Fantasy Kaisa Yeh Ishq Hai.... Ajab Sa Risk Hai...... (Completed)

[nain11ster]

Running Story....

Read The Fantasy Drama Menia
Kaisa Ye Ishq Hai~Ajab Sa Risk Hai~Reload


Real All My Completed Stories....

Enjoy The Emotions And Thriller Journey..
100 Encounter:- The Journey Of An Innocent Girl

Read The Thrill In Romance...
Bhanvar

Read Crazy Fantasy Romance Drama
Kaisa Ye Ishq Hai..... Ajab Sa Risk Hai....​

 

[KEKIUS MAXIMUS]

Update:- 107​

Serin uske gala pakad kar thoda upar ki aur uske honth ko chumti hui kahne lagi… "Tum pahli najar se achhe lagte ho, lekin tumhari harkton se utni hi nafrat hai. Kal sharp 8 baje taiyar rahna, hum safar par chal rahe hain.. jao ab so jao aur apni dukan kisi bhadosemand ko dete jana, kyonki ab tumhara lautna kabhi-kabhi hoga..


HuYu, Serin ko teji se palat kar niche karte uske honth par honth rakh'kar chuma aur kahne laga… "Subah 8 baje….". Aur apni baat kahne ke baad fir se ek baar chum'kar wahan se chala gaya.. Usse jate dekh Serin muskura rahi thi aur HuYu ke iss kadak andaj ke bare me hi soch rahi thi. Aaj se pahle kisi ne uske samne itni himmat nahi dikhayi thi…


Subah 7.30 baje hi Nischal aur Jivisha viman me pahunch chuke the. Thodi der baad HuYu aur Serin bhi hanste huye viman ke ore chale aa rahe the…. "Baby, tumhe tumhare jija shayad mil gaye"..


Nischal HuYu ko gaur se dekhte… "Kaun ye.. iski to band main abhi bajata hun"..


Jivisha:- Aisa kya.. waise kaise bhai ko bahan ki khushi dekhi nahi jati kya.. main to dono ko jab pahli baar dekhi thi, tabhi purvanuman ho gaya tha…


Nischal:- Pahle kyon nahi batayi…


Jivihsa:- Tum hi to kahte ho purvanuman ek feeling hai jo vastavik ho bhi sakti hai aur nahi bhi..


Nischal:- Kitni badi jhuthi ho… main aisa kyon kahne laga. Mujhe to pata hai ki purvanuman ek feeling hai, jo tumhe kuch achha ya bura hone ka sanket deta hai.. apni kahani mujh par mat lado..


Jivisha:- Huhhh ! Tumne hi kaha tha, tabhi to mujhe sab yaad hai…


Nischal:- Jhuthi kahin ki.. tum 2 minute shant raho.. dono aa gaye hain…


Nischal, HuYu ko aakhen dikhate… "Tum kyon aaye ho yahan HuYu"..


Serin:- Mere sath aaya hai.. ye mujhe chahta hai.. aur yahan mera viswas jitne aaya hai..


Jivisha:- Dekh'kar to lagta nahi ki dono ke bich viswas jitne ya haarne jaisi koi kahani hai… tum to isse bahut pahle se chahti ho..


Nischal:- Mujhe HuYu pasand nahi..


Serin:- Tumne pahle se ek ko pasand kar rakha hai Nischal aur jise pasand kiya hai wo bilkul mast hai… tumhe pasand nahi karna hai.. mujhe pasand karna hai. Apna dhyan bhabhi par lagao…


Nischal, Jivisha ke ore dekhte huye…. "Sab samjh raha hun Serin ye nautanki aur hajir jawabi kiske sangati ka natija hai. Lekin isse sath safar par kyon le kar aa gayi.. bekar me iski jaan ko khatre me dalna…


Serin:- Chinta mat karo, jaan bachane ki kala me ye bahut mahir hai.. aakhir shatir chor jo thehra..


HuYu:- Chor kah'kar kyon bejjati kar rahi ho. Mujhe kalakar kahte hain… Maine logon ke kadi suraksha ke bich unke anmol chijen churaya jaroor hun, lekin unke malik ko badle me kimat de deta hun, ya nahi mane to main saman wapas kar deta hun… 2 sal aur 3 mahine se Serin ka wo pendent tha mere pass, kisi ko becha kya maine..


Nischal:- Gadhe fir chori karne ki kya jaroorat hai..


HuYu:- Apne apne shauk hain. I love challenges. Jab koi apni chij kadi suraksha ke bich rakh'kar sukoon se sota hai, tab uski nind haram karne ka maza hi kuch aur hai. Waise main Serin ke pendent me koi intrest nahi rakhta tha… Main to Huwayu jane ka plan kar raha tha uss waqt..


Serin:- Huwayu kyon ….. apne naam ka matlab dhundne Huwayu jate kya?


Jivisha:- Main ja rahi hun mujhe kuch bhi samjh me nahi aa raha, kaun kahan ja raha hai..


Serin:- Bhabhi Huwayu suraj ke gole ka sabse najdiki grah hai, jahan jana hi maut hai…


Jivisha:- Kya baat kar rahi ho, maine ek movie me dekhi hai wo grah.. lagta nahi tha ki koi aisi bhi jagah hogi. Film me sab kalpnik hi laga tha, abhi pata chal raha hai aisi bhi koi jagah hai.. Suno ji main bhi chalungi wahan… mujhe bhi jwalamukhi wala grah dekhna hai..


Nischal:- Ek pagal apne sath kam thi Serin, jo tum isse bhi le aayi..

Jivisha:- Huhhhh ! Main pagal hun… juban kuch jyada lambi nahi ho rahi hai..


Serin:- Had hai, dono kitna aapas me bahas karte ho.. iski baat to sun lo kyon ja raha tha…


HuYu:- Dekho ye sahi hai mere bapu ne mera naam ussi grah ke naam par rakha tha. Mere bapu ne mera naam Huwayu ke prem me rakha tha, jiska karan tha wahan paya jane wala ek nayab dhatu, jisko pane ki chahat ab bhi unke man me hai. Huwayu par lagbhag 40 lakh varsh purv ke kuch nayab dhatu rakhe hain..


Serin:- Kis tarah ke dhatu hai..


HuYu:- "Puri detail to mere bapu ko bhi pata nahi, lekin uss dhatu ka ek 1/2 mm ka tukda mila tha unhe… wo prithvi par paye jane wale chandi ke dhatu jaisa tha bilkul.. bus fark itna tha ki wo chandi ke mukable kafi halka hota hai. Ek tarah ka friendly dhatu kah lo, jiske gun kafi rochak hain."


"Chunki Huwayu atyant garam jagah hai, lekin agar sarir par wo dhatu ho to, wo dhatu body need ke hisab se heat ko bahar reflect kar'ke, ander normal temprature banaye rakhta hai.. uske alawa wo dhatu jis surface par rakha ho, raushni uss surface ke aar paar ho jayegi...."


Serin:- Matlab uss ke istamal se koi bhi adrishya ho sakta hai..


Jivisha:- Mister India ki tarah..


Nischal:- Nahi gaya na wo Huwayu, fir band karo discussion..


Jivisha:- Ye fir se wapas akdu hua ja rahe hai… HuYu tumhe jana chahiye tha wahan… kyon nahi gaye..


HuYu:- Ussk waqt market me dhindhora pit gaya tha. Har jagah kewal Serin ke pendent ki charcha hone lagi.. aur mera pura focus divert ho gaya… Sath me ek aur sach ye bhi hai ki, mujhme itni capacity nahi ki ek aisa viman bana sakun jo suraj ke najdik ka temprature jhel sake… isliye wahan ka khyal dil se nikal'kar Serin ke pendent churane par focus karne laga…


Nischal:- Iska matlab yah hua ki tum Serin ko kisi tarah raji karne aaye ho, ki wo tumhare liye aisi technology developed kare, jo tumhare Huwayu tak ke safar ko aasan bana de. Aur apne swarth par chahat ki chasni laga kar Serin ke samne pesh kar diye…


Serin:- Oh uparwale… HuYu itna bada game mere sath..


Jivisha:- Kamal ka conclusion hai baby.. muh khologe to gandh hi failaoge, tumhe HuYu nahi pasand isliye koi bhi conclusion mat nikalo..


Serin:- Nana bhabhi .. Nischal ka aakalan sahi hai...


HuYu:- Chor hun bewakoof nahi jo chahat ki chasni me apna swarth pados dun… Main challenge apne dum par accept karta hun aur single hand pura kaam hota hai. Pahle chahat jagao, fir ek marmik kahani banao aur kuch salon ki fielding ke baad apni mansa me kamyab ho… itna lamba intzar mujh se nahi hoga…


Serin:- HuYu tum please itne lambe-lambe bhasan na diya karo, main bore ho jati hun… chhodo in sab baton ko Surpmarich par concentrate karen..


HuYu, hairani se sabko dekhte huye… "Tum log kiske pichhe ja rahe ho"..


Nischal:- Tum itne hairan kyon ho HuYu.. kya jante ho tum Surpmarich ke bare me…

HuYu:- Ek mangadhant kahani hai ye Surpmarich, jiska koi astitwa nahi hai… khud ko sabse taktwar aur prakriti ke barabar man'ne wala ek prani…


Nischal:- Bus sath chalte raho, yah bhi tay ho jayega ki kahani mangadhant hai, ya hum sab sach ke pichhe hain.


HuYu:- Mere sath chalo aur kuch mere pasand ki dhatu do..… aur ek bhatti. Mujhe ek khanjar banana hai.


