum log thakte nahi itna lamba-lamba bol'kar, chalo medical section…


Sabhi viman ke ander pahunche… Serin khud thodi kam damage thi, isliye usne khud ke sath sab ko scan ki. Kamal ke scan results the. Serin ne sab ko mana kar diya purane koi bhi liquid lene se. Filhaal ke liye Serin ne dono ko kuch naye dawa ka prayog karne kahi. Dawa lene ke kuch der baad sab achha mehsus karne lage…


Nischal Surpmarich ke mirt sarir ko surakshit kar'ke, prayogsala me dal diya aur khud naha dho kar hall me pahunch gaya.


Hall me sabhi log pahle se baithe the aur jigyasa purwak HuYu ko hi dekh rahe the…. Nischal aate hi wo khanjar table par rakhte huye…. "Iske bare me bataoge jarra"..


HuYu:- Main thoda late ho gaya … kyonki Surpmarich ya koi bhi aisa prani jo khud ko prakritik bataye, uska ye ilaj hai… mere pass ek pustak hai jisme aise logon ko marne ka pura sodh likha hai… bus ek hi dikkat hai…


Nischal:- Kya…


HuYu:- Uske khun lagne ke karan, ye khanjar ek hi baar kaam karta hai… yadi dil me na ghop kar, kahin aur khanjar ghopte ho to wo nahi marega… ..


Nischal:- Tum nahi bhi ye khanjar chalate, to bhi wo marta hi.


Serin:- Ab chhodo bhi, khanjar ne usse kamjor kiya aur hum usse marne me safal rahe, ya khanjar lagne ke karan uske pran nikal rahe the aur iss wajah se hum uske dimag ke ander jit rahe the, iss baat par bahas karne se kya fayda. Wo mar gaya na, bus baat khatm. Haan lekin marte-marte sala kand kar gaya…


Nischal:- Kaisa kand…


Serin:- Humare sarir ki lagbhag 40% kashmta ko permanently le urra hai…


HuYu:- Tumlog apne 10% kshmta ke sath bhi khatarnak ho, fir to tunhare pass ab bhi 60% kashmta bacha hua hai…


Nischal:- Surpmarich jaison ko marne ke liye, yadi kashmta minus bhi ho jati aur aage ki jindgi kamjor aur nirbal hokar bhi gujarna hota, to gujar leta… Khair... Uske thikane ka purn awlokan karne ke baad, hum log yahan se niklenge…


Lagbhag 2 din lag gaye un charon ko, pura wo jagah dekhne me. Wahan par jitni bhi kaam ki chijen ho sakti thi unhe utha'kar viman me dale aur wahan se sabhi urr chale…


Nischal ne apna viman Himalya ussi kshetr me punah park kiya jahan pahle kiya tha. Aur sidha sampark Nandni se hua… Nandni ne sabko indore hi bula li, sath me ye suchna bhi de di ki Jivisha ka pura khandan yahin indore me khunta gade baithe hain...


Jivisha sab ko warning deti hui kahne lagi…. "Dhyan se suno sabhi, khaskar tum baby. Jo kuch bhi bolenge mere ghar wale, wo chup chap sun lena.. jitna safai doge, utni baat badhegi.. iss se acha hai ki sorry bol lo aur sar jhuka kar baat sun lo"..


Jivisha ki baat sun'kar sabhi "jee" bolkar apna sar haan me hila diye. Chhote se viman me sawar hokar Indore khufiya thikana. Wahan Nandni ne sabke aane ke liye pahle se car bhi chhod rakhi thi… fir wahan se car me Nandni ke ghar jahan ek baar fir shadi ka mahol tha…


Jaise hi dono Durga devi ke dwar aaye.. Nischal, Jivisha ko dhakka dete aage kar deta aur khud pichhe ho jata, to Jivisha bhi wahi karti aur dakka-mukki karte huye dono, aage-pichhe karte huye, dhire-dhire aage badh rahe the. Jivisha, Nischal ko aanhen dikhati hui…


"Had hai baby, aage jao na"…. "Jisa ye tunhare gharwale hain, tum se hi sunege"….. "Baby tum hone wale jamai ho, aur jamai matlab bhagwan. Jamai jo ek baar bol de, to log sawal nahi karte"….. "Gaya wo jamana jahan jamai ke paun dho kar pite the. Jab se film ke madhyam se, jamai ko hawasi aur jaydad ka lalachi dikhaya gaya hai, tab se jamai ko jute parte hain. Example ke liye mera bita past utha lo. Tumhare Rawan khandan ko main pasand to tha, lekin mujhe kabool nahi kar rahe the"….. "Baby wo tab ki baat thi, ab to tum carorepati ho aur sath me dil ke achhe bhi"…


"Aa jao hum log, hum kuch nahi kahenge. Hume pata hai kuch bhi kar len, bita waqt lautega nahi. Khushi iss baat ki hai ki dono sath me bahut pyare lag rahe ho. Aur sath me yahi hai tumhari bahan jamai babu. Nandni ne jab hume bataya to yakin nahi hua, ab dekh rahi hun to pura yakin ho gaya".. Jivisha ki maa Priya mahol ko halka karti hui kahne lagi…


Priya ki baat kisi marham se kam nahi thi… itna sukoon to ye log Surpmarich ko marne ke baad bhi nahi mehsus kiye the, jitna sukoon ab kar rahe the. Mahol khushiyon ka tha aur 2 din ke extension par chal rahi shadi, finally ab hone ja rahi thi. Nischal ko thodi der se inke aane ki khabar lagi, lekin jab khabar mili tabhi Ansh prakat bhi ho gaya. Ansh, Nischal ka hanth khinchte… "Chal dost, tum baraat ke sath aaoge"…


Nandni, Nischal ka dusra hath khinchti… "Aise kaise ye tumhare sath jayega… mere shadi me rahega, kyon Nischal"..


Jivisha:- Nandu, jane de na … dekh tu hi kahi thi na, ladka apne baap ke bina shadi kar sakta hai, lekin dost ke bina nahi…


"Jivisha, Jhalli… tu kab badi hogi re"… Nandni fusfusahati hui uske kaan me kahi aur jab Jivisha ne samne dekha… kya najara tha… Nandni aur Jivisha ke sare gharwale unhi ko ghur rahe the…


Jivisha bilkul kadak adaa se…. "Sab ghur kyon rahe ho… bhag kar shadi hoti dono ki, to hum hi sath hote, koi baap bhai nahi hota sath me. Rasta do jarra mujhe. Main apne Love ko 2 din ki vidai de aaun … 48 ghante baad surat dekhungi"..


Jivisha Nischal ka hath tham'kar bina mude sidhe darwaje me nikal gayi. Usse jate dekh, har koi hanste huye ek hi baat kahne lage…. "Welcome back, nautanki"


Pahle shadi ki rahshmen fir shadi ki dhamaal… Nandni ki shadi attend karne, Mumbai police commissioner ko bhi aana para, apni beti Aarsi ki wajah se jo Chirag ke sath aise chipki thi, jaise fevicol se nanak chipak gaya ho…


Idhar Jyoti aur Sawaker bhi shadi attend karne pahunche... Jaise hi Nischal un dono ke samne aaya… dono ne thappad maar-maar kar Nischal ka gaal suja diya. Thoda gila-sikwa hua.. thode aanshoo aur milne ki dher sari khushiyan chehre par chamak rahi thi…


Nandni ki shadi ho gayi aur shadi me utna hi hungama bhi hua. Shadi ki khushiyon ka double dose tab ho gaya, jab pata chala ki Jivisha aur Nischal ki shadi bhi next hafte hi ho jani hai…


Nandni iss khabar se sabse jyada khush hui, kyonki 2-4 din to shadi ke baad ki rashmon me lag jani thi aur uske baad sidha Pune aur fir wahin se honeymoon…


Khushiyan aise charo ore chhayi rahi, ki kuch din pahle kya kuch saha tha sabne, pura bhul chuke the. Serin aur HuYu ke liye ye pahla awsar tha, jab wo log prithvi ke logon ke karib the… Unka apnapan dekh'kar to dono hasrat hi karne lage… "Aisa nahi ki yahan ke log achhe ya bure nahi hote honge, lekin dikhane ke liye hi sahi, khushiyon ke bich kya gair kya apne, sab sath me mehfil jamate hain..


