Update:-22
A Few Sentences From The 21th Update.....
dhamaka hua to sab bokhla gaye.. ab sabko sahi maano me jaan ke laale pad gaye.
thelma cheekhi:- niche chalo.. niche chalo.. humen khufiya raste se nikalna hoga..
karan:- khufiya rasta?
thelma;- haan aise hi kisi moke ke liye maine aate hi pahle qile me khufiya rasta banwa liya tha..
sab thelma ke sath khufiya raste hi or bhagne lage. nahi jante the, kal ka seedha thkaur karan singh aaj ek super agent me dhal chuka tha. jo keval ladna hi nahi janta tha. master plan bhi banana seekh gaya tha.
Now Farward.....
Update:-22
aag lagne se andhera chhat gaya tha. sabne guns hasil ki aur basement me bane khufiya raste ki or nikal pade. maine ek guns aur silencer lage pistols kuch magazines le liye. thelma ki baton se maine jan liya tha, thelma velly se jaane ke mood me nahi hai. wo bahar nikal kar velly ke logo ko bandi bana kar sabko ghutne tekne par majbur karne ka plan banaye hue thi. bade khaufnak irade the thelma ke. sath hi thelma ne dusre bache sathiyon ko bhi khufiya raste se nikalne ke liye order jari kar diye the.
par sab ke liye ek sath nikal pana asambhav tha.
ye baat mere plan ke against thi. aise to main thelma ko uske maksad me kamyab nahi hone de sakta tha. jitni speed se aag phel rahi thi. gang wale ladna bhul kar apni apni jaan bachane ki fikr me pad gaye the. main, themla kuch bade aur william, shephered aur kuch dusre sabse aage the. kaiyon ke hathu me torch thee. aur sab bhaagte hue qile se door hote ja rahe the.
jab us khufiya raste se nikle to koi soch bhi nahi sakta tha, aage bhi unko velly ke log milenge. sabke paas hathiyar the to velly wale bhi gaye guzre nahi the. khatarnak jung hui aur thelma gang ka safaya hone laga. kuch velly ke log bhi maare gaye. par achanak hamla hone se thelma gang ka tezi se safaya bhi hone laga.
chhupe rahkar silencer lage pistol se maine thelma gang ke kaiyon ko bhoon kar rakh diya. koi jaan hi nahi saka, wo kaise mare.. dekhte hi dekhte thelma gang ka naam o nishan mitkar rah gaya. ek moke par ek teer thelma ki jan lene wala tha. main kood kar thelma ke saamne aa gaya tha. jo teer thelma ke seene me paar hone wala tha wo mere daayen baazo me ja ghuma. main thelma ko liye ludakta hua door ja gira. thelma mujhe teer lage dekh kar cheekh padi. jaise hi main thelma ko liye door hatne laga. kuch hi der me baki ke bhi sare maare gaye.
thelma:- karan! tumne mere liye apni jan khatre me daal di.
karan:- pyar jo bohut karta hon tumse. kaise tumhari jaan khatre me dekh sakta tha. thelma ab yahan kuch nahi bacha. humen yahan se jana hoga.
thelma guse aur dukh se:- haan karan humen jaana hi hoga. hum fir laut kar aayenge karan. aur in kutton ko chun chun kar maar denge. fir kabhi koi bagawat janam nahi le sakegi.
maine thelma ki haan me haan milayi aur sarakate hue wahan se door hone lage. teer maine apne bazo se kheench nikala tha. hum zayada door nahi ja sake. bhagte hue kadam humen ghera daal kar khade ho gaye. mai aur thelma ek dusre ka hath pakde khade ho gaye.
thelma:- karan! kuch karo, hamare liye, organization ke liye yahan se nikalne bohut zaruri ha.
karan:- mai bhi wahi soch raha hon. par itno se lad pana hum dono ke liye mumkin nahi ha. hum khud ko inke hawale kar dete han. nahi to kai teer hamare jismo ke paar honge.
thelma ghabra kar:- nahi karan, ye velly wale ladkiyon ko apni dasi bana lete han. main mar to sakti hon, par kisi ko khud ko hath nahi lagane de sakti. karan mai sirf tumhari banke rahna chahti hon.