"Chatakkk".. ek jordar thappad…. "Kya lana hai wo batao, yahan kahin koi chij hum jakar nahi late"… Jivisha HuYu ko ek thappad lagati hui kahne lagi…


HuYu:- Mujhe to bus ek khanjar banana hai… aur mera apna bag chahiye…


Jivisha:- Computer ji iska bag aur humare pass jitne bhi dhatu hai uske kuch samples le aaeye…


Computer:- Arre yaar khud bhi chal fir liya karo.. kitna achha to wo sath chalne ki baat kar raha tha..


Jivisha:- Be serious abhi kaam ka waqt hai..


Computer:- Lo ab ye bhi serious ho rahi hai…


Nischal:- Bus bhi karo computer ko counter karna Jisa.. abhi kaam dekhte hai na...


Jivisha:- Computer ji iska muh band kar do.. aaj iski khabar main akele me leti hun... Jab dekho tab ye mujhe tok rahe hai..


Serin:- Chup karo dono… kyon pagal bana rahe ho… ek dum chup…


Jabtak Serin dono par gussa ho rahi thi, HuYu ka bag aur tarah-tarah ke dhatu bhi wahan pahunch gaye…


HuYu:- Nah mujhe maza nahi aaya… computer ji yahan ke dhatu section me mujhe le chaliye aur ye saman bhi wahin shift kar dijiye…


Nischal:- Mujhe ek baat sanjh me nahi aa rahi.. ye achanak se mere dhatu bhandar me kyon jana chahta hai..


Serin:- Acess control do usse aur jo kar raha hai usse karne do na.. har baat me swal karna jaroori hai.. usse kar lene do apna, hum apne kaam par focus karen..


Nischal Serin ki baat maan'kar usse control de diya aur uske wahan se jate hi…. "Serin sab thik to hai na"..


Serin:- Kya hua aise kyon puchh rahe ho..


Nischal:- Nahi HuYu ka behaviour ajib hai aur main kuch samjhta uss se pahle hi tumne usse bhej diya. Jabki computer ka acess control usse hum de sakte hai ya nahi uss par main soch raha tha..


Serin:- Kuch bhabhi se bhi sikh lo… bhabhi bhi chahti thi ki wo apne kaam me lag jaye, taki hum apni ran'niti tay kar le.. dhatu le'kar khanjar hi banana chahta hai… bana lene do.. kaun sa wo kahin bhag raha hai… jab hum se alag hoga to sara saman wasool lenge.. ..


Jivisha:- Jo ki hone se raha, wo alag hone ke irade se to nahi hi aaya hai.... kabhi-kabhi Nischal over karne lagte hain Serin…


Nischal:- Hmmm ! Sorry, main utni gahrai se nahi soch paya. Waise Tum kya sach me HuYu ko pasand karti ho.


Serin:- Achha lagta hai wo mujhe… pure himmat ke sath mujh se ek mauka manga aur main mana nahi kar payi…


Nischal:- Chalo thik hai, koi baat nahi. Waise mujhe bhi achha lagta hai wo. Kam se kam usse pata to hai ki wo kya aur kyon kar raha hai.


Ek bade yudh ke ore agrsar ho rahe the teeno. Pahle se kuch bhi tay kar pana muskil tha, isliye apni ran'niti tay karke teeno ek achhi nind le chuke the. Subah jab aankh khuli prithvi ke orbit ke bilkul najdik the…


Jivisha mithi angrai leti hui jagi aur fresh ho'kar control room ke pass wale hall me pahunchi. Nischal pahle se wahan taiyar hokar kitchen me tha. Subah ki surwat ek mithi chumban se hui, fir dono hi nasta banane me lag gaye..


Nischal:- Aakhri ladai… kya tum taiyar ho..


Jivisha:- Jahan tum wahan main, har khatre ke liye taiyar hun main..


Ek aakhri mukam, ek aakhri kadi.. Jahan se in sab ki shurwat hui thi. Jiske pass wo shaya Nischal ko pahunchana chahti thi, jab wo Sapna ke mirt dimag me ghusa tha..


Apne path par chale the dono aur kadiyon ko jodte-jodte yahan tak pahunche the.. jiski sabse aham kari thi Vish Nilayani ki wo pustak, jise Nischal aur Jivisha ne Alfas grih me padha tha aur tab gyaan hua tha ki aage ka safar tay kar'ke, majil kahan aakhri hai.…

nice update ..serin ne huyu ke pyar ko acceot kiya aise lagta hai ,par wo khanjar kyu bana raha hai ? .
kya sarpmarich prithvi par milega ??...
ab yaha aa gaye hai to pehle pariwar se milenge ya nahi dekhte hai ..

 

[KEKIUS MAXIMUS]

Final update :- 1 ​

Lagbhag 2 ghantey baad viman madhya Antartica ke hisse me tha. Viman jaise hi wahan land hone wali thi, ek chhota sa sandesh unke pass pahuncha… "Mujhe dhundhne me itna samay kyon nasht karna, aa jao yahan"… sandesh ke sath location bhi share kiya hua tha…


Nischal uss location par viman ko utara. Charo ore bhumi barf ki chadar odhe thi. Nischal aur Jivisha ke liye to yah anukul mahol tha, kintu Serin aur HuYu ke liye ye bilkul bhi anukul mahol nahi tha. Halanki HuYu ab tak apne khanjar banane me hi laga hua tha, isliye uss tak garam kapdey pahuncha'kar teeno viman se niche utre....


Viman ke bahar unka swagat karne ke liye ek divya purush khada tha, jo apne badan par halke vastr dharan kiye huye aur uska pura sharir bilkul chamak raha tha.. apni dono baahen khol'kar unka swagat karte huye kahne laga… "Aao mitr"


Ek darinda jiski kahani bilkul gupt thi. Aaynek aur Masoori grah kewal iske vajah se barbaad ho gaye. Ek shatir apradhi jo khud ko prakriti ke barabar samjhta tha. Nischal ko to laga tha ki isse dhundhne me na jane kitne varsh lag jayenge. Lekin pahle Mahamahim ke dimag me ye raaj khol diya ki wo kahan milega. Uss ke baad jab wo log Antartica pahunche to khud hi apna location sajha bhi kar raha tha. Aur ye hairani ki hi baat thi ki wo khud samne khada hokar unka swagat bhi kar raha tha.



Surpmarich ko samne dekh'kar teeno hairan bhi the aur thode padesan bhi.…. "Kya hua, teeno kuch jyada hi hairan dikh rahe ho.".. Surpmarich ne puchha…


Nischal:- Dushman ke dwar khade hain aur dushman khud samne se itna meharban ho, wahi hume hairan kar raha hai..


Surpmarich:- Wo kya hai na dost main bhi Jivisha ki tarah filmon ka deewana hun. Haan lekin usme villan ka attitude mujhe pasand nahi aata. Yaar kyon itna bhag daur karta hai villan. Baith kar hero se baat karo, sare sawal jawab aapas me hi kar lo, aur fir final ladai lar lo… kam se kam jo jinda bachega uska samay to bach jayega..


Jivisha:- Kamal ka concept hai… isliye tumne Mittoso ke dimag me apna pata chhod aaye the…


Surpmarich:- Haan bilkul.. mujhe laga tum sab mere pichhe aa rahe ho aur mujhe bhi tum logon me dilchaspi thi, to socha kyon samay vyarth karna. Baith'kar ek baar aaram se baat kar lete hain, nahi to anth me ladai to hai hi.. Ab chalo bhi ladai se pahle ek chhota si mehman nawaji ho jaye..


Serin:- Bade hi shauk se..


Surpmarich:- Tumhara ek dost jo iss waqt viman me hai, wo bahar nahi aayega kya ?…


Serin:- Wo humare ladai ka hissa nahi hai…


Surpmarich ne teeno ko uske piche khade rahne kaha aur hathon ke ishare se command dete huye kahne laga…. "Computer ji ye puri jagah mere dushmano ke liye khol dijiye"…


Jaise hi Surpmarich ke muh se yah command nikla teeno ek dusre ka chehra dekh rahe the. Teeno ki najar aapas me ek dusre se mano kah rahi ho…. "Ye mamla kya hai.. ye Surpmarich aisa kyon kar raha hai".. Serin aur Jivisha to gusse me aage badhne lagi, lekin Nischal ne ishare me dono ko shant rahne ke liye kaha…


Teeno sidhiyon se niche utar kar, bade se mand me pahunch chuke tha jo Surpmarich ka gadh tha. Charo ore bahut sari pustak aur tarah-tarah ke nayab patthar jare huye the. Niche kayi tarah ke kund aur bahut kuch tha uss jagah me. Yahan kuch bhi aisa nahi tha jo banawti ho… har chij prakritik aur bilkul nayab tarike se khada kiya gaya tha ..


Surpmarich niche bhumi par ek sher ke chhal ke upar baith gaya aur teeno ko bhi baithne ke liye aagrah karne laga…. "Mitr main prakriti ke sath jina pasand karta hun aur apne ander pura prakriti samahit rakhta hun. Tum teeno ke man me kayi sawal hain, kuch sawal mere man me bhi hai. Aaj ya to main jinda bachunga ya tum teeno, fir jo jinda bache wo raaj se parda uthane ke liye mehnat kyon kare… chalo shuru karte hain, pahle apne-apne confusion ko dur kiya jaye"..


Nischal:- Tum lakhon varsh se aise hi dikhte ho kya?


