Update 27
G :- me taiyar hu lekin me shairs nahi dunga badle me tum kuch aur bhi mang sakte ho
Me :- theek hai toh shairs ke badle me kya lunga ye me baad me bata dunga ab aap ja sakte hai
Ab aage
Jaise hi gupta uncle jane ke liye uthe waise hi me bol pada
Me :- suniye aap ko ek kaam karna hai
G :- bolo
Me :- aap mera aur rahul ka admission sahar ke best college ****** college karenge mera cs me aur rahul ka bba me aur khud ko humara local guardian bolke introduce karenge
G :- kya ye shairs ke badle mang rahe ho
Me :- ha kya aap ko manzoor hai
G :- ok deal
Iske baad gupta uncle apne ghar ke liye nikal gaye aur ab jab me mud ke rahul ke taraf dekhta hu toh woh muh fulaye baitha tha
Me :- ab tu kyu muh fulaye baitha hai
Rahul :- aapne bola tha ki humari priority paisa kamana hai jiske liye aapne job dhundhne ka faisla kiya fir aapne fight match kar ke bet se paisa kama ne ka socha uske baad apne share market se paisa kamana aur ab hotel se aakhir aap final plan kyu taiyar nahi karte
Me :- are mere bhai sun sabse pahle job wala plan isliye drop kiya ki usse earnings slow hongi aur dhundhne me bhi time waste hoga phir betting woh illegal hai isliye hum full time wahi toh nahi kar sakte aur nahi legle authorities ko income ka source bata sakte hai phir aaya shair market usme earnings ke saath risk factor bhi hai aur ab hotel ka isiliye bol raha tha woh isiliye ki jaisa gupta ji ne bataya woh prime location par hai phir woh 1.5-2 saal pahle tak bahut acha chal raha tha matlab uski market me reputation ke saath saath naam bhi hoga toh usse hume jaldi earnings honge aur legal authorities ko income source bhi bata payenge samjhe mere bhai
Rahul :- aur ye sab aapko kaise pata chala
Me :- jab aaj gupta uncle se hath milaya toh unki sari knowledge mujhe pata chal gayi jise mene ek plan banaya hai jisse 1se1.5 saal ke andar hum top 10 business man me aa jayenge aur phir kisi bhi legal authorities ko kisi bhi tarah ka doubt bhi nahi hoga
Rahul (excited) :- kya plan hai
Me :- toh sun…..
Uske baad me rahul ko sala plan samjhata hu jisse woh bahut khush ho jata hai
Rahul :- ye toh best plan hai bhai lekin iske liye paisa bhi lagega
Me :- uska bhi hal hai
Wahi CBI HQ ME
Abhi CBI HQ me is waqt abhay, sam, aur abhinav ek sath baithe the
Abhay :- toh abhinav batao ki kya hau aisa is case me jisne tumhara dimag ghuma diya
Abhi :-.......