Ye pura mahina aisa bita jaise har gum aur padesani ka payback mil raha ho… Ek khushal si jindgi jo pyar aur pariwar ke bich itne shandar tarike se gujar rahi thi, jiska koi jawab hi nahi tha..


Lekin kahte hai na kuch bhi shaswat nahi hota hai. Mahine din ki khushiyan aisi thi ki usme beete waqt ki kadwi yaden to gayab ho gayi thi, lekin aane wali musibat fan failaye aamantran de rahi thi.


Ek hasin sham thi. Jivisha aur Nischal nayi relese picture "Kis-Kis ko pyar karun" dekh kar aa rahe the. Nischal pure mood se tha aur Jivisha ko lagatar teen shadi ke liye chhede ja raha tha, wahin Jivisha puri tarah chidhkar film makers ko galiyan par galiyan diye ja rahi thi, aur sath me Nischal ko utne hi gusse me apni aakhen bhi dikha rahi thi.... Tabhi rajeev gandhi zoological park se Sawalker ka emergency sandesh aaya….


Nischal:- Jisa bade bhaiya musibat me hain.. bula rahe..


Jivisha:- Location share karte jao…


Nischal location share karte huye.. bina kisi ke najar me aaye teji se bhagte huye Zoological park me pahuncha… Police ki bahut badi tukdi, bahut hi buri haalat me ghayal thi.. aur Sawalker kisi lambe kad kathi wale admi ke hatho me tha.. Nischal teji se daurte huye uske pass pahucha aur apne dono hath se pura force dekar usse dhakka diya…


Jaise hi uss aadmi ko dhakka laga… wo kuch dur pichhe gaya… Usne Nischal ko upar se niche dekha aur apni raftaar ka najara, Nischal ko pesh karte huye wahan se bhag gaya…


Sawalker behosh hone se pahle Nischal se uss aadmi ka sandesh kahte huye behosh hua, jo Nischal ko dekhne ke baad dhime se kah gaya…..


"Usse se kahna iss baar mujhe dhundhna uss ke bus ki baat nahi. Isliye apni khush'haal jindgi pyar se jite rahe… wo jahan rahega hum wahan nahi honge. Ek dusre ke pichhe na aaye ye santulan bana rahna chahiye warna yadi wo parchhayi ka pichhe karna chahta hai to most welcome.


Sawalker uski baat dohra'kar behosh ho gaya aur Nischal hairan hokar bus sochta rah gaya…. "Had hai janu, hospital le jane ke badle aise pakde huye ho bade bhaiya ko"..


Nischal:- Ye thik hai inhe kuch nahi hua… commissioner ko call kar do, aur bolna ambulance bhi bhijwa dene…


Jivisha:- Tum itne hairan kyon ho Nischal…


"Baby.. Zindgi ke abhi mukam aur baki hai… jise hum anth samjh baithe the.. uss anth se hi ek surwaat abhi baki hai… jo jung hai to ab jung hi sahi… khud ko taiyar kar lo abhi ek jung aur baki hai"…


Jivisha:- Matlab…


"Matlab … Ab hum apne romance ke bich ek romanchit safar par jane wale hain… Bus kuch din aur intzar kar lo"…

 

[nain11ster]

Aap sabon ka Bahut Bahut aabhar, jo kahani ke sath jude rahe... Waise sach kahun to iss kahani ko likhna, nayi kahani likhne se jyada muskil tha...


Kyonki puri kahani dimag se washout thi. Mere pass yahan tak ki kahani ka plot bhi nahi tha.. Haan kahani ki outline pari thi, wo bhi badi muskilon se kisi ek panne par ghisa-pita likh rakha tha, so mil gaya..

Baharhaal .. kathnai ye nahi thi ki kahani likhna hai.. kathnai ye thi ki kahani dobara se ussi mul-bhaw ke sath likhi jani thi jaisa pichhli bar likha hua tha...

Iss kahani ko aakhri mukam tak pahunchane ka pura Shreya miss Naina ko diya jaye to isme koi 2 Rai nahi hogi..


Lagatar unke aagrah ke karan maine isse pura karne ki jahmat uthayi... Ek baat jo main abhi clear kar dun .. outline ke hisab se dobara plotting ke waqt maine kuch fer-badal kar diye the...

Iss wajah se iss kahani me kuch badlaw dekhne ko milegi.. halanki kuch chijen jo kabhi nahi badli, wo thi kahani ki shurwat.. Uska anth.. aur charecter ke emotions aur unke expression...0

Kahani aap sab ko kaisi lagi wo jaroor batayen... Jo log pahle lagbhag padh chuke the iss kahani ko, aur kewal end ke intzar me the, unse appeal hai ki kahani ko pichhli baar se compare na karen, kyonki bahut situation aur charecters ke role me fer badal kiya gays hai...

Aakhir me ... Sab ka sath bahut pyar raha... Naina ji ki kosis rang layi aur unke padesan karne ke karan hi aap sab ko ye kahani yahan puri hoti dikh gayi..

Issi ke sath izazat chahunga... Kuch gadbadi ho gayi ho to uske liye kshma kijiyega.. aur haan kahani achhi lagi ho ya buri.. apne vicahr jaroor dijiyega.. ..

Issi ke sath izazat chahunga... Aap sabhi mitron ka dhanywad.. wakai aap sab ke sath ke karan kahani likhne ka maza doguna ho gaya...

 

[Nevil singh]

Update:- 86​

Nandni jis teji ke sath khinch rahi thi, Nischal apna dhyan laga'kar, aakhen munda aur Nandni ke katuhal man me pahunkar…. "bilkul shant ho jao Nandu, aur jor lagana band karo. Apni aakhen mundi raho aur shwans mat lena"..


Nischal pura dhyan laga'kar Nandni ke dimag ko kabu kiya.. usse shant rakha….. aur ret ke ander teji se uske barabar aate huye, uske naak ko daba kar, muh se muh laga'kar usse shwans dene laga…


Nischal ab bhi uske dimag ko shant karke shwans diye ja raha tha… takriban 5 minute tak ret me ghusne ke baad Nischal ko aisa laga ki wo hawa me hai… turant hi usne Nandni ko apne hatho se upar uthaya aur khud niche dharam se gir gaya… charo ore ghanghor andhera aur kewal sapon ke fufkar ki awaj aa rahi thi… "Nandu tu thik hai"…. "Nischal, mujhe kuch dikh nahi raha.. bahut dar lag raha hai"..


Nischal:- Dar mat, main hu na…


Nischal ne Nandni ko apne kandhe par rakh'kar usse pakda aur apni aakhe mundkar fir se dhyan lagaya.. uska dimag jaise Nandni ke charo ore ghum raha ho.. Nischal ko charo ore ka najara bhi saaf dikh raha tha..


Charo ore kewal sanp hi sanp the.. kayi sanp Nischal ke paun ko das rahe the, to kayi uske paun se mans noch rahe the. Nischal lekin apne jagah par khada, apna pura dhyan Nandni par lagaye huye tha..


Tabhi kayi sapon ne ek sath hawa me uchhal'kar Nandni par humla kiya. Jaise hi Nandni par sapon ne humla kiya, Nischal apne puri raftaar me aaya… sapon ke humla karne ki gati aisi thi ki wo yadi ek sath 1000 ki tadat me bhi humla karte, to bhi Nischal ko koi fark nahi parna tha…


Nischal apni puri raftaar se charo ore hath ghum'kar, ek sath sabhi sapon ko jamin me girakar dharasahi kar chuka tha…. "Dekho, tum alpaayu ho ya kya ho, mujhe nahi pata, kintu tum jo bhi kar rahe ho, bahut galat kar rahe ho. Please ye humla rok do, hum aapas me baith'kar baat kar sakte hain"


Nischal lagbhag minnate karte huye kaha, lekin humla aur bhi teji se hone laga… Nischal lagatar uss andhere me Nandni par ho rahe humle ko rokte…. "Maine kaha bus bhi karo tumlog, humne tumhara kya bigara hai"… Nischal ne ek aur kosis ki, lekin humle ki gati me kami aane ke badle briddhi hoti chali gayi.


Nischal:- Yaar Nandu, bade dhit hai ye..


Nandni:- Mujhe to kuch dikhai nahi de raha Nischal, tum kis se yahan baat kar rahe ho…


Nischal:- Ab ye jo koi bhi ho iss andhere me to inse nahi nipta ja sakta…


Nandni:- Mere pass bijli to hai..


