Fantasy Kaisa Ye Ishq Hai ~ Ajab Sa Risk Hai ~ Reload (Completed)

[nain11ster]

Page 766 Se 775 tak har panne par update hai.

Final closing update on page:-792


Issi ke sath Ishq Risk reloaded ka ye season poora hua. Next fantasy journey announce ho jayegi. Ummid hai pahle

"Arymani:- The Pure Alfa Between Two World's."

Yahi aaye... Jo bhi hoga purv suchna mil jayegi... Fihlaal end enjoy karenge... Aur kahani ka poora safar kaisa rahega wo ek baar jaroor sajha karen...


Filhaal Abhi vyast hun ek pure romantic journey par....

<<<< Too Young !! Too Old >>>>​

Aap sab ka hai udhar. Kahani par pahunchne ke liye story title par ulgi karne ka...

<<<< Too Young !! Too Old >>>>​

 

[nain11ster]

Update:-113 (A) ​

Kharbon ke fauj ki bhid ke madhya me khada tha 2 kurur, Astak aur Surpmarich ka ek ansh JoY. Dono apni baat kah'kar bade se screen par Arhcemia ko sun rahe the. Bich ka 100 meter ka dayra khali tha aur uske pichhe paglon ki tarah bhid lagaye the Vansaj Fauj. Arhcemia apni baat samapt karti chinkhi... "Kaat dalo gala"


Astak muskuraya, Nischal ki beraham khanjar ko ussi ke gardan par berahmi se chalane ke liye aage badha... Tabhi kahin dur se "ghannn-ghannn" karti engine ki tej awaj Astak aur Surpmarich ke karib aati sunai dene lagi.


Uss engine ke awaj ke bich me Astak vansaj ki chinkh to aa rahi thi, lekin kuchh bhi dikh nahi raha tha… aur bhid ko raund'kar ek fighter jet jab tak un dono ko dikhta, Astak aur Surpmarich ke sar ke pass fighter jet ka, samne ka muh tha... Astak aur Surpmarich dono chaunkte huye ladkhada'kar jamin par gir gaye. Aur jab khade ho'kar wapas Nischal ke ore mude... samne Serin khadi thi, jo fighter plan ko thumbs up kar rahi thi...


Surpmarich aur Astak jaise hi mude Serin chain ko aage fenki, jisme fase Astak aur Surpmarich aur agle hi pal Serin ne dono ko dhair paith 8-10 baar dhobi pachhar deti jamin par kisi hathode ki tarah patakti hui... "Kya be itna sasta hai kya mere bhai ka gala, jo chid dega"… kah'kar milo dur fenki. Fir chain ko lahra'kar pichhe viman ke ore fenki aur uske dono hath hawa me...


Chain jakar fansi viman me tange uske 2 vishalkay hathiar se. Chain chumbak ki bhanti uss hathiyar ko fansa'kar sidha Serin ke hath me le aayi... Jiska pakadne wala muthiya hi kewal patla tha baki to uske hathiyar ko dekh'kar Nischal ka muh khula hi rah gaya...


"Sale humara technology (veg parivartak) istamal kar'ke mere hi bhai ko fansa rahe.… Dhammmm... Dhammmm"… hathiyar ko jaise hi jamin par patki, tej dhamak ki lahar Nischal ke badan ne bhi mehsus kiya ...


Nischal:- Ab ye kya hai...


Serin:- Hammer Of Thor... Badal bijli wali shakti to nahi aayi, lekin size bada kar dee hun... Issi se aaj sabko thok-pit kar barabar kar dungi.…


Serin ko movie me thor ka hammer itna pasand aaya ki uske hath me thi 2 hammer... 100 tan ki 1 hammer... Metal ko kitna bhi pighla'kar sukoda kyon na gaya ho, dekhne se lag raha tha koi lamba-cahuda aur moti deewar hai, jiske niche ka handel bus pakadne layak banaya gaya tha...


"Tum dono yahan bhi comedy kar lo"…. Jivisha dono ke samne aati hui kahne lagi... ..