Phir abhinav unhe woh sari baate batata hai jo ki sam ne abhinav ko batayi thi jise sunne ke baad abhay ka bhi dimag chakra gaya
Abhay :- ye case jitna aasan dikh raha tha utna hai nahi (abhi se) un do ladkon ka pata chala jinhe tumne sujit ke sath dekha tha
Abhi :- yes sir (photo aage rakhte hue) ye hai rudradev singh aur ye hai rahul pandey
Jab abhay ne wo do photo dekhi toh use turant pata chal gaya ki woh hum dono hi hai phir use rahul ne jo bate kahi thi woh yaad aane lagi
Abhay :- ye case band kardo aur in dono ke baare me bhi bhul jao
Abhi (shock se) :- kya matlab sir
Abhay :- dekho abhi jaisa ki tum kah rahe ho toh phir jara socho agar ye baat balbeer ya us pande ko pata chali ki ye dono jinda hai toh sabse pahle ye inhe maar dega uske baad bhi hume koi sabut nahi milega isiliye is case ko band hi rahne do
Abhi :- lekin sir aap in dono ki itni chinta kyu kar rahe ho hum hai na inki security ke liye
Abhay :- iske piche 2 reasons hai pahala ye jo rahul hai ye mere bachpan ke dost ka beta hai jab mujhe pata chala ki woh nahi raha toh mene uske pariwar ko dhundhne ki bahut koshish ki lekin woh nahi mile phir kuch mahine baad pata laga ki woh sab bhi mare gaye aur aaj achanak ye samne aagaya
Abhi :- aur dusra reason
Abhay :- yaad hai kal dip aur tina ko bachane wale 2 ladkon ke baare me bataya tha ye wahi dono ladke hai
Sam :- toh aap inhe leke apne ghar chale jaiye phir aapko inki suraksha ki chinta nahi hogi aur inke help se hum balbeer aur pandey dono ko pakad lenge
Abhi :- yes sam is right aisa ho sakta hai
Abhay :- no its more dangerous jab se maine Sidharth (rahul ke dad) aur uske pariwar ko dhundhna start kia tha tab se hi mere pariwar pe pande ne najar rakhi hui thi aur phir kich mahinon tak mujhe aur mere pariwar ko jaan se marne ki dhamki bhi mili thi lekin mujhe koi pukhta sabut nahi mila isiliye woh pande mere hatho se bacha hua hai aur ab me samne se use rahul tak nahi pahucha sakta ho sakta hai jab use ye pata chale ki rahul jinda hai toh woh uske jaan ke piche phir se pad jaye aur iska jimmedar me hi ban jau (sam se) tum ek kaam karo ki rudra aur rahul jinda hai iske sare proofs mita do aur ha balbeer aur pandey par bhi nazar rakhna lekin kisi ko pata na chale ki hum un pe najar rakhe hue hai
Sam :- yes chief
Abhay :- (abhi se) aur tum abhinav tum is mla ke baare me pata karo ki ye jhol hai kya mall me kis wajah se rudra ne iske bete ke sath panga liya tha pata lagao
Phir 3no us cabin se bahar nikal jate hai aur apne apne kaam karne me busy ho jate hai
Wahi kisi unknown place pe
At night
Ye place bahar se dekhne par koi disco club jaan padta hai jaha gate par 2 majbut sharir ke body guards tainat the waha jyadatar young ladke ladkiya hi the kuch sharab ke nashe me the toh kuch apne partner ke sath me the in short sare hi log apni hi duniya me mast the ki tabhi waha ek gadi aake ruki usmese 2 ladke aur 2 ladkiya bahar nikle jaha aage ke seat se utre ladka aur ladki gusse me the to wahi 2ri ladki khush nazar aa rahi thi aur dusra ladka jara ghabraya hua dikh raha tha
Ladki 1 jo ki gusse me thi woh apni saheli ko yu haste dekh aur chid gayi
Ladki 1 :- (apne saheli se) oye tu kyu itni has rahi hai tere wajah se aaj me marte marte bachi agar teri maa ko pata chala ki me jhuth bolke tujhe club leke aayi hu toh mere ghar pe phone paka jayega aur phir mera kya haal hoga me soch bhi nahi sakti
Ladki 2 :- are rani tention kyu leti hai me hoon na dekha na aaj bhi maa ko pata nahi chala
Ladka 1 (jo gusse me tha) :- lekin tina tumhe bhi samjhna chahiye na kal ko kitn bada kand ho gaya aur tum ho ki
Ji ha dosto 2ri ladki jo has rahi thi aur koi nahi tina hi thi aur jo dusra ladaka tha woh apna dip hi tha
Kal ke hadse ke baad dip aur tina dono ke hi parents ne unhe raat ko bahar nikalne se mana kar diya tha jis wajah se tina ne apne doston ko call kar ke late night study ka plan banake ghar se nikal aaye the
Ab aate hai story par
Toh abhi tina dip aur unke friends club ke andar jate hai
Ye club bahar se toh disco hi dikh raha tha lekin andar se toh ye fight club hai jaha ek kone me tina aur dip unke friends ke sath baithe hai aur fight ke start hone ka intezaar kar rahe hai
~~~~~~~~~~~~~~~~~~
Aaj ke liye itna hi
~~~~~~~~~~~~~~~~~~
Update 28
At fight club
Abhi sab log fight compitition start hone ka intezaar hi kar rahe the phir thodi der baad fight ka mukabla shuru hua tina aur uske dost bhi bhar bhar ke bet laga rahe the lekin unke jit ka ratio ab tak sirf 50;50 tha matlab abtak 10 match mese 5 ki predictions sahi sabit hui aur 5 me unhe nuksan uthana pada abhi sab log aak ke main event ka intezaar kar rahe the ki tabhi announcer stage pe aa gaya
(is club ke rule ke hisab se har din sirf 11 fights hi hote hai 10 normal fights aur last jise main event fight bhi kaha jata hai woh do or die wali hoti hai)
Announcer - dosto aapka swagat hai aaj ke main event mein. Aaj history
ki sabse khatarnak aur bhayanak fight hone ja rahi hai. Kyuki aaj delhi
ke 20 khatarnak fighters se ek new fighter fight karega. Us fighter ka
naam hai " beast master " .