thelma ki awaz me mere liye pyar bohut tha. aur yahi pyar mujhe thelma ki jaan lene se rok raha tha. warna sab ke jaise thelma bhi maari ja chuki hoti..
hum aur baaten na kar saken. hum rassiyon me jakad diya gaya. fir humen wahan se lejakar kaidkhane me alag alag daal dia gaya. main aur thelma bohut cheekhe chillaye, humen ek sath kaid kar dia jaaye. par kisi ne hamari nahi suni aur chale gaye.. hum dono unchi unchi awaz me ek dusre ko pukarne lage. bohut door thelma ko band kar dia gaya tha. jahan hamari awaz to ek dusre tak pohnch sakti thi. par shabdo ki samjh nahi aa sakti thi.
yahi plan banaya gaya tha. thelma ko koi bhi zinda velly se jane nahi dena chahta tha. mere zor dene par meri baat maan li gai thi. izora ne sabse zayada bahas ki thi. wo to apne hathu se thelma ke tukde tukde kar dena chahti thi.
vibharu ke marte hi sardar hinaru wale kaidkhane par halla bol dia gaya tha. hinaru aur uske bete azad hue to jo velly wale vibharu ke sath ja mile the, wo hinaru ke azad hone aur vibharu ke marne par firse sardar hinaru ke sath ja mile..
puri raat search opetaion jari raha. qile me lagi aag ke chalte thelma gang wale kuch jal mare the, kuch qile se bhaag nikle the. jaise hi qila khali hua, aag par kabu pa liya gaya. barf se dhaki velly me aag khatarnak sabat ho sakti thi. ye baat pahle se soch li gai thi.. aag lagani kaise ha aur bujhani kaise ha.
agle 10 dino me kuch pakde gaye, kuch junglee janwaron ka shikar ban gaye. kuch ki akdi hui lashen mili to kuch muqabla karte hue maare gaye.. sunne me aaya tha velly ke 400+ log bhi maare gaye the. jo ek dukh bhari baat thi. bade maksad ko hasil karne ke liye jaanen to deni hi padti han.
thelma ko jis kaid khane me dala gaya tha, us kaid khane se nikalne ke liye thelma ke liye asani bana di gai thi. 2 din to thelma chinta aur guse me rahi. teesre din usay paya ki kaidkhane ki ek side ki deewar kuch tooti phooti ha. thelma ke andar utsukta jaagi to wo kam par lag gai. thelma jaan kar khush hui ki deewar me chhed bana kar wahan se bhaga ja sakta ha. thelma fir koshish me lag gai aur ek din ek raat ki mahnat se wo itna bada chhed banane me safal ho gai ki us kaid khane se nikal sake. aur thelma nikal gai. thelma ke liye raste pahle se hi khali rakhe gaye the. thelma wahan se nikli to usay meri fikr hui. wo wapis aai aur mujhe awazen dene lagi. mujhe khabar mil chuki thi, thelma azad hone me safal ho chuki ha. isliye maine thelma ko apni awaz na suna kar aisa show karwaya, jaise mera kaidkhana firse badal dia gaya ha. aur mujhe door kahin kaid kar dia gaya ha. yaki hum ek dusre se baat na kar saken.
mera abhi laut kar jana mumkin nahi tha. thelma wahan se nikli aur velly me kahin chhup gai. par wo nazar me rahi. jahan bhi jati, koi na koi uspar halla bol deta, aise me agle kai dino tak ye ankh macholi jaari rahi. aur fir thelma ne force ke sath wapis aa kar mujhe azad karwane aur velly par firse kabze karne ka mann mann bana lia aur wahan se nikal padi. main janta tha, thelma koi aam ladki nahi ha, maut ki ankhon me ankhen kar jeena jaanti thi. wo velly se nikal kar surakshit bahar ki dunya me laut jayegi. aur fir thelma ke liye raste me zarooriyat zindagi ka kuch saman bhi bikhra hua usay mil jata. jo pahle se hi planned tha.