Nischal ka khun bah raha tha. Yun to uska sharir kisi bhi zahar ko sokh sakta tha lekin ye Astak jahar kafi dard de raha tha... Fir bhi Nischal Jivisha ke roop me ek baar ulajh hi gaya.... Issi bich Serin ne uske pet se dono chaku nikal diye.…


Jivisha ke hath ka ishara hua aur Naag Dansh puranar-jivit ho'kar Nischal ke pass tha aur uska lep dhire-dhire Nischal ke sarir me samane laga. Wahin Astak jo khanjar apne pass rakha tha usse Serin chain se khinch chuki thi…


Idhar Nischal ka upper body recover ho raha tha udhar Serin usse gusse me ghurti.… "Veg parivartak haan"…


Nischal:- Mujhe khyal nahi raha Serin...


Serin:- Isliye to sath chalne kahi thi... Ab tu nakara ho gaya hai... Khud ki haalat thik kar, jabtak main aur bhabhi yahan ki bhid ko shant karte hain…


Serin jab'tak Nischal se baat kar rahi thi, Jivisha wahan ho rahe vayumandaliya humle ko roke khadi thi... Vansaj fauj paglon ki tarah nochne ke liye unke ore badhne ka pryas kar rahi thi, aur Jivisha apne lahrate panje ke sath unki poori bhid ko hi pichhe dhakel rahi thi…


Serin, Nischal se baat karti ek jhalak apne ird-gird chal rahe mohol par bhi rakhi thi. Nischal se baat samapt hone ke se pahle hi, bhumi par "Dhammmm... Dhammmm... Dhammmmm.… Dhammmmm".… Serin ka hathoda ek ke baad badi teji se padne laga...


Ek to wo 100 tan ka hathoda.. jab jamin par padti to uski awaj ki lahar poore sharir me mehsus hoti... Upar se jab dushmano ke bhid par wo dono hathode bari bari se, ek second me 20 se upar baar padte aage baddhe, uske dhamak ki khuff aur usme chatni ban'ne ke khyal se hi kayi vansajon ko heart attack sa aane laga tha...


"Ye sadi si sharir ke malik Astak vansajon abhedi chamri... Achha hathiyar lekar aayi ho Serin"


Kisi bowler ki aatma Jivisha ke iss hisse me sama gayi ho... Wo apne dono hath ko utni hi teji se lagatar ghumati ja rahi thi aur dono hathode "dhamnnn dhamnnn" ki awaj ke sath bhid ko chatni banakar aage dham-dhamane badh rahi thi...


Serin:- Bhabhi dum hai to hath se uthao… aise kalabaji kar'ke to koi bhi utha sakta hai...


Baaten chalu thi, Jivisha ka dham-dhamana bhi jari tha aur Serin ka frustration bhi... Uske 20 meter ke blade se katne ke liye 20 meter to kya, kuchh hi second me 200 meter se upar ke dayre ko Jivisha khali kar chuki thi, pass koi dikhe tab na Serin uss par apne blade chalaye...


Vansaj jo hathode ki Chapet me aaye fir to unke hone ka koi saboot bhi na tha aur jo bach gaye wo chhipte huye bhag rahe the…. Dar ne to Arhcemia ke dimagi control ko bhi paar pa liya tha.. Aur Jivisha ko dham-dhamane me itna maza aa raha tha ki wo Serin ki baat sun bhi rahi thi aur hathode bhi chalaye ja rahi thi.…


Jivisha:- Tum hogi Bahubali… lekin ye hathoda main nahi dene wali... Waise bhi tera bhai uthega to counting waise bhi kam ho jayegi... Shuru ho ja...


Serin apne sena ko poora command di... Command dene ke sath hi 2 carore earth ke fighter jet ne command sambhal liya... Saras Singh aur Canon Cooper ki command me 2 carore jet, ussi technology se chhipe the jis technology ka prayog karke Surpmarich ne poore 1000 carore vimani bede ko chhipaye rakha tha aur baad me gher liya tha….


Idhar Cooper aur Saras ne command diya aur HuYu ki technology apna kamal dikhati, dushman ke sare viman ko visible kar dala... Jaise hi viman visible huye... Canon.… "Boys pahle apne mukhya viman ke pass se kachra hatao aur apne army ko niche jane ka rasta do... Baad me to humari counting badhane ke liye bahut se viman hai"…


Saras:- Boss ye abhi jo aircraft se logon ko kuchalte nikle the na, bhallaldev ke rath wali feeling aa rahi hai... Aage ke pankhe, dushman ke chithre udda rahe"


Canon:- Ye dushman hai ya saitan, humara normal blade hota to toot gaya hota... Sale hathon se bijli fenk rahe…


Saras:- Kya order hai commander..