Charo taraf taliya hi taliya bajne lagi. Pura godown taliyo ki gunj se gunj uda.
Announcer - dosto is fight ke sirf ek hi rule hai ki aapka dusman aapne pairo par ring se bahar na jaye. Ya to knockout karo ya jaan se mar do.
Firse charo taraf taliya bajne lagi. Jaan se Marne ki baat sun kar log ese khush ho rahe the jaise koi bahut bada aur adbhut kaam hone bala ho.
Announcer - aur dosto bet sirf suru ke 10 min tak hi lagai jayegi aur The
Beast master par 1 ka 10 ka bhav milega aur dusri team par 1 ka 2 kyuki rudra ka jitna mushkil hi nahi na mumkin hai.
Fir announcer ring se bahar chala gaya. Uske bad ek ek karke fighters
ring ke ander aane lage. Sabhi fighters bahut tagde aur danger lag rahe
the. In fighters ko log jante the isliye logo ka group alag alag fighter ka naam chila rahe the aur taliya baza rahe the. Ek ek karke pure 20 fighters
ring ke ander aa gaye. Fir ring ke bahar se hi announcer ne announce kiya.
Announcer - to dosto ab welcome karo aaj ke main event ke last fighter
ka . " beast master".
Log taliya bajane lage aur bheed ko chirta hua ek mask laga kar lower aur fighters jaise hudi pahne hue ek ladka jaal ke gate ko khol kar ander ghus gaya. Uske aate hi sabhi fighter ring ke charo taraf ho gaye aur rudra ko space de diya. Log taliya bajane lage.
Ek fan ( bheed mein se chilate hue ) - aaj tu marega beast master .
Fun ke sath Kuch log aur bhi chilane lage. Par B. M. ne us group ki taraf aapna muh karke apna mask utara aur ek deadly muskaan dikha di ye kya ye toh apna rudra hai.
Announcer - ab fight suru ki jati hai.
Announcer ke itna bolte hi ring ke JAL ke gate ko bahar se lock kar diya
gaya aur bell baza di gai.
Prabhu (dip ka dost) - tina jaldi batao kis par bet lagani hai.
Tina - (kuch soch ke) ab tak hum 4ro ne jitna bhi jita hai uska 75% un 20 fighters pe lagao aur baki ka 25% rudra pe laga dete hai.
Prabhu - rudra kon rudra
Tina :- are woh beast master hai na ye wohi hai jisne kal mujhe bachaya tha prabhu :- magar uske jitne ke chance naa ke baraber hai.
Ramesh - to hamara kuch bhi loss nahi hoga par agar vo jit gaya to sara loss cover hoke milenge socho jara aur agar har bhi gaya toh bhi hume humare 75% ke hisab se 75% ka double milega.
Prabhu - chalo risk le hi lete hai.