Surpmarich:- Chhi Chhi.. nahi bhai sharir ki apni hi self life hoti hai. Jyada lambe samay tak ek hi sharir me rahunga to ye sharir hi galna shuru ho jayega, isliye jaroorat ke hisab se main apna sharir badlate rahta hun…


Jivisha:- Kaise, khud ki aatma kisi aur ke ander dal dete ho kya?


Surpmarich:- Nahi Jivisha aisa sirf filmon me hota hai. Naya sharir badlne ki puri prakriya hoti hai. Yun samjho Jivisha ki jaise tumhe Rani Vish Nilayani ki puri shakti mili hai, thik waise hi ye bhi hota hai. Bus fark itna hai ki tumhara dimag purn roop se tumhara hai, jisme pichhli jindgi ki koi yaad nahi. Lekin mere naye sharir me dimag bhi mera hota hai aur meri lambi zindgi jari rahti hai…


Jivisha:- Bore nahi huye ab tak iss sansar se..


Surpmarich:- Haan jab koi kaam nahi hota to bore ho jata hun, lekin kya karen ye achhe log mujhe bore nahi hone dete na. Koi na koi mere bilkul karib pahunch jata hai aur lagbhag maar hi chuka hota hai. Kintu main to prakriti hun aur bhala mujhe koi maar sakta hai kya?


Serin:- Tumhari ladai to tumhare dushmano ke sath thi fir tumne 2 grah ko aapas me kyon ladwaya tha…


Surpmarich:- "Acha sawal hai.. iske jawab ki taiyari main to kayi 100 sal pahle kar rakha tha. Socha tha itna bada kand kiya hun, koi to jimmedar mujh tak pahunchega aur mujh se ye sawal karega, lekin sale sabhi nikamme…"

"Viggo sochta raha ki uske tirtiya Viggo Sigma ne sab kiya hai aur Dakshat jo dimag me kafi kusal the, wo Viggo ko hi dushman maan'kar unhe khatm karne me lag gaye. Mere baap ka kya jata hai, maine bhi apna 1,2 anuyayi pakad liya aur bahar se baith'kar unki ladai ka maza lene laga…"


Serin:- Tumne itna bada faisla kewal isliye kiya tha na kyonki tumhe Viggo prajati Zoren grah par chahiye tha. Chunki Viggo ek shresth samuday tha aur tum apni anaitik baat manwane aur unhe Zoren grah tak nahi le ja sake, isliye pura grah hi tabah kar diya aur unhe Zoren aane par majboor kar diye the.


Surpmarich:- Tum dono (Serin aur Nischal) ka dimag ek kushal Dakshat samuday ka hai. Khair pahla hissa sahi hai, mujhe Viggo Zoren par chahiye the, lekin ye galat hai ki Viggo sabhi achhe hote hai.. ya fir sabhi Dakshat achhe the. Dekho har jagah achhe aur bure log hote hain.. maine kayi Viggo aur Dakshat ko corrupt kiya tha.. haan lekin mujhe jo Viggo Zoren par chahiye the wo corrupt nahi hua, isliye usse Zoren tak lane ke liye itni masakkat karni pari..


Nischal:- Aur fir Zoren par tumne Mittoso ko chuna, jisne ek marmik kahani bana kar uss Viggo ko apne jhase me le liya..


Surpmarich:- "Mahan Viggo kaho usko… kash uska dimag mujhe mil jata… Uska naam Jirth tha. Shurwati kahani kuch aisi thi ki, main aur Rani Vish Kritima dono me bahut kuch samanya tha. Rachna aur utapatti ke surwati kaal me, hume banaya gaya tha. Aisa nahi tha ki hume tatha astu bol'kar sabhi shaktiyan dee gayi thi.."


"Ye sharir Brahma hai aur iss sharir me pura universe nihit rahta hai… bus uss gyan tak pahunchne ka marg humare guru Ursh ne hume Himalya me bataya tha. Purn gyan prapti ke baad unhone hume iss Brahmand ke any hisson me jindgi ko sucharu roop se basane ka karya saunpa tha…"


"Maine aur Vish Kritima ne, sath me hi rishi Ursh se siksha-diksha lee thi. Hum uss samay kul 4 shishya the. Humare jo 2 anay sathi the, wo purn siksha me vifal ho gaye aur guruji ne unhe prithvi par jan kalyan ke liye rakh liya tha…"


"Fir humari kahani aage badhti rahi. Hum universe ke lagbhag sabhi grahon par pahunche. Jahan-jahan jivan bas sakta tha wahan-wahan jivan basaye. Hume yatra ke dauran hi bahut si baton ka gyan hua, jaise ki har grah par jivan chakr alag-alag varshon ka hota hai. Har grah par paye jane wale insano ki alag-alag quality hoti hai…


"Finally apna kaam khatm karke main wapas prithvi aa gaya aur Vish Kritima Zoren par rah gayi. Yahan aane ka mujhe sabse bada fayda yah ho gaya ki main apne guru ka uttradhikari ban gaya aur dekho aaj tak unki legacy kayam hai."


Jivisha, apne aakhon me dahakte angare liye…. "Vish Kritima ke vansaj to bade hi shanti se rahte the, fir unhe chhala kyon"


Surpmarich:- Arre aaram se Jivisha, itna aawesh kyon. Dekho duniya me log apne nikat'tam pratidwandi se kyon chidhe rahta hai aur unpar kyon najar banaye rakhte hain, iska jawab to sabko pata hai. Bus wo bhi meri sabse nikatam pratidwandi thi. Khaskar Vish Kritima ki vansaj Vish Nilayani. Yah kahna galat nahi hoga ki usne apne tapo bal aur kamal ki sadhna se, apne sharir ke ander samast brahmand ka srijan ki thi.


Wo pahli aisi ladki thi jisko mere irade ka pata laga tha aur usne mujhe bandh diya. Matlab yun samjh lo ki jaise Nischal ke liye Mittoso ke sena ka koi ek sipahi tha, Nilayani ke liye main tha...


Yaar dil me dard to hoga na. Main kewal sharir badalta tha lekin uske ander ka purn gyan aur purn shaktiyan to lagatar jari rahti … lekin ek ladki jise virasat me kewal shaktiyan mili ho, haridity sahktiyan kah lo. Usse wo ek hi jivan kaal ke kuch salon me itna aage le gayi ki main to uske samne kuch bhi nahi tha…


Nilayani ke pass main shadi ka prastaw bhi lekar gaya tha lekin mujhe pahle se pata tha wo nahi manegi, aur wahi hua. Maine uss se kaha bhi tha "dekho Nilayani main apne manoranjan ke liye logon ko aapas me ladwa deta hun, apne kuch anuyayi chun leta hun, tum mujhe galat na samjhna aur mere pichhe mat aana"…


Lekin ye achhe log kahan mante hain. Mujh se bidh gayi kahi ya to Jan kalyan karo ya fir mirtu ke liye taiyar raho. Ab main samne ki ladai se to Nilayani se jit nahi sakta tha, isliye mujhe ek lamba khel rachna para. Mujhe bus Nilayani ki shaktiyon par kabu pana tha, uske liye mere pass ek patthar ka pura jakhira bhi tha, lekin wo patthar Nilayani ke sharir me kaise process karega, uska idea na tha… isliye mujhe Aaynek grah ka wo mahan scientist chahiye tha, jiska naam Jirth tha. Tumlog uss Jirth ki khani sun'na pasand karoge, jo apni sathi Dakshat ke prem me para hua tha… Bada hi pyara love story hai.


Jivisha:- Mujhe ab koi kahani nahi sun'ni hai… tum mujhe ye batao Rani Vish Nilayani jab tumse itni jyada shaktishali thi fir wo tumhare irade ko kyon nahi bhanp payi…


Surpmarich:- Thik hai jaisi tumhari marji. Baad me ye mat kahna ki maine itihas pura nahi bataya… kyonki koi bhi likhit praman nahi milega ..


Nischal:- Mujhe janna hai. Shurwat ki kahani to mujhe samjh me aa gayi. Tum Jirth ki love story se hi Rani Vish Nilayani ki kahani ko pura jod kar bata do…


Surpmarich:- Thnks bhai… tum kitne achhe ho… yaar anth me to hume ladna aur marna hai hi, fir kyon na itihas pura jaan lo… waise Serin ke koi sawal nahi hai kya?


Serin:- Main puri kahani sangrathit kar rahi hun… tum batate chalo…


Surpmarich:- Haan to baat aisi thi ki logon me ye bhrm paida kiya gaya ki 2 sabse shaktisali grah aapas me lad rahe hain… Aaiynek aur Massori grah. Halaki ye ladai meri hi karwayi hui thi, kyonki dono grah ke kamine log, jinke jivan ko maine basaya tha, wo prithvi par sodh ke liye aa rahe the… Khair unki ladai jab shuri hui to main sukoon se baith paya.. Ye pahla awsar tha jab main Zoren ki tatkalik rani Vish Mani ke najar me aaya tha…



Lekin Vish mani ko jhanse me lena aasan tha. Usse aasani se samjha'kar nikal liya, ki in dono grah ke log corrupt hain main to bus unhe bachana chahta hun… mera kaam chal raha tha. Unki ladai karwa'kar main apna pura dhyan prithvi par laga chuka tha, kyonki prithwi par alag hi sajis chal rahi thi aur kuch yogi mujh se loha le rahe the…


Khair jab Nilayani satta me aayi, tab unhi yogi me se kisi ek ne Nilayani se sampark kiya tha. Unhi yogi ke samuday me se ek Nischal se bhi mil chuka hai.. kamina marne se pahle usse bahut se gyan de gaya tha Nischal ko, lekin ye bechara utna gyan smet hi nahi paya…


Khair uss Yogi ne to mere L laga diye. Nilayani bahut hi kushal thi, aur uske ander sikhne ki kala adbhut thi. Waise kafi khubsurat bhi thi. Aaj bhi jab wo yaad aati hai to badan me aag lag jati hai.