Nischal:- lekin na to yahan bulb hai aur na hi itne sare jiv ko tum ek sath jhatke de paogi… shyad laaton ke bhut hai…….. Main to baat chit ka prastaw de raha tha, lekin tum to humle hi kiye ja rahe, aise thode na hota hai dost.. ab to yahan toofan uthega aur garaj tumhari iss mand me hogi"..


Nischal tej chinkh ke sath apna ek paun pura jamin par de mara.. aisa laga jaise wahan ka pura mahol hi kampan karne laga ho. Nischal ab kisi ko ghayal nahi karne wala tha balki sidha jaan se hi marta..


Nischal purn roop se apne humle ko taiyar tha, tabhi uske kano me aisi dhwani sunai pari, jis se uska dhyan tootne laga. Jabtak aakhen munde tha tab tak sab kuch saaf najar aa raha tha, lekin aankh ke khulte hi wo kuch dekh nahi pa raha tha..


Ek madhur prem ras dhwani jo Jivisha dwara chhodi gayi thi. Idhar Nischal ka bus ek pal ke liye dhyan toota aur udhar kayi lakh saanp Nischal ke upar ek sath humla kar chuke the. Nischal apne sharir me zahar ka tej asar bhi mehsus kar raha tha….


Uski gati atyant hi dhimi par gayi. Nandni bhi murchhit uske kandhe par pari thi aur uske kamar tak sapon ka ghrea pahunchne wala tha… tabhi Nischal ke chehre par muskan fail gayi…


Saapon ke iss mayawi jaal me Jivisha ki tej awaj aisi gunji ki mano wo kahar ban'kar baras rahi ho…. Har sanp ke gale me jaise moti rassi bandh'kar, puri takat se dono siron ko khinch diya gaya ho… wahan maujood anginat saanp, apna pura muh fare, swans lene ke liye chhapta rahe the, aur Jivisha ke sar par to mano khun sawar tha…


Jivisha apne dono hath hawa me lahrayi aur wahan ke vayu me purn pariwartan ho gaya… uss jagah par maujood har jiv hawa me jame huye the. Nischal ke aas pass ki jagah purn roop se khali ho chuki thi…


Jivisha ab unke purn safaye ki mansa se apne lahrate hath ko bhumi par marne wali thi, jiska yah natija hota ki hawa me jame saanp, bhumi par iss kadar takrate, ki unke chithre ho jate. Lekin tabhi Nischal pure jor se chillate huye kahne laga…..


"Ye sataye huye prani hai Jivisha, inhe mat maro… ye yahan bhumigat hone par majboor the… Main sampark tod raha hun.. shyad mujhme tej jahar ka asar ho raha hai… Nandu bhi behosh hai aur isse purn ilaj ki turant jaroorat hai. In praniyo ko mat maro… yahan aa kar Nandu ko dekho"..


Nischal apna sandesh kah'kar behosh ho gaya. Ussi ke pass Nandni bhi behosh pari thi.. Tabhi Jivisha kisi kaal ki tarah chinkhi…. "Yadi mere dost ko kuch hua to fir dobara tum sab pachtane ke liye jivit nahi rahoge… Meri jaan ke kahne par tum sab ko chhod rahi hun."


Jivisha apni baat kah'kar apni shakti un sapon ke upar se hatayi, aur wahin bhumi par baith gayi… dekhte hi dekhte wahan purn raushni ka shrijan hone laga aur andhera jab chhata, to anginat log apne ghutne par baithe sir jhukaye the..


"Tum sab kaun ho aur bina karan hume maarna kyon chah rahe the.." Jivisha ke aakhon me gussa aur shabdon se jaise bhay baras raha tha… wahan maujood har koi iss bhay ko mehsus kar raha tha…


"Rajkumari main yahan ki mukhiya Shwetna hun. Aap aur aapke logon par humla karna, humari bhul thi, kshma kar dijiye"… Nile rang ki dikhne wali ek kamsin si ladki, sir jhukaye apni jagah se khadi hoti hui kahne lagi..


Jivisha usse gusse me ghurna shuru ki aur wo dekhte hi dekhte apna gala pakde hawa me aa gayi. Apne mukhiya ko hawa me dekh, wahan ke log minnate karte "maafi maafi".. chillane lage…


Jivisha:- Sabhi ek dum khamosh. Meri dost kahan hai.. aur kaisi hai…


Lin:- Rajkumari mera naam Lin hai. Yahan ka main pratham mukhya sahayak hun…


"Kisi ka naam ya pahchan puchhi main. Meri dost kahan hai"…. Gambhir si awaz thi Jivisha ki aur aisa lag raha tha uske awaz ke sath hawa me tarang bhanwar banati charo ore tair rahi hai, jo har kisi ke sar me paglon ki tarah dard de rahi thi… har koi apna sar paglon ki tarah jhatkne ke liye vivash tha….


Lin:- Aap ke dono dost surakshit hain aur hum bhi aap ke he log hai. Apni ye trarang band kijiye, warna humara dimag fat jayeg"..


Lin ki baat sunkar Jivisha shant hoti hui aur tej-tej shwans lene lagi…. "Mere dost kahan hain, main unhe dekhna chahti hun.


Shwetna:- Rajkumari wo dono khatre ke bahar hain.. dono ka upchar chal raha hai… aap apne gusse ko shant kare aur in bebas mukh ko dekhe, jo aap ke aane ki pratiksha me na jane kabse aas lagaye the..


Jivisha:- Inhe bebas kahte hain to fir jalim kaun hoga… bebes to mera Nischal tha, jise ek ore fikr thi ki yahan rah rahe saanp, ya jo koi bhi tum log ho wo majboor hain. Uske kandhe par ek masoom si ladki hai, jo tumhare zahar ke asar se mar sakti hai… meri jaan ne minnat tak ki tum sab se, lekin kisi ne bhi suna kya.. haan batao…


Shwetna:- "4 pidhi jinki andheron me gujari ho Rajkumari, pichhle 800 salon se jisne suraj ki raushni na dekhi ho… hum bhi manushya hai.. lekin humari aabadi itni hai ki shayad hi kabhi manushya roop me rahte hai.. jyadatar sanp bane hi ghumte hain aur jinda rahne ke liye kiron-makodon ko khane ke liye vivas hai."


"Aise me pata chale ki humara haal karne walon me se koi yahan humari jamin par ghum raha hai, fir kaun samjhega minnat aur kaun samjhega ki humne anjaane me aise logon ko pakda hai jo nirdosh hai… kyonki 4 pidhi bitne baad to sari ummid hi khatam ho chali hai…


Jivisha, puri tarah hairan hoti…. "800 saal se tum logon ne upar jamin par kadam nahi rakhe. Aisa kya ho gaya tha?"..


Shwetna:- Ji haan 800 sal Rajkumari. Humara itihas kayi hazaron varsh purana hai, lekin bilkul chhipa hua. NilBhut samuday se humlog hain, Pratham rani, Vish Kritima ki praja, jo iss Zoren grah ke mul niwasi hain… Vish Kritima alokik shaktiyon ki devi hua karti thi, jiske gun unki agli pidhi me se kisi ek ko mil jati thi. Jinke pass bhi yah gun hota, wo swabhaw ki kafi chanchal aur itni milansar hua karti thi ki dekh'kar koi kah nahi sakta ki wo alokik shaktiyon ki malkin hai aur ek pure samuday ki sanchalak.


Hum yahan anya 5 samudayon ke sath bade hi shanti se raha karte the. Yahan ke sabhi samudayon ki alag-alag seema thi, jisme sabse bada samuday Takshat (Mahamahim ka Samuday) ka tha, kyonki wo log marte kam the aur paida jyada lete the. Humara samuday NilaBhut ko bhu-vashi bhi kahte the, kyonki jyadatar hum jamin par hi rahna pasand karte the.. anya samudayon ki tarah na to hum unchi building banana pasand karte the aur na hi bahut jyada technology ka prasar pasand tha.. Hum apni sabhyata me jite the, apni mulbhut jaroorton ke liye mehnat karte aur bache samay me pariwar aur apne samuday ke sath jashn manate rahte..


Takriban 800 varsh purv ye Takshat samuday ka ek parbhakshi (parasite) Mittoso (Mahamahim) satta me aaya tha, wo bhi aap ke ek jo mitr hain Viggo, unke purvajon ki wajah se. Ek baar wo satta me kya aaya, humari duniya hi usne ujar kar rakh di…


Uss waqt Vishi Kritma ki vansaj, Visi Nilayani humara pratinidhitwa karti thi. Unke aur uss parijivi Mittoso ke bich kya hua tha wo to pata nahi, lekin Visi Nilayani apne mirtu ke purv, apne ansh ko apni 6 bahno me bant'kar badi hi dardnak mirtu mari thi.