Prabhu 25% ke sath apne jeb se 1 lakh rs. bhi B. M. (rudra) par bet laga deta hai aur dip bhi apne aur tina ke taraf se 2 lakh B. M. pe laga deta hai. In paison ke Siva B. M. Pe ab tak 105 crore ki bet lagai ja chuki thi aur Ab tak 15 fighters ki team par 600 crore tak ki bet lag chuki tha. Itni badi ammount isliye kyunki is match ko pure india me online (dark web) pe bhi dikhaya ja raha tha jaha sare bade bade don gunde neta abhineta aur jinko bhi is baare me pata tha woh sare bhi bet laga rahe the. Jis wajah se dono side ka milake ab tak total 700cr + laga diya gaya tha jo ki white money toh nahi ho sakti agar itne paise tax me bharte toh kya hi nazara hota (ye out of topic ja raha hai toh hum abhi sidha mukable pe aate hai)
Bell bajte hi fight suru ho gai. Sabhi fighters ne B. M. ko Charo taraf
se gher liya. B. M. bhi apni muthi band karke tayar ho gaya. Vo lagatar 360° ghum raha tha. Sabhi par nazar rakh raha tha tabhi ek fighter ne us par hamla kar diya par B. M. ne uske punch ko aapni left hathely se rok liya aur right hand se ek punch uske muh par dhar diya. Punch padte hi vo fighter 3 fit dur Jake gira aur behosh ho gaya. Ek hi punch mein knockout hota dekh baki ke 19 fighter ek dusre ki shakal dekhne lage.
Unke chehre par dar aur gusse ke mile jule bhav the. B. M. ke chehre par kewal ek deadly muskaan thi.
Ider public aapne aapne fighter ke liye cheer up kar rahe the.
B. M. ke liye bas Dip tina aur unke dosto ke sath rahul cheer up kar raha thi. Dip aur prabhu ne bet lagai thi isliye aur rahul ko toh B. M. ki sari sachayi pata thi aur woh dono bhai bhi the.
Tina ko bet se kuch lena dena nahi tha woh toh rudra ki bahaduri ke liye use cheer up kar rahi thi. Aur rani ko koi farak nahi padta ki kon jitega. Use to bas fight dekhne mein maza aa raha tha. Rahul bhi fight ke maze le rahe the.19 fighter ne B.M. ko Charo taraf se gher rakha tha. B. M. bhi puri tarah se tayar tha bas use intzar tha kisi ke pahal karne ka par ye
kya sare ke sare fighters ne ek sath B. M. par hamla kar diya.
B. M. ne 2 ko punch aur 1 ko high kick mar kar knockout kar diya par
baki ke 16 fighters B. M. par tut pade.
Agle 5 min tak B. M. floor par leta hua tha aur 16 fighters us par laat
ghuse barsa rahe the. Pure hall mein " kill him kill him " ki pukar lag rahi thi. Aur bet ka amount 600 crore se bad kar 1000 crore pahuch chuki thi. 40 cr cash aur baki online the. Dev (announcer) se kabhi koi dhoka nahi karta kyuki dev kisi ko maaf nahi karta. 10 min hote hi dev ne bet band karne ka announce kar diya.
Bet band hone ki announcement sunte hi B. M. ne aapne dono pairo ke pass bale aur dono hatho ke pass bale fighter par ek sath war kiya.
Charo fighters B. M. ki laat aur punch padte hi hawa mein udte hue
jaal ki diwar se takraye aur jamin par gir gaye. Fir B. M. ne baki ke sabhi ko dhakka diya aur jaldi se khada ho gaya. B.M. ko khada dekh sabhi fighters ki hawa kharab ho gai. Puri public Jo abhi tak " kill
him kill him " chilla rahi thi sant ho gai kyuki sabhi ki bet B. M. ke khilaf thi dip tina rani aur prabhu ko chhod kar.
Fir B. M. aage badne laga ek fighter ne aapni puri jaan laga kar punch B. M. ke muh ki taraf ghumaya par B. M. ne aapne right se rok liye aur left hand se ek thapad uske gaal par jad diya. Vo fighter
bhi behosh ho gaya. Uske bad fir se sabhi fighters ne B. M. ko gher liya aur laat ghuse barsane suru kar diye par B. M. aapni teji aur marshal arts se sabhi waro ko rok leta. Ek do laat ghuse B. M. ko lag bhi jata par usase B. M. ko koi farak nahi pad raha tha. Dekhte hi dekhte ek fighter ko chhod kar sabhi fighters behosh ho gaye.