Canon:- Maza to mujhe bhi aa raha tha...


Saras:- to fir chala jaye...


Ek hi viman me commander aur sahayak commander sawar ho'kar nikle. Shayad iss waqt Surpmarich ko afsos ho raha ho... Kyonki 6000 caror ke fauj ko chhod'kar usne baki force ko viman me load kar diya tha aur yahan inke maarne ki gati aisi thi ki jab'tak Nischal ke kadam ruke, tab'tak to 4-5 carore sainik ko wo akela ludhka'kar unke pass pahuncha tha... Upar se mahal me lagatar ho rahe humle se ab in vansajon ke "cut proof skin" badi aasani se katna shuru ho chuka tha… abhi to Nischal utha bhi nahi tha, uske alawa 2 beraham utne hi teji se action me the..


Ek hathora para dusra hathoda hawa me dusra jamin par to pahla hawa me... Ek ke baad ek "dhammmm-dhammm" ki awaj aa rahi thi aur chapet me aane wale log jamin me papad ban jate... Aisa nahi tha ki ye hathoda kewal samne hi padti, hawa se niche kisi bhi disha me "dhammm dhammm" macha rahi thi…


Wahin Serin bhi apne blade liye khadi hui, Jivisha ko dekh'kar naak sikudte... "Galat kiya hai bhabhi"…


Jivisha, ek hi baar me dono hathoda dhammm se patakti…. "Love u... Chalo ab shuru ho jao"…. Bilkul Madhya maidan me khadi thi dono, charo ore se bijli ke ghere ek sath Jivisha aur Serin ke upar...


Jivisha to mano aaj kah rahi ho, "apne bharose ladne aao, kyonki ye badal, bijli aur har vayumandaliya energy ke humle par hum reserach kar aaye hain"...


Serin bhi apni 360⁰ cutting machine blade on kar chuki thi.… Kamar ke hight par blade chalati, wo charo ore ghum'kar badi teji se aatank machana shuru kar chuki thi. Fir to hathode maar'kar jamin me sabko thokne pitne se le'kar, berahmi se badan ko bicho bich chid'kar wahan aatank aur tabahi ki kahani gadh rahi thi...


Pichhle 10 minute se "dhamnn dhumnnn' ke sath-sath Serin ki cutting lagaatar jari thi... Tabhi achanak se khacha'khach bhada ye yudhh ka maidan bilkul khali ho gaya. Jahan tak najar jaye poora khali aur bichhi hui lash ke alawa koi najar nahi aa raha tha. Bus kayi milo kilometer dur bindi matr me, Astak aur Surpmarich najar aa rahe the... Maidan me Jivisha aur Serin khadi aur wahin kuchh duri par Nischal leta hua tha. Uske poore sharir par naag-dansh ka chipchipa lep chadha hua tha...


Serin:- Bhabhi yahan ki aabadi kahan gayab ho gayi..


Jivisha:- Bhumi ke Niche…


Serin:- Ab kya karen…


Jivisha:- Wo dhurt Surpmarich humare hi shaktiyon se khel raha hai... Lekin bhul jata hai ki iss khel ke hum purane khiladi rahe hain…


Tabhi Jivisha ne Surpmarich ke ansh Joy ko hi bandhna shuru kar diya... Idhar 2 caror Nilbhut ladaka bhi niche utar chuke the aur utarte hi bhumigat hokar uss kshter ko poora gher liye, jahan Jivisha aur Serin khadi thi, aur Nischal leta tha. Sabhi Nilbhut ladaka mustaid. Wo Surpmarich ke bichhaye jaal se, teeno ko jamin ke ander bhumigat hone se bacha rahe the...


Tabhi Jivisha ko ehsas sa hua ki Surpmarich usse apne ore khinch raha hai... Apni ek tihai shkati ke sath khadi Jivishsa.… "Serin wo chhaliya mantr phoonk raha hai, aur usse lag raha hai main poorn roop se yahin khadi hun". .


Serin:- Kyon core planet se inka sampark nahi ho raha hai kya???


Jivisha:- Core planet par sarvanash ho raha hai sampark kya khak karenge... Maine inke aapas ke bich ki sampark pranali hi tod dali hai... Iss chhaliya ke pichhe main ja rahi hun tum yahan sambhalo... Bus kuchh der aur.… Jaise hi Surpmarich ki sewa samapt hui ye sabhi galich bahar honge ..