Jivisha apne hath upar ki aur wo Surpmarich hawa me…. "Kaminey tujhe main abhi batati hun"..


Surpmarich, apna hath niche karte wapas jamin par aaya…. "Arre sorry doston, main to bus apni feeling bata raha tha kyon itne bhadak rahi ho. Aaram se baith jao"..


Nischal:- Shant ho jao Jivisha, aakhri ladai to waise bhi honi hai… kafi rochak baten chal rahi hai.. sun lete hain …

nice update ..par ye kaun hai sarpmarich???? kya pehle kaha iska jikar hua tha kya ????
to sab iska kiya dhara hai ...

 

[KEKIUS MAXIMUS]

Final Update:- 2​

Surpmarich:- Thanks yaar, bacha liye iss junior Nilayani se warna ye mere sawal ke jawab milne se pahle hi ye mujhe maar dalti… Dekho to baat aisi thi ki ek yogi jo apne dimag ko purn viksit kar chuka tha, wo ek jagah baith'kar apne dimag ko kahin bhi le ja sakta tha.. kamal ki siddhi thi uski.. kash wo siddhi mujhe mil jati… main to bus kewal target audience se hi baat kar sakta hun aur unhi ke ander ja sakta hun…


Main bahut si shaktiyon se ab bhi vanchit hun. Khair to uss Yogi purush ne rach di mere khilaf sajis aur Nilayani ko uss sidh yogi ka margdarshan mila.. Nilayani ne wo sab hasil kar lee, jis se mujhe harana bilkul halwa ho gaya tha…


Mere pass kewal chhal bacha tha aur Nilayani ko uljhane ki niti shuru ho gayi. Main apne issi thikane par aa kar chhip gaya. Uss waqt main dhundh raha tha ki koi to tod ho mere pass. Tab mujhe gyan hua 2 premi ke bare me, ek ka naam tha Jirth, Viggo samuday se aur dusre ka naam tha Mallsi, Dakshat samuday se.


Mallsi jo hai wo Siren ki purwaj hai… to hua ye ki science project ke medical section me dono kaam kar rahe the, jahan Jirth iss baat ki khoj me laga tha ki ek dead cell jo dobara generate nahi ho sakta, usse kaise repair karen. Wahin Mallsi kaam kar rahi thi ki chhote se energy source ke bada kaam kaise liya jaye… are wahi jise abhi nano technology bolte hain...


Science exhibition me dono ki mulakat hui thi aur wahin dono me pyar ho gaya tha… cute couple, dono ne chupke se apni jodi bhi banayi, aur kamal ki baat dekho, dono ki jodi maine hi banayi thi. Gift me maine Mallsi ko ek chhota khubsurat patthar diya tha… chhota source of energy, aur Jirth ko bhi ek patthar diya. Kafi rochak patthar tha wo, Nischal janta hai unki khubiyan.. jo shayad uss waqt Jirth nahi samjh paya tha. Uske sodh ke anusar ye ek aisa patthar tha, jo ek insan ke achhe cell ko dusre insan ke barbaad cell se replace kar sakta hai… critical condition me 2 body ko balance karke jaan bachayi ja sakti hai..


Khair mera gift pakar dono hi khush the aur paglon ki tarah din bhar dono lab me baith'kar, uss patthar par sodh kiya karte the. Universe me Massori grah aur Aaynek grah ki badhti jung ko dekhte huye, Dakshat kul ne socha ki kyon na Aizem par ek colony basayi jaye, taki Aizem aur Massori grah se jab ek sath Aaynek par humla hoga, tab puri tarah se Aaynek grah ko chaunkaya ja sakta tha aur haraya ja sakta tha.


Mallsi issi rajniti ke karan Aizem aa gayi, lekin wah issi shart par Aizem aayi thi ki usse jodi banane ke liye force nahi kiya jaye… Ab shayad tum samjh sakti ho ki kyon Serin se tumhara lagaw itna gahra hai Nischal, kyonki tum dono ek hi cross breed ke result ho aur shayad isliye unclassified bhi. Tumhe to bahut kuch apne bare me pata bhi hai, lekin Serin ko apne kul ki biti itihas pata hi nahi ki Mallsi aur Jirth ke milan se jo bacha paida hua tha ussi kul ke ek ladki se Behavan ne apni jodi banayi. Haan lekin Mallsi ke baad wali pidhi ka Viggo paksh lagbhag gayab ho gaya, kyonki Mallsi ki agli pidhi aur uske baad jitni bhi pidhiyan hui, unme se kisi ne Viggo ko jodi nahi banaya…


Khair come to the point … Aizem aur Massori ke bich to fut ki niti chal hi rahi thi. Fir jab Aaynek toota tab maine khud Jirth ko Aizem se nikalne me madad kiya aur natija tum sab ke samne tha… Mahamahim ka satta me aana fir Jirth dwara taiyar kiye device se Nilayani ki shaktiyan nikalna…


Bus ek baat jo shuru se mujhe khatak rahi thi ki maine kiya sab kuch sahi… Nilayani ko fasa bhi diya tha, kintu fir bhi uss Mittoso ke pass Nilayani ki aanshik shaktiyan hi kyon aayi, jabki mujhe uske jariye Nilayani ki purn shakti milni chahiye thi… ab shayad tum teeno samjh chuke hoge ki mujhe kaun sa jawab tum teeno se chahiye… Aakhir Nilayani ne uss waqt kiya kya tha?


Jivisha:- Tunhare maut ka intzam…


Surpmarich:- Areee ruko yaar maar lena mujhe, lekin suspence me nahi marna… jawab de do fir ladai shuru karte hain.. ..


Nischal:- Jivisha marne wale ki aakhri ikchha purn kar do…


Jivisha:- Isse jo jawab chahiye tha, wo mil gaya hai Nischal… bahut shatir hai ye… hume yahan tak lane ka matlab hi tha isse wo raaj jaan'na, jis se Nilayani ne apni shaktiyon ko shurakshit kiya tha.


Surpmarich:- Aahhhh ! Ye purvanuman… cool haan.. dekho wade ke mutabik mujhe mere sawalon ka jawab bus Jivisha ke man me chal rahe soch se mil chuka hai, ki Nilayani ne apni shaktiyon ko apni har bahan me aanshik roop se bant'kar unhe alag-alag grah par bhej diya tha… Khair mere sawal ka jawab mil chuka hai... Chalo upar chalkar ab iss khel ko bhi khatm kiya jaye.. tum log yudh ka bigul bajao..


Charo upar aa gaye.. ek ore Surpmarich to dusri ore ye teeno… Jivisha ne yudh ka aagaj kiya aur apne dono hath failayi… Jivisha ne jaise hi apne dono hath failaye.. Surpmarich badi teji ke sath Jivisha ke karib pahuncha aur uske pure sar ko apne panje me kaid kiya hi tha, ki uske sharir se Serin ke dhardar electronic blade takraye..


Blade takrane ke sath hi chur ho chuka tha. Nischal apne pure veg se daurta hua aaya aur pure force se Surpmarich ko dhakka laga diya… Nischal ko aisa laga jaise wo lohe ki moti chadar se ja takraya. Surpmarich ko to koi fark nahi para lekin Nischal uss jordar takkar ke karan pura ander tak hil chuka tha. Surpmarich ke humle se Jivisha ko bachane ki kosis purntah nakam ho chuki thi, aur jab Surpmarich ne Jivisha ke sar se hath hataya wo behosh hokar niche gir gayi.


Jivisha ko jaise hi uss Surpmarich ne chhoda Nischal ne Serin ko apne pichhe kiya aur khud aage aa gaya… "Kosis bekar hai Nischal, aur mujhe itne kamjor pratidwandi se ladne me koi dilchaspi nahi… Jivisha ko support do .. warna 10 minute me wo mar jayegi… Usse khada karo, jabtak main intzar kar raha hun..."


Nischal:- Serin, Jivisha ko Drink pilao.. aur usse medical support do.. sath me 400 volt ka chhota sa jhatka bhi… Surpmarich yudh ka bigul to baj gaya hai, tumhe intzar to nahi karwa sakta…


Nischal apni baat khatm karte huye Surpmarich par lapka… biljli ki raftaar se bhi 10 guna jyada raftaar me Nischal apne khanjar chalane laga… Dono hath uske teji me aise chal rahe the mano wo pure gayab hi ho gaye ho…


Uss se bhi kamal to Surpmarich tha jo Nischal ki gati se bhi tej apna bachaw kar raha tha.. dayen aur bayen ore se uth rahe Nischal ke tej raftaar hath ko, wo matr apne bayen hath se rok raha tha. Raftaar ka adbhut namuna… Nischal ki gati se lagbhag 4 guni jyada speed. Aur fir apni dusre hath se Nichal ke sine par jor ka pura panja chala diya…


Nischal par pranghati humla, lekin tabhi Jivisha ne apni dono hatheli ko samne karke push ki aur Surpmarich jatka kha'kar pichhe hata… Nischal ne ankhen mundi, dhyan lagaya aur muskurate huye apni aakhen khol liya…


Jabtak idhar Jivisha ki nili chamak rahi aakhen apne pure uffan par thi… "Ahhhh ! Nilayani ka roop dikh raha hai tum me Jivisha… Aao iss khel ko khatm karen. Yudh ka maidan hoga ab Nilayani ka dimag"..