Last bala fighter bahut dara hua tha. Vo B. M. se bachne ke liye ring mein idher se uder bhagne laga. Sabhi viewers sant baite hue the kyuki sabhi ka lakho croro ka nuksan ho raha tha. Fir B. M. ne last bale fighter ko bhi ring ke corner mein fasa liya. Ab uske pass bhagne ke liye koi jagah
nahi bachi thi. Vo fighter bahut dara hua tha. Jab usne dekha ab koi rasta nahi bacha to kuch soch kar vo ring floor par let gaya aur aapni ankho jor se band kar li jaise vo knockout ho gaya hai. B. M. use dekh kar hasne laga. Fir announcer ne B. M. ko winner ghoshit kar diya.
~~~~~~~~~~~~~~~~~~
Aaj ke liye itna hi
~~~~~~~~~~~~~~~~~~
Update 29
Match ke pahle (flashback)
Abhi dev apne cabin me baitha tha baat aisi hai ki dev ka club kuch dino se jyada chal nahi raha tha uske club me jyadatar log sirf main event ke liye aate the aur kuch log sirf match dekhne ke liye isi baat se pareshaan dev abhi apne cabin me baitha tha ki tabhi ek bouncer andar aata hai
B :- sir do ladke aapse milne aaye hai
Dev :- kon hai woh kyu aaye hai
B :- woh kon hai ye toh pata nahi lekin un mese ek bol raha hai use main event me participate lena hai
Dev :- kya kahi woh pagal toh nahi ho gaya use bolo chupchap apne ghar chale jaye falru me hath pair tut gaye toh uski jimmedari humari nahi hogi
B :- sir woh dono jid pe ade hai bol rahe hai ki unhe main event me participate lena hai
Dev :- ek kaam kar unhe andar bhej
Phir thodi der baad hi wo dono ladke andar aa jate hai
Jo koi aur nahi rahul aur rudra hi the
Dev :- bolo tum dono ko kya chahiye
Rudra :- mera naam rudra aur ye mera bhai rahul aur hum yaha aaye hai tumhare main event me participate karna hai agar jeete toh amount mese 5% tumhara aur baki ka humara
Aur hare toh waise bhi tum fayde me rahoge
Dev :- tumhe pata hai na main event do or die hoga
Me :- achi tarah se pata hai
Dev :- phir bhi…
Me :- ha ya na jawab do
Dev :- theek hai ye form bhar do isme likha hai ki match ke daura agar tumhe kuch bhi hua toh uski jimmedari club ki nahi hogi
Me :- ok
Rahul :- mere taraf se bhai pe 100cr laga
Rahul ke ye bolte hi dev aakh faade rahul ki or dekhta hai yahi expressions mere bhi the bas me jald hi sambhal gaya tha
Dev (rahul se) :- itne paise de paoge
Rahul :- aap ne hi toh rule likha hai ki haarne ke baad paise dene hai toh harne ke baad dekhenge
Me (muskurate huye) :- laga do agar hare toh 24 ghante ke andar wapas kar denge
Dev :- theek hai mujhe problem nahi apna naam batao jis naam se tum khudko introduce karwana chahte ho
Me :- BEAST MASTER
Dev :- naam mast hai lekin naam ki tarah tujhme bhi dum hai ya nahi
Me :- dum dekhna hai ek kaam kar 1v15 ka match laga me akela 15 se ladunga
Dev :- dekho ye koi bacho ka khel nahi hai
Me :- dekho hum door se aaye hai lade bina toh jayenge nahi ab ye tum decide karo ladhna kaha hai yaha ya ring me
Dev :- theek hai toh chalo tumhe changing
Wahi match end hone ke baad
Dip aur uske doston ko unke sare paise jo unhone rudra pe lagaye the un sab me unhe 10 guna jyada mila tha jisme unka sara loss clear ho gaya tha aur sath me jo extra me kamaye bhi the isse woh sab bahut khush the aur rani ko fight dekhke hi maja aa gaya tha
Wahi dev ke cabin me
Jaise hi me dev ke cabin me ghusa woh itna khush tha ki uske chehre pe ye khushi chupaye nahi chup rahi thi
Jab dev ne mujhe dekha toh usne mujhe gale hi laga liya
Me :- (use alag karte hue) ye kya baat hui 1v15 ki deal hui thi 20 ki nahi