Unki aagya anusar 6 bahne, 6 dur ke kisi grah me chali gayi. Yadi suni sunayi baat ko mane to kaha ye jata hai ki NilBhut samuday ke logon ki tarah hi Viggo samuday bhi tha, bhole log jinhe koi bhi chhal sakta ho… Mittoso ne Viggo ko chhala tha aur pahle to satta hathiya liya, fir unhi Viggo ke banaye kisi upkaran ke karan Visi Nilayani apni shaktiyon ka prayog nahi kar payi thi, kintu wo purvanuman kar chuki thi isliye pahle hi apni bahno ko yahan se kafi dur bhej dee aur kahi thi….


"Jahan ke manusya me buddhi ka vikas sabse atydhik hoga, jo saaf dil ke hone bawjood kisi chhaliya ke majboot se majboot bhrm jaal todne me sakshm hogi, jise fasane ke chakkar me kapti khud fas jaynge, jiske purvanuman ko koi thag na sake, bhale hi wo kitna achha hone ka natak hi kyon na kar le, ussi me Vishi Kritima ke alokik shaktiyon ka srijan hoga aur wo apne sabhi sawalon ke jawab ke liye yahan jaroor pahunchegi, apne logon ke bich, fir chahe aane ka karan kuch bhi ho, ya fir jariya koi bhi ho."

Sondrypuran update hai mitr.

 

[Nevil singh]

Update:- 87​

Jivisha:- Kya yaar Shwetna, jo mere Nischal ke kaam ka tha wo mujhe bata gayi. Isme to mera computer bhi madad nahi karega, mujhe Nischal ko khud puri baat batani hogi… waise tumhe kya pakka yakin hai ki main hi wo ladki hun jise rani Vishi Kritima ki shaktiyan mili hai, aur issi wajah se tum mujhe Rajkumari kah rahi ho..


Shwetna:- Aap ko ye shaktiyan kahin aakash se nahi mili hain.. aap unhi ki vansaj hai.. aur vivaah ke purv Rajkumari aur vivah ke baad hongi humari Rani…


Jivisha:- Tum koi kahani to nahi bana rahi, jaise aksar main banaya karti hun…


Shwetna, badi utsah se….. Ye eklauti aisi kahani hai jo hum me jine ki ummid diye hai… itihaas ki yah sachai hi to humara bacha hausla hai, lekin Rajkumari humari utsah to abhi aap ki kahaniyon me hai… ek lamba arsa huye kuch naya sune… hume bhi kuch kahaniyan sunao na…


Jivisha:- Abhi nahi Shwetna, mera aadha dhyan to unhi logon par hai…


Shwetna, ne apne partham mukhya sahayak Lin se kuch kahi aur wo turant uski baat par amal karta hua Nischal aur Nandni ki haalat ka jayja lekar Shwetna ke pass pahuncha….. "Rajkumari aap ke sath aayi wo ladki…"


Jivisha:- Nandni, naam hai uska..


Shwetna:- Ji Rajkumari, wo kewal behosh matr thi, unhe kuch nahi hua tha. Wo abhi hosh me aa chuki hai. Aur wo ladka..


Jivisha:- Ladka nahi hai wo… meri jaan hai.. meri dhadkan.. mera pyar.. Nischal..


Jivisha ke mukh se ye shabd sunkar Shwetna hasi, aur kahne lagi… "42000 sapon ka vish unke ander gaya tha, kintu zahar jaise sama gaya ho unke ander. Behosh hain wo, kintu koi khatra nahi hai… unhe aaram karne dijye, jab aankh khulegi to wapas pahle jaise ho jayenge"..


Jivisha:- Hmmm ! Mujhe milwao dono se..


Ajib si bhumigat jagah thi, jahan charo ore kafi nami thi. Aisa lag raha tha chattano se bani pillar par, iss jagah ka pura dhacha taiyar kiya gaya tha aur wahan ki har chattan halke hare aur nile rang ke ghas jaisi paudho ke chadar se dhaki thi. Un paudho ke patti ka aakar bindu jitna tha, jo pure chattan ko dhake huye tha aur uss jagah ko kafi manmohak bana raha tha..


Jivisha uss jagah ko niharti hui aage badhne lagi. Ek jagah ke manmohak banawat ne Jivisha ka kadam rok liya…. "Shwetna ye itni sare manmohak aur khubsurat tane ki jal ki deewar kitni pyari lag rahi hai…..


Shwetna:- Rajkumari wo ek tarah ka deewar hai, jiske piche ek khubsurat vatika aur alokik talab hai…


Jivisha:- Aisa kya, fir to main bhi wo vatika aur talab ghumungi…


Jivisha, Shwetna se baat karte huye Nandni ke kamre tak aayi. Nandni kisi se baat kar rahi, Jivisha ko dekhte hi uske ore bhagi… "Ahhhh ! Tu thik hai Jisa"…


Jaise hi Nandni ne Jivisha ka haal lee, pass khadi Shwetna ke muh se "khiii-khiii" nikal gaya… Jivisha usse tej najron se ghur'kar pura dhyan Nandni par lagayi…


Jivisha:- Main bilkul thik hun.. tu kaisi hai.. koi taklif to nahi diya inhone..


Nandni:- Andhere me to kuch pata bhi nahi chala mujhe, sadme se sayad main behosh ho gayi thi. Aankh khuli to main yahan thi. Bahut ache hai ye log aur kafi pyari baten karte hain. Nischal kahan hai..


Jivisha:- Wo aur uska vigyaan, jab se yahan raushni hui hai, bus sodh kar rahe hain… chal aaj raat tu yahin aaram kar, main jarra unki khabar lekar aaun..


Nandni:- Nahi yaar, ya to Ansh ko yahan bula de ya chal wahin chalte hain… Chinta kar raha hoga bechara..


Jivisha:- Kamini sab samjhti hun main.. Shwetna, kya tumhe humare jahaj ke bare me pata hai..


Shwetna:- Haan Rajkumari, aap ke viman ki jankari hai mujhe..


Nandni:- Rajkumari, ye kab hua…


Jivisha:- Shwetna, Nandu ko bhi wo itihaas bata do jo tumne mujhe sunaya hai… aur haan humare viman me 3 log honge.. dhyan se sunna 3 log.. jisme se 2 issi grah ke hain... Tumhari jimmedari hai un tino ko yahan surakshit lekar aao..


Shwetna:- Rajkumari uss Parijivi Mittoso (Mahamahim ka naam) ke log ke baare me sochkar hi aap logon par aise humle ho rahe the.. aap soch sakti hai kitna rosh hai unke liye..


Jivisha:- Thik hai fir hum hi yahan se chale jate hain…


Shwetna:- Rukiye, kisi ko kuch nahi hoga yah mera wada hai.. lekin hum viman ke ander nahi ja sakte… pahle bhi kosis karke dekh chuke hain...


Jivisha:- Computer ji iss kharnak si ladki aur iske sathi ko wahan please acess de dijiye.. Shwetna is baar mukhya dwar se jana aur haan suno wahan Ansh hoga, tum pahchan jaogi..


Shwetna:- 2 uss Mittoso ke log hain, to bache huye teesre ki aap baat kar rahi hai na, bilkul pahchan jayenge…


Jivisha:- Smart haan. Ansh ko mere dost ke kamre me chhodna aur khyal rahe unhe koi padesan na kare..


Shwetna:- hihihi.. thik hai Rajkumari main samjh gayi..


Jivisha:- Nandu ab to khush.. chal ab main jarra apne unke pass jati hun... Tu aaram kar..


Jivisha Nandni ko aankh maar kar wahan se nikali aur Shwetna ke gair maujoodgi me uska pratham sahayak Len Jivisha ko Nischal ke pass tak lekar gaya…


Nischal khule badan behosh para hua tha. Kamar par kapda matr tha aur wahan aas pas baithi kuch ladkiyan Nischal ke dilkash badan ko dekh'kar mand-mand muskura rahi thi…. Jivisha unhe ghurti hui… "Chalo bahar niklo yahan se… Ye sab kaun thi, Lin"..


Lin:- Ye sewika thi, jo inki sewa aur jaroorton ke liye rakhi gayi thi..