jab mujhe khabar mili thelma ja chuki ha to mai bhi kaid khane se bahar nikal aaya. sardar hinaru aur sab mujhse milne ke liye bohut bechain the. mujhe bade samman ke sath kaidkhane se nikala gaya. velly jinki thi unko wapis mil chuki thi. sab khush the bohut khush..
kai din tak mere honor me jashan manaya jata raha.
vibharu ke sathi kuch maar diye gaye the, kuch kaid kar diye gaye the. wahan maujud meri dunya ke kaidiyon aur dasiyon ke liye maine sarar hinaru ko kuch alag se kaha to sardar ne pahle to meri mukhalifat ki. fir meri baat maan li gai. maine sabhi kaidiyon aur ghulamo ke liye normal zindagi ki darkhasht ki thi. sardar ko dar tha kahin ye bagawat na kar den. par maine sab kaidiyon aur ghulamo se baat karke unko mana liya. wo kabhi bahar ki dunya me wapis to nahi ja sakte, aise me kya wo yahin umar bhar ke liye ek shanti bhari zindagi jeena chahte han.
bohut thode the, jo har surat apni dunya me laut kar jana chahte the. baki sab ne velly ki zindagi par khushi ka izhaar kia.. jo sarkash the, unke sar kaat diye gaye. baki ke dilon me dar banaye rakhne ke liye..
mere liye velly se wapsi mumkin nahi ho pa rahi thi. mai jana to chahta tha. par inke liye kuch aisa karna chahta tha, firse kabhi koi velly me ghusne ki himmat na kar sake.. aur is ke liye mujhe 7 mahine aur lag gaye..
is 7 mahino me velly ki suraksha ke liye main badhiya sa plan banaya. thelma gang bepanah weapons bhi chhod gaye the. velly me parvesh karne wale raste par chaukiyan bana di gai. wahan kai kai hathiyarband 24 hrs maujud rahte the.
jaisa maine andaza lagaya tha, thelma aam laki nahi thi. wo zinda bach kar apni dunya me laut jaane me safal ho gai thi. wahi hua tha... 6 mahino baad wo to nahi par andaza ke mutabik uski gang ke 200 plus agents firse velly me parvesh karne ke liye aaye. par is bar wo velly me nahi ghus paaye. adhe se zayada maare gaye. jo bache wo wapis bhaag nikle..
jab ye khabar niche velly me sabko mili to khub hungama macha. sab bohut khush hue.. mujhe kandhon par utha liya gaya. izora aur baba ke sath sath sardar aur uske parivar wale mujhe dekh hasne lage.
ab tak main aur izora khul kar ek dusre se izhare mohabbat kar chuke the. par shadi nahi ki thi maine abhi izora se. main velly ko secure karne me laga hua tha. ab jab velly puri tarah surakshit ho chuki thi maine jaane ki baat chhed di.mere jane ki baat par sab dukhi ho gaye. par mujhe jana to tha hi..
izora baba ko dekhne lagi. main bhi baba ko dekhne laga.
baba:- karan beta! main apni zindagi guzar chuka hon, ab to mera devta ke paas jaane ka samay bhi ho chala ha. main nahi ja sakunga tumhare sath. haan tum izora ko apne sath le ja sakte ho.
izora tadap kar baba ke dono hath thaam gai.. bade hi jazbati andaz me boli
izora:- nahi baba, mai aap ko chhod kar nahi jaaungi. baba ya to main bhi yahi aapke paas rahungi ya fir aap bhi mere sath chalen.
izora ki ankhon me pani utar aaya tha. sab jo khush dikhai de rahe the, wo
dukhi ho gaye the.
baba:- mai janta hon izora beti tum karan se door nahi rah sakogi. isliye tum jaao karan bete ke sath. devta ka hath sada tumhare sar par rahe..
kuch dino bad meri aur izora ki shadi velly ke rivajo ke mutabik kar di gayi. mujhe to jaisa dunya ka anmol khazana hath lag gaya tha. meri khushi ka koi thikana nahi tha. izora ka chahra khushi se damak raha tha.
maine aur izora ne ek dusre se salah mashwara kiya aur humne suhagerat bahri dunya me manane ka faisla kar liya. wo isliye ki agar izora pet se ho jati to velly se uske liye nikal pana khatre se khali nahi tha. bahar ka sard mausam uske liye khatarnak sabat hota..