Dev :- are bhadkte kyu ho bhai chahiye to mujhe 5% mat dena me mere brokerage se khush hu
Me :- baat paison ki nahi jubaan ki hai
Dev :- are tumhe dekhte hi pata chal gaya tha ki aasani 15 ko sambhal loge isiliye match thoda tough ho tumhe bhi ladne me maja aaye isiliye kia
Me :- chal koi na tere 5% tu hi rakh bas mera ek kaam kar de
Dev :- bol bhai aaj pahli baar dev ne kisi ke sath ki hui juban todi hai bol kya chahiye
Me :- mujhe ek aisa bank account chahiye jisme me jitna chahe utna bada transection karu phir bhi koi sawal na uthaye
Dev :- ho jayega partner lekin meri ek shart hai
Me :- kya
Dev :- jab bhi me bolu aap fight ladhne aaoge
Me :- agar match dumdaar hoto mujhe koi pareshaani nahi
Dev :- done partner
Uske baad hum bhi bahar nikal gaye abhi raat ke kuch 3:30 baj rahe the
Rahul :- bhai ab woh gupta ke hotel ka kaise karna hai uske liye paison ka kaam toh ho gaya ab use kharidenge kaise
Me :- us hotel ko kharidne ki jarurat nahi
Rahul :- kya lekin aapne toh deal ki hai ki hotel aap gupta ji ko doge
Me :- ha lekin maine ye toh nahi bola ki me kharidke dunga
Rahul :- me samjha nahi
Me (muskura ke) :- ghar chal samajh jayega
Wahi dusri taraf
Jab tina aur dip apne ghar pahuche toh waha dono ke parents pahle se hi unka intezaar kar rahe the
Abhay (t. Dad) :- tina beta kaha gayi thi
Tina :- maine bataya tha ki hum rani ke ghar study ke liye ja rahe hai
Jay (d. dad) :- lekin rani ke parents toh kah rahe the ki tum log prabhu ke ghar ja rahe ho
Dip :- ha dad hum pahle rani ke hi ghar jane wale the lekin baad me plan cancel ho gaya toh hum prabhu ke ghar gaye the
Jaya (D. Mom) :- lekin woh toh bahar gaye hai na
Tina :- ha isiliye toh waha gaye the ki bina kisi disturbance ke padhai kar sake
Dip :- ha ha tina sahi kah rahi hai
Abhay :- (tina se) beta tum bhul rahe ho ki tumhare pita (dip se) aur tumhare chacha CBI CHEIF hai unke liye phone trace karna koi badi baat nahi hai
Jab abhay ki baat tina aur dip ne suni toh dono sann rah gaye unhe ye samajh aa gaya tha ki unka bola hua jhooth pakda gaya hai
Lekin jaha dip ke chehre par dar tha ki kya pata aage kya ho jaye lekin wohi tina ke chehre par darke sath halki muskurahat thi jaise ki use is situation se bahar nikalne ke liye idea soch liya tha
Tina :- dad aap ne rule toda hai
Lata :- tina topic mat badal
Abhay :- ek second lata toh tina bolo maine konsa rule toda hai
Tina :- aapne promise kia tha ki aap kabhi bhi mera phone trace nahi karenge
Abhay :- nahi tina tum galat ho
Tina :- nahi
Abhay :- maine promice kia tha me sirf jab emergency hogi to hi phone trace karunga
Aur agar raat ke 2:30 baje meri beti ka phone switch off aa raha hai uske sath jo dost the unka phone switch off aaye phir un mese ek friend ke account se more than 1 lakh debit ho jaye toh tum batao ye emergency nahi toh kya hai
Tina (rote hue) :- sorry dad mujhe maaf kardo last time (dip ko aakh marte hue) bol na dip mujue maaf kar de
Dip :- ha maaf kar dijiye uncle
Jaya :- ye natak band karo
Abhay :- agar tumhe bina punishment liye apne kamre me jana hai toh pahle batao ki woh paisa kaha kharch hua aur itni badi ammount ki jarurat kyu huyi
Tina :- woh dad
Abhay :- dip tum batao aur sach batao (dip ke kan me dheere se) nahi toh yaad hai na tumne aaj phir bank server ko hack kia hai jisse tumne jo 2 lakh nikale woh kisi ko pata nahi hai agar me bata du to
Dip :- uncle woh….