"Aji aise kaise aap Jivisha ke dimag me ghus sakte hain"… Nischal khud to uske samne aaya hi, aur sath me chala aaya Nischal ki chetna (Nischal ki chetna se arth hai uska wo roop jab Nischal apna hath paun gawa kar kursi par baitha rahta aur uski chetna charo ore bhraman karti)… Nischal, Jivisha aur Surpmarich ke bich khade hokar iss bar apne hath chalana shuru kiya..


Surpmarich lekin iss baar bachaw nahi kar raha tha, balki wo bhi humla kar raha tha… kintu Nischal thehra unclassified, Surpmarich shayad aankne me galti kar gaya… aisa laga raha tha Nischal ke ek sarir na hokar do sarir the aur ek hath ke niche, sath-sath dusra hath bhi chal raha ho..



Right-left, right-left… hathon ki raftar lagatar tej aur tej aur bhi jyada tej hone lagi… Surpmarich bhi apne purn gati aur bal ke sath humla kar raha tha. Nischal, Surpmarich ke na jane kitne war apne sarir par jhel gaya aur Surpmarich fati aakhon se bus ye karishma hote dekh raha tha… tabhi Nischal ne apne dono panje uske sine se tika kar ek tej dhakka mara..


Aisa laga jaise uske sina aur fefra uske pith se takra gaya ho.. wo khud takriban 1-2 kilometer dur jakar gira aur jab wo khada hua tab uske sine par … dayen hath ke 5 ungliyon se chipke 5 aur ungliyon ke nishan the aur thik aisa hi bayen hath ki ungliyon ke sath bhi tha…


Surpmarich apne dono hath itni teji se bhumi par mara ki wahan ke barf ki chadar fat gayi, Jivisha palatwar karti bus gol ghum gayi aur lagbhag ek bada ilaka jahan Jivisha aur uska 200 kilometer ke kshetr me faila viman khada tha, wo puri jagah, apni jagah kabij thi aur baki charo ore se kayi hazar fit ki gahri khayi ban chuki thi..


Surpmarich teeno ke ore daur laga diya… Nischal thik uske samne khada tha, iss baar Surpmarich ne Nischal par humla nahi kiya, balki wo Nischal ke humle ko jhelta raha aur apne dono hath ke ishare se, ek hath se Jivisha, to dusri hath se Serin ko hawa me utha liya..


Jivisha uske iss action par muskurai. Wo apni dono hatheli ko samne rakh'kar jnattedar tali bajayi aur apni dono hatheli ko jode rakhi… idhar Jivisha ki hatheli se dhuan uthne laga aur udhar Surpmarich ke kan se lekar side ke sar ke dono hisse puri tarah laal hokar jalne laga…


Udhar Serin ka lagbhag dum ghutne hi wala tha tabhi Nischal ne sar ghuma kar ek baar Serin ko dekha.…. "Nayyyyyyyyy".. Nischal ki gahri chinkh, Nischal ne Surpmarich ka gala pakda. Usse hawa me utha'kar ulta ghumaya aur niche jamin me ghusa diya….


Nischal ne usse itna tej ander ghusaya ki ki wo niche gaddha karke na jane kitne fit ander tak chala gaya tha.. jaise hi wo bhumigat hua, waise hi uski shaktiyan hati aur Nischal Serin ke niche girne se pahle hi lapak liya. Nischal uska chehre ko dekhte huye puchhne laga… "Tum thik to ho na Serin"..


Serin:- Haan thik hun… lekin ek pal ke liye laga ki abhi to jina shuru hi kiya tha...


Nischal, paglaye sa charo ore dekhte huye... "Aise kaise usne tumhe marne ki himmat kar di" ..


Nischal baukhlaya charo ore dekhne laga, tbhi usne dekha ki samne se Surpmarich fir se Jivisha ke sar par hath dale tha… "Serin chalo iska khel khatm kiya jaye.. apni aakhen mundo aur Jivisha ka hath thamo"..


Serin ne Jivisha ka hath thama aur Nichal ne Serin ka… agle hi pal Nischal Serin ke diamg me ghuste huye, fir wahan se Serin ke achet abterman ke sath sidha Surpmarich ke dimag me pahunch gaya…


Bade-bade kale rakh tile ab bhi the wahan, jaisa Mahamahim ke dimag me tha... Lambi-lambi rakh ke tile aur uspar halki law jalti hui… "Jivisha samjo ki tum Jaal mahal me ho aur wo jagah ab aisi ho gayi hai… ab Jaal mahal ko punah banana shuru karo. Yahan dimag ki gati kaam karegi, isliye tum agar soch lo to mujh se bhi jyada tej ho sakti ho. Waqt nahi hai humare pass jaldi karo"..


Serin Nischal ki baat sunkar utni hi teji dikhati hui kaam karti hui kahne lagi… "Pal bhar me isse main abhi Jaal mahal bana deti hun"…


Serin aur Nischal wahan jo bhi vastu soch rahe the wo vastu ban jati. Second ke 100th hisse me, Serin ne ek cleaner tayar kiya aur dekhte hi dekhte utni hi teji me, wahan ke wo raakh ke tile ko saaf karti, uss pure jagah ko saaf-suthra khali maidan bana di. Idhar Nischal bhi utni hi teji se robotics technology developed karte huye, kayi sare robots taiyar kar liye jo wahan ke surface se khudai karke dhatu nikal rahe the aur ek bada sa reactor taiyar jar chuke the… Jaise hi Nischal ne wo reactor chalaya…..

nice update ..ladhai shuru ho gayi ,,dekhte hai aakhir kaun jeet ka sehra pehenta hai ??..

 

[KEKIUS MAXIMUS]

Aap sabon ka Bahut Bahut aabhar, jo kahani ke sath jude rahe... Waise sach kahun to iss kahani ko likhna, nayi kahani likhne se jyada muskil tha...


Kyonki puri kahani dimag se washout thi. Mere pass yahan tak ki kahani ka plot bhi nahi tha.. Haan kahani ki outline pari thi, wo bhi badi muskilon se kisi ek panne par ghisa-pita likh rakha tha, so mil gaya..

Baharhaal .. kathnai ye nahi thi ki kahani likhna hai.. kathnai ye thi ki kahani dobara se ussi mul-bhaw ke sath likhi jani thi jaisa pichhli bar likha hua tha...

Iss kahani ko aakhri mukam tak pahunchane ka pura Shreya miss Naina ko diya jaye to isme koi 2 Rai nahi hogi..


Lagatar unke aagrah ke karan maine isse pura karne ki jahmat uthayi... Ek baat jo main abhi clear kar dun .. outline ke hisab se dobara plotting ke waqt maine kuch fer-badal kar diye the...

Iss wajah se iss kahani me kuch badlaw dekhne ko milegi.. halanki kuch chijen jo kabhi nahi badli, wo thi kahani ki shurwat.. Uska anth.. aur charecter ke emotions aur unke expression...0

Kahani aap sab ko kaisi lagi wo jaroor batayen... Jo log pahle lagbhag padh chuke the iss kahani ko, aur kewal end ke intzar me the, unse appeal hai ki kahani ko pichhli baar se compare na karen, kyonki bahut situation aur charecters ke role me fer badal kiya gays hai...

Aakhir me ... Sab ka sath bahut pyar raha... Naina ji ki kosis rang layi aur unke padesan karne ke karan hi aap sab ko ye kahani yahan puri hoti dikh gayi..

Issi ke sath izazat chahunga... Kuch gadbadi ho gayi ho to uske liye kshma kijiyega.. aur haan kahani achhi lagi ho ya buri.. apne vicahr jaroor dijiyega.. ..

Issi ke sath izazat chahunga... Aap sabhi mitron ka dhanywad.. wakai aap sab ke sath ke karan kahani likhne ka maza doguna ho gaya...

kya kahani samapt ho gayi to last me THE END ...nahi likha ???.

 

[KEKIUS MAXIMUS]

zabardast kahani ..?% .....
sabke peechhe surpmarich tha main villain ...Hu Yu ki badolat usko maarne me thodi aasani huyi ...
nandini aur ansh ki ,,,,jivisha aur nishchal ki shadi ho gayi ....?...
par kya serin ne shadi ki ya nahi ??? kya surpmarich earth par hi rehta tha hamesha aur apne dimaag se apne pyaado ko control karta tha ??? ..
ruki ,suko ko sirf bandi banaya ...

 

[KEKIUS MAXIMUS]

aur parchhe ko kya saja huyi ya nahi ,usne jeher diya tha hero ko ,,aur jeher se bach kaise gaye ???

aur ab ye sawalkar ke jariye kisne chetawni di nishchal ko , kya wo surpmarich tha ??? jisne dobara sharir dharan kar liya ??

aur last me padhkar aisa laga jaise kahani aur aage jayegi ...

 

[KEKIUS MAXIMUS]

aur naina ji ..thanks ?....aapke kehne par nain11ster ji ne kahani complete ki ...aur writer ji aapki bhi kamaal ki writing skill ke badolat hame itni achchi kahani padhne ko mili .??..

 

[KEKIUS MAXIMUS]

par ek sawaal tha bura mat maanana ,,,,,nain11 to hai par ster ka matlab kya hai ??? kyunki shuruwat me jab naam padha to mujhe star laga tha ?..

 

[Naina]

Update:- 86​

Nandni jis teji ke sath khinch rahi thi, Nischal apna dhyan laga'kar, aakhen munda aur Nandni ke katuhal man me pahunkar…. "bilkul shant ho jao Nandu, aur jor lagana band karo. Apni aakhen mundi raho aur shwans mat lena"..


