- 44,850
- 61,387
- 304
Update 27
Shravni ne aniket ko jo kuch bhi kaha tha usse use kafi bura dhakka laga tha aur wo muh latka ke wapis room me aaya aur wo kuch bolta usse pehle hi komal bol padi
Komal-kuch bolne ki jarurat nahi hai maine sab sun liya hai
Aniket ko kafi bura laga
Aniket-ab kaise samjhau ise yahi samajh nahi aa raha
Tab komal aniket ko samjhate huye boli
Komal-don’t worry wo gusse me thi abhi aur mujhe uski baat ka bilkul bura nahi laga, tumne uska gussa dekha par uske piche jo tumhare liye chinta thi wo nahi dekhi, wo bas tumhari chinta me aisa boli
Aniket-arey par ye kya faltugiri hai yaarr
Komal-anya wo gusse me boli yaar
Inki bate sun ke idhar avi ka dimag kharab ho raha tha
Avinash-oye bas hogya, gayi to gayi daal usko gadhi ki gand me, waise bhi jate huye shani aur aati huyi Lakshmi ko na nahi bolte, acha hua bala tali BC
Avinash ki baat sun ke komal ne uski taraf gusse se dekha to wo chup ho gaya
Komal-anya iski baat mat sun aur mujhe kuch nahi hua hai tu ja aur jake shanti se shravni ko samjha avi mujhe ghar drop kar dega
Aniket do minute soch ke bola
Aniet-theek hai avya kuch laga to call kariyo main nikalta hu fir
Itna bol ke aniket wala se nikal gaya aur uske jate hi avinash komal ke aye hath jodke usse bola
Avinash-o mother india, kamal hai tub hi, yaha naseeb mathe par tilak lagane aa raha hai aur tu use dusre ka pata bata rahi hai, hockey stick se dimag pe asar ho gaya kya, kuch samajh nahi raha tujhe brain to damage nahi ho gaya na tera
Jispar komal muskurakar boli
Komal-paagal jaisi baat mat kar, aur ek good news hai jo abhi mere dhyan me aayi hai, ab to meko pakka yakin ho gaya hai ke ye shravni kuch aniket se pyaar vyar nahi karti, ulta use to pata hi nahi hai ke pyaar kya hota hai..
Avinash-to fir anya ko kyu bheja use samjhane ke liye
Komal-arey mand buddhi manus pyaar koi geometry ka theorem hai kya samjhane pe samajh aane ke liye, wo to ek bhavna hai jo apne aap man me nirman hoti hai..
Avinash-main na ab pareshan ho gaya hu ye pyaar pyaar sunke (sur shayad readers bhi
) mereko khali itna bata ki anya ko kyu bheja us chammak challo ke paas?Komal-arey kyuki anya pasand karta hai use, aur ek baat batau aaj mere ye bhi dhyan me aaya ke anya bhi usse pyaar vyar nahi karta..
Komal ki baat sunke avinash ne apna matha pit liya…
Avinash-waah to ye log kya ab tak kabaddi kabadi khel rahe the kya
Komal-kaisa hai na avi ye baat mere usi din dhyan me aa gayi thi jab shravni ne aniket ke kaan ke niche lagayi thi, kyuki jis insaan se ham pyaar karte hai na use maarne ka sapne me bhi nahi soch sakte aur ye dono murkh hai, dono hi nahi jaante ki prem kya hai, inke beech pyaar hai hi nahi
Avinash-to pyaar nahi to kya hai
Komal-attraction, dono ko ek dusre ke prati akarshan hai aur ye dono ise hi pyaar samajh baite hai, ha manya hai ki pyaar ki shuruwat akarshan se hoti hai par baad me pyaar badhte jata hai aur yaha shravni ko aniket ke apna adhikar chalana hai
Avinash shanti se komal ki baat sun raha tha
Avinash-kammo, kabhi kabhi lagta hai ki main sach me tujhe nahi jaanta ? tune love guru banna tha yaar
Komal-aye chal chal kuch bhi! Subah se koi aur nahi mila kya chake ke jhad pe chadhane ke liye..
Avinash-abe sach bol raha hu main
Itne me docter suman waha aayi aur komal ko check karke dawaiya likh di aur use discharge de diya aur dono hospital ke baahar aaye..
Idhar aniket college pahucha, shravni college me hi thi, aniket ne use canteen me chalne kaha to usne saaf mana kar diya aur akhir me haar ke aniket bola
Aniket-main 2 ghante tumhari raah dekhunga canteen me, aaj mili to theek nahi fir kabhi mulakat nahi hogi
Itna bol ke aniket canteen me jake baith gaya, komal ko call karke puchtach ki aur shravni ki raah dekhne laga, use pura yakin tha ke shravni aayegi aur adha ghanta raah dekhne ke baad shravni aayi aur aakar aniket ke samne wali khurchi par jakar baith gayi par kuch boli nahi aur fir aniket ne baat shuru ki
Aniket-kyo faltu me dimag me gussa bhar rakhi ho? Chhodo is baat ko
Par shravni kuch nahi boli
Aniket-avi aur komal mere bahut karibi dost hai…
Ab aniket ki baat beech me todti shravni boli
Shravni-aur main? Main koi nahi hu?