Phir dip sabko sach bata deta hai jise sun ke sab pahle shock hua phir woh sab dip aur tina pe gussa huye aur phir ye faisla liya gaya ki ab se woh dono jaha bhi jayenge unke sath koi na koi bada jarur hoga
~~~~~~~~~~~~~~~~~~
Aaj ke liye itna hi
~~~~~~~~~~~~~~~~~~
Update 30
Abhi subah ke 5 baj chuke the aasman pura kesariya rang me nahaya hua tha
sare pakshi apna ghosla chodke apne apne bachonke liye khane ka intezaam karne ke liye safar pe rawana ho chuke the
sare taraf panchiyon ke madhur sangit ki dhun chayi hui thi pure watawaran me alag hi utsah bhara hua tha pura watawaran aise hi manmohak najare aur mantramugdh karne wali sangit ki dhun se bhara hua tha panchiyon ke itne madhur sangit hone ke baad bhi ek ajib si shanti har taraf chayi hui thi
Parantu koi tha jise ye shanti shayad pasand nahi aa rahi thi woh apni gadi ko puri teji ke bhaga raha tha jaise agar woh jaldi se apni manjil pe nahi pahuncha toh shayad mar hi jaye ga chalo hum bhi jante hai aakhir ye kon hai aur kaha bhaga ja raha hai
Abhi woh gadi puri teji se bhagti hui shahr ke bahar aa gayi thi sahar ke bahar aake us gadi ki speed toh jaise kam hone ka naam hi nahi le rahi thi uski toh pahle se bhi jyada badh gayi lekin ye kya wo gadi jake kisi building ke bahar jake ruki lekin shock ki baat ye nahi ki woh gadi ruki baat ye ki sahar ke bahar aise sunsan area me jaha agar raat ko toh kya din me bhi kisi ko jane me paseene chut jaye aisi jagah me aisi building aur usse badi baat woh building dikhne se kahi se bhi woh purani nahi dikh rahi thi use dekhne se lag raha tha ki uski roj roj servicing hoti hai
Jaise hi woh gadi ruki us gadi ka driver seat ka door bhi khul gaya jisme se ek aadmi suit buit pahna hua chehre par ek alag hi attitude ek alag hi rob tha aakhon pe stylish black goggles hathon me rolex ki brand new watch aur muh me mahangi sigar daba kar utar raha hai
Jab woh andae pahucha toh uska muh khula ka khula rah gaya Jitni speed se woh gadi chala raha tha usse jyada speed me uski dhadkane chalne lagi uska hath apne ap chsme pe gaya aur uski aakhon se stylish chasme ka parda hat gaya aur muh me dabayi hui sigar toh kab ka uska sath chod gayi thi uske samne ka najara kuch is prakar tha
Is haal ko dekhke toh woh aadmi 2 kadam piche hi gir gaya shaya is barbadi ko abhi tak samhal nahi paya tha jis wajah se uski sase bhi bhari ho gayi thi
Abhi woh aadmi khud ko samhal pata tabhi waha ek aami aa gaya jiski haalat bad se badtar thi usne kisi doctor ki tarah kapde pahne hue the lekin woh bhi phate hue uske sir se khoon nikal raha tha aur uska doctor ke white coat aadhe se jyada khoon se san ke lal rang ka hua tha
(gadi se utre hue aadmi ko hum boss kahenge aur dusre ko doctor)
Boss :- kya hua yaha ye haal kisne kiya
Doctor :-....