Nischal pura dhyan laga'kar Nandni ke dimag ko kabu kiya.. usse shant rakha….. aur ret ke ander teji se uske barabar aate huye, uske naak ko daba kar, muh se muh laga'kar usse shwans dene laga…


Nischal ab bhi uske dimag ko shant karke shwans diye ja raha tha… takriban 5 minute tak ret me ghusne ke baad Nischal ko aisa laga ki wo hawa me hai… turant hi usne Nandni ko apne hatho se upar uthaya aur khud niche dharam se gir gaya… charo ore ghanghor andhera aur kewal sapon ke fufkar ki awaj aa rahi thi… "Nandu tu thik hai"…. "Nischal, mujhe kuch dikh nahi raha.. bahut dar lag raha hai"..


Nischal:- Dar mat, main hu na…


Nischal ne Nandni ko apne kandhe par rakh'kar usse pakda aur apni aakhe mundkar fir se dhyan lagaya.. uska dimag jaise Nandni ke charo ore ghum raha ho.. Nischal ko charo ore ka najara bhi saaf dikh raha tha..


Charo ore kewal sanp hi sanp the.. kayi sanp Nischal ke paun ko das rahe the, to kayi uske paun se mans noch rahe the. Nischal lekin apne jagah par khada, apna pura dhyan Nandni par lagaye huye tha..


Tabhi kayi sapon ne ek sath hawa me uchhal'kar Nandni par humla kiya. Jaise hi Nandni par sapon ne humla kiya, Nischal apne puri raftaar me aaya… sapon ke humla karne ki gati aisi thi ki wo yadi ek sath 1000 ki tadat me bhi humla karte, to bhi Nischal ko koi fark nahi parna tha…


Nischal apni puri raftaar se charo ore hath ghum'kar, ek sath sabhi sapon ko jamin me girakar dharasahi kar chuka tha…. "Dekho, tum alpaayu ho ya kya ho, mujhe nahi pata, kintu tum jo bhi kar rahe ho, bahut galat kar rahe ho. Please ye humla rok do, hum aapas me baith'kar baat kar sakte hain"


Nischal lagbhag minnate karte huye kaha, lekin humla aur bhi teji se hone laga… Nischal lagatar uss andhere me Nandni par ho rahe humle ko rokte…. "Maine kaha bus bhi karo tumlog, humne tumhara kya bigara hai"… Nischal ne ek aur kosis ki, lekin humle ki gati me kami aane ke badle briddhi hoti chali gayi.


Nischal:- Yaar Nandu, bade dhit hai ye..


Nandni:- Mujhe to kuch dikhai nahi de raha Nischal, tum kis se yahan baat kar rahe ho…


Nischal:- Ab ye jo koi bhi ho iss andhere me to inse nahi nipta ja sakta…


Nandni:- Mere pass bijli to hai..


Nischal:- lekin na to yahan bulb hai aur na hi itne sare jiv ko tum ek sath jhatke de paogi… shyad laaton ke bhut hai…….. Main to baat chit ka prastaw de raha tha, lekin tum to humle hi kiye ja rahe, aise thode na hota hai dost.. ab to yahan toofan uthega aur garaj tumhari iss mand me hogi"..


Nischal tej chinkh ke sath apna ek paun pura jamin par de mara.. aisa laga jaise wahan ka pura mahol hi kampan karne laga ho. Nischal ab kisi ko ghayal nahi karne wala tha balki sidha jaan se hi marta..


Nischal purn roop se apne humle ko taiyar tha, tabhi uske kano me aisi dhwani sunai pari, jis se uska dhyan tootne laga. Jabtak aakhen munde tha tab tak sab kuch saaf najar aa raha tha, lekin aankh ke khulte hi wo kuch dekh nahi pa raha tha..


Ek madhur prem ras dhwani jo Jivisha dwara chhodi gayi thi. Idhar Nischal ka bus ek pal ke liye dhyan toota aur udhar kayi lakh saanp Nischal ke upar ek sath humla kar chuke the. Nischal apne sharir me zahar ka tej asar bhi mehsus kar raha tha….


Uski gati atyant hi dhimi par gayi. Nandni bhi murchhit uske kandhe par pari thi aur uske kamar tak sapon ka ghrea pahunchne wala tha… tabhi Nischal ke chehre par muskan fail gayi…


Saapon ke iss mayawi jaal me Jivisha ki tej awaj aisi gunji ki mano wo kahar ban'kar baras rahi ho…. Har sanp ke gale me jaise moti rassi bandh'kar, puri takat se dono siron ko khinch diya gaya ho… wahan maujood anginat saanp, apna pura muh fare, swans lene ke liye chhapta rahe the, aur Jivisha ke sar par to mano khun sawar tha…


Jivisha apne dono hath hawa me lahrayi aur wahan ke vayu me purn pariwartan ho gaya… uss jagah par maujood har jiv hawa me jame huye the. Nischal ke aas pass ki jagah purn roop se khali ho chuki thi…


Jivisha ab unke purn safaye ki mansa se apne lahrate hath ko bhumi par marne wali thi, jiska yah natija hota ki hawa me jame saanp, bhumi par iss kadar takrate, ki unke chithre ho jate. Lekin tabhi Nischal pure jor se chillate huye kahne laga…..


"Ye sataye huye prani hai Jivisha, inhe mat maro… ye yahan bhumigat hone par majboor the… Main sampark tod raha hun.. shyad mujhme tej jahar ka asar ho raha hai… Nandu bhi behosh hai aur isse purn ilaj ki turant jaroorat hai. In praniyo ko mat maro… yahan aa kar Nandu ko dekho"..


Nischal apna sandesh kah'kar behosh ho gaya. Ussi ke pass Nandni bhi behosh pari thi.. Tabhi Jivisha kisi kaal ki tarah chinkhi…. "Yadi mere dost ko kuch hua to fir dobara tum sab pachtane ke liye jivit nahi rahoge… Meri jaan ke kahne par tum sab ko chhod rahi hun."


Jivisha apni baat kah'kar apni shakti un sapon ke upar se hatayi, aur wahin bhumi par baith gayi… dekhte hi dekhte wahan purn raushni ka shrijan hone laga aur andhera jab chhata, to anginat log apne ghutne par baithe sir jhukaye the..


"Tum sab kaun ho aur bina karan hume maarna kyon chah rahe the.." Jivisha ke aakhon me gussa aur shabdon se jaise bhay baras raha tha… wahan maujood har koi iss bhay ko mehsus kar raha tha…


"Rajkumari main yahan ki mukhiya Shwetna hun. Aap aur aapke logon par humla karna, humari bhul thi, kshma kar dijiye"… Nile rang ki dikhne wali ek kamsin si ladki, sir jhukaye apni jagah se khadi hoti hui kahne lagi..


Jivisha usse gusse me ghurna shuru ki aur wo dekhte hi dekhte apna gala pakde hawa me aa gayi. Apne mukhiya ko hawa me dekh, wahan ke log minnate karte "maafi maafi".. chillane lage…


Jivisha:- Sabhi ek dum khamosh. Meri dost kahan hai.. aur kaisi hai…


Lin:- Rajkumari mera naam Lin hai. Yahan ka main pratham mukhya sahayak hun…


"Kisi ka naam ya pahchan puchhi main. Meri dost kahan hai"…. Gambhir si awaz thi Jivisha ki aur aisa lag raha tha uske awaz ke sath hawa me tarang bhanwar banati charo ore tair rahi hai, jo har kisi ke sar me paglon ki tarah dard de rahi thi… har koi apna sar paglon ki tarah jhatkne ke liye vivash tha….


Lin:- Aap ke dono dost surakshit hain aur hum bhi aap ke he log hai. Apni ye trarang band kijiye, warna humara dimag fat jayeg"..


Lin ki baat sunkar Jivisha shant hoti hui aur tej-tej shwans lene lagi…. "Mere dost kahan hain, main unhe dekhna chahti hun.


Shwetna:- Rajkumari wo dono khatre ke bahar hain.. dono ka upchar chal raha hai… aap apne gusse ko shant kare aur in bebas mukh ko dekhe, jo aap ke aane ki pratiksha me na jane kabse aas lagaye the..


Jivisha:- Inhe bebas kahte hain to fir jalim kaun hoga… bebes to mera Nischal tha, jise ek ore fikr thi ki yahan rah rahe saanp, ya jo koi bhi tum log ho wo majboor hain. Uske kandhe par ek masoom si ladki hai, jo tumhare zahar ke asar se mar sakti hai… meri jaan ne minnat tak ki tum sab se, lekin kisi ne bhi suna kya.. haan batao…


Shwetna:- "4 pidhi jinki andheron me gujari ho Rajkumari, pichhle 800 salon se jisne suraj ki raushni na dekhi ho… hum bhi manushya hai.. lekin humari aabadi itni hai ki shayad hi kabhi manushya roop me rahte hai.. jyadatar sanp bane hi ghumte hain aur jinda rahne ke liye kiron-makodon ko khane ke liye vivas hai."


"Aise me pata chale ki humara haal karne walon me se koi yahan humari jamin par ghum raha hai, fir kaun samjhega minnat aur kaun samjhega ki humne anjaane me aise logon ko pakda hai jo nirdosh hai… kyonki 4 pidhi bitne baad to sari ummid hi khatam ho chali hai…


Jivisha, puri tarah hairan hoti…. "800 saal se tum logon ne upar jamin par kadam nahi rakhe. Aisa kya ho gaya tha?"..