Aniket-maine aisa kab kaha hai, tum mera pehla pyaar ho shravni
Shravni-tum agar mujhse pyar karte to mera kaha maante
Aniket-acha mujhe batao tumhe kya problem hai avi aur komal se? bhul gayi kya ke aaj avi aur komal ki wajah se hi hum sath hai fir unse kya dikkat hai tumhe
Shravni-mujhe wo dono pasand nahi
Aniket-aur aisa kyu?
Shravni-mujhe nahi pata
Aniket-pata nahi matlab koi to reason hoga
Shravni-pata nahi
Aniket-tumhe nahi pata to kise pata hai fir
Shravni-mujhe wo pasand nahi bas
Aniket-arey par kisi ko napasand karne ke liye koi reason to hona chahiye na?
Shravni-ab jab baat nikli hi hai to batati hu, mujhe na wolog pasand hai na unki bhasha pasand hai aur na unka acharan pasand hai
Aniket-bhasha me kya problem hai, aur dost to aise hi baat karte hai
Shravni-bahut kharab language ka use karte hai wo, sirf chillana, gandi galiya aur hamesha ek dusre ko niche dikhane ki shart..
Aniket-harami, halkat, nalakay ye kya galiya hai kya, ha agar anjan aadmi ko de to galiya ho sakti hai par dosto me nahi, dosto me inhe gali nahi maante, aur ye sab sirf wohi bolte hai kya? Main bhi to bolta hu na unke sath
Shravni-yahi, yahi mujhe nahi pasand, tum mujhe ache se baat karte ho par unke sath ekdum alag rehte ho, mujhe kabhi aise nahi bolte tum
Aniket-wo dost hai mere aur tum pyar ho, agar tumhe dikkat na ho to main tumse bhi aise hi bolunga
Shravni-chii! Khabardar agar mujhe aise baat ki to
Aniket-theek hai main abse kisi ko bhi gali nahi dunga bas fir to theek hai
Shravni-kuch theek nahi hai tumhe unki sangat chhodni padegi
Ab aniket ka para chadhne laga tha aur usne saaf saaf kaha
Aniket-wo to nahi hoga
Shravni- mujhse pyaar karte ho to jarur hoga
Aniket-par mujhe ye samajh nahi aa raha hai ki hamare pyaar ka aur mere dosto ka kya sambandh hai
Shravni-hai na, sambandh hai, insaan ki pehchan uske dosto se hoti hai aur ye aise mawali sadakchap dost hai tumhare, mujhe bilkul nahi pasand, wo avinash aur komal bas galiya dete rehte hai maramari karne wale gunde
Ab aniket ka gussa bhadak gaya tha aur wo table par hath maarte huye bola
Aniket-bas bahut hua shravni ab agar avi aur komal ke bare meek shabd bhi bola na to thobda suja dunga kya samajhti kya hai be tu khud ko? Terko kya laga tere liye main apne dosto ko chhod dunga? Arey aniket rane thukta hai aise pyaar pe jo use uske dosto se alag kare, kya to bole pyar? Pyaar ka p bhi jaanti ho kya tum pagal ladki, jiske naam se yaha baith ke tu chilla rahi hai na usi ne mujhe tujhe manane bheja hai aur wo mawali, sadakchap gunde? Tere rup pe fida hua ye jindagi ki sabse badi galti kar li maine, dikhne me sunder hai tu par man ki kali hai, kabhi shakal dekhi hai aaine me apni aur khud se pucha hai ki kyu koi tumhara dost nahi hai? Ye tumhare isi swabhav ki wajahse, us din suman ne mujhe hug kiya to bada gussa dikha rahi thi, kabhi socha haitumhari soch kitni ghatiya hai, ek ladka aur ladki dost banke nahi mil sakte kya? Par tumhe nahi samjhega kyuki tumhare dimag me gobar bhara hai, komal ka bola hua aaj samajh aaya ki shravni matlab gobar, arey dusre par ungli uthane se pehle khud ke ander jhak lena chahiye, bas kuch bhi shabd jodne se kavitaye nahi banti uske liye bhvanao ko samajhna padta hai aayibadi kavita likhne wali, tujhe bura na lage isiliye kaha nahi kabhi par aaj bolta hu, sun! is prithvi ke alawa kahi aur bhi jivan hua to waha ke log bhi bolenge ki teri kavitaye kitni ghatiya aur bakwas hoti hai, dimag ki maa behan kar di be pure
Aniket ki baat sunkar shravni rone lagi jisse aniket aur bhi khawal gaya
Aniket-ab rone jaisa kya hya, sach hajam nahi hua, dusre ko bolte samay acha lagta hai na par khud ke bare me sunne pe rona aata hai, nafrat hone lagi hai be tumse aura b main keh raha hu apni ye shakalmeko dobara mat dikhana chalo utho aur kat lo idhar se
Shravni tad se uthi aur aniket ko jhapad maarne ke liye hath uthaya to aniket ne uska hath hawa me hi pakad liya
Aniket-ye galti mat karna ek baar maine ye sehan kiya hai aur main ladkiyo ki ijjat karta hu isiliye maaf kar raha hu, teri jagah ye harkat kisi ladke ne ki hoti to wo dobara hath uthane layak nahi bachta
Aniket ne uska hath jhatak diya aur shravni waha se pair patakte huye nikal gayi, aniket bhi baahar aaya aur usne apne katte pe aake ek cigarette sulgayi, ab use thoda theek lag raha tha…