Ye sunte hi jaise boss ki tashrif phat ke 4 nahi 440 ho gayi thi uska hath dheere dheere uske dil ke pass gaya aur jo sase bhari ho rahi thi woh toh jaise tham hi gayi
Morning 5 am
Abhi subah ko me aur rahul apne ghar pahunch gaye the lekin rahul ko apne sawal ka jawab nahi mila tha
Hum us club se nikalne ke baad sabse pahle ek naya bank account khulwaya jisme hum dono ke account me 50,000 dalwa diye aur un paison se sabse pahle apne liye kapde, khana aur bhi jarurat ki chije liye
Phir hum ne ek bar se kuch beers ki bottels li aur sath me 2 sim bhi liye jo ki private the phir mene aur rahul ne ghar ke liye kuch aur kuch chije li
Phir me aur rahul ghar aa gaye rahul ghar me ghuste hi muh phulake dining table ke chair par baith gaya aur me bhi ek beer can kholke uske pass baith gaya
Me (beer pite hue) :- kya hua muh kyu phulaya hai
Rahul (shant)
Me :- kya hua bolega
Rahul :- shant
Me (beer ka sip lete hue) :- bolega bhi ya muh me fewikol laga ke bitha hai kya
Rahul :- shant
Me :- (sip lete hue) tujhe bhi chiye kya beer ja lele kisne roka hai tujhe
Rahul (chillake) :- bas bahut hua raat se yaha se waha ghumaye ja rahe ho aapka kuch samajh nahi aata
Me (beer ki last sip lete hue) :- chalo acha hai muh toh khula ab bol kyu muh phulake baitha tha
Rahul :- aapne gupta uncle ke sath deal ki hai ki aap unki hotel wapas dilaoge aur ab aap bol rahe ho ki aap use kharidne hi nahi wale toh kaise hoga
Me :- dekhta ja aage hota hai kya
Rahul :- nahi mujhe abhi janna hai rudra toh kabhi rahul se kuch nahi chipata tha
Yaha uske bolne ka arth asli wale se tha
Me :- jhut host (asli rudra) ne anjai ke baare me kabhi rahul (asli) ko nahi bataya tha aur nahi apne mission ke baare me batane wale the woh toh rahul ne apni jaan dene ki dhamki di thi isiliye bataya tha
Itna sunke Rahul (shadow) table pe pada hua chaku uthake apne gale pe laga leta hai
Rahul :- ab bolo kya plan hai aapka
Me jo use is quick action se abhi tak shock me hi tha
Me :- ye kya hai
Rahul :- aap mujhe abhi ke abhi apna plan batao nahi toh me sach me meri gardan kaat lunga
Me :- tere ko pata hai na tere aisa karne se kya ho sakta hai
Rahul :- mujhe kuch nahi pata aap mujhe batao nahi toh
~~~~~~~~~~~~~~~~~~
Aaj ke liye itna hi
~~~~~~~~~~~~~~~~~~
CBI chief Abhay ke dost ka beta hai rudra or Abhay ne case band karne ka kaha hai taki Pandey logo ko rudra Rahul ke bare me pta na Chal sake or MLA ke bete ka jhagda kyo hua tha Iska pta lgane kah diya hai...
Rudra ne Beast Rider ke naam se fight kari Jisme uske khilaf hjaro karod rupay lgaye logo ne or uska pura fayda rudra ko hua, 5 percent broker dev ne kaat liya apna, Tina Rani dip party ne bhi kafi kamaya aaj...
Dip ne to bank ko hi hack karke rupay nikale the pr Abhay ko pta Chal gya...
Yha ye Kon hai boss jo kisi Dr se vha huye kand ki jankari le rha hai, akhir kaisi jagah hai ye, kya hota tha idhar...
Ye Rahul bhunnaya hua baitha hai ki makanmalik ke hotel ki nilami ke bare me kuchh kr kyo nhi rha rudra or Usne to apni gardan me hi chaku lga li hai plan janne ke liye...
Superb updates bhai sandar jabarjast lajvab amazing updates with awesome writing skills bhai