Nischal:- Jivisha ruk jao...


Jivisha:- Lekin Nischal…


Nischal:- Viman me jo 20 lakh Nilbhut striyon ka achet sharir para hai uski suraksha, tumhari jimmedari hai... Yahi faisla hua tha… tumhare 3 hisson ka...


Jisvisha muskurati hui apna sar jhukati... "Jaisa aap chaho patidev… le apna hathoda pakad Serin, baad me fir kabhi iss se aatank machaungi"…


Jaise hi Jivisha wahan se gayab hui, waise hi Nischal ko dur ek fauj ki tukdi aati hui najar aayi.… "Serin mujhe lagta hai ye bharm jaal wali fauj hai"…

"Serin, ek kaam karo, apne iss papad machine ko chain me fasao aur jahan se tumhe log aate dikh rahe hai, uss se 10 meter dayen aur bayen apne hathoda ko patko... Fir patakne ki range aadhe meter se ghatate hui chali jana.. wo bhi zig zig fornation me patko... 10 meter dayen ke ore kabhi aage to kabhi pichhe, to kabhi ek hi jagah 2 baar... Aur thik bayen bhi aise hi.…


Serin:- Bade shauk se bhai..….


"Dhamnnn.. dhamnnn... Dhammm... Dhammmm"… har dhamak ke sath dur se aate huye sabhi bharm jaal wale sainik, ek chhote se prediction ke sath, uss 100 tan ke hathode ke niche aakar bilkul chatni bane ja rahe the. Ussi ke sath Nischal tej daud lagaya. Hawa sa gayab hua aur kuchh dur aage ja'kar apni gati par viram lagaya.

 

[nain11ster]

Update:-113 (B) ​

Jahan ruka, wahan ruk'kar hawa me poori raftar se apna khanjar, kewal aur kewal apne badan se bus aadhe inch ke fasle par lahra raha tha. Nischal ka khud me hawa ke sath khone jaisa ehsaas tha... Uski najar dur se uss kan ya fir kosikaon ko dekh chuki thi, jo arbon ki tadat me dono ke ore badh rahe the...


Hawa me ghuli thi kosikayen, aur thik ussi prakar hawa ke bahaav jaise lahra raha tha Nischal. Bilkul madmast aur bilkul khoya sa. Uski khanjar, uske kalai ke ishare ki gulaam thi... Aankhen ek-ek kosikaon ko dekh rahi thi, jiska ek ansh ander galti se gaya to poora sharir kha jayega...


Nischal gativan tha. Nischal urjavan tha. Apne prakram se uss chauthe vansaj Kiyuke ko dikha raha tha, matr wo aur uska khanjar kafi hai, fir kar lo koi bhi tillishm, har tillishm ka javab wo matr khanjar se de sakta hai... Hawa me dhuyen ki tarah vilin tha Nischal aur uss se bhi khatrnak gati se lahra rahi thi uski khanjar...


Uske khanjar chalane ki gati bhi aisi ki 1 second me poore lahrate huye, apne poore badan ke charo ore 10 baar khanjar chala chuka hota. Fir dhire-dhire khanjar chalane ke duri badhti gayi aur apni jagah se teji ke sath wo 10 meter ke dayre me lagatar hawa me 2 minute tak khanjar chalata raha.


Pahle kosikayen humla karne badhi thi. Baad me jaan bachane ka khuff hawi hua. Bhul kar gaya tha Kiyuke aur Nischal kisi ko bhi chhodne ke irade se nahi tha... Serin ka hathoda, Nischal ke charo ore chal raha tha. Bharm jaal ke sainik uske bhi najdik the...


Serin ke hathode ki dhamak uss jagah charo ore thi... Bus ye dhyan aur ekagrata ka khel tha… Kiyuke bhagoda, un hathodon ke bich se nikalna chahta tha lekin Nischal… uski gati aur aakalan... Na to Serin ne hathoda chalane ki raftaar ko kam kiya aur na hi Nischal uss mote se hathode ki aad me usse bhagne diya...


Ek-ek kosikaon ko daura-daura kar bich se chidta gaya. Mahaj 2 minute ke iss hawai khel ke baad, jab Nischal sunischit hua ki usne arbon kosikaon ko kaat dala hai... Fit naag dansh ke zahar ko wahan ke charo ore chhod diya, taki poori tarah se sunischit ho jaye... Kiyuke ki leela samapt kar, wapas Serin ke pass pahunch gaya.…


Serin:- Ye kya kar'ke aaya….