Jivisha, badi si aakhen kiye… "Kis tarah ki jaroorat"..


Lin:- Aushdhi aur any vastu ki jaroorat…


Jivisha:- Nana koi nahi rahega yahan.. inki har chhoti badi jaroorat ke liye main hun yahan … abhi ke abhi jao sabhi yahan se…


Lin aur wahan jitni bhi ladkiyan thi, wo sab sar jhuka kar wahan se bahar nikal gayi… Jivisha ne aaram se uss kamre ko lock kar di. Nischal ke khule badan ko dekh'kar thandi aahen bharti … "hayyyyyyy".. ki madhoshi bhadi awaj Jivisha ke shwanson se nikli aur sine me gud-guda ehsas machalne laga…


Jivisha apna pura panja Nischal ke sine par rakhti, uska chehra dekhne lagi. Idhar jaise hi Jivisha ka hath Nischal ke sine se laga, wo tej gahri shwans apne ander khincha.. aur fir sukoon ki shwans lene laga…


Hath lagane se uske chehre par aaye sukoon ko dekhkar Jivisha hasne lagi… "Behoshi me bhi sparsh pahchan rahe ho haan.. natkhat kahin ke"… Jivisha hasti hui apne sar ko jhuka li aur pyar se Nischal ke naak par apne naak firati wo honth se honth ko sparsh karne lagi"..


Jivisha jab honth ko chum'kar uthi tab wo Nischal ke badan par huye kuch badlaw ko dekh rahi thi. Kuch der tak wo uske badan ko gaur se dekhti rahi.. uska skin aisa lag raha tha jaise bilkul soft hokar hawa me ek madam khusboo chhod rahi thi, jiska asar Jivisha ko pagal banane laga…


Jivisha turant hi uske pass se uthi aur thodi dur khadi hokar apni shwans samanya karti hui… "Baby tum to pagal banane lage mujhe… Aahhh ! Aise behosi me rijhane ka kya matlab hai jaan… Hosh me to khud ko kabu me rakhte ho"..


Jivisha apni swans samanya karne lagi… kuch duri bana kar uske badan ki dilkash najara leti rahi. Kuch der baad jab sab kuch samanya hua, tabhi Jivisha ki najar paun se khinche mans par gayi.. itne gahre jakhm dekh'kar uski aakhen badi ho gayi….. gusse me aakhen laal kiye wo fir ek baar nikli…


Shwetna aur uske log Jatin aur Baby ko ghere baithi aapas me hi hans rahe the, jaise hi Jivisha pahunchi, sab ke sab apna sar pakad kar niche jhuka liye….. "Mari jaan ka ye haal kisne kiya.. unke paun me itne sare jakhm kaise huye.. jitne bhi uske jimmedar hain wo samne aa jaye"..


Shwetna:- Rajkumari, wo kisi ghor dushman ko marne ke aawesh uthaya gaya kadam tha, kintu aap to jaan-bujh'kar har baat par apne logon ko yatnayen de rahi hain… shakti ke sath itna aawesh thik nahi.. aap bekabu ho rahi hain..


Shwetna ki baat sun'kar Jivisha khud ko kabu ki aur wahin baith gayi…. "Maaf karna wo Nischal ki haalat dekh'kar mujhe rah-rah kar gussa aa raha hai"..


Shwetna:- Ab to gussa nahi aa raha na Rajkumari, ab to muskura sakti hai.. kash is waqt aap humare dil ka haal bhi samjh pati…


Jivisha:- Hmmm ! Chalo mera to dil bechain hai, tum sab apne hi dil ka haal bata do..


Shwetna ne apne mukhya sahayak ko kuch vaywastha karne kahi aur baki sabhi mehmano ko unke kamre me pack kar diya gaya, ek khas jashn jo apne samuday ke bich hi manaya jata tha…


Jivisha ke liye fulon se saji ek baithki ka intzam kiya gaya jahan uske khane aur pine ki vises suwdhyen thi... Charo ore fulon ki khusbu se vatavaran mahak utha… dekhte hi dekhte wo jagah kewal aur kewal sapon se bhad gayi jo ek madhur sangit par jhum rahe the..


Kayi sharp Jivisha ke paun ke charo ore chakkar laga rahe the to kayi Jivisha ke hathon se lipte rahe… utsaw jaisa mahol tha jo kafi lamba chala tha… anth me sabha ka samapan ho gaya aur sabhi log sone chale gaye..


Jivisha ek baar fir Nischal ke pass thi. Muskurati hui, fir wo lamha ek baar mehsus karna chahti thi, jo ab se chand ghantey pahle wo mehsus ki thi. Ek baar fir Jivisha pyar se Nischal ke honth ko chum'kar, un madak ehsas ke sath Nischal ke sine se lipat kar so gayi.


Kafi khili hui subah thi. Charo ore se manmohak pusp ki khushboo aa rahi thi, mithi si angdai lekar Jivisha jab apni apni aakh kholi… "Ufff baby ab kitna tadpaoge. Ek lambe arse ke baad dono sath hain.. lekin sath milkar ab tak sukoon ke wo pal humne bitaye nahi. Mujhe chhod'kar kahan chale gaye"..


Jivisha muskurati hui uthi aur charo ore ka najara lene lagi. Char kadam chali hogi ki tabhi wo hari bhari ladiyon ki unchi deewar najar aayi. Jivisha uske banawat ko dekh'kar uss ore aakrashit hoti hui, apne kadam badha di.


Jaise hi Jivisha uss dwar ke pass pahunchi, bahar khadi sewika apna muh niche karke hansi aur talab ka darwaja khol di.... Jivisha khule darwaje se jhank'kar ander ke lubhawne drishya ko apne jehan me samet'ti hui ander ghusi, aur sewika ne uss dwar ko band kar diya.


Itna khubsurat talab Jivisha ne aajtak nahi dekha tha… aisa pratit ho raha tha mano kisi dev lok ki vatika me wo aa gayi ho.. Jivisha talab kinare bane ghat ki sidhiyon se pani me utarne lagi… Talab ka shital jal jaise hi Jivisha ke paun ko chhune lage… Jivisha ka man prashann ho gaya..


Wo dhime-dhime talab me utar'ti chali gayi aur ghat ke kinare baith'kar, shital jal ka aanad lene lagi… Jivisha ka pura mann shant ho gaya aur aakhen mund'kar wo sukoon ki gahraiyon me chali gayi… Bahut hi umda anubhaw tha ye..


Tabhi achanak uss pani me hulchal hui aur Jivisha ki aakhen khul gayi… Jaise hi uski aakhen khuli aur samne Nischal ka khula pith dikha… Jivisha ka dil joron se dhak-dhak karne laga….. "Baby tum yahan"..

Madhoshi ke aalam me likhi gai ek aur update.

 

[Nevil singh]

Main yaad ki chij nahi mitr ... Bhula dena mujhe hai alvida tujhe

Achhe mitr kabhi nahi bhulaye jaate.

 

[Nevil singh]

Update:- 88​

Nischal, ghabrakar pani me pura baith'te… "Jisa, unhe maine mana kiya tha yahan kisi ko nahi aane de"..


Jivisha:- Dil mera joron se dharak raha, paun mere kanp rahe, aur ghabrahat tumhare chehre par… dekha jaye to mujhe ghabrana chahiye… lekin main ghabrayi kya?


Nischal:- Baat to samjho please, tum to kapdon me ho lekin main…. Ye log bhi na bade careless log hain. Tumhe kaise yahan bhej sakte hain…


Jivisha:- Unpar kyon gussa ho rahe ho jaan, wo log bhi yahan kisi ko nahi nahi bheji balki jise tumhare sath hona chahiye usse hi bheji hai. Dur kyon ho baby, aao mere pass.. tumhe yaad bhi hai ki aakhri baar kab hum sukoon se ek dusre ke sath baithe the… Jindgi me itna thrill bharta ja raha hai, romance to lagta hai dur hi chala gaya… please ab dur mat raho mere pass aao na…


Jivisha apni baat kah'kar, hasrat bhari najron se Nischal ko dekhne lagi. Nischal uski najron se najar milaye, thik uske karib ghat ki deewar se tik'kar baith gaya. Jivisha ki kalai ko apne hath me lekar uski hatheli ko pura sparsh karte, uski aakhon me dekhte huye puchhne laga… "Meri jaan kya tum meri Jodi banogi"


Jivisha, Nischal ke ore mudti, halki si hansi ke sath haan me apna sar jor-jor se hilane lagi.. Nischal apna ek hath piche rakhe apne bag par le gaya aur bag se ek chhota sa box nikala…. "Ye kya hai Nischal"…


Nischal, Jivisha ki baat ka uttar na dete huye uss box se 2 ring nikala, ek ring Jivisha ke hath me diya aur dusri khud rakha… Jivisha pyar me dubi pyari hansi ke sath, Nischal ko dekhne lagi.... Nischal bhi muskura'kar usse hi dekh raha tha..