shadi ke baad main izora aur baba wapis se gufa me ja ponche the. aur wahin rahne lage the.. jis din humne wapis jana tha, us din baba ne mujhe apne saamne bethe ko kaha. main baba ke saamne ja betha.
baba:- har baap apni beti ko koi na koi tohfa deta ha, wo apne ghar me sada rani bankar rahe, yahi uski ichha hoti ha. karan beta, tumhari dunya me ek chiz aisi ha, jise pane ke liye dunya bhar ke log pahadon junglon me maare maare firte rahte han.
karan:- baba mai kuch samjha nahi?
baba:- mai samjhaunga nahi, dikhaunga!
baba ne apni jeb se lohe ka ek tukda nikala aur apni dusri jeb me maujud ek chhota sa kaale rang ka pathar nikal lia.. mai pathar ko dekhne laga. par mai kuch smajh nahi pa raha tha.
baba ne wo pathar us lohe ke tukde par ragadna shuru kar dia. main baba ko herani se dekhne laga. mai samjh nahi saka tha, baba ye kya kar rahe han. par kuch hi lamho me meri ankhen jaise phatne wali ho gayi. mera moh khul gaya. itna bada hairat ka jhatka mujhe zindagi me kabhi nahi laga tha. baba ke hath me maujud lohe ke tukde ne rang badalna shuru kar dia tha. jo dekhte hi dekhte sunahre rang me badal gaya.. aur badle rang ko dekh kar mai kah sakta tha, baba ke hath me maujud loha ab gold me convert ho chuka tha. main pagalpan ki hadh ko pohncha baba ke hath se gold bane lohe ke tukde ko jhapat kar apne hath me liye dekhne laga. baba aur izora muskurati ankhon se mujhe dekhne lage.
karan:- baba..ye..ye..baba ye aapne kaise kiya..
baba has pade:- karan beta, paras pathar ka naam suna ha kabhi tumne.
karan:- pp..paa..ras..
main haklane laga.
izora khilkhila kar has padi..
baba:- karan beta hum is pathar ko shapasha kahte han. tumhari dunya me is pathar ko paras pathar ka naam dia jata ha. jaante ho na paras lohe ko sona bana sakta ha.
main bolne layak nahi raha tha. khule moh ke sath haan me sar hila kar rah gaya.
baba:- karan beta, mai ye paras pathar tumhe bhent karta hon. meri beti ko wo khushiyan dena, jo mai bhi nahi de saka. maine meri beti ko kabhi dukh nahi aane dia, tum bhi kabhi meri beti ko dukh mat dena. warna meri aatma bechain rahegi.
baba ekdum se dukhi ho gaye. main gold side rakhta baba ke hath thaam gaya
karan:- baba is dunya me koi chiz anmol ha to wo ha paras pathar. aisa dunya wale sochte han. par baba mere liye sacha pyar anmol ha. izora par aise hazar paras kurban baba. izora meri jaan ha. aur apni jaan sabhi ko dunya ki har chiz se badhkar pyari hoti ha.
baba:- mujhe yakin ha karan beta. na hota to apne jigar ke tukde ko khud se kabhi door nahi karta.
karan:- baba main izora ke sath yahan aata jata raha karunga.
baba:- nahi karan beta, tum yahan mat aana. yahan pohnch pana khatre se khali nahi ha. jan jane ka khatra bohut zayada ha.
karan:- baba ab karan pahle jaisa nahi raha. aapne mujhe paras pathar dia ha baba. baba main is pathar se na keval ameer insan banuga. dukhi aur gareeb logo ki madad bhi karunga aur ek helicopter bhi le loonga. usay khud se udana seekhonga, fir mai aur izora uspar beth kar aapse milne aaya karenge.
izora khushi se aise uchhli.. baba ki parwa kiye bina hi mujhe chumna shuru kar dia.
baba hase bhi aur khush bhi hue
izora:- kochi dhi dhi masha lee lee leeshi ee ee eeshi
isbar hasne ki bari meri thi. izora bepanah khushi ke chalte apni asli bhasha bolne lagi thi. baba bhi sara dukh bhool kar hasne lage. izora kuch sharmai fir wo bhi hasne lagi..