Nischal:- Uss Astak ko lagta tha ki uske kosiska me vibhajit hone wale vansaj kewal naag-dansh se hi maaraa ja sakta hai...


Serin:- Matlab abhi jo tune khanjar chalaya…


Nischal:- 355 carore kosikayon ko bicho bich chid'kar aa raha hun...


Serin:- Fir in dare huye prajati ko hum inke anjaam tak pahunchane me der kyon kar rahe...


Nischal:- Thoda ruk le... Jivisha ka ishara hone de... Inka mahal hi inki shakti hai... Dhire-dhire iski shakti kamjor hogi fir humla karenge...


Serin aur Nischal aaram se baith gaye... Kuchh der baad Sonu aur Monu par sawar ho'kar Nandni aur Ansh bhi Wahan pahunche... Baki ke 8 dragons bhi aa chuke the... "Yahan ke log kahan gaye... Aur kya patte laga dun, jinko maara hai uske sharad ka bhoj bhi kha lene"…


Tabhi uss maidan par HuYu bhi complete mettalic suit pahne, apne team ke sath pahunch gaya.… "Ye kya mazak hai Sahjada… hume yudhh karne ka bol'kar aise hold par dale ho... Humare action me aane se pahle hi bahga diya sabko. Jit gaye kya hum??"…


Itne me Canon aur Saras bhi apna fighter plane wahin pass me park karte…. "Ye poora maidan khali kaise ho gaya sir"… Canon ne puchha..


Saras:- Yaar humne apne plane ko bhallaldev ka rath bana diya, lekin katne wali public hi gayab hai..


Nischal, apne sar par hath pit'te.… "Ek aur filmi kida.… Bhai hammer of thor se maar karo na"…


Sabhi Nischal ke ore utsukta se dekhte, mano jaan'na chah rahe ho kya wakai koi aisa hayhiyar hai.… Serin hansti hui samne 2 pahad saman lagbhag 100 fit uncha aur 40 fir chauda hathode ke ore ishara karti... "Wo samne hi to rakha hai"…


Sabhi jo niche baithe the... Hathode ko niche se upar dekhte huye... "Ye kya hai, lohe ki deewar"…


Serin khadi hokar dono ko hath me uthayi aur bhumi par de marti... "Nahi hammer of thor"…


Canon hanste huye… "Ohhh ye foam ka bana hua hathoda darane ke liye"…


Kahte huye bechara pahuncha aur poore takat se hilane ke baad.… "Iska vajan kitna hai"…


Nischal:- Ek ka matr 100 tan..


Saras, Nischal aur Serin ko upar se niche tak dekhte... "Insan ho ya bhoot"…


Nischal:- Get ready team... Taiyar ho jao action ke liye... Aur aap dono apne plane hawa me le lijiye, warna aapka ye bhallal dev wale rath par chiniyon ka kabja ho jayega...


Canon:- Ye chinies log hain kya ??...


Nandni:- Nahi copy karne me uske bhi baap...


HuYu, doctor sahab ko apne sath liya... Nandni, Monu ke upar sawar ho gayi... Nischal aur Serin sabse aage khade.… Nichal jor se hunkar bharte….. "Tum namardon aaj kya 10 kilometer dur se hi dekhte rahna hai"


Serin:- Ye na manege... Tu shuru kar...


Nischal:- Inki urja kam ho gayi hogi... Tu bhid sambhal main un dono ko...


Kahte huye Nischal ne naag dansh nikala aur naag ke muh ko bhumi par de mara... Bhumi ke niche jo 2 carore Nilbhut sainik the wo sab HuYu ke pichhe khade ho gaye aur dekhte hi dekhte, Nischal ke sath sabhi log charo ore se ghire huye the… Naag-dansh ke bhumi par padte hi, jamin se sabhi sainik bil-bila'kar bahar nikle...