Gudgudate armaan aur dono ke khile huye se chehre. Najren ek dusre par thehar si gayi thi. Jivisha, Nischal ka pura chehra kyon na dekh rahi, iss baat ki tis uske sine me uthne laga, aur wo bina apni najar Nischal se hataye, apne paun uske paun ke dono ore rakhti, kamar ke upar baith'kar, Nischal ke pure chehre ko nikarti, apne hatheli se uske chehre ko sparsh karne lagi.


Nischal, uske hatheli ko apne hath me liya. Pyar se hatheli ko apne honth se sparsh karte, Jivisha ki aakhon me jhakne laga aur muskurate huye ring uski ungli me dal diya. Ring ungli me ja rahi thi aur Jivisha ke khile chehre par aayi pyari si hasi ne wahan ka pura mahol hi khila raha tha..


Jivisha bhi Nischal ki hatheli ko apne hath me tham'kar, usse anguthi pahna di aur dhire-dhire jhukti hui, usse chumne ke liye apne honth badha di… Nischal kisi madhosh swar me dhime se kahne laga… "Kuch der thehar jao jaan"..


Nichal Jivisha ko rok'kar uski kamar ko apne dono hath se tham liya… Hath lagte hi Jivisha ka dil joron se dhadkne laga aur shwans thodi atakne lagi.. Jivisha, Nischal se najren milane me asmarth si ho gayi aur uske sine se lipat kar apna chehra Nischal ke kandhe aur gale ke bich chhipa li.


Tabhi Nischal, Jivisha ke kamar ke dono kinaro par apne hath ki pakad banate, pura sidha ho'kar baitha aur piche se Jivisha ke dress ki chain ko khiska'kar kamar tak le gaya. Jivisha ki atki shwans tej ho gayi aur Nischal ke kandon se takrane lagi.


Nischal bina koi der kiye piche se bra ke huk ko khol'kar Jivisha ko thoda upar uthaya, phale bra ko dhime se khinch'kar nikala, fir ek-ek kandhe se dress ko niche sarkate huye dono kandhe se bahar nikal diya. Jivisha ki dress uske kamar me thi aur uska khula pith Nischal ke sine ke upar. Jivisha apne dharakte armano ke sath Nischal ke sine se pure chipak'kar usme samati ja rahi thi.


Khule badan par takrati pani ki hilkor alag hi aisa ehsas karwa rahi thi. Jivisha apni bekabu dhadkano ke sath agle pal me hone wali harkat ko soch'kar aur bhi jyada romanchit hui ja rahi thi…


Khule stan Nischal ke sine se yun chipke the ki uska ehsaas madak aur romanchit karne wala tha. Nischal ek pal ke liye bhul gaya ki wo kya karne wala tha aur ye kahan kho sa gaya hai… Nischal ke armaan bhi bekabu the, aur issi kram me uske badan se fir se wo khusbu nikalna shuru hui, jo Jivisha ke dimag me Nischal ke prati madak aakarshan ke ras ghol gayi…


Nischal, Jivisha ke chehre ko kandhe se alag kar upar kiya aur usse sidhe baithne ke liye ishare karne laga.. Jivisha laaj se naa me apna sar hila di aur apne chehre ko uske gardan aur kandhe ke bich chhipa li. Nischal thoda sa jod laga'kar Jivisha ko jaise hi bilkul sidha bithaya, Jivisha apne ek hath ke ghere me dono stan chhipa'kar apna sar niche jhuka li…


Nischal, uske dusre hath ke ki ungli me ek pendent fasa diya jiski chain gadhe nile rang ki aakarshit karne wali kisi nayab patthar ki bani thi, jiske niche ek ati durlabh patthar laga tha jiski raushni aakhon ko apne ore khinch rahi thi…


Nischal ke hath me jo haar tha uske niche shwet rang ka patthar laga tha aur Jivisha ke hath me jo haar thi usme heere ke saman pardarshi patthar laga tha, jo dekhne me halka laal pratit ho raha tha..


Nischal ne apne hath ka haar Jivisha ke gale me pahna diya, kintu Jivisha ek hath se kosis karti rah gayi lekin haar nahi pahna payi…. "Baby please ghurna mat, warna mujhe uncomfortable feel hoga"…


Nischal:- Main to tab bhi tumhare aakhon me dekh raha tha, ab bhi tumhari aakhon me dekh raha hun sangini.


Jivisha, himmat juta kar ek baar fir Nischal ke aakhon me dekhi. Wahi khila sa muskurata chehra jo najron ko lubha raha tha. Laaj ke karan jo najar Nischal se milne ki himmat nahi juta pa rahi thi, wo ab muskurate huye bus gahraiyon me utar rahi thi. Jivisha, Nischal ki najar se najar milaye apne hath ke ghere ko khol'kar dono hathon se wo haar Nischal gale me pahna di.


Jivisha ne jaise hi wo haar Nischal ko pahnayi, Nischal uska hath pakad kar apne sine ke upar, haar ke patthar ko cover karte huye rakh diya, aur khud bhi apna hath uske sine par dalkar uss patthar ko cover kiya..


Dono ke hath ek dusre ke sine par the, najar se najar mil rahi thi aur najren bus ek dusre ko hi dekh rahe the, bina yah jane ki dono ke hath ke niche jo patthar hai, uss se tej raushni hona shuru ho chuki thi. Jaise hi raushni aur bhi tej aani shuru hui, dono ka najaren milna toota aur najar ek dusre ke hath par gayi, jise pura bhed'kar raushni bahar ek dusre ke upar par rahi thi.


"Hum jodi bane chalo iss baat ka gawan hum punchbhut ko banate hain." Jivisha, Nischal ki baat to nahi samjh payi kintu wo ab jodi hai, ye sun'kar hi uska rome rome khil gaya. Nichal ne dono anguthi wali ungli ko thik apne madhya me lakar, anguthi se anguthi ghisne laga. Kewal 7 bar usne ghisa aur wahan agni prajwalit hoti hui bade se panchhi ka aakar li aur unke charo ore chakkar lagane lagi…


"Hihihihihi, tum to jadu kar rahe ho baby"…. "Lekin tumhara jadu jyada kharnak hai, mere sar chadh raha"… Nichal ne ek jhalak Jivisha ke stan ko dekhte huye kaha. Jivisha koi uttar na deti, dhime se hansti hui apni najren Nischal ke upar se hata li…


Dono ke patthar se ab bhi tej raushni nikal rahi thi jo ek dusre ke sine se takra'kar wahan charo ore fail rahi thi. Nischal, Jivisha ka hath tham'kar…. "Jivisha, hume punchbhut ka aashirwad lena hai"..


Jivisha:- Kaise lenge..


Nichal:- Pranam kar ke aashirwad lenge Jisa. Iss sampurn brahmand me, jis kan me bhi humare purwaj honge, wo humri jodi hone ke gawah honge..


Anguthi wali hath dono ne aage badhaye. Raushni ke bilkul madhya me dono apne ek-ek hath aage badha kar pranam kar liye. Jaise hi dono ki purn hatheli aapas me mili, Jivisha ke patthar se nikal rahi shwet raushni aur Nischal ke patthar ki pardarshi chamkili laal raushni, dono ke anguthi me purn roop se sama gayi…


Dono ki ungliyan milkar upar aasman ke ore thi. Laal aur shwet raushni mishrit hokar ungliyon ke upar se nikalna shuru ho chuki thi. Ati sundar divya raushni pure gufa ko behd'kar upar aasamn me ja rahi thi. Kya bhawya najara tha.


Raushni gufa se nikal'kar aasman me fail rahi thi. Ek sampurna aawran banate wo daso disha me badh rahi thi. 800 salon se jinhone satah nahi dekha tha, wo pura aasman dekh rahe the. Pure NilBhut samuday me khushi ki lahar si daur gayi. Shwetna apne mehmano ke sath satah par aayi.. aur uss raushni ke aawran ke niche, kayi sare madhur sangeet bajate, pura samuday nachne aur jhumne laga.