Shwetna:- Ji haan 800 sal Rajkumari. Humara itihas kayi hazaron varsh purana hai, lekin bilkul chhipa hua. NilBhut samuday se humlog hain, Pratham rani, Vish Kritima ki praja, jo iss Zoren grah ke mul niwasi hain… Vish Kritima alokik shaktiyon ki devi hua karti thi, jiske gun unki agli pidhi me se kisi ek ko mil jati thi. Jinke pass bhi yah gun hota, wo swabhaw ki kafi chanchal aur itni milansar hua karti thi ki dekh'kar koi kah nahi sakta ki wo alokik shaktiyon ki malkin hai aur ek pure samuday ki sanchalak.


Hum yahan anya 5 samudayon ke sath bade hi shanti se raha karte the. Yahan ke sabhi samudayon ki alag-alag seema thi, jisme sabse bada samuday Takshat (Mahamahim ka Samuday) ka tha, kyonki wo log marte kam the aur paida jyada lete the. Humara samuday NilaBhut ko bhu-vashi bhi kahte the, kyonki jyadatar hum jamin par hi rahna pasand karte the.. anya samudayon ki tarah na to hum unchi building banana pasand karte the aur na hi bahut jyada technology ka prasar pasand tha.. Hum apni sabhyata me jite the, apni mulbhut jaroorton ke liye mehnat karte aur bache samay me pariwar aur apne samuday ke sath jashn manate rahte..


Takriban 800 varsh purv ye Takshat samuday ka ek parbhakshi (parasite) Mittoso (Mahamahim) satta me aaya tha, wo bhi aap ke ek jo mitr hain Viggo, unke purvajon ki wajah se. Ek baar wo satta me kya aaya, humari duniya hi usne ujar kar rakh di…


Uss waqt Vishi Kritma ki vansaj, Visi Nilayani humara pratinidhitwa karti thi. Unke aur uss parijivi Mittoso ke bich kya hua tha wo to pata nahi, lekin Visi Nilayani apne mirtu ke purv, apne ansh ko apni 6 bahno me bant'kar badi hi dardnak mirtu mari thi.


Unki aagya anusar 6 bahne, 6 dur ke kisi grah me chali gayi. Yadi suni sunayi baat ko mane to kaha ye jata hai ki NilBhut samuday ke logon ki tarah hi Viggo samuday bhi tha, bhole log jinhe koi bhi chhal sakta ho… Mittoso ne Viggo ko chhala tha aur pahle to satta hathiya liya, fir unhi Viggo ke banaye kisi upkaran ke karan Visi Nilayani apni shaktiyon ka prayog nahi kar payi thi, kintu wo purvanuman kar chuki thi isliye pahle hi apni bahno ko yahan se kafi dur bhej dee aur kahi thi….


"Jahan ke manusya me buddhi ka vikas sabse atydhik hoga, jo saaf dil ke hone bawjood kisi chhaliya ke majboot se majboot bhrm jaal todne me sakshm hogi, jise fasane ke chakkar me kapti khud fas jaynge, jiske purvanuman ko koi thag na sake, bhale hi wo kitna achha hone ka natak hi kyon na kar le, ussi me Vishi Kritima ke alokik shaktiyon ka srijan hoga aur wo apne sabhi sawalon ke jawab ke liye yahan jaroor pahunchegi, apne logon ke bich, fir chahe aane ka karan kuch bhi ho, ya fir jariya koi bhi ho."

dekha udhar us grah ke saanp logis hi dono ko khinch le jaa rahe jameen ke andar...
aainn yeh yeh log toh kisi dusri flow hi udhar pahunch gaye.. pehli kahani mein toh.... Khair...
are re yeh saanp logis toh dono aise tut pade jaise bhukha khane pe woh toh achha hua jo waqt rahte jivu udhar aa gayi... waise waqt rahte agar nischal ne na roka hota toh un saanp logis ki band baj jaani thi...
Yeh lo.... urri baba ek aur kahani... kahani ke andar bhi kahaniyo buni jaa rahe hai.. woh itni aitihasik.... ooo toh isliye woh mittos ki goli un bahno ko dhund dhund ke shaktiya hasil kar tha.. waise Vish Nilayani ki origin power shayad jivu mein hi birajmaan hai..
So mahamahim urf minttos ki goli janam se hi maha tharki kamina kutta gadha dhokhebaz dagabaaz dusro ke tukdo pe jine wala, gande naali ka kida tha....
aur joh bhi zindagiya barbad ho gayi hai ya ho rahi hai iske piche ki wajah sirf aur sirf yeh kamina hai ..
Khair let's see what happens next
Brilliant update with awesome writing skill

 

[Black water]

Update:-73​

Ek adhyay jo kahin dur Himalaya me samapt ho chuka tha, apni chhap se dur baithe logon ko ehsas karwa gaya….



Lagbhag 2 sal baad … Aizem Grah.. Nischal ka ghar



"Sona ye jagah kitni mast hai, yahan to padhai ko dimag me hi utar dete hai"… Aarsi kahi..


"Yahan na to tumhare papa ke gundey aate hai, aur na hi pariwar ki kitkit. Main to yahin rahunga aur dekho to Kasak bua ka upgraded version kitni hoshiyar hai".. Chirag ne kaha..


Aarsi:- Buddhu, bua saas jab yahan aayegi fir hum log ko ghar bhej diya jayega na..


Chirag thoda mayus hote… Lekin didi hai kahan, kitna waqt bit gaya wo aayi hi nahi. Na hi fufa ji aaye hai..


Aarsi:- Darling lagta hai ye pyar se hume nahi batane wale ki bua saas kab aayegi. Aaj to inhe dikha hi dete hai…


Chirag:- Haan Aarsi bilkul sahi kaha tumne…


Aarsi aur Chirag dono behoshi ke haalat me pahle Jatin ke grah Zoren pahunche the. Zoren jaise hi unka viman land hua, Mahamahim khud aaya tha Jatin ka swagat karne… Mahamahim, Jivisha ko apne sath le gaya, wahin Serin aur Sabaiyya ko Mahamahim ne wade anusar wo yantr ko banane ki vidhi shaunp diya, jis se wo Malkia ki takat ko khinch leta tha.


Serin ne bhawishya niti ko dekhte huye Chirag aur Aarsi ko apne sath Jaal Mahal le gayi aur tab se dono yahin Jaal mahal me thik Serin ke pass wale kamre me rahte the..


Chirag, Jivisha ko dekhne ki khwaish dil me liye, bilkul halla karte huye Serin ka darwaja pitne laga… raat ke lagbhag 12 baj rahe honge, Serin pure din ke kaam ke baad thaki hui apne kamre me pahunchi hi thi, ki Sabaiyya piche se pahunch chuka tha uske kamre me aur bahar darwaje par 2 surakhsakarmi tainat the.


Jaise hi Chirag aur Aarsi uss jagah ko apne sar par uthaye huye aaye, tabhi ek shuraksha karmi dono ko rokte huye, kuch bola… samjh se pare..


Chirag:- Aarsi ye to gali de raha hai..


Aarsi, aakhen gurrati uss guard ko dekhi aur pass para lohe ka saman utha kar uske sar par de mari…. "Mere janu ko gali diya. Papa ko bol kar aisa ander karwaungi ye teri sari herogiri salakhon ke piche ghus jayegi"..


Guard ko bhi kuch samjh me nahi aa raha tha ki dono kya bol rahe the, lekin chot to uske sar par lagi hi thi… gusse me uss guard ne Aarsi ke gaal ko pakad kar jabdon me ghusane laga.


Itna majboot hath tha ki dard se Aarsi ke aakhon se aashu aa gaye. Chirag se dekha nahi gaya aur gusse me wo apna hath paun patakte guard ko marne laga. Guard ko kyon fark parega.. aur dono guard Chirag ko dekhkar hans rahe the.


Tabhi Chirag ne tej-tej Serin ke darwaje par hath pitne laga.. Serin jo ander ek jara mood me na thi ki wo Sabaiyya ke sawalon ka jawab de, lekin Sabaiyya ander uspar paglon ki tarah chilla raha tha aur Serin chup-chap sun rahi thi.


Tabhi darwaja khat-khatne ki awaj uske kano tak pahunchi. Wo Sabaiyya ko chup hone ka ishara karke bahar gayi. Bahar ka mahol jaise hi wo dekhi, Serin gusse se laal ho gayi. Pahle to Serin ne Guard ma hath se Aarsi ko chhuda'kar, dono ko apne kamre me jane ke liye boli aur gusse me uss guard ke hath ko ulta mod'kar tod hi di..


Dusra guard jo sab hota dekh raha tha, usse Serin ne apne paun uthakar, uske sar par aisa mari ki wo behosh ho gaya. Sabaiyya, Serin ka kandha pakad'kar piche ghumaya aur ek thappad khinch kar lagate huye kahne laga…. "Ye mere guard hai"..


Serin:- Sabaiyya tum ya tunhare log, mere kisi bhi log ko touch kiye na to main bhul jaungi ki tum kaun ho. Abhi ke Abhi nikal jao sab Jaal mahal se. Tum ya tumhare log ek pal ke liye bhi yahan ruke, to tum sab mera ugr roop dekhoge… niklo abhi… aur main dekhti hun ki aaj ke baad meri izazat bina tum ya tumhare logon me se kaun yahan aata hai..


Sabaiyya:- Tumhe maloom hai tum kis se unchi awaz me baat kar rahi ho..


Serin:- Main bhi complete blood hun, yahan ke sasak ji, ye tum mat bhulna… ab jo main kahi wo karo aur abhi ke abhi niklo Jaal mahal se…


Sabaiyya apne khun ke ghunt pikar wahan se nikal gaya. Serin bhag'kar Aarsi ke pass aayi… "Dekhne do mujhe"..