Serin hathode ko chain me fasakar wahin chhod aayi jahan se wo layi thi aur apne hath ki ek chain Nischal ko deti... "Chhodna mat, main bhi aayi pichhe se"…


Chain le'kar Nischal ne wapas se daur laga diya... Khauff me to Vansaj sena pahle se thi, lekin Khauff iss baar Nischal jara bhi nahi de raha tha, kyonki wo to bade aaram se nikala, bich se rasta banate huye, aur raste me jo mila usse kaat'te huye…. Bich me thi Serin aur log iss baar Serin ki berahmi jhel rahe the…


Charo ore se Serin ke upar kabhi acid rain to kabhi bijli gir raha tha... Na wo bachne ki kosis ki aur naa hi bhagne ki... Aisa laga jaise hawa se khinch'kar Serin ke sarir par mare gaye sabhi tatav ko Serin apne ander sokh rahi thi…


Apne chehre par lage acid ko pani ki tarah wo ponchhti, Serin apni gati aur kaatne ki kashnta se ek baar fir parichay karwati apna blade ghumayi aur 20 meter ke circle ko gajar mooli ki tarah kaat'te, daud laga dee... Serin 20 meter daud'kar hawa me tej chhalang lagati hui, apne chain ko ghuma'kar kayi sare sainikon usme ek sath fansa'kar upar khinch lee...


Chain ke khinchte hi kayi hazar sainik hawa me upar ke ore teji se khinche... Utni hi teji se Serin niche aayi, lekin upar se niche aane ke kram me Serin ne apna blade poora chalaya… Serin niche jamin par land karte hi fir utne hi teji ke sath kamar ke hight se blade ko lahrate hui charo ore jhatki... Hawa se 2 tukde sarir jabtak jamin par girte Serin 20 meter ka ilaka fir se khali kar chuki thi...


Ek baar fir se 20 meter ka ilaka khali… Serin fir se daud laga di aur wahi sab wapas se dohrane wala tha, lekin bich me Serin ke sare sikar ko saaf karta Saras aur Canon nikal gaye... Saras aur canon ka fighter jet ek fit ki unchai se udd raha tha aur uske aage ki pankhi jaise mixer grinder bana hua tha.… Khar-khar, khar-khar, ki awaj ke sath ek ore se log faste aur dusre ore se laal ras hawa me aur kima jamin par…


Serin apni badi si aankhen kiye unhe dekhti... "Ye prithvi wale wakai kafi daringbaaj hote hain"… Serin hansi aur apne kamar me apna blade dalti, apne chain ko dur kilomere tak fenki aur poori takat se khinch dali... Ek sath kayi hazar dhar se sar alag the aur bina sar ke farfarata hua dhar jamin par...


Idhar Nandni dragon babies ke sath maidan ke dusre hisse me thi. Wahan inke swag hi alag the... Sabhi ek katar me aakash ki unchaeyon par hote aur wahan se kafi tej niche dive lagate... Dive lagate ke sath hi tej vissile sound me koi nili raushni ka khatarnak wave maarta, to koi laal wave... Jaise hi ye wave jamin, ya kisi vansaj se takrati aas pass ke kuchh dur ka ilaka saaf.


Wahin dive maar'kar niche jab vansaj sena ke sar ke karib pahunchte the, ye log ussi unchai par 1 km ka udaan bharte, aur apne muh ko niche kar.. "Fuuuuuuuhhhhh fuuuuhhhh" karte poore ilake ko aag ka dariya bana'kar chalte. Jitni der uss unchai par uddan bharte, upar se aag ke badal bana'kar hawa me udd chalte aur unhi lapton ke bich Nandni apne current ke wo tej jhatke de deti ki ek baar me hi pran udd jate...


Udhar se jawabi humle bhi utne hi tej the... Hawa me jab ye upar ja rahe hote tab vayumandaliya energy se unpar humle hote... Humla kitna bhi tej kyon na ho, mettalic suit ke niche ki body par ko koi asar nahi hota, lekin Nandni bechari, tej jhatka kha'kar dragon ki pith se hawa me sair karne chali jati... Nandni hawa me sair kar'ke jab niche gir rahi hoti tab koi na koi dragon hawa me kalabajiyan dikhate, Nandni ko apne pith par sawar kar leta...


Wahin HuYu apni poori team ke sath full metalic suit pahne, jamin par tha.… Hathiyaro ki ladai to ho nahi sakti thi isliye sabhi apne suit me natural gas hi bhade huye the aur doctor sahab ke hath me thi machis... Natural tarike se sabko aag laga rahe the aur ussi aag ke bavandar ke bich se gujar rahe the...