Jo samuday na jane kitne pidhiyon se bhumigat rahne par majboor the, aaj sab ke sab satah par the… Aasman ka najara aise tha mano unke dukh ke badal chhant rahe ho… yah tej raushni Mahamahim aur uske log bhi dekh rahe the.. aaj se pahle aisa najara kabhi kisi ne nahi dekha tha..


Idhar ek baar jab dono ke patthar ki raushni upar jana shuru hui… dono ki najren ek baar fir mil gaye… Nischal ke jism ki wahi madak si khusboo Jivisha ke rom-rom me mehsus hone lagi, jo kal raat mehsus karke wo machal si gayi thi..


Aatma se aatma ka yun milan hua, ki tan se tan ke milan ki jalan me aise magan huye dono ke hont ki milan pyas me vyakul hokar, apne aap hi badh gaye…


Ek dusre me chur hokar, hont ko behatasa chumne lage.. Nischal ka hath swath hi Jivisha ke badan par chalne laga jo upar se niche iss prakar ho raha tha ki uske badan ki aag ko aur bhi jyada bhadka rahi thi..


Nichal hont ko chumte huye apne hath dhire-dhire uske stano par chalane laga.. Jaise hi hath uske stan ko chhuye.. Jivisha kiss ko todti mithi si aaahhhh apne hoton se nikali aur niche apne dress ko thoda adjust karti apne dono paun Nischal ke ling ke thik bich le aayi… Nischal Jivisha ke honth ko fir se apne honth se laga'kar chumte huye, apna hath uske kamar par le gaya aur teji ke sath uske dress ko upar karke, painty ko niche karne laga..


Jivisha, purn madak ehsas me dubi, apni kamar thodi upar ki aur Nischal uske painty ko niche sarka chuka tha.. Jivisha kiss karna chhod'kar apna chehra Nischal ke chehre ke upar lati, uske najron se najar mila'kar dekhne lagi…

Madhur milan ka gawah banti ek aur update. Sammanniye hai.

 

[Nevil singh]

Update:-89​

Najron ka aisa samarpan tha, jisme Nischal dhire-dhire aage bdhta chala gaya.. jaise-jaise ling yoni me ja rahi thi.. dono ke badan kamukta ke aabash me ajib roop se machal rahi thi lekin pahle milan ki sikan Jivisha ke chehre par saaf dekhi ja sakti thi..


Nischal ruk'kar Jivisha ke chehre par aaye sikan ko dekhne laga… Jivisha, Nischal ko ruk'kar apni ore dekhti hui payi to wo muskurati hui, punah uske hont ko chumna shuru kar di aur Nischal ko aage badhne ke liye rijhane lagi..


Nischal bhi apne pahle milan ke unnmad ne duba, fir se ling ko dhire-dhire yoni ke ander utarne laga.. jaise hi ling pura yoni ke ander gaya.. Jivisha Nischal ke hont ko kat'ti hui uske bal ko apni ek mutthi me bhinch li aur uske dusre hath ko apne kamar par le jakar rakh di...


Nischal ek dhimi shurwat lete, fir purn raftaar me aa chuka tha… Dono ki hi shwans chadhi hui thi … aur fir ek jor ki jwala pure uffan tak pahunchi aur hafti shwans ke sath adbhut shanti de gayi…


Dono ka milan jab sampurn hua, tab itni tej raushni achanak hui ki sabki aakhen kuch pal ke liye band ho chuki thi aur fir sab kuch samnya ho gaya..


Ansh, Shwetna se… Ye raushni ka khel tum logon ne kaise kiya..


Shwetna:- Abhi abhi ek aisa jodi bani hai jo kayi sadiyon purv tak nahi bani thi aur ye raushni uss baat ki gawah hai… chaliye aaj jashn hoga…


Shwetna apne sabhi logon ko wapas bhumigat hone ka ishara ki aur khud Nischal aur Jivisha ke liye purn paridhan le kar talab ke ore chal di, sath me uske 2 sarp-dand bhi tha... Ek patla lamba sa nayab kale rang ka ek danda jiske upar shwet rang ka ek sanp bana tha, jiski aakhen purn nili thi aur kanth par kali dhariyan thi..


Nischal ka sine se niche ka purn sarir pani me tha aur Jivisha ka kewal sar pani ke bahar tha, jo Nischal ke sine se tikaye, aakhen mund sukoon ke pal bator rahi thi. Wahin Nischal uske pith ko jakde apne aagosh me liye tha… tabhi Shwetna darwaje par tej aawaj lagayi… "Kuch rashmen yahan ki baki hai… Main ander aaun kya"..


Nischal, Jivisha ko khud me thoda aur samet'te…. "Aa jao Shwetna"…


Shwetna teji ke sath pahunchi aur dono ke vastr ke sath dono ke naag-dand rakhti hui kahne lagi… "Aap dono kewal yahi vastr dharan karenge, iske alawa purane vastr ko dharan nahi kijiyega. Vastr ke upar nag-dand hai, inhe sath lekar jalsa me jaldi aa jaeye"..


Itna kah'kar Shwetna ne Nischal ke khun ka katra lekar wahan se chali gayi… Nischal, Jivisha ko hilate… "Ek aur rashm.. ek aur milan"..


Jivisha:- Dhat besharm… Tumne mujhe iss khule mahol me majboor kiya baby.. tunhare badan ki khusboo kafi toxic hai, main bekabu ho gayi thi..


Nischal:- Haan to ye toxic khushboo uss waqt bhi le lena.. maine kab mana kiya hai..


Jivisha:- Computer ji isnka muh band kar dijiye aur inko apni jagah se hilne nahi diya jaye…


Jivisha apni ikchha shakti pryog karti Nischal ke upar kar'ke pani me ghusi aur purn vastr ko nikal'kar nahane ke baad upar aakar apne kapde badal li… yah wahi vastr the jo Nischal aur Jivisha apne anterman me dekha karte the…


Jivisha apne samne lage aaene me khud ko gaur se dekhti hui hairan hone lagi…. "Nischal, Baby yahan to dekho.. Nischal"..


Nischal ko koi uttar na dete dekh… "Had hai nautanki ki Nischal, ab sunoge…"… Jivisha ne ek baar aur pukari aur iss baar bhi koi jawab nahi… "Had hai… ab to aa jao.. hata di maine apni ikchha shakti"..


Nichal bhi ek dubki laga'kar pani ke bahar aa gaya.... Jivisha apna muh dusre ore ferti… "Nischal achanak se itne besharm kaise ho sakte ho".. ..


Nischal:- Acha muh mat khulwao… Porn dekhte waqt to najar tiki rahti hai... Mujhe dekh'kar najren fer li.. kya videshi hi pasand hai kewal"..


Jivisha:- Had hai Nischal, main aaj gussa nahi hona chahti aur na hi koi dwand chahti hun… isliye baby please mujhe mat chhedo..


Nischal, apna paint pahan kar, Jivisha ko apne ore ghuma liya…. "Ab thik hai na"….. Jivisha hansti hui haan me apna sar hilati, jaise hi uski najar Nischal ke paun se hote sine tak pahunchi… Jivisha ki aakhen chaudi ho gayi… Vyakulta se wo Nischal ke sine par ubhre panje ke nishan ko dekhne lagi, jo shwet rang ki thi aur bilkul nimn roop se chamak rahi thi.….. Jivisha chaunkti hui… "Baby ye tunhare sine par"..


Nischal:- Ye ek Viggo ke sine par uske sangini ki nishani hai… uski jodi mil gayi…..


Jivisha jigyasawash apne pahne vastr ko dhila kar'ke, apni chhati dekhti... "Mere sine par nishan nahi aaye"..


Nischal, apni aakhen chaudi karta, Jivisha ke khule chhati ko dekhte….. "Idhar aao abhi ache se nishan bana deta hun.."


"Kya Nischal, mere armaan tumhe nahi dikhe na. Khule sine ko dekh'kar mera mazak bana diye" Jivisha mayus hokar apna pith Nischal ke ore kar ghuma lee.


Nischal, Jivisha ke vastr ko purn vayvasthit karte huye… "Yah Viggo nishani hai, jisne apni jodi chun Li"


Jivisha, Nischal ke upar ke kapde pahnati….. "To kya tumse vivah ke baad main Viggo nahi hui"..