47 din ke safar ke baad main apne kabile ke paas tha. sakht mausam ke chalte izora apne sath apne kisi paltu ko lekar nahi aa saki thi. jispar usay bohut dukh tha. mere liye izora ne baba ko, velly ko jo uski janam bhumi thi, aur sabko chhod dia tha. izora ka pyar pa kar main khud par garv mahsus kar raha tha. zindagi ne mujhse bohut kuch chheena tha. par izora ki surat mujhe dunya ka besh keemat khazana bhi bakhsh dia tha. izora mere liye anmol thi. anmol to mere liye paras pathar bhi tha. main bada heran tha, jis paras pathar ke liye har tarah ki soch rakhne wala vyakti pagal tha. jo pathar sabki nazron me ek kalpanik chiz thi, wo meri property ban chuka tha.
izora ko mai mil gaya tha. wo khushi se phooli nahi sama rahi thi. par usay junglee janwaron bina rahne ki adat bhi nahi thi. isliye wo badi bechain thi. jahan kabila tha, wahan se kuch door bhi kuch junglee janwar paaye jate the. jab maine izora ko ye bataya to wo khush se uchhal padi.
izora:- karan pahle wahin chalte han na
izora ke chahre par bachhu jaisa shok dekh kar main usay inkar nai kar saka. aur hum kabile me pahle na ja kar udhar nikal pade the.
ab hum firse kabile ke pass the to hamare sath ek sher, ek sherni aur do bandar the.. izora ne kuch hi ghanton me unhe apna deewana bana liya tha. hum do aur hamare chaar, kul mila kar 6 sadaso ka bana ek parivar kabile ke bilkul karib pohnch chuka tha. jaise hi sabse pahle junglee ki nazar humpar padi wo cheekhta hua bhaag nikla.
wo chilla raha tha:- sher aa gaye.. sher aa gaye..
dekhte hi dekhte kai kabile wale talvaren kulhade liye daudte hue nazar aaye. sher aur sherni dahadne lage aur izora ne mera bazo pakad liya.
izora:- karan mera doston ko maar denge
karan:- chinta na karo izora.. ye mera kabila ha. sab mujhe dekh pahchan jayenge.. tum bas apne dosto ko shaant karo..
izora apne doston ko shant karne lagi. kabile wale bhaagne bhaagte heran nazar aaye.
2 sher, do bandar ek mard ek ladki.. jaise hi wo paas pohnche wo cheekh pade.. wo mujhe pahchan gaye the
"karrraaaaannnnnnnnnnnnnn"
fir to jaise ek halla mach gaya. sher sherni aur bandar bhi jald samjh gaye, wo apnu me han. wo side khade tamsha dekhne lage.. dedh saal baad mujhe sab dekh rahe the. as expected manzar tha. kai ro rahe the. kai meri jai jai kaar kar rahe the. bindu ne mujhe kai thappad maar diye. fir mere gale me baahen daal kar rone lagi. bindu ko mere gale lagi dekh izora bindu ko khuni ankhon se dekhne lagi
main dar gaya, kahin izora kuch galat na kar bethe
mai bindu ko khud se alag karta hua izora se bola:- izora isse milo ye ha meri bahan bindu. bindu ke baare me maine tumhe bataya tha na.
shukar ha bindu ka naam jaan kar izora ke chahre ke bhav badalne lage. fir dono mili aur main amar se milne laga. amar ne puri jaan laga kar meri pasliyan todni shuru kar di.. sath wo sisak bhi raha tha
amar:- mere yaar.. tune to hum sab ko maar hi dia tha. kahan chala gaya tha.
karan:- tum jaise dosto ki dauen aur pyar mere sath tha, to kaise mai marta.
amar:- par tu tha kaha mere yaar
karan:- bata dunga, sab bata dunga. pahle sabse mil lene do.