Aarsi ke masoom se gal par anguthe ke chhap ukhad aaye the aur wo subak rahi thi. Chirag uska sar apne sine se lagaye uske aashu poch raha tha.. "Bua pura Jabra dukh raha hai. Usse jail me dal do, wo acha aadmi nahi hai"..


Serin ne turant apne kuch logon ko bulaya.. Aarsi ko khud wo medical section me lekar gayi aur uske dard aur jabre ko durust karke turant lauti. Dono ko apne pass hi kamre me sone ka bolkar…. "Ye batao tum dono itni raat me sone ke badle mere pass kyon aaye the"..


Chirag:- Aap baiman hai bua, aap humse jhut bolti hain, aur to aur itne dino se yahan se kabhi hume bahar bhi nahi jane diya…..


(Bechare in sab ghatanao me jis mudde ke liye Serin ke pass aaye the wahi bhul gaye aur apne dil ki dusri khwaishen jahir karne lage)


Serin:- Hmmm ! Matlab shikayat haan .. acha pahle ye jagah to pura ghum lo..


Aarsi:- Bua sasu wo aapki zoom zoom zoom wali kya kamal ki car hai.. uspar baith'kar to hum ye jagah pura ghum chuke hai.. wo bhi kam se kam 50 bar. Ab bore ho gaye hain yahan pare-pare


Serin dono ka chehra ko dekh'kar muskurai… "Thik hai, kal se ek hafte tak hum pure shair par honge. Dono khush"..


Chirag aur Aarsi ek sath… "Kyon khush, ek hafte baad fir yahan kaid kar dogi"..


Serin apne hath jodti… "Main bhul kyon jati hun.. mai to junior master Chirag aur junior master Aarsi se baat kar rahi hun.. thik hai tum dono hi bata do"..


Chirag:- Aap ko sharm na aayegi jab hum dono Romance karnege.. aap humare sath kyon aa rahi hain…


Aarsi:- Huhhh ! Kabab me haddi.. apni wo zoom zoom zoom wali bus gadi de do.. hum dono yahan ghum lenge.. kyon janu....


Chirag:- Aur nahi to kya.. yahan to humare kiss par bhi pratibandh lagaya hai… alarm bajwa deti ho… kurur bua..


Serin:- Aisa lag raha hai mai hi pagal thi jo sanp ke fan ko chhed di. Acha suno kal se hafte tak tum dono mere sath ghumo aur fir uske baad jab marji tab bahar ghumne chale jana. Lekin jis din mana karungi us din nahi jaoge.. promise


Chirag:- No promise, hume school bhejo hume school bhejo..


Aarsi masoom si shurat bana'kar puchti hui… "Nahi mujhe school nahi jana janu"..


Chirag:- Aarsi scool jayenge to inke rule sunne to nahi parenge na…


Aarsi bhi chillati hui…. School School…. School School… School School..


Serin ke kamre me voice command system tha, jis se wo pure jaal mahal ko command deti thi. Hamesa on, aur ek lay ke lagatar pitch ko detect kar'ke command dene wali.. Serin ke kamre se dono "school school" lagatar chilla rahe the aur command pure jaal mahal me pahunch raha tha..


Raat ke 1 baje, takriban 1200 log line lagakar Serin ke darwaje ke bahar khade aur sabse aage Serin ke 2 karibi jo Serin ke kamre ka darwaja khole, to samne ka najara dekh'kar sabhi log hans rahe the..


Serin apna sar takiye me ghusayi thi aur dono "School School" chilla rahe the… jaise hi dono ki najar bahar pari, ek line me pure log ko khade dekh'kar Serin ko hilane lage… "Had hai bua hum protest kar rahe the aur aap so gayi. Dekho to bahar aap ka pura staff khada hai"..


Serin dono ko ghurti hui… "Baksh do mujhe… Nischal ye kahan fasa diya half"… Serin khadi hokar darwaje tak aate… "Yukte, Lobhu tum dono ruko yahin aur sabko jane ke liye bol do."


Sabke jane ke baad Serin…. "Yukte Jaal mahal ki mujhe fencing chahiye. Ek bhi staff bina meri jankari ke bahar nahi jana chahiye aur koi bhi bahar ka ander nahi aana chahiye. Koi bhi matlab koi bhi"..


Yukte:- Master Serin wo Sabaiyya humare shasak hai aur unko pratibandhit karna …


Serin, apni aakhen gurrati… "Jitna kaha jaye utna hi suno… ye jagah scence ki hai, jo kisi ruler ke ander nahi aata hai. Samajh gaye…


Yukte "Haan" me apna sar hilate wahan se chala gaya.. idhar Lobhu… "Master Serin, mujhe to jane do.. meri jodi bhag jayegi kisi din, aaj kal to uske kisse bhi aane shuru ho gaye hai"..


Serin:- Lobhu ek baat batao tum apne bache kaise sambhalte ho..


Lobhu:- Sambhalne ka kya hai Master, main jab ghar jata hun tab wo apne kamre me soye rahte hai.. dekhiye thik aise hi. Ab mai jaun… (Serin jabtak bahar aakar baat kar rahi thi, tabtak dono so gaye the)


Serin:- Thik hai jao.. acha suno ek kaam karo Naila ko hi bhej dena…


Lobhu… "Master abhi to aayi thi wo tab to aapne nahi roka. Abhi mat bulao na. Dekho waise bhi aapke no blood to so gaye hain.. kal subah puch lena na..


Serin:- Lobhu mujhe aisa kyun lagta hai ki tum sar chadhne lage ho..


Lobhu… Master Jodi bana lo apni, fir humari taklif samjhogi... Ab jane do na please..


Serin:- Thik hai ja..


Serin usko bhej'kar kamre me aayi. Chirag aur Aarsi ko bistar par thik se sulane ke baad, unke sote huye masoom chehre ko dekhti hui khud hi hasne lage… "Kitne pyare lagte hain sote huye, jaag jaye to ye Nischal ka Adhmya se kam nahi. Oh re .. is Sabaiyya ke chakkar me main Adhmya se bhi nahi mili". Tabhi wo Chirag aur Aarsi ko dekhi aur fir Adhmya ke bare me sochne lagi aur khud hi hasne lagi…




Zoren Grah…



Khusk hawa chal rahi thi. Charo ore dhul-mitti aur hawa ke sath udti hui ret. Bahut bada gol aakar, jo bilkul khule me tha, jiske charo ore reflector lage huye the. Bejan sa dikhta Jivisha ka sharir, jispar purane gande kapde jhul rahte the.


Reflector se aati hui prakash ki kirne sidhe uske chehre se lekar badan ke upar parti hui, jo har pal use jalate rahti. Uske paun ke niche ki ret tapkar saf laal dikh rahi thi.


Sar ke baal rukhe aur pure jale huye, jo hawa ke chalne se niche jharkar gir chuka tha. Honth khusk hokar fate huye the. Aankhen puri tarah se ander ghus chuki thi, jabde pure ghuse huye… pure badan ki chamri jal kar kali par chuki thi. Dekhne se aisa lag raha tha, haddi ke dhanche par kewal ek parat chamri chadha kar jaan dal di gayi ho.


Jivisha ke jinda hone ka saboot kewal uske shwans ka chalna tha, warna wo lagbhag mar chuki thi. 8 mahine ho chuke the Jivisha ko aakhri baar bole..


Mahamahim ka darbar saja tha. Sabse aage ki raw me Jatin thim Rizo ke pass baitha tha. Uske baad Apini aur darbar ke anay sadasya… Mahamahim ke aadesh par darbar me nirtya ka aayojan kiya gaya tha…


Mahamahim ka ishara hua aur sabhi nartaki nachna shuru kar di… jaam ke sath nirtya ka luft utha rahe the Mahamahim ke sabse karibi log..


"Aaj ka ye jashn Jatin ke naam… jisne Malkia ko apni buddhi se is seema me le aaya, aur aaj se thik 10 din baad jab grahon ki dasha me Malkia ko purn visksit kiya jayega .. Uss din tum sab ka Mahamahim is samast lokon me sabse shaktisali hoga"


Apini:- Mahamahim, Is Malkia me aisa kya khas hai.. iss se pahle bhi to humne 12 Malkia prithwi se uthayi hai..


Mahamahim:- Ye pahli Malkia hai.. ispar kabu matlab ab Malkia prithvi par kabhi paida hi nahi ho sakti… Malkia ki purn shakti, sada ke liye mujhme nihit ho jayegi…


Rijo:- Aap sab ke liye ek aur khushkhabri hai… Mahamahim aur Malkia ki prakriya samapti ke baad, pura Zoren 1 mahine ke jashn me rahega aur mahamahim Jatin ki sewa ko dekhte huye usse Vishes ki padvi dene wale hai..


Jaise hi ye suchna darbar me gunji… pura darbar Jatin ko badhai dene laga… pura mahol hi khushiyon se jhumne laga.. sab log jaise pagal ho rahe the. Us darbar me kewal ek khamosh baitha tha… Jatin..


Jatin ko vises ki padwi milne wali hai, ye khabar aag ki tarah fail gayi. Jatin jaise hi apne ghar me ghusa aur apni bahan Baby ke samne aaya… Jhannatedar ek tamacha aur gusse me pagal hoti hui baby kahne lagi…. "Us budhe Mahamahim se khud jodi bana lete aur ristedaron wali wo vises ki padvi mujhe hi de dete nikamme"

Fabulous update bhai