Nischal:- Dhire-dhire tum apne aap purn Viggo ho jaogi Jisa, aur jab aisa hoga, aisa hi nishan tumhe bhi mil jayega.


Jivisha:- Kahin aisa nahi hua to..


Nischal:- Viggo itihas ke pahli jodi ki aisi raushni thi, jiske gawah bhumi, jal, vayu, agni, aakash.. aur purn bhrahmand tha… tunhare nishan to aaj raat tak aane tay hain…


Jivisha:- Itihas aur bhugol tum jano.. mujhe bus tum jaisa nishan chahiye.. waise iss paridhan me kafi khubsurat lag rahe ho… acha main tab kya kah rahi thi.. batane hi nahi diye.. mere dress to dekho...


Nischal:- Tum jo kahna chahti ho ussi sawal ka jawab to mujhe yahan khinch laya tha.. ye dress ki tum malkin ho bahut pahle main janta tha.. bus ye hai kahan wo nahi janta tha… ab chale kya..


Dono apna nag-dand apne ek me hath liye aur dusre hathon ko hathon me tham, jalse ke ore chal diye… jaise-jaise dono aage badh rahe the, unke upar pusp varsa ho rahi thi.. jaise hi Nandni ne dono ko dekhi.. pure jod se siti bajati….. "Kya lag rahe ho dono.. waise dono ko dekh'kar main jealous type feel karne lagi re. Kash tumhari tarah main bhi special hoti. Mujhe bhi special treatment milta".


Jivisha, Nischal ka hath chhod'kar Nandni ke pass pahunchi aur usse gale lagati hui kahne lagi… "Tu to shuru se mere liye special rahi hai ullu… I feel happy tu mere sath hai"..


Shwetna:- Aap ke apne logon ke bich aap ka swagat hai.. 12 prajati aur kul 40 carore wala NeelBhut samuday ka srijan aap dono ko hi karna hai… Aap ki jodi atoot rahe isliye iss jodi ki sari rashmen pure karne ke liye main Rajkumari Jivisha aur Shasak Nischal ke sabse karibi priya Nandni ka naam lena chahungi.


Nandni:- Lekin mujhe to kuch bhi nahi aata…


Shwetna:- Dono ke sath aap ka khada hona hi kafi hoga kyonki jab charo ore raushni ho rahi thi to un raushni me aap ki bhi jhalak thi.. aap ke sath ke bina, inki kahani shyad adhuri hi rahti… Jiska gawah wo divya raushni bhi tha..


Shwetna apni baat kahkar Uttar disha me Nischal aur Dakshin disha me Jivisha ko khada karne baad Nandni ko thik unke bich khadi kar di…


Jaise jaise Shwetna bolti gayi, Nandni wo rashme nibhati chali gayi… fir aayi nag-dant ki bari.. Jivisha ne apne hath ka nag-dant ka nichla sira Nischal ke dayen hath ki anguthe par dabayi… Dekhte hi dekhte 6 fit ka danda sanp ki aakar me zig Zag mudte huye Nischal ke anguthe par ek tattoo ka aakar bana chuki thi, jiska shwet sar anguthe ki nakhun par pura faile the aur uska nili aakhen uss tattoo ko jaise jiwant kar rahi ho.


Thik waise hi Jivisha ke anguthe par Nischal ne nag-dant ka dawab dala aur wo Jivisha ke anguthe par bhi bilkul ussi tarah ka twacha se ubhri hui tattoo ka nirman kar gayi. Anth me bari aayi pyale aur jaam ki rashm.


Do bhada pyala jisme ander ke dravya ki khushboo lajwab thi.. pahla ghunt ek dusre ko pilana tha aur dusri ghunt par wo pyala khatm karna tha… dono ne wo rashmen nibhayi.. aur pyala khatm karne ke turant baad Nischal aage badh'kar Jivisha ke hont se hont lagakar chumne laga…


Jabki chumne se pahle, Nischal ne jaise hi apna pyala khatm kiya, uska sar utni hi teji se ghum raha tha, jitna tej wo bhagta tha. Uski haalat ka gyan wahan maujood logon ko na ho isliye usne aage badh'kar Jivisha ke kamar me hath dala aur uske honth ko chumne laga..


Pyar me dub'kar yun to kayi baar dono ek dusre ko chum chuke the, lekin abhi ka kiss thoda ajib tha. Nischal ke honth Jivisha ke honth se jaise hi lage, wah aabash kar gayi ki Nischal kafi taklif me hai..


Jivisha apne hont ko Nischal ke hont se alag karti uska chehra apne hath me tham li aur uske sar se apne sar ko laga kar khadi ho gayi… dono kaan ke upar Jivisha ka hath kafi sukoon de raha tha.. thodi der baad Nischal shant hua aur jaise hi apni aakhen khola… uski bhi aakhen bilkul nili par gayi thi…


Jivisha:- Pyale me kya tha Shwetna..


Shwetna:- Shaskia Pyale me humare purwajon ka aashirwad tha.. NilaBhut samuday ke shashak aur shashika ke liye ye khas taiyar kiya jata hai…


Jivisha:- Tumne abhi-abhi mere Nischal ko jahar diya hai..


Shwetna:- Nahi wo zahar nahi hai Shashika, kintu zahar ko bhi jo maut de de wo dravya tha un pyalon me. Maine shask ka khun lekar pahle hi sab dekh li thi.. inka sharir ye naya badlaw badi aasani se jhel lega, thoda waqt dijiye sab adjust ho jayega…


Nandni:- Isme iski jaan chali jati to..


Shwetna:- Nahi jaan nahi ja sakti, inhone nag-dand dharan kiya hai… mujhe lagta hai Shashk ab thik hai, aap dono ko kuch der aaram kar lena chahiye….


Jivisha ko bhi laga ki Shwetna ki baat sahi hai, isliye Nischal ko wo kuch der aaram karne ke liye kahne lagi… lekin Nischal wapas viman me jane ki ikchha jatane laga… thodi hi der me sabhi log wapas viman me the, sath me Nischal ne Shwetna ko bhi wahin rok liya…


Nischal sabhi logon ko control room ke pass ke hall me baithne ke liye kaha aur khud control room me chala gaya..


Thode hi der me control room ke pass wale hall me badi-badi screen dikhne lagi.. Ek ore ke sareen par Aizem grah ke Raja Sabaiyya ka pura control room the to dusre screen par Zoren grah ke Mahamahim ka control room… aur dono mukhiya ka chehra bade-bade screen par flash ho raha tha..


Nischal, Mahamahim ke ore ka audio mute karte huye, apne sabhi logon ko apne pass bula liya…. Sabaiyya ko dekh'kar muskurate huye kahne laga… "Kaise ho half blood"..


Sabaiyya:- Ek bhagoda jo apne pita ka katil hai, saja se bachne ke liye bhaga hai, aur usme uska sath di thi uski karibi half blood jo durbhagyavash meri complete blood hai, Serin… Jo iss waqt Aizem me hi chhipi hai. Nischal tum zindgi bhar bhagode hi rahoge aur Serin tumhare hisse ki saja bhugtegi..…


Nischal:- Nah main bagoda nahi rahunga… Main thik 7 din baad Aizem aaunga aur duswe din sabha bula lena… main trial face karunga..


Sabaiyya:- Tumhare baat ka yakin kaise karun mere bhai… trial face karna hota to bhagte hi nahi…


Nischal:- Tumhare man'ne ya na man'ne se mujhe koi fark parega kya.. 7 din baad main wahan rahunga aur duswe din sabha bula lena… ab jarra main chalta hun, wo kya hai na 5 din baad Mahamahim se yudh karna hai, uski taiyari jara kar lun..


Sabaiyya:- Kismat sada mehraban nahi hogi.. tum kahin isi jagah na mar jao..


Jivisha, Nischal ka haath thamti…. "Jab inhone kah diya ki ye 7 din baad aayenge matlab aayenga…. Taiyar rahna.. computer ji iska connection cut kar dijiye, hume bahut se kaam hai…

Behtreen update hai dost.

 

[Anky@123]

Bhai bahut hi lajawab kahani thi .bahut bahut maja aaya pad ker ,enjoy kiya har line per , 2 part ki sugbugahat dikh gayi hai ,to aap se request hai jald se jald shuru kare . Aapki writing skills amezing hai bhai ... Bhawar ki aur bhi aap ab thoda dhyan de. Aur second part jald shuru kare .yahi aap se iccha hai
God bless you