amar ankhen saaf karta side aur main ek ek karke sabse milne laga. jogi ji maharaj bhi ankhon me ansu liye ek side khade mujhe dekh rahe thi. meri fikr me wo kitne duble ho gaye the. maine baba ke chran chhue. baba ne mujhe thaam mujhe gale se laga liya. aur sisakne lage. baba ko pahli bar mai rote hue dekh raha tha
baba:- mujhe vishwas tha mera karan zarur laut kar aayega. ab tak na maine ya hi kisi aur ne tere marne par vishwas kiya tha. dekh amar aur bindu ne ab tak shadi bhi nahi ki.. wo jante the, tum ek din zarur laut kar aaoge. dekh pura kabila kaise tujhe dekh kar khush ho gaya ha.
amar aur bindu ke chahre bhi khil uthe. sab mujhe dekh jitne khush the, utne hi izora aur uske dosto ko dekh heran the. izora sundra me aisi thi, pure kabile me kya shayad is puri dharti par izora jaisi koi dusri nahi thi.
ek ek karke main sab se mila.. apne dosto se, sugandha chachi se.. sabse mila.. sab bohut the mujhe wapis se apne beech pa kar..
khurpa singh meri kamar par chukti kaatta hua:- kasam se karan! tu maal bohut badhiya laya ha.
paas khade sab hasne lage
karan:- tu chahta ha tujhe bhi aisi hi koi mil jaaye to main tujhe ek jaga bata deta hon, wahan ja, agar bach kar 2-4 saal me wapis aa gaya to tere sath bhi ek aisi hi item hogi.
khurpa singh dil khol kar hasa.. aur sab pet pet kar hasne lage..
kuch der me hum sab kabile ke andar the. main aur izora baba ke saamne bethe the. dono bandar andar the to dono sher bahar.. jinke aage maas daal dia gaya tha. wo aram se apna pet bhar rahe the.
baba mujhe mere ghar ke halaar batane lage. jitna wo jante the, wo bata rahe the. izora herani se hum dono ke moh tak rahi thi. baba mujhse junglee bhasha me baat kar rahe the, jo izora ke palle nahi pad rahi thi. ek baar izora ne meri kamar par chukti kaat li.
maine usay dekha to:- ye tum dono kis bhasha me baat kar rahe ho. hindi me baat karo na.
mai aur baba muskura pade.. fir baba hindi me bole:- mai bhul gaya tha beti, tu hamare kabile ki nahi ha. bohut samay ke bad karan bete se mila hon to apni bhasha me ise iske ghar ke halaat batane laga.
fir hum hindi me baat karne lage. mere bare me sunkar izora ko maza bhi aa raha tha aur gusa bhi. wo heran bhi thi aur mere liye dukhi bhi..
baba se baaten hoti rahi, fir bindu ke paas ja pohnche. bindu izora ko chhedne lagi. tooti phooti hindi bindu bhi jaanti thi. baaton baaton me bindu ne izora se jaan liya, abhi tak humne suhagrat nahi manai ha.
bindu ne kabile ki ladkiyon aur aurton ko bata dia. sabne firse hamari kabile ke rivako ke anusar shadi ki baat kar di. bohut samay ke bad koi shubh ghadi aai thi. kaise koi peecha rahta. sabne meri aur izora ki firse shadi ki tayari shuru kar di
sugandha chachi se bhi mai mil chuka tha. wo mujhe dekh ek bar firse ji uthi thi. aur main soch raha tha, izora ke rahte main chachi ko uski khoi khushiyan kaise de sakunga. thelma ko hi izora ne badi mushkill se sahn kiya tha. wahan mera rahna zaruri tha, velly ka bhi sawal tha, isliye izora maan gai thi.
sugandha chachi ne bindu aur amar ke mata pita se kah dia. lage hath in dono ki bhi shadi kar di jaaye. jise sunkar wo bhi khush hue. aur kaible me do do shadiyon ki tayari shuru kar di gai.
izora jo kahti aai thi, uski velly ki shadi dekhne layak hoti ha. par yahan kabile ke rivaj dekh izora dang rah gayi. itni khush hui thi wo mashalon ki roshni bhi uske chahre ki chamak damak ke aage madham pad gai.
izora ek baar firse meri ho gai thi. aur is baar main aur izora puri tarah ek ho jana chahte the. ab aur doori sahn kar pana hum dono ke liye mumkin nahi tha.
post kar dia gaya ha dosto...