Wahin 2 caror Nilbhut sainik, vansaj sainiko ko, bhumigat kaise kiya jata hai wo sikha rahe the... Ek sath hi 8-10 carore vansaj sianik gayab ho jate aur poori ki poori jagah khali…


Nischal bhi lambi daur laga chuka tha. Na to Nischal dikh raha tha na hi uske hath ka chalta khanjar, kyonki jis line me vansaj sainikon ko hawa me Kate huye sharir ke tukde dikhte, wo poora rasta hi khali kar'ke dayen baye ho jate. Nischal daudte huye Astak ke karib pahunch raha tha…


Astak aur Surpmarich dono sath me khade hans rahe the... Nischal yun to tej gati se daur raha tha, lekin unke karib pahunchne ke purv hi, usne apne daudte kadam ko kafi teji se roka… Jahan ruka tha wahan se uske aur Astak ke bich takriban 300 se 400 meter ki duri hogi.… "Naah ye nahi ho sakta"….


Nischal apne man me sanka jahir hi kar raha tha, tabhi badi dur se wo chinkh mehsus kar liya... Ye chinkh Serin ki thi aur Nischal jab picche mud'kar dekha to poore maidan me usse giants najar aa rahe the aur har giants Nischal ki gati se bhag raha tha.…


Nischal naag Dansh ka prayog nahi kar sakta tha, kyonki koi bhi uska sathi pass nahi tha. Aisi shoorat me uska prabhav sab par barabar padta... Hawa me udd rahe dragons babies kisi tarah unchai par to gaye, lekin agle hi pal jo Nischal ne apne aankhon ke aage ka najara deka... Khatrnaak aur utna hi dahla dene wala tha…

 

[nain11ster]

ab thodi bahot thik hai.. acchi baat hai na ishi bahane leave mil gayi meko

Daru pine ki leave mili thi kya :?;

 

[nain11ster]

Broo Maja as gya bs Aisa laga Jaise Kabhi khtm hi na ho ye story aise hi chalti rahe bs padte raho

Thankooo soo much pass1234 bro... Sandesh aapka dekha maine... Khyal rakhen apna aur apni pratikriya dete rahen

 

[nain11ster]

nain11ster bhai or kitni der he update aane me

Ek call aa gaya tha isliye discontinued hua... Update de diya hai

 

[The king]

kaha ho sab log Naina ji Xabhi bhai ragish7357 bhai Nevil singh bhai KEKIUS MAXIMUS bhai nain11ster bhai ne update diya he abhi

 

[nain11ster]

Hella jab pratighat karne pe aayegi.. jab badla lene ke yuddh mein utregi... to ye nibba apsyu & jiviya and all.. kisi chuhe ki tarah bhagte nazar aayenge ranbhumi se
Balidaano..Balidaano..

Aahutio..Aahutio..
Se..Janmi Ye Gaatha

Barso Se Chalti Hai

Badle Ki Ye Jwala

Ya Mrityu Us Mahan Hella Ki Janani Hai Jiski

Varnan Srusti Karti

Kya Ambar Ki Nagari Se
Woh Rakhwali Aayi

Jiske Paao Chume
Dark universe ki dharti...

Iska bus chalta aur Bahubali ke time meri ye kahani aayi hoti to je ladki to se raja moli ke pass pahunch jati... Saar... Anuska Sethi ka naam Hella karo... Aur Bahubali se achha Nischal 1 aur 2 karke release karo

 

[The king]

 

[nain11ster]

kaha ho sab log The king bhai
Naina ji
Xabhi bhai
ragish7357 bhai
Nevil singh bhai
KEKIUS MAXIMUS bhai
Asif khan
11 ster fan
Mbindas
Anubhavp14
Anky@123
Rawat@7
nain11ster bhai ne update diya he abhi... Aur kisi ka bulawa chhut gaya ho to unko bhi bulawa bheje raha hun ...

Raat ku alag se lekin thoda late night... 11 ke paar aur 12 ke bich ka samay

 

[nain11ster]

Bhanvar 2 pe kahar barsane aa rahi hai great Hella... ek tufan, ek jaljala ke roop mein aane wali hai Hella bhanvar 2 pe
Kohraam macha degi wo udhar

Hahaha... Usse to mia Khalifa ka role dunga hi ... Dekh ke hi kohram type chha jaye... Sab log bhanvar too ko Hella ke hilerious action ke liye yaad rakhe